Xanəndə Kamilə Babayevanın toy tarixi bəlli olub.
Dia-az.İnfo xəbər verir ki, sənətçinin iki məclisi olacaq.
Oktyabrın 1-i İsmayıllıda, 7-i isə Bakıda toyu baş tutacaq.
 |
|
|
Müğənni Hiss açıqlaması ilə diqqət çəkib.
Tribunainfo.az xəbər verir ki, “Zarafat bir yana” verilişində qonaq olan sənətçi qalmaqallı sözləri ilə marağa səbəb olub.
Onun tamaşaçının “Balaəli ilə duet oxumaq istərsiniz?” sualına verdiyi cavab müzakirələrə səbəb olub. Meyxanaçının səsini eşitdikdə kanalı çevirdiyini deyən Hiss özünü ona uyğun görmədiyi üçün heç vaxt duet də düşünmədiyini bildirib. (Milli.Az)
Xanəndə Kamilə Babayevanın toy tarixi bəlli olub.
Dia-az.İnfo xəbər verir ki, sənətçinin iki məclisi olacaq.
Oktyabrın 1-i İsmayıllıda, 7-i isə Bakıda toyu baş tutacaq.
Ötən gün Xalq artisti Ağadadaş Ağayevin balta ilə xəstəxana mühafizəçisinə hücum etməsi xəbəri müzakirələrə səbəb odu. Ölkə gündəmini sözün əsl mənasında silkəyən bu hadisə ilə məşhur şəxslərin və şou-biznes nümayəndələrinin keçmişindəki kriminal hadisələri yenidən xatırlamalı olduq.
Musavat.com xəbər verir ki, bu dəfə BAKU.WS adı cinayət hadisəsində hallanan məşhurları oxuculara təqdim edir:
Məşhur meyxanaçı Rəşad Dağlının (Rəşad Əmirov) adı gözlənilmədən kriminal aləmdəki tanınmışlar siyahısına düşdü. O 2022-ci il noyabrın 9-u saat 05 radələrində Qaradağ rayonu ərazisində tanışı, 1979-cu il təvəllüdlü İskəndər Mehdiyev çoxsaylı bıçaq xəsarətləri ilə qətlə yetirdi. Daha sonra R.Əmirov istintaqa cəlb edildi. Qaradağ Rayon Məhkəməsinin qərarı ilə onun barəsində həbs qətimkan tədbiri seçildi. Hadisənin şəxsi münasibətlər zəminində baş verdiyi bildirildi. Ekspertiza isə müəyyən etdi ki, Rəşad Dağlı İskəndərə ümumilikdə 14 bıçaq zərbəsi vurub.
Meyxanaçı barəsində Cinayət Məcəlləsinin 120.1-ci (qəsdən adam öldürmə) və 228.4-cü (qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə) maddələri ilə ittiham irəli sürüldü. Rəşad Dağlıya Bakı Ağır Cinayətlər Məhkəməsində hökm oxundu və 9 il 6 ay azadlıqdan məhrum edildi.
Azərbaycanı "Avroviziya-2008” mahnı müsabiqəsində təmsil edən müğənni Samir Cavadzadə də adı cinayətdə hallanan məşhurlardandır. O, illər əvvəl dostu Elvin Hüseynovu bıçaqlaması faktı ilə əlaqədar saxlanılıb. Hadisə 2011-ci il sentyabrın 20-də baş verib.
Tanınmmış müğənni Ziba Osmanova bu il mayın 8-də Suraxanı rayonunda törətdiyi yol qəzasında iki azyaşlını vurub. O qəzanı "Changan" markalı avtomobili ilə törədib. Müəyyən xəsarətlər alan uşaqlar dərhal xəstəxanaya yerləşdiriliblər. Vəkillər bildirib ki, əgər uşaqlardan birinin ağır bədən xəsarət aldığı sübut olunarsa, onda sürücü CM-nin 263.1-1 maddəsinə əsasən 3 ilədək həbs oluna bilər. Ancaq bu maddədə cərimə yoxdur, real cəza var. Ola bilsin ki, 2 uşaq xəsarət aldığına görə sürücü həm CM-nin 263.1 və 263.1-1 maddələri ilə ittiham edilsin. Burda bir məqam da var. Əgər piyada yüngül xəsarət alarsa və o sürücüdən şikayətçi olmasa, onda sürücü cəzadan azad ola bilər”.
Bloger Səbinə Kətanovanın avtomobillə piyadanı vuraraq hadisə yerindən qaçdığı iddia edilib. Belə ki, bloger özünə aid "Toyota Prado” markalı avtomobillə yolu keçmək istəyən piyada Faiq Quliyevi (şərti) vurub. Hadisə Nərimanov rayonu ərazisində baş verib. Bloger hadisəni törətdikdən sonra ərazidən uzaqlaşıb. Bundan sonra müvafiq kamera görüntüləri araşdırılıb və S.Kətanova barəsində Cinayət Məcəlləsinin 263.1-ci (avtomobillə ehtiyatsızlıqdan zərərçəkmiş şəxsin sağlamlığına az ağır zərər vurulmasına səbəb olma) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.
Müğənni Elçin Məmmədov paytaxtda kafelərdən birində oxuyarkən adam bıçaqlayıb. Hadisə Nərimanovda baş verib. Gecə saat 02.00 radələrində kafeyə gələn 5 müştəri yeyib-içib, onlardan biri müğənniyə atmaca atıb. Müğənni onların kafedən getməsini gözlədiyini, amma müştərilərin danışmaq üçün müğənnini çölə çağırdıqlarını deyib. Qəzəblənən Elçin Məmmədov Bakı şəhər sakini, 1989-cu il təvəllüdlü Rəşadət Qasımovun oturduğu avtomobilə yaxınlaşıb və onu bıçaqlayıb. "Dedim düş aşağı, düşən kimi 2 zərbə endirdim” - deyə, sənətçi qeyd edib. Faktla bağlı CM-nin 126-cı (qəsdən sağlamlığa xəsarət yetirmə) maddəsi ilə cinayət işi başlanıb. Məhkəmənin hökmü ilə təqsirləndirilən şəxs 3 il azadlıqdan məhrumetmə cəzasına məhkum olunub, CM-nin 70-ci (şərti məhkum etmə) maddəsinə əsasən 2 il sınaq müddəti tətbiq olunmaqla cəzası şərti hesab edilib və o məhkəmə zalından azadlığa buraxılıb.
Castin Biber 2014-cü ildə Mayamidə küçə yarışlarına və sərxoş vəziyyətdə avtomobil idarə etdiyinə görə həbs olundu. O, həmçinin Los-Ancelesdəki qonşusunun evinə yumurta atdığına görə hücum və vandalizmdə ittiham olunub. Bieber günahını etiraf etdi və təzminat ödəməyə və xeyriyyə işlərində iştirak etməyə məhkum edildi.
... 1991-ci ildə Sent-Luisdə "Guns N' Roses" qrupunun əfsanəvi solisti Aksel Rouz konsertdə şounu çəkən fanatı döymək üçün səhnədən atılıb. Bu iğtişaşlara səbəb olub və konsert dayandırılıb. Daha sonra Rose həbs olundu və asayişi pozmaqda ittiham edildi. O, bir neçə ay məhkəmədə qaldı və şərti cəzaya və cəriməyə məhkum edildi.
"Oazis" qrupunun solisti Layam Qallaher 1998-ci ildə Avstraliyada bir oteldə jurnalistlərə hücum etdiyi üçün həbs olundu. O, gecəni həbsxanada keçirib və zaminə buraxılıb.
... Ağadadaş Ağayev təbii ki, Qallaher qədər məşhur və istedadlı deyil. O, heç Castin Biber səviyyəsində də deyil - Ağayevin yaşı 70-ə yaxın olsa da.
Sosial şəbəkələrdə müğənnilər onun tərəfinə durub, müdafiə edirlər. "Dahi sənətkar", "Böyük Ustad", "Xalqın artisti" və sair ifadələrlə haqq qazandırırlar balta tolazlayan, sonra da dalaşan Ağayevə.
Anlayıram, yaşlıdır, ölkədə tanınır, xalq artistidir, xəstədir.
Onu yerə yıxıb döymək, təpikləmək və yumruqlamaq da qəddarlıq, qanunsuzluq, barbarlıqdır təbii.
Fəqət...
Tanınmış insan, yaşlı ata və baba, özünə sayğı gözləyən adam balta tolazlamaz.
O balta dəyəydi kiminsə başına, sinəsinə - nə olacaqdı?
Onu da anlayıram ki, Ağayevin səbr kasası daşıb, belə edib.
Amma hadisədən sonra "canlı yayım açacam, açıqlama verəcəm" nə demək?!
Ağayev üçün qanun, qayda istisnadır?
Xalq artisti oldun, bir-iki mahnın populyarlaşdı - demək, hirslənəndə qarşındakılara balta atmalısan, dava etməlisən?
Mühafizəçi mütləq şəkildə məsuliyyətə cəlb olunmalıdır - bu, aprior məqamdı.
Amma Ağadadaş Ağayev də qanun qarşısında cavab verməlidir.
Və ona "Xalq artisti" verən xalqdan üzr istəməlidir.
"Böyük Ustad", "Sənətkar" tipli epitetlər və ibarələr onun qanunla cəmiyyət qarşısında məsuliyyətinə sipər olmamalıdır.
Onkoloji xəstəyə, xalq artistinə balta atmaq imtiyazı verilməyib.
Bu mərəkədə ən tragikomik şərh müğənni Xatuna məxsusdur. Bəribaşdan yazım ki, həmin müğənninin adını ilk dəfə eşitdim və belə sənətçinin mövcudluğunu bildim.
"Gələk indi o qafilə, amansız, vəhşi insana... Siz aşkar görmürsünüz ki, bu hərəkətləri edən biri sənətkara qanına toxunan elə söz-ifadələr işlədib ki, Ağadadaş müəllim də ağrısına, acısına, xəstəliyinə rəğmən bir kişi xeylağı olaraq aydınlaşdırmağa gəlib. Bu namərd də elə bil gücünü sınıyır, rinqə çıxıb, erməni döyür. Kişini döyməyi bəs deyil, bir də gedib "işverənlik" də edib, polisə ərizə yazır. Həm günahkar, həm güclü..." - buyurub Xatun.
Sonda da qəmli birlik çağırışında bulunub: "Məşhurlar bir olaq, unutmayaq ki, hər yerdə kamera və namərdlər var".
Bu şərhi şərh etmək belə, gülüncdür...
Elçin ALIOĞLU - Dia.az-İnfo
Xəbər verdiyimiz kimi, Xalq artisti Ağadadaş Ağayevlə “MedEra” klinikasının mühafizəçisi Nurəddin Cəlilov arasında insident baş verib. Ağadadaş Ağayevin vəhşicəsinə döyülməsi ilə nəticələnən videogörüntülərin sosial şəbəkələrdə yayılması ictimai diqqəti bu istiqamətə yönəldib.
Demokrat.az xəbər verir ki, tanınmış televiziya jurnalisti, “Səni Axtarıram” verilişinin aparıcısı Xoşqədəm Hidayətqızı da məsələyə münasibət bildirib. O, Facebook sosial şəbəkəsində paylaşımların birinin altına bu məzmunda şərh yazıb:
“Baltanı kim atıb və niyə? Araşdırmaq lazımdır”.
Bundan sonra Xoşqədəm Hidayətqızı ilə Ağadadaş Ağayevin pərəstişkarları arasında müzakirə başlayıb. Aparıcı fikirlərinə belə davam edib:
“Nə olur olsun, o, balta atılmamalı idi! Və əgər tanınan insandırsa, heç atmamalı idi”.
Tərəflər arasında müzakirə bununla da yekunlaşmayıb. Xoşqədəm Hidayətqızı sonadək öz fikrində qalıb:
“Xalq artisti belə bir addım atmamalıdır”. ("Yenisabah")
Rəqqasə Fatimə Fətəliyeva həyat yoldaşı Xəyalla ayrılması ilə bağlı sualları cavablandırıb.
Axşam.az xəbər verir ki, "Qonaqcanlı" verilişinə qatılan sənətçi ayrıldıqlarını təsdiqləməsə də, inkar da etməyib. Fatimə "Ayrılıq xəbərləri yayıldı, elədir, ya yox" sualına belə reaksiya verib:
"Nə elədir, nə belədir. Çox xoşbəxt qadın və anayam. Dünyaya gətirdiyim oğlumun atası elə bir kişinin oğludur ki, Allah ona və anası Mehtab xanıma can sağlığı versin. Qayınanamın əllərindən öpürəm. Hamıya o xanım kimi qayınana arzu edirəm. Onun çox gözəl qəlbi var. Baldızım Aygün xanımı da öpürəm. Nə yaxşı ki, mən Fatimə sizi tanımışam. Nə yaxşı siz varsınız mənim həyatımda".
Sənətçi "Ailə, yoxsa dost olaraq münasibətiniz davam edir" sualına sənətçi "Oğlumun atası olaraq yanındadırlar. Ayrılsaydım bunları deməzdim" reaksiyasını verib.
Qeyd edək ki, F. Fətəliyevanın ilk evlilikdən Aydan adlı qızı var. Onun ikinci nikahdan Hüseyn adlı oğul övladı var.
Xəbər verdiyimiz kimi, bir müddət öncə məşhur Azərbaycan müğənnisinin Ərdəbildə çıxış etdiyi məkan qapadılıb.
İran mətbuatı yazır ki, Ərdəbil əyalətinin prokuroru Cəlal Afaqinin əmri ilə tanınmış Azərbaycan müğənnisi Damlanın çıxış etdiyi məkan bağlanıb.
Məlumata görə, prokuror bildirib ki, müğənni qanunları pozub və hüquq- mühafizə orqanları bu işlə ciddi məşğul olur.
Müğənninin baş örtüksüz səhnədə çıxışı alqışla qarşılanıb. Buna baxmayaraq, yayılan videodan sonra İran dövlətinin buna yanaşma tərzi də istisna edilməyib.
Məlumatı Damlanın prodüsseri təsdiqləyib: "Damla xanım İranda getdiyi yerlərdə başıörtülü olub, Təkcə maşına əyləşəndə və qadınlar olan məkanda, yəni salonda olan görüntülərini yayıblar".
Araşdırmanın getməyi ilə bağlı Referans.Az-a müğənni Damlanın prodüseri Şamil yeni açıqlama verib: "Bizim bu cürə dövlətimiz var, kiminsə hünəri çatar bizə nəsə deməyə? Bizə gözün üstə qaşın var deyən olmadı".
Prodüser bildirib ki, Damla xanımla İranda getdiyi oteli, gözəllik salonunu da bağlayıblar.: "Hələ də araşdırma davam edir, amma, hər şey yaxşıdır. Biz ora toya getmişdik, konsertə deyil. Əlimdə elə videolar var ki...".
Şəlalə Babayeva
“Pulu mahnılarıma yox, daha çox kliplərə xərcləmişəm”.
Yenicag.az xəbər verir ki, bu sözləri müğənni, Əməkdar artist Könül Kərimova “GünaydınAzərbaycan” verilişində deyib.
Sənətçi “Ən çox pulu hansı mahnıya vermisən” sualını cavablandırıb:
“Cabbar Musayevin sayəsində mahnılara pul verməmişəm, sağ olsun. Amma kliplərə çox pul xərcləmişəm. Ən çox pulu “Dil açarmı” mahnısına çəkilən klipə vermişəm – 17 min yarım… Bu klipi çəkmək üçün Türkiyədən rejissor gəldi. Birdə ki, heç mahnıya çox pul xərcləməklə deyil. Məsələn, mənim “Yar başına dönüm sənin” mahnıma heç xərc qoymamışam, amma görün, necə məşhurdur”.
Xalq artisti Bilal Əliyev sosial şəbəkədə yayılan videosuna aydınlıq gətirib. Pravda.az Axşam.az-a istinadən xəbər verir ki, açıqlama verən müğənni bildirib ki, musiqiçinin üstünə spirtli içki tökdüyünü əks etdirən görüntülər 2 il əvvəl çəkilib. B.Əliyev bu hərəkəti etməsinin səbəbini açıqlayıb:
“Hadisədən 1 gün əvvəl bir tədbirdə həmin şəxslə oturmuşduq. Orada kostyumdan danışanda başa saldım ki, əynimdəkini İngiltərədən gətizdirmişəm, qiyməti 18 mindir. Səhəri məni bir yerə onaq çağırdılar. Dedi ki, siz oxuyanda bizim dostların oturduğu masaya yaxınlaşın. Yaxınlaşanda gördüm ki, ofisiant dörd badə pivəni qəsdən əyib üstümə tökdü. Qoxusu pisdir, ondan sonra onu geyinmək mümkün deyil. Əsəbiləşdim. Baxdım ki, həmin masada oturanlar güldü. Mən də yarım stəkan pivəni tökdüm onun üstünə ki, indi gör sən onun iyinə otura bilirsən? Mənim üstümə 4 stəkan pivə tökdürdün, özün yarımın nə iy verdiyinə bax”.