 |
|
|
“Bir ölkə göstərin ki, o ölkədə vətəndaş 20-25 ildir dövlətin verdiyi torpağa mülkiyyət hüququ əldə etmək üçün qurumlar arasında qalsın… 25 ilə yaxındır torpaqlarımızı sənədləşdirə bilmirik. Torpağın sxem-xəritəsinə görə bələdiyyə məsələni Dövlət Reyestr Xidmətinin üstünə atır, gedirik ora, onlar da atır bələdiyyənin üstünə, qalmışıq ortada…”
Uzun illərdir Xaçmazdakı Qobuqırağı yaşayış massivində torpaq sahəsi olan Tərlan Tahirov hələ də torpağının sahibi deyil. O, istifadəsində olan torpaq sahəsinə mülkiyyət şəhadətnaməsi ala bilməməsinin səbəblərindən danışır.
Yüzlərlə vətəndaş sənəd ala bilmir
Tərlan Tahirov deyir, bu ərazidəki torpaq sahələri 1996-cı ildən vətəndaşlara icra hakimiyyətinin sərəncamlarıyla verilib. Ancaq hələ də torpaq üzərində mülkiyyətçi deyillər. Yüzlərlə vətəndaş torpağa sənəd əldə edə bilmir:
“Daşınmaz Əmlakın Dövlət Reyestr Xidmətində bizdən torpaqlarımızın sxematik xəritələrini istəyirlər. Deyirlər, bu xəritəni Xaçmaz Şəhər Bələdiyyəsi verməlidir. Ancaq bələdiyyə üzərindən atır. Xəritələrimiz verilmədiyi üçün Reyestr Xidməti torpaq sahələrinin mülkiyyət formasını tanımır. İki qurum arasında qalmışıq, dərdimizə çarə axtarırıq”.
“Bu iş düyünə düşüb”
Azər Tahirov da illərdir ki, eyni problemlə qarşılaşıb. İstifadəsindəki 4 sot torpaq sahəsinə mülkiyyət şəhadətnaməsi ala bilmir:
“Qusarda, Qubada, Şabranda, Siyəzəndə bu sxematik xəritələri vətəndaşlara şəhər bələdiyyəsi verib. Bircə Xaçmazda bu iş düyünə düşüb. İllərdir ki, iki qurum arasında qalmışıq. Nəticədə torpaqlarımız üzərində hər hansı əməliyyatlar apara bilmirik, çünki həmin torpaqlara mülkiyyətçi hüququmuzu tanıdan sənədimiz yoxdur”.
Xaçmaz Şəhər Bələdiyyəsindən isə Meydan TV-yə bildirilib ki, barəsində danışılan torpaqlar bələdiyyə torpaqları deyil. Torpaqlar vətəndaşlara 1996-cı ildə Xaçmaz Şəhər İcra Hakimiyyətinin sərəncamıyla verilib. Bələdiyyələrsə 1999-cu ildə yaradılıb. Torpağın kimə məxsus olmağı, harda yerləşməsi barədə bələdiyyədə heç bir məlumat yoxdur.
Dövlət Reyestr Xidmətindənsə Xaçmazın Qobuqırağı ərazisindəki torpaqlarla bağlı qeyd olunan məsələylə əlaqədar vətəndaş müraciətlərinin daxil olmadığı bildirilib:
“Araşdırılmalıdır, sənədləri görmədən heç nə demək olmaz, rəsmi müraciət etsinlər”.
Hüquqşünas Namizəd Səfərov deyir, ümumiyyətlə, torpaqların sxem-xəritəsini nə bələdiyyələr, nə də icra hakimiyyətləri verir. Bu məsələ Dövlət Reyetr Xidmətinə aiddir:
“Bu, çox sadə bir prosesdir. Vətəndaş ərizəylə müraciət edir, qurumdan göndərilən mühəndis torpaq sahəsində ölçüləri götürür, sərhədlərini müəyyənləşdirir, xəritəni hazırlayır, vətəndaş rüsum ödəyərək o xəritəni alır və sənədləriylə birlikdə təqdim edir”.
Hüquqşünas bildirib ki, vətəndaşlar yaxınlıqlarındakı ASAN Xidmətə yaxınlaşıb, bu məsələlərlə məşğul olan bölmədən daha ətraflı məlumat ala bilərlər. //meydan.tv//
Xəbər verdiyimiz kimi, bu gün Binəqədi Rayon Məhkəməsində Əvəz Zeynallının ev dustaqlığına buraxılması ilə bağlı vəsatət təmin edilməyib.
TEREF.AZ “Qafqazinfo”ya istinadla xəbər verir ki, məhkəmə zamanı məlum olub ki, Əvəz Zeynallıya qarşı yeni ittiham irəli sürülüb.
Sentyabrın 10-da Cinayət Məcəlləsinin 311.3.3 (külli miqdarda rüşvət alma) maddəsilə ittiham edilərək həbs olunan jurnalist bu dəfə də məcəllənin 312-1 (Vəzifəli şəxsin qərarına qanunsuz təsir göstərmə - nüfuz alveri) maddəsilə də təqsirli bilinib.
Onun vəkili Aqil Layıc Əvəz Zeynallı ilə bağlı qərardan apellyasiya şikayəti verəcəklərini qeyd edib.
Keçən günlərdə məlumat verərək bildirmişdik ki, ölkənin sabiq baş gömrükçüsü Səfər Mehdiyevin durumu o qədər də ürəkaçan deyil və onunla bağlı hüquqi araşdrımalara start verilib.
Bu barədə DİA.AZ-a danışan hökumətdəki mötəbər mənbə iddia edirdi ki, hal-hazırda Səfər Mehdiyev DGK-nın keçmiş sədri olaraq istənilən bir istintaqdan kənardadır. Amma sabah belə olmayacaq. Mənbənin dia.az-a söylədikləri: "Səfər Mehdiyev 245 milyon manatlıq bir yeyintidə ittiham olunur. Bu, ilkin rəqəmdir və araşdırmalar ortaya daha real nəticəni çıxaracaq".
DİA.AZ-a daxil olan son informasiyadan isə aydın olur ki, artıq Səfər Mehdiyevin yaxın qohumlarının nəzarətində olan maliyyə qaynaqları araşdırılır. Mənbə iddia edir ki, bu istiqamətdə xüsusi olaraq keçmiş DGK sədrinin qayınları - İlham və Zeynal Tarquluyevlər nəzarətə götürülüb. Bu araşdırmaların isə yekunda Səfər Mehdiyevlə bağlı veriləcək qərara təsir edəcəyi istisna deyil.
Əlavə bilgilərimiz olacaq. Bizi izləməkdə davam edin. İddia olunanlarla bağlı dia.az olaraq bütün maraqlı tərəfləri dinləməyə hazırıq...
Hər yeni kadr təyinatından sonra qaysaq bağlayıb, sağalacağını düşündüyümüz təhsil sektoru korrupsioner direktor və “müəllim”lərin ucbatından irəliləməkdən, daha da geriyə düşür. Son bir neçə ay ərzində təhsil sektorunda baş verən müəllim-şagird münasibətlərini, həmçinin bir qism direktorlar tərəfindən yeni məktəbli forması almağa məcbur edilən valideynlərin, eyni zamanda “məktəb təmiri” adı ilə müəllimlərin, şagirdlərin cibinə girib, əlli, yüz manat qoparmağa çalışan “təhsil işçiləri”nin varlığı Təhsil Nazirliyinin bu məsələlərə qarşı hələ də tutarlı bir addım atmadığını göstərir.
Sanki orta məktəblər Təhsil Nazirliyindən bağımsız, heç hara və heç kimə hesabat verməyən “kiçik xanlıqlar”a çevrilib. Hər məktəb xanlıqdır və onu xan kimi idarə edən direktoru var. Bu direktorlara bəzən elə firon da demək olar. Təbii ki bu, məktəbin harada yerləşməsinə və ölçüsünə görə dəyişir. Hər ay bir neçə “müəllim”in rüşvət qalmaqalına görə işindən qovulduğu, ciddi ictimai tənqidə məruz qaldığı bir vaxtda özlərini xan, firon kimi aparan bəzi məktəb direktorları heç kimdən, heç nədən çəkinmədən, qorxmadan vatsap vasitəsilə ümumi qrupa səs göndərir və bildirir ki, filan gün hər kəs əlli manat pul gətirsin, məktəb təmir olunacaq. Yaxşı, bu direktor belə açıq-aşkar, rahatlıqla, qorxusuzca necə belə bir tələb ortaya qoya bilir? O, dəfələrlə belə səs yazılarına görə bədbəxt olan, abrı-həyası ətəyinə bükülüb, təhsildən rədd edilənləri görmürmü? Elə isə nədir bu rahatlıq, sərbəstlik?!
Sərbəstliklə səs yazısı göndərərək məktəb təmiri adı ilə işçilərdən pul tələb etmək, hələ bir bunu amiranə şəkildə ifadə etmək bu “balaca fironlar”ın nəyəsə, kiməsə güvəndiyini göstərir. Bu qədər acgözlüklə pul qoparmaq, yığmaq, özü də bunu açıq-aşkar edə bilmək cürəti nədən qaynaqlanır? Bəlkə həmin direktorlar elə “verdiyini yığmağa” çalışır? Bu, ehtimal ola bilərmi? Məncə, reallıqdır. Rüşvətin, korrupsiyanın baş alıb getdiyi qurumlarda verdiyini yığmaq, yazılmamış qanunlardan biridir və bunu demək olar, hər kəs çox gözəl bilir.
Təhsil Nazirliyi isə bu kimi hadisələrdə çox zaman ağzına su alıb oturur, problemləri əsasən Təhsil İdarəsinə yönləndirir və bildirir ki, məktəblərə Təhsil İdarəsi cavabdehdir. Təhsil Nazirliyinin birbaşa nəzarəti altında olmalı olan bu “balaca tiranlıq”ların indinin özündə də bəzi müəllimlərin, hətta valideynlərin üzərində göstərişvermə, pul tələbetmə “haqqı” var. Yalnız səs yazıları yayımlanandan sonra Təhsil Nazirliyi əl-ayağa düşüb, tədbir görməyə çalışır.
Ölkədə ən çox rüşvət, pul yeyintisi “tikinti, təmir” adı ilə alınır, mənimsənilir. Məktəb Təhsil Nazirliyinin nəzdində olan dövlət müəsisəsidirsə, nəyə görə orda çalışan müəllimlər, şagirdlər, hətta valideynlər həmin binanın tikintisi üçün əlli, yüz manat pul verməlidirlər? O məktəbi təmir etmək kimin vəzifəsidir? Hər il təhsilə ayrılan milyonlarla manat vəsait hara “buxarlanır”? Hər halda bu suallara cavab yaxın perspektivdə mümkün olmayacaq, ancaq bu, bir həqiqətdir ki, Azərbaycanda bir məktəb, bir də kazarma “təmiri” heç bir zaman bitmir. Nə deyək, işiniz avand olmasın...
Bizimyol.info
Dünən Saatlı Rayon İcra Hakimiyyətinin əməkdaşının meyitinin iş otağında tapılması hadisəsi ilə bağlı bəzi məqamlar üzə çıxıb.
Saatlı RİH-in İctimai-siyasi və hümanitar məsələlər şöbəsinin baş məsləhətçisi işləyən 1987-ci il təvəllüdlü Əhəd Cavanəli oğlu Behbudovun meyiti saat 11 radələrində iş otağında tapılıb. Belə ki, şöbə əməkdaşları Ə.Behbudovun işə gəlmədiyini düşünüb və onun otağının arxadan bağlı olması və otaqdan qoxunun gəldiyini hiss edərək şübhələniblər. Bundan sonra Əhədin iş otağının qapısı xüsusi vasitə ilə açılıb və onun meyiti aşkar edilib. Məlum olub ki, Ə.Behbudov sentyabrın 16-dan iş otağında vəfat edib və həmin gündən zənglərə cavab verməyib. Həmçinin hadisədən əvvəl 35 yaşlı məmur qapını arxadan bağlayıb.
İlkin ehtimala görə, Ə.Behbudov qəbul etdiyi dərmandan zəhərlənmə səbəbindən dünyasını dəyişib.
Ə.Behbudov ailəli olub.
Baş Prokurorluğun Mətbuat xidmətindən “Qafqazinfo”nun sorğusuna cavab olaraq bildirilib ki, faktla bağlı Saatlı Rayon Prokurorluğunda araşdırma aparılır. (“Qafqazinfo”)
Sentyabrın 19-da Göyçə-Zəngəzur Respublikasının yaradıldığı haqqında məlumat yayılıb.
Yayılan məlumatda qurumun bayrağının qəbul edilməsi, Rizvan Talıbovun rəhbər seçilməsi öz əksini tapıb. Yaradılan respublikanın nümayəndəliyi isə Türkiyənin paytaxtı Ankara şəhərindədir. Lakin bu xəbər cəmiyyətdə birmənalı qarşılanmayıb. TEREF.AZ xəbər verir ki, bununla bağlı Cebhe.info-ya açıqlamasında “Qərbi Azərbaycan İcması”nın Müşahidə Şurasının rəhbəri, professor Misir Mərdanov mövqeyinin icmanın mövqeyi ilə eyni olduğunu bildirib: ““Qərbi Azərbaycan İcması” məsələ ilə bağlı açıqlama yayıb. Biz razılaşıb açıqlamanı yaymışıq, həmin fikirlər, eyni zamanda, həm də mənim mövqeyimdir”.
Bundan başqa, Misir Mərdanov Qərbi Azərbaycandan olanların icma tərəfindən siyahıya alınacağına da münasibət bildirib. Professor bu siyahının bir müddət sonra dəqiqləşəcəyini bildirib:
“Biz hələ icmaya ayrılan ofisdə fəaliyyətə başlamamışıq. Yaxın günlərdə bu məsələləri araşdıracağıq. Bu, o qədər də sadə məsələ deyil. Bizdə nə qədər insanın və kimlərin deportasiya olunması haqqında məlumat var. Ondan sonra çoxlu dəyişikliklər olub, ailələr qurulub, nəsil artıb, biz onları da qərbi azərbaycanlı hesab edirik. Bir müddət sonra bu haqda daha dəqiq məlumat verə bilərik”.
Qeyd edək ki, "Qərbi Azərbaycan İcması”nın sədri deputat Əziz Ələkbərlidir. İcma bu gün Göyçə-Zəngəzur Respublikasının yaradılmasına münasibət bildirərək, belə bir qurumun yaradılmasının yolverilməz hesab edib. “Qərbi Azərbaycan İcması” “Göyçə-Zəngəzur Respublikası” adlı bir qurumu tanımadığını, onunla heç bir əlaqəsinin olmadığını, tarixi torpaqlarımızla bağlı belə özfəaliyyət hərəkətlərinin yolverilməz və zərərli hesab etdiyini bəyan edib.
Zəngəzur mahalının Qafan rayonunda yaşayan yaşlı erməninin bir zamanlar qonşusu olduğu, sonradan isə evinə məskunlaşdığı Səməd Qarayevə salam göndərməsi sosial şəbəkələrdə maraqla qarşılanıb. Qoca erməni öz dili ilə deyir ki, “ağacların barı-bəhəri də sizinlə gedib”.
Xəzər TV-nin əməkdaşı videoda adı çəkilən Səməd Qarayevin ailəsini tapıb və onlarla həmsöhbət olub.
Sosial şəbəkələrdə yayılan bu video Zəngəzurun Qafan rayonunun Mahmudlu kəndində çəkilib. Videoda hazırda orada yaşayan erməni bir zamanlar qonşusu olmuş Səməd Qarayevə ismarış göndərir.
Daha sonra yaşlı erməni yaxınlıqdakı evini göstərərək deyir ki, “bu, Səməd Qarayevin evidir”.
Qarayevlər ailəsinin qapısını döydük. Qapını üzümüzə oğlu açdı. Və bildirdi ki, Səməd kişi 1 öncə vəfat edib.
Oğlu Eldar Qarayev deyir ki, atası məlum videonu ölmədən öncə görüb, həmin ermənini də tanıyıb. Səməd Qarayev o dönəmlər “sovxoz” sədri işlədiyi üçün işi ilə əlaqədar Qafan rayonunu ən son tərk edənlərdən biri olub. O, azərbaycanlıların zorla çıxarıldığı evlərə ermənilərin köçürülməsini öz gözləri ilə görüb. Videoda danışan erməni də Qarayevlərin qonşusunun evində məskunlaşıb.
Yaşlı erməni azərbaycanca deyir ki, “ağacların barı-bəhəri də sizinlə gedib”. Qoca bunu deməklə o torpaqların gerçək sahiblərinin azərbaycanlılar olduğunu təsdiq edir.
Səməd Qarayev digər həmyerliləri kimi, 30 ildən çox vətən həsrəti çəkib. Qafana qayıtmaq ümidi ilə yaşayan Səməd kişi böyüyüb boya-başa çatdığı Zəngəzur haqqında, ermənilərin azərbaycanlıları yurd-yuvasında didərgin salmaları haqqında 4 kitab yazıb.
Zəngəzur sakinləri çox yaxın zamanda öz dogma yurdlarına geri qayıdacaqlar. Torpağın əsl sahibləri geri dönəndə ağaclara bar da verəcək. Azərbaycanlılar qoca erməninin göndərdiyi salamı elə öz evlərində alacaqlar.
Uzun müddətdir ki, metro keçidlərində ticarət qadağan edilib. Lakin nədənsə, həmin qadağa hələ də metronun “20 Yanvar” stansiyasına şamil edilməyib. Bu stansiyada hər gün şıdırğı ticarət gedir və belədə əhalinin rahat şəkildə metroya giriş-çıxışına əngəl yaranır.
Maraqlıdır ki, müvafiq qurumlar da “20 Yanvar” stansiyasında davam edən bu qanun pozuntusuna göz yumurlar.
“Bakı Metropoliteni” QSC-nin mətbuat katibi Bəxtiyar Məmmədov sözügedən stansiya ətrafında ticarət obyektlərinin işləməsinin səbəbini həmin ərazinin metroya aid olmaması ilə izah edib.
Bakı Şəhər İcra Hakimiyyəti də sözügedən ticarət obyektlərinin quruma aidiyyəti olmadığı bildirir.
Nədən digər keçidlərdə ticarət obyektləri yığışdırılsa da, “20 Yanvar” keçidində bunun əksi davam edir?
Mövzu ilə bağlı Qaynarinfo-ya açıqlamasında iqtisadçı ekspert Natiq Cəfərli düşünür ki, həmin obyektlərin hansı şərtlərlə orada çalışdığı barədə rəsmi açıqlama verilməlidir:
“Məsələni çözmək üçün düşünürəm ki, həmin obyektlərin arxasında kimin durduğu və yaxud müqavilələrin hansı şərtlərlə bağlandığını araşdırmaya ehtiyac var. İstənilən halda Azərbaycanda gediş-gəliş çox olan gəlirli yerlərdə ticarət obyektlərinin açılmasının rəsmi ya da qeyri-rəsmi müqavilələr və danışıqlardan asılı olduğu heç kimə sirr deyil. Ona görə də ilk növbədə həmin ticarət obyektlərinin kimə məxsus olduğu və hansı müqavilə şərtlərilə çalışdığını öyrənmək lazımdır. Ondan sonra müqavilə varsa, onun şərtlərinə baxmaq lazımdır. Heç bir müqavilə olmadan, kimlərinsə danışığı ilə fəaliyyət göstərirlərsə, bu, əlbəttə, qanunvericiliyin pozulmasıdır. Əsində, qanunla belə yerlərdə ticarətin həyata keçirilməsi qadağan deyil. Sadəcə, qanunauyğun şəkildə həyata keçirilməlidir”.
“Azərbaycan Ermənistan ərazisinə təcavüz edib” iddiasının Paşinyandan sonra bəzi azərbaycanlıların da tirajlaması məsələnin mahiyyətinin nədən ibarət olduğunu aktuallaşdırır.
İrəli sürülən “arqument”lərdən biri belədir ki, hər iki ölkənin hazırki ərazisi və sərhədləri BMT-yə daxil olanda tanınıb. Son döyüşlərin getdiyi ərazilər də Ermənistana məxsusdur. Bəs, əslində necədir?
Birincisi, Azərbaycan və Ermənistan 1992-ci ildə BMT-yə daxil olanda Qarabağda müharibə gedirdi və iki ölkə arasındakı sərhəd müəyyən edilməmişdi: Paşinyan iddia edir ki, MDB-yə üzv olanda tərəflər qarşılıqlı şəkildə ərazi bütövlüyünü tanıyıb, halbuki, Azərbaycan 1991-ci ildə MDB-yə daxil olmağa razılaşsa da, parlament bunu 1993-cü ildə ratifikasiya edib;
İkincisi, iki ölkə arasında sərhədin delimitasiya edilməməsi həmin ərazilərin kimə məxsus olduğunu da şübhələndirir: Fransanın istəyi ilə BMT Təhlükəsizlik Şurasında keçirilən iclasda üzv ölkələrin yekdil mövqeyi sərhədin delimitasiya olunması haqda oldu; “Azərbaycanı Ermənistana hücum etməkdə” ittiham edən Qərb də reallığı qəbul edir;
Üçüncüsü, Naxçıvanın Kərki, o cümlədən, Qazaxın 7 kəndi erməni işğalı altında qalmağa davam edir: Paşinyanın özü belə bu kəndlərin hüquqi statusunun mübahisəli olduğunu bəyan edib, o zaman, hansı sərhəddən, yaxud Ermənistan ərazisindən bəhs edilə bilər?!
Dördüncüsü, SSRİ dövründə otlaq və əkin sahəsi adı altında Ermənistana verilən ərazilərimizin taleyi hələ də sual altındadır: bu, sərhədin hansı ilin xəritəsinə uyğun müəyyən edilməsi prosesində müəyyənləşəck;
Beşincisi, 30 illik işğal dövründə Ermənistan dövlət sərhədini irəli çəkmişdi: müharibədən sonra bir neçə istiqamətdə bu sərhəd bərpa olunub, lakin proses başa çatmayıb;
Faktiki olaraq, Azərbaycan-Ermənistan sərhədi şərtidir və delimitasiya-demarkasiya olmadığı müddətdə bu ərazilərin kimə məxsus olduğu da sual altındadır.
Bu gün bir-birinə qarşı ərazi iddiası olmayan, lakin sərhədlə bağlı problemlər yaşayan onlarla ölkəni nümunə göstərmək olar.
- Azərbaycan və Gürcüstan arasında münaqişə yoxdur, ərazi bütövlüyü qarşılıqlı olaraq tanınır, lakin Keşikçi dağı məbədi ilə bağlı məsələ hələ də açıq qalıb: iki ölkə sərhədin bu istiqamətində delimitasiyanı həyata keçirdikdən sonra parlamentlər ratifikasiya etməli, daha sonra BMT-yə təqdim edilməlidir;
- Ermənistan və Gürcüstan arasında da sərhədin müəyyən hissələrinin delimitasiyası problemi qalır;
- Hazırda toqquşmalaırn yaşandığı Qırğızıstan və Tacikistanın da əsas problemi sərhədin müəyyən edilməməsidir: bu ölkələr də Azərbaycan və Ermənistan kimi SSRİ dağılanda BMT-yə üzv olublar, hər iki ölkə MDB-yə birgə daxil olublar;
Azərbaycan Ermənistana hücum etəyib, döyüşlər kimə məxsus olduğu hələ rəsmi şəkildə müəyyən edilməyən ərazilərdə baş verib. Və çox təəssüf ki, bu məsələni izah etmək məcburiyyətini yaradan azərbaycanlılar var.
Asif Nərimanlı
Sentyabrın 18-də bir qrup erməni Azərbaycanın Parisdəki səfirliyinə hücum edib.
Bu barədə Azərbaycanın Fransadakı səfiri Rəhman Mustafayev məlumat verib.
O, əllərində Ermənistan bayraqları olan bir qrup adamın səfirliyin binasına basqın etməsini əks etdirən videogörüntüləri də yayıb.
Ermənilər Azərbaycanın Beyrutdakı səfirliyinə də basqın etməyə cəhd edib. Yayılan videoda Livan polisinin çətinliklə onların qarşısını aldığı görünür. Sentyabrın 18-də isə ermənilərin Azərbaycanın Gürcüstandakı səfirliyinə yaxınlaşması yerli polis tərəfiindən alınıb.
Daha bir etiraza sentyabrın 15-də Vaşinqtondakı səfirlik önündə cəhd edilib. Keçmiş diplomat Arif Şahmarlı deyir ki, London hadisələrindən sonra Azərbaycan səfirliklərin təhlükəsizlik məsələsinə baxmalı idi.
Azərbaycan Respublikası Xarici İşlər Nazirliyinin sözcüsü Toplum TV-yə açıqlamasında məsələdəni cddi narahat olduğunu bildirib.
Diplomatik əlaqələr haqqında 1961-ci il Vyana Konvensiyasına uyğun olaraq, diplomatik nümayəndəliyi hər cür hücumlardan və zərər vurulmasından qorumaq və nümayəndəliyin sakitliyinin pozulmasının və ya şərəfinin təhqir olunmasının qarşısını almaq üçün lazımi tədbirlər görmək yerləşmə dövlətinin xüsusi vəzifəsidir.
Fransadakı Azərbaycan səfirliyinə qarşı erməni qrupları tərəfindən törədilən hücumla bağlı XİN-in etiraz notası artıq Fransa səfirinə təqdim edilib.