 |
|
|
Şəki rayonun Baş Göynük kəndində qeydiyyatda olan və yaşayan Salamov Baba Məmmədiyə oğlu tərəfindən ölkə rəhbərliyinə müraciət ünvanlanıb. Biur nüsxəsi də Dia-az.İnfo-ya daxil olan müraciətdə deyilir:
"Xatırladım ki, 9 nəfərdən ibarət ailənin uzun müddət. Ilin bütün fəsillərində 1 otaqlı uçuq evdə yaşamasının nə demək olduğun izah etməyə kimsəyə ehtiyacı yoxdur. Evimizin yaxınlığında olan kiçik bir torpaq sahəsində dirrik məhsulları, meyvə-tərəvəz əkib birtəhər acından ölməmək üçün yaşayırıq. Evimiz düz kəndimizin girəcəyindədir. Hər dəfə kəndimizə gələn rəhbər qonaqları çalışmışam ki, daxmada yaşadığımız vəziyyəti göstərib bir köməklik etməsini xahiş edim. Bəziləri adamı heç saymır, bəziləri isə yalandan vəd verib, tələsik qapımdan çıxıb gedirlər. Həyat yoldaşım Mehparə də, mən də bu günə kimi bir maaş gələn işdə işləməmişik. Sağ olsun dövlətimizi ki, son iki ildir ki, mən sosial işdə işlədir və 316 manat əməkhaqqını evimə apara bilirəm.
Son iki aydır ki, yenə sel fəlakətləri qapımızın ağzındadır. İstənilən vaxt evimi, həyətimi sel basa bilər. Evim hazırda da selin ağzındadır. Hər gün gecə qaçıb qonşuda gecələməli oluruq. Vəziyyət ağırdır. Və heç bir qoruyucu tədbirlər görülmür. Ona görə də son ümidim yeri kimi Cənab Prezidentə müraciət edim. Bilirəm ki, o çox xeyirxah insandır.
Mən də həmişə hər səsvermədə camaatımızı ona səs verməyə dəvət etmişəm. Və inanmışam ki, bir gün cənab Prezident mənə də köməklik edə bilər. Odur ki, Dövlətimizin başçısısından xahiş edirəm ki, mənim 9 nəfərlik ailəmin yaşadığı 1 otaqlı uçuq daxmasının seldən zərər görmüş hissəsinin , həyətimin seldən qorunması üçün bir neçə beton blokların yol hissəsinə bənd edilməsinə göstəriş verəsiniz. Allah amanında". Xüsusi qeyd edim ki, bu ay Maliyyə Nazirliyi Aparat rəhbəri cənab Cavanşir Yusifov mənim 20 may tarixli ərizəmlə bağlı FHN-nə, yerli İcra Hakimiyyəti orqanına və Su Meliorasiya İdarəsinə rəsmi məktubla müraciətlər etsə də çox təəssüflər olsun ki, bu dövlət qurumları nədənsə gözləyirni döyməklə məşğuldurlar. Heç bir tədbirlər görmürlər. Sanki, insan taleyi bunlar üçün elə bir əhəmiyyət kəsb etmir".