 |
|
|
"Sığınacaqda olan, amma sənədləri olmayan uşaqlar bu il birinci sinifə gedə bilməyəcək”. Bunu Qaynarinfo-ya açıqlamasında Azərbaycan Uşaqlar Birliyinin sədri Kəmalə Ağazadə deyib.
Onun sözlərinə görə, bu il birinci sinifə gedəcək uşaqların sayı 22-dir:
"Məktəbəqədər təhsill müəssisələrinə getməli olan uçaqların sayı 12-dir. Ümumilikdə, sığınacaqda 57 uşaq var, onlardan 3-ü korpədir, 6 qız peşə məktəbinə gedəcək, ötən il məktəbə gedənlər bu il də təhsilini davam etdirəcəklər. Amma bizi narahat edən bir problem var. Sənədləri olmayan, yerdəyişmədə problemləri yaranan, doğum şəhadətnaməsi olub vəsiqəsi olmayan bu uşaqlar electron sistemdə qeydiyyatan keçə bilmir. Çünki onların sənədləri yoxdur. Elektron sistem isə ancaq vəsiqə, arayış, qəyyumluq haqqında sənəd istəyir. İndi bu sənədlər yoxdur deyə, uşaqlar oxumamalıdır?”
Kəmalə Ağazadə bildirib ki, sənədsiz uşaqlar məktəbdən kənarda qala bilməz:
"Onlar da oxumalıdır. Biz ötən il də Elm və Təhsil Nazirliyinə müraciət etmişdik. Gəlib araşdırdılar, amma yenə də iki usagı kənarda saxladılar. Birini güclə fərdi təhsilə cəlb edə bildik, çünki vəsiqəsini düzəldə bilmişdik. O birisinə isə "yox” cavabı aldıq. Bu il isə mən yenə də rəsmi nazirliyə müraciət etmişəm. Amma hələ də mənim müraciətimə cavab verilməyib. Vaxtım daralıb, bu uşaqlar məktəbə və baxçaya getməlidirlər”.
Bahar Rüstəmli