 |
|
|
“Aygün Bəylərin ölüm xəbəri Azərbaycan ictimaiyyətini üzdü, məni də həmçinin. Ona görə ki, Aygün Bəyləri mən səhnəyə gəldiyi ilk illərdən tanıyırdım. Təbii ki, Aygün Bəylər öz imici ilə hər kəsdən seçilirdi. O baxımdan ki, hələ Azərbaycanda ona qədər bu imici kimsə təkrar etməmişdi. İlk dəfə bunu o təqdim etmişdi. Bu onun səhnə imici idi. Kişi geyim elementlərindən istifadə edirdi. Əslində bu imic onunla birlikdə harmoniya təşkil edirdi. Uzun illər o bu imicdə çıxış etdi, tamaşaçı da onu belə tanıyıb, belə sevdi”
Bunu Moderator.az-a açıqlamasında tanınmış modelyer-dizayner Fəxriyyə Xələfova deyib. O daha sonra əlavə edib.
“Verilişlərdən birində mənə sual verdilər ki, “İncəsənət sahəsindən kimin imicini fərqli görürsünüz?”. Mən düşünmədən dedim ki, Aygün Bəylərin. O vaxtı bu cavabım çox əks-səda doğurmuşdu. Aygün Bəylər uzun zaman keçəndən sonra mənimlə görüşəndə dedi ki, “Fəxriyyə xanım, siz mənim adımı çəkmisiniz, bu məni o qədər sevindirdi ki”. Mən də ona cavab verdim ki, “Bəli, Aygün, bu imicdir, imic yaradılan obrazdır, sən sterotipləri qırmağı bacardın”. Mən bu cavabımla Aygün Bəylərin imicini sanki rəsmiləşdirdim. Təbii ki, onun da bu imici seçməkdə öz səbəbləri var idi. O zaman üçün cəmiyyətdə birmənalı qarşılanmırdı, amma mən modelyer olaraq Aygün Bəylərin imicini dəstəklədim. Bu müsahibəmlə də onun imicini qəbul etməyən insanların söz-söhbətinə son qoydum, onları bu müsahibəmlə sanki susdurdum. İndiyə qədər səhnə üçün yaradılan müxtəlif imiclər olub. Bir neçə dəfə də ona tövsiyyə etdim ki, bəlkə yenidən imicini dəyişib, xoş bir xanım obrazına üstünlük verəsən?! Sonra gördüm ki, Aygün bunu da etdi. Çox xoş xanım-xatun obrazında efirlərə çıxdı. Mənimlə məsləhətlər edirdi, ona tövsiyyələrimi verirdim. Daha sonra yenidən öz imicinə geri döndü. Aygün Bəylərin səsi, sənəti, xasiyyəti gözəl idi. İndiyə qədər eşitməmişəm ki, Aygün Bəylər kiminsə xətrinə dəysin, kiminsə arxasınca danışsın. Sənətini çox sevirdi. Həyatı asan olmamışdı. Son görüşümüz Heydər Əliyev Mərkəzində baş tutdu. Aygün Akademik Zərifə Əliyevanın 100 illik yubileyinə həsr olunmuş konsert proqramında çıxış edirdi. Ana mahnısını ifa etdi. Bu fərqli, çox təsirli bir ifa idi. Hər zaman hal-əhval tuturduq, söhbətləşirdik. Xəstəliyi haqda danışdı. Ümüdlü idi ki, sağalacaq. Konsertləri, növbəti planları haqda danışırdı. Xəstəliyi onun səhhətinə də, planlarına da təsir etmişdi. Sona qədər mübarizə apardı. Təəssüf ki, mübarizəsini yarımçıq saxladı. İndi də düşünürəm ki, nə yaxşı ki, mən onun imicini vaxtilə dəstəklədim, həmin müsahibəni verdim. Bu ona çox xoş gəlmişdi. Düşünürəm ki, mən tərəfdən onun imicinə verilən qiymət vacib idi. Ruhu şad olsun” deyə Fəxriyyə Xələfova bildirib.
Xəbər verdiyimiz kimi, bir müddət əvvəl Türkiyədə tanınmış sosial media fenomeni Gizem Bağdaçiçek və daha bir neçə qadın açıq-saçıq paylaşımlarına görə məsuliyyətə cəlb olunub.
Qardaş ölkənin atdığı addım Azərbaycanda da rəğbətlə qarşılanıb. Heç təsadüfi deyil ki, son illər bizim də "sosial media fenomenləri", "modellər" və "müğənnilər" sosial şəbəkələrdə davamlı olaraq lüt şəkillərini paylaşır, efirlərə yarıçılpaq şəkildə çıxırlar. Belə hallar hər zaman qınaqla qarşılansa da nəticə çıxaran yoxdur, Afaq Aslan, Səmra Hüseynova kimilər yenə də gündəmə ancaq soyunmaqları ilə gəlirlər.
Bəs, belələrinə qarşı bizdə hansı tədbirlər görülməlidir?
Sualın cavabı üçün Xalq artisti Əbdül Mahmudovla həmsöhbət olduq.
O, açıqlamasında bildirib ki, bütün bəlalarımızın səbəbi laqeyidliyimizdir: "Ətrafımızda baş verənlərə çox biganə olmuşuq. Bundan istifadə edən pul hərisləri də min bir oyundan çıxırlar. Çox təəssüf ki, çoxlarımız cəmiyyətdə baş verən neqativ proseslərə çox biganə yanaşırıq. Bəzənsə həmin biabırçılıq trendinə qoşuluruq. Nədi-nədi populyar olacağıq, pul qazanacağıq.
Problemin digər səbəbi televiziyalardır. Bizim televiziyalar iki şeyə xidmət edir. Birincisi, lüt qadınları və saqqalı gədələri təbliğ edirlər. İkincisi də şou əhli istehsal edirlər. Mənim kimi neçə Xalq artisti var ki, aylarla efirlərdə görünmür. Amma baxırsan ki, televiziyalar dünənki uşağa 2 saat efir verir. Savadı, sənəti olmayanlar da 2 saatda nə etməlidir ki?! Təbii ki, orasını-bursını göstərməlidir. Gündə efirə bir lüt qadın çıxardırlar. Adına da model deyirlər. Soruşan yoxdur ki, bu hansı dəfilə gecəsidir? Kim bunları model seçib?!".
Xalq artisti problemin həlli üçün özünün təklifini də söylədi: "Mən qardaş Türkiyədə atılan addımı alqışlayıram. Bizdə də efirlərdə soyunanları, pornoqrafik şəkillərini sosial şəbəkələrdə paylaşılanları ən ağır şəkildə cəzalandırmaq lazımdır. Çünki, Afaq Aslan, Səmra Hüseynova kimilər tanıdığımız düşməndən daha qorxuludur. Onlar bizi içimizdən yeyib, məhv edir. Belələrinə qarşı ən qısa zamanda sərt tədbirlər görülməlidir. Sonra gec olacaq". \\Qlobal.net
Müğənni Xuraman Şuşalı sosial şəbəkədə yeni video paylaşıb.
Axşam.az xəbər verir ki, sənətçi qızı Məryəmin alnından xəsarət aldığını bildirib:
"Özümə hər dəfə deyirəm ki, uşağı paylaşmayacağam, heç nə bölüşməyəcəyəm. Paylaşan kimi, evdə bir şey baş verir. Məryəm çox tez nəzərə gəlir".
“Qapqara” verilişinin yeni buraxılışı efirə gedib. Verilişin budəfəki buraxılışının qonağı Xalq artisti Röya Ayxan olub.
Sənətçi uşaq yaşlarından müğənni olmaq istədiyini deyib:
“10 yaşımda blokda, məktəbdə konsertlər verirdim. Evə gələndə çırpılırdım. Anamla atam buna görə dava edirdi. Anam atama həmişə deyirdi ki, qızın sənə oxşayıb, müğənni olmaq istəyir. Mən uşaqlıqdan bilirdim ki, kim olacağam”.
Röya Ayxan yanında baxımsız, çirkin insanların olmasını istəmədiyini bildirib:
“Harasa gedəndə özümlə əlavə paltar götürürəm. Kiminsə paltarını bəyənməyəndə öz paltarımı ona geyindirmək istəyirəm ki, çox gözəl görünsün. Ətrafımdakı insanların gözəl, baxımlı görünməyini istəyirəm”.
Türkiyənin məşhur müğənnisi Bülent Ersoy evi ilə bağlı açıqlama verib.
Olay xəbər verir ki, bu barədə o, "Dünya güzellerim masada" layihəsində danışıb. Bülent deyib ki, bir hüdürmərtəbəli binanın iki mərtəbəsini satın alıb:
"Mən 13-ü sevmirəm. Uğursuz rəqəmdir. Ona görə 14 və 15-i alıb, birləşdirdim".
Xalq artisti Brilliant Dadaşova və müğənni Samir Bağırovun AzTV-dəki çıxışı gündəm olub.
Olay bildirir ki, illər sonra birgə səhnəyə çıxan sənətçilərin səmimi anları çox danışılıb.
Belə ki, onlar duet etdikləri zaman bir-birilərini dodaqlarından öpüblər.
Stilist Anar Ağakişiyevin Türkiyədəki biznesinin üstü açılıb.
Titul.az xəbər verir ki, stilist bu barədə verilişdə qonağı olduğu Zaur Kamalın "Anar, niyə ev alırsan, amma başqa bir yerdə kirayə qalırsan?" sualına cavab verərkən açıqlamaq məcburiyyətində qalıb.
Anar İstanbulun ən bahalı yerlərindən birində qurduğu daşınmaz əmlak biznesi ilə bağlı bunları deyib:
"Mən düşünürəm ki, insanın öz işlədiyi sahədən kənarda başqa bir biznesi də olmalıdır. Daşınmaz əmlak ən gözəl biznesdir, ən gözəl yatırımdır".
Açıqlama daha ətraflı videoda:
Xalq artisti Röya Ayxanın oğlu Hüseynin Azərbaycan dilində səlist danışa bilməməsi gündəm olub.
Musavat.com xəbər verir ki, Xəzər Tv-nin efirində oğlu ilə birlikdə qonaq ollan Röya Ayxan ondan Yeni İl ilə bağlı çıxış etməsini istəyib.
Xalq artistinin oğlu çıxışı zamanı Azərbaycan dilində danışmaqda çətinlik çəkib. Onun rus dilində danışması sosial mediada da tənqid olunub.
Sözügedən görüntüləri təqdim edirik:
Musavat.com
Əməkdar jurnalist Xoşqədəm Hidayətqızı və dizayner Aynur Xəlilova arasında qalmaqal yaşanıb.
Olay.az yazır ki, dizayner Aynur, Xoşqədəm Hidayətqızını müğənni Aysel Əlizadənin ailəsini dağıtmaqda ittiham edilən Turanə Nəcəflini efirə çıxardığı üçün tənqid edib:
“Oskar” gedir Xoşqədəmə. Xoşqədəm yox, Xoşqədəm xanım. Bu insanın ətrafında onu istəyən kimsə varsa, bildirsin ki, Azərbaycanda savadlı fərqindəliyi olan, verilişində reytinq yığmaq üçün etdiklərinin fərqində olan bir kütlə də var. Tək əzilən qadınların yanında olur öz dünyasında. Həm də psixoloji problemi olan qadını verilişinə reytinq yemi edir”.
Bundan sonra Aynurun şəklini paylaşan aparıcı bu sözləri yazıb:
“Bilmirəm kimdir. Amma tanıyan varsa, başa salsınlar ki, müzakirə etmək istədiyi şəxsi öz geyim və mənəviyyat tərzinə uyğun seçsin”.
Dizaynerdən X. Hidayətqızına cavab gecikməyib:
“Sizi hamını axtaranda, özünüzə olan hörməti də axtarmağa dəvət edirəm. Siz qadınları reytinqinizə yem edən, reytinq üçün hər xaraktersizliyə göz yuman, insanlara psixoloji şiddət göstərən simasız.
Mən sizə xatırladım kiməm. Köməkçinizi əməkdaşlıq üçün şirkətimə göndərdiyiniz brendin rəhbəriyəm. Mənəvi dəyərlər mövzusunu isə sizinlə istənilən müstəvidə müzakirəsinə hazıram, əzizim”.
Əməkdar artist Könül Kərimova açıqlaması ilə diqqət çəkib.
Referans.az xəbər verir ki, müğənni “Tarixin bir günü” verilişində qonaq olarkən deyib ki, bəzi proqramlara çıxmır:
“Elə verilişlər var ki, getmirəm. Hiss edirəm ki, o proqramlarda olsam, hörmətsiz olaram. Verilişin formatı mənə uyğun deyil. Bəlkə kiminsə ehtiyacı var. Amma mənim o verilişlərə yoxdur. Biz o fikirdəyik. Maqazin verilişləri var ki, müsahibə alırlar. O qədər yanlış suallar verirlər ki... Ona görə müsahibə vermirəm. Heç kim inciməsin məndən. Əziz həmkrarlarım, sizə də sual veriləndə, birinci onun dərinliyinə gedin. Görün nə dərəcədə düzdür, səmimi sualdır. Sonra özünüzdən çıxıb cavab verin. Bir müddət əvvəl olmuşdu. Müsahibə alan da dostlarımızdan idi. Zarafata söz deyirəm, onun ucundan tuturlar, soruşurlar ki, nə deyə bilərsiz? Bu alimlər də başlayırlar. Biz çörək kəsirik. Fikirləşin ki, Könül xanım bunu hansı mənada deyə bilər. Gərək diqqət edəm, bir az çaşırlar”. (OLAY)