Moskva “Robostansiya”sının sakini Tespian robotu 2022-ci ildə Qətərdə keçirilən futbol üzrə dünya çempionatının finalına hansı komandaların çıxacağını proqnozlaşdırıb.

“Robostantsiya”nın mətbuat xidmətindən verilən məlumata görə, proqnoza əsasən, həlledici görüşdə Mərakeş və Xorvatiya komandaları çıxış edəcəklər.

Robot Mərakeş seçməsinin Fransa millisi üzərində qələbəsinə işarə edib. O, həmçinin Argentina və Xorvatiya qarşıdurmasında avropalıların qalib gələcəyini bildirib.
Mənbə: TASS
Teref.az olaraq qeyd edirik ki, rusların bu proqnozuda boşa getdi...

Argentina millisi DÇ-2022-nin yarımfinalında xorvatiyalı futbolçuları təxribata çəkmək niyyətindədir.

Qaynarinfo bu barədə Xorvatiyanın "Jutarnij List" qəzetinə istinadən xəbər verir.

Qəzetin iddiasına görə, Argentina yığmasının start heyətinin oyunçularından biri avropalı klub yoldaşlarına bildirib ki, onun milli komandasına xorvatiyalı futbolçuları təxribata çəkmək və onları ritmdən çıxarmaq tapşırığı verilib. Həmin oyunçu, klub həmkarları ilə video zəng zamanı Argentinanın "Xorvatiyanı 60 dəqiqəyə sındırıb, məğlub edəcəyinə" əmin olduğunu söyləyib.

Adı açıqlanmayan klubun paltardəyişmı otağında o vaxtdan bu söhbət davamlı olaraq müzakirə olunur.

Argentinalılar hesab edirlər ki, Xorvatiya millisinin bəzi oyunçularının "əsəbləri zəifdir". Adı açıqlanmayan Argentina millisinin futbolçusu komandasının ya 60 dəqiqə ərzində iki qol vuracağını, ya da xorvatiyalı futbolçunun qırmızı vərəqə alacağını gözləyir.

Argentina millisinin 3 futbolçusu psixoloji baxımdan komandasında ən zəif hesab edilən Xorvatiya millisinin 3 futbolçusunu təxribata çəkməklə bağlı Lionel Skalonidən xüsusi göstərişlər alıb.

Xorvatiya millisinin baş məşqçisi Zlatko Daliç bu məlumatdan xəbərdardır.

"Biz Argentinanın nə edəcəyini dəqiq deyə bilmərik, amma rəqibi əsəbiləşdirmək, səhv etmək və kart almaq istəyəndə necə davrandıqlarını bilirik. Argentinanın bu taktikasını artıq Niderlandla oyunda görmüşük. Qalib gəlmək üçün əllərindən gələni etməkdən qorxmurlar.

Heç nə təəccübləndirmir, amma təəssüf ki, kimsə çirkli üsullarla dünya çempionatının finalına çıxmaq istəyir. Buna müqavimət göstərmək və soyuqqanlı davranmaq asan deyil, lakin Xorvatiya millisi baş verən hər şeyin mübarizənin yalnız bir hissəsi olduğunu başa düşmək üçün konsentrasiya nümayiş etdirməli olacaq. Sakit qalmaq və Argentinaya meydanda qalib gəlmək lazımdır. Ən pis variant həvəskarlar kimi təslim olub uduzmaqdır. Buna yol vermək olmaz”, "Jutarnij List" yazır.

Argentina və Xorvatiya dekabrın 13-də qarşılaşacaq. Qarşılaşma Bakı vaxtı ilə saat 23.00-da başlayacaq.

Portuqaliya millisinin futbolçusu Kriştianu Ronaldu Qətərdə keçirilən dünya çempionatındakı favoritini açıqlayıb.
Bakupost.az bildirir ki, 37 yaşlı hücumçu "Mirror" nəşrinə müsahibəsində Fransa millisinin titulu qazanmağa daha iddialı olduğunu bildirib.
Təcrübəli forvard hesab edir ki, "xoruzlar" mundialın qalibi, Kilian Mpappe isə ən yaxşı oyunçusu olacaq.
Xatırladaq ki, Portuqaliya yığması 1/4 finalda Mərakeş seçməsinə 0:1 hesabı ilə uduzaraq, mübarizəni dayandırıb.

DÇ-2022-nin 1/4 finalında Portuqaliya Mərakeşə 0:1 hesabı ilə uduzaraq mübarizəni dayandırıb.

Yenicag.az xəbər verir ki, Portuqaliya millisinin kapitanı Kriştiano Ronaldo ölkəsinin dünya kuboku qazana bilməməsi ilə bağlı instaqram hesabında paylaşım edib:

“Portuqaliya üçün dünya kubokunu qazanmaq karyeramın ən böyük və iddialı arzusu idi. Sevinirəm ki, bir çox beynəlxalq titullar qazanmışam, lakin ölkəmizin adını dünyada ucalara çıxarmaq ən böyük arzum idi. Bu arzum üçün çox mübarizə apardım. 16 ildə dünya çempionatlarında qol vurduğum 5 matçda həmişə oyunçular və milyonlarla portuqaliyalının dəstəyi ilə əlimdən gələni etdim. Mübarizədən heç vaxt üz döndərməmişəm və bu arzumdan əl çəkməmişəm. Təəssüf ki, dünən yuxu bitdi.

Hamının bilməsini istəyirəm ki, çox fərziyyələr var, amma mənim Portuqaliyaya olan bağlılığım bir dəqiqə belə dəyişməyib. Həmişə həmin məqsəd uğrunda mübarizə aparmışam və heç vaxt həmkarlarımdan və ölkəmdən üz döndərməmişəm. Hələlik, başqa sözüm yoxdur. Təşəkkürlər Portuqaliya, təşəkkürlər Qətər.

Ümid edirəm ki, bundan sonra yaxşı məsləhətçi olacaq və hər kəsə öz nəticələrini çıxarmağa imkan verəcək”.

Qeyd edək ki, DÇ-2022 37 yaşlı Ronaldonun karyerasında sonuncu dünya çempionatı idi

"Goal” portalı Qətərdə keçirilən dünya çempionatının 1/4 final mərhələsinin ən yaxşı on oyunçusunun siyahısını dərc edib.

Reytinqə Argentina millisinin hücumçusu Lionel Messi başçılıq edir. O, turnirin beş oyununda dörd qol vurub və iki məhsuldar ötürmə edib.

İkinci yerdə fransalı hücumçu Kilian Mbappe qərarlaşıb. O, beş matçda beş qol və iki məhsuldar ötürməyə imza atıb.

İlk üçlüyü Mbappenin ortağı Antuan Qrizmann qapayıb. O, hələ bu mundialda qol vura bilməyib, lakin üç məhsuldar ötürmə edib.

Mükafata iddialıların tam siyahısı aşağıdakı kimidir:

1. Lionel Messi, Argentina.

2. Kilian Mbappe, Fransa.

3. Antuan Qrizman, Fransa

4. Dominik Livakoviç, Xorvatiya.

5. Əşrəf Həkimi, Mərakeş.

6. Bruno Fernandeş, Portuqaliya.

7. Sofyan Amrabat, Mərakeş.

8. Rişarlison, Braziliya.

9. Kodi Qakpo, Niderland

10. Cud Bellingem, İngiltərə

Tarix üçün o qədər də çox deyil 35-40 il. 35-40 il əvvəl, 80-ci illərdə Fransa yığmasının heyətində bir qaradərili futbolçu vardı – Jan Tiqana. Az qala hamı təəccüb edirdi: bu qaradərili o komandaya necə düşüb? Almanlarda belə şey ola bilməzdi. Hələ italyanları demirəm.

Dünya neçə dəyişib, ilahi? Dünyanın dəyişməsi futbolu da dəyişdirib. 35-40 il ərzində Fransa yığmasının az qala 70 faizi gəlmələrdən ibarətdir. Elə Almanların da, ingilislərin də. Artıq ispanların da heyətində “gəlmələr” görünür. 1982-ci ildə keçirilən Avropa çempionatında Fransaya çempionluğu təmiz fransız Platini qazandırmışdısa, üstündən 16 il keçdi və 1998-ci il mundialında Fransaya dünya çempionluğunu Əlcəzair əsilli ərəb Zidan qazandırdı.

Qətərdə keçirilən dünya çempionatında Avropa komandalarının heyəti, demək olar ki, afrikalı futbolçulardan qurulub.

Nə baş verir? Heç nə, hər şey məntiqi əsasını tapır. Avropanın yağmaladığı ölkələrin vətəndaşları deyirlər ki, biz nə fransızdan, nə almandan, nə də ingilisdən istedadsız deyilik. Sadəcə Avropa uzun illər Afrikanı sümürüb. Sümürdüyünün hesabına da özlərinə cənnət qurublar, infrastruktur yaradıblar.

Ona görə də, Zidanın Əlcəzairdə Zidan olmaq şansı qalmayıb. O, istedadlı olduğunu Fransada sübut etməli idi bütün dünyaya. Etdi də. Amma təkcə Zidan yox, Anrisi də, Anelkası da, Mbappesi də.

Onlar dağıdılmış, viran qoyulmuş ölkələrdən Avropaya axışdılar. Səbirlə qisas alacaqları günü gözlədilər. Onlar silahla gəlməmişdilər. Onlar qan tökmürdülər, uşaq öldürmürdülər. Onlar çalışırdılar, sübut edirdilər ki, fransızdan, almandan, ingilisdən qat-qat istedadlıdırlar, üstündürlər. Çünki bilirdilər, bilirdilər ki, fransızdan, almandan, ingilisdən qat-qat üstün olmalıdırlar ki, yığmada yer ala bilsinlər.

Və bu gün Avropa ölkələrinin əksəriyyətində yığmanın əsasını elə Avropanın viran qoyduğu ölkələrdən gələnlər təşkil edir. Çox qalmayıb, cəmisi 30 ildən sonra Avropanın futbolu yox, siyasəti, iqtisadiyyatı da onların əlində olacaq.

Məşhur fransız məşqçi Arsen Vengerdən müsahibə alan jurnalist ona belə sual vermişdi: “Çox böyük, təmtəraqlı eviniz var”.

Mənim, həm də filosof hesab etdiyim Vengerin cavabı belə olmuşdu: “Bu mənzil, bu təmtəraq mənim – bizim deyil. Bu, Avropanın istismar etdiyi xalqlarındır. Bir gün onlar öz sərvətlərinin ardınca gələcəklər”.

Onlar aratıq buradadırlar, gəliblər. Avropanı “işğal” edirlər. Səssiz-səmirsiz, silah-sursatsız. İstedadları ilə (Publika.az).

"Kubokda ilk matçlardan sonra şərh verməyi sevmirəm. Meydanda amansız mübarizə gedirdi".

"Report"un məlumatına görə, bunu "Zirə"nin baş məşqçisi Rəşad Sadıqov "Neftçi"yə 1:0 hesabı ilə qalib gəldikləri Azərbaycan Kubokunun 1/4 final mərhələsinin ilk oyunundan sonra mətbuat konfransında deyib.

50 yaşlı mütəxəssis cütün taleyinin ikinci görüşdə həll olunacağını bildirib: "Birinci matçda işimizi gördük. Artıq Premyer Liqada "Şamaxı" ilə oyunu düşünməliyik. Kubokda, sadəcə, ilk hissəni oynamışıq".

Sadıqov hər iki komandanın bir-birinə oynamaq üçün imkan vermədiyini diqqətə çatdırıb.

Baş məşqçi Felipe Paxtmanın zədələnməsi barədə də danışıb: "Bu, bizi məyus edir. Onun istedadına inanıram. Ümid edirəm ki, bu zədələr geridə qalacaq və oyunçu potensialını tam ortaya qoyacaq".

Mərakeşin ölkəmizdəki səfirliyi "Mərakeş Azərbaycan gənc rəssamlarının gözü ilə" adlı rəsm müsabiqəsinin qaliblərinin mükafatlandırma mərasimini təşkil edib.

APA xəbər verir ki, tədbir Mərakeş Krallığı ilə Azərbaycan Respublikası arasında diplomatik münasibətlərin qurulmasının 30-cu ildönümünün qeyd edilməsi çərçivəsində baş tutub.

Açılışda çıxış edən Mərakeş Krallığının Azərbaycandakı fövqəladə və səlahiyyətli səfiri Adil Embarş iki ölkə arasındakı münasibətləri yüksək qiymətləndirib.

“Ölkələrimiz arasında bir çox bağlar var. Mərakeş və Azərbaycan xalqları arasındakı dostluq və qardaşlıq münasibətlərinə dair bir çox nümunələri göstərmək olar. Qətərdə keçirilən dünya çempionatında Azərbaycan xalqının bizə dəstəyini xüsusi ilə qeyd etmək istərdim. Bu, ölkələrimiz arasındakı dostluğun gözəl nümunələrindən biridir”, - deyə səfir vurğulayıb.

Xatırladaq ki, Mərakeş səfirliyi ikitərəfli diplomatik münasibətlərin qurulmasının 30-cu ildönümü ilə yanaşı, digər iki mühüm hadisə - Şanlı Yaşıl Yürüşün 47-ci ildönümünü və Mərakeşin Müstəqillik Gününün 67-ci ildönümünü qeyd etmək məqsədilə bu ilin avqust ayında rəsm müsabiqəsinə start verib.