 |
|
|
Məşhur türkiyəli aktrisa Burcu Biricik və reklamçı həyat yoldaşı Emre Yetkin 8 Mart - Beynəlxalq Qadınlar Günü çərçivəsində təşkil edilən tədbirə qatılıblar.
Son olaraq “Camdakı kız” serialındakı rolu ilə tanınan aktrisa “Gələcəyin güclü qadınları” adlı tədbirdə geyindiyi qırmızı libasdakı pozaları ilə diqqət mərkəzində olub.
Hamilə olan və ilk övladlarının dünyaya gəlməsini gözləyən 34 yaşlı Burcu Biricik daha sonra qırmızı libasındakı hamiləlik pozalarını sosial şəbəkə hesabında paylaşıb.
Onun paylaşımına qısa müddətdə təqribən 200 min bəyənmə (“like”) və izləyicilərindən çoxlu şərh gəlib.
Xatırladaq ki, 2016-cı ildə ailə quran Burcu Biricik və Emre Yetkin cütlüyü ötən yanvar ayında körpələrinin dünyaya gələcəyini açıqlayıb. Cütlüyün qız övladının doğulacağı məlum olub.
Mənbə: Milliyet
“Dünya gözəli 2024” (Miss World 2024) 24 yaşlı çexiyalı Kristina Pışkova seçilib.
Martın 9-da baş tutan mükafatlandırma mərasimi “YouTube”da yayımlanıb.
Hindistanın Mumbay şəhərində 71-ci “Dünya gözəli” müsabiqəsi keçirilib. 115 ölkədən olan iştirakçılar qələbə uğrunda mübarizə aparıblar.
Nəticədə Pışkova dünyanın ən gözəl qadını seçilib. İkinci yeri livanlı Yasmina Zəytun tutub.
Müsabiqənin saytında Pışkova beynəlxalq agentliyin tələbəsi, könüllüsü və model olaraq qeyd olunub. Onun hüquq və biznes idarəçiliyi üzrə iki ali təhsili olduğu bildirilir. Model öz adına fond yaradıb.
“Onun ən qürurverici anı könüllü kimi işlədiyi Tanzaniyada imkansız uşaqlar üçün ingilis dili məktəbinin açılması oldu. O, fleyta və skripkada ifa etməyi sevir, musiqi və incəsənətlə maraqlanır və doqquz il Rəssamlıq Akademiyasında təhsil alıb”, - deyə təsvirdə qeyd olunub.
Tarixin hər bir dövründə – dünyanın hər yerində təkcə öz ölkələrinə deyil, dünyaya təsir edən ümumbəşəri qadınlar olub. Onlar müxtəlif sahələrə öz töhfələrini verərək nümunə olmağı bacarıblar.
“Qafqazinfo” CNN-ə istinadən Nobel mükafatlı bir neçə qadın barədə məlumatı təqdim edir:
1903-cü il 8 Mart Beynəlxalq Qadınlar Günündə Mari Küri Nobel mükafatı alan ilk qadın olur. O, həmçinin mükafatı alan ilk qadın olmaqla yanaşı, hələ də iki fərqli elm üzrə iki Nobel mükafatı alan yeganə şəxsdir.
Mari Küri
Radioaktivlik sahəsində apardığı elmi araşdırmalarla dünyanı dəyişən Mari Küri 1910-cu ildə ilk dəfə radioaktiv elementlər olan polonium və radiumu kəşf edir. O, sonra radiumu – yeni elementin varlığını sübut edir.
Küri 1903-cü ildə Fizika üzrə Nobel Mükafatını və 1911-ci ildə Kimya üzrə Nobel Mükafatını alır.
Fransuaza Barre-Sinoussi
Kəşfləri və işləri ilə dünyanı dəyişdirən və Nobel mükafatı alan qadınlar arasında HİV virusunu kəşf edən Fransuaza Barre-Sinoussi, iybilmə reseptorlarının necə işlədiyini kəşf edən Linda Bak da var.
Linda Bak
Dünyanın ən varlı qadınları əyləncə, kosmetika və qida kimi müxtəlif sənaye sahələrində hökmranlıq edirlər.
Gununsesi.info bildirir ki, məlumata görə, ən varlı beş qadının əksəriyyəti (2024-cü ilin fevral ayına kimi) ABŞ-dəndir.
Statistikanı təqdim edirik:
1. Fransuaza Bettankur Mayers
Fransız iş qadını və xeyriyyəçi Fransuaza Bettankur Mayers 99 milyard dollarlıq sərvəti ilə dünyanın ən zəngin qadınıdır.
2017-ci ildə anası vəfat edəndə onun sərvəti Fransuazaya miras qalıb. Fransuaza ailəsi ilə birlikdə “L’Oréal” səhmlərinin təxminən 33%-nə sahibdir.
O, 1997-ci ildən “L’Oréal” şirkətinin direktorudur. Fransuaza elm və incəsənəti dəstəkləyən, eləcə də inklüziv cəmiyyəti təbliğ edən “Bettencourt Schueller” Fondunun təsisçisi və prezidentidir.
2. Alisa Uolton
Alisa Uoltonun sərvəti 63,7 milyard dollardır və “Walmart”ın qurucusu Sem Uoltonun yeganə qızıdır.
Alisa bacıları Rob və Cim ilə birlikdə “Walmart”da böyük paya sahib olsa da, pərakəndə korporasiyada işləmir.
Bunun əvəzinə, Alisa 2011-ci ildə Kristal Körpülər Amerika İncəsənət Muzeyini və 2021-ci ildə əsası qoyulan “Alice L. Walton” Tibb Məktəbini açaraq, sənət və sağlamlıq üzərində cəmləşdi.
3. Culiya Koç
ABŞ-li xeyriyyəçi Culiya Koçun sərvəti 59,8 milyard dollardır.
2019-cu ildə əri David Koç vəfat edəndə Culiya və onun üç övladı istehsal və enerji kimi müxtəlif sahələrdə iştirak edən törəmə şirkətləri olan “Koch Industries”də 42% paya sahib olublar.
Culiya Davidlə evlənməmişdən əvvəl modelyer Adolfo Sardinanın köməkçisi olub və Nensi Reyqan da daxil olmaqla yüksəkprofilli müştəriləri geyindirib.
Culiya tibbi tədqiqat, təhsil və incəsənətlə bağlı bir çox səbəbləri dəstəkləyən “David H. Koch” Fondunun prezidentidir.
4. Jaklin Mars
39,5 milyard dollar təxmin edilən xalis sərvəti ilə Jaklin Mars dünyanın dördüncü ən varlı qadınıdır.
Jaklin “M&Ms”, “Snickers” və “Skittles” kimi məşhur brendlərin arxasında duran məşhur şirkəti quran Franklin Klarens Marsın nəvəsidir.
Jaklin 20 il “Mars”da çalışıb və 2016-cı ilə qədər idarə heyətində olub.
5. Miriam Adelson
Narkotik asılılığı ilə mübarizə aparan ABŞ və israilli həkim Miriam Adelsonun sərvəti 35,7 milyard dollardır.
2021-ci ildə əri Şeldon Adelson öldükdən sonra o, kazino və kurort şirkəti “Las Vegas Sands”ın sahibi olub.
Qeyd edək ki, o, 2000-ci ildə Miriam opiuma aludə olanları müalicə etmək üçün “Adelson” Klinikasını qurub.
Dövlət qulluğunda qadınların xüsusi çəkisi 29,4 faiz, fərdi sahibkarlar arasında 22,7 faiz göstərilir
Dövlət Statistika Komitəsinin hesabatına görə, Azərbaycanın ümumi təhsil müəssisələrində müəllimlərin 82,7 faizi, orta ixtisas təhsili müəssisələrində 79,4 faizi, ali təhsil müəssisələrində 58,7 faizi, həkimlərin üçdə ikisi, elmi işçilərin 59,2 faizi qadınlar, ümumi təhsil müəssisələri şagirdlərinin 46,6 faizi, orta ixtisas təhsili müəssisələri tələbələrinin 62,5 faizi, ali təhsil müəssisələri tələbələrinin yarısı qızlardır.
Dövlət qulluğunda qadınların xüsusi çəkisi 29,4 faiz, fərdi sahibkarlar arasında 22,7 faiz göstərilir.
Martın 8-i tarixə qadınların hüquq bərabərliyi uğrunda mübarizədə beynəlxalq həmrəyliyi günü kimi düşüb. Sosialist qadınların 1910-cu ildə Kopenhagendə keçirilmiş beynəlxalq konfransında həmin günün bayram edilməsi haqqında qərar çıxarılıb.
1965-ci ildə Azərbaycan Sovet Sosialist Respublikasında martın 8-i iş günü hesab olunmayan bayram günü elan edilib. Azərbaycan 1991-ci ildə müstəqillik əldə edəndən sonra martın 8-i bayram statusunu saxlayıb, Qadınlar Günü kimi qeyd olunur.
Hazırda 116 üzvü olan Azərbaycan parlamentinin 21 deputatı qadındır, onların biri - Sahibə Qafarova sədr postunu tutur.
Ölkədə ən yüksək vəzifəli qadın birinci vitse-prezident Mehriban Əliyevadır. Nazirlər Kabineti üzvləri arasında bir qadın var: Ailə, Qadın və Uşaq Problemləri üzrə Dövlət Komitəsinin sədri Bahar Muradova. Prezident Administrasiyasında iki yüksək post qadınlara tapşırılıb: Cəmilə Abbasova dövlət başçısının köməkçisi, Fərəh Əliyeva humanitar siyasət, diaspor, multikulturalizm və dini məsələlər şöbəsinin müdiridir. Konstitusiya Məhkəməsinin doqquz hakimindən ikisi qadındır: Sona Salmanova (sədr müavinidir) və Humay Əfəndiyeva.
Dövlət İmtahan Mərkəzinə (Məleykə Abbaszadə) və Dövlət Tərcümə Mərkəzinə (Afaq Məsud (Vəliyeva) qadınlar rəhbərlik edir. Ombudsman postunda da qadın çalışır: Səbinə Əliyeva.
Son 32 ildə Azərbaycanda bir qadın naziri olub. Natəvan Tofiq qızı Qədimova 2020-ci ildə Naxçıvan Muxtar Respublikasının mədəniyyət və turizm naziri təyin olunub.
Qadınların Azərbaycanın idarəetməsində ağırlığı artırılmalıdırmı?
Hidayət Abdullayev
Əmək və əhalinin sosial müdafiəsi nazirinin müavini Hidayət Abdullayev deyib ki, Azərbaycanda ötən il ərzində 44 min 500 qadın işlə təmin olunub. Onun sözlərinə görə, 2023-cü il ərzində 427 minə qədər şəxs aktiv məşğulluq tədbirləri ilə əhatə olunub: “Bununla yanaşı, 5300 qadın əmək bazarına uyğun olan peşə kurslarına cəlb edilib. Dövlətin məşğulluq siyasətindən biri də qadınların əmək bazarında iştirak və məşğulluq imkanlarının artırılmasıdır. Bu sahədə aparılan işlərin müsbət nəticəsi olaraq əmək bazarında qadınların iştirak səviyyəsi ildən-ilə artır. Hətta bir sıra sahələrdə işləyənlərin daha böyük hissəsini qadınlar təşkil edir. Əmək və Əhalinin Sosial Müdafiə Nazirliyi aktiv məşğulluq proqramlarında qadınların iştirakına önəm verilir”.
Mehriban Zeynalova
“Təmiz Dünya” Qadınlara Yardım İctimai Birliyinin sədri Mehriban Zeynalova mövzu ilə bağlı “Yeni Müsavat”a dedi ki, gender bərabərliyinə tam nail ola bilməmişik: “Burada müəyyən stereotiplər var. Kişilər danışıqlar aparır, vaxtları daha çoxdur, kişilərin əlaqələri daha çoxdur. Özlərini təqdim etmək üçün imkanları daha genişdir. Amma qadınlar bunu zəif formada təqdim edirlər, çünki müəyyən stereotiplər, ailə münasibətləri var. Əksəriyyətinə ailədən dəstək də gəlmir. Belə bir əngəllər gətirib ona çıxarır ki, kişilər daha çox aktivdir. Kişilər bu proseslərdə özlərini irəli çəkə bilirlər. Təəssüf ki, hələ də real potensialı üzə çıxarmaq üçün qadınlarla bağlı informasiya bankı yarada bilərlər. Qadınlar potensialına görə irəli çəkilə bilər. Bu proses bizdə hələ ki həyata keçirilmir. Kifayət qədər bacarığı, idarəçiliyi, beynəlxalq səviyyədə təmsilçiliyi olan qadınlar var ki, onları irəli çəkmək olar. Ümumilikdə isə aktivlik var, süni əngəllər, kimlərinsə öz tanışlarının təqdimatları real potensialı üzə çıxarmağa imkan vermir. Bu məsələdə düşünürəm ki, Ailə, Qadın, və Uşaq Məsələləri üzrə Dövlət Komitəsi tərəfindən qadınların təqdimatları verilməlidir. İnformasiya bankının yaradılması lazımdır. Çünki tamamilə fərqli, uyğun olmayan adamların təqdimatları verilir”.
Qadınlarla bağlı bir neçə vacib məqam da var ki, bunlar xüsusi qeyd edilməlidir. Son bir ildə qadınlara qarşı zorakılıq, şiddət halları azalacaq deyə düşünsək də, tam əksi müşahidə edildi. Bunu hər gün mediada, sosial şəbəkələrdə yayılan kriminal xəbərlərdə də açıq gördük. Əri, qardaşı, atası tərəfindən öldürülən qadınlarla bağlı xəbərlərin çoxluğu, əlbəttə, diqqətdən kənarda qala bilməz. Eyni zamanda ayrı-ayrı bölgələrdə təhsilini yarımçıq qoyaraq erkən yaşda məcburi ərə verilən qızlar da bu ilin əsas müzakirəsi oldu. Elə bu amil qadınların ictimai-siyasi həyatda rolunun yetərli olmamasının bir nümunəsi sayıla bilər. Ən narahat doğuran məsələ isə qızların getdikcə sayının azalması ilə bağlıdır. Belə ki, Ədliyyə Nazirliyinin rayon (şəhər) qeydiyyat şöbələri tərəfindən 2023-cü ilin yanvar-fevral ayları ərzində ölkədə 19158 doğulmuş körpənin qeydə alındığı bildirilib. Doğulanlar arasında oğlan uşaqlarının xüsusi çəkisi 53,2 faiz, qız uşaqlarının xüsusi çəkisi isə 46,8 faiz olub. Selektiv abortlarla bağlı bu il də ekspertlər SOS deyə hayqırdılar.
Mehriban Zeynalova bizimlə söhbətdə qız uşaqlarının sayının getdikcə azalmasının gələcəkdə problem yaradacağını da deyib: “Biz bundan sonra onun fəsadlarını görəcəyik. Baxmayaraq ki, balansı tənzimləməyə çalışırlar. Sosial şəbəkələrə belə baxanda qadınlarla bağlı vəziyyət açıq görünür. Bir çox hallarda şikayətlər belə cinsə görə müəyyən edilir, cinsə görə onun hər hərəkəti təhlildən keçirilir. Bunun nəticəsində bəzi qadınlar kənara çəkilib. Baxmayaraq ki, kifayət qədər imkanları da, bacarıqları da var. Bəzən elə bir təsir vasitələri olur ki, onlar özləri könüllü imtina etməli olurlar”.
Afaq MİRAYİQ,
“Yeni Müsavat”
Kürdəmir rayonu Yenikənd kənd Q.Əhmədov adına tam orta məktəbin direktoru Elza Abdullayeva tutduğu vəzifədən azad edilib.
Hurriyyet.Az xəbər verir ki, bu barədə Mərkəzi Aran Regional Təhsil İdarəsindən məlumat verilib.
Məlumatda deyilir:
“Fevralın 29-da Mərkəzi Aran Regional Təhsil İdarəsinin əməkdaşları tərəfindən Kürdəmir rayonu Yenikənd kənd Q.Əhmədov adına tam orta məktəbində bir neçə istiqamət üzrə yoxlama aparılmış və yoxlama zamanı məktəbin idarəolunması, şagirdlərin X sinfə qəbulu, dərslərin əvəzolunması, dərs bölgüsü, dərnəklərin təşkili və keçirilməsi, həmçinin sağlamlıq imkanları məhdud uşaqlar üçün xüsusi təhsilin təşkili ilə bağlı nöqsan və çatışmazlıqlar aşkar olunub.
Yoxlamanın nəticəsinə əsasən, məktəbin direktoru Elza Abdullayeva 7 mart 2024-cü il tarixindən Məktəbəqədər və Ümumi Təhsil üzrə Dövlət Agentliyinin direktoru Eşqi Bağırovun müvafiq əmrinə əsasən, tutduğu vəzifədən azad edilib.
Mərkəzi Aran Regional Təhsil İdarəsi təhsil müəssisələrində hüquqpozmaların və buna şərait yaradan halların baş verməsini pisləyir, bunun qarşısının alınması, aradan qaldırılması və gələcəkdə bu kimi halların baş verməməsi ilə bağlı idarə tərəfindən təhsil müəssisələrində monitorinq və yoxlamalar davam etdirilir”.
Hər ilin üçüncü ayının üçüncü həftəsinin üçüncü günü Caspian Energy Club-ın İdarə heyətinin yeni tərkibi seçilir, yalnız 4 ildən bir seçkilər 29 fevral tarixində təşkil olunur.
Bu il Caspian Energy Club-ın İdarə heyətinin üzvlərinin növbəti seçkiləri 29 fevral tarixində başlayıb və iki gün davam edib. Ümumi səslərin sayı 1059 nəfər təşkil edib. Onlardan 971 səs anket formatında, 88-i isə onlayn formatda səs verib.
Bu barədə Caspian Energy Club-un Sədrinin Birinci müavini və qrupun Baş Maliyyə direktoru Rasim Mahmudov məlumat verib.
Rasim Mahmudovun sözlərinə görə, “iki günlük səsvermə nəticələrinə əsasən Caspian Energy Club-ın yeni İdarə heyətinə Telman Əliyev (Caspian Energy Club), Zərifə Həmzəyeva (Gazelli Group), Rəşad Abasov (ASE Şirkətlər Qrupu), Natiq Paşayev (Caspel), Fariz Sultan-Əhmədi (By Mygroup Holding), İlqar Nuriyev (Veysəloğlu), Əsəd Nəsrullayev (Debet Safety) və Səbinə Əliyeva (GHRS) daxil olublar.
Seçkilərin yüksək səviyyədə və şəffaf keçirilməsini təmin etdiklərinə görə FCHAİN Corporation-a və şəxsən Baş Direktor Müavini Valid Hüseynova təşəkkürümü bildirirəm. Qeyd edim ki, seçkilər zamanı nəticələrin hesablanmasını beynəlxalq standartlara uyğun olaraq təmin etdilər.
İdarə Heyətinin sədri vəzifəsinə 319 (30.12 %) səs sayı ilə Telman Əliyev seçilib. Yaxın vaxtlarda İdarə Heyətinin üzvlərinin ilk iclasının keçiriləcəyi gözlənilir. İclas çərçivəsində qurumun növbəti il üçün fəaliyyət strategiyası, eləcə də qısa və uzunmüddətli hədəfləri müəyyən ediləcək. Həmçinin, Caspian Energy Club-ın yeni İdarə heyətinin ilk iclası çərçivəsində komitələrin, işçi qrupların və regional nümayəndəliklərinin rəhbərləri təyin olunacaq”, - deyə Rasim Mahmudov bildirib.
“2023-cü il bizim üçün çox uğurlu, pozitiv və səmərəli keçdi. 1 il ərzində biz dünyanın 20 ölkəsində 150-dən çox tədbir təşkil etdik. 2023-cü il Ulu Öndər Heydər Əliyevin 100 illik yubileyinə həsr olunduğu üçün Azərbaycandaki 100-cü tədbiri təntənəli sürətdə Gülüstan sarayında keçirdik.
Ümidvaram ki, biz yeni ildə də Caspian Energy Club-da mövcud olan ailə mühitini, müsbət ab-havasını, yüksək intensivliyini, səmimi, səmərəli və müsbət networking imkanlarını qoruyub saxlaya biləcəyik”, - deyə Rasim Mahmudov bildirib.
“Caspian Energy Club” dünyanın 50 ölkəsindən 5000-dən çox şirkəti birləşdirən dinamik və inkişaf edən regional təşkilatdır. Biznes - hökumət dialoqunun fəal iştirakçısı olan “Caspian Energy Club”ın əsas məqsədi Azərbaycanda və “Caspian Energy Club”ın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.
Biznes-netvörkinq üçün beynəlxalq platforma olan “Caspian Energy Club” mütəmadi olaraq müxtəlif tədbirlər təşkil edir. Mənzil-qərargahı Bakıda yerləşən “Caspian Energy Club”ın əsas fəaliyyəti Mərkəzi Dəhliz ölkələrini əhatə edir. Klubun, həmçinin Türkiyə, Gürcüstan, Özbəkistan, Qazaxıstan, Çexiya, Almaniya, Polşa, Qırğızıstan, Böyük Britaniya, Macarıstan, Latviya, Estoniya, Finlandiya, Avstriya, BƏƏ-də rəsmi nümayəndəlikləri, habelə dünyanın müxtəlif ölkələrində səlahiyyətli nümayəndələri var.
“Caspian Energy Club International” 2023-cü ildə “Caspian Energy Club”ın beynəlxalq layihələrini idarə etmək məqsədilə yaradılıb. 5 il ərzində “Caspian Energy Club” International dünyanın 100 ölkəsində klubun fiziki ofislərini açmağı planlaşdırır. “Caspian Energy Club International”ın əsas funksiyalarından biri nümayəndələrin təyin olunmadığı ölkələrdə klubun fəaliyyətini idarə etmək, eləcə də bütün xarici nümayəndəliklər üçün ümumi strategiyanın formalaşdırılmasıdır.
Qeyd: Zərifə Həmzəyeva (Gazelli Group)
AZAL-ın keçmiş prezidenti Cahangir Əsgərovun həyat yoldaşıdır.
Ukrayna prezidentinin həyat yoldaşı Yelena Zelenskaya martın 7-də ABŞ prezidenti Cozef Baydenin Senat və Nümayəndələr Palatasında illik çıxışında iştirak etməklə bağlı dəvətini rədd edib.
“Report” xəbər verir ki, bu barədə “The Washington Post” (WP) məlumat yayıb.
Nəşrin məlumatına görə, Zelenskayanın Aleksey Navalnının dul arvadı Yuliyanın yanında oturacağı planlaşdırılırdı. Bu da ukraynalılar arasında diskomfort yaradıb. Belə ki, Aleksey Navalnının Krımla bağlı açıqlamaları ukraynalılar tərəfindən narazılıqla qarşılanmışdı.
Başqa bir ABŞ rəsmisi nəşrə bildirib ki, Zelenskayanın dəvətdən imtina etmək qərarı həm də Ukrayna rəhbərliyinin Baydenlə çox yaxından əlaqəli sayılmaq istəməməsi ilə bağlıdır.
Ukrayna prezidenti Volodimir Zelenski ABŞ-ın Kiyevə hərbi yardım göstərməsi məsələsinin daha da siyasiləşdirilməsini istəmir.
Ağ Evin mətbuat katibi Karine Jan-Pyer bir müddət əvvəl keçirdiyi brifinqdə Baydenin Yuliyanı çıxışına dəvət etdiyini, lakin onun iştirak edə bilməyəcəyini söyləyib.
Tibb elmləri üzrə fəlsəfə doktoru, uzun illər tibb müəssisələrində rəhbər vəzifələrdə çalışmış Leyla Seyidbəyova vəfat edib.
TEREF Qafqazinfo-ya istinadən xəbər verir ki, L.Seyidbəyova ötən gecə xəstəlik səbəbindən dünyasını dəyişib.
Qeyd edək ki, məşhur hakim Ənvər Seyidovun bacısı olan L.Seyidbəyova uzun müddət Mərkəzi Neftçilər Xəstəxanasının baş direktoru vəzifəsində çalışıb. O, son olaraq 7 saylı doğum evində baş həkim vəzifəsini tutub və 2022-ci ildə yaşla əlaqədar təqaüdə çıxıb.
Rusiyalı Olimpiya çempionu Alina Kabayeva uzun müddətdən sonra üzə çıxıb.
TEREF Spletnik.ru-ya istinadən xəbər verir ki, o, Soçidə təşkil etdiyi 13-cü Bədii Gimnastika Beynəlxalq Uşaq Xeyriyyə Festivalında iştirak edib.
Kabayeva tədbirdə iki geyimdə görüntülənib.
Qeyd edək ki, A.Kabayeva karyerasına 2007-ci ildə son qoyub, idmanla bağlı ictimai fəaliyyətini davam etdirir.Qafqazinfo
