 |
|
|
Çeçenistan hökumətinin başçısı Ramzan Kadırov Türkiyənin xarici işlər naziri Mövlud Çavuşoğlu və MİT rəhbəri Hakan Fidanla görüşdüyünü deyib.
KONKRET.az xəbər verir ki, Ramazan Kadırov Ərdoğanla Putin Soçidə görüşərkən Türkiyənin xarici işlər naziri Mövlud Çavuşoğlu və MİT rəhbəri Hakan Fidanla görüşdüyünü iddia edib .
Kadırovun açıqlamalarından 24 saat keçməsinə baxmayaraq , türklər tərəfindən təkzib xəbəri yoxdur.
Ramazan Kadırov Telegram hesabında da açıqlama verib:
“Mən Türkiyənin xarici işlər naziri Mövlud Çavuşoğlu və MİT rəhbəri Hakan Fidanla şəxsən görüşdüm. Məhsuldar qeyri-rəsmi görüş oldu. Çavuşoğlu bu görüşün əlaqələrin inkişafı üçün başlanğıc olmasını arzuladı. Görüşün sonunda qonaqlar müxtəlif məsələlərdə əməkdaşlıq etmək üçün məni Türkiyəyə dəvət etdilər. Təbii ki, mən bunu qəbul etdim”-bildirib.
İran İslam Respublikasının Prezidenti İbrahim Rəisi ilə Ermənistanın Baş naziri Nikol Paşinyan arasında telefon danışığı olub.
Telefon danışığı zamanı tərəflər qarşlılıqlı əlaqələri müzakirə ediblər.
İbrahim Rəisi bildirib ki, iki ölkə arasında dərin tarixi əlaqələr mövcuddur. Tehran və İrəvan arasında davamlı iqtisadi əməkdaşlıq səviyyəsinin artırılması zəruridir.
“Üçtərəfli atəşkəs bəyanatını imzalayan dövlətlərin onun müddəalarına sadiq qalması və qalan məsələlərin dialoq və diplomatik yolla həlli Qafqaz regionunda sülh və təhlükəsizliyin bərqərar olmasının ən yaxşı yoludur” – deyə Rəisi qeyd edib.
Nikol Paşinyan telefon danışığı zamanı Azərbaycanla sərhəddə baş verən qarşıdurmalar barədə məlumat verib.
Ermənistanın Baş naziri Tehran-İrəvan əlaqələrinin inkişafından məmnunluğunu ifadə edib və ölkəsinin iki ölkə arasında yüklərin tranzitini asanlaşdırmağa, infrastruktur, o cümlədən yol və enerji sahələrində əməkdaşlığı artırmağa hazır olduğunu vurğulayıb./APA
İndoneziya G20 sammitində Putin və Zelenski arasında görüş keçirməyə hazır olduğunu açıqlayıb.
İndoneziya hakimiyyəti Rusiya prezidenti Vladimir Putin və ukraynalı həmkarı Volodimir Zelenski arasında G20 sammiti çərçivəsində görüş keçirməkdə maraqlıdır. Bu barədə respublikanın Moskvadakı səfiri Xose Tavares məlumat verib.
“İndoneziya lideri Coko Vidodo Rusiya Federasiyası və Ukrayna başçılarına çoxdan dəvət göndərib. Əgər onlar Balidə keçiriləcək G20 sammitində iştirak etsələr, o zaman, əlbəttə ki, görüş təşkil etmək imkanı olacaq. İndoneziya artıq hazırdır. Putin və Zelenski gəlsə, biz bunu istərdik”, – o, bildirib.
G20 sammiti noyabrın 15 və 16-da baş tutacaq. İyulun 6-da Rusiya Xarici İşlər Nazirliyi İndoneziyaya Vladimir Putinin G20-də iştirak etmək niyyətində olduğu barədə ilkin məlumat verib. İyulun 9-da Ukrayna prezidentinin aparat rəhbərinin müşaviri Mixail Podolyak Zelenskinin G20 sammitində iştirak edə biləcəyini bildirib.
Azərbaycan Respublikasının Prezidenti İlham Əliyev avqustun 9-da Konyada Şimali Kipr Türk Respublikasının Prezidenti Ersin Tatarı qəbul edib.
Görüşdə Türk dünyasında xalqlar arasında əlaqələrin möhkəmlənməsi işinə xidmət edən V İslam Həmrəyliyi Oyunlarının Türkiyədə keçirilməsinin önəmi vurğulanıb. Bu mötəbər beynəlxalq idman tədbirinin Bakıda da yüksək səviyyədə təşkil olunduğu məmnunluqla qeyd edilib.
Söhbət zamanı Türk dünyası xalqlarının bir-biri ilə tarixi bağlılığına söykənən əlaqələrin humanitar, mədəniyyət, təhsil, idman sahələrində genişlənməsinin əhəmiyyətinə toxunulub.
xxx
17:51
Azərbaycan Respublikasının Prezidenti İlham Əliyev avqustun 9-da Konyada Şimali Kipr Türk Respublikasının Prezidenti Ersin Tatarı qəbul edib.
Bu barədə Prezidentin Mətbuat Xidməti məlumat yayıb.
Görüşdə Türk dünyasında xalqlar arasında əlaqələrin möhkəmlənməsi işinə xidmət edən V İslam Həmrəyliyi Oyunlarının Türkiyədə keçirilməsinin önəmi vurğulanıb. Bu mötəbər beynəlxalq idman tədbirinin Bakıda da yüksək səviyyədə təşkil olunduğu məmnunluqla qeyd edilib.
Söhbət zamanı Türk dünyası xalqlarının bir-biri ilə tarixi bağlılığına söykənən əlaqələrin humanitar, mədəniyyət, təhsil, idman sahələrində genişlənməsinin əhəmiyyətinə toxunulub.
xxx
17:51
Azərbaycan Respublikasının Prezidenti İlham Əliyev avqustun 9-da Konyada Şimali Kipr Türk Respublikasının Prezidenti Ersin Tatarı qəbul edib.
Bu barədə Prezidentin Mətbuat Xidməti məlumat yayıb.
ABŞ Prezidenti Cozef Bayden Vaşinqtonun Finlandiya və İsveçin NATO-ya daxil olmasını təsdiq edən protokolları imzalayıb.
"Report” xəbər verir ki, imzalanma mərasimi Ağ Evin saytında yayımlanıb.
"Bu addım Avropanı və bütün dünyanı daha təhlükəsiz edəcək. Müttəfiqlərimizlə birlikdə görmək istədiyimiz gələcəyi formalaşdıracağıq ", - ABŞ prezidenti bildirib.
Avqustun 9-da Azərbaycan Respublikasının Prezidenti İlham Əliyevin və Türkiyə Respublikasının Prezidenti Rəcəb Tayyib Ərdoğanın Konya şəhərində görüşü olub.
Bu barədə Prezidentin Mətbuat Xidməti məlumat yayıb.
Kreml noyabrda keçiriləcək G20 sammitində Rusiya və Ukrayna prezidentlərinin mümkün görüşü ehtimalını şərh edib.
Rusiya Prezidentinin mətbuat katibi Dmitri Peskovun çərşənbə axşamı jurnalistlərə verdiyi məlumata görə, bu məsələdə həddindən artıq çox şərtlər var.
“Biz mövcud vəziyyəti ancaq faktiki olaraq ifadə edə bilərik”, - deyən Peskov “Hələlik belə bir görüş üçün heç bir ilkin şərait yoxdur”, - bildirib.
Avqustun 9-da Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğanın dəvəti ilə Türkiyəyə işgüzar səfərə gəlib.
Hər iki ölkənin Dövlət bayraqlarının dalğalandığı Konya şəhərinin Hava Limanında dövlət başçısının şərəfinə fəxri qarovul dəstəsi düzülüb.
Prezident İlham Əliyevi və Birinci xanım Mehriban Əliyevanı Türkiyənin gənclər və idman naziri Mehmet Kasapoğlu, Konya şəhərinin valisi Vahdettin Özkan və digər rəsmi şəxslər qarşılayıblar.
Dövlət başçısı fəxri qarovul dəstəsini salamlayıb.
Rusiya Prezidenti Vladimir Putin Ermənistanın Baş naziri Nikol Paşinyanla telefon danışığı zamanı Qarabağ ətrafındakı vəziyyəti müzakirə edib.
“Report”un Rusiya bürosunun məlumatına görə, bu barədə Kremlin saytında yerləşdirilən məlumatda deyilir.
“Ermənistan-Azərbaycan sərhədində təhlükəsizliyin təmin edilməsi məsələləri müzakirə olunub. Bu kontekstdə Rusiya, Ermənistan və Azərbaycan liderləri arasında 2020-ci il 10 noyabr, 11 yanvar və 26 noyabr 2021-ci il tarixli sazişlərin bütün müddəalarının həyata keçirilməsinin vacibliyi təsdiq edilib”, - məlumatda qeyd olunur.
“Hazırda Moskva və Kiyev arasında dövlət başçıları səviyyəsində görüşün keçirilməsi ehtimalı azdır”.
Bunu Kremlin sözçüsü Peskov deyib.
“Rusiya və Ukrayna nümayəndə heyətləri arasında danışıqlar üçün çox yaxşı şəraitin yaradılmasında Ərdoğanın böyük rol oynadığını bilirik. Buna baxmayaraq, Ukrayna nümayəndə heyəti sanki “radardan itir”. Hazırda heç bir danışıqlar prosesi getmir”, deyə o bildirib.
Türkiyənin sülh danışıqlarında vasitəçilik təklifləri ilə bağlı suala cavab olaraq Peskov deyib ki, tərəflər “ev tapşırığını yerinə yetirərsə” iki lider görüşə bilər.
Xatırladaq ki, Ukrayna prezidenti Zelenki daha əvvəl, müharibə ilə bağlı görüşmək istədiyi tək şəxsin yalnız Rusiya prezidenti Vladimir Putin olduğunu demişdi.