Azərbaycan Respublikasının Prezidenti İlham Əliyev “2024 - Yaşıl dünya naminə həmrəylik ili” ilə əlaqədar sosial şəbəkə hesablarında paylaşım edib.
Həmin paylaşımı təqdim edirik.
 |
|
|
Yeni təmirdən çıxan BDU-da istilik sistemi niyə işləmir?Bakı Dövlət Universiteti (BDU) tərəfindən keçirilən 2 satınalmaya yekun vurulub.
Yeniavaz.com xəbər verir ki, hər iki satınalma bir mənbədən satınalma üsulu ilə keçirilib.
Satınalmanın nəticəsinə görə, “Euroservise” MMC (VÖEN – 1503047971) 19 dekabr 2023 – 30 aprel 2024-cü il tarixləri arasında universitetin yeni qazanxanasına qaz xətti çəkəcək və qarşılığında 76 min 590 manat 44 qəpik alacaq.
“TFM-Smart Project” MMC (VÖEN – 6001055841) isə 2 saylı tədris binasının əsaslı təmiri işləri ilə bağlı mövcud olan layihə-smeta sənədlərinə əlavələr hazırlaycaq və qarşılığında 135 min 169 min manat alacaq.
Tender müsabiqələriylə bağlı diqqət çəkən məqam odur ki, 2 saylı korpusda əsaslı təmir işləriylə bağlı tender müsabiqəsi bu ilin əvvəlində keçirilib. Tenderin qalibi “Vest-LTD” QSC (VÖEN – 2100393871) olub. Qalib şirkətə 10 milyon 950 min 396 manat 33 qəpik ayrılıb. Müsabiqənin şərtlərinə görə 2 saylı korpusda əsaslı təmir işləri bu ilin dekabr ayının 30-da başa çatmalı idi.
Sentyabr ayının 8-də mətbuatda yer alan məlumatlarda bildirilir ki, 2 saylı korpusunda əsaslı təmir işləri başa çatmaq üzrədir. Binanın zirzəmisindən damına qədər bütün mərtəbələri, auditoriyalar, inzibati otaqlar, laboratoriyalar, sanitar qovşaqlar, liftlər müasir standartlara uyğun şəkildə yenidən qurulub, bütün kommunikasiya xətləri, yanğınsöndürmə sistemi yenilənib. Qeyd edilib ki, qazanxana və drenaj sistemi yenilənib.
Maraqlıdır ki, sentyabr ayında açıqlanan məlumatlarda 2 saylı korpusda əsaslı təmir işləri başa çatmaq üzrə olduğu bildirilsə də, BDU 3 ay sonra - dekabr ayında əsaslı təmirlə bağlı 135 min manatlıq yeni layihə-smeta sənədləri hazırlayır. Eyni zamanda yeni qazanxanya yeni qaz xəttinin çəkilməsi korpusun istifadəyə verilməsindən 3 ay sonra – qış fəslində həyata keçirilir. Hər iki satınalma da bir mənbədən satınalma üsulu ilə keçirilib.
Məlumat üçün onu da bildirək ki, dekabr ayının 18-də Bakı Dövlət Universitetinin müəllimi Araz Əliyev sosial şəbəkə hesabında paylaşım edərək bildirib ki, tədris müəssisəsinin auditoriyalarında bir həftədir ki, soyuqdur, istilik sistemi isə işləmir.
Bu paylaşımdan 5 gün sonra Araz Əliyev polis tərəfindən saxlanılaraq İnzibati Xətalar Məcəlləsinin 510-cu (xırda xuliqanlıq) maddəsi ilə təqsirli bilinib və 25 sutka inzibati həbsə məhkum edilib.
Azərbaycan Respublikasının Prezidenti İlham Əliyev “2024 - Yaşıl dünya naminə həmrəylik ili” ilə əlaqədar sosial şəbəkə hesablarında paylaşım edib.
Həmin paylaşımı təqdim edirik.
Xarici işlər naziri Ceyhun Bayramov Prezident İlham Əliyevin Azərbaycana qarşı ikili standartlar sərgiləyən xarici diplomatı necə susdurmasından danışıb.
"DogruXeber.az" xəbər verir ki, XİN rəhbəri AzTV-də yayımlanan "Əsas məsələ" verilişində açıqlamasında deyib:
"Danışıq ingilis dilində idi. Amma cənab Prezidentin dediyini Azərbaycan dilinə tərcümə etsək, bu ifadə "Siz etdiyiniz ikili standartların dərsliyidir" idi. Mənə çox maraqlı idi ki, bu məqamda reaksiya, izahat necə olacaq. Qısa zamanda gördüm ki, sükut... Heç bir kontur-arqument gətirilmədi".
Bakı Ağır Cinayətlər Məhkəməsində hakim Fərid Namazovun sədrliyi ilə Azərbaycan Həmkarlar İttifaqlarının İdman Təşkilatları Assosiasiyasının keçmiş sədri Nadir Əliyev və "Yasamal” idman-sağlamlıq klubunun sabiq direktoru Alik Həsənovun məhkəmə prosesi davam etdirilib.
Dekabrın 25-də keçirilən prosesdə Nadir Əliyev sərbəst ifadə verib.
O bildirib ki, 2007-ci ildən Azərbaycan Həmkarlar İttifaqlarının İdman Təşkilatları Assosiasiyasının sədri vəzifəsində işləyib.
Nadir Əliyevin iddialarına görə, baş verənlərdə onun hər hansı təqsiri yoxdur. O, bütün məsuliyyəti Alik Həsənovun üzərinə atıb.
Nadir Əliyev deyib ki, Alik Həsənov bu əməllərinə görə işdən də çıxarılıb.
Lakin vəkillərin suallarından aydın olub ki, Nadir Əliyev ibtidai istintaqa fərqli ifadə verib.
O, ifadəsində Azərbaycan Həmkarlar İttifaqları Konfederasiyasının sədri, deputat Səttar Möhbalıyevin adını hallandırıb.
Nadir Əliyev məhkəmədə iddia edib ki, ibtidai istintaqa bu cür ifadə verməsi zərərçəkənlərdən birinin vəkili olan Aslan İsmayılovun və öz vəkilinin ona təsir göstərməsi nəticəsində olub. “Mənə dedilər ki, səni 10 ildən çox “iş” gözləyir. Ona görə də rəhbərliyin adını çəkməlisən. Amma bu işlərin ona heç bir aidiyyatı yoxdur. Əksinə, mən bu barədə rəhbərliyə məlumat verdikdən sonra Alik Həsənov işdən çıxarılıb”, - deyə Nadir Əliyev bildirib.
Zərərçəkənlər isə Nadir Əliyev doğru danışmadığını bildiriblər. Çünki o, zərərçəkənlərə də sənədlərin rəhbərliyə təqdim olunduğunu və sənədləşmə işlərinin getdiyini bildirib.
Bundan başqa, Aslan İsmayılov ona bu işin fiqurantlarından olan Əfqan adında biri barədə sual ünvanlayıb. Vəkilin sualın aydın olub ki, həmin şəxs də eyni qaydada aldadılıb. Lakin sonradan Nadir Əliyev ona dəymiş zərəri ödəyib.
Aslan İsmayılov bu barədə məhkəməyə verdiyi açıqlamada bildirib ki, Nadir Əliyev indi istintaqa verdiyi izahatlarından imtina etməsinə baxmayaraq əvvəllərdə belə işlərlə məşğul olub və sübut üçün Əfqan adında şəxslə onun arasında baş verən münaqişə haqqında sual verib.
Nadir Əliyev isə bu barədə danışmaq istəməyib və sualdan yayınıb.
Ümumiyyətlə, Nadir Əliyev özü barədə olan bütün ittihamları rədd edib. Baxmayaraq ki, bir neçə zərərçəkən onunla görüşdüyünü və statdion satışı ilə bağlı məsələləri müzakirə etdiyini bildirib.
Alik Həsənovun vəkili isə Nadir Əliyevin bu işlərdə rolu olduğunu sübut edən səs yazısının olduğunu bildirib.
Vəkil həmin səs yazısının dinlənilməsi barədə vəsatət qaldırıb.
Hakim Nadir Əliyevin ibtidai istintaqa verdiyi ifadənin elan olunmadığını əsas gətirərək vəsatəti baxılmamış saxlayıb. Fərid Namazov bildirib ki, növbəti prosesdə Nadir Əliyevin ifadəsi elan olunduqdan sonra bu məsələyə baxıla bilər.
Bundan sonra proses növbəti ilin yanvarın 8-nə təxirə salınıb.
Xatırladaq ki, Baş prokuror yanında Korrupsiyaya qarşı Mübarizə Baş İdarəsində aparılan istintaqla Nadir Əliyevin Alik Həsənovla qabaqcadan əlbir olaraq Bakı şəhəri, Yasamal rayonu, Həsən bəy Zərdabi prospekti 69D ünvanında 1,26 hektar torpaq sahəsində yerləşən sözügedən stadion ərazisini guya həmin yerdə hündürmərtəbəli binanın inşa edilməsi məqsədi ilə 5 milyon 500 min manata sata biləcəklərini ayrı-ayrı sahibkarlara bildirmələrinə, həmin məsələnin həlli üçün əvvəlcə beh verilməsi, habelə Konfederasiyanın rəhbər vəzifəli şəxslərinə rüşvət qismində çatdırılması adı ilə sahibkarladan cəmi 900 min manat məbləğində pul vəsaitini aldatma yolu ilə ələ keçirmələrinə əsaslı şübhələr müəyyən edilib.
Bundan başqa, istintaq zamanı Alik Həsənovun həmin vəzifədə işləyərkən eyni üsul və məqsədlə direktoru olduğu stadionun ərazisini digər sahibkara 8 milyon manata sata biləcəyini bildirməsinə, bunun üçün aidiyyəti vəzifəli şəxslərə rüşvət verilməsi və müvafiq sənədləşdirmənin aparılması adı ilə sahibkara məxsus 360 min manat məbləğində pul vəsaitini təkrarən ələ keçirməsinə də əsaslı şübhələr müəyyənləşdirilib.
Qeyd edilən hallarla bağlı toplanan ilkin sübutlar əsasında Nadir Əliyev və Alik Həsənova müvafiq olaraq Cinayət Məcəlləsinin 178.4 (xüsusilə külli miqdarda ziyan vurmaqla dələduzluq) və 32.4, 312.1 (rüşvət verməyə təhrik etmə) və 32.4, 312.2-ci (rüşvət verməyə təkrarən təhrik etmə) maddələri ilə cinayət işi başlanılıb.
Xüsusi qeyd;
Bir qədər əvvəl Azadliq Radisosu bu məsələ ilə bağlı məqalə dərc etmişdi və orda belə bir başlıq var idi.
“Prokurorluq niyə Səttar Möhbalıyevi kənarda saxlayıb?”
Zərərçəkənlərdən Elçin Rüstəmovun vəkili Aslan İsmayılov məhkəmədə vəsatət qaldırıb ki, Azərbaycan Həmkarlar İttifaqları Konfederasiyasının sədri, deputat Səttar Möhbalıyev məhkəməyə çağırılıb dindirilsin. Onun sözlərinə görə, təqsirləndirilən Əliyev ifadəsində zərərçəkmiş Elçin Rüstəmovdan aldığı pulu aparıb Konfederasiyanın rəhbəri Möhbalıyevə verdiyini etiraf edib. Lakin prokurorluq istintaq dövründə bu məsələnin üstündən keçib, araşdırma aparmayıb.
“Prokurorluq niyə Səttar Möhbalıyevi kənarda saxlayıb, bir dəfə də çağırıb dindirməyib? Bu işlərin başında dayanan Səttar Möhbalıyevdir. Bu gün yenə kənarda qalsa, artıq bu ölkədə hüququn olduğuna inanmayacağam. Necə olur, 5 faiz alanlar müttəhimlər kürsüsündədir, Səttar Möhbalıyev isə Milli Məclis kürsüsündə?”, – vəkil İsmayılov belə deyib.
Vəkil Aslan İsmayılov yenidən bu məsələnin üstünə qayıdaraq Nadir Əliyevin istintaqa verdiyi izahatdan niyə imtina etdiyinə belə aydınlıq gətirdi:
" Nadir Əliyev əvvəllər məhkəməyə xəstəhallı gəlirdi. İndi maşallah gümrahdır. Heç elə bil xəstə olmayıb. Və bundan başqa verdiyi izahatlardanda imtina edərək Səttar Möhbalıyevin bu məsələyə dəxli olmadığını deyir. Çünki artıq Həmkarlardsa seçki keçirilib və Səttar Möhbalıyev seçilib. Deməli Nadir Əliyevə onu qurtaracağına söz verib. Ona görədə Nadir Əliyev sağlamlaşıb və keçmiş izahatlarından imtina edir."
Teref. Xocanın bloqu
Səhifəmiz hamının üzünə açıqdır.
Ağstafa şəhəri, Azər Yusifli küçəsi sakini Yusifov Elməddin Bayram oğlu tərəfindən “Hürriyyət”in redaksiyasına şikayət məktubu daxil olub. Şikayətçi iddia edir ki, ona qarşı həyata keçirilən cinayət faktının üstünü açmamaqda maraqlı insanlar var:
“Mən, Yusifov Elməddin Bayram oğlu, Ağstafa şəhəri, Azər Yusifli küçəsi, ev nömrə 1-də yaşayıram. 2022-ci il iyun ayının 15-dən 16-na keçən gecə, təxminən saat 3 radələrində mənə məxsus olan 09-BR-717 markalı VAZ 2107 maşınım yandırılmışdır.
Bu, məndə əsaslı şübhələr oyatdı. Dərhal məsələ ilə əlaqədar Yanğından Mühafizə İdarəsinin 101 “qaynar xətt”inə məlumat verdim. Qısa müddətdə Yanğından Mühafizə İdarəsinin əməkdaşları gəldi, yanğın söndürüldü. Həmin vaxt DİN-in əməliyyat və təhqiqat qurupunun əməkdaşları da hadisə yerinə gəldilər. Araşdırma nəticəsində məlum olmuşdur ki, maşınımın döşəməsinə neft və yağ tökərək yandırılmış və maddi olaraq 10 min manat dəyərində ziyan vurulmuşdur.
Onu da nəzərinizə çatdırıram ki, maşınım yandırılmamışdan əvvəl, şinlərinə müxtəlif vaxtlarda qəsdən kəsici-deşici alətlə təxminən 5-6 dəfə ziyan vurulmuşdur. Olanlarla əlaqədar DİN-in 102 xidmətinə məlumat vermişəm. Nəticədə, Ağstafa rayon Polis Şöbəsinin əməkdaşı, baş leytenant Əlövsət müəllim (soyadı qeyd olunmur – red.) şinlərin deşilməsi ilə bağlı izahatımı almışdır.
Maşını bazarın ətrafında, kameranın yanında saxlamışdım. Bu barədə Əlövsət müəllimdən xahiş etmişdim ki, kameranı açıb baxsın və şinləri deşənin kimliyi bilinsin. Polis əməkdaşı bir neçə dəfə bəhanələr gətirərək, baxış keçirmədi. Əsəblərimi sakitləşdirə bilməyib ona bildirdim ki, bundan sonra mənim maşınıma və özümə kim bir xəta yetirərsə, məsuliyyəti birbaşa siz daşıyırsınız.
Bu söhbətin üstündən təxminən 20-25 gün keçəndən sonra maşınımı qəsdən yandırdılar.
Əlimi hər yerdən üzərək Sizə müraciət edirəm, prpblemimi işıqlandırın, mənə kömək edin.
İki dəfə cənab general Vilayət Eyvazovun, bir dəfə Arzu Daşdəmirovun qəbulunda olmuşam. Lakin işimdə heç bir dəyişiklik olmamışdır. Ağstafa rayon Polis Şöbəsinin rəisi Vüqar Xəlilov və müavini Qurban müəllim mənə deyir ki, “get, kimə istiyirsən müraciət et”. Vüqar müəllim və Qurban müəllim barəsində Bakı Şəhər Prokurorluğuna öz ərizəmlə müraciət etmişəm. Oradan mənə dedilər ki, narahat olma, məsələn həll olunacaq. Lakin üzərindən 2 ay keçməsinə baxmayaraq, hələ bir cavab yoxdur.
Sizin qəzet vasitəsilə cənab Prezident İlham Əliyevə və Azərbaycanın birinci xanımı, Birinci vitse-prezident Mehriban xanıma müraciət edirəm. Xahiş edirəm ki, mənim işimə baxılması ilə bağlı müvafiq qurumlara tapşırıq verəsiniz.
Heç bir yerdə işləmirəm, ata yurdunda qalıram, çətinliklə 2 əsgər böyüdürəm. Xahiş edirəm mənə kömək olun. Cinayətkarların tapılmasını, mənə dəyən zərərin qarşılanmasını istəyirəm”.
Hazırladı: Jalə FAMİLQIZI
Redaksiyadan: Yazıda adları qeyd olunan şəxslərin mövqeyini dərc etməyə hazırıq.
Prezident İlham Əliyev ad günündə ailəsi ilə bir yerdə!
Mən əslində Naxçıvana səfərim zamanı çəkdiyim bu şəkil və videoları paylaşmayacaqdım. Çünki bir Türk iş adamı olaraq Emin Uçarın Vasif Talıbovla anlaşaraq Naxçıvan insanının haqqına girməsinin, yüz milyonlarla manat müqabilində Muxtar Respublika iqtisadiyyatını böyrü üstə yatırmasının ictimai rəydə fərqli qənaətlər formalaşdıra bilməsindən çəkinmiş və belə bir qənaətin ortaya çıxmasında rol almaq istəməmişəm. Amma indi “Arkoz” şirkətinin öz eybinə kor olub susmaq əvəzinə bir də məni qərəzçilikdə, kiminsə tərəfini tutmaqda günahlandırması bəndənizi çəkdiyi bəzi video və fotoları paylaşmağa vadar edir.
Əziz izləyicim, bu videoya diqqətlə baxın. Duzdağda “Arkoz” tərəfindən inşa olunmuş və indiyədək yalnız test çalışmalarından başqa heç bir zaman işlədilməmiş duz zovodunda qurulan cihazlar pas atıb. Halbuki bu makinalar guya paslanmaz dəmirdən düzəldilib. Buna baxmayaraq, bir gün belə ciddi işləmədiyi halda həmin makinaların düşdüyü duruma baxın. Sözün həqiqi mənasında pas əlindən tərpənmək olmur. Üstəlik, bu paslı makinalar duz zavodunda Azərbaycan insanının süfrəsini bəzəyəcək qida məhsullarına dad qatmaq üçün quraşdırılıb. Yəni məlum zavod texniki səbəbdən işləməz hala düşməsəydi, bəlkə də gün işlətdiyimiz duz gördüyünüz paslı makinaların ağzından çıxıb bizim mədəmizə daxil olacaqdı.
Maraqlıdır ki, “Arkoz”un mütəxəssisləri bu pası pas saymır. Onların fikrincə, sarı-qəhvəyi rəngi az qala göz çıxaran bu korroziya hadisəsi dəmirin paslanması deyil, sadəcə oksidləşməsidir. Adamlar anlamırlar ki, dəmirin oksidləşməsi elə paslanması deməkdir.
Mən həmişə Azərbaycanın özünütanımaz məmurlarının Türk iş adamlarının başına gətirdiyi müsibətlərə kəskin qarşı çıxmışam. Bunu Türk dünyasının həmrəyliyinə və birliyinə vurulan zərbə kimi qiymətləndirmişəm. Amma eyni zamanda bəzi özünütanımaz Türk iş adamlarının yerli məmurlarla işbiriliyinə girib Azərbaycan xalqını aldatmasını, bu da azmış kimi, incə söz oyunlarından istifadə edərək, adi bir paslanmanı digər adıyla oksidləşmə kimi göstərərək, ictimaiyyətimizi axmaq yerinə qoymasını da qınayıram. Və bunu da iki qardaş dövlət arasında münasibətlərə xələl gətirəcəyini, Əlahəzrət tarixin yaratdığı Türk dünyası birliyi yaratmaq şansını baltalayacağını düşünürəm. Böyük milli hədəflər kimlərinsə cılız şəxsi maraqlarına qurban verilə bilməz. Belə insanlar hər iki dövlət tərəfindən ağır şəkildə cəzalandırılmalıdırlar.
Heydər Oğuz
Teref. Xocanın Blogu
Səhifəmiz hamnın üzünə açıqdır
Ötən yazımızda “Azərlotoreya” və “Misli” tərəfindən Reklam Haqqında Qanunun tələblərinin kobud şəkildə pozulmasına toxunmuşduq. Elə həmin qanunun 12-ci maddəsində qeyd olunur ki, yetkinlik yaşına çatmayanlara mənəvi və fiziki baxımdan zərərli təsir göstərə bilən reklam məktəbəqədər və ümumi təhsil müəssisələrinin ərazisindən müvafiq icra hakimiyyəti orqanının müəyyən etdiyi məsafədən yaxın yerləşdirilə bilməz. Eləcə də 32-ci maddənin 6-cı bəndində “İdman mərc oyunlarının, lotereyaların reklamı” qanunla tənzimlənir. Orda yazılıb ki, idman mərc oyunlarının, lotereyaların açıq məkanda reklamı uşaq və təhsil müəssisələrindən azı 100 metr kənarda olan reklam daşıyıcılarında yerləşdirilir.
Bəs qanunun bu tələbinə necə əməl olunur? Yetkinlik yaşına çatmayanları mərc oyunlarının zərərli reklamlarından qoruya bilirikmi?
Məktəbəqədər və ümumi təhsil müəssisələrini, eləcə də onlara gedən yolları mərc oyunlarının, lotoreyalarının təsirindən uzaq tuturuqmu?
Bu suala birmənalı olaraq “yox” cavabı vermək mümkündür. “Niyə”sini yazının davamında izah etmişik. Belə ki, bu gün Bakı şəhərində, eləcə də bölgələrdə təhsil müəssisələrinin yerləşdiyi ərazilər “Topaz” məntəqələri tərəfindən açıq-aşkar mühasirəyə alınıb. Bir çox ərazilərdə isə belə məntəqələr bilavasitə məktəblərlə üzbəüz, yaxud da ora apraran yolların üzərində yerləşir. Uşaq vaxtı əzbərlədiyimiz bir şeirdə məktəb yollarının müqəddəsliyindən bəhs edilirdi. Bu müqəddəsliyi nə tez unutduq?!
Binəqədi rayonundakı “Topaz” məntəqələrindən biri 9-cu mikrorayonda, Mir Cəlal küçəsində 267 saylı orta məktəbin yaxınlığında öz “müştərilərini” gözləyir. Kim zəmanət verə bilər ki, həmin müştərilərin arasında 267 saylı məktəbin şagirdləri olmur?
Elə həmin ərazindəki digər məntəqə isə 162 və 156 saylı uşaq bağçasının, eləcə də 247 saylı məktəbin bir neçə addımlığında yerləşir.
İbrahim Sadıqlı küçəsində 246 saylı məktəb-lisey kompleksi ilə düz üzbəüz “Topaz”ın məntəqəsinə rast gəlmək mümkündür. Məsud Davudoğlu küçəsində isə 115 saylı orta məktəbə gedən yolun üzərində də eyni mənzərədir. 8-ci mikrorayondakı 135 saylı orta məktəbə gedən uşaqlar da hər gün “Topaz” məntəqəsinin qarşısından keçməyə “məhkumdurlar”.
Belə acınacaqlı vəziyyət Nərimanov rayonunda yaşanır. Özü də ordakı durum daha acınacaqlıdır. Belə ki, 45 və 212 saylı orta məktəblər “Topaz” məntəqələrinin “mühasirəsindədir”. Bəli, burada bir-birinə yaxın iki məntəqə yerləşir. Bu məntəqələrin birindən isə 56 saylı körpələr evi – uşaq bağçasına cəmi 10-15 addımdır.
Nəsimi rayonunda iki çox vacib təhsil ocağı hamıya tanışdır. Bunlar Xarici Dillər Universiteti ilə Slavyan Universtitetidir. Görünür, “Topaz” məntəqəsinə öz qurbanların cəlb etmək istəyənlər də həmin məqamı nəzərə alıblar. Özü də təkcə bu iki ali məktəbi öz “təsir dairələrinə” salmayıblar. Bu iki ali təhsil ocağı ilə yanaşı, 268 saylı və 164 saylı orta məktəblərə gedənlərin də yolu hər gün “Topaz” məntəqəsinin önündən keçir.
İnsanları qumar oynamağa sövq edən belə məntəqələrdən biri Salatın Əsgərova küçəsində özünə “strateji mövqe” tutub. Məhəmməd Naxçıvani küçəsindəki “Topaz” məntəqəsi isə yaxınlıqdakı İlahiyyat İnstitutu ilə Azərbaycan Dövlət Uşaq Flarmoniyasını “öz nəzarətində” saxlayır.
Ümid edirik ki, həyatını ilahiyyata bağlayan, dini daha dərindən öyrənməyə çalışan tələbələr qumarın haram olduğundan xəbərdardılar və yollarını “Topaz”dan salmırlar. Gərək, bu təhsil ocağında təhsil alan tələbələr savab iş görsün, Uşaq Flarmoniyasında təhsil alanların da yollarını “Topaz”dan salmaması üçün təbliğat aparsınlar.
Nizami rayonunda da “Topaz” məntəqələri sıx şəkildə fəaliyyət göstərir, insanları qumar oyunlarına cəlb etmək üçün gözəgəlimli yerlərdə öz şikarlarını gözləyirlər.
Kim zəmanət verə bilər ki, bu rayondakı 220 və 210 saylı məktəbdə təhsil alan şagirdlər hər gün dərsə gəlib-gedəndə “Topaz”da kupon yazmaq həvəsinə düşmürlər?
Cəmşid Naxçıvanski küçəsində birdən-birə düz dörd məntəqə yerləşir ki, onların dördü də həmin məktəblərə aparan yolların üzərindədir. 62 saylı lisey-məktəbin və 214 saylı orta məktəbin şagirdlərinin, eləcə də onların valideynlərinin işi asan deyil. Çünki bu iki təhsil olcağının ətrafında nə az, nə çox – düz üç “Topaz” məntəqəsi fəaliyyət göstərir. Metronun “Qara Qarayev” stansiyasının yaxınlığındakı məntəqələrdən biri isə “Kimya-Biologiya Təməyyüllü Liseyin qonşusudur.
Yasamal rayonunda da oxşar vəziyyətdir. 13 saylı orta məktəbə gedənlər yaxınlıqdakı “Topaz” məntəqəsinin önündən keçməlidirlər. 29 saylı orta məktəb isə “Topaz”ın düz dörd məntəsiylə əhatələnib. Yəni ki, şagirdlər və onların valideynləri yollarını hardan salsalar da, mütləq qumar obyektinin önündən keçməli, ordakı bərli-bəzəkli, kasıb insanları özünə cəlb edən reklamları görməlidilər.
Bu səyahətimizi davam etdirdikcə belə arzuolunmaz qonşuluqların daha artığını görməyimiz mümkündür. Amma düşünürük ki, məsul qurumların hərəkətə keçməsi üçün sadaladıqlarımız da yetərlidir. Təhsil ocaqları “Topaz”dan və onun təklif etdiyi qumar oyunlarından uzaq tutulmalıdır. Əks halda, gələcək nəsli böyük təhlükəylə üz-üzə qoymuş olarıq. Gələcəyimiz olan övladlarımızı, eləcə də təhsil ocaqlarımızı mərc şirkətlərinin qumar oyunlarından qoruyaq.
Mənbə: Lim10.Az
Bu gün Azərbaycan Prezidenti İlham Əliyevin 62 yaşı tamam olur.
İlham Heydər oğlu Əliyev 1961-ci il dekabrın 24-də Bakı şəhərində anadan olub.
1967-1977-ci illərdə Bakı şəhərində 6 saylı orta məktəbdə təhsil alıb.
1977-1982-ci illərdə Moskva Dövlət Beynəlxalq Münasibətlər İnstitutunda (MDBMİ) təhsil alıb. MDBMİ-ni bitirdikdən sonra, 1982-ci ildə həmin institutun aspiranturasına daxil olub.
1985-ci ildə dissertasiya müdafiə edərək tarix elmləri namizədi elmi dərəcəsini alıb və 1985-1990-cı illərdə Moskva Dövlət Beynəlxalq Münasibətlər İnstitutunun müəllimi olub.
1991-1994-cü illər ərzində özəl biznes sahəsində çalışıb və bir sıra istehsal-kommersiya müəssisələrinə rəhbərlik edib.
1994-cü ildən 2003-cü ilin avqust ayınadək Azərbaycan Respublikası Dövlət Neft Şirkətinin əvvəlcə vitse-prezidenti, sonra isə birinci vitse-prezidenti olub. Ümummilli lider Heydər Əliyevin neft strategiyasının həyata keçirilməsində fəal iştirak edib.
1995-ci və 2000-ci ildə Azərbaycan Respublikasının Milli Məclisinə üzv seçilib.
1997-ci ildən Azərbaycan Milli Olimpiya Komitəsinin Prezidentidir.
1999-cu ildə Yeni Azərbaycan Partiyası sədrinin müavini, 2001-ci ildə sədrin birinci müavini, 2005-ci ildə isə partiyanın sədri seçilib.
2001-2003-cü illərdə Avropa Şurası Parlament Assambleyasında (AŞPA) Azərbaycan Respublikası Milli Məclisinin nümayəndə heyətinin rəhbəri olub. 2003-cü ilin yanvar ayında isə Avropa Şurası Parlament Assambleyası sədrinin müavini, AŞPA-nın Büro üzvü seçilib.
2003-cü il avqustun 4-də Milli Məclisdə təsdiq edildikdən sonra Azərbaycan Respublikasının Baş naziri təyin olunub. Bununla əlaqədar deputat səlahiyyətlərinə xitam verilib.
İlham Əliyev 2003-cü il oktyabrın 15-də Azərbaycan Respublikasının Prezidenti seçilib. Prezident seçkisində seçicilərin 76 faizindən çoxu İlham Əliyevin lehinə səs verib.
2004-cü ildə Avropa Şurası Parlament Assambleyasının fəxri üzvü diplomu və medalı ilə təltif edilib.
2008-ci il oktyabrın 15-də keçirilən seçkidə seçicilərin 88,73 faiz səsini qazanan İlham Əliyev ikinci dəfə Azərbaycan Respublikasının Prezidenti seçilib.
2013-cü il oktyabrın 9-da keçirilən seçkidə isə seçicilərin 84,54 faiz səsini qazanan İlham Əliyev növbəti dəfə Azərbaycan Respublikasının Prezidenti seçilib.
2018-ci il aprelin 11-də keçirilən seçkidə də İlham Əliyev seçicilərin 86,02 faiz səsini qazanaraq yenidən Azərbaycan Respublikasının Prezidenti seçilib.
Azərbaycan, rus, ingilis, fransız və türk dillərini bilir.
Evlidir. Üç övladı, beş nəvəsi var.
Təltiflər və fəxri adların siyahısı:
Ordenlər
Rumıniyanın “Rumıniya Ulduzu” ordeni (11 oktyabr 2004-cü il)
Səudiyyə Ərəbistanı Krallığının “Kral Əbdüləziz” ordeni (8 mart 2005-ci il)
Rusiya Federasiyasının Təhlükəsizlik, Müdafiə və Hüquq Qaydası Problemləri Akademiyasının I dərəcəli Aleksandr Nevski ordeni (11 aprel 2005-ci il)
Azərbaycan Respublikasının “Heydər Əliyev” ordeni (28 aprel 2005-ci il)
Rus Pravoslav Kilsəsinin I dərəcəli Müqəddəs Sergi Radonejski ordeni (14 sentyabr 2005-ci il)
Qafqaz Müsəlmanları İdarəsinin “Şeyxülislam” ordeni (22 dekabr 2005-ci il)
Fransa Respublikasının “Fəxri Legionun Böyük Xaç Komandoru” ordeni (29 yanvar 2007-ci il)
Polşa Respublikasının “Xidmətlərə görə” Böyük Xaç ordeni (26 fevral 2008-ci il)
Ukraynanın I dərəcəli “Knyaz Yaroslav Mudrı” ordeni (22 may 2008-ci il)
Küveyt Dövlətinin “Mübarək əl-Kəbir” ordeni (10 fevral 2009-cu il)
Latviya Respublikasının “Üç Ulduz” ordeninin “Böyük Xaç Kavaleri” dərəcəsi (10 avqust 2009-cu il)
Rus Pravoslav Kilsəsinin “I dərəcəli Şöhrət və Şərəf” ordeni (24 aprel 2010-cu il)
Rumıniyanın “Sadiq Xidmət” milli ordeninin Böyük Xaç ranqı (18 aprel 2011-ci il)
Rumıniyanın “Sadiq Xidmət” milli ordeni (18 aprel 2011-ci il)
Bolqarıstan Respublikasının “Stara Planina” ordeni (14 noyabr 2011-ci il)
Tacikistan Respublikasının “İsmoili Somoni” ordeni (12 iyul 2012-ci il)
Belarusun “Xalqlar dostluğu” ordeni (28 avqust 2012-ci il)
Türkiyə Respublikasının “Dövlət nişanı” ordeni (12 noyabr 2013-cü il)
Ukraynanın “Azadlıq” ordeni (18 noyabr 2013-cü il)
Fəxri elmi adlar
Moskva Dövlət Beynəlxalq Münasibətlər İnstitutunun fəxri doktoru (7 fevral 2004-cü il)
Lev Qumilyov adına Qazaxıstan Dövlət Avrasiya Universitetinin fəxri professoru və “Qızıl döyüşçü” medalı (1 mart 2004-cü il)
Türkiyənin Qırıqqala Universitetinin fəxri doktoru (25 mart 2004-cü il)
Türkiyənin Bilkənd Universitetinin fəxri doktoru və İhsan Doğramacı adına Dünya Sülh Mükafatı (14 aprel 2004-cü il)
Rumıniyanın Ployeşti Neft-Qaz Universitetinin fəxri doktoru (12 oktyabr 2004-cü il)
Bolqarıstan Milli və Dünya Təsərrüfatı Universitetinin fəxri professoru (23 sentyabr 2005-ci il)
Koreya Respublikasının Kyunq He Universitetinin fəxri doktoru (24 aprel 2007-ci il)
İordaniya Universitetinin fəxri doktoru (29 iyul 2007-ci il)
Macarıstanın Korvinus Universitetinin fəxri doktoru (18 fevral 2008-ci il)
Moskva Dövlət Universitetinin fəxri professoru (21 fevral 2008-ci il)
Taras Şevçenko adına Kiyev Milli Universitetinin fəxri doktoru (22 may 2008-ci il)
Məxdumqulu adına Türkmənistan Dövlət Universitetinin fəxri professoru (28 noyabr 2008-ci il)
Bakı Dövlət Universitetinin fəxri doktoru (2 noyabr 2009-cu il)
Belarus Dövlət Universitetinin fəxri professoru (12 noyabr 2009-cu il)
Tacikistan Milli Universitetinin fəxri doktoru (16 oktyabr 2014-cü il)
Çinin Renmin Universitetinin “Tarix üzrə fəxri professor” diplomu (11 dekabr 2015-ci il)
İdman təşkilatlarının mükafatları
Dünya Taekvondo Federasiyasının 6-cı dan qara kəməri və sertifikatı (10 oktyabr 2003-cü il)
Beynəlxalq Güləş Federasiyasının (FILA) xüsusi mükafatı (3 aprel 2004-cü il)
Beynəlxalq Olimpiya Komitəsinin “Olimpiya” ordeni (19 aprel 2004-cü il)
Avropa Həvəskar Boks Assosiasiyasının xüsusi mükafatı (1 may 2004-cü il)
Beynəlxalq Hərbi İdman Şurasının “Böyük Kordon” Şərəf ordeni (27 may 2005-ci il)
MDB Ölkələri İdman Təşkilatlarının Beynəlxalq Konfederasiyasının Fərqlənmə nişanı (26 sentyabr 2005-ci il)
Beynəlxalq Güləş Federasiyasının (FILA) “İdman əfsanəsi” medalı (17 sentyabr 2007-ci il)
Belarus Milli Olimpiya Komitəsinin ali mükafatı (26 oktyabr 2007-ci il)
Azərbaycan Milli Olimpiya Komitəsinin “Olimpiya” ordeni (27 dekabr 2007-ci il)
Ümumdünya Karate Federasiyasının Fəxri 9-cu dan dərəcəsinin diplomu (20 mart 2008-ci il)
Avropa Ədalətli Oyunlar Hərəkatının “Şərəf” nişanı (15 may 2009-cu il)
Beynəlxalq Paralimpiya Komitəsinin ali paralimpiya mükafatı (26 iyun 2015-ci il).
İlham Əliyev Ali Baş Komandan, qalib sərkərdədir. Onun siyasi qətiyyəti, düzgün strategiyası nəticəsində Azərbaycan öz torpaqlarını işğaldan azad edib.
2020-ci ilin sentyabrın 27-dən noyabrın 10-dək düşmən təxribatlarına qarşı şanlı ordumuz Ali Baş Komandan İlham Əliyevin rəhbərliyi ilə işğal altında olan torpaqlarımızın azad edilməsi uğrunda “Dəmir yumruq” əməliyyatını həyata keçirib. Bu əməliyyatla Tarixi Zəfər çalan Şanlı Ordumuz ölkəmizin ərazi bütövlüyünü bərpa edib.
2023-cü ilin sentyabrın 19-da isə Ordumuzun keçirdiyi antiterror tədbirləri nəticəsində ölkəmizdə separatizmin kökü kəsilib və Azərbaycan dövləti bütün ərazisi üzərində suverenliyini qəti şəkildə təmin edib!
24 saatdan az müddətdə Ali Baş Komandan İlham Əliyevin qarşıya qoyduğu tapşırıqları uğurla həyata keçirən Ordumuz növbəti misilsiz qəhrəmanlıq nümunəsi göstərərək yenidən tarix yazıb.
İlham Əliyev bu gün qalib Ali Baş Komandan kimi çıxışlar edir və ölkəyə qarşı olan gücləri Azərbaycanla hesablaşmağa çağırır.
Oxu.Az kollektivi adından Prezident İlham Əliyevi doğum günü münasibətilə təbrik edir, ona fəaliyyətində uğurlar, möhkəm cansağlığı arzulayırıq!
“Azəriqaz” İstehsalat Birliyinin keçmiş əməkdaşı Nağı Allahverdi Əli oğlu tərəfindən Hurriyyet.az saytının redaksiyasına növbəti şikayət məktubu daxil olub. Şikayətçi saytımız vasitəsilə Prezident Administrasiyasına, Nazirlər Kabinetinə, Dövlət Təhlükəsizliyi Xidmətinə, Daxili İşlər Nazirliyinə, Baş Prokurorluğa, Energetika Nazirliyinə, Auditorlar Palatasına, Ədliyyə Nazirliyinə, Antiinhisar və İstehlak Bazarına Nəzarət Dövlət Xidmətinə, Ali Məhkəməyə, İnsan Hüquqları üzrə Müvəkkil – Ombudsmana, Həmkarlar İttifaqlarına, Məhkəmə-Hüquq Şurasına, Konstitusiya Məhkəməsinə, Bakı Apellyasiya Məhkəməsinə, eləcə də Neftçilərin Hüquqlarını Müdafiə Təşkilatına müraciət edir. Onun məktubunu olduğu kimi dərc edirik:
“Cənab Prezident!
Yazaraq bildirirəm ki, “Azərqaz” İstehsalat Birliyinin baş direktoru Əliyev Ruslan və birliyin İnsan Resursları Departamentinin rəisi Xəqani Bəşirli məni Əmək Məçəlləsinin 74-cü maddəsi ilə işdən uzaqlaşdırıblar. 2-ci dərəcəli əliləm. 23 noyabr 2022-ci ildə xərçəng xəstəliyndən ağır əməliyyat keçirdikdən sonra, 30 aprel 2023-cü ilədək xəstəliyə görə məzuniyyətdə olmuşam. 1 may 2023-cü ildən 18 sentyabradək fasiləsiz şəkildə işimdə olub, əmək fəaliyyətimi davam etdirmişəm.
18 senyabrda xəstəliyə görə məzuniyyətdə olmağıma baxmayaraq, saxta əmrlə əmək müqaviləmə xitam verilib. Məzuniyyətdə olduğum vaxt əmrimi verməklə Əmək Məcəlləsinin 79-cu maddəsi kobud şəkildə pozulub.
Azərbaycan Respublikasının əlillərlə bağlı qanunlarını əsas tutaraq, Xətai Rayon Məhkəməsinə iddia ərizəsi təqdim etdim. Məhkəmə tərəfindən cavabdeh olan “Azərqaz” saymamazlıq edib, məhkəməyə gəlmədi. Noyabr ayının 4-də və 23-də olan iclaslara qatılmadılar. Dekabrın 18-də olan iclasa gəldilər, ancaq hakim iddiamda qeyd etdiklərimə laqeyd yanaşaraq, cavabdeh tərəfdən izahat almadan sənədimdəki “əmək qabiliyyətli deyil” sözünü əsas saydı. Ekspertiziyaya getməyimlə bağlı qərar verdi.
Hakim Samirə Eyvazovaya “bu qərarə niyə verdiniz” demirəm, mənim problemim odur ki, “niyə məzuniyyətdə olduğum halda 74-cü maddəylə işdən çıxarılmağıma məhəl qoyulmadı”?! Təbii ki, hakim məsələni araşdırmağa niyəsə ehtiyac duymadı? Mən izahatımda bildirmişdim ki, işdən uzaqlaşdırılma səbəbini öyrənmək istəyirəm. Hakim Əmək Müfəttişliyinə sorğu verib öyrənməliydi ki, 2-ci dərəcəli əlilliklə işləmək olar, ya yox?! Lakin o, bunu etmədi.
Cənab Prezident!
Hər çıxışınızda qeyd edirsiniz ki, “şikayəti mənə bildirin, artıq vəziyyət dəyişib”. Amma əllillərin işləməyinə icazə verilmir. Dəyişmək var, amma yaxşılığa doğru getmir.
Dəfələrlə sosial şəbəkələrdə “Azərqaz”la bağlı şikayətlərimi yazsam da əhəmiyyət verən qurum yoxdur. Onlar biz vətəndaşların hüquqlarını pozmaqla yanaşı, prezident olaraq sizin də gördüyünüz işlərə kölgə salır”.
Məsələ ilə bağlı “Azərqaz”la əlaqə saxlaya bilmədik, zəngimiz cavabsız qaldı.
Mənbəi: Hurriyyet.az
Təqdim etdi: DİA-AZ.NET (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...