“Türk Dövlətləri Təşkilatı çərçivəsində münasibətlərimiz daha da dərinləşir. Başda Azərbaycan olmaqla, bütün qardaş-bacılarımızın 6 fevral zəlzələlərindən sonra göstərdikləri köməyi əsla unutmayacağıq”.

APA-nın Türkiyə müxbirinin verdiyi xəbərə görə, bu barədə, ölkə başçısı Rəcəb Tayyib Ərdoğan Nazirlər Kabinetinin iclasından sonra jurnalistlərə açıqlamasında bildirib.

“İnşallah, biz də onların qara günlərində, bizə ehtiyac duyduqları hər anda, qarşılıq gözləmədən qardaşlarımızın imdadına yetişəcək, bütün imkanlarımızla bu günə qədər olduğu kimi, yenə yanlarında olacağıq. Dildə, fikirdə, işdə birlik deyən mərhum Qaspıralı İsmail bəyin xəyalını gerçəkləşdirmək üçün birlikdə çalışacağıq”, - deyə o vurğulayıb.

Ən yeni tarix. Maraqlı faktlar.

Leonid İliç Brejnevin hakimiyyəti dövründə gələcək varisin kim olması ilə bağlı Kremldə illərlə gizli mübarizələr gedib. Xüsusilə də 1975-ci ildə baş katibin səhhətində yaranan ciddi problemlər bu mübarizəni daha da qızışdırıb.
Əslində 1964-cü ildə Xruşovu devirdikdən sonra Brejnevi hakimiyyətə gətirən komanda onun müvəqqəti bir müddətdə lider olacağını düşünüblər. Çünki Brejnev Kremldə o qədər də ciddi bir fiqur kimi, müstəqil siyasət apara biləcək bir siyasətçi kimi qəbul olunmayıb.
Məhz həmin ərəfədə nəzərlər Mixail Suslova daha çox yönəlib. Stalin dövrünün yetirməsi olan Suslov ən təcrübəli siyasətçi olmaqla yanaşı, ən təmiz, heç bir qalmaqallı hadisədə adı hallanmayan və partiyaya ən sədaqətli şəxs sayılıb.
Bəlkə də elə buna görə bəzi Siyasi Büro üzvləri onun birinci şəxs olmasını istəməyiblər. Təbii ki, Suslov rejimində işləməyin çətinliyini, bəlkə də mümkünsüzlüyünü dərk ediblər.
Brejnev özü də Kremldəki siyasi atmosferi aydın hiss edib. Mövqelərini möhkəmlədə bilməyəcəyi halda taxtdan qısa bir müddətdə düşəcəyini anlayıb.
Bu məqsədlə də o, onu hakimiyyətə gətirən “güclüləri” sıradan çıxarmağa başlayıb. Amma Brejnev Suslova toxunmayıb, əksinə, səlahiyyətlərini daha da artırıb.
Maraqlıdır, niyə Brejnev Suslova daha çox səlahiyyət verib, niyə məhz onu partiya xətti ilə ikinci şəxsə çevirib?
Sözsüz ki, ilk növbədə Brejnev öz cəbhəsini gücləndirib, iddialı olmayan Suslov iddialı olan digər Siyasi Büro üzvləri üçün böyük maneəyə çevrilib.
Elə 1975-ci ildə varis məsələsi ortaya çıxanda Suslov bəyan edib ki, bu haqda danışmaq hələ tezdir. Həmin ərəfədə Aleksey Kosıginin adı varis kimi hallananda məhz Suslov çəkinmədən bu məsələyə sərt münasibətini bildirib:
“Hökumət öz işi ilə məşğul olmalıdır. Biz partiya rəhbəri seçkilərini müzakirə etməyi hələ ki, düşünmürük, Leonid İliç hələ uzun illər sədaqətlə partiyaya rəhbərliyini davam etdirəcək...”
İddialılar arasında Nikolay Podqornının da adı hallanıb.
Onun bu iddiasına isə daha maraqlı münasibət bildirilib. Marşal Ustinov Podqornıya çəkinmədən məsləhət verib:
“Nikolay Viktoroviç, siz əvvəlcə Brejnevə daşıdığınız kağızlardan üstünüzə hopan tozları təmizləyin, sonra yenə də öz xəyallarınıza qayıdarsınız...”
Siyasi Büro üzvləri DTK sədri kimi Yuri Andropovdan çəkiniblər və onun da iddialılar sırasında olduğunu zənn ediblər.
Amma Andropov bu məsələdə ehtiyatlı davranıb.
Belə ki, DTK şefi Kosıginin və Suslovun daha güclü rəqib olduğunu dərk edərək birincilik iddiasını büruzə verməyib və o, Brejnevi müdafiə edib.
Andropov məsələləri zamanın ixtiyarına buraxıb. Düşünüb ki, zaman özü həm Kosıgini, həm də Suslovu sıradan çıxaracaq. Ən azı ona görə ki, Andropov Suslovdan 12, Kosıgindən isə 10 yaş kiçik olub. Elə bu məqsədlə də Andropov sona qədər Brejnevi baş katib kürsüsündə hamıdan çox qoruyub və sonda da öz istəyinə nail olub.
Kəskin xəstəliyindən, 1975-ci ildən sonra hələ 7 il də öz kürsüsünü əldən verməyən Brejnev bütün bu pərdəarxası mübarizələrdən xəbərdar olub.
Baş katib qeyri-səmimi siyasətçilərin vəzifə ehtirasını yaxşı hiss edib. “Yumşaq” görünən Brejnev zaman-zaman sərt tədbirləini həyata keçirib, Kreml oyunlarına hakimlik etməyi bacarıb, rəqiblərini zərərsizləşdirə bilib.
Məsələn, Andropovun fəaliyyətini nəzarətdə saxlamaq üçün o, öz yaxın adamı olan Semyon Sviqunu DTK-a sədrinə birinci müavin təyin edib.
Güc strukturlarının birləşməməsi, qruplaşmaması üçün Brejnev Daxili İşlər Nazirliyi ilə Dövlət Təhlükəsizlik Komitələrini, onların rəhbərləri olan Şelokovla Andropovu böyük peşəkarlıqla üz-üzə qoyub, düşmən edib.
Kosıgini zərərsizləşdirmək üçün Brejnev hökumətə partiya nəzarətini gücləndirmək məqsədilə Mərkəzi Komitənin katiblərinin sayını artırıb.
Brejnev müttəfiq respublikaların birinci katiblərinə birbaşa onun özü ilə görüşmək imkanı yaradıb ki, bütün qərarların qəbulu baş katibdən gəlib.
Həmçinin respublikaların birinci katiblərinin fəaliyyəti haqqında informasiyalar almaq üçün baş katib qapılarını diyar və vilayət Partiya Komitələrinin birinci katibləri üçün açıq qoyub.
Leonid İliç Brejnevin Mərkəzi Komitədə ən çox inandığı adam isə Mixail Suslov olub.
Baş katib ona vəzifəsindən də artıq səlahiyyətlər verib. Ölkə üçün mühüm və vacib olan sənədlər Brejnevə təqdim olunanda, o, “görək Suslov bu məsələyə nə deyəcək” deyə, onunla məsləhətləşməyi vacib sayıb.
Beləliklə, Brejnev bu mübarizələrin içində düz 18 il SSRİ-nin sükanını saxlamağa nail olub.
İlhm Cəmiloğlu

Kollektiv Qərbin Gürcüstandakeçirilən seçkilərə bəzən birbaşa, bəzən də dolayısı ilə müdaxiləsi göz önündədir və bu, hazırda Tiflislə Brüssel arasında ixtilafa səbəb olub.

Avropanı aparıcı ölkələri Gürcüstanı öz təsir dairələrindən buraxmaq, ölkənin yenidən Rusiyanın səfinə qayıtmamasını təmin etmək istəyirlər, Gürcüstanı idarə edən qüvvələr, eləcə də xalqın böyük bir hissəsi isə bu tendensiyada ölkənin suverenliyinə təhdid və basqı görür, buna etiraz edirlər.

Musavat.com-un etibarlı mənbələrdən əldə etdiyi məlumata görə, Gürcüstanda qarşıdan gələn seçkilərə ciddi hazırlaşan Qərb ölkələrindən biri də Hollandiyadır. Bu hazırlıqlar çərçivəsində diqqət çəkən məqam Qərbin Gürcüstandakı azərbaycanlılarla, xüsusilə də gənclərlə apardığı xüsusi işdir. Hollandiya səfiri, erməni əsilli diplomat Meline Arakelyan fəaliyyətinin bir hissəsini bu istiqamətə yönəldib. Arakelyan yerli azərbaycanlılarla aktiv iş quraraq, onları müxtəlif yollarla hakimiyyətə qarşı yönəltməyə çalışır.

Arakelyanın fəaliyyətinin əsas istiqamətləri

Məlumatlara görə, səfirin Gürcüstan azərbaycanlıları ilə apardığı fəaliyyət aşağıdakı əsas istiqamətləri əhatə edir:

1. Azərbaycanlılara qrantların verilməsi: Arakelyan və onun komandasının bir hissəsi azərbaycanlı icmalarla sıx iş birliyi quraraq, onlara müxtəlif qrantlar və təlimlər təklif edir. Bu qrantlar vasitəsilə gəncləri sosial aktivizm və hökumətə qarşı narazılıq yaratmaq üçün hazırlamaq planlanır.

2. LGBT Təbliğatı: Qərbin Gürcüstandakı fəaliyyətində LGBT məsələləri üzərində xüsusi vurğu edilir. Belə təbliğatın gənclər arasında yayılmasının məqsədi, bu qrupun hüquqlarının müdafiəsini hakimiyyətlə toqquşmalar yaratmaq üçün bir vasitə kimi istifadə etməkdir.

3. Gənclərin xaricdə təlimlərə cəlb edilməsi: Arakelyan azərbaycanlı gəncləri Balkan ölkələrində təşkil olunan və dağıdıcı aksiyalara hazırlamaq məqsədi daşıyan təlimlərə cəlb edir. Bu təlimlərdə Qərb modelləri əsasında sosial dəyişikliklər və “rəngli inqilablar” üçün baza formalaşdırılır. Bu cür təlimlər haqda Musavat.com daha əvvəl də yazmışdı və Azərbaycanla bağlı bu kimi təxribat planlarının detalları açıqlanmışdı.

Gedişatın Azərbaycan-Gürcüstan münasibətlərinə təsiri

Gürcüstanda yaşayan azərbaycanlılar daim ölkənin hakimiyyətinə yaxın münasibət göstərib və “Gürcü arzusu” partiyasını dəstəkləyiblər. Gürcüstanın indiki rəhbərliyinin Azərbaycana qarşı dost siyasəti bu icma üçün əhəmiyyətlidir. Lakin Qərbin Gürcüstanda fəallaşması və azərbaycanlı gənclər arasında hökumət əleyhinə əhval-ruhiyyəni artırmağa çalışması ciddi narahatlıqlar yaradır. İndiyə qədərki bütün seçkilərdə azərbaycanlılar həmişə elə ehtiyatlı mövqe tutublar ki, qalib gələn qüvvələr sonradan Gürcüstan azərbaycanlıları ilə intirqaya girməsin, onların hüquqlarını məhdudlaşdırmağı düşünməsin, təqib və təzyiqə məruz qoymasın.

Bu dəfə isə azərbaycanlılar böyük ehtimalla qalib gələcəyi göslənilən “Gürcü arzusu” partiyasına qarşı qoyulur və bu özlüyündə perspektivdə xoşagəlməz nəticələr doğura, soydaşlarımızın müdafiəsində durmalı olan Azərbaycan dövlətinə də iş artıra bilər.

USAID-in fəaliyyətinin artması

Son vaxtlar USAID də Gürcüstanda fəallığını artırıb, gənclər arasında hökumətə qarşı narazılığın artmasına xidmət edən müxtəlif layihələr həyata keçirib. Bu fəaliyyətlər çərçivəsində sosial və iqtisadi təzyiqlərin artırılması, gənclərin sosial şəbəkələr vasitəsilə hakimiyyətə qarşı yönəldilməsi planlanır.
Bu gedişatın Gürcüstan-Azərbaycan münasibətlərinə təsir

Gürcüstandakı soydaşlarımızın diqqətinə çatdırmaq istəyirik ki, Qərbin bu cür oyunlarına qoşulmamaq, Azərbaycan-Gürcüstan münasibətlərinə xələl gətirə biləcək fəaliyyətlərdə iştirak etməmək vacibdir. Gürcüstanın hazırkı rəhbərliyi ilə Azərbaycan arasında mövcud olan dostluq siyasətini qoruyub saxlamaq, regionda sabitliyin əsas açarıdır.

Qərbin müdaxilələri və Gürcüstandakı Azərbaycanlılara təsir etmək cəhdləri, həmçinin bu cür layihələrin arxasında dayanan məqsədlər ciddi bir təhlilə möhtacdır və bu mövzuların açıq şəkildə müzakirəsi vacibdir. Gürcüstanın sabitliyi və Azərbaycanla münasibətlərinin qorunması üçün bu cür təxribatlara qarşı ayıq-sayıq olmaq lazımdır.

Həm də unutmamalıyıq ki, ortada erməni barmağı da var. Hollandiyanı təmsil edən səfir Arakelyanın bu fəaliyyəti ilə Gürcüstan və Azərbaycanın arasını vurmaq niyyəti güddüyünü istisna etmək olmaz.

Musavat.com

Böyük Britaniya bu gün İranın yüksəkrütbəli hərbi şəxsləri və təşkilatlarına qarşı yeni sanksiya paketini elan edib.

TEREF xəbər verir ki, bu barədə Britaniya Xarici İşlər Nazirliyi məlumat yayıb.

Bildirilib ki, İran İslam Respublikası ordusunun baş komandanı və İranın Ali Milli Təhlükəsizlik Şurasının üzvü Əbdülrəhim Musəvi, İran İslam Respublikası Hərbi Hava Qüvvələrinin komandanı Həmid Vahedi, SEPAH sözçüsü Əli-Məhəmməd Naini, SEPAH-ın kəşfiyyat rəisi Məhəmməd Kazemi və daha üç şəxs sanksiyalara məruz qalıb. Onların Britaniyaya səyahətləri qadağa olunub və aktivləri dondurulub.

Bundan əlavə, iki quruma da sanksiya tətbiq edilib.

Ballistik raketlərin hazırlanmasında istifadə edilə bilən kosmik daşıyıcı texnologiyalarını inkişaf etdirən İran Kosmik Agentliyinə və kruiz raketlərində istifadə oluna bilən mühərrik texnologiyalarını layihələndirən və istehsal edən Farzaneqan Hərəkət Sistemləri Dizayn Bürosu adlı quruma sanksiya tətbiq olunub.


Publika.az

“Astana formatı” çərçivəsində Suriya üzrə 22-ci beynəlxalq toplantı Astanada keçiriləcək

9 aylıq fasilədən sonra Moskva Suriya böhranının nizamlanmasına dair görüş hazırlayır. “Astana formatı” çərçivəsində Suriya üzrə 22-ci beynəlxalq toplantı Astanada keçiriləcək. AYNA rus mediasına istinadən xəbər verir ki, bu barədə Rusiya Federasiyası xarici işlər nazirinin müavini Sergey Verşinin deyib.

Yanvarın 25-də Astanada üç qarant ölkənin (Rusiya, Türkiyə və İran), habelə Suriya hökuməti və Suriya müxalifətinin nümayəndə heyətlərinin iştirakı ilə danışıqların 21-ci raundu keçirilib. İordaniya, Livan və İraqın nümayəndələri, BMT və Beynəlxalq Qızıl Xaç Komitəsinin nümayəndələri də müşahidəçi qismində iştirak ediblər.

Oktyabrın 22-də fevralda həbsxanada vəfat edən Rusiyanın müxalifət lideri Aleksey Navalnının memuarları satışa çıxarılacaq.

The New Yorker cümə günü Navalnının həbsxanada olduğu müddət və daha öncəki vaxtlarda gündəliyində yazılanlarla bərabər kitabdan bəzi hissələri dərc edib.

“Ömrümün qalan hissəsini həbsxanada keçirəcəm və burada öləcəyəm”, Navalnı 2022-ci ilin 22 mart tarixində yazıb: “Vidalaşacaq kimsə olmayacaq… Bütün yubileylər mənsiz qeyd olunacaq. Nəvələrimi heç vaxt görməyəcəm”.

Navalnı “ekstremizm” ittihamı ilə aldığı 19 il həbs cəzasını Arktikada cəzaçəkmə koloniyasında çəkirdi.

Onun fevralın 16-da, 47 yaşında ölməsindən sonra bir çoxları buna görə Putini təqsirləndirdi.

Navalnı 2021-ci ilin yanvarında Rusiyaya qayıdarkən həbs edilib. O, 2020-ci ildə zəhərləndikdən sonra ciddi sağlamlıq problemi səbəbilə xaricə aparılmışdı.

Navalnı 2022-ci il yanvarın 17-də yazıb: “Qorxmalı olduğumuz yeganə şey vətənimizin yalançı, oğru və ikiüzlü dəstə tərəfindən talan edilməsidir”.

Kitabdan çıxarışlar məhbəsin tənhalığını, eyni zamanda yumor təəssüratı yaradır.

Məsələn, 2022-ci il iyulun 1-də Navalnı tipik gününü təsvir etdi: “Səhər 6-da oyan, səhər 6:20-də səhər yeməyi və 6:40-da işə başla.”

“İşdə sən yeddi saat tikiş maşınının yanında diz hündürlüyündən aşağı taburedə oturursan” deyə o, yazıb.

“İşdən sonra bir neçə saat Putinin portreti altında taxta skamyada oturmağa davam edirsən. Buna “intizam fəaliyyəti” deyilir”.

“Patriot” adlı kitabı ABŞ-ın “Knopf” nəşriyyatı nəşr edəcək.

“Nyu Yorker”in redaktoru Devid Remnik yazıb: “Navalnının çəkdiyi əzabların faciəsindən və ölümündən qəzəblənmədən onun həbsxana gündəliyini oxumaq mümkün deyil”.

Jurnalda dərc olunan 17 yanvar 2024-cü il tarixli sonuncu hissədə Navalnı məhbus yoldaşları və həbsxana nəzarətçiləri tərəfindən ona verilən “Nə üçün Rusiyaya qayıtdın?” sualına belə cavab verir:

“Ölkəmdən əlimi üzmək və ya ona xəyanət etmək istəmirəm. Əgər əqidələriniz bir şey ifadə edirsə, siz onların müdafiəsinə qalxmağa və lazım gələrsə, qurbanlar verməyə hazır olmalısınız”. (Amerikanın Səsi)

İsrail 1 oktyabr raket hücumuna cavab olaraq İrandakı hədəflərini daraldıb. Hədəflər siyahısına İranın nüvə obyektləri daxil deyil.
Bakupost.az xəbər verir ki, bu barədə “NBC Nyus” məlumat yayıb.
İsrailin cavabı İranın hərbi və enerji infrastrukturunu hədəfə alacaq. Lakin İsraildə hələlik yekun qərar verilməyib.
Vaşinqton İsrailin cavab olaraq İranı nə vaxt vuracağını bilmir, lakin bu, əmr verilən kimi istənilən vaxt baş verə bilər. ABŞ rəsmiləri İsrailin hətta tarixlə bağlı razılığa gəlib-gəlmədiyini də bilmirlər.
Eyni zamanda, ABŞ və İsrail nümayəndələri İrana zərbənin Yom Kippur bayramı zamanı, yəni bu gün baş verə biləcəyinə inanırlar.