 |
|
|
Diasporla İş üzrə Dövlət Komitəsi 4-cü dəfədir ki, Yay Düşərgəsi keçirir. Nədir bu yay düşərgələrinin Azərbaycan dövlətçiliyinə və diasporasına faydası? Diaspora Gənclərinin Yay Düşərgəsi adı altında həyata keçirilən, əsl məqsədi isə büdcədən pul silmək olan bu layihənin diasporaya və dövlətimizə bugünə qədər heç bir faydası dəyməyib. Əgər elə deyilsə :
1. Bu vaxta qədər 4 düşərgə olub. Lakin bu düşərgələrin heç biri barədə ən azı 5 dildə (Azərbaycan, rus, ingilis, fransız, alman və s.) Wikipedia.da məlumat yoxdur.
2. Bu günə qədər baş tutmuş düşərgələrdə iştirak etmiş gənclərin sonradan qurulmuş platformaları varmı? Həmin gənclər Azərbaycanla bağlı bu günə qədər sosial şəbəkələr və digər vasitələrlə hansı işləri görübmü?
3. Həmin xaricdə yaşayan azərbaycanlı gənclər əcnəbi dostları vasitəsilə, təhsil aldıqları ali məktəblərdən Azərbaycan üçün nələr ediblər?
4. İndiyə qədər keçirilən forumlardan sonra həmin gənclər hərəsi o ölkələrin yerli fəal gənclərinin iştirakı ilə heç olmasa kiçik də olsa flashmob, seminar, training formasında tədbirlər keçiriblərmi?
5. Ümumiyyətlə, dünya təcrübəsində hansısa dövlət qurumunun yay düşərgəsi keçirdiklərinin şahidi olublarmı. Keçirilibsə belə, o ölkələrin nazirliyi, fondunun dəstəyi ilə qeyri hökumət təşkilatları keçirməlidir. Hay-küylə yaratdığınız Azərbaycan Evləri, Koordinasiya Şuralarının gəncləri müstəqil yay düşərgələri təşkil edə bilmirmi?
6. Bu tədbilər vasitəsi ilə korrupsiyaya yol verilir. Niyə bu tədbirlərin bilet və otel rezervasiyaları yalnız Eleqant Travel tərəfindən həyata keçirilir?
Qeyd. Haqsız rəqabətə yol verildiyi üçün Antiinhisar və İstehlak Bazarına Nəzarət Xidməti Diasporla İş üzrə Dövlət Komitəsinin bu fəaliyyəti ilə bağlı araşdırma aparıbmı?
Hesablama Palatası niyə yalnız aktlarla verilən maliyyə hesabatlarına diqqət etmir?.
Rəşad Quliyev-DAA sədri
newscenter.az