Türkiyənin "Diriliş Ertuğrul" serialında oynayan aktyor Nurettin Uçarın həyat yoldaşı və qızı İstanbulda baş verən terror aktı nəticəsində vəfat edib.

Teleqraf.com xəbər verir ki, aktyorun həyat yoldaşı 38 yaşlı Arzu Özsoy, qızı Yağmur Uçar da İstanbul şəhərinin Bəyoğlu məhəlləsi, İstiqlal küçəsində baş verən partlayışda dünyasını dəyişənlər sırasındadır.

Aktyor sosial şəbəkədə qızının fotosunu paylaşaraq "Qəbrin nur, məkanın cənnət olsun, qızım",-deyə vurğulayıb.

Qeyd edək ki, Nurettin Uçar "Diriliş Ertuğrul", "Arka Sokaklar", "Arıza", "Hay Sultan", "Yasak Elma" kimi seriallarda rol alıb.