 |
|
|
Rayon Təhsil Şöblərinin ləğv edilərək RTİ-lərin yaradılması müsbət bir addım olaraq cəmiyyət tərəfindən müsbət qarşılanmışdı. Lakin bəzi RTİ rəhbərləri bu prosesin başına elə oyun gətirdilər ki, hamı peşiman oldu. Belə əsrarəngiz və çoxçalarlı fəaliyyəti ilə seçilənlərdən biri də Abşeron-Xızı RTİ-nin müdiri İlhamə Abdullayevadır.
İlhamə Abdullayeva əsasən özünə sərfəli kadrları təyinetmə metoduna üstünlük verir. Onun kadrlarının kimliyinə gəlincə maraqlıdır ki imtahanlardan keçən, iki kəlmə sözü bir-birinin ardınca düzməyi bacarmayıb da super esse yazan, müsahibədə isə İlhamə xanımın sehrli çubuğu vasitəsilə hamar yolla irəliləyənlərin 90%-i rəfiqələri və keçmiş dostlarıdır desək, yanılmarıq. Xüsusən Ab.eron məktəblərindəki direktor təyinatları bunu deməyə əsas verir. Odur ki bir neçə ildən sonra bu regionda təhsilin bərbad hala düşdüyünü eşitsəniz, heç də təəccüblənməyin.
İlhamə xanımın təyinetmə metodunun əsrarəngizliyinin əsas xüsusiyyətlərindən biri əvvəlcə çox dolaşıq bir labirintin yaradılması, sonra bu labirintdən çıxış yolu kimi yeganə variantın olmasıdır. Bunu Evdə Fərdi Təhsil Məktəbinin timsalında izah edək.
Əvvəlcə qeyd edək ki, 21 saylı məktəbdən rüşvətxorluğa görə şikayət əsasında qovulan direktor Vladim İbrahimov ən məsuliyyətli işin başına gətirilib. Səbəb isə odur ki, İlhamə Abdullayeva Evdə Fərdi Təhsil məktəbinin keçmiş direktoru Mehman Adıgözəlovla gözəl bir sistem sayəsində milyonlarla gəlir əldə edirdi. Mehman Adıgözəlovun işdən azad edilməsi İlhamə xanımın da gəlirinə böyük təsir edirdi. Odur ki, elə sistemi onu quran Mehmanının vasitəsilə idarə edilməsi labüd hesab edilib. Mehmanın işdən azad edilməsindən sonra müavini olan Sevda Əliyevaya direktorluğun müvəqəti icrası həvalə edilir. Lakin bir müddət sonra öz maraqları naminə Sevda sistemdə dərs bölgülərində dəyişiklik etməklə İlhamə və Mehmanın biznesinə ziyan vurur. Bu dəfə həmin Sevda Əliyeva məktəbdən “sürgün edilir”. Fərli direktor tapa bilməyən İlhamə xanım İlham Mirzəyevi direktor əvəzi təyin edir. Çox keçmir ki, İlham da ayıq-sayıqlığı nəticəsində milyonların başının üstündən İlhamə və Mehmanın cibinə axmasına göz yuma bilmir. Bu niyyətindən xəbər tutan Mehman əlbir olduğu İlhamə xanıma məsələni danışır. İlhamə xanım isə öz növbəsində “katyoluna” toxunanın evini viran qoyur. Qısa müddətdə xəbər yayılır ki, sən demə İlham Mİrzəyev Evdə Fərdi Təhsil Məktəbində korrupsiya əməli ilə məşğul olurmuş. İ.Abdullayevanın iradəsindən kənar qərarlar verən İlham Mirzəyev də bunun bədəlini çox ağır ödəyir.
Növbəti qurban Ceyran Həsənova adlı xanım seçilir… Hansı ki bu gün də həmin məktəbdə müəllimə olaraq işləməkdə davam edir. Ceyranın direktoru əvəz etməsi isə yenə də Mehmanın razılığı və İlhamə xanımın qərarı ilə reallaşır. Ceyran Həsənova işlədiyi müddətdə deyilənlərə görə bir və ya iki dəfə o büdcəyə ehtiyac ucbatından yüngülvari toxunur. Və onun bu addımı da cəzasız qalmır. Bu dəfə Prokurorluğa şikayət daxil olur və Ceyran tutduğu mövqedən rahat şəkildə çıxarılır.
Burda bir haşiyə çıxaq. Sizcə, nöqsanı olmayan şəxsi tutduğu postdan necə endirmək olar?
Qeyd olunan gedişatlar dövründə Tibbi Komissiyanın sədri İsa Tərlanov da İlhamə xanımın qəzəbinə gəlir. Ümumi maraqlara xidmət etməkdən boyun qaçıran İsa Tərlanov tutduğu vəzifəsindən Sumqayıt Təhsil şöbəsinin rəhbəri tərəfindən azad edilir. Bu isə artıq Mehman-İlhamə cütlüyünün işlərində irəliləyişə səbəb olur.
Nəhayət, Ceyranın da cəzalanmasından sonra növbə Yadigar İmanova gəlir. Məktəbə direktor əvəzi təyin edilən Yadigar ilk günlərdə işinin rahat olacağını düşünür. Lakin oyunlar bitmədiyindən daim kənardan kimlərə nə qədər saat verilməli olduğu barədə göstəriş birbaşa Mehmanın özündən daxil olur. Çünki Yadigar özü də Mehman Adıgözəlovun təhsil mafiya quruplaşmasının üzvlərindəndir. Yadigarın Mehman tərəfindən açıq şəkildə idarə edilməsi bütün Sumqayıt əhalisinə məlum olur. Bu isə biabırçılığın pik nöqtəsi idi. Aşkara çıxan idarəçilik biabırçılığı tez zamanda təmizlənməli olduğundan Mehman təcili tədbir görmək zorunda qalır. Bu dəfə yeni bir kadr olan və 21 saylı məktəbdə barəsində şikayətlərin tükənmədiyi, lakin ona sadiq olan birini, yəni Vladim İbrahimovu Evdə Təhsilin rəhbəri kürsüsünə təyin etdirir. Çünki V.İbrahimovun da adı rüşvət və korrupsiyada hallandığından gözükölgəli idi və sözə baxacağına tam əminlik vardı. Çox maraqlıdır ki insan işdən azad edilməsinə baxmayaraq kreslonun kimə veriləcəyinə də özü qərar verir və özü də idarə edir. Vladim İbrahimovun əslində maket olduğunu Sumqayıtda bilməyən yoxdur. Amma Vladim müəllim də təcrübəli biri olduğundan Mehmanın ayağını hələlik çox tapdalamır. Çünki bilir ki, İlhamə xanımın həyat yoldaşı Cəmil Əliyev həmkəndlisi olsa da katyol məsələsində güzəştə gedəsi deyil. Bəlkə də özünə qalsa, Vladim müəllim o qədər də dərinə getməz, rüşvət mexanizmində bəzi güzəştlər edərdi. Lakin Mehman Adıgözəlovun “Domokl qılıncı” kimi başı üzərində dayanması və bu qılıncı da İlhamə xanımın mütəmadi olaraq itiləməsi ona bu imkanı vermir.
Daha ilginc faktlarla növbəti yazımızda tanış olacaqsınız. Məsələn, təlim-tərbiyə işləri üzrə direktor müavinliyindən ixtisara düşən, 3 yetim körpənin anasını uşaq bağçasına təsərrüfat müdiri təyin edilməsi kimi əndrabadi qərarı İlhamə Abdullayevadan başqa kim verə bilər?!
Mövzuya qayıdacağıq və yazıda adları keçən şəxsləri də dinləməyə hazırıq.
Mənbə: Aktualxeber.az
Təqdim etdi: DİA.AZ (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...