Ermənistanın baş naziri Nikol Paşinyanın son açıqlamaları dünənki günə öz damğasını vurdu.

Musavat.com həmin açıqlamalardan daha bir parçanı təqdim edir. Bizə görə bu açıqlama Nikolun ən əcaib açıqlamalarındandır və onu başa düşmək üçün erməni olmalısan..."

Sitat:

"Biz müstəqilliyi, suverenliyi, dövlətçiliyi ölkəmizin və vətəndaşlarımızın təhlükəsizliyinin, rifahının, azadlığının, ədalətinin və xoşbəxtliyinin təmin edilməsinin ən ali aləti hesab edirik.

Mənim qiymətləndirməm belədir və mən əminəm ki, bu ideologiya yavaş-yavaş da olsa, cəmiyyətdə kök salır. Əsl Ermənistanın ideologiyası ondan ibarətdir ki, biz hamımız, Ermənistan xalqı, Ermənistan vətəndaşları, Ermənistanın dövlət qurumları məhz BU Ermənistanın ehtiyaclarına diqqət yetirməliyik. Yəni bizim fəaliyyətimizin məqsədi, mənası və məzmunu məhz BU Ermənistanın ehtiyaclarına yönəlmək olmalıdır”.