 |
|
|
DİA.AZ: - "Azərbaycan icra hakimiyyət başçıları özləri və övladları iştirak etməyən Qarabağ müharibəsi mövzusundan danışmağı, vətən müharibəsində düşmən üzərində qazanılan qələbədən söz açmağı çox sevirlər. Amma müharibə veteranlarını, əlilləri, şəhid ailələrini eşitmək, onları dinləmək qəti istəmirlər!" DİA.AZ bildirir ki, bu ittihamı tanınmış jurnalist Tapdıq Abbas səsləndirib.
Jurnalist daha sonra yazır: "Hətta hər gün televiziyalarda təbliğ etdikləri ideyaları əməli olaraq həyata keçirmirlər, heç olmasa, onları vəzifəyə təyin edən ölkə Prezidentinin göstəriş və tapşırıqlarını yerinə yetirmirlər. Adamı dəhşətə salan odur ki, müharibə veteranlarına qarşı kobudluq edən icra başçıları arasında yeni təyin olunmuş gənc icra başçıları öndə gedir. Məsələn, Yasamal İcra hakimiyyətinin başçısı Elşad Həsənov hələ də başa düşmür ki, nəinki Qarabağ qazisinin, hətta istənilən vətəndaşın qəbulunu təmin etməyə borcludur. Çünki bu, onun vəzifəsidir. İcra başçısının bu cür yanlış hərəkət etməsi ilk növbədə ölkə Prezidentinin Qarabağ veteranları, əlilləri və şəhid ailələrinə qayğı və diqqət göstərmək barədə Sərəncamına və göstərişilərinə tamamilə ziddir. Yasamal rayon İcra Hakimiyyətinin başçısı Elşad Həsənov və digər vəzifəli şəxslər vətəndaşların müraciətlərinə bu cür məsuliyyətsiz və laqeyd münasibət göstərməyə haqqı çatmır. Ölkə Prezidenti özünü xalqın xidmətçisi adlandırır, amma icra başçısı xalqı, sanki dədəsinin kürsüsündə oturmuş kimi, kabinetə buraxmır!.."
Məsələ ilə bağlı dia.az olaraq qarşı tərəfi də dinləməyə hazırıq...
Səbail rayonu Rasrtopoviş küçəsi 9-11 ünvanında yerləşən “Pilot-Residence”MTK-da yaşayan bina sakinləri "Azərbaycan Reallığı" informasiya agentliyinin redaksiyasına müraciət edərək, bildiriblər ki, yaşadıqları binanın qarşı tərəfində sonradan binamıza sıx və bitişik el dilində desək,”Gecə qondu” kimi tikilən bina bizim yaşayış konfortumuzu rəsmən əlimizdən alıb.
Şikayətdə bildirilir ki, zamanında yaşadıqımız binanın qarajını rəsmi olaraq hər bir sakin kimi bizdə ödəniş edib almışıq, ona görə almışıq ki, şəhərin mərkəz hissəsində yaşadıqımıza görə, hərəkətin sıx intensevliyini nəzərə alaraq hərəkətin istiqamətinə süni maneə yaratmayaraq vətəndaşların gedişinə mane olmayaq.
Yaşadığımız həyətin girişini bağlayaraq, ölkə qanunlarına meydan oxuyan bu şəxs arxalandığı güclü əlaqələrin hesabına həyətimizə divar maneə ilə bağlayaraq bizim həyətimizin parkinqindən istifadə etməyə imkan vermir. Nəticədə biz sakinlər, həyətimizə şəxsi avtomobilimizlə daxil olmaqa həsrətik.
Sakinlər bildirirlər ki, dəfələrlə rəsmi qurumlara şikayət etsələrdə lakin şikayətimiz elə məktub formasındada qalıb heç bir rəsmi qurum bizim şikayətimizə cavab vermir.
Redaksiyamızın əməkdaşı, sakinlərin haqlı probleminə səbəb olacaq yerdə olaraq, jurnalist araşdırması apardı,məlum oldu ki, həqiqətəndə sakinlərin yaşadıqı həyət girişi dəmir darvazalı maneə ilə bağlanıb.
Bağlayan şəxs isə mediaya tanış olan iş adamı kimi tanınan Rəhim Sultanovdur.
Apardıqımız araşdırma nəticəsində bizə məlum oldu ki, Rəhim Sultanov dəfələrlə ölkə mediasında tənqid olunan şəxslərdən biridir və, iş adamının adı məhkəmə iddialarında hallanır.
Sakinlər iddia edir ki, “Caspian Service” njn rəhbəri Rəhim Sultanov kimlərəsə arxayın olaraq əlaqələrinin geniş olmasından istifadə edərək ölkə qanunları ilə bina sakinləri arasında ziddiyyət yaradan, vətəndaşları dövlətdən incik salan, Rəhim adlı şəxs barəsində təssüflər olsun ki hələdə heç bir ölçü götürülməyib.
İş adamı Rəhim Sultanova belə bir sual?
Siz məgər düşünmürsüz ki, öz şəxsi mənafeyiniz üçün maddiyyat xətrinə etdiyiniz qanunsuz əməl, Azərbaycanın vətəndaşlarının yani bina sakinlərinin yaşadıqları binada, hər hansısa baş verəcək fövqalada hadisədə və yaxud onlara saldıqınız blokadada bədbəxt hadisənin yaratdığı risklərdən,zəlzələ zamanı insanların binanın həyətini tərk etmələrinə qarşı yaratdığınız süni maneələr insan tələfatına yol açacaqını bilə bilə hələdə qanunsuz əməlinizdən əl çəkməyərək iddialı şəkildə kimlərəsə arxalanıb öz qanunsuz əməlinizi davam etdirirsiz?
Hörmətli iş adamı Rəhim Sultanov sizə tövsiyyəm odur ki, qardaş Türkiyədə baş vermiş zəlzələnin yaradığı insan təlafatlarına səbəb olmuş bina tikən iş adamlarının, həbslərinə və, zəlzələdən çox insanların ölümünə səbəb olmuş, binaların video görüntülərinə dəfələrlə baxasız.
Hesab edirik ki, Azərbaycan Respublikasının vətəndaşının xüsusi mülkiyyətində olan bu və ya sair formada məhv edilməsi qanunvericiliklə cinayətdir. Nə “Caspian Service” nin rəhbərii nədə ki, bu işlərin aparılmasına qanunsuz göstəriş verən digər şəxslərin özlərini “qanundan üstün” tutaraq. özbaşınalıq etmələri yolverilməzdir.
İş adamı Rəhim Sultanova ikinci sual?
Hüquq təhsili olan bir hüquqşunas iş adamı Rəhim Sultanov niyə sakinlərin hüququnu tapdalayır? və yaxud tapdalamaqda davam edir.
Rəhim Sultanov bilir ki, etdiyi qanunsuz hərəkət sakinlərlərin yolunu kəsməkdən, də əlavə Daxili işlər nazirliyinin əməkdaşlarının qanunsuz parklanmaya görə apardıqı uğurlu xidmətinə belə kölgə salır.
Bilirsiz niyə kölgə salır? ona görə ki, öz yaşadıqı binanın həyətinə və ya qarajına daxil ola bilməyən sakin, məcbur qalaraq avtomobilini yolun hərəkət hissəsində saxlayır buda bir başa olaraq həmin ərazidə hərəkətə mane olur.
Maraqlı tərəfi odur ki, qanunsuz əməlləri həyata keçirən sahibkar iş adamı Rəhim Sultanov rəhbəri və güvəndiyi vəzifəli şəxslər, cənab prezident İlham Əliyevin dəfələrlə etdiyi məmurlara və vəzifəli şəxslərə vətəndaşların incidilməsinə və öžbaşınalıqlara son qoyulması xəbərdarlıqlarından xəbərsizdirlər? və yaxud özlərini xəbərsiz göstərirlər?
Jurnalist araşdırması apararaq məlum oldu ki,”Caspian Service” MMC-nin Direktorlar Şurasının sədri Sultanov Rəhim Ələddin oğlu 1962-ci ildə anadan olub. İxtisasca hüquqşünas olan Rəhim Sultanov tanınmış hüquqşünas Ələddin Sultanovun oğludur. Ələddin Sultaanov SSR vaxtında prokurorluq orqanlarında yüksək vəzifələrdə çalışıb müxtəlif rayonların prokuroru vəzifəsində işləyib.
1990-cı ildə Baş Prokurorun xüsusi işlər üzrə köməkçisi, 1992-ci ildə Bakı Şəhər İcra Hakimiyyətinin Başçının müavini, aparatının rəhbəri, 1998-ci ildə Azərbaycan Respublikası Konstitusiya Məhkəməsinin hakimi olub. 2010-cu ildən isə təqaüdə çıxıb.
İnanırıq ki, bu şikayət məqaləsindən sonra adiyyatı qurumlar məsələni nəzarətə götürərək özlərini qanundan üstün hesab edərək, vətəndaşları güc hesabına, əzən rahatlıqlarını, əlindən alan, əmlaklarını məhv edən, şəxslərlə bağlı qanun çərçivəsində ölçü götürüləcəyinə ümid edirik
Mövzuda adı keçən şəxsləri dinləməyə mövqeyini dərcetməkə hazırıq.
Mövzunu diqqətimizdə saxlayacaqıq.
AZƏRBAYCANREALLIĞI.COM
DSMF-nin 2 saylı Qazax-Tovuz Regional Filialında yeni təyinat olub.
Sarkazm.az xəbər verir ki, Mahmud Məmmədov DSMF-nin 2 saylı Qazax-Tovuz Regional Filialının müdir müavini təyin edilib.
O, bu təyinata qədər həmin idarədə baş mütəxəssis vəzifəsində işləyib.
Qeyd edək ki, Mahmud Məmmədovun adı DSMF-nin Gədəbəy rayon şöbəsində pensiya təyinatı üzrə sektor müdiri olanda bir neçə saxta pensiya təyinatında hallanırdı. Hətta, öz həyat yoldaşı Aysel Məmmədovaya saxta əllilik almağı da bacarıb. Eyni zamanda, Aysel Məmmədovanın adına ştaj yazdırmağı da unutmayıb. Aysel Məmmədovanın adını Gədəbəydə “Park Market” adlı mağazada xadiməçi kimi rəsmiləşdirib. A.Məmmədovanın əmək kitabçasına işləmədən staj yazdırıb. Bununla da, Mahmud Məmmədov xanımının saxta əlillik və əmək pensiyası almağına da nail olub.
Əldə etdiyimiz məlumata görə, “Park Market” mağazasının sahibinin bu saxtakarlıqdan xəbəri yoxdur.
Mahmud Məmmədovun 2 saylı Qazax-Tovuz Regional Filialında müdir müavini təyin olunmasını sözgüdən idarədən sarkazm.az-a təsdiqləyiblər.
Prezident İlham Əliyev cənablarının 2018-ci ildən sonra hökumətdə apardığı struktur və kadr islahatlarından hələ də bixəbər məmurlar var. Bu cür məmurlar keçmişdə olduğu kimi yenə də müxtəlif yollarla dövlətin büdcəsini mənimsəyir, öz var-dövlətlərini artırırlar.
AzFakt.com xəbər verir ki, dövlət büdcəsini müxtəlif adlar altında mənimsəməklə məşğul olan məmurlardan biri də Baytarlıq Elmi Tədqiqat İnstitutunun direktoru Sialə Rüstəmovadır. Sabiq Kənd Təsərrüfatı naziri Heydər Əsədovun ən yaxın kadrlarından olan Sialə Rüstəmovanın adı həmişə qalmaqalda çəkilib. Sialə Rüstəmova 2010- 2015- ci illərdə Kənd Təsərrüfatı Nazirliyinin Dövlət Baytarlıq Nəzarəti Xidmətinin rəisi vəzifəsində calışarkən bu qurum ölkədə ən çox korrupsiyaya uğramış büdcə təşkilatlarından olub.
Əldə etdiyimiz məlumata görə Sialə Rüstəmova hazırda direktoru olduğu Baytarlıq Elmi Tədqiqat İnstitutunda da korrupsiya ilə məşğuldur.
Belə ki, Sialə Rüstəmovanın Elmi İnstitutun texniki-təsərrüfat işçiləri arasında xeyli sayda "ölü canlarının" olduğu bildirilir. Aylarla işə gəlməyən işçilərin maaş kartları direktora yaxın olan şəxsdə saxlanılır. İnstitutda yol verilən digər korrupsiya festival və konfransların keçirilməsində pulların silinməsidir.
Ötən il İnstitutun nəzdində istifadəyə verilmiş Baytarlıq Klinikasında da korrupsiya hallarının olduğu iddia edilir.
Əldə etdiyimiz məlumata görə illərdir dövlətin büdcəsini mənimsəyən Sialə Rüstəmova Gəncə və onun ətraf rayonlarında, eləcə də Bakı şəhərində özünə böyük biznes yaradıb. Onun qeyd edilən ünvanlarda xeyli sayda obyektrlərinin olduğu deyilir. Büdcə qənimi olan Sialə Rüstəmova özünü biznesledilər kimi aparır. Qlamur həyata öyrəşmiş İnstitut direktorunun daim brend paltarlardan, əşyalardan istifadə etdiyi, çantasında ən azı 4-5 butik mağazaların vizit kartlarının olduğu deyilir.
Yuxarıda qeyd etdiyimizə sadə bir nümunə olaraq qeyd edək ki, ötən ay Aqrar İnnovasiya Mərkəzi tərəfindən regionlarda təşkil olunmuş Festivalda Baytarlıq Elmi Tədqiqat İnstitutu da iştirak edib. İnstitutun direktoru Sialə Rüstəmova isə bu festivala ölkənin məşhur butik mağazalarından birində satılan 6 min manatlıq brend şuba ilə qatılıb.
Heyvanların həyatını xilas edən Elmi Tədqiqat İnstitutunun direktorunun heyvan dərisindən bahalı kürk geyinməsi yəqin ki məmurların büdcəsini talan etdiyi Azərbaycan kimi ölkələrdə olar.
Baytarlıq Elmi Tədqiqat İnstitutu məsələyə münasibət bildirmədi.
Nazirliyin əməkdaşını evində işlədib, mədəniyyət nümunələrini İrana satıb – Natəvan Qədimova barədə ŞOK İTTİHAMLAR
2021-ci ildə Naxçıvan Muxtar Respublikasının Mədəniyyət Nazirliyində aparılan yoxlamalar nəticəsində nazirliyin bir nəfər işçisinin nazir Natəvan Qədimovanın evində xidmətçi kimi işlədildiyi və əməkhaqqının da dövlət büdcəsindən ödənildiyi aşkarlanıb.
Teref.az xəbər verir ki, bu barədə Tns.az-a özəl mənbələrdən məlumat daxil olub.
Məlumata görə, Natəvan Qədimova vəzifəsindən sui istifadə edərək qədim maddi-mədəniyyət nümunələrinin ölkədən çıxarılmasına razılıq verib. O, rüşvət qarşılığında belə nümunələrin İrana satılması prosesində iştirak edib.
2021-ci ilin yanvar-fevral aylarında Mədəniyyət Nazirliyində aparılan yoxlamamlar zamanı bir ədəd 1950-ci illərə aid “Petrof” markalı fortepianonun ölkədən çıxarılaraq İrana keçirildiyi aşkarlanıb. Yarım əsrdən çox yaşı olan hər hansı bir musiqi aləti maddi-mədəniyyət nümunəsi sayılır. Bunun da ölkədən çıxarılmasına icazə verilmir. Həmin musiqi aləti 2016-cı ildə Bakıdan alınır və İrana aparılması planlaşdırılır. Lakin Azərbaycan Respublikası Mədəniyyət Nazirliyindən razılıq məktubu olmadığı üçün gömrük-keçid məntəqəsindən buraxılmır. Bunun qarşısı alındığından sahibkar başqa yola əl atır. Belə ki, aləti İrana deyil, İran yolu ilə Naxçıvana – öz evlərinə apardıqlarını bildirirlər. Bu zaman gömrükdə problem olmur, musiqi aləti Naxçıvana aparılır.
Alətin İrana aparılması üçün Naxçıvanın mədəniyyət naziri Natəvan Qədimova ilə sövdələşən sahibkar nazirdən razılıq ala bilir. Nazir bunun qeyri-qanuni olduğunu bilə-bilə maddi maraq müqabilində razılıq verir. Beləliklə, Azərbaycanın daha bir mədəniyyət nümunəsi ölkəni “tərk edir”.
Görəsən, bu alətin dəyəri nə idi ki, onu Bakıdan Naxçıvana İran yolu ilə aparıb yenidən İrana keçiriblər? Maliyyə Nazirliyi bu məsələni aşkara çıxardıqdan sonra Natəvan Qədimova niyə cəzalandırılmayıb? Xanım naziri kim müdafiə edib? Bu qədər ciddi qanun pozuntusu niyə ört-basdır edilib? Suallar çoxdur. Yəqin ki, Naxçıvanın yeni rəhbərliyi bu sualların cavabını bu sahəyə cavabdeh olan məmurlardan soruşacaqdır.
İddia edilir ki, nazirliyin kollegiya qərarlarına baxılsa, onlarla belə mədəniyyət nümunələrinin, muzey eksponatlarının qaranlıq taleyinə işıq tutmaq olar.
Qazax rayon icra başçısı Rəcəb Babaşov. İcra başçısının məmur oğlu yarım milyonluq maşınına yeni nömrə alıb. Təbrik edirik!
Oğurluq, haram pullar ilə alınmış maşına minib sonradan lovğalanmaq tərbiyəsizlikdir! Qazi və şəhid ailələlərindən utansın!
Çoxumuz bu sualı hər yerdə eşitmişik “Məmur balaları müharibə vaxtı nə edirdilər?” “Xalqın kasıb balaları vətən uğrunda şəhid olanda, məmur balaları harda idilər?”. Bu sualın cavabını tapmışıq. Bu sadə bir misaldı....
Qazax rayonunun icra başçısı var Rəcəb Babaşov. Onun oğlu Elşən Babaşov müharibədən əvvəl şəhərdə 10-LL-077 dövlət nömrəsi ilə fırlanırdı. Müharibədən sonra isə bu yaxınlarda özünə yeni “zerkalnı” və qiyməti 100-200 min manat olan 77-LL-077 nömrəsi alıb. 10-LL-077 nömrəsini bəyənmədi çünki “zerkalnı” sayılmır ona görə 77-LL-077 aldıki hamı buna baxıb paxıllıq etsin.
TEREF.AZ yazır ki, bunu bloqqer Mehman Hüseynov deyir. Daha sonra Mehman Hüseynov ritorik suallar verir:
Bu qədər harınlamaq olarmı?! Bu qədər acgözlük olar?
TEREF.AZ olaraq qaldırılan iddialarla bağlı qarşı tərəfin mövqeyini dərc edə bilərik:
Teref.az
Biləsuvar rayon Ağayrı kənd tibb məntəqəsi sözün əsil mənasında xarabalığı xatırladır. Məntəqədə üç nəfərdən ibarət tibb bacısı olmasa buranın səhiyyə binası olması heç kimin ağılına gəlməz.
TEREF.AZ Bizim.Media-ya istinadla xəbər verir ki, iki mərtəbədən ibarət olan xəstəxana binasında iki otaq qismən istifadəyə yararlıdı. Qalan otaqlar isə bərbad vəziyyətdədi.
Ağayrı kənd sakini Zakir Əzizovun sözlərinə görə kənddə xəstəxana var, amma həkim yoxdur:
“İnsanlar xəstələnəndə rayon mərkəzinə getməli olurlar. Mən əvvəllər xəstələnəndə kənddəki xəstəxanada müalicə olunurdum. Amma indi nə xəstəxananın xəstə qəbul etmək üçün normal şəraiti var nə də həkimi. Xəstəxana binası baxımsızlıq üzündən yararsız vəziyyətə düşüb. Əvvəllər bu xəstəxana Günəşli və İsmətli kəndlərinin sakinlərinə də xidmət göstərib”.
Ağayrı kənd sakini Tərlan Talıbov isə bildirir ki, sözügedən tibb məntəqəsinə sonuncu dəfə iki il əvvəl gedib:
“Xəstəxananın təmirə böyük ehtiyacı var. Həkim yox, avadanlıq yox, üç tibb bacısı var, onlar da ancaq iynə vurmağı bilirlər. Əvvəllər sözügedən tibb ocağında yaxşı şərait olub. Kəndin əksər sakinləri bu xəstəxanada dünyaya gəlib. Başı ağrıyan, dişi ağrıyan buraya gələrdi. İndi rayona getməli olurlar, hamının da avtomobili yoxdu. Görün rayon mərkəzi xəstəxanasına getmək istəyən insanlar hansı çətinliklərdən keçməli olurlar. Yaşlı, uşaqlı insanlar üçün gedib gəlmək olduqca çətindir”.
Tibb bacıları bildirir ki, dəfələrlə müxtəlif instansiyalardan gəlib vəziyyətlə maraqlanıblar. Amma məntəqənin təmir olunması ilə bağlı bir iş görən olmayıb:
“Uzun illərdi ki, bu həkim məntəqəsi fəaliyyət göstərir. Əvvəllər burda baş həkimlə yanaşı bir neçə həkim çalışırdı. İndi divarlar adamın üstünə gəlir, hər tərəf dağılıb-tökülüb”- deyə tibb bacıları bildirdilər.
Qeyd edək ki, sözügedən bina 1950-ci illərədə Ağayrı kənd xəstəxanası kimi fəaliyyətə başlayıb. Həmin illərdə xəstəxanada 30 çarpayılıq 10 palata, 4 qəbul otağı, bir stomotoloji kabinet, doğum şöbəsi, terapevt və pediatr şöbələri və aptek fəaliyyət göstərib. Səhiyyə ocağında hətta cərrahi əməliyyatlar aparmaq üçün imkanlar da olub. 2014-cü ildən isə xəstəxana fəaliyyətini dayandırıb.
Problemlə bağlı Biləsuvar rayon Mərkəzi xəstəxanasından Bizim.Media-ya bildiriblər ki, Ağayrı kənd tibb məntəqəsinə aidiyyəti qurumlar tərəfindən baxış keçirilib və binanın əsaslı təmiri dövlət proqramında nəzərdə tutulub.
Səhiyyə Nazirliyindən isə məsələyə münasibət fərqli oldu. Bildirildi ki, qeyd edilən kənd tibb məntəqəsi ilə bağlı Səhiyyə Nazirliyinə vətəndaş, rəsmi şəxs yaxud da Tibbi Ərazi Bölmələrinin İdarəetmə Birliyindən (TƏBİB) müraciət daxil olmayıb. Müraciət daxil olduğu təqdirdə TƏBİB-in nümayəndələri məntəqəyə baxış keçirəcəklər. Müəssisənin yenidən təmiri məqsədəuyğun hesab edilirsə, TƏBİB Səhiyyə Nazirliyinə tikintinin həyata keçirilməsi ilə əlaqədar müraciət edəcək. Bundan sonra müəssisə investisiya planına salınır və tikintisi həyata keçiririlir. Hələki belə bir müraciət yoxdur.
“Bakının Yeni Günəşli qəsəbəsində “Sahil S İnşaat” MTK-nın tikdiyi binadan mənzillər alan 165 ailə əsir-yesir vəziyyətində qalıb”.
Payçılar tikintisi yarımçıq qalan binada görüləcək işləri tamamlaya bilmirlər.
Bu barədə Prezidentə və Baş prokurora müraciətlərində bildiriblər.
Xeyli vaxtdır ki, vətəndaşlar öz vəsaiti hesabına binadakı problemləri yoluna qoymağa çalışsa da, hər dəfə bir maneə ilə üzləşirlər. İstər elektrik enerjisinin kəsilməsi, istər liftlərin qoyulması, istər digər işlərdə əngəl yaranır.
Anaxeber.info vasitəsi ilə Prezident İlham Əliyevə, PA rəhbəri Samir Nuriyevə, Baş Prokuror Kamran Əliyevə müraciət edən sakinlər dövlətin onlara köməklik göstərməsini, vətəndaşlara sahib çıxılmasını xahiş ediblər.
Onların sözlərinə görə, bütün bu problemlərin yaşanmasına səbəb şirkətin sahibi Taley Alaverdiyevin dələduzluq ittihamı ilə həbs edilməsinə baxmayaraq, hələ də MTK rəhbəri vəzifəsini daşıması, binanın tikintisi ilə bağlı hüquqi işlərin, səlahiyyətin onda qalmasıdır. Belə ki, alınan mənzillərin aylıq kreditinin ödənişindən yığılan vəsait hesabına sakinlər binanın yarımçıq qalan işlərini davam etdirirdilər. İndisə əngəllər meydana çıxıb. Çünki kreditorların ödənişi ilə bağlı şirkətin həbsdə olan rəhbəri Taley Alaverdiyev maliyyə arayışına qol çəkməkdən imtina edir. Maliyyə arayışı olmasa kreditlər toplana bilmir.
Sakinlərin sözlərinə görə, müqavilə imzalayaraq binaya liftlərin quraşdırılmasına razılaşıblar. Amma Taley Alaverdiyev maliyyə arayışına qol çəkmədiyi üçün liftin pulunu ödəyə bilmirlər. Nəticədə liftə görə 157 min manatlıq borc qalıb.
Sakinlər qeyd edirlər ki, faktiki olaraq 165 ailə həbsdə olan dələduzun girovuna çevrilib.
Vətəndaşlar dövlət başçısına və Baş prokurora müraciətdə bildirirlər ki, MTK rəhbərinin dələduzluğuna görə onsuz da kifayət qədər çətinliklər yaşayıblar, indisə həbsdə olmasına baxmayaraq onun imzası olmadan heç bir sənədləşmə işi görmək olmur. Bir sözlə, 165 ailə bir dələduzun imzasından asılı qalıb.
Taley Alaverdiyev isə maliyyə arayışına qol çəkmir.
Sakinlər deyirlər ki, nə üçün bu şəxsin hələ də buna üzərində səlahiyyəti olmalıdır: “Onun MTK-dakı səlahiyyətlərinə xitam verilməlidir, çünki vətəndaşları aldatması, dələduzluğu sübuta yetirilib. Ona görə bina ilə bağlı səlahiyyətindən məhrum edilməlidir. Onun maliyyə arayışını imzalamağa haqqı yoxdur, hüququ da olmamalıdır. Biz xahiş edirik ki, hazırda istintaqı gedən bu şəxsin səlahiyyətlərinə xitam verilsin, barəsində məhkəmə qərar çıxarsın. Bir mənzili 4-5 adama satan fırıldaqçının başımıza açdığı oyunlar az deyil, indi də həbsdə ola-ola onun imzasından asılı vəziyyətdə qalmışıq. Bu nə vaxta qədər davam edəcək?”
“Biz sakinlər bir araya gələrək öz gücümüz hesabına tikinti-təmir işləri görürük, Taley Alaverdiyevin canı çıxıb etməli olduğu işləri hissə-hissə min bir əziyyətlə həyata keçiririk, amma hər dəfə hansısa problem yaranır. İndi də liftlər quraşdırılmalıdır, şirkətlərdən biri ilə razılaşmışıq, pulun bir hissəsin vermişik, amma əsas 157 manatı ödəyə bilmirik, çünki bu yaramaz dələduz Taley Alaverdiyevin maliyyə arayışını imzalamasını gözləyirik. Axı niyə qanun ona bu səlahiyyəti verir? Nə üçün məhrum edilmir? Biz çox xahiş edirik ki, dövlətimiz bizə arxa-dayaq olsun, bu 165 ailəyə sahib çıxsın, nəhayət ki bu məsələlərə tam son qoyulsun. Biz cənab prezidentə inanırıq, ona sığınırıq, Baş prokurorun bu məsələ ilə bağlı müvafiq tapşırıqlar verəcəyinə ümid bəsləyirik. Biz dövlətdən xahiş edirik ki, bu dələduzun əlindən birdəfəlik xilas olmaqda köməklik göstərilsin”, – deyə onlar qeyd ediblər.