 |
|
|
“2 həftə olar ki, atamın səhhətində böyük problemlər yaranıb. Ayaqları qanqrena olub. 2 gün olar ki, adam da tanımır, çətinlik çəkir. Deyəndə ki, kimsən, adını çəkəndə tanıyır”.
DİA.AZ xəbər verir ki, bunu Moderator.az-a açıqlamasında əməkdar artist, xanəndə Dədə Süleyman adı ilə tanınan Süleyman Abdullayevin qızı Aygün Abdullayeva deyib. O daha sonra əlavə edib.
“Heç bir maddi dəstəyə ehtiyacımız yoxdur, şükür Allaha. Sağ olsun atamın sənət dostları, sənətkarlarımız gündə gəlib baş çəkirlər. Yaxşı olanda gedib-gəlirdim, özü rəva bilmirdi ki, gəlim qalım. İndi amma yanında qalıram. Həkimlər aciz qalıb. Ürəyi 30 faiz işləyir, böyrəyinin biri işləmir, bədəninə su yığılıb, qaraciyəri parçalanıb, ayağı topuğa qədər qaralıb. Bu məqamda ayağı amputasiya etmək lazım idi, amma bədənin orqanları bu əməliyyata yol vermir. 5 gündür ağrıkəsici vurub sakitləşdiririk, bədən artıq dərman qəbul etmir. Sonuncu dəfə 3 gün bundan əvvəl sistem qoyuldu, bədən qəbul etmədi, həkimlər dedi ki, dayandırın. Allahın verdiyi ömürdür, neçə yaşına kimi yaşayar yaşasın. Allahın möcüzələri çoxdur. Atamın fevral ayında 84 yaşı tamam olacaq” deyə sənətkarın qızı bildirib.
“Atanız Zeynəb Xanlarova ilə birgə təhsil alıb. Heç zəng edib, səhhətini soruşub?” sualına isə Aygün Abdullayevanın cavabı belə oldu.
“Zeynəb xanım təxminən 2 həftə əvvəl zəng edib onunla danışmışdı. O zaman atam hələ xəstələnməmişdi. Həm səhhəti ilə maraqlanıb, həm də maddi və mənəvi cəhətdən dəstəyini əsirgəməyib. Yenə də deyirəm, maddiyata ehtiyacımız yoxdur. Biz atamızı heç vaxt belə görməmişik. Onun indiki vəziyyəti bizim ürəyimizi parçalayır. Ölüm-dirim savaşı aparır. Atam xalq üçün dəyərli sənətkar olub. Ona görə də o xalqdan “Dədə” adını qazanıb.” deyə sənətkarın qızı deyib.
Məşhur komediya aktyoru Maksim Qalkin (xarici agent kimi tanınıb) Rusiyaya qayıtdığı halda həbs oluna bilər.
Bu barədə Rusiya Dövlət Dumasının deputatı Aleksandr Evseyev deyib.
Siyasətçinin sözlərinə görə, həbsə səbəb aktyorun villasını əlindən almaq istəyənlərin üzərinə yanan yağ tökməklə bağlı hədəsidir.
Qeyd edək ki, Qalkin Latvidada şousu zamanı belə asanlıqla təslim olmayacağınızı vurğulayıb.
Hollivud ulduzu Tom Kruz çəkilişləri kosmosda aparılacaq filmdə rol alacaq.
Məlumata görə, Kruz Beynəlxalq Kosmik Stansiyaya (BKS) raketlə yollanacaq.
Filmin əsas hissəsi Yer kürəsində çəkiləcək və Kruzun canlandırdığı obraz “vəziyyətdən çıxış yolu üçün” kosmosa uçacaq. Aktyor açıq kosmosa çıxan ilk mülki şəxs olacaq.
Mənbə: The New York Post
Bəstəkar Ruhəngiz Qasımova vəfat edib.
Azərbaycan Respublikasının əməkdar incəsənət xadimi bəstəkar, Ruhəngiz Qasımovanın bu gün vəfat etdiyi bildirilir.
Bəstəkarın 82 yaşı var idi.
Ruhəngiz Qasımova 1940-cı il iyulun 12-də Bakıda anadan olub. Uzun müddət Azərbaycan Dövlət Televiziyasında və radiosunda səs rejissoru, bəstəkar kimi çalışıb.
Hekayələri “Ədəbiyyat və incəsənət” qəzetində, “Azərbaycan”, “Ulduz” jurnallarında dərc olunub. “Babamın muzeyi” adlı kitabı var. Çoxsaylı mahnıların bəstəkarıdır.
Onun “Yollar görüşəndə”, “Ömrün yolları”, “Qonşu qonşu olsa…” musiqili teletamaşaları tamaşaçıların böyük rəğbətini qazanıb və hər nəslin sevilən ekran əsərinə çevrilib.
Musiqi əsərləri arasında “Quyu” tamaşasına musiqi (1995), “Qızıl oğlan” musiqili nağıl (1999) xüsusi yer tutur.
Tanımış özbək musiqiçisi Davron Qaipov vəfat edib.
Ölüm səbəbi kimi böyrək çatışmazlığı göstərilib.
Məlumdur ki, Qaipov şəkər xəstəliyindən əziyyət çəkib və on il əvvəl böyrəyi çıxarılıb.
Musiqiçinin vəziyyəti avtomobil qəzasına düşəndən sonra pisləşib. O, iki həftə reanimasiyada yatıb.
Davron Qaipov 1961-ci il oktyabrın 7-də Kommunist Partiyasının vilayət komitəsinin birinci katibinin ailəsində doğulub. 1980-ci illərə qədər Fərrux Zakirovun yaratdığı “Yalla” folk-rok qrupunun gitara ifaçısı olub. Onu Özbəkistanın ilk rokçusu da adlandırırdılar.
“Yalla”dan ayrıldıqdan sonra Qaipov “Orijinal” qrupunu yaradıb və ömrünün son illərində “Bayram Film” şirkətinin baş prodüseri vəzifəsində çalışıb.
Mənbə: gazeta.ru
“Əslində mənə nə vaxtsa ciddi bir rol təklif olunub. Amma özüm heç vaxt bunun marağında olmamışam. Mən ciddi rol oynayıb kimə nə sübut edəcəm?! Niyə kiməsə mən güclü aktyoram, bunu da bacarıram deməliyəm? İnsan özünü niyə kiməsə sübut etməlidir? Bu təkcə bizim sənət camiyəsindədir. Avropada heç kim özünü heç kimə sübut etmir. Bir dəfə ciddi rolda çəkildim, bu məndə o qədər də uğurlu alınmadı. Rejissor Türkiyədən gəlmişdi. Ağlamalı olan səhnədə ağlaya bilmirdim. Gəlib mənə dedi ki, “sən bəlkə həyatındakı pis hadisələri yadına salasan?! Nə qədər istəyirdim ki, ağlayım, ağlaya bilmirdim”.
DİA.AZ xəbər verir ki, bunu Moderator.az-a açıqlamasında aktyor-prodüsser Elməddin Cəfərov deyib:
“Mənə elə gəlir ki, zəif aktyor yoxdur, zəif rejissor ola bilər ki, aktyoru oynada bilməz. Bundan əlavə ssenari də güclü olmalıdır. Yaxşı ssenari aktyoru tamaşaçılara təqdim edir. Bu ümumi komandanın işidir. Bir vaxtlar deyirdilər ki, mən imkanlı aktyoram. Çünki bir müddət əvvəl mənə də, Fərdaya da çoxlu film təklifləri gəlirdi. Özüm də serialda çəkilirdim, serial çəkirdim deyə vaxt ucbatından gələn dəvətlərdən imtina etdim. Bilərəkdən elə bir rəqəm deyirdim ki, bundan aşağı qiymətə çəkilmirəm” deyə o bildirib.
Elməddin Cəfərov “Tək səbir” adlı ilk iştirak etdiyi layihədən də danışıb.
“Verilişin ilk buraxılışını öncədən çəkmişdik. Dedilər ki, filan vaxt efirə gedəcək. İlk efirimizə gedib kafedə oturub baxdıq. O vaxt internet falan yox idi, televizora çox baxılırdı. Biz kafedən çıxıb evə gedə bilmirdik. 45 dəqiqənin içində bütün həyatımız dəyişdi. Hamı bizimlə çəkil çəkdirir, söhbət edir, xoş sözlərini deyirdilər” deyə sənətçi bildirib.
Aktyor heç bir sosial şəbəkədən istifadə etmədiyini bildirib.
“Sosial şəbəkələrə ehtiyac duymuram. 10 il əvvəl bir neçə sosial şəbəkədən istifadə edirdim, sonra sildim. Əlavə vaxtımı alırdı. Kitab oxumağı daha üstün tutdum. Kitab oxuduqca onlardan uzaqlaşdım” deyə o bildirib.
“Xalqıma, dövlətimə minnətdarlığımı bildirirəm ki, mənim sənətimə ən yüksən qiyməti veriblər. Hər bir kəsin mənə öz xüsusi münasibətini, sevgisini görürəm. Bu hörməti, bu sevgini elə-belədən qazanmamışam. Hər sevginin, hər uğurun arxasında böyük əziyyət, zəhmət durur. Biz sadəcə bu əziyyətləri tamaşaçılara göstərmirik, onları üzməyə bizim ixtiyarımız yoxdur. Tamaşaçının bizim problemlərimizdən, bizim qayğılarımızdan xəbəri olmalı deyil, bu onları maraqlandırmalı deyil, çünki onlar keyfiyyətli musiqi dinləmək istəyir”.
DİA.AZ xəbər verir ki, bunu Moderator.az-a açıqlamasında xalq artisti Nazpəri Dostəliyeva deyib. O daha sonra əlavə edib.
“Dünyaya gələndən alnıma əzab-əziyyət yazılıb. Uşaqlıq illərindən oxumaq istəmişəm, icazə verməyiblər. Nə səhnəyə gəlməyə, nə də ki, İncəsənət Universitetinə qəbul olmağa. Sonra səhnəyə gəlmişəm, yenə də icazə verməyiblər. Allahıma şükürlər olsun! Ömrümün 80-90 faizi acılı, iztirablı həyat yaşamağa həsr olunub. Sənət adamı ruhlananda bir gündə 5 mahnı yazır, 3 konsert oxuya bilir” deyə sənətkar bildirib.
Xalq artisti aşıq atasını da xatırlayaraq bildirib ki, valideyninin onun sənətin böyük təsiri olub.
“Aşıq mahnıları mənim repertuarımda çoxdur. Mən uşaq yaşlarımdan bu mahnıları oxuyuram. Atam rəhmətlik dövrünün tanınmış aşığı olub. O yuxudan duran kimi sazı sinəsinə basıb oxuyardı. Aşıq musiqisini biz gözəl orkestrlə yazdıq, bütün dünyada tanındı aşıq musiqisi. Atam bilirdi ki, mən oxumaq istəyirəm, o məndə bu sərbəstliyi yaradırdı. Aşıqların deyişməsinə baxırdım, onlardan nələrsə götürürdüm. Mən böyük sənətkarların yanında böyüyüb, boya-başa çatmışam. O sənətkarların heç vaxt bir-birinə qara rəqabətləri yox idi, bir-birlərinə kömək olub, dəstək olurdular. Bu gün aşıq sənəti artıq dövlətin nəzarətindədir. Artıq bizim aşıqlarımız bu musiqini bütün dünyada təbliğ edirlər” deyə sənətkar bildirib.
Xalq artisti Nazpəri Dostəliyeva ona uğur gətirən iki mahnıdan ürək dolusu danışıb.
““Dilbərim” xalq mahnısıdır. Məndən öncə də oxunub, məndən sonra da yəqin ki, gənclərimiz ifa edir, edəcəklər də. Mən çox arzulayardım ki, onlar da musiqi sintezi ilə ifa etsinlər. “Dilbərim” və “Nə olar Allahım ayırma bizi” mahnılarında mənim ürəyimin naləsi var. Mən bu sənətə illər sonra gəldim, vaxtında gəlsəydim çox işlər görərdim. Bu günə qədər gördüyüm işlərlə mən qane olmazdım. O mahnılarda ürəyimin dərinliklərində qalan, basdırılmış fəryadım, vulkan püskürür” deyə sənətkar bildirib.
Sonuncu yazımızda qeyd etdik ki, 1796-cı ilin payızında çariça II Yekaterinanın əmri ilə V.Zubovun başçılığındakı 30 minlik rus ordusu Dərbənddən keçib Azərbaycan torpaqlarına daxil olmuş, lakin çariçanın qəfil ölümü səbəbindən geri qayıtmışdı. Həmin zaman Tehranda olan şah Qacar bu siyasi fürsətdən yararlanmaq üçün Azərbaycanın şimal torpaqlarına ikinci dəfə yürüşə başladı.
1797-ci ildə Qacar ordusu Araz çayını keçib Şuşanı yenidən mühasirəyə aldı. Bu yürüşdə məqsəd Tiflisi birdəfəlik tutmaqla rusların Cənubi Qafqaza yolunu bağlamaq və şimal xanlıqlarının Rusiya meylli siyasətinin qarşısını alaraq, bütün Azərbaycan torpaqlarını Qacarlar dövlətinə tabe etmək idi. Beləliklə, həmin il Qacar ordusu Şuşa qalasını ələ keçirdi. Qarabağ xanı İbrahimxəlil xan (1732-1806) ailəsi ilə birlikdə Balakənə, qaynı Avar xanı IV Ümmə xanın yanına qaçmağa məcbur oldu. Lakin şah Qacar Şuşada olarkən 1797-ci ilin yayında gecə vaxtı öz yaxın adamları tərəfindən qətlə yetirildi. Şahın qəfil ölümü Gürcüstan fəthini yarımçıq qoydu. Ağa Məhəmməd şah Qacar öz vəsiyyətinə əsasən İraqın Nəcəf şəhərinə aparılıb Hz. Əlinin məqbərəsində dəfn edildi. Şahı qətl edən Sadıq xan Gürcü, Xudadad İsfahani və Abbas Mazandarani Şuşadakı Qacar xəzinəsini də yağmalayıb aradan çıxmaq istəyərkən yaxalandılar və edam edildilər.
Şah Qacarın ölümündən sonra İbrahimxəlil xan Baləkəndən qayıdıb Qarabağda öz hakimiyyətini bərpa etdi. Qacarlarla münasibəti yumşaltmaq üçün öz qızı Ağabəyimi Ağa Məhəmməd xandan sonra taxta çıxan qardaşı oğlu Fətəli şaha (1797-1834) kəniz göndərdi. Ağa Məhəmməd şahın ölümü ilə Azərbaycanın şimal xanlıqları Qacarlar dövlətinin nəzarətindən çıxdı və formal hakimiyyətlərini saxlamaq məqsədilə xanların Rusiya təbəəliyinə keçməsi prosesi sürətləndi.
Ağa Məhəmməd xan ikinci Qafqaz səfərinə çıxmazdan əvvəl paytaxt idarəsini Tehran valisi Məhəmməd xana buraxaraq özünün öləcəyi təqdirdə şəhər qapılarının Fətəli xandan başqa heç kimə açılmamasını vəsiyyət etmişdi. Övladı olmayan Ağa Məhəmməd xan qardaşı oğlu Fətəli xanı rəsmi vəliəhd olaraq Fars idarəsinə təyin etmişdi. Beləliklə, şah Qacardan sonra taxta vəsiyyətinə uyğun olaraq, qardaşı oğlu Fətəli şah çıxdı. Taxta çıxan kimi daxili üsyanları yatıran Fətəli şah oğlu Abbas Mirzə Qacarı rəsmən vəliəhd elan edib, onu Azərbaycan valiliyinə təyin etdi.
Yılmaz Karadeniz, İran Tarihi səh 280-282
Teref.az
Agent Ceyms Bond barədə franşizanın dörd filmində çəkilən məşhur britaniyalı aktyor Pirs Brosnanın özü və ailəsi bir qadın tərəfindən təqibə məruz qalıb. Uzun müddət səbr etsə də, onun əl çəkmədiyini görən aktyor nəhayət məhkəməyə müraciət edib.
Brosnanın sözlərinə görə, qadın bir neçə dəfə onun evinə gəlib, onunla, həyat yoldaşı və iki oğlu ilə danışıb.
“Əvvəlcə o, Dik Van Daykı (amerikalı aktyor, prodüser və ssenarist - red.) axtardığını dedi; qolunda onun döyməsi var idi. Amma məni və ailəmi tapanda evimizin qarşısından əl çəkmədi”, - deyə artist bildirib.
Brosnanın məhkəməyə müraciətinə baxmayaraq, qadını həbs eləmək mümkün olmayıb - o, təqibi aktyorun mülkündən kənarda aparıb.
Bununla belə hakim qadına aktyor və ya onun ailəsi ilə birbaşa, yaxud dolayı yolla əlaqə saxlamağı qadağan edib. Bundan başqa məhkəmənini hökmü ilə o, Brosnanın evindən, məktəbdən və ya uşaqlarının ola biləcəyi yerdən ən azı 400 yard (365 metr) aralıda olmalıdır.
Mənbə: Daily Mail
“Azərbaycan-Ermənistan sərhədində baş verən təxribat nəticəsində oğullarımız şəhid oldu. Vətənimiz uğrunda şəhid olan bütün oğullarımıza Allahdan rəhmət diləyirəm! Onların valideynlərinin qarşısında baş əyirəm. Biz bu gün də müharibə şəraitində yaşayırıq. Musiqiçilər, sənətçilər hər zaman çalışıblar ki, əsgərləri daha da ruhlandırsınlar, döyüş əhval-ruhiyyələrini artırsınlar. Hər bir müğənninin də borcudur ki, səngərdə, cəbhə bölgələrində əsgərlərimizə dəstək olsunlar”
Bunu açıqlamasında xalq artisti Simarə İmanova deyib. O daha sonra əlavə edib.
“Gənc yaşlarımda sənətə gələndə tanınmağı, şan-şöhrəti düşünmürdüm. O vaxt ümumiyyətlə sənət adamlarında belə bir fikir yox idi. Ancaq fikrimiz, amalımız sənəti öyrənmək, öz üzərimizdə işləmək idi. Amma indi sənətə gələn kimi hamı tanınmaq, pul qazanmaq istəyir. Artıq sənət 2-ci, 3-cü planda qalır. Tələbələrimə də deyirəm ki, çalışın sənət öyrənin, siz artıq tanınanda vaxtınız olmayacaq, sonra heyfslənəcəksiniz ki, günləriniz boş-boşuna gedib” deyə sənətkar bildirib.
Xalq artisti efirlərdən də danışıb.
“Televiziyalar, aparıcılar bizim milli musiqimizə, muğamlarımıza elə dəyər verməlidirlər ki, bu bizdən sonra gələn nəsillərə də nümunə olmalıdır. Efir xatirinə efirə çıxmaq lazım deyil. Mən qalmaqalla gündəm olub sənətə gəlməmişəm. Mən Allaha şükür, sənətim var, dövlətim mənə dəyər verir, fəxri ad verib. Eyni simalar, eyni adamlar efiri zəbt ediblər. O qədər dəyərli sənətkarlarımız var ki, yaxşı olardı ki, onlar da efirlərdə görünsün. Bunu mən yox, tamaşaçılar deyir. Elə verilişlər var ki, mən heç onlara getmək istəmirəm” deyə sənətkar bildirib.
Simarə İmanova plastik əməliyyatlardan da danışıb.
“Xanım hər zaman baxımlı, gözəl olmalıdır. Mənə elə gəlir ki, xanımlar yaşa dolduqca onların üzünə nur gəlir. Həqiqətən də bizim xanımlar baxımlıdırlar. Eşidirəm ki, filankəs plastik əməliyyat keçirib. Mən belə şeylərdən qorxuram. Allahın verdiyi simanı dəyişdirmək düzgün olmaz” deyə xanəndə bildirib.