 |
|
|
Bu ilin yanvar-fevral ayları ərzində ölkəyə 378 milyon dollarlıq yeyinti məhsulları idxal olunub.
Yeniavaz.com xəbər verir ki, idxal olunan yeyinti məhsulları arasında 15,5 milyon dollarlıq kərə yağı, 17,4 milyon dollarlıq ət olub.
Ötən ilin eyni dövrü ilə müqayisədə həm kərə yağı, həm də ət idxalı artıb.
Onu da qeyd edək ki, ötən ilin eyni dövrü ilə müqayisədə bu ilin yanvar-fevral aylarında idxal olunan kərə yağının gömrük dəyəri aşağı düşüb, ətin orta gömrük dəyəri də yüksəlib.
2023-cü ilin ilk 2 ayında xaricdən gətirilən kərə yağının 1 kq-nın orta gömrük dəyəri 5,9 dollar (10 manat) olubsa, bu ilin ilk 2 ayında 5,2 dollara (8,9 manat) düşüb.
İdxal olunan 1 kq ətin gömrük dəyəri isə 2023-cü ilin ilk 2 ayında 1,6 dollar (2,7 manat) olubsa, bu ilin ilk 2 ayında 2,1 dollara (3,6 manat) yüksəlib.
Cənub bölgəsində bayram süfrəsinin əsas nemətlərindən olan balığın qiyməti artıb.
Alıcılar deyir ki, mart ayının ilk günlərindən qiymətlərdə artım müşahidə olunur.
Satıcılar isə bildirir ki, qiymətlər balığın çeşidlərinə görə dəyişir.
Piştaxtalarda kiloqramı 2 manatdan 30 manata qədər balıq var. Əsasən çərşənbənin rəmzinə çevrilmiş kütüm balığının qiymətində də artım müşahidə olunur.
İqtisadçı-ekspert Eyyub Kərimli "Sherg.az"a bildirib ki, bayram öncəsi sahibkarlarlıq fəlsəfəsindən uzaq olan işbazlar tələbin artmasından sui-istifadə edərək qiymətləri qaldırırlar:
“Statistik rəqəmlər onu göstərir ki, ət, düyü, tərəvəzlərdən bəziləri, ekzotik meyvələr və balığın qiymətində ötən il illə müqayisədə artım var. Bu məsələnin qarşısını almaq üçün iqtisadiyyatda liberal rəqabətlilik böyüməlidir. Ümumiyyətlə süni qiymət artımının qarşısını almaq üçün bayram günlərində təklifin çoxalmasına ehtiyyac var. Balıq məhsulları əsasən İrandan və Dağıstandan idxal olunur. Mart ayı balıq mövsümünün pik həddidir. Yayda qiymətin enməsini müşahidə edəcəyik. Aprelin 15-nə kimi qiymətlərdə müəyyən fərqlilik olacaq. Bəzi işbazlar isə suni qiymət artımına üz tuturlar. Ümumiyyətlə həm manapolya qiymət artımına təsir göstərir. Bunun qarşısını almaq üçün isə rəqabət mühitinin yaradılmasına ehtiyac var”.