 |
|
|
Türkiyənin məşhur müğənnisi İbrahim Tatlısəsin qızı Dilan Çıtak tamamilə tüldən olan libası ilə klip çəkdirib.
Lent.az xarici KİV-ə istinadən xəbər verir ki, bir müddət əvvəl atası İbrahim Tatlısəslə soyad problemi yaşayan Dilan Çıtak indi də yayımladığı video ilə adından söz etdirib. Yeni mahnısının klip çəkilişindən görüntü paylaşan Çıtak tamamilə tül libasdakı rəqsi ilə sosial mediada müzakirə mövzusu olub.
Dilanən rəqsini izləyənlər anlam verə bilməyib:
“Özümü seksual hesab edərkən mən”, “Canı çıxır düşündüm, qəti atası görməsin” kimi sözlər söyləyiblər.
Həmin görüntüləri sizlərə təqdim edirik:
Müğənni və aktrisa Mina illər öncə saçının keçəl qırxıldığını bildirib.
Musavat.com yenicag.az-a istinadla xəbər verir ki, sənətçi bu barədə "İncə səhər" verilişində danışıb.
O, saçlarını bir serial çəkilişi üçün qurban verdiyini deyib:
"Ağabəyovlar" serialı üçün bunu etdim. Dörd dəfə saçımı "maşinka" ilə keçəl qırxdılar. Başıma şal atıb gəzirdim. Dərhal məni çəkilişdən çıxarırdılar, deyirdilər, sən aktrisasan, müğənnisən, belə etmə, sən komplekssiz gəzməlisən. Bu günə qədər bu barədə heç yerdə danışmamışam".
Müğənni Niyam Salami bir nəfəri aldadaraq 21 800 manat dəyərində malını mənimsəmədə ittiham olunur.
Sumqayıt şəhər sakini E.Abbəkirov 2023-cü ilin avqust ayında Novxanı qəsəbəsində yerləşən restoranın icarədarı Niyaməddin Səfərovun (müğənni Niyam Salami - red.) ondan 21 800 manat dəyərində kömür alıb pulunu verməməsini bildirilib.
Faktla bağlı araşdırma aparılır. (Oxu.Az)
Dələduzlar növbəti dəfə aktrisa Pərvin Abıyevanı hədəf alıblar.
Aktrisa sosial şəbəkədə paylaşım edərək yenidən onun adından pul yığıldığını bildirib:
"Bu dilənçi yenə mənim adımdan pul dilənir. Heç kim aldanmasın".
Qeyd edək ki, ötən ilin dekabrında da dələduzlar Pərvinin adından istifadə edərək votsapda pul istəyirdilər. (Axşam.az)
“Sosial şəbəkələrdə elə şeylər paylaşan bir insanın dəfnində mənim görünməyim nə dərəcədə düzgündür? Mənim evdə iki övladım böyüyür”.
Bu sözləri Manset.az-a açıqlamasında tanınmış rejissor Rövşən İsax bildirib.
Rejissor əlavə edib ki, onun mərhum aktrisa ilə hər hansi bir problemi olmayıb, sadəcə davranışlarına görə ona münasibəti yaxşı deyil:
“Allah rəhmət eləsin, mənim onunla bir prinsipim olmayıb, problemim, davam olmayıb. Sadəcə olaraq, fikirləşmişəm ki, mən ora gedərəm, onun haqqında məndən nəsə soruşarlar, gərək nəsə deyim. Ölən adam haqqında pis nəsə demək mədəniyyətsizlikdir. Yaxşı da nə deyim? Mən onu dəvət edəndə, çəkiliş müddətində o adamdan əksik heç bir hərəkət görməmişəm. O məşhurlaşandan sonra yaşına yaraşmayan hərəkətlər eləməyə başladı. Mən də əlaqəni tamamilə kəsdim. Mən kiməm ki, onun həyatına müdaxilə edim? Deyim, belə eləmə ayıbdır, belə eləmə ayıbdır. "Vicdan Haqqı" serialı bitib və mənim o adamla heç bir vaxt əlaqəm olmayıb. Nə nömrəsi var məndə, nə onun yaxın adamlarıyla heç bir əlaqəm olmayıb. Nə işlə məşğul olub qətiyyən xəbərim olmayıb”.
Rövşən İsax Çimnaz Sultanova haqqında vaxtilə ATV kanalının efirində səsləndirdiyi " Onunla salamlaşmağı özümə ayıb bilirəm" çıxışına da aydınlıq gətirib:
“Allaha and olsun efirimdəki çıxışımdan sonra Çimnaz mənə zəng etməyib. Mən onun haqqında axı əskik bir şey demədim. Dedim ki, mən ona salam verməyi utanıram. Bitdi”.
Tanınmış rejissor sosial şəbəkələrdə Çimnazı məşhurlaşdırdığı üçün onu qınayanlara da münasibət bildirib:
“Təsəvvür edin ki, çəkildiyi filmə görə aktyor və aktrisaya böyük məbləğdə qonarar verirəm. Həmin şəxslər əldə etdiyi qazancla sonradan gedib hər hansı pis vərdişlə məşğul olurlar. Bu o deməkdir ki, onları pis yola mən çəkmişəm? Bu nə yanaşmadır?”.
Qeyd edək ki, 43 yaşında dünyasını dəyişən aktrisanın dəfninə vaxtilə çəkildiyi “Vicdan haqqı” serialının rejissoru Rövşən İsax və yaradıcı heyətin əksəriyyəti getməyib. Bu da sosial şəbəkədə müzakirələrə səbəb olub.
Abşeron və Suraxanı rayonlarında avtomobillərdən dövlət qeydiyyat nişanlarını oğurlayan şəxslərdən biri olan və saxlanıldığı deyilən “Limonçik” ləqəbli Əli İsmayıllı artıq bir neçə gündür ki, “TikTok” platformasında canlı yayımlar açmağa başlayıb. Oxu.Az-ın əldə etdiyi məlumata görə, Əli İsmayıllı yeniyetmə olduğu üçün Cinayət Məcəlləsininə uyğun olaraq ailəsinin iştirakı ilə onunla profilaktik söhbət aparılıb.
Xatırladaq ki, Ə.İsmayıllı və digər saxlanılan şəxslər dövlət qeydiyyat nişanlarının sahiblərinə Qazaxıstan Respublikasına məxsus nömrələrlə zəng edərək pul tələb ediblər.
Onların Abşeron rayonu, Xırdalan şəhəri ərazisində “Toyota”, “Hyundai”, “Range Rover” və “Mercedes-Benz” markalı daha 5 avtomobilin dövlət qeydiyyat nişanlarını oğurladıqları məlum olub.
Qeyd edək ki, bir müddət öncə Rusiyada limon satmaqla sosial şəbəkələrdə məşhurlaşan Ə.İsmayıllının saxlanılması barədə xəbər çıxmışdı.
Rəqqasə Fatimə Fətəliyeva bahalı avtomobilini nümayiş etdirib.
Maşının "77 FF 777" nömrəsi diqqət çəkib.
Sənətçi paylaşımında "Qadın gücdür, qüvvədir. Hər zaman özünüzün fərqində olun, özünüzü daim sevin. Bu dünyada qadının ən gözəl dostu özüdür. Ona görə də özünüzü sevin, mükafatlandırın, mənim kimi, əziz xanımlar. Hər birinizi sevirəm, hamınız dəyərlisiniz" sözlərini yazıb. (Axşam.az)
Qadının “TikTok” sosial şəbəkəsində olan səhifəsindəki şəkillərini götürüb adına saxta səhifə açıblar.
“Xəzər Xəbər”ə müraciət edən “TikTok” istifadəçisi 4 aydır şantaj olunduğunu iddia edir.
33 yaşlı qadın deyir ki, sözügedən məsələyə görə nişanı pozulub və işdən çıxarılıb. O, illərdir sosial şəbəkə istifadəçisi olsa da, ilk dəfədir belə halla qarşılaşır.
Adının çəkilməsini istəməyən şikayətçi adına saxta səhifə açan şəxsə – Şahbaz Babayevə elə “TikTok” sosial şəbəkəsi üzərindən müraciət edir və dərhal bu hərəkətlərinə son qoymasını tələb edir.
İddiasına görə, bundan sonra yenidən şəkillərinin paylaşıldığını görür.
Məsələ ilə bağlı ittiham olunan Şahbaz Babayev məqsədinin şantaj olmadığını bildirib.
Hüquqşünas Emil Aslanov isə deyir ki, bir şəxsin razılığı olmadan onun haqqında məlumatların yayılması hüquqi məsuliyyət yaradır.
E.Aslanov qeyd edib ki, şəxsi məlumatların yayılma müstəvisindən asılı olmayaraq, bu kimi problemlərə dünya ölkələrində olduğu kimi, Azərbaycanda da ciddi nəzarət edilir.
Bununla bağlı mülki və cinayət məcəlləsində maddələr var.
Ətraflı süjetdə:
"Aparıcıyamsa, səhnədəyəmsə, küsülü olduğum adamı tərifləyib, təqdim edəcəyəm".
Bu sözləri Əməkdar artist Qorxmaz Əlili "Elgizlə izlə" verilişində deyib.
Şoumen küsülü olduğu məşhurlardan danışıb.
Q.Əlili aparıcı Elgiz Əkbərin "İzzət Bağırov gəlsə, efirdə oturmayacaqsan" sualına belə cavab verib:
"Deyəcəyəm, başım ağrıyır, gedəcəyəm. Borcum deyil İzzətlə eyni verilişdə oturum. İncəsənət aləmində 10 nəfərlə danışmıram. Amma eyni məkanda otumuşam, bildirməmişəm. Yeganə adamdır ki, onunla oturmaram. 30 ilin söhbətini açıb tökməyim. Bu məsələyə Allah nöqtə qoyub. Yaxşılığı itirən adam mənim üçün dəyərsizdir".
Qeyd edək ki, Q.Əlili illərdir İzzətlə küsülüdür. O bildirib ki, İzzəti efirə o çıxardıb. Amma ifaçı sonra onun etdiklərini unudub. Aktyor bildirib ki, Bağırov onun övladının toyuna belə gəlməyib.
"Vaxtilə müğənninin özünə zəng edirdim. İndi onunla əlaqə saxlamaq üçün üçüncü adama yığmalıyam. İndi məni saymırlar" deyə, Q.Əlili açıqlamasında deyib. (Axşam.az)
Müğənni Qumral sosial media hesabından izləyicilərini hədələyib.
Üzünə etdirdiyi prosedurlar səbəbindən görkəmi dəyişən Qumral bəzi rəylərdən əsəbiləşdiyini deyib:
"Sözüm bəzi cahil insanlaradır. Deyirlər ki, sizə lazım idi? O qədər gözəl idiniz. Mən gözəl idim, gedib xahiş etdim ki, məni eybəcərləşdirin. Siz dəlisiniz? Xəstəsiniz? Əsəblərim yerində deyil, bu dəqiqə dəliyəm. Başımı xarab etməyin!". (savashmedia.az)