QOŞQAR TƏHMƏZLININ QOÇULARINA «DUR» DEYƏN OLACAQMI?! — AQTA-NIN QUBA – XAÇMAZ REGIONAL BÖLMƏSININ RƏISI TORPIL YARADIR? -TƏFƏRRÜAT

Yaradılıb 22.07.2023 11:25 | Baxış sayı: 390
Ardını oxu...

Yenixeber.org: Xaçmaz rayon sakini Cəbiyeva Validə Eldar qızının redaksiyamıza növbəti müraciəti daxil olub. Əvvəlki iki müraciətində o Azərbaycan Respublikası Qida Təhlükəsizliyi Agentliyinin Quba-Xaçmaz Regional Bölməsində işləyən oğlunun sektor müdiri tərəfindən təhqir olunub, döyülməsindən və bu hadisənin rəhbərlik tərəfindən təqdir olunmasından bəhs edirdi. Biz bu müraciətlər əsasında «Qoşqar Təhməzlinin ərköyün kadrları…-Onlar həm suçlu, həm də güclüdür» və «Qoşqar Təhməzli kadrlarına nəzarət edə bilmir — AQTA-nın Quba-Xaçmaz Regional Bölməsində Rəzalət -DE-FAKTO» sərlövhəli yazılar dərc etmişdik.

(Bu linklərdən oxuya bilərsiniz:  https://yenixeber.org/manset/152554-qo%C5%9Fqar-t%C9%99hm%C9%99zlinin-%C9%99rk%C3%B6y%C3%BCn-kadrlar%C4%B1.html) və (https://yenixeber.org/manset/152704-qo%C5%9Fqar-t%C9%99hm%C9%99zli-kadrlar%C4%B1na-n%C9%99zar%C9%99t-ed%C9%99-bilmir-aqta-n%C4%B1n-quba-xa%C3%A7maz-regional-b%C3%B6lm%C9%99sind%C9%99-r%C9%99zal%C9%99t.html)

Bu müraciətində də Validə xanım ona və oğluna qarşı AQTA səlahiyyətliləri tərəfindən haqsızlığın, qanunsuzluğun davam etdiyini yazır. «Yenixeber.org» olaraq bu dəfə də yazıda adları hallanan tərəfləri dinləmək istiqamətindəki cəhdlərimiz nəticəsiz oldu…

Aktuallığını nəzərə alıb, müraciəti müəyyən düzlişlərlə dərc edirik: 

«Mən “Yenixebe.orgr” saytının redaktoru cənab İlqar Salmanova iki dəfə müraciət edərək AQTA-nın Quba – Xaçmaz Regional Bölməsində oğlumun iş otağında sektor müdiri tərəfindən döyülməsi hadisəsini açıqlamışdım. AQTA-nın rəhbərliyinə dəfələrlə etdiyim yazılı ərizələr nəticəsiz qaldığı üçün son ümid kimi dərdimi internet vasitəsi ilə bildirmək istəmişəm. Lakin mənim bu açıq müraciətimə də, AQTA-nın rəhbərliyi səssiz qalıb. İnternet saytlarında AQTA-nın rəhbərinin – Qoşqar Təhməzlinin insanın əl və ayaq barmaqlarının sayı çatmayacaq qədər çox olan şəxsi müəssisələrinin siyahısını gördüm. Bu zamana qədər AQTA-nın rəhbərinin oğlumun iş yerində döyülməsinə münasibət bildirməməsi, tədbir gösməməsi mənim ürəyimi ağrıdır və təəccübləndirirdi. İndi təəccüb hissim yoxdur. O qədər şəxsi “obyektləri” olan AQTA-nın rəhbərinin mənim oğlumun döyülməsinə diqqət yetirməyə vaxtı ola bilərmi? Bu qədər çoxlu “obyektlərin” gəlir-çıxarına nəzarət etmək, onların problemlərini nizama salmaqdan AQTA-nın rəhbərinin vaxtı varmı ki, bir də oğlumun döyülməsi ilə məşğul olsun?!

Çox böyük işmiş! Hansısa kiçik bir işçini onun rəhbərlik etdiyi orqanın yerli şöbəsində sektor müdiri döyüb!!! Nə olacaq ki? Buna onun vaxtı varmı ki, diqqət yetirsin?! Heç bu da işdi? Hansısa kiçik işçini əvəzolunmaz hesab etdiyi sektor müdiri cavab qaytardığı üçün döyüb. Buna görə də həmin kiçik işçinin ahıl anası onu – AQTA-nın rəhbərini narahat edib, günahkarın – buna yol vermiş AQTA-nın Quba – Xaçmaz Regional Bölməsinin rəisinin və oğlumu döyən işçinin cəzalandırılmasını tələb edir!!! AQTA özününkü hesab etdiyi işçilərini o qədər əvəzolunmaz hesab edir ki, hətta Quba-Xaçmaz Regional Bölməsindəki bəzi işçilərə əlavə güzəştlər tətbir edir. Belə ki, oradakı bəzi işçilər – (Əgər AQTA-da bununla maraqlanmaq istəsələr adlarını verə bilərəm) AQTA-nın müxtəlif strukturlarında eyni vaxtda 2 ayrı vəzifə tutub, hər vəzifəyə görə də aylıq əmək haqqı alırlar. Maraqlıdır, işçi vəzifəsindən aslı olmayaraq təyin olunduğu vəzifədə 8 saatlıq iş günü normasında çalışdığına görə əmək haqqı alır. (Bu mövcud əmək qanunvericiliyinə əsaslanmış normadır) Lakin bu işçilər eyni vaxtda necə olur ki, ayrı-ayrı iş yerlərində çalışıb, əmək haqqı alırlar?! Bu necə sehirbazlıqdır belə? Bəlkə həmin işçilər özlərini klonlaşdırıblar, eyni vaxtda ayrı strukturlarda müxtəlif vəzifələrdə çalışa bilirlər? Nə qədər ixtisaslı kadrın iş ilə təmin olunmaq üçün müraciətləri illərlə məhz bu tərəf tutan rəhbərlər tərəfindən təmin olunmur. AQTA-da isə bəzi “imtiyazlı” işçilər 2 işlə təmin oluna bilirlər. AQTA-nın rəhbərliyinə bir sual vermək istərdim: Görəsən rəhbərlik yerlərdəki qurumlara rəhbərlik etmək üçün vəzifəli şəxsləri təyin edərkən onlardan hansı tapşırıq və öhdəlikləri tələb edir? Sözsüz ki, kollektivə vicdanla rəhbərlik etmələrini, işçilər arasında əmək nizam-intizamının olmasını, vəzifəcə aşağı işçilərin hüquqlarının müdafiəsini, müvafiq sahə üzrə dövlətimizin, hörmətli Prezidentimizin Qanun, Fərman və normativ aktlara riayət olunmasını təmin etmələrini tələb etməlidir.

Bəs Sizin – AQTA-nın rəhbərinin Quba – Xaçmaz Regional Bölməsinin rəisi nə edir? Bütün bunların tam əksinə — üstün işçiyə kiçik işçini döydürür. Oğlumu döyən sektor müdirini bütün bu işlə əlaqəli orqanlarda müdafiə edən sənədlər göndərir, həmin sektor müdirini müdafiə edir. Necə olur ki, Oğlumun 28.12.2022-ci il tarixdə AQTA-nın QUBA – Xaçmaz Regional Bölməsinin inzibati binasında, iş otğında döyüldüyü günə aid inzibati binanın daxilində və həyətində quraşdırılmış təhlükəsizlik kamerasının videogörüntüləri yoxa çıxır?
Həmin videogörüntülər olduğu halda niyə görə sektor müdirinin tabeliyində işləyən işçilərin ifadəsi əsas götürüldü?

Mənim sektor müdirini döydüyüm yalanını uyduran sektor müdirinin ifadələri niyə videokameralarla yoxlanılmadı? 62 yaşlı, II qrup əlil qadın cavan oğlanı döyə bilərmi? Məntiq haradadır?

Əgər mən və oğlum bölmənin iş otağında bu qədər ictimai qayda-qanunu pozmuşuqsa, niyə həmin gün, sonrakı günlərdə bölmənin rəisi Zaur Fərzəliyev hüquq-mühafizə orqanlarına xəbər vermədi?!
Niyə həmin gün bu hadisənin baş verməsi haqda akt və ya həmkarlar təşkilatının iclas protokolu tərtib olunub, məhz həmin gün AQTA-nın internet saytına göndərilmədi?!
Hər bir halda rəis Zaur Fəzrəliyev baş verən hadisədə məsuliyyət daşımırmı?

AQTA hətta mənim göndərdiyim ərizədən sonra belə bu şəxslərin – Zaur Fərzəliyevin və sektor müdirinin AQTA-nın strukturlarında hal-hazırda da işləməsinə şərait yaradır. Bildirirəm ki, bu şəxslər adi işçilər deyil, məsul vəzifəli şəxslərdir. Kollektivin nizam-intizamına birbaşa cavabdeh olan bu şəxslər haqqında heç bir cəza 
tədbiri görülmədi!!! Hətta hadisəni AQTA-ya xəbər verdikdə bizi – oğlumu və məni Agentliyə çağırıb bu hadisənin araşdırılmasına məsul olan Elgiz adlı işçi tərəfindən hədə-qorxuya məruz qaldıq. Həmin işçi bizi dövlət işçisinə böhtan atmaqla şantaj etdi. Dəflərlə sübut olaraq “Müşahidə kamerası görüntülərinə baxın” tələbimizə əhəmiyyət verilmədi. 
Bütün bu hadisələrdən sonra gəldiyim nəticə budur: 
— Oğlumun qəsdən, bilərəkdən sektor müdiri tərəfindən aylarla təhqir olunmasına göz yumulub. Kollektiv də bu sektor müdirindən nədənsə qorxub, çəkinirlər. Rəis Zaur Fərzəliyev həmişə bu şəxsə havadarlıq edib. Bunun sübutu da Z.Fərzəliyevin işçini döyən bu sektor müdiri haqda çox-çox müsbət xarakterizə edən 
sənəd verməsidir!
Maraqlıdır tabeliyində olan 10-15 işçisinə rəhbərlik edə bilməyən, kollektivdə nizam-intizam qurmağı bacarmayan, hətta bəzi işçilərə torpil yaradan AQTA-nın Quba – Xaçmaz Regional Bölməsinin rəisi Zaur Fərzəliyev böyük bir rayon əhalisinin qida təhlükəsizliyinə necə nəzarət edə bilər?
Hörmətli Qoşqar müəllim, bəlkə bundan sonra vaxt tapıb oğlumun Sizin rəhbərlik etdiyiniz AQTA-nın Quba-Xaçmaz Regional Bölməsində iş otağında döyülməsində günahkar olan, məsuliyyət daşıyan rəhbər işçiləriniz haqqında tədbir görəsiniz». 

Yenixeber.org

KTN-NIN TƏNQID ETDIYIMIZ MƏMURU TALANÇILIQDA VƏ VƏZIFƏ SAXTAKARLIĞINDA ITTIHAM OLUNUR

Yaradılıb 22.07.2023 11:23 | Baxış sayı: 304
 
 
Ardını oxu...Ardını oxu...Ardını oxu...Ardını oxu...

Sadiq oxucularımız xatırlayarlar, bir müddət əvvəl Neftçala Dövlət Aqrar İnkişaf Mərkəzinin (DAİM) direktoru Ramil Salmanov və Heyvan Sağlamlığı və Baytarlıq Xidməti İdarəsinin (HSBXİ) rəisi Alim Rüstəmovun qanunsuz əməlləri, təcrübəli mütəxəssisləri şantaj etməklə ləkələyib işdən uzaqlaşdırmaları, məqsədlərinə uyğun adamları cəlb etməklə mühiti özlərinkiləşdirmələri barədə saytımızda “KTN-nin Neftçaladakı iki məmuru təzə nazirə şikayət olundu” sərlövhəli tənqidi yazı dərc olunmuşdu.

Məqalədə etibarlı mənbələrə istinadən bildirilirdi ki, Ramil Salmanov idarədaxili yığım söhbətlərini Alim Rüstəmovla həyata keçirir. Həmin məqalədən bəzi sitatların altını cızırıq: “Süni mayalanma mütəxəssislərindən hər birindən 500 manat yığırdılar (2020, dekabr). 2020-ci il subsidiyalarının inteqrasiyası zamanı idarədə bazar açmışdılar. Ramil Salmanov yüksək maaş alması bir yana, 3 maşın idarə edir, qeyri-peşəkar olmaqla, Salyan rayonundan hər gün 140 km uzaq məsafə yol gəlib-gedir. Baytarlığın özəlləşdirilməsi dövrünə keçdiyi müddətə qədər Alim Rüstəmova həvalə edilmiş idarə maşınının sürücüsü Ağayev Ramil Əlpaşa oğlu heç vaxt işdə olmamışdır. O, süd alveri edən və şəxsi maşını olan birisidir. Hazırda işləmir, işlədiyi dövrdə Alim Rüstəmov şoferin əmək haqqı kartı ilə 15 min manata yaxın nəğdləşdirmə edib. İdarə maşınını yalnız şəxsi çöl işlərinə sərf edir, pambıq əkərək mal-material, gübrə toxum-çiyid daşıyır. İki dəfə sərxoş vəziyyətdə yol polisi əməkdaşları ilə mübahisə edib… Alim Rüstəmovun qanunsuz əməlləri KİV-də ictimailəşəndən sonra iki töhmət alıb və idarə əməkdaşlarının hamısı iki rüb əlavə mükafatlardan məhrum olub… İdarədə vaksinləri anbardar əvəzinə özü paylayır ki, bu da yolverilməzdir”.

Bu günlərdə redaksiyamıza daxil olan məlumata görə, Neftçala DAİM -in direktoru Ramil Salmanovun havadarlıq etdiyi Azərbaycan Respublikasının Cinayət Məcəlləsinin 179.2.3, 179.2.4 və 313 — cü maddələri ilə ittiham olunan Neftçala HSBXİ — nin rəisi Alim Rüstəmovun 1(053)-48/2023 saylı cinayət işinə Neftçala rayon məhkəməsinin hakimi Ceyhun Qədimov tərəfindən 19.05.2023 –cü il tarixdən baxılır. Sonuncu məhkəmə prosesi 16.08.2023 –cü il tarixdə olacaq.

Xatırladaq ki, CM-nin 179-cu maddəsinə görə, mənimsəmə və ya israf etmə, yəni təqsirkara etibar edilmiş özgə əmlakını talama əməli təkrar törədildikdə (179.2.3), xeyli miqdarda ziyan vurmaqla törədildikdə (179.2.4.) — dörd min manatdan yeddi min manatadək miqdarda cərimə və ya əmlakı müsadirə olunmaqla və ya olunmamaqla bir ildən üç ilədək müddətə azadlığın məhdudlaşdırılması və ya iki ildən beş ilədək müddətə azadlıqdan məhrum etmə ilə cəzalandırılır.

CM-nin 313-cü maddəsinin (Vəzifə saxtakarlığı) tələbinə görə, vəzifəli şəxs, eləcə də vəzifəli şəxs olmayan dövlət qulluqçusu və ya yerli özünüidarə orqanı qulluqçusu tərəfindən rəsmi sənədlərə və ya informasiya resurslarına bilə-bilə yalan məlumatların daxil edilməsi, habelə göstərilən sənədlərdə və ya informasiya resurslarında onların həqiqi məzmununu təhrif edən düzəlişlərin edilməsi, bu əməllər tamah və ya sair şəxsi niyyətlərlə törədildikdə — min beş yüz manatdan üç min manatadək miqdarda cərimə və ya bir ildən iki ilədək müddətə islah işləri və ya iki ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, əmlakı müsadirə olunmaqla iki ilədək müddətə azadlıqdan məhrum etmə ilə cəzalandırılır.

Neftçalanın tərəqqipərvər kənd təsərrüfatı işçiləri bu qənaətdədirlər ki, əslində Alim Rüstəmov 19.05.2023 — cü il tarixdə iş məhkəməyə gələrkən vəzifədən cıxarılmalı idi. Belə ki, saxtakarlığı təsdiq olunan və vurduğu ziyanla əlaqəli ödəmələri xeyli əvvəl ödəyən şəxs vacib icra orqanlarında rəhbər vəzifədə qala bilməz.

Deryaz.az

AAAF Park sakinindən ŞİKAYƏT – “Həyətimizi zəbt edib qanunsuz obyekt tikirlər”

Yaradılıb 22.07.2023 11:20 | Baxış sayı: 276

 
Ardını oxu...
     

Xırdalan şəhəri AAAF Park Yaşayış Kompleksinin girişində qanunsuz tikinti işləri aparılır.

Xalqxeber.az bildirir ki, bununla bağlı Bizim.Media-ya sözügedən Kompleksin sakini Rasim Adıgözəlov müraciət edib.

İddiasına görə yaşadığı Xırdalan şəhəri Heydər Əliyev prospekti 167, 24 saylı küçədəki binanın həyəti qanunsuz zəbt edilib. 6 sotluq ərazidə 2 mərtəbəli obyekt tikilir və tikinti işlərinə təxminən 1 həftəyə yaxındır ki, başlanıb.

Şikayətçi yaşadığı binanın həyətinin həm sakinlərə, həm də uşaqların oyun oynamaq üçün məhdudlaşdırıldığından gileylənib:

“Yaşadığım binanın həyətini qanunsuz zəbt edib obyekt tikirlər. Mənim kimi burada yaşayan xeyli sayda sakin qanunsuz zəbtetmədən narazıdır. Binanın həyətində uşaqlar velosiped sürür, futbol oynayır, sakinlər bu hissədən hərəkət edir. 3 yan-yana böyük binanın üz hissəsi yanğına davamsız penaplas üzlükdən ibarətdir. Bu isə gələcəkdə baş verəcək yanğın hadisəsinə görə çox böyük təhlükədir. Üstəlik yanğınsöndürən maşınların əraziyə girib çıxması mümkün olmayacaq.

Gecə-gündüz tikinti aparılır. Ərazidəki ağacları öz vəsaitimiz hesabına əkmişik. Artıq ağaclardan birini qoparıb atıblar. 10-a yaxın 10 illik ağacları da çox güman ki, məhv edəcəklər. Tikintini aparan şirkət ərazidəki yolda hərəkəti də məhdudlaşdırıb. AAAF Park bu əraziləri kiməsə satıb və özbaşına tikinti gedir. Şirkətlə müqavilə bağlayan hansısa sahibkar ötən dəfə əraziyə gəlmişdi. Etirazımızı bildirdik. “Bura ata yurdumdur, nə istəyərəm tikərəm”.

Şikayətçinin sözlərinə görə 215 mənzilli əhali riskə atıldığı üçün FHN-in Tikintidə Təhlükəsizliyə Nəzarət Dövlət Agentliyinə bu barədə müraciət ediblər.

Qurumdan əraziyə baxış keçirilsə də, tikinti dayandırılmayıb və etiraz edən vətəndaşlara hər hansı məlumat verilməyib.

Qeyd edək ki, sözügedən problemlə bağlı tikinti normalarına və qaydalarına da riayət olunmayıb. Bina ilə yeni tikinti arasında 4 metr ara məsafəsi saxlanılıb. Halbuki binalar arasındakı məsafə yan-yana binalarının hündürlüklərinin cəmi qədər olmalıdır. Minimum isə ikisinin hündürlüyünün cəminin yarısı qədər olmalıdır. Əgər evlərin arasında yol varsa, yolun eni ən azı iki metr olmalıdır. Yoldan sonra isə iki metr səki olmalıdır. Bütün bunlara riayət olunarsa, həmin kompleksdəki binaların arasında 25-30 metrə qədər məsafə olmalıdır.

Məsələ ilə bağlı FHN-in Tikintidə Təhlükəsizliyə Nəzarət Dövlət Agentliyinə müraciət etsək də, qurumdan sorğumuza qarşı səssizlik nümayiş etdirilib.

Ayrıca AAAF Parkla da əlaqə saxladıq. Şirkətin satış rəsmisi Səidə xanım səlahiyyətli şəxs olmadığı üçün məsələ barədə açıqlama verə bilməyəcəyini söyləyib.

Adlarını çəkdiyimiz qurumların mövqeyini dərc etməyə hazırıq.

Mövzunu diqqətdə saxlayacağıq.

VİDEO BURADA:
https://player.bizim.media?v=19934&share_user_id=

Gədəbəydə sahibkarlara DİVAN TUTURLAR... - Başçı görmürmü?

Yaradılıb 22.07.2023 11:10 | Baxış sayı: 323
Ardını oxu...
Prezident İlham Əliyev dəfələrələ xəbərdarlıq etməsinə baxmayaraq hələ də bölgələrdə bəzi dövlət məmurları, yerli icra orqanlarının rəhbərləri, nümayəndələri sahibkarlıq subyetlərinə yem kim kimi baxırlar.Belə bir hadisə Gədəbəy rayonunda baş verib.
Bu haqda Dünyanınsəsi.Az saytına Gədəbəy rayonun Slavyanka kəndi ərazisndə sahibkarlıq fəaliyyəti ilə məşğul olan İsgəndərov Vüsal Zakir oğlu tərəfindən göndərilən video-şikayətdə bildirlir.
Şikayətçi qeyd edir ki, Gədəbəy rayonun İnzibati ərazi dairəsi üzrə nümayəndəsi Ələkbərov Vidadi Qəmbər oğlu ərazidə fəaliyyət göstərən sahibkarlıq subyektlərindən 300-500 manat civarında pul tələb edir.Adında qoyub ki,yığılan bu pul vəsaitləri guya kənddə körpü tikintisinə lazımdır.
Halbuki Slavyanka kəndində mərhum Gülməmmədov Tofiq Məhəmməd oğlu şəxsi vəsaiti hesabına ümumi istifadə üçün metal konustruksiyadan körpü saldırmışdır.Ərazidə yaşayan bütün sakinlər də bu körpüdən rahatlıqla istifadə edirmiş.Sözügedən körpü kənd sakinlərinin bildirdiyinə görə kənd icra nümayəndəsi Vidadi Ələkbərov tərəfindən kəsilərək metal qəbuletmə məntəqəsinə satılıb.Yerli sakinlərdə ondan tələb edirlər ki,satılan körpünün pulları hara gedib? O isə bildiri ki, kəndin kəndxudası mənəmsə. mən bilərəm.Siz kimsiniz məndən haq-hesab çəkirsiniz?
Kənd sakinləri icra nümayəndəsinə bildiriblər ki, sizdən lazımı dövlət qurumlarına şikayət edəcəyik.O isə bildirib ki, kimə və hara əliniz uzundursa şikayət edin.
Slavyanka kəndindəki körpünü şəxsi vəsaitləri hesabına saldıran Gülməmmədov Tofiqin həyat yoldaşı məsələ ilə hətta bağlı Daxili işlər Nazirliyinin 102 xidmətinə də şikyaət edib.
Gədəbəyə yeni icra başçısı təyinatına qədər Vidadi Ələkbərov rayonun memarı olub.Hər kəs onun keçmiş fəaliyyəti dövüründən narazılıq edir.Bildirilər ki, rayon ərazisində kimsə özünün həyətində belə “it” damı tikdirə bilməzdi.Çünki hərhansı bir tikinti işi üçün vətəndaşlar mütləq onun bığının altınan keçməyə məcbur imiş.
Şikayətçi Vüsal İsgəndərov isə media vasitəsi ilə Baş prokuror Kamran Əliyev cənablarından
xahiş edir ki, vəzifə səlahiyyətlərindən sui-istifadə etməklə sahibkarlardan pul tələbi etmiş eləcə də dəyəri 30 min manat olan körpünü sataraq mənimsəyən icra nümayəndəsi barəsində qanunamüvafiq formada ölçü götürülməsinə göstəriş versin.
Redaksiya olaraq qarşı tərəfin də mövqeyini dərc edə bilərik.
Gədəbəyli sahibkarın video-şikayətini təqdim edirik:

 

 “Sərhədci” İdman Kompleksində ÖZBAŞINALIQ... - VİDEO

Yaradılıb 22.07.2023 11:06 | Baxış sayı: 305
Ardını oxu...
“Sərhədçi” İdman Kompleksində üzgüçülük dərsləri adı ilə məşqçilər özbaşınalıq yaradıb. Valideynlərdən aylıq məşqlər üçün 50 manat alınsa da, heç bir dərs keçilmir. Kvotadan artıq sayda uşaq baseynə buraxırılır. Yaş həddinə məhəl qoyulmur, məşğələ adı ilə insanlara sərinləmə xidməti göstərilir.

Ətraflı videomaterialda: //azinforum.az//

 

Hafiz Hacıyevin gömrükdə işləyən oğlunun tikilməkdə olan milyonluq obyekti narazlıq yaratdı - VİDEO

Yaradılıb 22.07.2023 10:59 | Baxış sayı: 262
Ardını oxu...
Dünən Bakı şəhəri Nərimanov rayonu, Ələsgər Qayıbov küçəsində, “Eurohome” tikinti materiallarının satış mərkəzinin qarşısında naməlum obyekt tilməsi ilə bağlı yazı dərc etmişdik.

Ərazidə fəaliyyət göstərən kiçik sahibkarların bildirdiyinə görə, obyekt rayon ərazisindən keçən əsas su boru xəttinin demək olarki üstündə inşa edilir. Həmçinin tikinti ərazisinin 1 metrliyində dövlət əhəmiyyətli bir neçə kabel xətti keçir.

Tikinti zamanı əsas su boru xəttinin zədələndiyi və su sızması baş verdiyi bildirilir. Bundan başqa obyektin tikinti standratlarına cavab vermədiyi iddia edilir.

Məsələ ilə bağlı Dövlət Şəhərsalma və Arxitektura Komitəsi və FHN-nin Tikintidə Təhlükəsizliyə Nəzarət Dövlət Agentliyinin inşa edilən obyektlə bağlı tədbir görəcəyinə ümüdvar olduğmuzu bildirmişdik hətta ərazi yerindən qısa video da təqdim etmişdik.

Hurriyyet.Az xəbər verir ki , sözü gedən nəməlun obyektin Müasir Müsavat partiyasının sədri Hafiz Haciyevin gömrük orqanlarında çalışan oğlu Raul Hacıyevə məxsus olması məlum olub.

Raul Hacıyev hər gün sözü gedən ərazidə görünərək, tikintiyə nəzarət edir və ustalara göstərişlər verir. Hətta məsələ ictimailəşəndən sonra hadisə yerinə aidiyyatı təşkilatlar dərhal gələrək, yoxlamalar aparıb.

Gələn yoxlama Raul Haciyevə, obyektin 2-3 metrliyindən keçən ana su xəttinin ətrafını dərhal betonlayıb həmçinin hasarlamasını məsləhət görüblər. Bildoriblər ki, media nümayəndələri gəlib, görməsin və çəkiliş apararkən qanunsuzluqlar kadrlara düşməsin.

Ərazidə fəaliyyət göstərən kiçik sahibkarlar bildirirlər ki, sözü gedən obyektin tikintisi ətraf üçün açıq-aşkar təhlükə yaradır və onların iş faliyyətinə mane olur. Sahibkarlar aidiyyatı qurumlardan təhlükəli tikintinin dayandırılmasını xahiş edirlər.

 
 
 

"BAKI APELLYASİYA MƏHKƏMƏSİNİN HAKİMİ ELBƏY ALLAHVERDİYEV DƏLƏDUZU ÖLKƏDƏN QAÇIRTMAQ İSTƏYİR"

Yaradılıb 22.07.2023 10:58 | Baxış sayı: 290
Ardını oxu...
"Təzadlar" qəzeti redaksiyasında olan bir qrup şikayətçinin söylədiklərinə inanmasaq da, təqdim etdikləri şikayət ərizələrində yazılanlar inanılmaz idi. Onlar Bakı Apellyasiya Məhkəməsinin hakimi Elbəy Allahverdiyevin çoxsaylı vətəndaşlara qarşı milyonlarla manatlıq dələduzluq etmiş, barəsində həbs qətimkan tədbiri seçilmiş Qənbərov Cahangir Muslat oğlunu ev dustaqlığına buraxmaqla onun yenidən ölkəni tərk edib qaçmasına hazırlıq gördüyünü yazırlar. Aşağıda Prezident İlham Əliyevə, ədliyyə naziri Fikrət Məmmədova, Bakı şəhər Apellyasiya Məhkəməsinin sədri Mübariz Əkbərova və "Təzadlar" qəzeti redaksiyasına ünvanlı şikayətlərini təqdim edirik:

"Çox hörmətli cənab Prezident!

Hörmətli cənablar!

Bildiririk ki, bizə qarşı kütləvi dələduzluq etmiş Qənbərov Cahangir Muslat oğlunun cinayət işi ilə bağlı məhkəmə istintaqı hazırda Bakı Apellyasiya Məhkəməsinin hakimi Elbəy Allahverdiyevin sədrliyi ilə məhkəmə baxışındadır. Lakin təəssüf hissi ilə bildiririk ki, hakim Elbəy Allahverdiyev dələduzluğu tam sübuta yetirilmiş bu şəxsi hansısa maraqlar naminə məhkəmə zalından buraxmaq istəyir. Məqsəd isə budur ki, dələduzluq əməli törətmiş

Qənbərov Cahangir Muslat oğlu məhkəmə zalından buraxılaraq ölkəni tərk etsin. Artıq onun qohumlarından əldə etdiyimiz məlumatlar belədir və təsdiqini tapmaqdadır. Hansı ki, o, buna bir dəfə cəhd etmişdir və Hava Nəqliyyatında Baş Polis İdarəsinin əməkdaşları tərəfindən saxlanılaraq istintaq orqanına təhvil verilmişdir.

Cənab Prezident!

Bir daha Sizdən xahiş edirik ki, hakim Elbəy Allahverdiyevin biz-aşağıda adları qeyd olunan vətəndaşlara qarşı dələduzluq etmiş (hansı ki, aramızda Qarabağ Müharibəsinin veteranları da vardır), dələduzluq əməli törətmiş Qənbərov Cahangir Muslat oğlunun məhkəmə qərarı ilə ölkədən qaçıb çıxışına şərait yaratmasının qarşısının alınması üçün aidiyyəti üzrə göstəriş verəsiniz.

Onu da bildiririk ki, bu cinayət işi Nərimanov RPİ-nin İŞ-nin baş müstəntiqi, polis mayoru Məmmədov Elnur Telman oğlunun icraatında olmuşdur. (Azərbaycan Respublikası CM-nin 178.4-cü maddəsi ilə istintaq olunan 230060377 nömrəli cinayət işinin materialları). Müstəntiqin peşəkarlığı sayəsində müəyyən edilmişdir ki, 01.07.1983-cü ildə Ermənistan Respublikasında doğulmuş, Azərbaycanlı, Azərbaycan Respublikası vətəndaşı, evli, Bakı şəhəri, Sabunçu rayonu, Sabunçu qəsəbəsi, Dilqəm Kişəvəri küçəsi, ev 15-də qeydiyyatda olan, Bakı şəhəri, Suraxanı rayonu Hövsan qəsəbəsi Zeytun kəndi, Məktəbli küçəsi, ev 96, mənzil-17 ünvanında yaşayan Qəmbərov Cahangir Musulat oğlu toplanmış kifayət qədər ilkin sübutlarla təqsirləndirilmişdir. Belə ki, o, etibardan sui-istifadə etmə və aldatma yolu ilə özgə əmlakını ələ keçirərək zərərçəkmiş biz- aşağıda adları çəkilənlərə külli və xususilə külli miqdarda ziyan vurmaqla təkrarən dələduzluq etmişdir.

Xatırladırıq ki, Qəmbərov Cahangir Musulat oğlu tamah niyyəti ilə özgənin əmlakını etibardan sui-istifadə etmə və aldatma yolu ilə ələ keçirmək məqsədilə tanışı Rəşidov Tamerlan Elman oğluna İran İslam Respublikasından sənaye xammalı olan “PVS” (kroşka) alaraq Azərbaycana gətirdilməsini, burada istehsal edərək baha qiymətə satacağına, əldə olunacaq yüksək qazanca onu şərik edəcəyinə inandırmışdır. Və ondan ilkin olaraq 09 may 2022-ci il tarixdə yaşadığı Bakı şəhəri Nərimanov rayonu, Kral Hüseyn küçəsi, ev 66A saylı ünvanda 100.000 (yüz min) manat, 2022-ci ilin oktyabr ayının 15-dək hissə-hissə olmaqla ümumilikdə 581.436 (beş yüz səksən bir min dörd yüz otuz altı) manat pulunu ələ keçirməklə zərərçəkmiş şəxs Tamerlan Rəşidova xüsusilə külli miqdarda ziyan vurmaqla dələduzluq etmişdir.

Bundan başqa, Qəmbərov Cahangir Musulat oğlu təkrarən tamah niyyəti ilə özgənin əmlakını etibardan sui-istifadə etmə və aldatma yolu ilə ələ keçirmək məqsədi ilə 21 aprel 2023-ci il tarixdə Bakı şəhəri Nəsimi rayonu Azadlıq prospekti 21 ünvanında yerləşən Məlikov Hacıbala Qasım oğlunun işlədiyi “Premıum Store” mobil telefon və aksessuarlar mağazasında dəyəri 2400 manat təşkil edən 01 ədəd “İphone 14 pro” markalı, “128 QB” modelli mobil telefonu alaraq pulunu 4-5 gün ərzində ödəyəcəyinə dair ona yalandan vəd verib aldadaraq, mobil telefonu ələ keçirərək zərərçəkmiş şəxs Hacıbala Məlikova ziyan vuraraq dələduzluq etmişdir.

Eləcə də Qəmbərov Cahangir Musulat oğlu təkrarən tamah niyyəti ilə özgənin əmlakını etibardan sui-istifadə etmə və aldatma yolu ilə ələ keçirmək məqsədilə, İran İslam Respublikasından PVS (kroşka) məhsulunu Azərbaycan Respublikasına gətirib istehsal etmək adı ilə 2021-ci ildən etibarən 2023-cü ilin aprel ayının 30-na dək hissə-hissə olmaqla ümumilikdə 155.000 ABŞ dolları ekvivalentində 263500 (iki yüz altmış üç min beş yüz) manat ümumilikdə pul vəsaitini ələ keçirərək zərərçəkmiş şəxs Qafarov Bahaddin Baba oğluna külli miqdarda ziyan vurmaqla dələduzluq etmişdir.

Qəmbərov Cahangir Musulat oğlu bununla da kifayətlənməmiş və o, təkrarən Bakı şəhəri Sabunçu rayonu Məhəmmədi qəsəbəsində yerləşən “MASTEL HOLDİNG“ MMC-nin təsisçisi olan Aslanova Dilbər Əliağa qızının həmin şirkətində direktor vəzifəsini 25.10.2022-ci il tarixdən 15.05.2023-cü il tarixədək olan müddətdə icra etmiş, şirkətin bütün əməliyyatlatları, səlahiyyətləri ona həvalə edilmiş, şirkətə xaricdən və ölkə ərazisindən daxil olan bütün malları o, özü şəxsən qəbul edib, satışını da özü həyata keçirmiş, şirkətə olunan bütün ödənişləri nağd, köçürmə yolu ilə əməliyyatları icra etmiş, 488.020 manat əsas borc, 44.757 manat, 08 qəpik ƏDV- borcu “MASTEL HOLDİNG“ MMC-nin onun tərəfindən başqa şirkətlərə qəsdən borclar yaratmışdır. Nəticədə etibardan sui-istifadə edərək ümumilikdə 532.777 manat, yəni külli miqdarda ziyan vurmaqla dələduzluq etmişdir.

Qəmbərov Cahangir Musulat oğlu Bakı şəhər sakini Niftəliyev Nurəddin Xasay oğlunu aldadaraq guya zavoda şərik etmək adı altında ona 70 min manat pulunu ələ keçirmişdir.

Həmçinin Qəmbərov Cahangir Musulat oğlu təkrarən tamah niyyəti ilə özgənin əmlakını etibardan sui-istifadə etmə və aldatma yolu ilə ələ keçirmək məqsədilə tanışı Mütəllimov Əhməd Aydın oğluna özünü işgüzar şəxs kimi tanıdaraq onun etibarını qazanmaqla, qabaqcadan düşünülmüş şəkildə İran İslam Respublikasından sənaye xammalı olan “PVS” (kroşka) alaraq Azərbaycan Respublikasına gətirib, burada istehsal edərək yüksək qiymətə satacağına, sonradan isə “PVS” (kroşka) istehsalı zavod üçün 24.000 ABŞ dolları ekvivalentində, 40.800 manata Abşeron rayonu, Məhəmmədi kəndində torpaq sahəsini aldırmış, həmin torpaq sahəsində zavod açdırdığına, zavodun fəaliyyət göstərdiyinə inandıraraq, əldə olunacaq qazanca onu şərik edəcəyinə vəd verib, inandırmaqla ilkin olaraq, 01 dekabr 2020-ci il tarixdən həmin ilin dekabr ayının 11-dək, zavod üçün xammal olan, 865.148 ABŞ dolları ekvivalentində 1.470.752 manat məbləğində DOP yağını, Türkiyyə Respublikasından aldıraraq, Azərbaycan Respublikasına öz adına gətizdirərək, dəyərindən daha aşağı qiymətə sataraq pulunu ələ keçirmişdir. Sonra isə öz adına gəlmiş 66 ton cəmi 116.000 ABŞ dolları məbləğində dop-yağını gömrükdən qəbul edib, borclu olduğu başqa şəxsə pul əvəzinə borcunu əvəzləndirmək üçün Qəmbərov Bahəddin Baba oğluna verməklə qeyd olunan əmlakı ələ keçirmişdir.

O, 15.03.2023-cü il tarixdə 5000 manat, 21.02.2023-cü il tarixdə 32850 ABŞ dolları ekvivalentində 55845 manat, 01.06.2023-cü il tarixdə 500 manat, 13.06.2023-cü il tarixdə 250 manat, 16.06.2023-cü il tarixdə 300 manat pulu istifadəsində olan bank kartına köçürtdürmüş, 20.05.2023-cü il tarixdə Bakı şəhəri Nərimanov rayon Əliyar Əliyev küçəsi 27 ünvanında ofisdə 8000 ABŞ dolları ekvivalentində 13600 manat pulunu, 22.06.2023-cü il tarixdə Bakı şəhəri Nərimanov rayon Əliyar Əliyev küçəsi 27 ünvanında ofisdən 400 manat məbləğində öz adına Türkiyə Respublikasına getmək üçün bilet aldıraraq, ümumilikdə pul vəsaitini qəsdlə alıb ələ keçirərək zərərçəkmiş şəxs Əhməd Mütəllimova 1.546.647 manat məbləğində, yəni xüsusilə külli miqdarda ziyan vurmaqla dələduzluq etmişdir.

Beləliklə də, Qəmbərov Cahangir Musulat oğlu Azərbaycan Respublikası CM-nin 178.4-cü maddəsində nəzərdə tutulan cinayət əməlini törətmişdir. Bütün bunlar Nərimanov RPİ-nin İŞ-nin baş müstəntiqi, polis mayoru Elnur Məmmədovun istintaq qərarında da öz əksini tapmış, sonra təqsirləndirilən Qəmbərov Cahangir Musulat oğlunun barəsində Nərimanov rayon Məhkəməsinin qərarı ilə həbs qətimkan tədbiri seçilmişdir. Lakin Qəmbərov Cahangir Musulat oğlu bu qərardan apellyasiya şikayəti verərək məhkəmə zalından ev dustaqlığına çıxmaq istəyir. Bunun üçün isə Bakı şəhər Apellyasiya Məhkəməsinin hakimi Elbəy Allahverdiyevlə qanunsuz əlaqəyə girərək bu qeyri-qanuni niyyətini həyata keçirmək istəyir.

Cənab Prezident!

Bir daha xahiş edirik, hakimin bu qanunsuz hərəkətinin qarşısının alınması üçün tədbirlər görülsün.

İmzalar:

Rəşidov Tamerlan Elman oğlu

Qafarov Bahaddin Baba oğluna

Nurəddin Niftəliyev\,

Əhməd Mütəllimov

Aslanova Dilbər Əliağa qızı və başqaları

20 iyul 2023-cü il, Bakı şəhəri"

REDAKSİYADAN: inanırıq ki, vətəndaşlara qarşı etibardan sui-istifadə etməklə milyonlarla manat ziyan vurmaqla dələduzluq əməli törətmiş Qəmbərov Cahangir Musulat oğlunun barəsində olan həbs qətimkan tədbiri qərarı Bakı Apellyasiya Məhkəməsində dəyişdirilmədən qüvvədə saxlanılacaqdır. //tezadlar.az//
 

DÖNƏRXANALARDAN ƏTİ BU İKİ ŞİRKƏTDƏN ALMAQ TƏLƏB OLUNUR? - “AQTA sahibkarları hər hansı şirkətə yönləndirə bilməz”

Yaradılıb 22.07.2023 10:25 | Baxış sayı: 202
Ardını oxu...
“Azərbaycan Qida Təhlükəsizliyi Agentliyinin (AQTA) əməkdaşları dönər satılan obyektlərdə reydlər apararaq, sahibkarlara xəbərdarlıq edirlər. Tələbləri isə budur ki, sahibkar dönər hazırlanarkən istifadə olunan ət məhsulunu mütləq şəkildə “Halal Pak” və “AzBanvit” şirkətlərindən almalıdır. Bunu guya mənşəyi məlum olmayan ətlərin bazara daxil olmasının qarşısını almaq məqsədi ilə etdiklərini deyirlər. Əks halda 900 və 5000 manat cərimə, növbəti dəfə eyni hal təkrarlanarsa cinayət məsuliyyətinə cəlb olunacağımızla bağlı bizi hədələyirlər”.

Bunları “AzPolitika.info”-ya müraciətində dönər biznesi sahəsində çalışan bir qrup sahibkar bildirib.

Onlar daha yaxşı və öz reseptləri əsasında hazırlanan ət məhsulunu satmaq istəsələr də, buna icazə verilmədiyini deyirlər. Sahibkarlar mövcud vəziyyətin inhisarçılığa səbəb olduğunu və bunun biznes fəaliyyətlərinə mənfi təsir etdiyini bidirirlər.

Məlumat üçün qeyd edək ki, 2012-ci ildə ölkədə Standartlaşdırma, Metrologiya və Patent üzrə Dövlət Komitəsinin 106 nömrəli əmri ilə dönərin hazırlanma standartları müəyyən edilib. Elə həmin ilin oktyabr ayından başlayaraq qərar tətbiq edilməyə başlanılıb. Həmin vaxt dönərxanaları ətlə təmin edən 3 şirkət müəyyən olunmuşdu. Onlar - “Azbanvit”, “Elba MMC” və “Çudo Peçka” müəssisələri idi.

Bir müddət sonra “Elba MMC” və “Çudo Peçka” şirkətləri bu sahədəki fəaliyyətlərini dayandırdıqlarını açıqlayıblar. 20 aprel 2018-ci il tarixdə isə Prezidentin qərarı ilə Standartlaşdırma, Metrologiya və Patent üzrə Dövlət Komitəsi ləğv edilib. Bundan sonra dönər sahəsinə nəzarət Qida Təhlükəsizliyi Agentliyinə keçib.

Bu mövzuyla bağlı AQTA-nın İctimaiyyətlə əlaqələr sektorunun müdiri İlkin Kərimov “AzPolitika.info”-ya açıqlamasında bildirib ki, qurum tərəfindən dönərxanalarda planlı və plandankənar yoxlamalar aparılır:“Bu yoxlamalar Ədliyyə Nazilriyindən çıxarış və ya “Qaynar xətt”ə ünvanlanan şikayət əsasında keçirilir. Biz vaxtaşırı bu yoxlamalarla bağlı qurumun rəsmi saytında məlumat dərc edirik”.

İ. Kərimov qeyd olunan faktların araşdırılmalı olduğunu bildirib:“Bu məsələ araşdırılmalıdır. Dönərxanalarda xəbərdarlıq və ya tövsiyyə xarakterli belə məlumatlar verilə bilməz. Əgər bu faktlar öz təsdiqini taparsa, biz bununla bağlı ən sərt tədbirləri görəcəyik. Bu cür halla qarşılaşan sahibkarlar “1003 - Qaynar xətti”nə zəng vuraraq, şikayətlərini bildirməlidirlər”.

Qeyd edək ki, “AzBanvit”-in rəsmi səhifəsində qeyd olunur ki, şirkət 1996-cı ildən Azərbaycanda “Banvit” markasının nümayəndəsi kimi fəaliyyətə başlayıb. 2011-ci ilin yanvar ayından etibarən Azərbaycan şirkəti "AzProtein Foods Group” kimi “AzBanvit” markası adı altında dana əti istehsalı ilə məşğul olur. Fermaya 6 aylıq ikən gətirilən buzovların kəsim yaşına qədər burada yetişdirildiyi qeyd olunur.

“Halal Pak” şirkəti ilə bağlı isə internet resurslarında heç bir məlumata rast gəlmədik.

İqtisadçı-ekspert Xalid Kərimli “AzPolitika.info”-ya şərhində bildirib ki, AQTA məhsul alımıyla bağlı sahibkarları hər hansı bir şirkətə yönləndirə bilməz:“AQTA yalnız ətin sertifikatının olub-olmaması ilə bağlı sahibkardan sənəd tələb edə bilər. Bu qida sənayesində normal bir haldır. Çünki alınan məhsul standartlara uyğun olmalıdır. Bu standartlara əməl olunmayan zaman bazara mənşəyi məlum olmayan ət məhsulları daxil ola bilir”.

Ekspert qeyd edir ki, Azərbaycanda həmin standartlara uyğun fəaliyyət göstərən cəmi iki şirkətin olması düşündürücüdür:“Ölkədə bu standartlara uyğun olan cəmi iki şirkət varmı, yoxmu? Bu, bilinmir. Əgər digər şirkətlər standartlara uyğun fəaliyyət göstərə bilirsə və AQTA onlardan deyil də, məhz bu şirkətlərdən ət almağı tələb edirsə, bu, qanun pozuntusudur. Hesab edirəm ki, ət satıcıları da işlərini AQTA-nın tələblərinə uyğun qurmalıdırlar”.

Məlumat üçün qeyd edək ki, hazırda təkcə paytaxt Bakıda 15 mindən artıq dönərxana fəaliyyət göstərir. Bu dönərxanaların böyük əkəsriyyətində AQTA tərəfindən verilən təhlükəsizlik sertifikatına rast gəlmək mümkündür. Sual olunur ki, əgər AQTA müsəssisədə satılan məhsulun təhlükəsizliyinə dair sertifikat verirsə, onda ikinci dəfə “təhlükəsizlik” adı altında sahibkarları niyə bu iki şirkətə yönləndirməyə çalışır?

Sözsüz ki, bu cür tələblər ölkədə sahibkarlıq və azad rəqabət mühitinə ciddi şəkildə mənfi təsir göstərmək, sahibkarları dövlətdən narazı salmaqdan başqa heç bir işə yaramır…

Xaçmazın icra başçısı 150 minlik `Berlin Divarı`nı YIXDI - VİDEO

Yaradılıb 22.07.2023 10:24 | Baxış sayı: 139
Ardını oxu...
Xaçmazın keçmiş başçısı Şəmsəddin Xanbabayevin dövründə dövlət büdcəsindən xortumlanan 150 min manata tikilmiş divar sökülüb.
Tribunainfo.az bildirir ki, hazırkı icra başçısı Elnur Rzayevin tapşırığı əsasında yerli camaatın “Berlin divar”ı adını verdiyi tikinti yerlə-yeksan edilib. Nəticədə 150 min manat daş-divara hörülərək yoxa çıxıb. Amma indi abadlıq adı ilə yenə büdcə pulları yağmalanacaq.
Məsələ budur. Yəni söküntü heç də müsbət addım deyil, bunun davamı kimi quruculuq adı ilə pul silib yeni işlər görəcəklər.

 

Mürsəlovdan şikayətlər PA-da ÖRT-BASDIR EDİLİRMİŞ... - İLGİNC FAKT

Yaradılıb 21.07.2023 11:49 | Baxış sayı: 232
Ardını oxu...
Şəmkir rayonunun Ağlavaşlı kəndində artezian qiymətlərini birdən-birə adambaşına 50 manata qaldırıblar. DİA.AZ JAMAZ.İNFO-ya istinadla xəbər verir ki, bu barədə sosial şəbəkələrdə məlumat yayılıb.

Kənd sakinləri bildiriblər ki, bu fantastik vəsaiti ödəməyə gücləri çatmır. “Üstəlik, bu vaxta qədər 0.70 qəpik olan ödənişin birdən-birə 50 manata qaldırılması anlaşılan deyil”.

Onlar qeyd ediblər ki, bu qiymət artımı təkcə sahə artezianlarına deyil, kənd daxilində içməli və texniki su imkanlarını qarşılayan artezianlara da aiddir. Məlumatda deyilir ki, həmin pulun, yəni hər artezian üzrə ailə üzvlərinin adambaşına 50 manat ödəməyəcəyi təqdirdə artezianların söndürüləcəyi, ayrıcdan aralanacağı bildirilib. Qiymətin isə rəsmi əsaslarla qaldırıldığı iddia olunur.

Qeyd edək ki, qiymətin bu həddə qaldırılması o deməkdir ki, Şəmkir rayonu üzrə milyonlarla manat əlavə pul yığılması nəzərədə tutulub. Sakinlər deyirlər ki, bu soyğunçuluqdur. “Bu bizə, sadə vətəndaşa və fermerə qənim kəsilmək deməkdir”.

Şəmkir rayon İcra Hakimiyyəti və Su-Meliorasiya Komitəsinin məsələyə münasibəti məlum deyil.

Dünyapress TV

Xəbər lenti