www.dunyapress.info

Bu milyardlar dövlətə qaytarılmalıdır.... Ötən yazılarımızın birində 23 ildən çox mühüm vəzifələrdə işləmiş ( 1995-2000-ci illərdə Suraxanı Rayon İcra Hakimiyyətinin başçısı, 2001-ci ildən 2018-ci ilədək Bakı Şəhər İcra Hakimiyyətinin başçısı, 2018-ci ildən Azərbaycan Respublikası Baş nazirinin müavini və hazırda təqaüdçüdür ) Hacıbala Abutalıbovun “qara kassir”i olan şəxsdən bəhs etmişdik.
Təsəvvür edirsiniz 23 ildən artıq mühüm vəzifələrdə işləmiş vəzifəli şəxsin “dəftər-kitab”ına nəzarət edən, qara kassiri olan şəxsin özünün nə boyda varidatı var. “Qara kassir”in, “qara mühasibat”lığın nə olduğunu bilənlər başa düşür ki, söhbət nədən gedir. Qara kassirə keçməzdən öncə Hacıbala Abutalıbovun 23 illik fəaliyyətinə, qazandığı milyardlara nəzər salaq ki, “qara kassir”in əkişdirdiklərini hesablaya bilək.
Deməli, Hacıbala Abutalıbov 23 ildə milyardlara sahib olub. Təkcə onu qeyd edək ki, 2018-ci ildə işdən çıxacağını bilən Hacıbala Abutalıbov 12 sahibkarı aldadaraq onlardan 100 MİLYON MANAT pul alıb və sonra vəzifəsi ilə vidalaşıb. Həmin aldanmış sahibkarlar neçə ildir ki, Hacıbala Abutalıbovu TUTMAĞA çalışırlar. Biz Hacıbala Abutalıbovun yüz milyonluq mülklərinin bir hissəsini qeyd edirik.
Buyurun bu əmlakın bir qisminə nəzər salın: Nərimanov rayonundakı Yaşıl bazar və Keşlə bazarı. Füzuli küçəsi 39 ünvandakı “sürüşən bina”nın birinci mərtəbəsi. Nizami rayonundakı Mehdi Abbasov küçəsində “Bakelektrikşəbəkə”nin anbarları və qarajını da özəlləşdirilib və hazırda icarə əsasında obyekt işləyir. Bakı Avtovağzal Kompleksinin qarşısında 3 mərtəbəli restoran. Rəşid Behbudov küçəsində, XDU-nin yanında 7 mərtəbəli Biznes mərkəzi. Hüseyn Cavid bağındakı çay evi. Nərimanov rayonunda Bakı şəhər Ticarət Departamentinin yerləşdiyi inzibati bina. Binəqədi rayonunda Heydər məscidinin yanındakı çoxmərtəbəli Mərasim evi. Balaxanı qəsəbəsində bir zavod. Yasamal rayonunun Qurban Xəlilov küçəsində, Vergilər Xidmətinin arxasındakı parkda bir neçə kafe. Və oğlu İsrafilin Londonda, Türkiyədəki 100 milyonluq mülkləri...
Bəli, əlahəzrət məntiq deyir ki, Hacıbala Abutalıbovun bütün gizlinləri ortaya çıxmalıdır. Bu Hacıbala Abutalıbovun haqqında bildiklərimizin cüzi bir hissəsi. İndi isə keçək “qara mühasib”ə... İlk öncə məlumat üçün onu qeyd edək ki, söhbət Bakı ŞİH-nin Maliyyə İdarəsindən getmir.... Söhbət Hacıbala Abutalıbovun şəxsi “buxqalter”indən, “qlavbux”undan, loru dildə desək “xəzinədar”ı Bəhruzdan gedir. Bu adamın 23 ildə oğurladığı dövlət vəsaiti 100 milyonlar səviyyəsindədir. Görəsən, bu günədək nə üçün hüquq-mühafizə orqanları Bəhruz Mehdiyevi sorğu-sual etməyiblər, nə üçün soruşmayıblar ki, dövlətdən 600-800 manat maaş alan kəsdə bu qədər sərvət haradandır..?
Təsəvvür edirsiniz, Bakıda tikilən hər yeni binada Bəhruza məxsus mənzillər var. Əgər hüquq-mühafizə orqanlarına maraqlı olarsa, biz bir media olaraq Bəhruz Mehdiyevin yüz milyonluq mülklərinin, obyektlərinin dəqiq siyahısını təqdim edə bilərik. Yeri gəlmişkən, Bəhruz Mehdiyevə dəstək verənlərdən biri də Səbael rayon prokuroru, mərhum Məhəmməd Əsədovun oğlu Natiq Əsədovdur. Özünü Əhməd Əhmədzadənin kürəkəni kimi, başqa vəzifəli məmurların yaxını kimi təqdim edən Natiq Əsədova deyirəm ki, sənin mərhum atanı ayaqqabısından tanıyan və dəfnində yaxından iştirak edən mən olmuşam. Amma atalar demişkən, “oddan kül...” məsəlidir.
Bu gün sən Bəhruz kimiləri müdafiə edirsən. Çox heyflər olsun ki, o kişinin ocağında sənin kimi birisi var. Elə bilirsən etdiklərin cavabsız qalacaq, Əsədov..?
Bəli o Əsədov ki, Zəngilan məclislərindən çox vaxt qovulur, heç kim onu bir Zəngilanlı kimi tanımır. Amma uzun müddətdir ki, özünün çoxlu biznes obyektləri olan Səbail kimi rayonda prokurorluq edir. Axı prokuror kimi bir rayonda uzun müddət qalmağın bir adı var. Rüşvətin, korrupsiyanın kökünü kəsə bilməmək. Yuxarılara verilən hesabatlar heçdə olduğu kimi deyildir. Amma Səbail rayon prokuroru Əsədov uzun illərdir ki, Səbaildə prokuror vəzifəsində çalışır.
Bu mövzu ilə bağlı geniş araşdırmamız növbəti yazımızda olacaq. O ki, qaldı Bəhruz Mehdiyevə, Bəhruz Mehdiyevin ayda 600-800 manat arası aldığı məvaciblə 100 milyonlara necə sahib olması haqqında yazılarımızı oxuyacaqsınız.

P.S. Qumar oyunları, eyş-işrət məclisləri barədə Gürcüstandan reportaj olacaq. Bizi izləyin.

“Sumqayıt Tibb Mərkəzi” Publik Hüquqi Şəxsində ( keçmiş Sumqayıt Səhiyyə şöbəsində ) baş verən qanunsuzluqlarla bağlı cinayət işi başlanıb.
Bu barədə bir neçə gün öncə Baş Prokurorluğun Mətbuat xidmətinə istinadən yayılan xəbərdə deyilir ki, “Sumqayıt Tibb Mərkəzi” PHŞ tərəfindən dövlət vəsaitlərinin və digər dövlət əmlakının idarə olunmasına dair qanunvericiliyin pozulması barədə Hesablama Palatasından daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində araşdırma aparılıb.
Aparılmış araşdırma ilə qeyd olunan hüquqi şəxsin vəzifəli şəxsləri tərəfindən Sumqayıt şəhəri ərazisində fəaliyyət göstərən dövlət tibb müəssisələrində cari təmir işlərinin aparılması ilə bağlı dövlət büdcəsindən ayrılmış külli miqdarda pul vəsaitinin təyinatı üzrə xərclənməməsi və mənimsənilməsinə əsaslı şübhələr müəyyən edilib.
Faktla bağlı Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 179.3.2 (külli miqdarda mənimsəmə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanaraq ibtidai istintaq aparılır. Bura qədər yazılanlar rəsmi məlumatdır.
Məlumat üçün onu qeyd edək ki, 2019-cu ildən Sumqayıt Səhiyyə Şöbəsinə Səkinə Sadıxova rəhbərlik edib. Sonradan Sumqayıt şəhər Səhiyyə Şöbəsinin bazasında yeddisi Ailə Sağlamlıq Mərkəzi və dördü şəhər xəstəxanası olmaqla 18 tibb müəssisəsindən ibarət Sumqayıt Tibb Mərkəzi yaradılıb. Və Səkinə Sadıxova Mərkəzin direktoru olub.
Təsəvvür edirsiniz, Səkinə Sadıxova 300 min əhalisi olan Sumqayıt şəhərinin səhiyyəsinə görə məsuliyyət daşıyır, tabeçiliyində 7 Sağlamlıq Mərkəzi, 18 tibb müəssisəsi, Təcili Yardım və s. İndi özünüz Səkinə Sadıxovanın yığdığı rüşvətin miqyasını təsəvvür edin.
Səkinə Sadıxova Sumqayıt Şəhərindəki Təcili Yardım stansiyasına ayrılan vəsaiti, yanacağı, nə bilim ehtiyat hissələrinin pulunu məmisəyirdi və bütün xərcləri yıxırdı sürücülərin üstünə. Səkinə Sadıxova Sumqayıtdakı xəstəxanalarda istədiyi adamı çıxarıb pul alaraq başqasını təyin edirdi. Baş həkimlər etiraz edəndə onları vəzifədən çıxarmaqla hədələyirdi. Bu adam həkimlərin pulu hesabına özünə bahalı, təmtəraqlı ad günləri keçirir, bahalı imperator kəməri taxaraq fotosessiya göstərirdi.
İstər-istəməz sual doğurdu ki, dövlətdən konkret maaş alan Səkinə Sadıxova belə bahalı məclisi hansı pulla keçirir..? Hətta deyilənə görə, Səkinə Sadıxovanın belindəki kəmər Rusiya İmperiyasının çarı II Nikolayin, həyat yoldaşının, imperatriçanın kəməri imiş.
Bəli, Səkinə Sadıxova Romanovlar sülaləsinə məxsus antikvar kəməri necə əldə edib, neçə milyon xərcləyib, bunu qoy dövlət qurumları araşdırsın... Redaksiyamıza daxil olan məlumata görə, kəmər 713 min dollara başa gəlib. Həkim həmkarları deyir ki, biz bilmirik Səkinə səhiyyə rəhbəridir, yoxsa, modeldir. Səkinə Sadıxova qısa vaxtda kadr yerdəyişmələri, təqaüd yaşına çatan həkimlərin müddətinin uzadılması adı altında yüz minlərlə pul yığıb.
Səkinə Sadıxova 2021-2022-ci illərdə saxta tenderlər keçirib və yüz minlər mənimsənilib. Və hər kəsə də deyir ki, dalımda TƏBİB-in İcraçı direktoru Vüqar Qurbanovun müavini Araz Nəsirov dayanıb. Məlumat üçün qeyd edək ki, Araz Nəsirov 2018-2022-ci illər ərzində İcbari Tibbi Sığorta üzrə Dövlət Agentliyinin Strateji təhlil departamentinin rəhbəri olub, hazırda TƏBİB-in icraçı direktorunun müavinidir.
Sözün qısası, Sumqayıt şəhər səhiyyəsinin başına oyunlar açan Səkinə Sadıxovanın həbsi qaçılmazdır. Adam istəyir deyə ki, avazın yaxşı gəlirdi Səkinə, deyirdin dalımda Araz dayanır... Amma Səkinə Sadıxova TƏBİB-in icraçı direktorun müavini Araz Nəsirova o qədər arxayın olub ki, Sumqayıt Səhiyyəsində istədiyini edib. Çünki, Araz Nəsirov həmişə Səkinə Sadıxovaya deyirmiş ki, biz təzə komandadanıq bizə heç kim heçnə etməz. Nə istəyirsiz onu da edin. Burada söhbət qanunsuz əməllərdən gedir.
Baxın, Səkinə Sadıxova hamını pulla almaq fikrinə düşmüşdü. Nə Gündəlik-baku.com-u pulla ələ ala bildi, nədə onu yoxlayan cəsarətli hüquq mühafizə orqanları işçilərini. Biz bu çətin işimizdə bizə əngəl Səkinə Sadıxovaya, dəstək olmaq istəyən Hüquq Mühafizə Orqanları haqqındada yazı dərc edərək yuxarı instansiyalara göndərəcəyik. Cəsarətli, inamlı, ədalətli addımlarımız həmişə qələbə ilə nəticələnib. Biz öyünmürük ki, hansısa qadına qarşı cinayət işi qaldırdılar, biz öyünürük ki, hansısa rüşvətə, korrupsiyaya bulaşdırılmış və bulaşdırılmaqda davam edən bir qadını uçurumun düz başından xilas edirik. Nə isə bu haqda növbəti yazıda...
P.S. Namusu, şərəfi olan hər bir kəs cənab Prezidentin siyasətinə zidd getməz.