Naxçıvanda yol polisi əməkdaşları sürücüləri cərimələmək üçün müxtəlif ağılasığmaz vasitələrdən istifadə edirlər. Buna səbəb, onlara qoyulan gündəlik cərimə planını doldurmaq əmridir. Bu haqda „Gündəlik Naxçıvan“a bir qrup sürücü və yol polisi əməkdaşı məlumat verib. Əməkdaşlar deyir ki, onlardan ən çox tələb olunan, gündəlik bir neçə sərxoş sürücü tapıb, cərimələmkdir. Bu mümkün olmadıqda isə, onlardan ayıq sürücüləri hansı yolla olursa olsun, „sərxoş“ çıxarmaq tələb olunur. Şərur rayon sakini Ə. Məmmədov deyir ki, Naxçıvan – Sədərək maqistral yolunda polislər onun avtomobilini saxlayıb, sərxoş olduğunu boynuna almağı tələb ediblər: „Mən ümumiyyətlə spirtli içki qəbul etmirəm. Dedilər, bura qol çək ki, içkilisən. Mən razılaşmadım. Əllərindəki kiçik şüşəni ağzıma tutub dedilər ki, bununla ağzını yaxala, sonra dərhal nəfəsini cihaza üflə. Şüşədəkinin nə olduğunu soruşduqda bildirdilər ki, cihaza üfləmədən öncə ağzını bununla yaxalamalısan. Ağzımı yaxalayan kimi, cihazı üfləməyə məcbur etdilər. Cihaz içkili olduğumu göstərdi. Hər şey sürətlə baş verdiyi üçün, öncə şüşədə nə olduğunu bilmədim. Üfləyəndən sonra anladım ki, spirt imiş. Etiraz etdim, həkim yoxlanışı tələb etdim, hədələdilər. Əlavə problem çıxmasın deyə, içkili olduğumla bağlı protokola qol çəkməyə məcbur oldum, qanunsuz olaraq, haqsız yerə 500 manat cərimələndim“. Digər sürücülər də bu və ya digər üsullarla „sərxoş” çıxarılıb, 500 manat cərimələndiklərini bildirirlər. Onlar deyir ki, bununla bağlı müvafiq orqanlara müraciət etsələr də, nəticəsi olmayıb. Sürücülər deyir ki, qaydaları pozmadıqları halda onlara digər saxta protokollar da tərtib olunur. Bura sürət həddini aşma, yol ayrıcını keçmə qaydalarının pozulması, yol nişanlarının tələbinə riayyət etməmək və s. daxildir. Təhlükəsizlik baxımından adının çəkilməsini istəməyən yol polisi əməkdaşlarından biri deyir ki, bu cür qanunsuzluqları etməkdən boyun qaçıranlar ağır maddə ilə işdən qovulmaqla hədələnirlər: “Mayis Məmmədov bizə rəis təyin olunandan bəri bizə əvvəlkindən beş qat artıq gündəlik plan qoyulub. Ən çox da sərxoş sürücü tutmaq tələb olunr. Çünki, bunun cəriməsi böyükdür. Bu üsullardan istifadə etməyi şəxsən rəis bizə tapşırıb. Bunu etməyənlər, planı gətirə bilməyənlər hədələnir. Bizə deyirlər ki, sizi elə maddə ilə işdən çıxararıq ki, ömür boyu heç yerdə işləyə bilməzsiniz. Yəni bizi bu haqsızlığa, qanunsuzluğa, ədalətsizliyə məcbur edirlər. Bəzən özümüz öz hərəkətlərimizdən iyrənirik”. Teref. Xocanın Blogu Səhifəmiz hamnın üzünə açıqdır..
Lənkəran rayonu, Ürgə kənd sakini Fərziyev Möhtəmən Əliheydər oğlu tərəfindən “Hürriyyət” qəzetinin redaksiyasına şikayət məktubu daxil olub. Şikayətçi iddia edir ki, 2013-cü ildən ona II qrup əllillik təyin olunub, lakin Sahil Babayev vəzifəyə təyin olunduqdan sonra əsassəz yerə penisyası ləğv edilib:
“Mən, Lənkəran rayonu, Ürgə kənd sakini Fərziyev Möhtəmən Əliheydər oğlu, yazaraq sizə bildirirəm ki, Əmək və Əhalinin Sosial Müdafiəsi Nazirliyi başıma oyun açır.
Bildirim ki, 2013-cü ildən ikinci qurup əlil olaraq mənə pensiya təyin olunmuşdur. Lakin 2020-ci ildə Sahil Babayev nazir təyin olunandan sonra mənim pensiyam haqsız yerə kəsilmişdir. Dəfələrlə aidiyyəti qurumlara, yəni Səhiyyə Nazirliyinə, Əmək və Əhalinin Sosial Müdafiəsi Nazirliyinə və digər orqanlara müraciət etsəm də, bütün məktubların hamısı nazirliyin tabeliyində olan Dövlət Tibbi-Sosial Ekspertiza və Reabiltasiya Agentliyinə göndərilir. Agentliyin İdarə Heyətinin sədir müavini Mətanət Məmmədova isə mənə yazır ki, “sağlamlıq imkanların məhdudluğunun müəyyən olunması meyarlarına uyğun deyil”. Lakin 2013-cü ildə Bakı Travmatologiya İnstitutunda sol ayağımın topuq nahiyəsindən tam kəsilməsinə qərar verilmişdir. Professor Çingiz Əlizadənin səyi nəticəsində ayağımın topuq hissəsinin aputasiya olunmasının qarşısı alınmış, nəticədə ayağımın alt və üst hissəsinə əməliyyat vasitəsi ilə yamaqlar yapışdırılaraq, barmağım aputasiya olunmuşdur. Yerişim qismən bərpa olunmuşdur.
Lənkəran rayon Ekspert Komissiyasına dəfələrlə etdiyim müracətlər nəticəsiz qaldığı üçün məni Bakı Şəhər Rebiltasiya Mərkəzinə əyanı baxışa göndərdilər. Orada həkim tərəfindən ayağıma baxış keçirildi(Ayağımın fotoları sizə mürəcətimdə əksin tapacaq). Bildirildi ki, siz təkrar ərizə ilə İdarə Heyəti sədrinin qəbuluna girin və sədr nə qərar verərsə, o da olacaq.
İndi başa düşdüm ki, bu orqanların heç biri dövlət rəhbərimizə hörmət qoymur. Əgər belə olmasaydı, onlar bizləri dövlətə qarşı qoymazdılar və haqlı iradlarımızı vaxtında həll edərdilər.
Əksər təşkilatlar vətəndaşların etdiyi müraciətlərə vaxtında və düzgün cavab vermirlər. Biz həmin orqanlardan cavab ala bilmədiyimiz üçün məcbur olaraq mətbuata müraciət etmişik. Özüm həm şəkərli diabet xəstəsiyəm, həm də iki dəfə ürək əməliyyatı olunaraq, ürəyimə beş ədəd stend qoyulmuşdur. Mənə ömürlük təyinat olaraq dərmanlar yazılmış və aylıq dərmanlara verilən pulun məbləği 150-200 manata yaxındır.
Səlahiyyəti çatan hər kəsdən xahiş edirəm ki, Sahil Babayev və əlbir olduğu komandası haqqında bir tədbir görülsün. İnanın ki, həmin komandanın ərtafındakı hər kəs sosial yardımla təmin olunub. Bu qədər vicdansızlıq, insafsızlıq olmaz”.
Məsələ ilə bağlı Əmək və Əhalinin Sosial Müdafiəsi Nazirliyi ilə əlaqə saxladıq, məsələnin araşdırılacağı bildirildi. Mənbə: “Hürriyyət” qəzeti Səhifəmiz hamı üçün açıqdır.. Teref. Xocanın Blogu
İcbari Tibbi Sığorta (İTS) sisteminin tətbiqini Azərbaycan səhiyyəsinin ən mütərəqqi addımı saymaq olardı... Olardı, əgər bu sistemi idarə edənlərin işi qeyri-peşəkarlıqdan, niyyətləri isə daha çox para qazanmaq, qohum-əqrəbanın, dost-tanışının cibini doldurmaq ehtirasından sığortalansaydı... Dünya bu sistemə 19-cu əsrin sonlarından keçmişdi, biz 21-ci əsrə güclə çatdırdıq. İndi də bu boyda dünya təcrübəsi, dövlətin dəstəyi gözlənilən nəticəni vermir ki, vermir... İcbari sığortanın əsas amalı vətəndaşların rifahı, sağlamlığıdır. Əbəs yerə İTS-ə “insan kapitalına qoyulan investisiya” demirlər. O insan kapitalı ki, Prezident İlham Əliyev onu "Azərbaycan dövlətinin əsas strategiyalarından biri" adlandırır. Bu baxımından İTS dövlətin səhiyyə strategiyasının ana xəttidir. Bəs görəsən, bu ana xəttə niyə xeyli "bala xətlər" qoşulub? Niyə bu qədər qarmaqarışıq, neqativ mənzərə yaranıb?
İTS niyə özünü doğrultmur? Öncə, İTS-nin əsasında duran başlıca məqsədlərə diqqət yetirək: 1. Səhiyyə xidmətlərinin, səhiyyə infrastrukturunun yaxşılaşdırılması, 2. Xidmətin keyfiyyətinin artırılması, 3. İnsan kapitalının, həyat şəraitinin yaxşılaşdırılmasına sərf olunan xərclərin daha sistemli, ehtiyac üzrə daha səmərəli və sosial təbəqələri ədalətli şəkildə əhatə etməklə təmin edilməsi. Yəni bu sistem daxil olan ödənişlər əsasında vahid büdcə formalaşdırmalı, əhalinin tibbi xidmətlər üzrə ehtiyaclarını ödəməlidir. Amma real mənzərə tamam başqadır. Sanki əhalinin tibbi xidmətlər üzrə ehtiyacı deyil, səhiyyəni yönəldən şəxslərin öz ehtiyacları, amalları daha prioritet məsələdir. Bu gün İTS-lə bağlı vətəndaşın üzləşdiyi əsas problem normal müayinə və ya müalicə üçün təyinat almaqla bağlıdır. Sistem elə qurulub ki, pasiyent öz istədiyi yerə deyil, qeydiyyatda olduğu poliklinikanın yönlədirdiyi həkimə getməlidir. O həkim kimdir, öz sahəsində peşəkardırmı, həmin xəstəxanada şərait müalicəyə imkan verirmi? Pasiyent öz sağlamlığı ilə yanaşı, psixoloji gərginlik yaradan suallarla baş-başa buraxılır. Ya sən tövsiyə olunan xəstəxananı (həkimi) seçməlisən, ya da sığorta hüququndan istifadə etməməli, özəl klinikalara üz tutmalısan... Necə deyərlər, yesən də budur, yeməsən də... Sığorta pulunu ödəyən adam niyə seçim hüququndan məhrum edilməlidir? Hamıya məlumdur ki, dövlət xəstəxanalarındakı vəziyyət ürəkaçan deyil, istər maddi-texniki bazaları, istərsə də xidmət səviyyələri çox aşağıdır. Deməli, insanların məhz həmin xəstəxanalara yönləndirilməsində məqsəd təəssüf ki, heç də onları yüksək səviyyədə müayinə və müalicə ilə təmin etmək deyil... Adama deyərlər ki, heç olmasa, dövlət xəstəxanalarını əvvəlki şinelindən çıxart, inamı bərpa et, insanlarda əminlik yarat, sonra camaatı ora getməyə məcbur elə!
Bu sistemə rəhbərlik edənlər hansı qanun, hansı təcrübə, hansı məntiqlə hesab edirlər ki, hansısa tibbi xidmət dövlət xəstəxanasında varsa, pasiyent özəl klinikaya göndərilə bilməz? Dövlət xəstəxanalarında real vəziyyətin necə olduğunu anlamaq üçün elə bu yaxınlarda Kliniki Tibbi Mərkəzdə (Semaşko) baş nayihəsi MRT olunan bir xəstənin hekayəsini xatırlatmaq kifayətdir. Dağınıq skleroz şübhəsi olan xəstənin MRT müayinəsinin nəticələrini heç kim oxuya bilmir. Bu səbəbdən də özəl xəstəxana yenidən MRT müayinəsi təyin etməyə məcbur olur. Bəlkə də bunun qəsdən edildiyini düşünmək olardı. Amma ilk MRT-nin nəticələri Türkiyəyə də göndərilir və oradan da eyni cavab alınır: Heç nə görünmür, heç nə anlaşılmır. Xəstə məcbur qalıb eyni müayinədən Sabunçu Xəstəxanasında keçməli olur. Çünki ona dövlət xəstəxanaları içərisində nisbətən daha yeni MRT aparatının burada olduğu deyilir. Ancaq dəhşət burasındadır ki, buranın cavabları da xəstənin həkimini qane etmir... Beynində problem olan epilepsiyalı xəstə üçüncü dəfə özəl xəstəxanada MRT-dən keçmək məcburiyyətində qalır. Niyə İTS-dən faydalanmaq istəyən insanlarımız bu cür məşəqqətlərə qatlanmalıdır? Biz bu sistemi qabaqcıl ölkələrdən götürmüşüksə, niyə onların təcrübəsindən yararlanmırıq? Axı onların təcrübəsində pasiyentə seçim imkanı tanımamaq məsələsi yoxdur. Azərbaycandan başqa dünyanın heç bir yerində xəstəyə demirlər ki, bu xidmət, bu əməliyyat dövlət xəstəxanalarında var, yalnız ora göndəriş veririk. Bu, təkcə insan haqlarının pozulması deyil, həm də ölkədə tibb müəssisələri arasında rəqabət mühitinin yerlə-yeksan edilməsi deməkdir! Bahalaşma və iqtisadi çöküş bir tərəfdən, İTS digər tərəfdən qısa zamanda özəl klinikaların fəaliyyətinə ciddi zərbə vurub. Bu proses özəl klinikalarda müxtəlif tibbi xidmətlərin bahalaşmasına da səbəb olub. İTS siyahısına az qala ölkədəki bütün özəl klinikaları daxil edib və bunu hər dəfə bəh-bəhlə car çəkir. Halbuki reallıqda vəziyyət tamam fərqlidir. Pasiyentlər yalnız dövlətə və müəyyən insanlara yaxın - əməkdaşlıqları olan (maraqları olan) klinikalara göndərilir. Qəribədir, həmin özəl klinikalar hamsı qaydayla seçilib? Məsələn, ölkənin tanınmış, maddi-texniki imkanları, peşəkar həkimləri ilə məşhur olan klinikaları qala-qala, xəstələri tanınmayan klinikalara göndərməkdə məqsəd nədir? Tanışlıq, tapşırıq, yoxsa yüksək faiz? Belə çıxır, TƏBİB, Səhiyyə Nazirliyi və İcbari Tibbi Sığorta üzrə Dövlət Agentliyi ölkənin tibbi sığorta büdcəsini özlərinə yönəltmək üçün xəstə axınını nüfuzlu özəl klinikalara buraxmır.
Məsələn, Akademik C.Abdullayev adına Elmi-Tədqiqat Kardiologiya İnstitutunda “anju” olmaması bir ayıb, ağır infarkt xəstəsinin “Kəpəz” və bu kimi klinikalara yönləndirilməsi başqa bir ayıb. Xəstəyə deyilir ki, damarına stent qoyulmalıdır. O da razılaşmayıb başqa həkimə getmək istəyir, amma “anju” diskini vermirlər. “Bizim kardiocərrah var, o edəcək, pulu da sığorta ödəyir” - deyə canının hayında olan şəxsi naəlac qoyur, inandırır, öz istədikləri həkimi seçməyə məcbur edirlər. İTS və TƏBİB belə klinikalarda “anju” və əməliyyat edən həkimləri necə seçir, necə dəyərləndirir, bütün bunlara kim zəmanət verir? Bütün bunların fonunda isə milyonlarla manatlıq avadanlığı və ən yaxşı kardiocərrahları olan Ürək Mərkəzi (RDM-in nəzdində olan) bomboş qalıb, yalnız pulunu ödəyən xəstələri qəbul edə bilir. Ürək əməliyyatının 9-10 min manat olduğunu nəzərə alsaq, hər xəstədən yalnız bir klinika, bir neçə həkimin qazanması kimə sərf edir? Məhz bu anormal ayrı-seçkilik, monopolist sistemin nəticəsidir ki, ölkənin hətta qismən dövlətə bağlı Tədris Cərrahiyyə, Tədris Terapevtik klinikalarının palataları və MRT-ləri də boş qalır. Halbuki digər zəif yerlərdə insanlar aylarla MRT, KT, angioqrafiya növbəsi gözləyir. Nərimanov Tibb Mərkəzi və Elmi Tədqiqat Cərrahiyyə Mərkəzində xəstələr üst-üstə yığılıb, dezinfeksiya etməyə macal tapılmayan zondlarla endoskopik müayinə olunurlar. Tam bir xəstəlik, yoluxma mənbələridir bu kabinetlər. Hələ həkimlərin canına cin girmiş kimi gözləri bərələ-bərələ xəstələrə çımxırmaqları və deyinə-deyinə xidmət göstərmələrini demirik... Tualeti həkim otağına, adi palataları VİP (ödənişli) palatalara çevrilən Elmi-Tədqiqat Kardiologiya İnstitutu, Respublika Klinik Xəstəxanası, 3 saylı Şəhər Klinik Xəstəxanası, Əjdər Məlikov adına 6 saylı Birləşmiş Şəhər Xəstəxanasında köhnə və yararsız cihazlar, uzun-uzadı növbələr, səhv analiz və müayinə cavabları barədə azmı şikayətlər eşitmişik? Niyə insanlarımız bu yerlərin ümidinə buraxılmalıdır? Bu inhisarçı yanaşma eyni zamanda peşəkar tibbi xidmət göstərən özəl klinikaları çökdürür. Artıq bir neçə klinikanın satılması, borclanması xəbərlərini yaymışıq - RDM, “Avrasiya” və s. Özəl klinika rəhbərləri, menecerləri az qala İTS-dən xəstə dilənirlər. Məlumdur ki, ən yaxşı uzman həkimlər bu gün xəstə üzünə həsrət buraxılan özəl klinikalarda çalışırlar. Həmin klinikalar isə pasiyentlərin sayı azaldığına görə yüksək maaş tələb edən mütəxəssisləri saxlamaq üçün qiymətləri qaldırmağa məcbur olur. Bu cür davam etsə, peşəkar həkimlərin çoxu başqa ölkələrə gedəcək. Çünki bu həkimlərin "Semaşko" və "Respublikanski" kimi yerlərdə, xəstəxana bir tərəfə, oradakı direktor və baş həkimlərin rəhbərliyi altında işləmələri real görünmür. Ən azı ona görə ki, sığorta ağır, mürəkkəb cərrahiyyə əməliyyatlarına görə qəpik-quruş verir. Onu almaq üçün də aylarla gözləmək lazım gəlir... İyun ayının pulu sentyabrda ödənilib, sentyabrın ödənişləri isə yanvarda veriləcək. …Dərdimiz heç də əsasən məmur və oliqarxlara bağlı olan özəl klinikaların bağlanması deyil. Bizi ən çox narahat edən bu vəhşi rəqabətin inasanlarımızın lazımi tibbi xidmət almasına mane olmasıdır. Məsələn, gözündə problem olan, uzun müddət müalicə alan pasiyent öz həkiminin yanına getmək, gözünə həyatı vacib olan iynəni vurdurmaq üçün İTS-ə müraciət etdikdə, mütləq "yox" cavabı alır. Ona deyilir ki, bu xidmət Mərkəzi Neftçilər Xəstaxanasında filan həkim tərəfindən həyata keçirilir. Məlum olur ki, həmin həkim bu müalicə üzrə mütəxəssis deyil. Uşaq göz həkimidir və ya sadəcə yeni müalicələrdən xəbəri olmayan kiminsə tanışı olan oftalmoloqdur. Və yaxud endoprotez üçün sığortaya müraciət edən pasiyenti Travmatologiya İnstitutuna yönləndirirlər. Xəstə araşdırdıqda görür ki, həmin xəstəxanadakı həkimin bu sahədə demək olar, heç bir təcrübəsi yoxdur. İnsanlarımız özlərini təcrübə dovşanı kimi hiss edir. Adam illərdi hardasa müalicə olunursa, sən onu hansı haqla başqa yerə, təcrübəsi olmayan həkimə yönləndirə bilərsən? İşin ən təhlükəli tərəfi budur ki, xəstə məcbur olub həkimini dəyişir və yaxşı nəticə əldə edə bilmirsə, pul ödəyib əvvəlki həkiminin yanına getmək şansını da itirir. Çünki dövlətdə və ya qondarma özəl xəstəxanada düzgün olunmayan müalicənin nəticəsində xəstə ağırlaşır, sonra həkim həmin xəstəyə yaxın durmur. Dursa belə, 10 manatlıq iş ona 100 manata başa gəlir. Beləliklə, pasiyentə həm sağlamlıq, həm vaxt, həm də pul sarıdan zərbə dəyir. Bir balaca araşdırılsa, aydın olar ki, sığorta ilə əməliyyat olunan xəstələrin çoxu özəl xəstəxanalara təkrar, ikinci əməliyyata gedirlər. Bunun bir səbəbi də sığorta ilə olunan əməliyyatlarda ucuz vasitələrdən istifadədir. Məsələn, göz linzaları ucuz Hindistan markaları olur. Endoprotezlər də onun kimi. Həkimlər özləri xəstəyə təklif edir ki, bir az pul ödə, sənə Amerikanın implantını, linzasını qoyaq. İTS ilə əməliyyat olan neçə xəstənin implantı tutmayıb, gözü uğursuz olub... Yeri gəlmişkən, onu da qeyd edək ki, doğuş məsələsi daha qəlizdir. Doğuş, qeysəriyyəni pasiyenti təqib edən həkim etməlidir. Təqib edən ginekoloq-cərrah özəldə işləyirsə, o artıq İTS-dən istifadə edə bilməyəcək…
İTS niyə ancaq Bakıdadır? İTS-də əsas istiqamətlərdən biri də regionlarla bağlıdır. Cəmiyyəti inandırmağa çalışırlar ki, regionlarda tibb müəssisələrinin dünya standartlarına uyğun şəkildə inkişaf etdirilməsi orada yaşayan insanların tibbi xidmət almaq məqsədi ilə böyük şəhərlərə axınını azaldacaq. İTS yığımlarının “tibbi xidmətlərin keyfiyyətinin artırılması”, “tibb müəssisələrinin infrastrukturunun yaxşılaşdırılması”, “tibbi avadanlıqların yeni texnologiyalara uyğun olaraq yenilənməsi”, “tibbi personalın dünya standartlarına uyğun maarifləndirilməsi” kimi tədbirlərinə xərclənməsinin də vətəndaşlara göstərilən xidmətlərin keyfiyyətinin artırılmasına səbəb olacağını deyirdilər. Amma nə baş verdi? Düzdür, bu sistemə keçiddən sonra region insanları sürətlə xəstəxanalara axışdılar. Bəlkə ömründə bir dəfə də həkim qəbuluna getməyən insanlar, lazım oldu-olmadı, bütün müayinələrdən keçməyə başladı, hətta MRT, KT olunmaq üçün növbələrə düzüldülər. Amma bu, heç də həmin şəxslərin keyfiyyətli müayinə və müalicə olunması anlamına gəlmir. Çünki regionlardakı dövlət xəstəxanalarında tibbi avadanlıqlar əksərən köhnə, sıradan çıxmış vəziyyətdədir. O avadanlıqların yenilənməsi ilə bağlı addəmlar isə kifayət etmir. Mütəxəssislərə gəlincə, regionlarda həkim çatışmazlığı problemini hər kəs bilir. Qanaxması olan hamilənin cırılmış uşaqlığını tikməyə peşəkar ginekoloq-cərrah yox, infarkt olmuş xəstəni çox tərpətmədən aparıb anju etdirib, tıxanmış damarını açan yox, xəstələri daşımağa ambulans yox. Qanı axan xəstə maşının və ya “Qazel”in arxasında can verə-verə o rayon, bu rayon gəzdirilir, axırda da yaxınlarına “Bakıya aparın, burda qalsa, öləcək” deyilir. Bütün bunlara görədir ki, Bakıdakı istənilən dövlət xəstəxanasını rayon sakinləri doldurublar, insan əlindən tərpənmək olmur. Bakıda qeydiyyatda olanlar isə günlərlə USM, endoskopist, MRT qapısında gözləyirlər ki, Ucardan, Yevlaxdan… gələn ağır xəstə, bəzi hallarda imtiyazlı şəxs - şəhid ailəsi üzvü, qazi və əlillər müayinə olunub getsinlər, sıra bunlara çatsın. Sən gözlə, canı ağrıyan sıravi vətəndaş! Regionlarda tibb müəssisələrinin dünya standartlarına çatdırılması üçün hər il dövlət büdcəsindən, indi də İTS fondundan milyardlar xərclənir. Bəs nəticə? 2-3 ildən bir işdən çıxarılan və yeyinti üstündə cəza alan, cinayət işi açılan baş həkimlər və direktorların xəbərlərini oxuyuruq. Sonradan həmin kadrların ölkənin digər xəstəxana və mərkəzlərinə rəhbər təyin olunması da “unikal” çıxış yoludur.
Vəziyyətdən çıxış yolu isə asan deyil. Çox da mürəkkəb olmayan əməliyyatlar və müayinələr yenə də Bakının ümidinə qalıb. Bakı isə bu eybəcər, girdablarla dolu mənzərəni yaradanların ümidinə...
Bu gün mediamızı susdurmaq üçün dəridən, qabıqdan çıxanların böyük əksəriyyəti Qarabağ probleminin arxasında gizlənərək xalqı və dövləti talamaq yolu ilə milyonlara sahib olanlardır. Artıq Qarabağ problemi yoxduq. Bu səbəbdən də bir çox pərdələr qalxdıqca, kimin, kim olduğu ortaya çıxacaq. Məmurları narahat edən də budur.
Deryaz.az. Dövlətdən və xalqdan taladıqları milyonlar hesabına Ərəb şeyxləri kimi yaşamağa adətkar olan talançı məmurlar çetesi, artıq onların da sonunun çatdığını hiss edərək, daha da azğınlaşıblar və öz əməllərini ört-bastır etmək üçün medianı susdurmağa çalışırlar. Azərbaycan məmurları heç cür anlamaq istəmirlər ki, 30 il davam edən bir münaqişəni Ali Baş Komandan 44 günə həll etdisə, onların bəd əməllərinin də qarşısını az bir müddətdə ala bilər. Sadəcə, məmurların erməni olmadıqlarını (Bəlkə də er…) düşünərək, onların haqq yoluna gəlmələrini gözləyir. Səbr kasası daşdığı zaman həmin «Dəmir yumruq» «Demokl qılıncı» kimi, məmurların da başları üzərində görünəcək və ondan heç kim qurtula bilməyəcək. Prezident dəfələrlə çıxışlarında vurğulayıb ki, jurnalistlər mənim dostlarımdır, bilmədiyim bir çox şeyləri onlarn yazılarından öyrənirəm. Hesab edirəm ki, bu gün MİA da ilk növbədə prezidentə doğru-dürüst informasiya çatdıra biləcək media qurumları ilə işləməlidir. Çünki yalan yazan jurnalistlərlə məmurların heç bir fərqi yoxdur. Bunların hər ikisi reallığı prezidentdən gizlətməklə, ona «ayı xidməti» göstərmiş olurlar. Onu da qeyd etmək istəyirəm ki, öz fəaliyyəti dövründə dövlətə və xalqa qüsursuz xidmət göstərən məmur, heç zaman medianı susdurmaq üçün canfəşanlıq etməz. Medianı susdurmağa çalışan o məmurlardır ki, sözləri ilə əməlləri daban-dabana ziddir. Əgər biz Azərbaycan cəmiyyətinin inkişafını, xalqın rifahının yüksəlişini istəyiriksə, cəmiyyətin güzgüsü olan mediaya imkan verməliyik ki, düzü-düz, əyrini-əyri izhar edə bilsin. Buna qarşı gələn hər kəs, kimliyindən, vəzifəsindən, cəmiyyətdəki mövqeyindən asılı olmayaraq, qanun qarşısında öz əməllərinə görə cavab verməlidir. «Prezidentin etimad göstərdiyi məmur» ifadəsi, heç zaman onun qanunsuz əməllərinin ört-basdır edilməsi üçün meyar olmamalıdır. Bir şeyi anlamaq lazımdır ki, prezident etimad göstərmədiyi bir kimsəni vəzifəyə təyin etmir. Ən əsası, onun həmin vəzifədə ozünü necə aparmasıdır. Başqa bir məsələ, məmurların cinayət əməllərindən yazan jurnalistlərin peşəkarlığının şübhə altına alınmasıdır.
Yazımı belə başlamağın səbəbi var: Keçək mətləbə…Media gündəmini zəbt edən Sumqayıtın icra başçısı Zakir Fərəcov və sahibkarlar arasında olan borc qalmaqalı haqqında yazıb araşdırıb, ictimaiyyətə biz təqdim etməkdn yorulduq, amma aidiyyatı qrumlar buna bir reaksiya vermir ki, vermir. Camaatda yorulub, bəlkə də artıq heç oxumaq istəmirlər. Ona görə yox ki, maraqlı deyil, maraqlı ola bilərdi o vaxt məsələ jurnalist araşdırmalarından sonra həllini tapmış olardı. Amma indi düşünürlər yazırlarda ancaq əsas baxmalı olanlar əncam çəkmirlər. Bu cəhətdən də media nüfuzunu itirmiş olar. Elə bil qəsdən ciddi araşdırmaçı jurnalistləri çevrib edirlər, bazar söhbətlərinin məkanı olan sosial verlişlərin ekspertlərinə…Bu yolnan daha çox tanınmaq, millətində mənasız və dövlətə heç bir xeyri dəyməyən məsələlər qatmasına şərait yaradırlar. Necə ki, Sumqayıt icra hakimyətinin şöbə müdiri Gündüz Əliyev sahibkarlara arxayın şəkildə «Boş -boş yazırlar, onsuz kimdi onlara baxan» deyir. Kişi haqlıdır. Niyə? Niyəsini deyim, ölkədə rəsmi məlumat verildi ki, Hesablama Palatası Sumqayıtda yoxlama apardı. Və Mənimsənilən milyonlara görə Gündüz Əliyev və digərlərinə cinayət işi açıldı .Cinayət işi açılan və Sumqayıt Ağır Cinayətlər məhkəməsində məhkəmə prosesi gedən bir məmur əgər kresloda işini aparırsa, deməli arxayın olmağa dəyər… Qeyd: Cinayət işi materiallarına əsasən, Gülnarə Bayramova və Gündüz Əliyev Elxan Əsədov vasitəsilə təsis etdikləri 41 hüquqi şəxsin qanuni fəaliyyətlə məşğul olması görüntüsü yaradaraq Sumqayıt şəhər Səhiyyə Şöbəsindən 5 milyon 716 min 684 manat məbləğində pul vəsaitini həmin şirkətlərə köçürülməsinə nail olub.
Köçürülmüş pul vəsaitinin bir hissəsi, yəni 1 milyon 613 min 334 manat məbləğində hissəsi Elxan Əsədov və digərləri vasitəsilə nağdlaşdırılmaqla mənimsənilib.
Cinayət yolu ilə əldə edilən mənimsənilmiş pul vəsaitinin 1 milyon 35 min manat məbləğində hissəsinin müxtəlif əqdlər bağlamaqla həyata keçirilən maliyyə əməliyyatları nəticəsində ayrı-ayrı şəxslərin bank hesablarından məxaric edərək leqallaşdırması ibtidai istintaq zamanı sübuta yetirilib.
İş üzrə toplanmış mötəbər sübutlar əsasında Gülnarə Bayramova və Gündüz Əliyevə Cinayət Məcəlləsinin 179.4 (xüsusilə külli miqdarda ziyan vurmaqla mənimsəmə), 193-1.3.2 (xeyli miqdarda cinayət yolu ilə əldə edilmiş əmlakı leqallaşdırma) və digər maddələri, Elxan Əsədova isə həmin Məcəllənin 32.5, 179.4 (xüsusilə külli miqdarda ziyan vurmaqla mənimsəməyə köməkçilik), 32.5, 308.2 (ağır nəticələrə səbəb olan vəzifə səlahiyyətlərindən sui-istifadə etməyə köməkçilik) və digər maddələri ilə yekun ittiham elan edilib. Onu da qeyd edək ki, Gündüz Əliyev bu il mart ayında Sumqayıt İcra Hakimiyyətinin başçısı əmri ilə icra başçının müavini vəzifəsindən azad edilib, həmçinin İH-nin şəhər təsərrüfatı şöbəsinin müvəqqəti rəisi vəzifəsini icra edir.
Gündüz Əliyev kimdir? Sentyabrdan bəri davam edən məhkəmə proseslərinin ayı günü Məhkəmənin rəsmi portalında artıq dərc olumur, nə də yekun qərar verilməyir.
İcra Hakimiyyətində ərazi idarəetmə və yerli özünüidarətmə orqanları ilə iş şöbəsinin müdiri Gündüz Əliyev təyin edilib. Qeyd edək ki,Gündüz Əliyev bu vəzifəyə gələnə qədər Sumqayıt şəhər Mənzil Kommunal Təsərrüfatı İstehsalat Birliyinin müdiri işləyib. Zakir Fərəcov Abşeron rayon Mənzil Kommunal Təsərrüfatı Birliyiinin rəisi olan bacısı oğlu Hüseyn Sovet oğlu Həsənovu bu vəzifəyə təyin etdikdən sonra Gündüz Əliyevə İcra Hakimiyyətində iş verilib. Məlumatlara görə Gündüz Əliyevin qayınatası biznesmendir və Zakir Fərəcovla işbirliyi mövcuddur. Əslində G.Əliyevin əsas hədəfi birinci müavin postu olduğu qeyd olunur və bu üzdən də Teymur Səmədov və Fəzail Hüseynova qarşı böyük intriqaların içinə girməkdən çəkinmir. Təbii ki, Teymur Səmədov və Fəzail Hüseynov da hər fürsətdə Gündüz Əliyevə qarşılıq verirlər. Gündüz Əliyev kimdir? Xatırladaq ki, söhbət nəhəng mebel sexinə, çoxsaylı obyektlərə sahib olan iş adamı Gündüz Əliyevdən gedir. Əslində Gündüz Əliyevin karyera tarixçəsi bir film kimidir. Sizi o «film”lə tanış olmağa dəvət edirik:
Milyonlar qazandıran mebel sexi? – Bu ki, inandırıcı deyil…
Məlumat üçün qeyd edək ki, Gündüz Əliyevin keçmiş MTN-ə xərac verməsi 2014-cü ilə təsadüf etsə də, onun maliyyə piramidasında yüksəlişi xeyli əvvələ təsadüf edir. Başqa sözlə desək, Gündüz Əliyev 2014-cü ildə keçmiş MTN tərəfindən saxlanılanda onun malik olduğu sərvətin miqdarı adi mebel sexi sahibinin malik ola biləcəyi sərvətdən qat-qat çox idi. Əslində milli maraqların müdafiəsinə deyil, şəxsi maraqların təmininə istiqamətlənməsi keçmiş MTN-nin diqqətini də məhz bu amil çəkmişdi. Elə buna görə də Gündüz Əliyevlə bağlı əməliyyat planı quran MTN onu saxlamaq, sahib olduğu pulların bir hissəsinə əl qoymaqla yanaşı, bu pulların mənbəyini də öyrənməyi hədəfləmişdi. «Buta” əməliyyatı, yaxud həyatın cəhənnəmə çevrildiyi an… Gündüz Əliyevin gəlir mənbəyini müəyyənləşdirmək, onun münasibətdə olduğu şxəslərin əhatə dairəsini öyrənmək üçün sahibkarın əlaqə telefonlarını nəzarətə götürən MTN, tezliklə ona 161 min manat məbləğində pul gələcəyini müəyyənləşdirir. Bu informasiyanın ardınca Gndüz Əliyevlə bağlı əməliyyat planı quran MTN, 2014-cü ilin dekabrında «Buta” kafesində mebel sexi sahibinə qarşı əməliyyat reallaşdırır. Axşam saat 20:00 radələrində «Buta” kafesində oturub pul gözləyən Gündüz Əliyevin gözlədiyi şəxs çox keçmir ki, kafeyə daxil olur. Lakin onun gətirdiyi pula toxunmaq Gndüz Əliyevə nəsib olmur. Belə ki, həmin şəxsin ardınca kafeyə daxil olan MTN əməkdaşları hər iki şəxsi saxlayaraq onların pullarına əl qoyur… «Beloçka” torbasındakı gizlədilən pullar, məşhəri xatırladan istintaq…Mənbənin məlumatına görə, MTN-nin «Buta” əməliyyatı zamanı Gündüz Əliyevin ələ keçirilən pulları «Beloçka” tumlarının reklamı olan sellofan torbada olub. Hansı ki, Gndüz Əliyev hər zaman pulların məhz bu cür – ilk baxışdan adi görünən və kənardakı şəxslərdə heç bir maraq oyatmayan torbalarda daşınmasını həyata keçirib. Sex sahibi hesab edib ki, bu, təhlükəsizlik baxımından daha ⁵doğru və sınanılmış vasitədir. Maraqlı məqamlardan biri də sex sahibi ilə ilk istintaqın MTN-də deyil, «Sultan” kafesində gerçəkləşdirilməsidir. MTN əməkdaşları tərəfindən «Sultan” kafesinə gətirilən Gündüz Əliyev elə oradaca sözügedən qurumun əməkdaşları tərəfindən soğru-suala çəkilib. Pulların mənbəyi, təyinatı və s. kimi məsələlərə bağlı ona ünvanlanan saysız-hesabsız suallar qarşısında özünü itirən Gündüz Əlieyev bu pulları 2002-ci ildə açdığı mebel sexindən əldə etdiyini bildirib. MTN göz yaşlarına inanmır… Lakin onun bu arqumenti MTN əməkdaşları tərəfindən təbəssümlə qarşılanıb. Bunca pulun bir tək mebel sexi vasitəsi ilə qazanılmasının mümkünsüzlüyünü bildirən MTN əməkdaşları, ona bu barədə bilgili olduqlarını, onun telefonlarına uzun müddət nəzarət etdiklərini bildirib. Kafedə reallaşan istintaq zamanı MTN əməkdaşları həbs olunmamaq müqabilində Gündüz Əliyev qarşısında kifayət qədər ağır şərtlər qoyublar. Bu şərtlərin sırasında ələ keçirilən 161 min manatdan imtina etməkv, keçmiş MTN-ə aylıq xərac vermək, eləcə də bəzi məsələlərdə informasiya dəstəyi göstərmək yer alıb.
İndi isə adına cinayət işi açılır,məhkəmə prosesinin tarixi gizlədilir,özü isə tam rahat şəkildə öz rahatlığını nümayiş etdirir.
Zakir Fərəcov borc bataqlığında: Gündüz Əliyevin Imzası olan sənədlərdə 50 milyondan söhbət gedir
Sahibkarı aldadıb iri layihələri icra etdirib, pulunu verməyən adam, kim olur olsun, hansı vəzifəni tutur tutsun, ona yalnız bir adı var — Dolandırıcı! Maraqlıdır ki, Fərəcov həbs etdirdiyi sahibkar və iş adamlarına həm düşmənçilik edir, həm də onlarla təkrar layihələr icra etdirməklə, əməkdaşlıq etməsinin məqsədini müəyyən etmək çox çətindir! Sahibkarların bildirdiyinə görə 7 ilə yaxındır ki, Zakir Fərəcovun dəvəti və təklifi ilə Sumqayıt şəhərində konkret olaraq, bir sahibkar məşhur Dənizkənarı Bulvar, Şəhidlər Xiyabanını və digər layihələri vaxtında, yüksək səviyyədə başa çatdırsa da, haqq etdiyi vəsaiti hələ də ala bilmir. Söhbət ərazisi 105 hektar olan Dənizkənarı Bulvardan, Şəhdilər Xiyabanından, Heydər Əliyev prospektindən, şəhərə girişin sağ və sol tərəfinin qurulub, abadlaşdırılmasından, S. Vurğun, Nizami və C. Cabbarlı küçələrinin, “Muğanbank”ın qarşısındakı parkın tikib, abadlaşdırmaqdan gedir. Yeddi ildir ki, görülən işlərin pulunu hissə-hissə ödənilməyə razılaşmasına baxmayaraq, Sumqayıtın icra başçısı tərəfindən ödənilməli olan 2.850.000 manat borc hələ də ödəməyib!. Dövlət büdcəsindən bütün bu layihələrin gerçəkləşməsi üçün müxtəlif tarixlərdə lazımı vəsait ayrılsa da, icra başçısı bu borcu ödəmir, ödmək fikri də yoxdur! Yazılarda ən çox yer alan iddialardan belə nəticə çıarxmaq olur ki, Zakir Fərəcov ölkənin böyük bir şəhərini sözün əsl mənasında şəxsən müəyyən etdiyi «oğru dünyası»nın qanunları ilə idarə edir. Sumqayıtda vəziyyət ürəkaçan deyil. Sumqayıt icra başçısı Zakir Fərəcovun fəaliyyətindən narazılıq pik həddə çatıb.
Torpaqlarımızın düşməndən tam azad olunması və 30 ildən sonra Azərbaycanın tam ərazi bütövlüyünün şanlı Zəfərindən sonra ,yeri icra hakimyyətlərinin yerlərdə»xanlıq»edən bir çox məmurun sonu olacaq .
P.S. Apardığımız araşdırmalar və mənbələrin verdiyi informasiyaya əsasən ölkədə başlayan köklü islahatlar paketinin davamı olaraq qarşıdakı aylarda səs-küylü istefalar olacağı gözlənilir. Əldə etdiyimiz məlumata görə, prezident sərəncamları ilə vəzifəsindən kənarlaşdırılacaq məmurlar siyahısında bir neçə icra başçılarının adlarının yer alacaq. Onlardan birincisi Zakir Fərəcovdur.
Onlar prezidentin səbr kasasını daşıran, vaxtı yetişən məmurlardır ki, yola salınmalıdırlar. Ötən illərdə xeyli sayda məmur, nazir vəzifəsi ilə vidalaşdılar. Kadr islahatları daha dərindən həyata keçiriləcək.
Məlumata görə, yerli idarəetmə orqanlarında təmizləmələr kütləvi vüsət alacaq. Təkcə icra strukturlarının rəhbərləri deyil, aparat müdirləri, icra başçısı müavinləri də vəzifələrindən uzaqlaşdırılacaqlar.
İlin sonuna qədər prezidentin kadr islahatları bütün respublikanı, nazirlik və İH-lərini əhatə edəcək, dövlət başçısının komandası etimad göstərdiyi, xalqla işləyən, islahatçı fiqurlardan təşəkkül tapacaq.(Bakupress.az)
Bakı şəhəri Sabunçu Rayonu “Bakıxanov” qəsəbəsi Aşıq Alı küçəsi 14-a, mənzil 5 -də yaşayan Baxışov Naxış Xudaverdi oğlu Azinforum.az İnformasiya Portalına ünvanladığı şikayətdə bildirib ki, “Memarlıq Şəhərciyi 2021 MMC” sözügedən ərazidə çoxmərtəbəli bina tikmək istədiyi üçün, sakinlərə zülm edir.
Şikayətçinin sözlərinə görə, sözügedən şirkətin Elnur Mustafayev adlı rəhbəri Sabunçu rayonunun icra başçısı Adil Vəliyevlə əlbir olub heç bir məhkəmə qərarı təqdim etmədən , onun yaşadığı evi və həyətini amansızcasına söküblər. Azinforum.az çox böyük kobudluqla həyata keçirilən və vətəndaşa külli miadarda ziyan vurmaqla nəticələn söküntü prosesi ilə bağlı videokadrları təqdim edir. Reportajda adları çəkilən şəxslərin də mövqeyini verməyə hazırıq.
Mənbə: Azinforum.Az Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...
Əziz oxucularımız yenə TƏBİBİN acınacaqlı taleyini qələmə alaraq görüşünüzə gəlmişik. Bildiyimiz kimi bir çox səhiyyə müəssisələri Tibbi ərazi Bölmələrinin İdarəetmə Birliyinin TƏBİBİN balansına keçirilmişdir. Xəstəxanaların Səhiyyə nazirliyindən alınaraq TƏBİBƏ verilməsindən sonra,çox təssüflər olsun ki,tibb müəssisələrində ki,neqativ halların aradan qaldırılması mümkün olmadı. Belə ki,Kütləvi İnformasıya Vasitələrində xəstəxanalarda rüşvətxorluğun baş alıb getməsi barədə çoxsaylı şikayətlərə rast gəlmək olur ki,buda baş həkimlərin gündəlik qazanclarının heç də,az olmamasını deməyə əsas verir. 1 saylı şəhər klinik xəstəxanası SEMAŞKA və Respublika xəstəxanasının baş həkimləri pasientlərdən yığdıqları vəsaitlə kifayətlənməyib,büdcə vəsaitlərinidə istədikləri kimi talayırlar. Adı gedən xəstəxananın baş həkimləri və onların yanında olan böyük tibb bacıları yüksək məbləğdə əmək haqqı alırlar və avtomaşınlarını yeni modellərlə əvəz edirlər. Uzun illərdir Səhiyyə sistemində aparılan islahatlar adı altında ayrılan milyonlarla dövlət vəsaitləri bu sahədə heç bir dəyişikliyə səbəb olmayıb,əksinə korrupsiya hallarının artmasına gətirib çıxarıb. Son illərdə TƏBİBİN işçilərinin korrupsiyada ittiham olunmaları buna əyani sübutdur. Bu gün TƏBİBDƏ külli miqdarda yeyintilər aşkarlanır.Amma nədənsə aidiyyəti qurumlar buna göz yumurlar. Bu gün maddi texniki bazaların və dərman təchizatlarının günün tələbləri səviyyəsinə cavab verməməsi,xəstəxanalarda acınacaqlı halların yaşanmasının bariz nümunəsidir. TƏBİBİN İDARƏ HEYYƏTİNİN sədri vəzifəsini icra edən Vüqar Qurbanovun və onun tabeçiliyində çalışan Baş həkimlərin gizli əməlləri bu gün medianın gündəmindədi. Bəzi tibb bacılarının əmək haqqı kəsilir, hətta xəstə baxıcılarının özləri yox, o ad altında əmək haqları yazılıb rəhbərlik tərəfindən mənimsənilir. Elə buna görədə səhiyyədəki neqativ hallar heç zaman sıfırlanmayacaq.Bir sözlə TƏBİB və onun havadarları səhiyyə sahəsində istədikləri kimi at oynadırlar. Deyirlər təbabət elmdir,həkimlik peşə.Bu peşənin mayasında humanistlik dayanır. Lakin TƏBİBİN və bu günkü səhiyyənin başında dayananların mayasında talançılıq və rüşvətxorluq dayanır. Atalarımız gözəl deyib minbir haramın başında bir halal dayanır. Haqq nazilər üzülməz. Sima Babayeva Səhifəmiz hamı üçün açıqdır.. Teref. Xocanın Blogu
Bakı Abadlıq Xidməti Laçında laçınlıların məzarını dağıdıb yol açıb bir neçə məzarı da bərpa edib könül alır. Bunu da böyük bir jest kimi təqdim edirlər! Təmir bərpa işləri altın da talançılıqla məşğul olunur. Kiminsə evi ürəyi istəyən kimi tikilib özünə normal şərait yaradıbsa, Bakı Abadlıq Xidmətinin "xidmətlərindən" ağız dolusu danışır. Laçın kiminsə şəxsi mülkiyyəti deyil ki, ürəyi istəyəni etsin. Haqqı deməyə cəsarət etməyənlər mükəmməl şəkildə yaltaqlanır. Haqq qazandırmağa çalışır. Tamam anlayıram(rıq) sənə göstərilən "diqqət" və "qayğıya" görə danışa bilmirsən( siz) heç olmasa əlinizə mala alıb MALALAMAYIN! Dayanın kənarda və susun! Nəyə kimə haqq qazandırmağa çalışırsınız?! Bakı Abadlıq Xidmətinin işğalına göz yumub bütün günü yaltaqlıq edənlər kənardan çox iyrənc görünürsüz! Güya Dövlətimizi sevib Cənab Prezident İlham Əliyevin siyasətini dəstəkləyirsiz? Xeyir əzizlərim! Məhz elə sizlər Cənab Prezident İlham Əliyevin tapşırıqlarını yerinə yetirməyən, onun etimadını doğrultmayan və Cənab Prezident İlham Əliyevin ayrıdığı pulları talayanları müdafiə edirsiniz. Görürsünüz və susursunuz! Vətən Dövlət Prezident deyə-deyə şəhid qanı hesabına işğaldan azad edilmiş, Laçında xirtdəyinə kimi karrupsiya bataqlığına düşənləri müdafiə etməyə çalışırsınız. Nəyə görə? Şəxsi mənafeyinizə görə!!! Artıq mənə Laçınla bağlı bir neçə video göndərilib. Tezliklə bir neçə problemi işıqlandıracam. İstəyən şəxs mənə müraciət edə bilər. Unutmayın tezliklə Laçında üz-üzə gələcəyik! Yusif Şamil Oğlu Səhifəmiz hamı üçün açıqdır.. Teref. Xocanın Blogu
Bu zibiləri əsasən Lerikdə yerləşən istirahət mərkəzləri çay kənarına tökürlər, çayin səviyyəsi yüksələn kimi onları götürüb gətirir aşağı.
Bu görüntülər təkcə Lənkəranın Təngivan kənd ərazisində çay vasitəsi ilə gəlib kənara çıxan hissədir. Bütün çay sahili boyu buna rast gəlmək olur. Bir hissəsi də təbii ki, Xəzər dənizinə tökülür. Dəniz sahilinə getsəz rast gələr sizə.
Çaya bu tullantılari ən çox atanlardan biri Lerik deputatı Iqbal Məmmədovun nəhəng istirahət mərkəzi olan "Relax"dir.
Gördüyünüz bu mənzərə Lənkərançayı ətrafında yaranıb. Çay ətrafına yığılan bu plastik qablar Azərbaycanın dilbər guşələrindən biri olan Lerikdəki istirahət mərkəzlərinin çay atdığı tullantılardır. Bu tullantılarin bir hissəsi çay kənarına belə çıxır, digər hissəsi isə Xəzər dənizinə tökülür.
Bildiyiniz kimi Lerik turizm mərkəzi kimi məşhurdur. Mərkəzlərin də əksəriyyəti çay kənarında yerləşir. Onlarda ən böyüyü isə Lerik deputatı Iqbal Məmmədova məxsus olan "Relax" istirahət mərkəzidir. Bu həmin deputatdır ki, Lerikin Piran kəndində yerləşən "Lebro" adlı fermarinin qanını və murdar sularını 10 ildir həmin bu çaya tökür. Əlbəttə, millət vəkili belə nümunə olandan sonra, digər istirahət obyektləri bundan artıq ola bilməz ki. Minlərlə bu plastik qablar və zibillər bütün il boyu çaya, ya da maşınlarla gətirilb çay kənarına tökülür, sonra isə yağış və sel olan zaman suyun səviyyəsi qalxır və onları qoynuna alıb beləcə gətirir tökür çay sahilində yerləşən kəndlərin ərazisinə. Bu zibil və plastik qablar əsasən Lənkəranın çay sahilində yerləşən 20 yə yaxın kəndin ərazisinə səpələnir. Bir hissəsi də Xəzər dənizinə tökülür. Nə vaxt dəniz sahilinə getsəniz belə tullantılar görə bilərsiz. Düzdü dəniz sahilində olan tullantıların bir hissəsini bura gələn sakinlər tökür, digər hissəsi isə çaylar vasitəsi ilə dənizə tökülən plastik qablardır ki, ləpələr onları sahilə çıxarır.
Bəs nə vaxta kimi belə olar? Niyə qurumlar bununla ciddi məşğul olmur? Niyə tullantılar çaya atılır? Çay məgər zibil tullamaq üçündür? Hamı zibilli başından edib atır çaya, daha düşünmür ki, bu hara gedəcək. Belə mədəniyyətsizlikmi olar? Belə məsuliyyətsizlikmi olar? Bəs qanun nə deyir buna, niyə cəzalanmılar? Biz hansı dövrdə yaşayırıq. Niyə inkişaf etmiş ölkələrdəki kimi bu plastik qablar və zibilləri təkrar emal etmək üçün zavodu yoxdur? Elə Lənkəranda da bütün zibilləri yaşayır məntəqələrinin yaxınlığında yandırırlar, elə yerlər var üfunətdən keçmək olmur, külək evlərə gətirir. Bu nə biabırçılıqdı, bütün dünya inkişaf edir, amma biz geri gedirik. Bütün günü də televiziyalarda yalanlar danışırlar ki Qafqazın lider dövləti, Avropanın paxıllıq etdiyi dövlət nə bilim nə. Mənbə: azerinfo.info Səhifəmiz hamı üçün açıqdır.. Teref. Xocanın Blogu
Zalqarağac postunda alver gedir, qayda pozuntuları YPX tərəfindən pul müqabilində qeydə alınmır “Yol polislərinin yaxşı əməlləri, müsbət hərəkətləri bir vətəndaş kimi məni həmişə sevindirib. Lakin bəzən onların içərisində olan, polis adına və şərəfinə ləkə gətirənlər də tapılır və təəssüf ki belələri çoxdur.” Bu sözləri aktualxeber.az saytına şair-publisist AYB-nin üzvü, “Dağlartv”-nin redaktoru Şəmsi Qoca deyib. Şair əlavə edib ki, noyabrın 10-da Bakıdan Saatlıya gedirdim. Sabirabad rayonu ərzisinə keçəndə yol hərəkət qaydasını pozdum. Zalqarağac postunda yol polisi maşını saxlamağımı tələb etdi və təbii ki mən maşını saxladım. YPX əməkdaşı özünü təüdim etmədən bildirdi ki, yol hərəkət qaydasını pozduğuma görə maşından düşüb posta getməliyəm. Mən ona buna heç bir ehtiyacın olmadığını, qaydanı pozduğumu bildiyimi söylədim. Aramızda belə bir dialoq oldu: – Qaydanı pozmusan, çox ciddi qayda pozuntusu olduğuna görə 80 manat cərimə olunacaqsınız və 3 cərimə balı veriləcəkdir. Ona görə də posta gəlin və görüntülərə baxın. – Mən qaydanı pozduğumu builirəm, ona görə də maşından düşməyə ehtiyac yoxdur. Cəriməni elektron qaydada göndərə bilərsiniz. Yaxud elə indi protokol tərtib elə təqdim et. – Xeyr, siz ilk növbədə posta gəlməlisiniz. – Yaxşı, mən gəirəm posta. Amma bu tələbiniz qanunsuzdur. – Qanunu məndən yaxşı bilə bilməzsiniz. – Əlbəttə ki, mən qanunu səndən yaxşı bilirəm və sənə deyirəm ki, mənim qayda pozuntum İXM-nin 327.1 maddəsinin təsiri altına düşür və sən dediyin kimi 80 manat yox, 40 manat cərimədir. – Ay kişi, sənə deyirəm düş maşından gəl həll edək. Poluisin təkidli tələbi məndə maraq doğurdu və düşüb nə baş verəcəyini görmək üçün onun son tələbini yerinə yetirmək qərarına gəldim. Maşından düşüb posta daxil oldum. Kompyuterlərin qarşısında 6 nəfər oturmuşdu və kameraların hərəkətlərini izləyirdilər. Məni posta dəvət edən polis işçisi sanki qeyb oldu. Mülki geyimli bir oğlan görüntüləri çək-çevir edib üzünü mənə tutdu və : “Babacan, siz 80 manat və 3 balla cərimlənirsiniz” Güldüm. Oğlan məni çölə çıxarıb 20 manat verərəmsə cərimə olunmayacağımı və görüntülərin silinəcəyini bildirdi. 20 manat verdim və dedim: -Cərimə gələcəksə sonra yaxanızı əlimdən qurtara bilməzsiniz.” -Yox babacan. Arxayın gedə bilərsən. Burda gördüklərimdən başa düşdüm ki radarların fəaliyyətinə müdaxilə edə bilməsələr də kameralar boyu Sabirabaddan Şirvana qədər olan ərazini Zalqarağac postunda nəzarət altında saxlamaq imkanı var. Lakin burada baş verən qayda pozuntularının 99%-i qeydə alınmır, yəni rəsmiləşdirilmir. Onu da qeyd edim ki, bu yolda qayda pozuntusu çox tez-tez baş verir. Çünki yol hər iki tərəfə 1 şəridli olduğundan təxminən 40 kmk yolun əksər hissəsində ötmənin qadağan olunduğunu, daş maçınlarının isə saatda 20 km sürətlə hərəkət etməsini nəzərə aldıqda bunu maşın sürən hər kəs anlayar. Posta çatan kimi saxlanılan sürücüyə əvvəlcə çox yüksək məbləğdə cərimə olunacağını bildirirlər. Ən az məbləğ 80 manat, 3 bal, ən yuxarı isə 150 manat və 6 baldır. Bu qədər məbləğdə cərimənin gələcəyindən narahat olan sürcülər də onların 20-30 manat müqabilində cəriməni ləğv edəcəklərinə sevinərək həmin pulu verir və beləliklə də nə şiş yanır, nə də kabab. Arada itirən isə dövlət büdcəsi olur.” Şəmsi Qoca daha sonra bildirib ki, istənilən vaxt. Istənilən yerdə dediklərini sübut edə bilər və şahidi də var. Bəli, biz də YPX-nin belə əməllərindən olan narazılıqları daim işıqlandırırıq. Lakin Baş DYP İdarəsinin bəzi rəhbər əməkdaşları, xüsusən də DYP rəisinin müavini Kamran Əliyev bizi qərəzlilikdə suçlayır Buyurun, bu fakt, bu da canlı şikayətçi. İnanırıq ki bu dəfə bizi qərəzli olmaqda suçlayanlar bu dəfə konkret cavab verəcəklər.Sonda Şəmsi müəllim bildirdi ki, mən cəriməni qanuni şəkildə ödəməyə hazıram, bir şərtlə ki,mənim 20 manatımı geri qaytarsınlar. Qarşı tərəfin müvqeyini dərc etməyə hazırıq Aktualxeber.az Səhifəmiz hamı üçün açıqdır.. Teref. Xocanın Blogu
“Rastlaşdığım biabırçılığın ancaq Sumqayıt səhiyyəsinə və ya ölkənin bütün səhiyyə sahəsinə aid olmasını hələki bilmirəm. İnternetdən Səhiyyə Nazirliyinin qaynar xətti kimi göstərilən nömrəyə zəng etdikdə “nömrə müəyyən olunmadı” cavabını aldım” Tribunainfo.az xəbər verir ki, bu sözləri açıqlamasında tanınmış vəkil Əsabəli Mustafayev öz “Facebook” profilində yazıb.Əsabəli Mustafayev bildirir ki, ona sürücülük vəsiqəsi üçün 6 noyabr tarixində bitən müddəti uzatmaq üçün sağlamlıq haqqında arayış almaq lazım olub:. “Məlum oldu ki, Sumqayıtın harasında yaşamaqdan asılı olmayaraq, bu arayış üçün ancaq “Ailə Sağlamlıq Mərkəzi” adlı poliklinikaya müraciət etmək lazımdır. Nə üçün insanlar yaşadıqları ərazidəki poliklinikada bu arayışı almaq hüququndan məhrum olunublar bilmirəm. Həm də bu poliklinika şəhərin ucqar ərazisində, köhnə, dəhlizləri darısqal binada yerləşir. Həmin əraziyə içtimai nəqliyyatın da marşurutu azdır. Ayın 4-də poliklinikaya getdim, müayinə üçün tələb olunan 50 manatı ödədim. Müayinələr üçün göndəriş verilən otaqın qarşısında çoxlu sayda insanlar növbə gözləyirdi. Məlum oldu ki, kompyuterdə problem yaranıb və ustalar çağrılıb. Nəsə, bir neçə saatdan sonra göndərişləri alanda məlum oldu ki, artıq həkimlər evlərinə dağlışıblar.Bazar ertəsi tezdən gəldim, 2-3 həkim müayinəsindən (1-2 dəqiqləlik qəbula müayinə demək olarsa) keçdim. Hər həkimə o qədər növbə vardır ki, keçdiyim müaniyələrdən sonra məlum oldu ki, həkimlərin iş günü qutarıb.Bu həkimlərin çoxu qrafiklə işləyir, yəni ya səhərdən günartaya qədər, ya da günortadan axşama qədər. Lakin qapıların heç birinin üzərində həkimin iş qrafiki yazılmayıb. Ona görə də həkimləri soraqlaşmalı, dəfələrlə qapılarını döyməli olurduq.Növbədə çərləyən insanlar da bir-birini sözlə zəhərləməklə bu xaosda özlərinə təsəlli verirdilər. Nəhayət bu gün qalan müayinələri yekunlaşdıra bildim. Tələsik qayıtdım göndəriş verilən otağa ki, onu təhvil verib əvəzində arayış alım. Qapıda ən azı 15 nəfər gözləyirdi, ən pisi də iş günün sona yaxınlaşması idi (çünki bu gün də onlar üçün qısa iş günü sayılırdı).Bu arayış ilə “Asan xidmətə” gedib, orada qısa müddətə yeni sürücülük vəsiqəsi ala bilərdim.Lakin məlum oldu ki, yenə sistem işləmir və hamıya bildirdilər ki, arayış üçün ayın 10-da gəlməliyik.Beləliklə də, mən ayın 10-a qədər mülkiyyətimdə olan avtomaşından istifadə hüququndan məhrum edildim. Dəhşətlisi odur ki, adi texniki məsələni təşkil edə bilməyən belə bir quruma millətin həyatı və sağlamlığı həvalə olunub”.
