 |
|
|
Rusiya Krım yarımadasına nəzarəti Ukraynaya qaytarmalıdır.
Anadolu agentliyi xəbər verir ki, bunu Türkiyə prezidenti Rəcəb Tayyib Ərdoğan Krım Platforması Liderlərinin IV Zirvə toplantısına videomüraciətində deyib.
“Ukraynanın ərazi bütövlüyü, suverenliyi və müstəqilliyinə dəstəyimiz sarsılmazdır. Krımın Ukraynaya qaytarılması beynəlxalq hüququn tələbidir”, deyə Ərdoğan qeyd edib.
O vurğulayıb ki, yarımadanın işğaldan azad edilməsi zərurəti Türkiyənin mövqeyidir, çünki Ankara Krımın Rusiyanın ilhaqını heç vaxt tanımayıb. Türkiyə lideri Krım tatarlarının çəkdiyi dözülməz ağrıya da toxunub və bu xalqa dəstək siyasətini davam etdirəcəyinə söz verib.
Çıxışını yekunlaşdıran Ərdoğan Ankaranın münaqişəyə son qoymaq üçün daha geniş istəklərini açıqlayıb:
“Bizim səmimi istəyimiz müharibənin Ukraynanın ərazi bütövlüyü, suverenliyi və müstəqilliyinə əsaslanan ədalətli və davamlı sülhlə başa çatmasıdır”