 |
|
|
Bu gün Penitensiar Xidmətin 1 saylı cəzaçəkmə müəssisəsinin rəisi Emin Həsənov azərbaycanlı kriminal avtoritet Rövşən Lənkəranskinin ölüm günü ilə bağlı həbsxanada yas mərasimi təşkil edib və ehsan olaraq "çefir" (tünd çay) paylayıb.
Yas mərasimində məhbusların 80%-i iştirak edib.
Həbsxanada yas mərasimi təhlükəsiz keçsin deyə, E.Həsənov cəzaçəkmə müəssisəsinin bütün işçilərini səfərbər edib və onlara "düzül" əmri verilib.
Əldə etdiyim məlumata görə, R.Lənkəranskinin yas mərasimi 1 saylı cəzaçəkmə müəssisəsinin rəisi E.Həsənovun şəxsi tapşırıqları əsasında təşkil edilib.
Sabah isə - 19 avqust "Lotu Quli" ləqəbli avtoritet Nadir Səlifovun anım günüdür. E.Həsənovun "Lotu Quli"nin ölüm günü ilə bağlı yas mərasiminin təşkil olunması üçün tapşırıq verib və hazırda həbsxanda bununla bağlı hazırlıqlar həyata keçirilir.
Prezident İlham Əliyevin rəhbərliyi altında Azərbaycanda aparılan islahatlardan kənarda qalan yeganə və ən problemli sahələrdən biri və birincisi məhz Penitensiar Xidmətdir. Azərbaycan qalib ölkə kimi təhsili, iqtsiadiyyatı inkişaf etdirməyi və ordunu daha da gücləndirməyi, maaarifləndirmə prosesini sürətləndirməyi qarşısına əsas mqəsəd qoyub.
Ancaq belə bir şəraitdə əynində zabit rütbəsi daşıyan 1 saylı cəzaçəkmə müəssisəsinin rəisi E.Həsənovun cinayətkarlığı təbliğ etməsi, məhbusları islah etmək əvəzinə, onları kriminallaşdıran üsullara əl atması rəzalətdir və bu, qanunla hüquqi məsuliyyət yaradır.
E.Həsənov vəzifə səlahiyyətlərindən istifadə edərək bütün məhbusları, cəzaçəkmə müəssisəsinin əməkdaşlarını qanundan kənar mərasimlərin keçirilməsinə cəlb edir, havay ehsan (hələ bu ehsanın hansı pulla verildiyi bilinmir) paylayır.
Bu tip mərasimlərin keçirilməsi Azərbaycanın müasir dövlət idarəçiliyi modelinə tamamilə ziddir.
Azərbaycanda cinayətkarlığın artmasının əsas səbəblərindən biri cəzaçəkmə müəssisələrində islah prosesinin aparılmamasıdır. Ona görə də məhbuslar azadlığa çıxandan sonra yenidən cinayət törədərək həbxanaya yollanır.
Bu prizmadan yanaşsaq, E.Həsənov kimi dövlət məmurlarının Azərbyacan dövlətinə, büdcəsinə, xalqına və cəmiyyətinə hansı həcmdə zərər vurduğunu təsəvvür etmək elə də çətin deyil.
Müəllif: Samir Feyruzov
Azsiyaset.com
Şəhid Sahib Həsənovun anası Vüsalə Gülbala qızı Məmmədova intihara əl atıb. Bu barədə bloger Mehman Hüseynov məlumat paylaşıb.
Məlumatda deyilir ki, xeyli sayda dərman qəbul edən şəhid anasının durumu ağırdır. Hazırda Gəncə Şəhər 3 Saylı Xəstəxanada həyatı ilə çarpışır:
Səbəb bilirsiz nədir? Şəhid anası bir il imiş evinin kirayə haqqını ödəyə bilmirmiş. Dəfələrlə Gəncənin icra başçısı Niyazi Bayramova müraciət etsə də, həmin yekəbaş, korrupsioner başçı Şəhid anasını qəbul etməkdən imtina edirmiş…
Gəncənin icra başçısı Niyazi Bayramov bir şəhid ailəsinə ev verə bilmir, onu qəbul edə bilmir, amma öz qızına Cahan Rəhimova üçün Fransada 30 milyonluq villa tikdirib”.
Qeyd edək ki, Cahan Rəhimova mərhum nazir Azad Rəhimovun gəlinidir.
DogruXeber.az: - 18 fevral 2022 – ci ildə Prezidentin sərəncamı ilə Coşqun Adil oğlu Cəbrayılov Bakı şəhəri Nizami Rayon İcra Hakimiyyətinin başçısı təyin edilib.
Qeyd edək ki, C.Cəbrayılov bu vəzifəyə təyin olunana qədər Bakı Şəhər İcra Hakimiyyətinin Ərazi idarəetmə və yerli özünüidaretmə orqanları ilə iş şöbəsinin müdiri olub. O, bu vəzifəyə 2018-ci ilin sentyabrında təyin olunmuşdu.
Coşqun Cəbrayılov daha əvvəl isə Səbail Rayon İcra Hakimiyyətində və Sumqayıt Şəhər İcra Hakimiyyətində Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsində çalışıb.
Reallıq.tv – yə daxil olan məlumatda qeyd olunur ki, Coşqun Cəbrayılov ötən müddətdə icra başçısı kimi ümidləri doğrultmayıb. İcra başçısı ayda bir dəfə səyyar görüşlər təşkil etmək adı ilə “JEK” işçilərini icra hakimiyyətinin zalına toplayaraq şəkillər çəkməklə işini yekunlaşdırmış hesab edir. Nizami rayonunda qalaq-qalaq yığılan problemlərin həllində maraqlı görünməyən Cəbrayılovun qəbuluna düşmək çətin vəzifəyə çevrilib. Coşqun Cəbrayılovun vətəndaşları qəbul etməməsi ciddi narazılıq yaratdığı bir zamanda özünə ev tikmək istəyən vətəndaşlardan qanunsuz tələbdə bulunması etirazlara səbəb olub. Nizami rayonunda özünə ev tikmək istəyən vətəndaşlar icra başçısının haqqını vermədən daşı daş üstə qoya bilməzlər. Bu qanunsuz tələb tikintinin mərtəbəsi və otaqların sayına uyğun olaraq müəyyən edilir. Redaksiyamıza müraciət edən vətəndaş Asif Əliyev bildirir ki, o qanuni torpağında birmərtəbəli ev tikmək üçün 8 min manat rüşvət verməli olub.
Reallıq.Tv – yə daxil olan məlumatda o da qeyd olunur ki, Coşqun Cəbrayılov istəklərini yerinə yetirməyən vətəndaşları qanunsuz yollarla susdurur. Onun idarəetmə üsulu hazırda Bakının Nizami rayonunda böyük narazılığa səbəb olub. İcra başçısı obyekt sahiblərini də öz qanunsuz tələblərinə uyğun cəzalandıra bilir.
Rayonda yerləşən park və istirahət yerlərini biznes ocağına çevirən icra başçısının qanunsuz əməllərindən bəhs edən ərizələrdə qeyd olunan faktlar hazırda Reallıq.tv əməkdaşları tərəfindən araşdırılır. Qısa zamanda bu barədə ətraflı məlumat verəcəyik.
İlkin (Reallıq.TV)
Daşkəsən rayon sakini Həcər Talıb qızı İsgəndərova "Hürriyyət"ə müraciət edərək bildirir ki, 1997-ci ildə ona verilmiş pay torpağı qanunsuz olaraq başqasına satılıb. Şikayətçi iddia edir ki, rayonun Xoşbulaq kəndində yerləşən özünə məxsus pay torpağı Gəncədə yerləşən notarius rəhbəri Arif və kəndin bələdiyyə sədri Rasim tərəfindən mənimsənilib. Həcər İsgəndərova aidiyyatı qurumlara müraciət etsə, şikayətinə baxılmır. O qeyd edir ki, Gəncədə yerləşən notarius rəhbəri Arif və kəndin bələdiyyə sədri Rasim buna mane olmağa çalışırlar.
Rayon sakini hətta onlar tərəfindən təhdid olunduğunu da vurğulayır: "1997-ci ildə mənə pay torpaq verilib. Lakin torpaqdan istifadə etməmişdim. Hazırda torpağım əlimdən alınıb, başqasına satılıb. Gəncədə notarius rəhbəri Arif müəllimə satılıb. Atam 1-ci qrup əlil olub. Hazırda dünyasını dəyişib. Rasim və Arif tərəfindən mənə təhdidlər olunur, lazımsız sözlər deyilir. Öz torpağımı geri istəyirəm. Mənə deyirlər ki, bizi məcbur edirsən ki, səni öldürüb torpağa basdıraq, heç kəs də tapa biıməyəcək. Hazırda məktəbdə xadimə işləyirəm. Maddi vəziyyətim çox zəifdir. Evim yoxdur. Mənə qalan torpaq kimə satılır? Hansı qanunla satılır?.. Bələdiyyə sədri Rasim satıb? Bu bələdiyyə sədri Rasim bir dəfə özbaşınalıq etdiyinə görə həbs edilib. Xahiş edirəm ki, mənə kömək edəsiniz. Aciz qadınam. Rüşvətxor məmurların əlində tək qalmışam. Mənə aid olan torpaq başqasına qanunsuz olaraq satılır və orda villa tikilir. Bu nə dərəcədə düzgündür?.."
Şikayətçi bildirir ki, dəfələrlə müvafiq instansiyalara müraciət etməsinə baxmayaraq, üzləşdiyi problem hələ də həll olunmayıb: "Hara müraciət edirəmsə, baxılmır. Məhkəmə, vəkil hamı pul istəyir. Ariflə, Rasim şikayətimə baxılmasına mane olurlar. Ali savadım yoxdur. Rasim Daşkəsinin Xoşbulaq kəndinə bələdiyyə sədri işləyir. Odur ki, mətbuat vasitəsi ilə Azərbaycan Respublikasının Prezidenti cənab İlham Əliyevdən və Azərbaycan Respublikasının Birinci-Vitse Prezidenti Mehriban xanım Əliyevadan xahiş edirəm ki, şikayətimi yerində bizim iştirakımızla obyektiv araşdırılıb, Gəncədə yerləşən notarius rəhbəri Arif və kəndin bələdiyyə sədri Rasim adlı şəxslərin barəsində ciddi tədbirlər görülməsinə tapşırıq verəsiniz".
Bəs qanunla pay torpaqları satıla bilərmi? Ümumiyyətlə, pay torpaqları xüsusi mülkiyyət sayılır? Qanunda deyilir ki, bu şəxsin adına torpaq sahəsi varsa, onun icazəsi olmadan kiminsə adına keçə bilməz. Əgər onun pulu ödənilməyibsə, məhkəmədə iddia qaldıraraq alqı-satqı müqaviləsini ləğv elətdirməlidir. Qanun imkan verir ki, qarşı tərəf öhdəliyini yerinə yetirməyəndə müqaviləni ləğv elətdirsin. Məsələ məhkəmə qaydasında həllini tapa bilər. Əslində, müqaviləni ləğv etmək üçün səbəb çoxdur. Ən azı müqavilənin ləğvini tələb edə bilərlər. Qanunvericilik müqavilənin ləğvinə imkan verir.
Məlum olduğu kimi, pay torpaqları torpaq islahatı dövründə qanunvericilik əsasında naturada pay almaq hüququ olan şəxslərin (ailənin) xüsusi mülkiyyətinə verilib. Bu o deməkdir ki, pay torpağının hər hansı bir hissəsinin satılması üçün bütün ailə üzvlərinin (payçıların) razılığı tələb olunur. Bu baxımdan pay torpaqlarının satılması və ya icarəyə verilməsi ilə bağlı müqavilə notarial qaydada təsdiq olunması üçün bütün payçıların iştirakı vacibdir. Bir payçının müxtəlif səbəblərdən iştirak edə bilməməsi (məsələn, şəxs xaricdədir) səbəbindən torpağın satılmasını və ya icarəyə verilməsini mümkünsüz edir.
QEYD: Qarşı tərəflərin də mövqeyini dərc etməyə hazırıq.
Sabirabad rayonunun mərkəzindən 40 kilometr məsafədə yerləşən Hacıbəbir kəndinin əsas yolu bərbad vəziyyətdədir.
12 kəndi birləşdirən bu yol 2016-cı ildə asfaltlanıb, amma iki-üç il ərzində yenə yararsız hala düşüb.
Hacıbəbir kənd sakini Əlvan Məmmədov deyir ki, problemimiz mövsümə görə dəyişir: “Qışda palçıqdan, yayda isə toz dumanından hərəkət etmək çətin olur”.
Kənd sakininin sözlərinə görə əhali hər il vəsait toplayıb yolu təmir etdirir, ancaq yalnız yay mövsümü rahat olur:
“Elə ki, yağışlar yağır, yolu su yuyub aparır”.
Əlvan Məmmədov deyir ki, yol bərbad olduğundan taksilər bir kilometr yolu xəstəxanaya 10 manata aparır:
“Kəndə təcili yardım maşını gəlib çıxınca xəstənin halı iki dəfə dəyişir”.
Yolun bu vəziyyətdə olması ən çox məktəblilərə çətinlik yaradır. Qış aylarında məktəbə gediş-gəliş daha da çətinləşir. Kimin maşını var uşağını dərsə aparır, olmayanlar dərsdən qalır. Maşın demiş, kənd camaatı yolların avtomobillərini sıradan çıxarmasından da gileylidir.
“Avtomobillərin vəziyyətindən danişmağa dəyməz. Ehtiyat hissələri almaqdan zara gəlmişik”.
Hacıbəbir kəndinin daha bir sakini Xudaverdi Məmmədov deyir üç-dörd ildən bir gəlirlər, təmir adı ilə “yola verib” çıxıb gedirlər:
“Bazara, dükana belə, kənddən 3 km məsafədə olduğu üçün, gedib-gələ bilmirik”.
Sakinlər dəfələrlə müvafiq qurumlara müraciət ediblər, heç bir tədbir görülməyib.
Problemlə bağlı, yerli bələdiyyə ilə əlaqə saxladıq. Bələdiyyə sədri Qeyrət Şükürov bildirdi ki, Hacıbəbir kəndinin daxili yollarının hazırkı vəziyyəti onları da narahat edir:
“Kəndarası yolların əsaslı təmiri istiqamətində layihə planı hazırlanılır və yaxın zamanda həm Hacıbəbir kəndinin, həm də bələdiyyənin ərazisində olan digər kəndlərin yollarında əsaslı təmir işləri aparılacaq”.
Bizim.Media
Goranboy rayonu Səfikürd kəndinin Qaş məhəlləsi sakinlərinin ölkə rəhbərliyinə kollektiv müraciəti ünvanlanıb. Bir nüsxəsi də DİA.AZ-a daxil olan müraciətdə deyilir:
"Bizim yaşadığımız Goranboy rayonu Səfikürd kəndi Qaş məhəlləsi uzun illərdir ki, susuzluqdan, xüsusən də suvarma suyu çatışmamazlığından əziyyət çəkir. Həyətyanı, pay və əkin torpaqlarımızı suvarmağa su tapa bilmirik, məhlələrimizdə meyvə ağaclarımız quruyub, əkinlərimizdə taxılımız batıb. Ulu Öndərimizin bizlərə hədiyyə etdiyi pay torpaqlarımızı susuzluqdan becərə bilmirik.
Siz, hər il rayonumuza onlarla subartezian quyularının qazılması üçün Sərəncamlar imzalayırsız. Amma Sizin Sərəncamlarınız və dövlət vəsaiti hesabına qazılan həmin quyuları rayonumuzda İcra Başçısı və əlaltıları satır. Melorasiya və Su Təsərrüfatı ASC-dən gələn siyahını Başçı senzuradan keçirir və pul aldığı adamın adını təsdiqləyir, qalanlarını isə silir-təsdiqləmir.(hamıya açıqca məlumdur ki, hər quyunun qiyməti 12-15 min manatdır.)
Bildiririk ki, biz də 2 il əvvəl kollektiv müraciət etmişdik və Meliorasiya və Su Təsərrüfatı ASC-dən nümayəndələr gəlib yerində baxış keçirdilər və 1 ədəd subartezian quyusunun qazılması üçün yer müəyyən edildi, kordinatı vuruldu, qeydiyyata alındı. 2021-ci ilin sentyabr ayında həmin məsul yoldaşlar bizə zəng vuraraq bildirdilər ki, rayonunuza 5 quyu təyin olunub və o quyunun da biri sizin məhəllədə qazılacaq-adınız siyahıda rayon İcra Hakimiyyətinə və yerli idarəmizə göndərilib. Biz də rayon Suvarma Sistemləri idarəsindən maraqlandıq, dedilər ki, düzdü, adınız var və 2022-ci ilin yazında aprel-may aylarında qazılacaq.
Ancaq bu yaz keçdi və gəlib qazmadılar. ASC-nə zəng vurduq dedilər ki, biz sizin adınızı qeydiyyata salıb göndərmişdik və quyu qazılmalıydı, yəqin rayondan siliblər. Biz də rayon Suvarma Sistemləri idarəsinə zəng vurduq və bizə ordan məsul şəxs dedi ki, 2021-ci ilin payızında gələn 5 quyunun içərisində sizin də adınız vardı və Başçı sizin adınızı təsdiqləmədi, ona görə də sizə nəzərdə tutlmuş quyunu başqasına verdilər. Bu il üçün isə 31 quyu göndərilib və burada da rayon İcra Hakimiyyəti adınızı salmayıb. Hətta bununla bağlı, Meliorasiya və Su Təsərrüfatı ASC-dən (sədr müavini Z.Quliyevin imzası ilə) bizə göndərilən 05.08.2022-ci il tarixli rəsmi məktubda da qeyd edilir ki, “2021-ci ilinn sentyabr ayında Səfikürd sakini Hüseynov Nahid Fazil oğlunun yaşayış evinin yanında 1 ədəd subartezian quyusunun qazılması ASC tərəfindən təsdiq edilərək rayon İcra Hakimiyyətinə göndərilmiş, lakin Başçı təsdiq etməmiş və həmin quyunu siyahıdan çıxarmışdır. ( həmin məktubun surətini də əlavə edirik.)
Əziz Prezidentimiz.
Gördüyünüz kimi, Goranboyda İcra Başçısı Sizin biz vətəndaşlara verdiyiniz suyu-subartezian quyularını özü kimə istəyir satır-Yezidlik edir. Sizin Sərəncamınızdan sui istifadə edib pul qazanır, rüşvət yığır, korrupsiya ilə məşğul olur. Bu başçının marağı nədir ki, Sizin kasıblara, dinc əhaliyə hədiyyə etdiyiniz, dövlətin büdcəsi hesabına qazılan və adımıza qeyddiyyata salınan, qazılması planlaşdırılan subartezian quyusunu başqa yerə saldırır.??? -Təbii ki, burda bir maraq var—o da rüşvət. Və bir də kasıb, zəhmətkeş, dinc sakinləri Sizdən narazı salmaqdır..."
Məsələ ilə bağlı dia.az olaraq qarşı tərəfi də dinləməyə hazırıq...
Bu il hədsiz dərəcədə isti keçən avqust ayının əvvəlindən Meliorasiya və Su Təsərrüfatı” ASC-nin internet saytına baxanda ilk növbədə bu tip xəbərlər diqqəti çəkir: “Tovuz rayonunda 23 min hektardan artıq əkin sahəsi suvarılır”; “Sabirabadda yeni nasos stansiya istifadəyə verilib”; “Ağdaş rayonunda 36500 ha əkin sahəsi suvarılır”; “Ağdamda mexaniki üsulla suvarma davam edir”; “Qazaxda əkin sahələrinin suvarılması davam edir”; “Biləsuvarda 39 min hektara yaxın əkin sahəsi suvarılır”; “Suqovuşandan gələn su ilə Tərtərdə əkin sahələri suvarılır” və s.
Redaksiyamıza müraciət edən fermerlər yəqin həmin xəbərlərə baxanda ya inanmırlar, ya da fikirləşirlər ki, ASC onlara münasibətdə ayrı-seçkiliyə yol verir: “Araz çayından başlanğıc götürərək Beyləqan – Ağcabədi – Füzulidən keçən “Xan Qızı” kanalı vasitəsilə Ağcabədinin Qaradolağ, Yeni Qaradolağ, Aran, Mehrablı, Kəbirli kəndlərini su ilə təminatı “düyünə düşüb”. 500 ha pambıq sahəsinin hələ heç birinci mərhələ suvarılması yekunlaşmayıb. İkinci suvarma isə suyun yoxluğu səbəbindən hələ başlamayıb. Ümumiyyətlə, bu ərazidə 1500 hektara əkilmiş pambıq yanmaq üzrədir”.
Qeyd edək ki, avqustun 6-da Azərbaycan Meliorasiya və Su Təsərrüfatı ASC-də sədr müavini Zakir Quliyevin rəhbərliyi ilə respublikanın rayonlarında pambıq sahələrinin su təminatı mövzusunda növbəti videokonfrans keçirilib. Konfransda pambıq sahələrinin su ilə təminatının mövcud hesabatı təqdim edilmiş, rayonlar üzrə suvarmanın təşkilində yaranan çətinliklərlə bağlı müzakirələr aparılmışdır. Videokonfransda Səhmdar Cəmiyyətinin şöbə və sektor müdirləri, həmçinin rayonların yerli istismar idarələrinin rəhbərləri iştirak etmişlər.
İclasda Səhmdar Cəmiyyətinin sədr müavini Zakir Quliyev pambıq sahələrinin suvarılmasının daim nəzarətdə saxlanılması, bu sahədə yerli Dövlət Aqrar İnkişaf Mərkəzləri və pambıqçılıq şirkətləri ilə əlaqəli işin təşkili, mövcud su ehtiyatlarından daha səmərəli istifadə etməklə əkin sahələrinin vaxtında suvarma suyu ilə təmin olunması və hazırda suvarmanın təşkilində mövcud çətinliklərin vaxtında aradan qaldırılması ilə bağlı müvafiq tapşırıqlar vermişdir.
Görünən odur ki, konfrans, iclas, tapşırıq – filan hamısı yalnız “gözdən pərdə asmaq” üçündür. Ortada əməli iş yoxdur. Dövlətimiz, onun başçısı cənab İlham Əliyev ölkə iqtisadiyyatı üçün xeyirli hesab olunan pambıqçılığın perspektivini nəzərə alıb bu sahənin inkişafına dair Dövlət Proqramı üzrə xeyli vəsait ayırsa da, fermerlərə subsidiyalar verilsə də, görünən odur ki, “Meliorasiya və Su Təsərrüfatı” ASC-nin yerlərdəki struktur vahidlərinin vəzifəli şəxsləri öz funksiyalarını yerinə yetirməyərək pulları göyə sovururlar. //aktualxeber.az//
Son günlərin porno ulduzuna çevrilən FHN-nin polkovniki Zaur Həsənovun maraqlı və sürətli karyera yüksəlişi olub. O, Yanğından Mühafizə İdarəsinin rəisi genüral Füzuli Əsədovla qohum olandan sonra , 10 il ərzində polkovnik rütbəsinə yüksəlib. Normalda rütbələrin 3-4 ildən bir verildiyini nəzərə alsaq, onda Zaur Həsənov ən yaxşı halda mayor ola bilərdi.
Teref.az xəbər verir ki, bunu jurnalist Məhəmmədəli Qəribli yazıb. Daha sonra Məhəmmədəli bəy yazır:
Əldə etdiyim dəqiq məlumata görə, Zaur Həsənova polkovnik-leytenant və polkovnik rütbələri şəxsən Füzuli Əsədovun təqdimatı əsasında vaxtından əvvəl, yəni “dosroçnı” verilib. İndi hörmətli Kəmaləddin müəllim Füzuli Əsədovu çağırıb soruşsun ki, belə yüksək səviyyədə “xidmət” təşkil edən kadrla bağlı general rütbəsinə niyə vaxtından əvvəl təqdimat verməyib?
Teref.az
""OBA" Marketlər Şəbəkəsi yenə də öz ampluasındadir, yalançı kampaniyalarını davam etdirir". DİA.AZ bildirir ki, bu barədə "Müştərinin Səsi" sosial qrupundakı paylaşımında Mübariz Mirzəyev adlı istifadəçi giley edir.
`
Daha sonra narazı müştəri yazır:
"5-18 avqust tarixlərində elan olunan kampaniya çərçivəsində Nescafe Gold Kofe (95 qram) məhsulu endirimlə 5,99 manat qiymətinə olmalı idi, lakin ilk gündən indiyə qədər həmin məhsulu həmin qiymətə satışda görən olmayıb.
Özlərindən soruşulsa, deyəcəklər ki, məhsul məhdud sayda idi və qurtarıb.
Bu məhsul isə ümumiyyətlə, heç bir "OBA" marketdə həmin qiymətə satışda olmayıb".
Məsələ ilə bağlı dia.az olaraq qarşı tərəfi də dinləməyə hazırıq...
Uzun illərdi Dövlət Gömrük Komitəsində baş verən korrupsiyada Səfər Mehdiyevin yazın qohumlarının, xüsusən də baldızı oğlu Rafail Niftəliyevin və Rəfailin dayısı Zeynal Tarquluyevin (Səfər Mehdiyevin qaynı) qanunsuz əməllərindən ətraflı yazmışıq. Bəli, DİA.AZ olaraq qeyd etmişdik ki, Enerji Resursları və Dəniz Nəqliyyatı Baş gömrük idarəsinin rəsmiləşdirmə idarəsinin rəisi, Səfər Mehdiyevin baldızı oğlu Rafail Niftəliyev Qazaxstan Respublikasından idxal edilən 146 vaqon akumlyatorlarını 125000-135000 dəyəri olduğu halda 68000-72000 dollar civarında sənədləşdirir. Hər vaqonda ortalama 55000-60000 dollar dəyəri azaldılır. Və 18 % ƏDV hesablansa, təxmini 10000 dollar (17000 manat) mənimsənilir. 2016-cı ildən bəri 146 vaqonda 2 400 000 manatlıq mənimsəmə olub.
Biz vaxtında yazmışdıq ki Azterminal İstehsalat birliyində qanunsuz olaraq iş adamlarından xidmət haqqı adı altında pul yığlır. "Bəyannamələrdə düzəliş edilir" adı ilə qanunsuz ödəniş tələb olunur. DİA.AZ yazmışdı ki, Səfər Mehdiyev qaynı Zeynal Tarquluyevə milyonluq hədiyyə olaraq qısa idxal bəyannamələrdən yığılan pulları hədiyyə edib. Bu gün isə bizim yazdıqlarımızın hamısı öz əksini tapdı və artıq hüquqi aaraşdırma gedir.
Səfər Mehdiyevin baldızı oğlu Enerji Resursları və Dəniz Nəqliyyatı baş Gömrük idarəsinin sabiq rəsmiləşdirmə idarəsinin rəisi Rəfail Niftəliyevin və dayısı (Səfər Mehdiyevin qayni) Azterminal kompleks istehsalat birliyinin sabiq rəis müavinin Zeynal Tarquluyevin işdən kənarlaşdırılma ƏMR lərindən göründüyü kimi müvafiq dövlət orqanlarında acılmış cinayət işləri ilə əlaqədar ciddi araşdırmalar gedir. Hətta ƏMRlərdə həmin dövlət orqanından gələn məktublara istinad edildiyi və məktubun nömrəsinə kimi yazılmışdır.
Təbii ki, dövlətə dəyən zərəri ödəmək lazımdır... Gömrük məcəlləsinin 247-ci maddəsinə əsasən ödənilməmiş gömrük borcuna görə ödəmə günüdə daxil 0.1 % dəbbə tutulur. Bir ildən cox olmuyaraq (yəni 365 gündən cox olmadan) 2 400 000 *0.1%=2400 manat 365 günə 876000 manat. Cəmi birlikdə 2400 000+876000=3 276 000 manat.
Həmin pullarla restoranlarda, saunalarda, qəlyanxanalarda, gəzməkdə, 5 ulduzlu otellərdə kef eliyəndə bilmirdizmi kı dövlətin pulunu yemək olmaz... Bir gün sizə qusduracaqlar. Bax indi o gün gəlib catıb.
Rəfail Niftəliyev Dərnəgüldə yeni tikilidə (novostroykada) iki mərtəbəni bütun satın almışdı. Bir mərtəbəni özünə, birini də qardaşı Əfqanın adına... Təmtaraqlı bağ tikdirmişdi... 4 dənə "Toyota prado" almışdı...və sairə və sairə ... Nə qədər ki azadlıqdadır, təbii ki, hələ bizim bildiyimiz bu əmlakı satıb dövlətdən oğurladıqlarını büdcəyə qaytarmalıdır... Gömrüyə işə girəndə telefonunda kontur olmayan Rəfail indi oliqarx olub... Ailə sürücüsü, şəxsi sürücü və daha nələr.... Nə qədər gec deyil, dövlətdən oğurlananlar dövlətə qayıtmalıdır...
Bizi izləməyə davam edin... Ciddi faktlarıl açıqlayacağıq...
DİA.AZ-ın illər əvvəl hazırda ifşa olunanlara necə işıq saldığının sübutları:
1. 10.03.2020 http://www.dia.az/1/241442-sefer-mehdiyevin-qayni-zeynal-tarquluyeve-milyonluq-hediyyesi.html
2. 22.04.2020 http://www.dia.az/9/245659-sefer-mehdiyev-qayini-zeynal-tarquluyeve-milyonluq-hediyyesi.html
3. 28.07.2020 http://www.dia.az/9/257644-sefer-mehdiyevin-korrupsiya-piramidasi.html
4. 10.08.2020 http://www.dia.az/1/259023-sefer-mehdiyevin-baldizi-oglu-refail-nifteliyevin-bashi-derdde.html
5. 13.08.2020 http://www.dia.az/1/259499-sefer-mehdiyevin-baldizi-oglu-korrupsya-zrvesnde.html
6. 14.08.2020 http://www.dia.az/2/259674-sefer-mehdiyev-bu-faktlarin-qarshisinda-neden-susur.html
7. 25.08.2020 http://www.dia.az/5/260949-sefer-mehdiyevin-baldizi-oglunun-ishi-arashdirilir.html
Yazıda adları çəkiklən bütün şəxsləri dia.az olaraq dinləməyə hazırıq...