Bakı Təhsil İdarəsinin qarşısıdır. Yüzlərlə valideyn var, yarısı kölgəyə çəkilib. Övladlarını bir məktəbdən digərinə keçirmək istəyənlər və ya mənim kimi birinci sinfə qoymağa çalışanlardır. Qəbulda 313 cü adamam. Nahara qədər 58 nəfər qəbul ediblər. Bilmirəm dərdlərinə əlac olublar, ya yox. Hazırda nahara çıxıblar, camaatda günün və küləyin altında gözləyir. Halbuki növbəlilik şəraitində fasiləsiz şikayətçiləri qəbul edə bilərlər. Onsuz da məktəblərin açılmasına az qalıb.
Teref.az yazır ki, bunu lurnalist Nemət Orucov yazır.Daha sonra Nemət bəy yazır:

Bunlar xalqın "xidmətçiləridir". Və yaxud "məmur xalqın xidmətçisi olmalıdır" mesajı hələ bu idarəyə çatmayıb.
Üçüncü dəfədir gəlirəm. Heç bir nəticə yoxdur.
Bakı Təhsil İdarəsinin rəhbərinin qəbuluna düşmək ümumiyyətlə mümkün deyil, baş nazirin qəbuluna düşməkdən çətindir. Sabah da Bakı Təhsil İdarəsinə gedib növbə tutacağam.
Üzləşdiyim qanunsuzluqlarla bağlı yəqin ki, daha ətraflı yazacağam.
Yalnız məsuliyyətsizlik və baş aldatmaya dair bir faktı yazım. Bakı Təhsil İdarəsinin elektron portalı qızımın Bakı Xoreoqrafiya Məktəbində təhsil almasında dair sorğusunu qəbul edib. Amma bu gün məktəbə sənəd aparanda məlum olub ki, orada ümumiyyətlə 1 r sinifi yoxdur.

Buna qədər isə yaşadığımız qəsəbədə olan məktəblərə sorğumuzu qəbul etməyib.
Cavab verilib ki, siz bu qəsəbədə yaşamırsınız. Halbuki burada az qala 40 ildir yaşadığımız haqda sənədimiz-Daxili İşlər Nazirliyi tərəfindən verilən Şəxsiyyət Vəsiqəsi, uşaqların polikilinkada sənədləri, daha nələr var.
Teref.az

“Azərbaycan Meliorasiya və Su Təsərrüfatı” ASC-nin Tikilməkdə olan meliorasiya və irriqasiya obyektlərinin birləşmiş müdiriyyəti Xaçınçay su anbarının 7 km -lik magistral kanalla birlikdə təmiri və bərpası ilə bağlı elan etdiyi açıq tenderinin qalibini açıqlayıb.

DİA.AZ xəbər verir ki, 9.903 milyon manatlıq tenderin qalibi “Körpü-Bina-Tikinti” MMC-dir.

Xatırladaq ki, "Körpü-Bina-Tikinti" MMC bundan əvvəl Mənzil İnşaat Dövlət Agentliyinin Bakı şəhəri, Yasamal rayonu, Xarici dairəvi avtomobil yolunun kənarında (Qanlı gölün şimal hissəsi) yerləşən 15,4 ha torpaq sahəsində inşa olunan yaşayış kompleksində ərazinin şaquli planlaşdırılması, yollar, səkilər və velosiped yollarının çəkilməsi üzrə 472 179 min manatlıq tenderini qazanıb (16.12.2021).

DİA.AZ bildirir ki, bunlar da son deyil və ümumiyyətlə adı yerli KİV-də kifayət qədər qaranlıq işlərdə hallandırılan "Körpü-Bina-Tikinti" MMC-nin rəhbəri Xəlil Göyüşovdur. Onun adı ilə bağlı olduqca ağır ittihamlar var. Pul qaçaqmalçılığından tutumuş büdcə oğurluğuna qədər...

Bununla bağlı daha geniş materialımız olacaq. Bizi izləməkdə davam edin. İddia olunanlarla bağlı dia.az olaraq bütün maraqlı tərəflərin mövqeyini işıqlandırmağa hazırıq...

Naxçıvan Muxtar Respublikası Ali Məclisi sədrinin birinci müavini Azər Zeynalov uzun illərdir ki, muxtar respublikada əsas söz sahiblərindən biri kimi tanınır.
TEREF.AZ xəbər verir ki, Ovqat.com-a etibarlı mənbənin ötürdüyü məlumata görə, A. Zeynalov Naxçıvanda əsas sahələri kurasiya edən şəxsdir.
Bildirilir ki, indiyədək öz potensial rəqiblərini müxtəlif hiylələrlə sıradan çıxaran Azər Zeynalov uzun illərdir ki, bu yolla “mötəbər” postunu qoruyub saxlayıb, Naxçıvanın “boz kardinal”ına çevrilib.
Şərur rayonunda müəllim ailəsində anadan olan Azər Zeynalov 25 yaşından Vasif Talıbovun yanında çalışır. O, əvvəlcə Naxçıvan Muxtar Respublikası Ali Məclisi Aparatının İqtisadiyyat şöbəsində məsləhətçi, sonra həmin şöbənin müdiri olub. Bir müddət Naxçıvan Dəmir Yollarının rəhbəri vəzifəsində çalışan Azər Zeynalov 2005-ci ildən Ali Məclisin deputatı, Vasif Talıbovun birinci müavinidir.

Azər Zeynalovun karyerasında sürətli yüksəlişin – qısa müddətdə muxtar respublika hakimiyyətində əsas söz sahiblərindən birinə çevrilməsinin “sirri”ni çözə bilmişik. Bununla bağlı müxtəlif versiyalar var. Amma mənbəmiz gerçək səbəbi bizə açıqlayıb.
Azər Zeynalovun ulduzu necə parlayıb?
Azər Zeynalovun atası Yadulla Zeynalov sovet dövründə Şərur Rayon Təhsil Şöbəsində çalışıb. Ötən əsrin 80-ci illərində ali məktəbi bitirən Vasif Talıbovu Şərur rayonunun Təhsil Şöbəsinin müdiri ucqar dağ kəndinə müəllim göndərmək istəyib. Vasif Talıbovun bibisi, sosialist əməyə qəhrəmanı Bahar Talıbovanın xahişi ilə Yadulla Zeyanalov Vasif Talıbovun ucqar kəndə müəllim göndərilməsinin qarşısını alır və onun təyinatı Şərur şəhərinə yaxın kəndlərdən birinə dəyişdirilir. Vasif Talıbov da bu yaxşılığı heç vaxt unutmur, Naxçıvanın rəhbəri seçiləndən dərhal sonra ona kömək edən müəllimin oğlunu Ali Məclisdə işə gətirir. Beləcə, Azər Zeynalovun ulduzu parlayır və o, Naxçıvanın ağırçəkili məmurlarından birinə çevrilir.

Şəkildə: Prezidentin sözlərini təkrar etdiyi üçün Azər Zeynalov tərəfindən vurulan xalq artistinin evi ilə "boz kardinal" evi arasındakı fərq
Azər Zeynalov Ali Məclisin sədri ilə məmur təbəqəsi arasında körpüdür. Məlumata görə, Naxçıvanın əksər nazir, komitə sədri, xidmət rəisi və baş idarə rəhbərləri Vasif Talıbovla məhz Azər Zeynalovun vasitəsilə ünsiyyət qura bilirlər. Azər Zeynalov illərdir, Talıbovun ən etibarlı adamlarından biridir. O, bir sözü ilə kimlərinsə karyerasının, hətta taleyinin üzərindən çarpaz xətt çəkib, bir sözü ilə kimlərisə yüksəldə bilib.
Azər Zeynalov Vasif Talıbovu necə aldadır?
Azər Zeynalov Vasif Talıbovun “qara kassası”dır. Muxtar respublikadakı bütün məmurlar hər ayın sonunda Azər Zeynalovun kabinetində “hesabat” verirlər. Naxçıvanın nazirlərindən tutmuş xəstəxana baş həkimlərinə qədər hər kəs büdcədən oğurladıqları, rüşvət kimi aldıqları vəsaiti Azər Zeynalova çatdırırlar. Mənbəmizin bildirdiyinə görə, Naxçıvanda rüşvət toplama mexanizminin dəyişilməz qaydası var: məmurlar qeyri-leqal yollarla əldə etdikləri vəsaiti Azər Zeynalova verirlər, birinci müavin isə gətirilən vəsaitin 10 faizini həmin məmura qaytarır. Bütün məmurlardan yığılan pulların isə 20 faizi sonda xan tərəfindən Azər Zeynalova verilir. Hər ay qazandığı milyonlardan gözü doymayan Zeynalov öz rəhbərini aldatmağa belə özündə cürət tapır. Azər Zeynalov Naxçıvan teleradiosunun sədrindən maşa kimi istifadə edərək müxtəlif sahələrdən tənqidi süjetlər hazırladır, sonra onların efirə verilməməsi, qibleyi-aləmin o məmurları danlamaması üçün onlardan əlavə pul qopardır. Bundan başqa, müxtəlif hüquq-mühafizə orqanlarının vasitəsilə məmurlar barədə məlumatlar əldə edir, həmin məlumatları xana çatdırmamaq üçün məmurları “tasa oturdur”. Bunları yazırıq ki, xan həzrətlərinin birinci müavininin əməllərindən xəbəri olsun.


Şəkillərdə: Azər Zeynalov qardaşı Müşfiq vasitəsilə təsərrüfatını Bakıya köçürür. Bu fotolar Müşfiq Zeynalov Türk iş adamları ilə Bakıda restoranlar şəbəkəsi açmaq planını müzakirə edərkən çəkilib. Mənbəmizin iddiasına görə, "xan" həzrətlərinin bu təşəbbüsdən xəbəri yoxdur. Görünür, "xan"ın paytaxtın gözündə zəiflədiyini hiss edən "boz kardinal" indidən gələcəyə investisiya qoymaq dərdinə düşüb.
“Gecə qara, cücə qara”
Mənbəmiz saytımız vasitəsi ilə Naxçıvan Ali Məclisinin sədri Vasif Talıbova bu sualları da ünvanladı: “Qibleyi-aləm həzrətləri, Azər Zeynalovdan soruşun, görək, kabinetində “hesabat” verən məmurlar gecə saatlarında onun evinə niyə gedir? Məsələn, Naxçıvanın nazirlərindən biri gecə saat 1-də Azər Zeynalovun evində nə gəzirdi? Bu, hələ bir faktdır. Digər belə faktları da zamanı gəldikcə açıqlayacağıq”.
Vasif Talıbovun tam etibarını qazandığından Azər Zeynalova muxtar respublikada “gözün üstə qaşın var” deyən olmadığını bildirən mənbəmizin iddiasına inansaq, “boz kardinal” bu etibardan sui istifadə edərək fantastik sərvətə sahib olub: “İndi Azər Zeynalovun mülklərinin, obyektlərinin sayı hesabı yoxdur. Təkcə Naxçıvan Üzgüçülük Mərkəzinin arxasındakı ərazidə Azər Zeynalova məxsus 3 malikanə var, bir villa isə yeni tikilir.
Həmin villalardan biri Naxçıvanın sabiq gənclər və idman naziri Azad Cabbarovun villasıdır ki, Zeynalov onu Cabbarov işdən çıxarılandan sonra sabiq nazirin əlindən alıb. Həmin villanın tikilməsinə təqribən 700 min manat vəsait xərclənib. Villanın təmirindən xoşu gəlməyən “boz kardina” onu içini söküb yenidən təmir etdirir. Təmir üçün lazım olan materiallar isə müxtəlif xarici ölkələrdən gətirilir. Deyilənə görə, 700 min manata başa gələn villanın yenidən təmirinə Zeynalov 400 min manat əlavə xərc çəkib. Varlığa nə darlıq. Həmin villada Azər Zeynalovun oğlunun yaşayacağı bildirilir. Halbuki, Azad Cabbarov həmin villada bir gün də yaşaya bilmədi. İndi görək, Zeynalov yaşaya biləcək? Bu gedişlə onun da aqibəti Talıbovun gözündən salıb məhv etdiyi Azad Cabbarovdan fərqli olmayacaq.
Mənbəmizin bildirdiyinə görə, Azad Cabbarov nazir olanda Azər Zeynalov villanın ona bağışlanmasını tələb edib. Əlbəttə ki, sabiq nazir bu tələblə razılaşmayıb. Bundan sonra Azər Zeynalov bəzi adamlarında yanında deyib ki, əgər villanı verməsə, zorla alacaq. Beləliklə, bir villaya görə, Naxçıvan məmurları arasında qalmaqal yaranıb və sonda Azər Zeynalov Cabbarovun işdən uzaqlaşdırılmasına nail olub. Nəticə isə bəllidir: Zeynalov həmin villaya köçmək ərəfəsindədir.
Bundan başqa, Naxçıvanın Gənclər və İdman Nazirliyinin yaxınlığındakı ərazidə Zeynalova məxsus 4 mərtəbəli bina, elə həmin məhəllədə böyük bir villa var.
Naxçıvanın məşhur “Dörd fəsil” restoranı, “Dəyirmançı” restoranlar şəbəkəsi də Azər Zeynalova məxsusdur. “Boz kardinal”ın yaxınları, daha doğrusu, kürəkəni Naxçıvandakı yeganə hazırlıq kursu olan “İstedad kursaları” MMC-yə nəzarət edir. İndi Naxçıvanda övladını hazırlıq keçməyə qoyan ailələr ancaq bu kursa qoya bilərlər. Muxtar respublikada fərdi hazırlıqlar keçirilməsi isə demək olar ki, tam məhdudlaşdırılıb.
Azər Zeynalovun qardaş Müşfiq Zeynalovun nəzarət etdiyi “Əlincə” avtomobil servisi də Zeynalovlara hər ay yüz min manatlar qazandırır. Çünki Naxçıvandakı dövlət təşkilatlarının və məmurların bir hissəsi öz avtomobillərini baha qiymətə bu servisdə təmir etdirirlər. Niyə bir hissəsi, çünki əksər avtomobillərin təmir işi Talıbovlar ailəsinə məxus olan “Cahan” servisdə aparılır.
Azər Zeynalov təkcə məmurların dövlətdən oğurladığı pulların hesabına varlanmayıb. 10 ildən çoxdur ki, o, Naxçıvanda “Topaz” mərc oyunlarına da nəzarət edir. “Kiçik” məbləğ olduğundan Naxçıvan xanı ordan gələn vəsaitin tamamının Azər Zeynalova çatmasına razılıq verib. Yəni oranın hesabı muxtar respublikanın ümumi hesabına qatılmır. “Kiçik” məbləğ dediyimiz nə qədər olsa yaxşıdır? - ayda cəmi 300 min manat. Yəqin ki, Naxçıvan xanının və oğullarının bu vəsaitdən xəbərləri yoxdur. Yoxsa, bu qədər vəsaitin Azər Zeynalov tərəfindən “yeyilməsinə” imkan verməzlər.
“Boz kardinal” büdcəni talayaraq, rüşvət alaraq Naxçıvana təkcə maddi ziyan vurmayıb. O, Naxçıvanda istedadlı kadrları məhv edərək, oranın insan kapitalını da ciddi şəkildə zədələyib. Son 20 ildə Naxçıvanda aparılan “islahatlarda”, əhaliyə edilən zülmlərdə, muxtar respublikanın bərbad vəziyyətə salınmasında Azər Zeynalovun da xüsusi rolu vardır” – saytımıza ötürülən məlumatda belə deyilir.

Qax rayonu, İbaxlı kənd sakini Abdurahmanova Vüsalə Firudin qızı tərəfindən ölkə rəhbrliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:
"Mən, Vüsalə Abdurahmanova 2012-ci ildə Qax rayonun Qıpçaq kənd sakini Osmanov Rüstəm Rafiq oğlu ilə ailə həyatı qurmuşdum. Hazırda 9 yaşında Zəhra və 7 yaşında Zeynəb adlı övladlarımız var. Lakin çox təəssüflər olsun ki, həyat yoldaşım Rüstəmin anası bizim ailə işlərimizə qarışması nəticəsində imkan vermədi ki, ailə bir olsun. Hər ikimizin istəyinin əksinə olaraq qaynanam Sevda Həsənovanın əmrilə boşanmaq məcburiyyətində qaldıq.
2014-cü ildən boşanma rəsmiləşmişdir. Və mən yenidən övladlarımla ata yurdu olan Qax rayonun İbaxlı kəndindəki evdə yaşayıram. Budur rəsmi boşanmadan 7 il keçməsinə baxmayaraq ailə başçısı olmuş Rüstəm hər bir uşağa aliment olaraq əvəllər bir neçə il cəmi 25 manat pul ödədi. Halbuki, keçmiş ərimin maddi imkanları çox genişdir. Ailəsinin yeganə övladı kimi onların hazırda Qaxın İbaxlı kəndindəki geniş evlərindən başqa Bakı, Mingəçevir, Qax şəhərlərində də şəxsi evləri vardır. Yaşadıqları Qıpçaq kəndində isə 1000 baş xırdabuynuzlu və 55 baş baş iribuynuzlu malqara sahibidir. Geniş torpaq sahələri(hansı ki, rəsmən taxıl əkməyə görə son illər 6 ha torpağa görə 2019-cu ilədək 3000 manat subsidiya alırlar), fındıq, qoz bağları, fermaları, kənd təsərrüfatı texnikaları və işçiləri vardır. Bir sözlə, kəndin ən imkanlı və varlı fermer ailəsi hesab olunurlar. Amma Rüstəm iki zavallı və köməksiz qalmış övladlarına dövlətin təyin etdiyi hər bir uşaq üçün olan 157 manatı ödəməmək üçün Sosial Təminat Nazirliyinin yerli şöbəsində özünü 2-cü qrup əlil kimi sənədləşdirərərk(tam sağlam olan Rüstəm 2017-ci ilin iuyl ayında 3000 manat rüşvət hesabına əlillik dərəcəsi almışdır) guya 55 manat pensiya aldığını bəyan etməklə aliment vermək imkanının olmadığını rəsmi orqanlara bildirmişdir.
Hələ o vaxtı - 6 yanvar 2018-ci il tarixli şikayət ərizəmizə 19 fevral 2018-ci il tarixli Ombudsman Aparatının sədrinin imzasıilə daxil olmuş cavab məktubunda bizə bir çox məsələlər aydın olmuşdur. Belə ki, hörmətli Elmira Süleymanova Ədliyyə Nazirliyinin İcra Baş İdarəsinə tapşırıq verərək mənim aliment məsələmin araşdırılmasını xahiş etmişdir. Rəsmi cavabdan aydın olur ki, Qax İcra Şöbəsi əvvəlcə 2014-cü ildən başlanmış icraat zamanı borclu alimenti qeyri-müntəzəm şəkildə ödədiyini bildirir və yaranmış aliment borcunun ödənilməsi üçün R.Osmanovun yetərli əmlakı "aşkar edilməməsini" vurğulayır. Bəs o zaman sual olunur ki, valideynlərilə birlikdə yaşayan və fermer fəaliyyətilə intensiv məşğul olan Rüstəmə görəsən heç olmasa ailənin əməkhaqqı verdiyi çoban və nökərləri qədər əməkhaqqı və pay vermirmi?
Mən bu ailə ilə yaşadığım illərdə qaynanam olmuş Sevda Həsənova kimdən acığı tuturdusa evdə dərhal hədə-qorxuya keçirdi və 20 il öncə otlaq sahədə onun sifarişi əsasında vaqonda yandırılıb öldürülmüş şəxsi mal-qarasını otaran 2 cavan və çox sağlam naxırçısının gününə salacağıilə hədələyirdi. Əvvəlcə onun əsəsbi halda olanda niyə belə hədə-qorxu gəlməsini başa düşmürdüm. Sonradan kənd sakinlərinin dediklərindən aydın oldu ki, bu ailənin mal-qarasını otaran çobanlar otlaqda əkdikləri kətənə kollarını satmaq üçün sahədə qaldıqları vaqona yığıblarmış. Necə olursa yerli polis bu məsələdən duyuq düşür. Və necə olursa S. Həsənovanın mal-qarasını otaran iki pəhləvan kimi coban müəmmalı formada həmin gecə ikən qaldıqları vaqonda yanıb ölürlər. Halbuki, vaqon ot sahəsində yerləşdiyindən heç bir elektrik xətti olmayıb. Və necə olub ki, vaqon yanmağa başladıqda iki cavan oğlan qapını açıb çıxmağa macal tapmayıblar? Vaqonun qapısı çöldən niyə qıfıllanıb? Izi itirmək kimin maraqlarına cavab verib? Və s. suallara polisin istintaq zamanı necə cavab verdiyi yerli camaata aydın olmasa da, başlanmış cinayət işi müəmmalı səbəbdən ört- basdır edildi. Yəni, Sevda Həsənovanın ailəsinin alın tərilə bu qədər varidata, mala-mülkə sahib olmasını bu gün nə icra şöbəsi, nə də digər hüquq mühafizə orqanları bilməsə də yerli sakinlər yaxşı bilirlər. Yaxşı bilirlər ki, çobanlar tərəfindən vaqona yığılmış narkotik bitkiləri polisin əlinə keçməməsi üçün otlaq sahəsinin ortasında qəfil yanaraq külə niyə dönür. Və iki nəfərin ölümünə səbəb olmuş hadisə nəyin hesabına ört-basdır edilir.
Qax İcra şöbəsi Ombudsman Aparatına rəsmi cavab verir ki, R.Osmanov 55 manat təqaüd aldığı müəyyən edilərək tələb həmin vəsaitə yönləndirilmişdir. Yəni, son 3 il ərzində bu şöbə müəyyən edib ki, 2017-ci ilin iyul ayında Rüstəm 3-ci qrup əlil olub və dərhal hərəkətə keçib məsələni “Həll ediblər. Digər tərəfdən sağ olsunlar ki, İcra şöbəsi 2016-cı ildə R.Osmanov barəsində aliment verməkdən yayındığına görə formal olaraq inzibati protokol tərtib edib Qax rayon Məhkəməsinə göndəriblər. Və bugünə kimi bizə məlum olmayan 08.11.2016-cı il və təkrar olaraq 01.02.2018-ci il tarixli məhkəmə qərarına əsasən yerli icra şöbəsinin təqdimatının rədd edilməsilə bağlı vicdansız hakim məhkəmə qərarı verilmişdir. Əsaslandırlmışdır ki, guya R.Osmanovun maddi imkanı yoxdur və o əlildir. Halbuki, R.Osmanov rəsmən 2017-ci ildə rüşvət hesabına “əlillik” dərəcəsi almışdır. Nə qədər cəhd etsək də biz məhkəmədən bu əsassız qərarı bir tərəf olaraq ala bilmədik. Və məhkəmədə vicdanlılıq nümayiş etdirib maraqlı tərəf kimi bu əsassız qərarların surətlərini bizə təqdim etmədi. Ki, apellyasiya şikayəti verək. Çünki, vicdansız Qax rayon Məhkəməsinin hakimi maddi marağının təmin olunması müqabilində belə bir əsassız qərar vermiş və bizim yeni şikayətlərdən sonra 01. Fevral 2018-ci ildə yenə əsassız olaraq icra şöbəsinin verdiyi yeni təqdimatı rədd edən yeni qərar qəbul etmişdir. Belə yerdə Mən də hesab edirəm ki, Yer kürəsində ən şərəfsiz məmurlar- hakimlər, icra məmurları öz vəzifə səlahiyyətindən süi-istifadə edərək bir dələduz ailə başçısının əlinə baxıb sərvət toplayan və ailəsinə yedirib onları haramzadaya çevirən iyrənc ünsürlərdir.
Amma mən bir insan olaraq, bir ana olaraq Osmanovlar ailəsinin var-dövlətində gözüm və iddiam yoxdur, başlarına dəysin. Mənim bircə istəyimvarki, son üç ildə dövlətin tə yine tdiyihər bir uşaq üçün alimentpulunualıbbuzavallı uşaqları dolandırım. Başqaheçnə.
Rafiq Osmanov 2015-ci ildən 2017-ci ilədək hərdən bir neçə dəfə ayda 25 manat olmaqla 2017-ci ildən isə sağlam olduğu halda özünə rüşvət hesabına aldığı əlillik dərəcəsinə görə bir neçə dəfə az miqdarda pul ödəsə də, son illərdə aliment ödəməmişdir. Cəmi yığılan pul isə 4500 manatdır. Ona görə alimentdən yayınmaq üçün R.R. Osmanov bu il 2022-ci ildə yenidən 4000 manat ( norma belədir) rüşvət verib ikinci 5 illiyə özünü 2-ci qrup əlil kimi yerli komisiyaya təsdiq etdirib. Amma 44 günlük Qarabağ Müharibəsində Daxili Qoşunların Xüsusi Təyinatlı Qüvvələrində vuruşmuş Elvin Əliyevə, Vüsal Abbasova, Siruz Müsüzadəyə isə partlayşlar nəticəsində çox ağır yaralanmaqlarına və hamısının kəllə- beyin kontuziyaı almalarına və ağır xəstəliklərini DQ-nin həkim komisiyaları bir daha təsdiq etmələrinə baxmayaraq onlara Sosial Müdafiə Nazirliyində əlillik dərəcələri müəyyən olunmadı.( imtina verildi) Çünki 4000 manat tələb olunan rüşvətləri verilmədi. Amma öküz kimi sağlam olan sabiq ərim Rüstəm Rafiq oğlu Osmanov ömründə heç vaxt xəstələnmədiyi halda dərhal 2-c i qrup əlillik verildi. İndi nazirliyin Daxili Təhqatın müdiri olan Heybət İmanov buyurub qaldırdığım faktları yoxlatdırsın. Necə ki, özünə uyğun başqa maraqlı faktları yoxlatdırdığı və razı qalmadığı halda (xoşuna gəlməyənlər barədə) isə prokurorluğa təqdimat yazdığı kimi... bu işin də sonuna çıxsın Görək hansı vicdansız həkim komisiyası Osmanov Rüstəm Rafiq oğluna 2-ci dəfə "olmayan xəstəliyinə görə 2-ci qrup əlillik təyin edib. O adam da «əlillik» adı altında aliment verməkdən birdəfəlik yayınır. Tədbir görənsə yoxdur.
Və onagörə də çox hörmətli İlham Əliyevdən, Birinci vitse-prezidentdənvə çoxhörmətli Ədliyyə nazirimiz Fikrət müəllimdən xahiş edirəm ki, düşdüyüm indiki ağır vəziyyəti nəzərə alaraq şikayətimin araşdırlmasını daha vicdanlı, daha təcrübəli və nəfsitəmiz (Sevda Həsənovadan qorxmayan) aidiyyatı icra məmurlarına həvalə edəsiniz ki, 2017-ci ilin iyul ayınadək, ödəmədiyi və yəni Rüstəmin aliment verməkdən yayınması üçün rüşvət verib özünü 2017-dən 2-cü qrup , bu il isə 2022-də yenə 2-ci qrup “əlil” etməsindən sonra ödəmədiyi alimentlərin cəmi yığılıb qalmış 4500 manatın aliment pulunun mənə verilməsi üçün tədbir görülməsinə köməklik göstərsinlər".

İddia olunanlarla bağlı dia.az olaraq qarşı tərəfi də dinləməyə hazırıq...

Bütləşmiş icra başçısı Alı Alıyevin haqqında yazılan, deyilən tənqidi fikirlərə rəğmən hələ də uzun illər zəbt etdiyi kreslonu buraxmaması, həbs olunan həmkarlarının aqibətini yaşamaması onu araxayınlaşdırıb, özündən razı salıb. Alıyevi fərqləndirən əsas mənfi cizgilərdən biri onun alçaq itaətinə boyun əyməyən rayon sakinləri ilə qeyri-ordinar rəftarıdır. Xoşuna gəlməyən kiməsə zaval yetrirmək qərarına gəldisə, Alıyev hətta əlində olan inzibati resurslarla da kifayətlənmir, məqsədinə çatmaq üçün qoçuların, başıpozuqların, kriminial ünsürlərin, böhtançıların, cəmiyyətin tör-töküntülərinin də xidmətindən istifadə edir.
“RealMedia.az” xəbər verir ki, bu günlərdə redaksiyamıza müraciət edən Füzuli rayonunun Araz Dilağarda kənd sakinlərindən olan Həsənovlar (Xəyyam Həsənov) ailəsinin bir üzvü bildirib ki, Alıyev bir müddət onun haqlı tələbini vaxtında yerinə yetirmədiyi, sənədli torpaq sahəsi ilə təmin edə bilmədiyi üçün müvəqqəti olaraq öz əkin yerini veribmiş ki, əkib-becərsin. Həmin əkin sahəsində Şahmurad adlı bir şəxsin ferması yerləşir. Fermanın qoyunları hər il Həsənovların əkininə xeyli ziyan vurur. Bu il də həmin səbəbdən 7 hektardan çox yerdə qoyun yatdığına görə kombayn biçin apara bilməyib.
Şikayətçi qeyd edir ki, Füzuli rayon suvarma idarəsinin balansında olan həmin heyvanları Alıyev özününküləşdirib həmin fermada saxlatdırır: “Atam gedib Alı Alıyevin yanına bizə ziyan vurulduğunu dedi. Alıyev də dedi ki, Şahmurada zəng vurub tapşırmışam, get evinə, ziyanın qarşılığı veriləcək. Atam da qayıdıb gəlib, amma Şahmuraddan aldığı cavab bu olub ki, mən Alı – zad bilmirəm, mənim qoyunum orada otlamayıb, heç nə də ödəmirəm. Atamı susdurmaqü üçün özlərinin əlaltısı olan Kürdmahmudlu kənd sakini Fəxrəddin adlı şəxsi öyrədib şikayət elətdiribllər ki, guya biz həmin ərazidə qanunsuz olaraq öz yerimizdən əlavə Fəxrəddinin də yerindən arpa biçmişik. Bax, Alı Alıyev bizə belə zülm edir!..”
Yeri gəlmişkən, Alı Alıyev Həsənovlarla çoxdan götürüşüb, vaxtilə bu ailəyə məxsus, “VAZ 21015” markalı avtomobil yandırılıb, taxıl zəmiləri yandırılıb. Amma hüquq-mühafizə orqanları cinayətkarları tapmayıblar. Eyni aqibəti rayonun hörmətli, sanballı, qorxmaz adamlarından olan, rayon icra hakimiyyəti başçısı vəzifəsini müvəqqəti icra etmiş mərhum Kazım İbişovun övladları da yaşayıb: Onların da evləri, maşınları, ət dükanları yandırılıb.
Beləliklə, dəvə kimi kinli olan Alı Alıyev onun qaranlıq keçmişinə bələd olan köhnə kişilərin övladları ilə də ədavət aparır, onları sındırmaq üçün cəmiyyətin tör-töküntülərindən istifadə edir, şər atmaqdan, təxribat və cinayət törətməkdən belə çəkinmir.

RealMedia.az