Ruslar Türkiyədə “hər şey daxil” otellərdən kənarda pul xərcləməyi praktiki olaraq dayandırıblar. Səbəb xaricdə Rusiya kartları ilə ödənişlə bağlı problemlərdir.
Valyuta.az xəbər verir ki, bu barədə “Pegas Touristik” turoperatorunun MDB üzrə koordinatoru Orxan Sancar deyib.

“Rusiyalı turistlər kartlarından ödəniş üçün istifadə edə bilmirlər, ona görə də “hər şey daxil” otelləri tərk etmirlər”, - ekspert paylaşıb.

Mövcud vəziyyət Türkiyənin özündə yüksək inflyasiya ilə yanaşı, yerli biznesi də vurub. Belə ki, Bodrum kurortunda bu il otellər tam dolmayıb, restoranlar isə yarıya qədər boş qalıb.

Kemer Ticarət və Sənətkarlar Palatasının sədri Bolat Ünsalın daha əvvəl dediyi kimi, cari turizm mövsümü kurortlardakı mağaza sahibləri üçün son 27 ilin ən pis dövrü olub.

Ödənişlə bağlı problemlərə və yüksək qiymətlərə baxmayaraq, Türkiyə bu il ruslar üçün turizmdə lider olaraq qalıb.