Avqustun 23-də Tver vilayətində qəzaya uğrayan təyyarənin sərnişinləri siyahısında olan “Vaqner” PMC şirkətinin təsisçisi Yevgeni Priqojin hadisədən bir neçə gün əvvəl Mərkəzi Afrika Respublikasının (MR) Prezidenti Faustin-Archange Tuadera ilə görüşüb.

“AzPolitika.info” xəbər verir ki, bubarədə “The Wall Street Journal” özəl mənbələrə istinadən məlumat yayıb.

Nəşrin həmsöhbətlərinin sözlərinə görə, Priqojinin təyyarəsi avqustun 18-də Banqidə görünüb. PMC-nin təsisçisi ilə görüşdə Tuadera onu hərbi təşkilatın Mərkəzi Afrika Respublikasındakı fəaliyyətinə mane olmayacağına əmin edib.

Mənbələrə görə, prezident sarayındakı görüşdə CAR kəşfiyyatının rəhbəri Vanset Linqissara da iştirak edib. Ammanə onun, nə də prezidentinin sözçüləri bu barədə “The Wall Street Journal”ın sorğusuna cavab verməyiblər.

Priqojin CAR liderləri ilə görüşdükdən sonra Sudanın Çevik Reaksiya Qüvvələrinin nümayəndələri ilə bir araya gəlib. Qeyd edək ki, aprelin ortalarında bu silahlılarla Sudan silahlı qüvvələri arasında bu günə qədər davam edən münaqişə başlayıb.

Mənbələr bildiriblər ki, Sudan nümayəndə heyəti Darfurdan Banqiyə gəlib və Priqojinə hədiyyə olaraq qızıl gətirib. Bu, “Vaqner” PMC-nin rəhbəri tərəfindən onlara yer-hava tipli raketlərin tədarükünə Sudan tərəfinin təşəkkür jesti olub. Rusiya muzdluları Çevik Reaksiya Qüvvələrinə Sudan ordusu üzərində bir sıra qələbələr qazanmağa, o cümlədən, Xartumdakı müəssisələrdən birinə nəzarəti ələ keçirməyə kömək ediblər.

Münasişə başlanarəkən, Sudan hakimiyyəti və Priqojin “Vaqner” PMC-nin Sudanda olmasını barədə xəbərləri təkzib edib.

Qəzet yazır ki, Moskvaya getməzdən əvvəl Priqojin Maliyə də səfər edib. Bir müddət Bamakoda qalıb və oradan Moskvaya uçub.