Bu ilin I yarısında Hesablama Palatası 91 milyon manatlıq maliyyə pozuntusu aşkarlayıb.

Büdcəyə zərərin 39,3 milyon manat olduğu hesablanıb.

Qurumun kollegiyası 36,6 milyon manat məbləğində hesablanmış büdcəyə zərərin müvafiq qaydada pul və ya natura şəklində bərpası, eləcə də əvəzləşdirilməsi istiqamətində təkliflər verib.

2,7 milyon manat məbləğində hesablanmış büdcəyə zərər üzrə cinayət tərkibinin əlamətlərinin ehtimal olunması ilə əlaqədar 2 audit üzrə müvafiq materiallar hüquq-mühafizə orqanlarına göndərilib.

Büdcəyə zərərdən əlavə, həm də digər maliyyə pozuntuları da qeydə alınmışdır. Auditlər zamanı rast gəlinən bu pozuntulara vəsaitlərin icrası zamanı vahid büdcə təsnifatına əməl olunmaması, satınalma tətbiq olunmadan vəsaitin icrası və s. hallar aid edilib ki, belə hallar üzrə maliyyə pozuntularının məbləği 51,7 milyon manat təşkil edib.

Nəticələri rəsmiləşdirilmiş auditlər üzrə maliyyə hesabatlarında 169,3 milyon manatlıq təhriflərə yol verildiyi aşkarlanıb ki, bunların 47 milyon manatı əhəmiyyətli təhriflərdən ibarət olub.

Nəzarət tədbirlərinin nəticələri ilə bağlı zəruri addımların atılması məqsədilə 14 halda nəzarət obyektlərinə auditor hesabatı və kollegiya qərarları göndərilmişdir. 2024-cü ilin İş Planına əsasən başa çatdırılmış nəzarət tədbirlərinin nəticələri Azərbaycan Respublikasının Milli Məclisinə və Naxçıvan Muxtar Respublikasının Ali Məclisinə təqdim olunmuşdur. 5 tədbir üzrə Azərbaycan Respublikasının və Naxçıvan Muxtar Respublikasının Nazirlər Kabinetinə, 2 tədbir üzrə aşkar edilmiş aidiyyəti nöqsanlarla əlaqədar səlahiyyətləri çərçivəsində tədbirlərin görülməsi məqsədilə Azərbaycan Respublikasının Maliyyə Nazirliyinə, 8 tədbirlə əlaqədar Azərbaycan Respublikasının və Naxçıvan Muxtar Respublikasının aidiyyəti mərkəzi icra hakimiyyəti orqanlarına və digər qurumlara məlumat göndərilmişdir.

Hesabat dövründə də əvvəlki illərdə başa çatdırılmış nəzarət tədbirlərinin nəticələri üzrə qurumlar tərəfindən atılmış addımların icrasının izlənilməsi (follow-up) diqqətdə saxlanılmış, əvvəlki illərin nəzarət tədbirləri üzrə dövlət vəsaitinin bərpa təklifi ilə bağlı qalan vəsaitdən 2,3 milyon manatın hesabat tərtib olunduğu günədək pul və əvəzləşdirmə formasında bərpası təmin edilib.

Əvvəlki ildə maliyyə hesabatlarının auditi nəticəsində aşkarlanmış 661,5 milyon manat əhəmiyyətli təhriflərin 205,2 milyon manatı üzrə müvafiq düzəlişlər edilib.

İngiliz Financial Times, son dönemde Türkiye’ye yönelen yabancı sıcak paranın, olası küresel veya yerel şoklar karşısında hızla çıkabileceğine dikkat çekti.
İngiliz Financial Times gazetesine konuşan yabancı fon yöneticileri ve bir Türk ekonomi yetkilisi, Türkiye'ye son dönemde yüksek faiz nedeniyle gelen sıcak paranın, ani bir küresel veya yerel şok durumunda hızla çıkabileceğine dair uyarılarda bulundu.

Analizde, "İşlemciler milyarlarca doları Türk lirasına yatırıyor" başlığı altında, fonların yüksek faizden faydalanmak amacıyla Türkiye’ye yöneldiği ancak bu durumun ani piyasa değişimlerine karşı ülkeyi savunmasız bırakabileceği vurgulandı.

CARRY TRADE AKIŞI VE TÜRKİYE'NİN DURUMU
Düşük maliyetli borçlanarak yüksek getiri sağlayan paralara yatırım yapma stratejisi olan 'carry trade' akışına dikkat çekilen haberde, Türk lirasının yılbaşından bu yana ABD dolarına karşı yüzde 18 kazanç sağladığı ifade edildi. Türkiye’ye Ekim 2023’ten bu yana toplamda 24 milyar dolarlık carry trade amaçlı fon akışı gerçekleşirken, TL tahvillere son bir yılda 12,5 milyar dolarlık yabancı girişi olduğu belirtildi.

HIZLI PARA VE YATIRIMCI GÜVENİ
Analizde, Türkiye’ye girişlerin büyük bir kısmının "hızlı para" akışı şeklinde olduğu ve bu nedenle olası bir şokta hızlı çıkış olabileceği uyarısı yapıldı. Abrdn yatırım şirketinden Kieran Curtis, "Bu tür işlemlerde hızlı paranın payı artıyor, bu da tersine dönmeye daha yatkın hale getiriyor" dedi.

Bir Türk ekonomi yetkilisi de benzer görüşleri paylaşarak, dışsal şokların kararsız yatırımcıları Türkiye piyasalarından kaçırabileceğini kabul etti.

YEREL TASARRUF SAHİPLERİNİN RİSKLERİ
Hedge fon yöneticileri, Türkiye'ye olan ilginin yanı sıra yerel tasarruf sahiplerinin TL’ye olan güvenini kaybetme riskine de dikkat çekti. Türkiye Cumhuriyet Merkez Bankası'nın (TCMB) rezervlerindeki artışın yabancı sıcak para çıkışına karşı koruma sağlayabileceği ifade edilirken, büyük ölçekli doğrudan yabancı yatırımların henüz gerçekleşmediği kaydedildi.

FIM Partners’ın makro strateji şefi Charlie Robertson, Mehmet Şimşek’in yatırımcılara öngörülebilirlik sunabileceğini, ancak bunun sonuçlarının birkaç yıl içinde görülebileceğini belirtti.
cumhuriyet.com.tr
TEREF

"Əmək və Əhalinin Sosial Müdafiəsi Nazirliyi tərəfindən minimum əməkhaqqının artırılması ilə bağlı təkliflər hazırlanır və bu təkliflər noyabrın birinə qədər təqdim olunacaq. Daha sonra hökumətdə müzakirə olunduqdan sonra minimum əməkhaqqının artırılması ilə bağlı qərar qəbul ediləcəyi gözlənilir".

Bunu Baku.ws-ə açıqlamasında VI çağırış Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib.

Onun sözlərinə görə, ilkin gözlənti növbəti ilin yanvar ayından etibarən minimum əməkhaqqının artması ilə bağlıdır:

"Artım faizinin iki rəqəmli olacağı gözlənilir. Çünki son illər orta aylıq əməkhaqqıda iki rəqəmli artım qeydə alınıb. Bu baxımdan biz minimum əməkhaqqı artırılan zaman həm 2023 və 2024-cü illərdə normal, orta aylıq əmək artım faizinin nəzərə alınması, eyni zamanda inflyasiyanın bu kontekstdə indeksləşdirilməsini təklif edirik. Çünki praktiki olaraq bu minimum əmək haqqı daha yüksək artımların əldə edilməsinə gətirib çıxara bilər.

Nəticədə 700 mindən artıq vətəndaşımızın əməkhaqqısının artmasına, birbaşa onların gəlirlərinə təsir göstərə bilər. Nəzərə alsaq ki, minimum əməkhaqqı alan vətəndaşlarımız daha çox sosial tələbə təminatına ehtiyacı olan vətəndaşlarımızdır. Bu da onların sosial təminatının daha da gücləndirilməsinə xidmət etmiş olacaq.

Bütövlükdə bu istiqamətdə müzakirələr davam edir və təkliflərin hazırlanması və yeni büdcə paketinin müzakirə olunması və nəticə etibarən minimum əməkhaqqının artmasına imkan verəcək.

Konkret məbləğlə bağlı bu ilin payız aylarında müzakirələr nəticəsində əldə edilən rəqəmlə bağlı məlumatı bölüşmək mümkün olacaq".

Prezident İlham Əliyev Şuşada keçirilən II Qlobal Media Forumunda çıxış edib

Azərbaycan qazının Avropaya nəqlini iki dəfə artırmaq bizim hədəfimizdir və biz bu hədəfə doğru irəliləyirik.

AYNA xəbər verir ki, bu sözləri Prezident İlham Əliyev “Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunda çıxışında söyləyib.

“2021-ci ildə biz Avropaya 8 milyard kubmetr qaz nəql edirdik. Bu il təkcə Avropaya 13 milyard kubmetrə yaxın təbii qaz nəql ediləcək. Ümumi həcm isə 21 milyard kubmetr olacaq. 2027-ci il haqqında danışırıqsa, biz Avropaya ixracı 16 milyard kubmetrə çatdırmalıyıq. Bu resurslar Avropaya mövcud nəqliyyat şəbəkəsi - Cənub Qaz Dəhlizi, həm də onun interkonnektorları vasitəsilə çatdırılacaq”, - deyə dövlətimizin başçısı əlavə edib.

Nazirlər Kabineti 10 yanvar 2020-ci il tarixli qərarı ilə təsdiq edilmiş “Ərazi Tikinti-Planlaşdırma Mərkəzinin göstərdiyi xidmətlərə görə ödənilən xidmət haqqı məbləğləri”nə dəyişiklik edib.

AzFakt.com xəbər verir ki, Baş nazir Əli Əsədov yeni qərarına əsasən, Azərbaycanda tikinti obyektlərinin istismarına icazə verilməsi üçün sənədlərin kameral şəraitdə təhlili və bununla əlaqədar məlumatların uçotunun təşkilinə dair xidmət haqları müəyyən edilib.

Xidmət haqlarının məbləği obyektlərdən asılı olaraq aşağıdakı cədvəldə göstərilən xidmət haqları ilə eyni olacaq.

“Expressbank” 2024-cü ilin 2-ci rübü üzrə maliyyə hesabatlarını açıqlayıb.

İndex.az xəbər verir ki, 2024-cü ilin 2-ci rübündə “Expressbank”ın depozit portfeli 22.324 milyon manat artaraq 218.362 milyon manata yüksəlib.

2023-cü ilin 2-ci rübündə bu göstərici 196.038 milyon manat idi.

Cari ilin 2-ci rübündə fiziki şəxslərin banka qoyduğu depozitlər 15.249 milyon manat artaraq 170.699 milyon manata yüksəlib.

Ötən ilin 2-ci rübündə hüquqi şəxslərin banka qoyduğu depozitlər 40.587 milyon manat olduğu halda, 2024-cü ilin 2-ci rübündə bu göstərici 7.076 milyon manat artaraq 47.663 milyon manat olub.

Xatırladaq ki, “Expressbank” 1989-cu ildə “Azərnəqliyyatbank” adı ilə fəaliyyətə başlayıb, 2010-cu ildə rebrendinq edib. Onun nizamnamə kapitalı 112.545 milyon manatdır. Bankın səhmlərinin 48,8%-i “Azenco Group”a, 21,6%-i “Enerqoservis” MMC-yə, 19,5%-i Hikmət Xammədova, 9,8%-i Hafiz Seyidova, 0,3%-i Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinə məxsusdur.

İctimai nəqliyyatda gedişhaqqı qalxdı. Taksi xidməti də ayrıca "qiymətə mindi". Benzin də həmçinin. Axıra bircə internet qalmışdı, o da bahalaşdı. Amma, yox, hələ bu, son deyilmiş; Bakı Zooparkı da "qonşu"dan geri qalmayıb. Zooparka böyüklərin girişi 5 manat idi, oldu 7 manat. Yaxşı ki hələ uşaqların biletinə dəyməyiblər. Bir sözlə, zooparkda ceyrana baxmağın qiyməti qalxdı "ceyran beli"nə...
Bir şeyi başa düşmədim: Zooparkda heyvanlar benzinlə işləyir?! Orda niyə bahalaşma olsun ki?!
Heyvanlar və benzin demişkən, fauna möcüzələrinə tamaşa etmək üçün təkcə Heyvanat Parkına getməyə ehtiyac yoxdur. Bakı küçələrində hər gün hər cür zooloji varlıqlara rast gəlmək olur. Məsələn, pik saatlarında (və elə həmişə) rast gəldiyimiz bir mənzərə var: görürsən, bir Kayman timsahı yolun hərəkət hissəsində, yaxud səkidə maşını saxlayıb, ağzını ayırıb günəşlənir deyə, hərəkət iflic olub. Yaxud günün günorta çağı bir öküz öz arabasını yolun əks istiqamətində sürür. Hələ gün batmamış bir filin öz "KAMAZ-ı ilə milləti tapdalayıb, mərkəzi prospektə soxulduğunu da müşahidə edirik. 20 yanvar dairəsində öz yöndəmsiz vücudu ilə basabas salan, dinəni buynuzlayan Afrika kərgədanlarını, yaxud özü haqsız olduğu halda bədəninin yarısını pəncərədən çıxararaq, zil pərdədə üfunətli "qəzəllər" oxuyub "zəngulə vuran" Həmədan eşşəyini hələ demirəm.

Taksi sifariş edirsən, baxırsan, gələn nə çağırdığın maşındır, nə də sürücü o sürücüdür. Əlacın kəsilir, oturub gedirsən. Yolda tapdalamadığı xətt, pozmadığı qayda qalmır. Yol polisi saxlayanda, sükan arxasındakının əsl buqələmun olduğunun fərqinə varırsan; rəngdən rəngə düşür, cilddən cildə girir...

Bir də baxırsan, bir-birinin üstünə qalaqlanmış sərnişinləri kenquru kimi ətəyinə doldurmuş iki avtobus ötüşür. Nəymiş?! Sürücülər Serengeti səhrasından gəlmiş vəhşi madyanlardır. Bir söz deyəndə də at kimi adamın üzünə dururlar.

Mopedlərin üstündə meymunluq edənlər də ki bir ayrı bir aləmdir. Şəhərin baş prospektində hoqqa verir. Di gəl, bahalı maşınları sürtəndə, ya da arxadan vuranda, bazburutlu sürücülərin və polisin qarşısında ilan kimi qıvrılır.

Dönmə işıqlarını yandırmadan başqasının yoluna soxulan soxulcanlar, gecə uzaq məsafə işığını yandırıb, qarşı tərəfdən gələnləri evini yıxan bayquşlar, pəncəsini maşının şüşəsinə dirəyib, dirsəkləri ilə sükanı fırladan, qarşısındakıların üstünə nərildəyən ayılar, qəza törədəndə günahı zərərçəkənin boynuna yıxıb aradan çıxmağa çalışan tülkülər, sanki bu şəhərdə təkcə özləri yaşayırmış kimi gah o zolağa, gah bu zolağa səkib, öz ağır tonnajı ilə hamını ora-bura sıxan vəhşi camışlar... Daha nələr, nələr! Bir də yol qəzasında yaralılara kömək etmək əvəzinə sosial şəbəkədə canlını açıb qandan bəslənən vaşaqlar, cəsəddən "reytinq" qapan quzğunlar da var...

Bir sözlə, böyüklər heç o qiymətə bilet alıb, zooparka getməsinlər; bu küləklər şəhərinin küçələrində hər cür heyvanat nümunələri var. Hər gün qarşımıza çıxırlar, yan-yörəmizdə dolaşırlar o bədheybət əjdəhalar, o əzazil kaftarlar, o fürsətcil çaqqallar, o ağciyər dovşanlar, o zəhərli əqrəblər, o kinli dəvələr, o ziyankar gəmiricilər, kəsəyənlər, sünbülqıranlar...

Odur ki, heyvanxananı da, bahalaşan girişhaqqını da boş verin. "Böyük"sünüz axı, böyüklük edin...

Orxan, Bizimyol.info

Bir neçə gündür internet provayderləri qiymət artımının anonsunu verir. İyulun 12-də özəl, bundan beş gün sonra isə dövlət provayderləri dəyişiklik barədə məlumat yayıblar. Bəhanə kimi internetin sürətinin artırılması göstərilir. Provayderlərin bildirdiyinə görə, avqustdan ölkədə genişzolaqlı internetin minimal sürəti 100 Mbit/s-dən başlayacaq.
Bizimyol.info xəbər verir ki, KATV1 yeni tarif cədvəlini açıqlayıb. Fiziki şəxslər üçün internet paketi 25 manata təklif olunur. Əvvəllər qiymətin 18 manat olduğunu xatırlayırıq. İnternetlə yanaşı, televiziya imkanlarından da istifadə edənlər 31 manat ödəyəcək. Üstəlik, telelfon xidməti də varsa, məbləğ 33-ə çatır. Mənzildə iki televizor xidmətə qoşulubsa, KATV1-ə 35 manat ödəmək lazımdır. İnternet sürətinin 100 Mbit/s-ə çatdırılması xüsusi qeyd olunub. Tarif avqustun 5-dən qüvvəyə minir.

KATV1-dən Bizimyol.info xəbər portalına bildirilib ki, qiymət artımı tarif dəyişikliyi ilə bağlıdır: “İnternetin sürəti artırıldığından, qiymət də yüksəlir. Başqa xidmətlərdə qiymət dəyişikliyi yoxdur. Məhz internet sürətində və tarifində dəyişikliyə görə ümumi xidmət haqqı artırılır”.

Azərbaycan İnformasiya və Kommunikasiya Texnologiyaları Sənayesi Assosiasiyasının rəhbəri Elvin Abbasov hesab edir ki, qiymət artımı qərarı veriləndə istehlakçını da nəzərə almaq lazım idi: “İstehlakçı fakt qarşısında qalmamalıdır. Provayderlər vacib məlumatları yalnız öz saytlarında və qəzetlərdə yerləşdirməklə kifayətlənməməli, daha geniş formada yayımlamalıdırlar. Təəssüf ki, nə özəl, nə də dövlət provayderləri bunu ediblər”.

Elvin Abbasov deyir ki, qiymət artımını gözlənilən idi. Çünki ucqar bölgələrdə infrastrukturun qurulması üçün böyük pullar xərclənib. Mütəxəssis maarifləndirmə işinin zəif aparıldığını düşünür: “Provayderlərin abunəçilərə sadəcə sürətin və qiymətin dəyişməsi ilə bağlı məlumatı verməsi ilə kifayətlənmələrinin yetərli olmaması belə məqamda da aydın olur. Təəssüflər olsun ki, tələb ilə reallıq üst-üstə düşmədiyi halda narazılıqlar davam edir”.

Ucqar bölgələrdə infrastruktur qurulması, genişzolaqlı internet imkanlarının yaradılması yaxşı haldır. İnternetin sürətinin artırılması da müsbət tendensiyadır. Hər halda beynəlxalq reytinqlərdə də faydasını görəcəyik. Amma qiymət artımı heç yerinə düşmədi. Bütün dünyada internet qiymətlərinin aşağı salınması müzakirə mövzusudur. Bizdə isə benzin və dizelin qiyməti artan kimi başqa sahələrdə də bahalaşma müşahidə edilir. Ucqar kəndlərə internet gətiririk, lakin düşünmürük ki, insanlar xidmət haqqını necə ödəyəcək. Onsuz da bölgələrdə 18 manatdan ucuz internet əldə etmək mümkün deyil. Bəzi özəl provayderlər 40 Mbit/s sürəti 15 manata təklif edir. Belə çıxır ki, indi qiymət 20 manatı aşacaq. Bizə kiçik rəqəmlər kimi görünə bilər, amma bölgə camaatı üçün ağır yükdür.

Turizmin inkişaf etdiyi ölkələrdə hotel qiymətləri kəskin bahalaşıb. Hətta bu səbəbdən həmin ölkələrdə yerli turistlər istirahət üçün başqa ölkələri seçmək məcburiyyətində qalıblar. Türk mediasının xəbərinə görə, Bodrum və Antalyada hotel qiymətləri bahalaşdığından, ölkə əhalisi və xarici turistlər dincəlmək üçün Yunanıstana üz tuturlar. Türkiyənin tanınmış sənətçiləri də qiymət artımına öz etirazını bildirib. Tanınmış müğənni Demet Akal Bodrumda qiymətlərin kəskin artması səbəbindən "Çeşme2"də verdikləri konsertə çox az izləyici gəldiyindən şikayətlənib. O, qiymətlər bahalaşdığından turistlərin Yunanıstana üz tutduğunu söyləyib.
Rusiya da da hotellərdə kəskin qiymət artımı müşahidə olunur. "Novıye İzvestiya" portalının məlumatına görə, ölkənin sevimli turizm şəhərlərindən olan Kalininqradda gecəlik qiymət 50 min rubla (586 dollar) qalxıb. Moskvanın əfsanəvi otellərindən biri olan Metropolda "tarixi lüks" otağın qiyməti 65 min rubla qalxıb. St. Sankt-Peterburqdakı Grand Hotel Europe-da prezident nömrəsinə tələb olunan məbləğ 282 min rubl təşkil edir.
Turizm üzrə ekspert Ceyhun Aşurov Sputnik Azərbaycan-a açıqlamasında bildirib ki, Azərbaycan üçün populyar olan Türkiyə istiqamətində turpaketlər də bahalaşıb. Onu sözlərinə görə, qiymətlərdə 50-60 faiz bahalaşma var. Ekspert bildirib ki, nəqliyyat xərcləri və qidanın qiyməti bahalaşsa da, Türkiyədə turizmdə qiymət artımının əsas səbəbinin bahalı destenasiya olması bildirilir.

"Hazırda Bodrum, Antalya və Alanyada yerlər tam dolmasa da, qiymət endirimi edilmədi. Türkiyə turizm sahəsində təcrübəli olsa da, bu qiymətlər turistləri alternativ turizm bölgələrini seçməsinə səbəb olacaq. Rusiyada isə qiymətlərin artması daxili bazarda təlabatın kəskin artması ilə bağlıdır", - deyə ekspert bildirib.

Ceyhun Aşurov onu da deyib ki, buna görə də daxili turizmə təlabatı yüksək olaraq qalır.
O, vurğulayıb ki, dünyada məhdudiyyətlər aradan qalxsa da, bu il də daxili turizmə təlabat yüksək olaraq qalır. C.Aşurovun sözlərinə görə,artıq Azərbaycandan getmə turizm bərpa olunur. Ötən il bu rəqəm iki milyon olmuşdusa, bu il getmə turizmin daha da artacağı gözlənilir. Bununla belə ekspert hesab edir ki, qiymətləri artan bazarların hər zaman alternativi var.

"Bu il Azərbaycandan da Türkiyiyəyə gedən turistlərin çoxu, Yunanıstan, Misir, Albaniya, Makedoniyaya turlar daha çox artıb. Türkiyəyə gedən turistlərin 30 faizi digər turizm ölkələrinə yönəlib. Amma qiymətlərin bahalaşması daxili turizmə təlabatı yüksək saxlayacaq", - deyə Ceyhun Aşurov bildirib.

C.Aşurovun sözlərinə görə, daxili turizmə təlabatın yüksək olması qiymətlərə də təsirsiz ötüşməyəcək. Bölgələrdə onsuz da bahalı olan turizm qiymətləri daha da artacaq.
Qeyd edək ki, bölgələrdə turizm qiymətləri orta təbəqə əhali üçün sözün əsl mənasında əlçatmazdır. "Qafqaz Tufandağ Resort"hoteldə bir nəfərin bir gecəlik istirahət nə az, nə çox 480 manatdır. "Qafqaz Riverside Hotel" də bu qiymət bir qədər aşağı 333 manat təşkil edir. "Quba Palace Hotel & Golf Resort"da isə bir gecəlik istirahət bir nəfər ümün 435 manata başa gəlir. "Quba Vadi Chalet Hotel"-də isə qiymət 370 manat təşkil edir. "Marxal Resort & Spa" hoteldə qiymət 312 manatdır. Şuşada "Xarıbülbül" hotedə bir gecə iki nəfərin gecələməsi səhər yeməyi daxil 350 manatdır.

Turizmin inkişaf etdiyi bölgələrdə azbüdcəli hotellərin azlığı qiymətlərin hər mövsüm yüksək qalmasına təsir göstərən əsas amillərdəndir.

Avropa Komissiyası (AK) Ukrayna yardım üzrə Fond çərçivəsində Kiyevə 4,2 milyard avro məbləğində büdcə yardımının ayrılmasını təsdiqləyib.

İqtisadiyyat.az xəbər verir ki, bu barədə AK rəhbəri Ursula fon der Leyen "X"də məlumat verib.

"Avropa Komissiyası Ukrayna üçün Fond çərçivəsində Kiyev üçün təxminən 4,2 milyard avroluq yeni paketi təsdiqləyib", - deyə o yazıb.

Von der Leyen qeyd edib ki, bu məbləğ nəzərə alınmaqla, Ukrayna büdcəsinə Aİ-dən ayrılan vəsaitin ümumi məbləği 12 milyard avroya çatacaq ki, bu da proqramın icrasına başlanılan yanvarın 1-dən bəri hər ay 2 milyard avroya bərabər olur. Bu fonddan vəsaitin üçdə biri qrant, üçdə ikisi kredit şəklində ayrılır.