Sumqayıt şəhəri Corat qəsəbəsinin Liman və Nərimanov küçələrində zibil qalmaqalı davam edir.
Həmin ərazidə yaşayan sakinlər Qaynarinfo-ya bildirib ki, artıq əlləri yerli rəhbərlikdən üzüldüyünə görə ölkə rəhbərliyinə müraciət etmək məcburiyyətində qalıblar.
“İki ildən çoxdur ki, bu problem mövcuddur. Evimizin qarşısına zibil qutuları qoyublar. Üfunət iyindən evdə oturmaq olmur. Yayda vəziyyət daha dözülməz olur. Evdə xəstəsi olan var, iydən bayıra çıxa bilmir. Təsəvvür edin, qonşulardan birinin 8 yaşlı qızının səhhətində problem var. Uşaq kəskin iylərə qarşı həssasdır. Bayıra çıxan kimi vəziyyəti ağırlaşır, həkim müdaxiləsi olmadan onu özünə gətirmək mümkün olmur. Həmin uşağın valideynləri artıq məcbur qalıb ölkə rəhbərliyinə müraciət edir. Təsəvvür edin, xırda bir problemin əlində gicələk qalmışıq”, deyə sakinlər bildirib.
Onların sözlərinə görə, yerli rəhbərlik müxtəlif bəhanələrlə problemi həll etmək istəmir:
“İcra nümayəndəliyi gah deyir qutuların yerini dəyişəcəm, gah deyir dəyişə bilmərəm, gah da deyir ki, bu Təmizlik Departamentinin səlahiyyətindədir. Təmizlik Departamentindən isə bildirirlər ki, bu barədə bizə rəsmi tapşırıq gəlməsə, qutuları götürə bilmərik. Məsələnin ən gülməli tərəfi isə budur ki, həmin zibil qutuları bizim ərazidə deyil, “Bağlar” massivində yaşayan sakinlər üçün qoyulub. Biz hələ də başa düşə bilmirik ki, başqa ərazidə yaşayan sakinlər üçün nəzərdə tutulan zibil qutuları niyə bizim evimizin qarşısına qoyulmalıdır”.
Sakinlər deyir ki, problemlə əlaqədar Sumqayıtın icra başçısı Zakir Fərəcovla görüşmək istəsələr də, cəhdləri baş tutmayıb:
“3 saylı İcra Nümayəndəliyinə müraciət etdik ki, icra başçısı görüşmək istəyirik. Lakin icra nümayəndəsi Elvaris Əliyev və qurumun əməkdaşları buna mane oldular. Ona görə də məcbur olub Zakir Fərəcova teleqram vurmuşuq. Ümid edirik ki, nəhayət bu problem aradan qalxacaq.
Qeyd edək ki, zibil qutuları üçün yer də var. Həmin qutular qəbirstanlığın aşağı hissəsindəki boş əraziyə qoyub ətrafını çəpərləmək olar ki, əraziyə zibil dağılmasın.
Xatırladaq ki, Qaynarinfo-nun bu məsələ barədə ilk yazısına Sumqayıt Şəhər İcra Hakimiyyətindən verilən cavabda problemin yerində araşdırılacağı və müvafiq tədbir görüləcəyi bildirilmişdi.

“Mənə deyirlər ki, ora daş töksən, cərimələnəcəksən. Başçının sərəncamı olmadan mənim ora daş tökmək fikrim də yoxdur. Ancaq torpağın Çıxarışı, tikintinin layihəsi – hər bir sənədim qaydasında ola-ola başçı sərəncam vermir və səbəbini də əsaslandıran yoxdur. Torpağım elə bir yerdədir ki, sağımda da, solumda da obyektlər var. Məndən sonra torpaq alanlar çoxdan hansısa yolla sərəncam alıb obyektlərini tikib, işlədirlər. Mən rüşvət vermədiyim üçün torpağım ortalıqda qalıb”.

Neftçala sakini Vasif Məcidzadə 2007-ci ildə obyekt inşa etdirmək üçün rayonun Heydər Əliyev prospekti 19C ünvanında torpaq sahəsi alıb. Uzun illər ərzində həmin sahədə tikinti aparmaq üçün bütün sənədləri hazırlayıb. Ancaq növbə icra başçısının sərəncam verməsinə çatanda, necə deyərlər, iş dalana dirənib. Nə əvvəlki, nə də indiki icra başçısı həm torpağa, həm də fərdi tikinti işləri aparmağa bütün sənədləri olan vətəndaşın bu işi görməsi üçün sərəncam vermir. Vasif Məcidzadə 2021-ci ildə icra başçısı Mirhəsən Seyidovun qəbulunda da olub:

“Soruşdu ki, bu yeri nə vaxt almısan? Dedim, 2007-ci ildə. Dedi, o vaxt sənin neçə yaşın olub? Pulu hardan əldə edib torpaq almısan? Dedim, heyvanlarımızı satmışıq, atam köməklik edib, almışam. Halbuki, başçıdan sənədli yerimə obyekt tikintisi üçün sərəncam verməsini istəyirdim, onun vəzifəsinə düşən də onu etmək idi, belə suallar vermək deyildi. Sonra da soruşdu ki, orda nə tikəcəksən? Dedim, hələ bilmirəm. Dedi, birdən mağaza tikərsən ha, rayonda mağaza çoxdur. Beləcə, özünə aidiyyəti olmayan məsələlərdən dırnaqarası öyüd-nəsihətini verdi, dedi, get, sənədlərini yoxlatdıracam, qanunsuz olsa, prokurorluğa verəcəm, çünki əvvəllər rayonda çox qanunsuzluqlar olub, saxta sənədlər verilib”.

İcra başçısının qəbulundan bir həftə sonra Vasif Məcidzadəyə məktub gəlib ki, torpaq sahəsinə görə dövlətə 15 il ərzində üst-üstə yığılmış 650 manat 58 qəpik torpaqpulu borcu var. Borcu ödəyib, üstündən 1 il keçib, ancaq yenə də sərəncam verilməyib. Yenə icra başçısının qəbuluna düşmək istəsə də, düşə bilmir. Əvəzində başına başqa iş gəlib:

“4 aydan çoxdur ki, qəbula düşüb sözümü deyə bilmirəm ki, ay müəllim, dedin, sənədlərini yoxladacam, yoxlatdın, 650 manat 58 qəpik borcumdan başqa heç nə tapa bilmədin. Onu da dedin ödə, ödədim. İndi niyə sərəncam vermirsən? Gedirdim, adımı-soyadımı yazırdılar, deyirdilər, get, filan gün qəbuldur, gələrsən. Dedikləri tarixdə gedirdim, məlum olurdu ki, adımı siyahıya salmayıblar, yalandan deyirdilər, yazılmamısan”.

Nəhayət, Vasif Məcidzadə icra hakimiyyətinin “Facebook”dakı rəsmi səhifəsindən müraciət edərək icra başçısının qəbuluna yazılıb ki, sonra qəbul üçün müraciət etdiyini dana bilməsinlər:

“Qəbul günü getdim, həmişəki kimi yenə müavinləri qəbul edirdi, özü yox… Qəbula gəlmiş vətəndaşların siyahısını tutan bir əməkdaş nə üçün gəldiyimi soruşdu. Sənədlərimə baxdı, dedi, sənin bütün sənədlərin qaydasındadır, sərəncam almağın da iki vur ikidir. Mən sənə kömək edəcəm. Əlaqə nömrəmi götürdü”.

Vətəndaşın iddiasına görə, bir neçə gün sonra icra hakimiyyətinin həmin əməkdaşı ona zəng vurub, görüşüblər. Qurumun əməkdaşı sərəncam məsələsini həll etmək üçün 6 min manat istəyib:

“Dedim, məndən sonra torpaq alanlar obyekt tikiblər, sağımda, solumda obyektlər var, bircə mənim işim daşdan çıxır. Dedi, bu məsələlər belə həll olunur. 6 min manat ver, qısa müddətdə sərəncam səndədir. Bir az da söhbət edib, məbləği 5 min manata saldı. Mən də 1000 manat verdim, dedim, iş düzəlsin, qalanını da verərəm. Bir müddət sonra baxdım ki, heç bir təzə xəbər yoxdur, heç nə etmir, pulumu geri istədim. O pulu ondan almaq üçün iki ay arxasınca düşdüm. O pulu ondan zülmlə geri ala bildim. Deməyim odur ki, vətəndaş başçının qəbuluna gedir, qapısında belələrinin toruna düşür. Başçı vətəndaşı qəbul edib dinləsə, vətəndaşın haqqı olan sərəncamı versə, vətəndaş da belələrinin toruna düşməz”.

Vasif Məcidzadə indiki icra başçısı ilə əvvəlkini müqayisə edir. Deyir, rayona təzə icra başçısı təyin olunanda düşünüblər ki, gəncdir, köhnədən canları qurtarıb, bu, savadlıdır. Ancaq indi Vasif Məcidzadə düşünür ki, yeni rəhbər görüntü üçün işləyir:

“Şəhid, qazi ailələrinə gedir, orda şəkil, burda şəkil… Şəhid ailələriylə fotosessiyalar filan, hər şey görüntü üçün… İşə gələndə, mənim kimi vətəndaşları qapısında süründürür”.

Neftçala Rayon İcra Hakimiyyətindən Meydan TV-yə bildirilib ki, hər həftənin cümə günləri icra hakimiyyətinin başçısı Mirhəsən Seyidovun qəbul günləridir. Başçı hər bir vətəndaşı qəbul edir, dinləyir. Vasif Məcidzadə də qəbula yazıla, icra başçısıyla görüşə, problemini deyə bilər. Əgər vətəndaşın hər bir sənədi qaydasındadırsa, uyğun tədbir də görülər.

Neftçalanın bundan əvvəlki icra başçısı, DTX tərəfindən saxlanılmış İsmayıl Vəliyev mənimsəmə, vəzifə səlahiyyətlərindən sui-istifadə, rüşvətalma cinayətlərinə görə ötən il Lənkəran Ağır Cinayətlər Məhkəməsinin hökmüylə 10 il, qurumun daha bir neçə şöbə müdiri isə müxtəlif illərə azadlıqdan məhrum ediliblər. Bu ilin mayında Şirvan Apelyasiya Məhkəməsi keçmiş icra başçısının cəzası 9 il 6 ayadək azaldılıb.

Meydan TV

Mənbə: dunyaninsesi.az

FHN nin “N” saylı hərbi hissəsinin Mingəçevirdəki mühafizə taborunda özbaşınalıq, rüşvət, oğurluq və səbəbsiz yerə şəxsi heyyəti incidilməsi kimi hallarla bağlı Dünyanınsəsi.Az saytına şok məlumatlar daxil olub.
Mənbə qeyd edir ki, sözügedən hərbi hissənin mühafizə taborunu bir qrup zabitlər özlərinin şəxsi biznes mənbəyinə çeviriblər.
Belə ki, işə rüşvət müqabilində işə gəlməyənlərin yerinə digər şəxsi heyyətin əməkdaşları cəlb edilir. Halbuki hərbi qulluqçular sülh şəraitində bir gün işə gəlib iki gün də evlərinə buraxılmalıdır.Burada aylığa buraxılanların yerinə hər gün xidmətə çıxanlara əlavə maaşda verilmir. Məhz buna görə də hərbi hissədəki özbaşınalıqlar səbəbindən hərbçilər öz ailə problemlərini də həll edə bilmirlər. Bu haqda dəfələrlə yuxarı komandanlığa dəfələrələ şikayət edilsədə heç bir tədbir görülmədiyi bildirilir.Bu cür dözülməz vəziyyətlə barışmayan hərbi qulluqçular isə işdən qovulur.Əvəzin yeni qulluqçular işə qəbul edirlər.Məlumat verən mənbə onu da qeyd edir ki, FHN-in Xüsusi Riskli Xilasetmə Xidmətinə sıravi şəxslərin qəbulu 15-17 min manata başa gəlir.
Həm də bəhs etdiyimiz taboru zabitlər öz şəxsi biznes mənbəyinə çevirməklə sıravi qulluqçulara isə fəhlə kimi davranıldığı qeyd edilir.Mənbə qeyd edir ki, butun bunlarin başında qərargah rəisi Baş leytenant Faiq Muradxanovun durduğu da bildirilir. Gəncədəki hərbi hissədən tabora yeni gələn və adını “Qazi” qoyan Baş leytenant Fərid Ağayev də hərbi hissədə açıq şəkildə qoçuluq etməkdədir.

Tabordakı texnikalar və yanacaqla da bağlı vəziyyət ürəkaçan deyil

Məlumatda qeyd edilir ki, texnikalar yarasız olsada təmir və ehtiyyat hissələri şəxsi vəsaitlə alınmaqla hər ay yanacaqla bagli yeyintiler olub.Bu yanacaq kartindan silinmələrlə bağlı dəfələrlə yuxarı komandanlığın xəbəri olsada hər dəfə də ört-basdır edilib.

Mingəçevir Su hövzəsində balıq oğurluğuna görə kimlər həbs edilib?

Saytımız məlumat verən mənbə qeyd edir ki, iki, üc ay əvvəl “Caspian Fish” və “Caspian Farm” şirkətlərində külli miqdar balıq oğurlanıb.Hər iki şirkətə məxsus olan vətəkələri FHN nin XRXX- nin N sayli hərbi hissəsi qoruyur.Şirkətlərə məxsus olan vətəkələrin ərazisində sözügedən hərbi hissənin iki postu olduğu da bildirilir.Baş vermiş balıq oğurluğunun başında tabor komandiri mayor Səbuhi Məsimzadənin və kapitan Baxşəli Məmmədovun daynadığı iddia edilsədə onlarda məsuliyyətə cəlb edilməyib.Halbuki sözügedən oğurluqda Baxşəli Məmmədovun qardaşının əli olduğundan onun da həbs edilidiyi qeyd edilir.
Ağ balıq oğurluğunda adları keçən zabitlər azadlıqda qalmağı bacarsa digər iki nəfər şirkətin mühavizəçiləri həbs edilib.
Ümumilkidə bu hərbi hissə komandirlərinin iş birliyi nəticəsində “Caspian Firsh” və “Caspian Farm” şirkətlərinə ümumilikdə 200-300min manata yaxin ziyan dəydiyi iddia edilir.Mühavizə taborunun komandiri su hövzəsində iki nəfər müli şəxsi cəlb etdirməklə mühavizə olunan ərazilərdə katerlərlə balıq ovu etdirdiyi də bu ittihamların sırasındadır.

Səsləndirilən ittihamla bağlı qarşı tərəfində mövqeyini dərc edə bilərik.

Dünyanınsəsi.Az

PİA.az-ın elektron poçtuna Siyəzən və Nizami rayonlarının sabiq icra başçısı Arif Qasımovun işlədiyi müddətdə yol verdiyi korrupsiya və qanunsuzluqlarla bağlı məlumat daxil olub. Məlmatda bildirilir ki, Arif Qasımovun icra başçısı işlədiyi rayonu dövlətin müəyyən etdiyi qaydalarla deyil, özünün şəxsi biznes maraqlarına uyğun şəkildə idarə edib ki, bunun da nəticəsində topdağıtmaz səltənətə sahiblənməyə müvəffəq olub.

Arif Qasımov olduqca “unikal” adamdır. Məsələn, sabiq icra başçısı olmasına baxmayaraq vəzifədə olduğu dövrdə mənimsədiyi vərdişləri bu gün də davam etdirir. Həbsxanada olmadığına görə Tanrıya şükr etmək əvəzinə, özünü nümyişkəranə şəkildə “toxunulmaz adam” kimi göstərən Qasımov Nizami rayonunu indi də özünün şəxsi ofisindən “idarə” etməyə çalışır. Qısası, Qasımovun “Qara Mühasibatliği” bu gün də Nizami rayonundan əl çəkmir. Elə əməllərə imza atılır ki, bütün bunlar barədə daha geniş və detallı şəkildə danışmaq zərurəti var. Hələlik başlayaq Arif Qasımovun icra başçısı olduğu dönəmlərə təsadüf edən qanunsuz əməllərindən.

Əldə etdiyimiz dəqiq məlumatlara görə, Arif Qasımov Nizami rayonu İcra Hakimiyyətinin başçısı vəzifəsində çalışdığı dövrlərdə özünə topdağıtmaz səltənət qura bilib. Bu yazıda Qasımovun səltənətinə daxil olan bir neçə obyektdən, vəzifə səlahiyyətlərindən sui-istifadə edərək saxta sənədlər hazırlamasından, eləcə də iş adamlarından aldığı külli miqdarda rüşvətin müqabilində sərəncam verəcəyi vədini yerinə yetirməməsindən bəhs edəcəyik.

Arif Qasımovun biznes imperiyasına daxil olan obyeklərin bir çoxu başqa-başqa adamların adına rəsmiləşdirilib. Əvvəllər obyektlərini, ələ keçirdiyi əraziləri qaynanası Cəfərova Fizzə Mirhəmid qızının adına qeydiyyata aldırsa da, sonradan iz itirmək məqsədilə həmin obyektlər başqa adamların adına keçirilib. Məsələn, bu sırada Qara Qarayev prospektində - “Rahat” marketin qarşısında yerləşən və “Konkakt Home” mağazalar şəbəkəsi tərəfindən icarəyə götürülmüş ikimərtəbəli tikilini göstərmək olar. Bu obyek Arif Qasımovla müştərək bir neçə tikinti layihəsində iştirak etmiş iş adamı Elsevərin əməkdaşlarından birinin adına sənədləşdirilib. Qasımov Elsevər adlı iş adamı ilə birgə çoxmərtəbəli bina da inşa etdirib. Bu bina Rüstəm Rüstəmov küçəsində yerləşir.

Sabiq icra başçısının Anar adlı iş adamı ilə də bir neçə müştərək işi olub. Burada bir məqamı qeyd edək ki, Qasımov həm də o icra başçılarından olub ki, təzyiq yolu ilə özünü müxtəlif obyektlərə şərik kimi qəbul elətdirib. Onun Anar adlı iş adamı ilə birgə sahiblik etdiyi restoran sonradan Qasımova Maştağa qəsəbəsində böyük bir “parnik” qazandırıb. Belə ki, Anar öz “parnikindən” Arif Qasımovun xeyrinə imtina etməklə şərikli restoran işlətmək əzabından qurtula bilib.

Qara Qarayev prospektindəki “Ağ Çiçəyim” mağazasının yanındakı paltar mağazası da sabiq icra başçısına məxsusdur. Nədənsə bu obyek hələ də Qasımovun qaynanasının adına qeydiyyatdadır. Görünür obyektlərin sayının çox olması səbəbindən Qasımov bu mağazanın addan-ada keçirilməsi əməliyyatını hələlik yekunlaşdıra bilməyib.

Sabiq icra başçısı Nizami rayonundakı biznesini özünün məşhur qalasından - “Ofis” kimi tanınan binadan idarə edir. Bu binanın tikintisinin isə ürək üzən tarixçəsi var. Belə ki, Məmmədəli Şərifli küçəsi ilə kəsişmədə yerləşən sözügedən binanı tikmək üçün əvvəlcə torpağın və oradakı evin sahibi olan şəhid anasını razı salmaq ehtiyacı yaranıb. Lakin şəhid anası təkliflərlə razılaşmayıb və bu da Qasımovu bərk qəzəbləndirib. Günlərin birində isə şəhid anasına məxsus olan evdə qeyri-müəyyən səbəblərdən yanğın baş verib. Bu müəmmalı hadisəni ərazidə yaşayan sakinlər hələ də xatırlayırlar. Yağından dərhal sonra Arif Qasımov həmin ərazidə özünə ofis inşa etdirib və bu gün də oranı özünün iş yeri kimi istifadə edir.

İndi gələk məşhur “Neolit” restoranına. Bu obyek əvvəllər Arif Qasımovun qaynanasının adına olub. Sonradan Elsevər adlı iş adamının adına sənədləşdirilib. Maraqlıdır ki, “Neolit”ə görə Arif Qasımov hələ də Yaşar adlı iş adamı ilə mübahisə yaşayır və bu mübahisə zaman-zaman qalmaqal səviyyəsinə də çatır.
Teref.az olaraq qeyd etmək istəyirik ki, saytımızın poçtuna Arif Qasımovla bağlı daha ilginc məlumatlar daxil olub. Gələn sayımızda o faktlarla oxucuları tanış edəcəyik...
Teref.az

Teref.az-ın poçtuna daxil olmuş şikayət məktubunu oxuculara təqdim edirik:
Göyçay rayonu Qaraman kənd sakini bloger Mustafayev Rəvan Aydın oğlu tərəfindən

ŞİKAYƏT

Yevlax şəhərində yerləşən Mərkəzi Aran Regional Təhsil İdarəsində korrupsiya hallarının araşdırılması ilə məşğul oluram.İlk olaraq məktəb yeməkxanalarından haqq toplanılması barədə apardığım araşdırmanı təqdim edirəm.

Məkəzi Aran Regional Təhsil İdarəsinin Nüsrət adlı işçisi şəhər və kənd məktəblərinin yeməkxanalarını işlədən şəxsləri Göyçay şəhəri 3 saylı tam orta məktəbdə, həmçinin də idarənin strukturuna daxil olan digər rayonlarda başqa-başqa məktəblərdə toplayaraq bu ilin sentyabr ayının əvvəlində iclas keçirmişdir.İdarənin Nüsrət adlı işçisi Məkəzi Aran Regional Təhsil İdarəsinin müdiri Elçin Kərimov tərəfindən göndərildiyini, Azərbaycan Respublikasının Elm və Təhsil Naziri Emin Əmrullayevin tapşırığına əsasən 2022-2023-cü təhsil ilindən etibarən şəhər məktəblərində hər şagird üçün 0.30 qəpik, kənd məktəbləri üçün isə 0.25 qəpik aylıq ödəniş etməli olduqlarını və həmin ödənişlərin təqdim ediləcək kart hesabına vurulmalı olduqlarını bildirmişdir. İclas iştirakçıları tərəfindən mənə verilən video görüntülərdən açıq aşkar görünür ki, regional idarənin müdiri Təhsil nazir Emin Əmrullayevin adından istifadə edərək öz korrupsiya əməllərini həyata keçirmək istəyir.
Bununla yanaşı əlavə olaraq vergi ve digər məcburi dövlət ödənişlərini də işçilərin özləri ödəməli olduqları diqqətlərinə çatdırmışdır.Etiraz edən işçilər Yevlax şəhərində yerləşən Məkəzi Aran Regional Təhsil idarəsinə gedərək, idarənin müdiri Elçin Kərimovla görüşərək qərarla razı olmadıqlarını, vergi, Dövlət sosial müdafiə fonduna ödənişləri etdiklərini, hər məhsulun üzərinə 3-4 qəpik qoyub satdıqlarını, həmçinin valideynlər övlandlarına məktəbə gələndə qida məhsulları alıb çantaya qoyduqlarından məktəb yeməkxanalarına məktəblilərin kiçik bir hissəsinin gəldiyini bildirmişdirlər. Məkəzi Aran Regional Təhsil İdarəsinin direktoru Elçin Kərimov idarənin strukturuna daxil olan məktəblərin yeməkxanalarının işçilərini dinlədikdən sonra sentyabr ayının 15 günün, həmçinin bayram günlərinin çox olduğu aylarda güzəşt olunacağı bildirmişdir.Bununla da razılaşmayan işçilərə kim nə ödəyə bilər deyərək Elçin Kərimov İdarədə bazar açmış, 400 manat ödəməli olan məktəblər aylıq 300 manat ödəyəcəyini, 100 manat ödəməli olanlara isə 60 manat ödəməyə razı salmağa çalışmışdır.Bundan artıq güzəşt edə bilməyəcəyini Azərbaycan Respublikasının Təhsil Nazirli Emin Əmrullayevin birbaşa göstəriş verdiyini dəfələrlə qeyd etmişdir. Bununla yanaşı Məkəzi Aran Regional Təhsil idarənin müdiri Elçin Kərimov əlində olan səlahiyyətdən istifadə edərək, məktəb direktorlarının vasitəsi ilə yeməkxana işçilərinin tələb olunan məbləğin alınmasına çalışır.Məktəb direktorları regional idarənin müdiri Elçin Kərimovun tapşırığına əsasən tələb olunan məbləği ödəməyən yeməkxana işçilərini məktəb ərazisinə buraxmır.Bu vasitə ilə Elçin Kərimovun korrupsiya üzərində qurulmuş biznesinin çiçəklənməsinə şərait yaradır. Qeyd edək ki, Məkəzi Aran Regional Təhsil idarəsi bu ilin may ayında, Mingəçevir şəhəri, Ağdaş, Göyçay, Kürdəmir, Ucar, Yevlax və Zərdab rayon təhsil şöbələrinin əsasında yaradılıb. Təxmini hesablamalarımıza görə Regional idarənin rəhbəri Elçin Kərimov tabeliyində olan məktəblərin 50000 manata yaxın vəsaiti vəzifə səlahiyyətlərindən sui istifadə və hədə qorxu gəlməklə əldə etməyi planlaşdırir.İdarənin rayon məktəblərinə göndərilmiş Nüsrət adlı işçisi, həmçinin də Yevlax şəhərində narazı işçiləri qəbul edən Elçin Kərimov Elm və təhsil Naziri Emin Əmrullayevin göstərişinə əsasən yığıldığını və həmin vəsaitlər hesabınabu vəsaitin məktəbin təmir və müəllimlər üçün mükafatlandırmaya xərclənməsinin nəzərdə tutulduğunu bildirmişdir.Lakin Məkəzi Aran Regional Təhsil idarənin müdiri Elçin Kərimovla görüş zamanı bu vəsaiti şəxsi istifadəsi və Təhsil Nazirliyinə rüşvət vermək üçün toplandığı açıq aşkar şəkildə görünür.
Gəlin bu korrupsiya faktını Məkəzi Aran Regional Təhsil İdarəsinin işçilərinin dilindən dinləyək.

Bloger Rəvan Mustafayev
Teref.az olaraq şikayətdə toxunulan iddialarla bağlı qarşı tərəfin mövqeyini dərc etməyə hazırıq!
Teref.az