 |
|
|
Konservləşdirilmiş məhsulların açılması zamanı gigiyena qaydalarına diqqət yetirilməlidir. Mütəxəssislər bildirir ki, konserv qabları uzun müddət saxlanıldığı və müxtəlif yerlərdən keçdiyi üçün onların üzərində toz, bakteriya və digər çirklənmələr ola bilər.
Buna görə də, qutular açılmadan əvvəl mütləq yuyulmalı və ya nəm salfetlə silinməlidir. Əks halda, çirklər qidaya keçərək sağlamlıq üçün risk yarada bilər.Bundan əlavə, açılmadan əvvəl konserv qutularının vəziyyətinə diqqət yetirmək vacibdir. Şişkinlik, pas və ya deformasiyalar varsa, bu məhsullar istehlak edilməməlidir.
Saxta "Himalay duzu"nun satışı ilə bağlı daxil olan müraciət əsasında Azərbaycan Qida Təhlükəsizliyi Agentliyinin (AQTA) əməkdaşları tərəfindən aparılmış araşdırma zamanı fakt təsdiqini tapıb.
Bu barədə AQTA məlumat yayıb.
Belə ki, fiziki şəxs Məmməd Adil oğlu Mənsimovun İrandan idxal etdiyi "Behnam Kar Azar Bilasavar Co" şirkətinin istehsalı olan "Morvarid" əmtəə nişanlı çəhrayı duzun Sabirabad şəhəri, Vidadi küçəsi, 8A ünvanında yerləşən qablaşdırılma müəssisəsində "İlğım" əmtəə nişanı ilə "Himalay duzu" adı altında qablaşdırılaraq satışa çıxarıldığı aşkarlanıb. Həmçinin məhsulun etiketində tərkibinə yodun qatılması ilə bağlı hər hansı məlumatın qeyd edilmədiyi müəyyən olunub.
Faktla bağlı fiziki şəxs barəsində inzibati tədbir görülüb, məhsulların satışdan geri çağırılmasına dair qərar qəbul edilib. Ticarət şəbəkələrinin rəhbərlərinə bu məhsulların təchizatçı müəssisəyə geri qaytarılması barədə xəbərdarlıq məktubu ünvanlanıb.
Faktla bağlı araşdırmalar davam etdirilir.
Toyuq əti sağlam qidalanmada əsas məhsullardan biridir, lakin onun keyfiyyəti və hazırlanma üsulu böyük rol oynayır. Foodinfo.az bildirir ki, mütəxəssislər toyuğun istehlakı zamanı diqqət edilməli məqamları açıqlayıblar.Toyuq ətinin faydaları:
Zülal baxımından zəngin olan toyuq əti, az yağlı tərkibə malikdir və bədən üçün əhəmiyyətli tikinti materialıdır. Bu, əzələ kütləsinin qorunmasına və toxumaların bərpasına kömək edir.Toyuq əti niyə təhlükəli ola bilər?Hormon və antibiotik qalığı riski: Kütləvi istehsalda quşlar tez-tez böyümə hormonları və antibiotiklərlə qidalanır. Bu maddələr daha çox bud və baraban hissələrində toplanır. Daha təhlükəsiz seçim üçün toyuq döş ətinə üstünlük vermək tövsiyə edilir.Yanlış bişirmə üsulları: Yağda qızartma zərərli maddələrin yaranmasına səbəb ola bilər. Toyuğu buxarda, qaynadaraq və ya sobada bişirmək daha sağlam seçimdir.Bakterial infeksiya riski: Toyuq əti salmonella bakteriyası ilə çirklənə bilər. Bu səbəbdən, yaxşı bişirilməli və çiy halda yeyilməməlidir. Eyni zamanda, çiy toyuqla təmasda olan mətbəx alətləri yaxşıca yuyulmalıdır.Allergiya riski: Toyuq yumurtasına qarşı allergiyası olan şəxslər toyuq ətinə də reaksiya verə bilər.Endokrinoloq Elena Syurakshina bildirir ki, təbii toyuq bulyonu B vitaminləri ilə zəngindir və maddələr mübadiləsini normallaşdırmağa, sinir sisteminin işini yaxşılaşdırmağa kömək edir. Bu xüsusilə xəstəlikdən sonra bərpa dövründə əhəmiyyətlidir.Toyuq əti sağlam pəhrizin bir hissəsi ola bilər, lakin onun keyfiyyətinə və düzgün bişirilməsinə xüsusi diqqət yetirilməlidir.
Alimlər sosis yeməklə mədə xərçəngi arasında təsir və əlaqənin olduğunu sübut ediblər.
“Medicina”ya istinadən xəbər verir ki, həkim terapevt İrina Baranova sosislərin xərçəngə səbəb olmasını açıqlayıb.“Çoxsaylı elmi tədqiqatlar sübut edib ki, sosis yeməklə mədə və bağırsaq xərçəngi əlaqəlidir.Sosislərin tərkibində olan dadlandırıcılar, konservantlar və nitritlər sosisin emalı zamanı birləşərək kanserogen maddələr yaradır.Çox sosis yeyənlərin öd kisəsində daş da yaranır.Sosisin zərəri tərkibi ilə əlaqədardır:1. Doymuş yağlar, transyağlar ödü qatılaşdırır2. Lifin olmaması3. Duzun və süni dadlandırıcı, rənglərin olmasıÇox sosis verilən uşaqların da öd problemi olur. Ailədə olan zərərli qida vərdişləri gələcək nəsli də məhv edir.Fast fud qidalar, hamburgerlər şirin qazlı içkilərlə qəbul edildikdə, ümumiyyətlə, orqanizmi sıradan çıxarır”.
Aparıcı Sevinc Telmanqızının təqdimatında TV Müsavat-ın canlı efirində "SƏHƏR XƏBƏR" verilişi təqdim olunub.
Musavat.com xəbər verir ki, Sevinc Telmanqızı efirdəki çıxışına görə həkimlərdən etiraz zəngləri almağından və həkim səhvi nəticəsində atasını itirməyindən danışıb.
Ətraflı videoda:
Professor Vadim Pokrovski, son zamanlar aparılan genişmiqyaslı tədqiqatların nəticələrinə əsaslanaraq, bitki əsaslı pəhrizin xərçəng riskini azaldığını bildirib.
Aif.ru xəbər verir ki, bu tədqiqatda 976 min insanın iştirak edib və bitki qidalarının xərçəngin riskini necə azaldığı ilə bağlı vacib nəticələr əldə edilib.Pokrovski, vegetarianlığın xərçəngin qarşısını almaq üçün tövsiyə oluna biləcəyini, amma müalicə kimi görülməməsi lazım olduğunu vurğulayıb. Tədqiqatlar nəticəsində üç növ xərçəngin – prostat, döş və kolon xərçənglərinin – bitki əsaslı pəhriz ilə daha az risklə əlaqəli olduğu məlum olub. Bu tədqiqatlar, sağlam pəhrizin xərçəngin qarşısının alınmasında mühüm rol oynadığını göstərir, lakin yalnız bitki qidaları ilə yaşamağın təkbaşına xərçəngi müalicə etməyəcəyini unutmamaq lazımdır.
Düyü və bulqur hər ikisi faydalı qida mənbələridir, lakin bəzi xüsusiyyətlərinə görə bulqur daha sağlam seçim hesab olunur. Bulqurun üstünlükləri:
1. Bulqur, xüsusilə tam buğdadan hazırlandığı üçün liflə zəngindir. Bu, həzm sistemini dəstəkləyir, toxluq hissi yaradır və qəbizliyin qarşısını alır.
2. O, qan şəkərini yavaş-yavaş yüksəltdiyi üçün şəkər xəstələri üçün daha uyğundur.
3. B vitaminləri, dəmir və maqneziumla zəngindir, enerji səviyyəsini artırır və əzələ funksiyalarını dəstəkləyir.
Düyünün üstünlükləri:
1. Düyü, xüsusilə ağ düyü sürətli enerji verir və mədə üçün daha asan həzm olunur.
2. Glutensiz qidalanma tərzi üçün düyü ideal seçimdir. Ümumilikdə, bulqur lif, vitamin və qida dəyəri baxımından daha üstün olsa da, düyü müəyyən hallarda (həssas mədə, sürətli enerji ehtiyacı) faydalı ola bilər. Sağlam qidalanma üçün bulqurdan daha tez-tez istifadə etmək tövsiyə olunur.
Hamımız bilirik ki, şəkər sağlamlığınız üçün yaxşı deyil və ondan çəkinmək lazımdır. Ancaq hamı bilmir ki, onların şirin alternativləri çox vaxt heç də yaxşı seçim deyil.
Rbc.ua xəbər verir ki, şəkərə alternativ hesab olunan balın tərkibində müəyyən miqdarda vitamin və minerallar olmasına baxmayaraq, onu hər gün çox miqdarda qəbul etmək bizə heç bir fayda gətirməyəcək.Diyetoloq Michal Uzosek deyir ki, bal əslində demək olar ki, tamamilə şəkərdir. Bir az daha az kalori var və çox sağlam deyil. Onun tərkibində müəyyən miqdarda vitaminlər, minerallar, fermentlər var. Lakin onların miqdarı azdır və yalnız çoxlu bal istehlak etsək, bu birləşmələrin əhəmiyyətli miqdarını təmin edəcəyik. Çox bal yesək, şəkəri də çox istifadə etmiş oluruq.
Qırmızı ət insan sağlamlığı üçün vacib olan bir çox qida maddəsi ilə zəngindir. Foodinfo.az xəbər verir ki, əsasən dəmir, sink, B12 vitamini və yüksək keyfiyyətli protein mənbəyidir. Dəmir, xüsusilə orqanizmdə oksigenin daşınmasını təmin edir və qan azlığı ilə mübarizədə vacibdir. Sink immun sistemini gücləndirir, B12 vitamini isə sinir sistemi və beyin funksiyaları üçün əhəmiyyətlidir. Proteinlər əzələ qurulması və toxumaların bərpası üçün vacibdir. Ancaq qırmızı ət istehlak edərkən balansa fikir vermək lazımdır, həddindən artıq miqdarda və ya yağlı hissələri yemək ürək-damar xəstəliklərinə səbəb ola bilər. Daha çox yağsız və ya orta yağlı hissələr seçərək və bişirmə üsulunu sağlam (qaynama, qızartma yox) seçməklə qırmızı ətdən düzgün şəkildə faydalanmaq mümkündür.
Menengiomadan əziyyət çəkən 40 yaşlı Ruvimbo Kaviya endoskopik transorbital yanaşma ilə unikal əməliyyat keçirən ilk xəstə olub.
Bu üsul Lids NHS tədris xəstəxanaları cərrahlarına kəllə sümüyünün mürəkkəb və riskli manipulyasiyasına ehtiyac olmadan mağara sinusdan - beynin altındakı və gözlərin arxasındakı bölgədən bir şişi çıxarmağa imkan verib.
Əvvəllər bu cür şişlərin əməliyyatı mümkünsüz hesab olunurdu, ya da qıcolma və ya geri dönməz beyin zədələnməsi kimi ciddi risklərlə müşayiət olunan mürəkkəb prosedurlara ehtiyac yaranırdı. Bununla belə, britaniyalı cərrahların innovativ üsulu əvvəllər sağalmaz hesab edilən şişlərin müalicəsində yeni üfüqlər açıb.
Ruvimbo 2023-cü ildə dözülməz baş ağrılarından şikayət edərək həkimlərə müraciət edərkən diaqnoz qoyulub. "Ağrını üzümdə elektrik cərəyanı zərbəsi kimi hiss edirdim, yemək yeyə, dişlərimi fırçalaya və hətta dərimə toxuna bilmirdim", - qadın deyib.
Sonradan ona bir yox, iki şiş diaqnozu qoyulub və bu, vəziyyəti daha da mürəkkəbləşdirib.
Ailəsinin qorxularına və yeni texnika ilə bağlı risklərə baxmayaraq, Ruvimbo əməliyyat keçirməyə qərar verib. Nəticə gözləntiləri üstələyib: xəstə əməliyyatın ertəsi gün ayağa qalxıb və bir neçə gün sonra evə gedə bilib.
Yeganə yan təsirlər kiçik çapıq və müvəqqəti ikiqat görmə olub.
Bu uğur təkcə Britaniya təbabəti üçün deyil, həm də qlobal neyrocərrahiyyə üçün mühüm addımdır. Yeni üsul əvvəllər sağalma şansları cüzi olan beynin çətin əldə edilən nahiyələrində şişləri olan bir çox xəstələr üçün xilasedici ola bilər. /Lent.az