Şəhid adının əbədiləşdirilməsi və şəhid ailələrinə edilən güzəştlərin tətbiqi qaydalarına dəyişiklik edilib.

Baş nazir Əli Əsədovun qərarəna əsasən, qaydanın 2.1.6-cı yarımbəndindən “həmçinin Azərbaycan Milli Elmlər Akademiyasında” sözləri çıxarıb.

Qaydanın əvvəlki variantı isə belədir:

Şəhid ailə üzvləri aşağıdakılar hesab olunurlar;

- arvadı (əri);

- valideynləri;

- 18 yaşına çatmamış uşaqları, 18 yaşınadək əlilliyi müəyyən edilmiş 18 yaşından yuxarı əlilliyi olan övladları;

- qardaşları və bacıları — uşaq evlərində tərbiyə olunanlar;

- babalar və nənələr, qanunla onları saxlayan şəxs yoxdursa;

2.1.3 və 2.1.4 bəndlərdə (18 yaşına çatmamış uşaqları, 18 yaşınadək əlilliyi müəyyən edilmiş 18 yaşından yuxarı əlilliyi olan övladları; qardaşları və bacıları - uşaq evlərində tərbiyə olunanlar) göstərilənlər əyani təhsil müəssisələrində, həmçinin Azərbaycan Milli Elmlər Akademiyasında təhsil aldıqda 23 yaşa çatanadək ailə üzvü hesab edilirlər.

Naxçıvan MR sakini Məmmədov Vüsal Məmməd oğlu “Hürriyyət”in redaksiyasına müraciət edib. Şikayətçi deyir ki, onun xəbəri olmadan 6 milyon vergi borcu yığılıb və ölkədən çıxışına stop qoyulub:

“Mən, Məmmədov Vüsal Məmməd oğlu, diqqətinizə çatdırıram ki, xəbərim olmadan adıma 6 milyon 500 min manat vergi borcu var. Özüm qaynaqçı işində işləyirəm, günə 15-20 manat qazanıram, harda iş desələr, gedib orda çalışıram. Belə olduğu təqdirdə mənim 6,5 milyon manat vergi borcum necə yarana bilər”?!

Vüsal Məmmədov deyir ki, əslində, onun özü bu məsələdə zərərçəkəndir və dələduzluğa məruz qalıb: “Bir gün Naxçıvan şəhər, Şərur rayon sakini olan şəxslə tanış oldum. O, mənə dedi ki, gəl, sənə yaxşı bir iş düzəldim, 1-2 saat işləyəcəksən, yüksək maaş alacaqsan. Mən nə iş olduğunu və konkret nə qədər maaş alacağımı soruşdum. Bildirdi ki, narahat olma, problemsiz işdir, özü də bu işdə çalışır. Və o, mənə ayda 1500 manat maaş alacağımı dedi. Həmin vaxtlar mən işsiz olduğumdan və bu səbəbdən də narkotik qəbul etdiyimdən, onun təklif etdiyi iş necə deyərlər, “göydəndüşmə” olmuşdu. Odur ki, razılıq verdim.

Bu söhbətdən sonra o, məni Elşən və İlkin adlı şəxslərlə görüşə apardı. Getdim, gördüm ki, oradakıların əksəriyyəti də narkomandır. Təxminən, 15 nəfər var idi. Narkomana gündəlik pul lazımdır və mənim kimilərə də bu iş xeyir edirdi. Lakin o zaman sonrasını fikirləşə bilmədim…

Orada narkotik istifadə etməyən yalnız İlkin və Elşən idi, onlar da bizim başımızda dururdular. Yəni bu işə onlar nəzarət edirdilər. Hər ikisinin də maddi imkanı yaxşı idi, bahalı maşınları - nömrəsinin sonu 888 olan ağ rəngli “İnfiniti”, BMW 540 və 103 nömrəli başqa bir “Cip” avtomobilləri var idi.

…Mən nə iş görəcəyimi soruşduqda dedilər ki, hər ay sənə 400 manat verəcəyik, qarşılığında sənin adına xaricdən ay ərzində 1 telefon gətirəcəyik. Razı oldum.

Amma sonradan mənə 200-300 manat pul verirdilər, heç vaxt 400 manat almadım. Daha dəqiq desəm, həftədə 20, 30, bəzən isə 40 manat verirdilər.

Razılıq verdikdən sonra şəxsiyyət vəsiqəmi götürdülər və bir neçə sənədə imza atdırdılar. Latınca oxumaq-yazmaq bilmədiyim üçün sənədləri oxumadım. Düzü, həmin vaxt sevindiyimdən heç axırını da düşünmədim.

Beləliklə, 2022-ci ilin ortalarından bu işdə işləməyə başladım.

Mən fikir verirdim ki, adlarına şirkətlər olan adamları sonradan özləri narkotiklə həbs etdirirlər və vergi borcu da üstlərində qalır. Artıq bu, məndə şübhə yaratmışdı. Adımda 2 şirkət var idi, biri “Enerji MMC”, digəri isə “R.V Yol İnşaat” MMC idi.

Axırıncı dəfə Elşən məni öz adamlarına qoşaraq, “Koroğlu” metrostansiyasının yaxınlığındakı “Asan Xidmət”ə göndərdi. O, mənimlə birgə olan şəxsə nömrə vermişdi ki, sənədlərin üstünə bu nömrəni yazarsan, lazım olduqda bu nömrə ilə əlaqə saxlasınlar. “Asan Xidmət”in əməkdaşı orada məndən nömrə istədikdə öz nömrəmi də verdim.

2-3 ay bundan qabaq mənə zəng gəldi ki, sənin vergilərə bu qədər borcun var… Qəbula getdim, bunlardan xəbərsiz olduğumu bildirdim.

Bir müddət keçdikdən sonra Nizami Polis İdarəsinin əməliyyatçısı Tural müəllim mənə zəng vurdu ki, saat 4-də şöbəyə yaxınlaş. Getdim, məni qəbul etdilər. Mənə baxan kimi dedilər ki, bu qədər borc sənin deyil, bu, görünüşündən açıq- aşkar görünür. Dedilər ki, danış görək nə məsələdir?!

İzahatımı verdim, bundan sonra həmin Elşən və İlkini polis idarəsinə çağırdılar. Bu vaxt icraçı mənə dedi ki, Elşənin 103 nömrəli maşını var? Dedim hə, artıq əmin oldum ki, bunlar başımıza oyun açıblar.

Elşən 1 saatdan sonra idarədən çıxdı. Necə çıxdı, bilmədim, sonradan başqa bir nəfər mənə dedi ki, Elşənin bacısının yoldaşı polisdir, kimə nə qədər lazımdır pul verir, azadlığa çıxır. Bunların hamısını mənim kimi bu işin qurbanları olan şəxslərdən eşitmişəm…

Mənim o vaxt etibarnamə verdiyim şəxs - Musayev Suleyman Sultan oğlu da bu işin içindədir. O, Xaçmaz rayon sakinidir, 22.02.1985-ci il təvəlüddlüdür. Bu şəxs həbsdən təzə çıxıb, onu da narkotiklə tutmuşdular. Hal-hazırda Elşənin yanındadır.

Mənim fikrimcə, Elşən pul verib Süleymanı həbsdən azad etdi. Ona görə, yenidən iş başındadırlar.

Elşənə deyirdim, adıma bu qədər vergi gəlib, cavab verirdi ki, darıxma, həll edəcəm. Belə gördüm ki, bunlar anacaq saxta işlərlə məşğuldurlar.

…Elşən polisdən çıxandan sonra mənə dedi ki, Vüsal, niyə gedib izahat veribsən? Dedim, bəs neynəməliydim, deyirlər ki, adına bu qədər borc var. Mənim vergiyə bu qədər borcum ola bilməz axı? Mənə dedi ki, mən yoluna qoyacaqdım…

Elə həmin gündən məndən qaçır, gah deyir ki, əməliyyat olunmuşam, gah da başqa bəhanələr. Bir sözlə, üzə çıxmır, bəlkə də artıq qorxur.

Hörmətli redaksiya!

Sizdən xahiş edirəm ki, bu işin üstünün açılmasına kömək edin”.

Jalə FAMİLQIZI

Redaksiyadan: Yazıda adları qeyd olunan şəxslərin və qurumların mövqeyini dərc etməyə hazırıq.

Himalay Məmişov müharibə veteranlarına verilən 80 manatın çox olduğunu

Hər axşam bir saat toyda oxuyub 500 manat alan müğənni-xalq artistinə ayda 300 manat vermək olar, amma təsadüfən düşmən gülləsinə tuş gəlməyən, sağ qalan müharibə veteranına 80 manatdan çox vermək olmaz...

ƏƏSMN nəzdində fəaliyyət göstərən Dövlət Sosial Müdafiə Fondunun sədri Himalay Məmişov mətbuat konfransında bəyan etdi ki, "veteranlara verilən 80 manat komunal xərclərini ödəməyə imkan verir, hətta hesablamalara görə, hər bir veteranın kommunal xərcini ödəyir və 20 manat artıq qalır"! - deyir.

DSMF sədri Himalay Məmişov belə deməklə, əslində Qarabağ müharibə veteranlarına bəslədiyi antipatiyanı açığa çıxardı. Himalay Məmişovun işlətdiyi söz özünün yox, hakimiyyət tərəfdən onun qulağına fısıldadılmış sözdür. Çünki hakimiyyət müharibə veteranlarına təyin olunmuş 80 manat aylıq təqaüdü 200 manata qaldırmaq istəmir.

Halbuki müharibə veteranlarına 2019-cu ildə təyin olunmuş 80 manat 5 il bundan öncə verilməyə başlayıb. Keçən müddətdə sosial-iqtisadi, komunal, təqaüd, minimum əmək haqqı və digər bu kimi ödənişlər bir neçə dəfə artırılıb, hər nəfərə düşən ehtiyac zənbili və qiymətlər sürətlə artıb.

DSMF sədri Himlay Məmişov və ondan yuxarıda oturanlar nəzərə almır ki, hər ay əməkdar artistə 150 manat, xalq artistinə 200 manat, (artistlərin hər axşam toylardan qazandıqları azmış kimi) heç bir elmi ixtirası olmayan, təqaüdə çıxan fəlsəfə doktoruna təqaüddən əlavə 300 manat, professora 400 manat pul verən dövlət, torpağı canı bahasına qoruyan və təsadüf nəticəsində müharibənin od - alovundan çıxan müharibə veteranına isə ayda 80 manat vermək sadəcə, vicdansızlıqdır!..

Müharibə veteranlarına ən az aylıq təqaüd verilməsinin başqa bir səbəbi də odur ki, müharibə veteranları arasında onminlərlə məmurun nə övladı, nə də qohum-əqrabası yoxdur!
Ona görə də, Azərbaycanda dövlət vəzifəsi tutan bütün məmurları müharibə veteranlarının, şəhid ailələrinin, qazilərin ağır vəziyyəti maraqlandırmır.

Ölkə Prezidenti tapşırıq, göstəriş verib, israr etsə də, ölkənin məmur korpusu öz bildiyini edir, əksər vaxt da ölkə başçısına saxta məlumatlar verib, işi bitmiş hesab edirlər.

Mütəxəssislərin hesablamalarına görə, əgər dövlət müharibə veteranlarına və qazilərə hər ay 500 manat təqaüd versə, il ərzində dövlət 30 milyon manat pul xərcləməli olar. Amma elə məmurlarımız var ki, dövlətdən ildə 50 milyondan çox pul mənimsəyir.

Rüşvət və korrupsiya əməlinə görə, neçə-neçə həbs olunmuş və hazırda ev dustaqlığına buraxılmış sabiq DSMF sədri Səlim Müslümovun mənimsədiyi 2,5 milyardı, Azərbaycan Beynəlxalq Bankın sabiq müdiri, hazırda özü həbsdə olan, arvadı Londonda lüks həyat sürən Cahangir Hacıyevin dağıtdığı 16 milyard manat və çoxsaylı rüşvətxor məmurların xaricə daşıdıqları milyardlarla pulun yanında ildə 30-50 milyon pulun qazilərə və müharibə veteranlarına verilməsi Azərbaycan kimi torpağının altı da, üstü də qızıl olan dövlət üçün nədir ki?!..

Görəsən, Himalay Məmişov kimi məmurların oğlu, bacısı oğlu, qardaşı oğlu və digər qohumlarının övladları şəhid, qazi, müharibə veteranı olsaydı, onlara belə yad münasibət bəsləyərdimi?! Belələri camaat qarşısına çıxıb yaramaz-yaramaz danışanda xəcalət çəkib, utanmırlar?!..
paralel.az
Teref. Xocanın Blogu
Səhifəmiz hamnın üzünə açıqdı

İndiki sərt vertikala söykənən sistemdə ən mənasız və səlahiyyətsiz vəzifə Baş Nazir postudur. Dünən Baş nazir Əli Əsədov Milli Məclisdə çıxış edib, çıxışı oxuyanda sovet vaxtı “Kommunist” qəzetinin redaksiya yazıları yada düşür – dil-üslubdan “kommunist” qəzetinin qoxusu gəlirdi.
Hörmətli Əli müəllim deyib ki, 44 günlük böyük qələbəmizdən sonra işğaldan azad edilmiş bölgələrimizə 12 mlrd. xərclənib, 2024-də də 4 mlrd. xərclənəcək, ümumən isə 2026-cı ilə qədər 30,5 mlrd. manat xərclənməsi nəzərərdə tutulur. Onu da deyib ki, işğaldan azad olunmuş ərazilərə Böyük Qayıdış Proqramına uyğun olaraq ümumilikdə 987 ailənin (3932 nəfər) köçürülməsi təmin olunub. Yəni, tərcüməsi budur ki, 12 mlrd. manata 3932 nəfər köçürülüb – tamam, anlayıram, ilk illər kommunikasiyalara, yollara, infrastruktura daha çox pul gedib, amma bu işlər də hələ başa çatmayıb axı, davam edir. Əli müəllim deyib ki, 2026-cı ilə 140 min insan köçürüləcək – yəni, 31 mlrd. manata yaxın pul xərcləyəcəyik, 140 min vətəndaş köçəcək.
İşğaldan azad edilmiş regionlarımızın gələcəyi, təhlükəsizliyi və iqtisadi effektivliyi üçün ora azı 1,5 mln. vətəndaşımızı köçürməliyik. İndiyədək xərclənən vəsaiti gələcəyə proyeksiya etsək yaxın 10 ilə, təqribən, 150 mlrd. manata ehtiyacımız olacaq. Baş Nazir çıxış edəndə məhz bundan danışmalı idi – hardan alacağıq o pulları?! Ölkə necə pul qazanacaq?! Əhalinin ora orqanik, təbii, qalıcı köçü üçün nə addımlar atılacaq?! Bu günə qədər köçürülənlərə aylıq pul verib orda saxlayırlar, hələ ki, sayları 4 mindır, yaxşı, 150 min, 1,5 mln. olanda nə edəcəklər, pul verəcəklər ki, Bakıya geri köçməsinlər?!
Ölkənin qarşısında böyük çağırışlar var, böyük hərbi qələbəmizi, tarixi uğurumuzu qalıcı etmək, işğaldan azad edilən bölgələrimizi iqtisadi inkişafın motoruna çevirmək istəyiriksə, "oyun qaydaları" dəyişməlidir, bu sistemlə olmayacaq, sadəcə mümkün deyil, iqtisadiyyat elmdir, əmrlə, “dəyənəklə” idarə olunmur...
Natig Cəfərli

"Qazilərlə işləyirəm və sözsüz ki, narazı qazilər də var. Əsas problem odur ki, dövlət və cəmiyyət qazilərə daha çox diqqət verdi, indi həmin diqqət azalıb"
Bu sözləri Kanal13-ə müsahibəsi zamanı hərbi ekspert Azad İsazadə söyləyib.
"2020-ci ildə camaat küçəyə töküləndə qazilərimizə çox gözəl davranırlar. Qazilər elə bilirdi ki, ömür boyu belə olacaq. Həmin diqqət azaldığı üçün narazılıq artıb"-deyə,o əlavə edib.

Daha ətraflı aşağıdakı videoda:

Kanal 13
Teref. Xocanın Blogu
Səhifəmiz hamnın üzünə açıqdı

İmtahan az idi, biridi bu yandan çıxdı...
Ali təhsil müəssisələrinin Bakıdan çıxarılması ilə bağlı təkliflərin sayı artır. Düzdür, təklifi
səsləndirənlərin çoxu bunu şəhərdəki tıxaclarla, əhalinin sıxlığının bir tərəfdən də tələbələrin
hesabına artması ilə bağlayırlar. Ancaq problemin başqa, çoxlarının görmədiyi bir tərəfi də var.
Ölkənin müxtəlif bölgələrindən gəlmiş on minlərlə tələbə paytaxtın bu basabasında, işsiz,
yüksək kirayə qiymətləri şəraitində necə dolanır? Təhsil üçün paytaxta gələn gənclərdən başqa,
hətta elə ailələr var ki, övladları tələbə olduğu üçün ailəliklə şəhərə köçməli olublar. Yaxud,
dolanışıq ucbatından əyalətlərdəki ev-eşiyini tərk edib Bakıya gələnlər var. Belə olan halda,
ortaya digər problem də çıxır: təcrübəli, əlində konkret peşəsi olan valideynlərin iş tapa bilmədiyi
vaxtda tələbələr necə etsin? Hələ onu da nəzərə almaq lazımdır ki, bəzi tələbələr ödənişli
əsaslarla təhsil alır. Ali təhsil müəssisələrində illik ödənişlərini də nəzərə alsaq tələbələrin
vəziyyəti daha da çətinləşir. Vəziyyətdən çıxış yolu nədir? Təhsildən boş qalan vaxtını işləyib,
ailəsinə və təhsilinə dəstək vermək istəyən tələbələr necə etməlidir?
Öncə tələbələrin özünü dinləyək.
Bakı Slavyan Universitetinin tələbəsi Nihad Əliyev bildirir ki, tələbə təqaüdü gündəlik xərcləri
qarşılamaq üçün bəs etmir. Bəzi müəssisələr yarımştat iş təklif etsələr də verdikləri məvacib
ürək açan deyil: “Tikinti şirkətində işləyirdim, dərs saatlarına uyğun olmadığına görə ayrılmalı
oldum”.
Jurnalistika ixtisasında təhsil alan Nurlan Hüseynli isə dərsdən sonra özünü inkişaf etdirmək
üçün proqramlaşdırma ilə məşğul olur. Digər tələbələr kimi, o da iş tapmaqda çətinliklərlə
qarşılaşır. Proqramlaşdırmayla bağlı iş təklifi alsa da dərsinə görə 3 saat işdə ola bilib, işə
götürənlər bununla razılaşmadığından başqa yarım günlük iş axtarışındadır.
Azərbaycan Dövlət Neft və Sənaye Universitetinin tələbəsi Aysun Həsənova orta məktəbi
rayonda bitirib. Ailədə 4 uşaq olan tələbəmiz öz xərclərini qarşılamaq üçün bir çox yerə iş üçün
müraciət edib. Lakin yarım günlük iş tapa bilməyib. O da tələbələrə iş verilməməsindən
şikayətçidir.
“Xidmət sahələrində işləyən tələbələr istismar olunur. İş saatları çox, maaşı isə azdır. Belə
sahələrdə təcrübə tələb olunmadığa görə tələbələr ofisiant, kuryer kimi işlərdə işləyə bilirlər”.
Bu sözləri Pressklub.az saytına açıqlamasında sosioloq Lalə Mehralı deyib. Mütəxəssis deyir ki,
indi az qala bütün sahələrdə yarımştat işlər o qədər azalıb, tələbələrə ümumiyyətlə, iş vermək
istəmirlər: “Yay aylarında tələbə işləmək istəyir, ona da iş vermirlər, daimi işçi istəyirlər.
Gənclərin seçimi olmadığına görə əldə olana qane olmaq məcburiyyətində qalırlar, bu da
əməyin istismarına gətirib çıxarır”.
Müsahibimiz çıxış yolunu işə qəbul qaydalarını yumşaltmaqda görür. Bildirir ki, iş stajı yalnız
istisna hallarda tələb olunmalıdır: “Məsələn, mühasibat kimi məsuliyyətli işlərdə tələb olunsa,
daha məntiqli olar”.
Tələbələr və yaxud yenicə məzun olmuş şəxslər iş üçün müraciət edəndə ən azı 2-3 illik iş
təcrübəsi tələb olunur. Bu isə işləmək istəyən tələbələrin ən ağrılı yeridir.
Vətəndaşların Əmək Hüquqlarını Müdafiə Liqasının rəhbəri Sahib Məmmədov saytımıza
açıqlamasında deyir ki, tələbə və məzunların işsizliyinin səbəbləri çoxdur: “Bütün ali
məktəblərdə nəzəri biliklərlə yanaşı, praktiki biliklərin verilməsi də təmin edilməlidir. Amma
istisnalar da var, UNEC, BANM kimi bir neçə ali təhsil müəssələrində bu, mövcuddur. Tələbələr
praktikaya gedib praktiki bacarıqlar əldə edirlər. İşə götürənlər təcrübəsiz işçiləri işə
götürməkdən çəkinirlər. Sahibkarlar təcrübəli işçi götürməyə maraqlıdırlar”.
Sahib Məmmədov onu da əlavə etdi ki, dövlət qulluğu imtahanında məzunlar iştirak edə bilərlər,
orada təcrübə tələbi yoxdur. Amma özəl sektorun öz tələbləri var, onların məqsədi qazanc əldə
etməkdir.
“Ən böyük problem müvafiq iş yerlərinin olmamasıyla bağlıdır, iş yerləri məhduddur. Əmək
bazarına daxil olanların sayı onu tərk edənlərin sayından çoxdur deyə iş yerlərinin sayı azdır.
İşçi qüvvəsi coğrafi olaraq qeyri-bərabər bölünüb. Əsas hissə Bakı və Abşeronda cəmləşib.
Ona görə də burda iş yerləri məhduddur. Bu səbəblərdən məzunlar ixtisası üzrə iş tapa
bilməyib, başqa yerlərə üz tuturlar. Burda başqa bir amil həm də təhsilin keyfiyyəti məsələsidir.
Bütün bunlar ona gətirib çıxarır ki, universiteti bitirmiş gənclər arasında işsizlik səviyyəsi
yüksək olaraq qalır” – Sahib Məmmədov deyib.
Pressklub.az-a açıqlama verən təhsil eksperti Elçin Əfəndi bildirir ki, tələbələr universitetdə 2-ci
kursdan başlayaraq, təcrübə keçməlidirlər: “Həmin gündə etibarən əmək müqaviləsi
imzalanmalıdır və keçdikləri sahə üzrə təcrübə qeyd olunmalıdır ki, sonda tələbələr asanlıqla
işə qəbul oluna bilsinlər”.
Məktəbi bitirən kimi universitetə qəbul olunan tələbədən iş təcrübəsi tələb etmək nə dərəcədə
doğrudur? Hələ təhsil alan gəncin işləmək şansı olmayıbsa, necə təcrübə qazana bilərdi?
Ekspertin dediyi kimi, bu cür problemləri həll etmək üçün maaşlı təcrübə proqramlarının
yaradılması, qismən də olsa, çıxış yolu ola bilər. Gənclər motivasiyadan düşməməli, daim şəxsi
inkişafları üçün çalışmalıdırlar.
Mütləq bir gün ümid işığı həyatımıza günəş kimi doğacaq.
Səbinə Hüseyn
pressklub

Adınızın sizə nə dediyi haqqında düşünmüsünüz? Günümüzdə doğulan uşaqlara bəzən elə adlar verilir ki, onlar bu suala cavab tapmaq belə istəmirlər.

Uşaqlara ad qoyanda nəyə diqqət etməliyik?

İctimai TV bu suala cavab tapmağa çalışıb.

“Sözün əsl mənasında adımla bağlı bir travma yaşadım və qərar verdim ki, yox, belə olmaz. Elə hamı məni gülüş obyektinə çevirir”.

Bu sözləri tanınmış aparıcı Murad Əzimzadə deyib.
Hamımızın Murad Əzimzadə kimi tanıdığı aparıcının əslində adı Maradona olub. Babası futbol fanatı olduğu üçün onun adını məşhur argentinalı futbolçu Dieqo Maradonanın soyadından ilhamlanaraq qoyub. 16 yaşına kimi bu adı üzərində daşıyan aparıcının sözlərinə görə, valideynlər övladlarına ad qoyarkən diqqətli olmalıdırlar. Əks halda bu uşağın cəmiyyətdə çətin vəziyyətdə qalmasına səbəb olur:

“İstər məktəbdə, istər küçədə, istər dostlarım arasında hara gedirdimsə, adım diqqət çəkirdi və başlayırdılar məndən xoşa gələn və eyni zamanda xoşagəlməyən zarafatlar eləməyə. Məsələn, kimsə yaxınlaşıb deyirdi ki, salam, mənim adım Ronaldu, mənim adım Pele. Belə şeylər yeniyetmə dövründə adama bir az əsəb verirdi. 16 yaşımda şəxsiyyət vəsiqəsi aldığım zaman özüm ərizə ilə müraciət elədim və adımı dəyişdim”.

Psixoloq və ekspertlər bu barədə nə düşünürlər?

Ətraflı süjetdə:

Azərbaycanın regionlarında hotel və sanatoriyaların əmlak vergisi üç il müddətinə 75 faiz azaldılır. Ekspertlər deyirlər ki, yeni güzəştlər bölgələrdə hotellərin qiymətinin azalmasına gətirib çıxarmalıdır.

Gələn ildən Azərbaycanın regionlarında hotel və sanatoriyaların əmlak vergisi 3 il müddətinə 75 faiz azaldılacaq. Bu, Vergi Məcəlləsində dəyişiklik edilməsi barədə qanun layihəsində öz əksini tapıb. Yeni qərarda söhbət Bakı, Sumqayıt, Xırdalan şəhərləri və Abşeron rayonu istisna olmaqla, respublikanın digər şəhər və rayonlarında, o cümlədən Naxçıvan Muxtar Respublikasında hotel və sanatoriya kimi fəaliyyət göstərən yerləşmə vasitəsi olan daşınmaz əmlaklardan gedir. Yeni güzəştlər bölgələrdə otellərin qiymətinə necə təsir edəcək, azalma olacaqmı?

“Kaspi” qəzeti mövzu ilə bağlı araşdırma aparıb.

Azərbaycan Turizm Agentlikləri Assosiasiyası sədrinin müavini Əhməd Qurbanov bildirib ki, tətbiq edilən güzəştlər hotellərin xərclərindən çıxıldığı üçün bu dəyişiklik qiymətlərdə öz əksini tapacaq: “Gələn ildən Vergi Məcəlləsinə uyğun olaraq yerləşmə müəssisələri kimi fəaliyyət göstərən daşınmaz əmlaklara 3 il müddətində 75 faiz əmlak vergisindən azad edilmə qüvvəyə minəcək. Bu tip təşviqlər sahibkarlar üçün çox önəmlidir. Belə olduğu halda turistlərin bu hotellərdə qalması üçün münbit şərait yaradılır. Amma bütün dünyada turistlər bəzən qiymətlərdən şikayət edirlər. Bunun da səbəbi hotellərin müəyyən xərclərə malik olmasıdır. Belə təşviqlər olanda hotellər mümkün qədər qiymətlərini endirirlər. Hotellər xərc hesablamalarını apararkən əmlak vergisini oraya daxil etməyəcəklər. Bu da turistlərə daha sərfəli qiymətlərlə istirahət etmək imkanı yaradacaq. Düşünürəm ki, bu güzəştlərdən sonra region hotellərinin qiymətlərindəki fərqi görə biləcəyik, az bir faizlə olsa da, ucuzlaşmanın şahidi olacağıq. Təbii ki, mövsüm vaxtı bazar iqtisadiyyatının şərtləri, tələb və təklifdən asılı olaraq qiymətlərin artımını hər il müşahidə edirik. Gələn il də bayram vaxtı, özəl günlərdə bunun olması qaçılmazdır. Amma güzəştlər ümumilikdə müəyyən qədər hotellərin qiymətlərinə öz müsbət təsirini göstərəcək”.

Ə.Qurbanovun sözlərinə görə, hotellərin və istirahət mərkəzlərinin sayının artırılması üçün təşviq mexanizmi olmalıdır: “Turizmin inkişafı üçün bu tip təşviqlər vacibdir. Dünya təcrübəsində də dövlət tərəfindən torpaq sahələrinin verilməsi və orada hotellərin tikilməsinin təşviq edilməsi vacib amillərdəndir. Sahibkara dəstək olarsa, hotellərin sayı həm regionlarda, həm də paytaxtda daha da artar. Bu da rəqabət siyasəti ilə qiymətlərin daha da aşağı enməsinə, keyfiyyətli xidmətin göstərilməsinə şərait yaradar. Çünki nə qədər çox rəqabətli mühit olarsa, həm inkişaf olur, həm də qiymətlərdə tənzimlənmə daha effektiv müşahidə edilir”.

Azərbaycan Hotellər və Restoranlar Assosiasiyasının İdarə Heyətinin sədri Samir Dübəndinin fikrincə, bu güzəştlər daha çox iri müəssisələrin xeyrinə olacaq: “Bu, regionların inkişafına doğru yönəlmiş bir addımdır. Vergi güzəştləri daha çox dəyəri yüksək və daşınmaz əmlakı böyük olan müəssisələr üçün faydalı olacaq. Qərarda qeyd edilir ki, mehmanxana və sanatoriya-kurort müəssisələrinə şamil olur. Qanunvericiliyə əsasən də, hotel azı 11 otağı olan yerləşdirmə vasitəsi adlanır. Sanatoriya-kurortların isə əksəriyyəti iri müəssisələrdir. Bu qərar qiymətlərin azalmasına gətirib çıxara və yaxud müəssissə tərəfindən vəsaitlərin inkişafa, personalın təkmilləşməsinə, xidmətlərin keyfiyyətinin yüksəlməsinə və yeni müştəri bazasının əldə edilməsinə yönəldilə bilər. Düşünürəm ki, bu cür vergi güzəştləri davamlı xarakter daşısa, daha yaxşı olar”.

S.Dübəndi qeyd edib ki, regionlarda hotelçiliyin inkişafına dəstək olmaq üçün müəyyən addımlar atıla bilər: “KOB-lar biznesin inkişafı istiqamətində ölkədə bir sıra faydalı proqramlar həyata keçirirlər. Buna baxmayaraq, kiçik hotelçiliyin, turizm biznesinin inkişafı üçün ixtisaslaşmış kreditlər tətbiq edilmir. İnkişaf üçün biznesin kreditləşməsi zəruridir. Digər tərəfdən, bir sıra sosial-iqtisadi alətlərdən istifadə edərək regional turizmi canlandırmaq perspektivlərini unutmamalıyıq. Misal üçün, yerləşdirmə vasitələrində təklif edilən üç gecəlik paketin bir gecəsini dövlət subsidiyası ilə ödəyərək regional səfərləri stimullaşdırmaq mümkündür. Ölkədə Həmkarlar İttifaqı sistemində bu və yaxud digər sahələrdə çalışan insanların asudə vaxtının, istirahətinin və müalicəsinin təşkilinin təmin edilməsi məqsədilə yalnız adı gedən qurumun tabeliyində olan yerləşdirmə, sanatoriya-kurort müəssisələrilə çalışdıqlarını görürük. Bu sistemi digər regional yerləşdirmə vasitələri üçün də tətbiq edib, sistemi genişləndirmək mümkündür”.