Bütün məhkəmə instansiyaları vətəndaşın xeyrinə qərar çıxarsa da, ona hələ ev verilməyib

“2018-ci ilin iyulun 8-də Səbail rayonu, Nizami küçəsi 4, mənzil 4-də (Axundov heykəlinin yaxınlığı) yerləşən evim “Pilot Residence” MTK tərəfindən sökülüb. MTK-nın təklif etdiyi şərtlərlə razılaşmadığımdan söküntü biz evdə olmayanda həyata keçirilib. Şirkətə qarşı iddia qaldırmışam, illərdir məhkəmə çəkişməsi davam edir, şirkət məhkəmənin qərarını icra etmir”.

Bunu Meydan TV-yə həmin ünvanda qeydiyyatda olan Muxtar Nəsibov bildirib.

Şikayətçinin sözlərinə görə, ikimərtəbəli, 7 otaqlı evi yerlə-yeksan edilib, evin içindəki bir neçə əşyası da yararsız hala salınıb. Qalan əşyaları isə şirkət tərəfindən götürülərək indiyədək geri qaytarmayıblar:

“Söküntü zamanı işıq, qaz tez-tez kəsilirdi, səs-küydən, tozdan evdə oturmaq mümkün olmurdu. Şirkətdən dedilər ki, evim plana düşmür, biz də söküntü tamamlanadək kirayədə qaldıq. Bir neçə gündən sonra evi söküblər, iddia edirlər ki, guya təsadüfdən dağılıb. Bizə xəbər vermədən əşyalarımızı şirkətin anbarına yığıblar, indiyədək geri ala bilmirik”.


Şirkət premium yaşayış kompleksinin tikintisi üçün həmin il Nizami küçəsində 70-ə yaxın ev söküb. Nəsibov deyib ki, onun təxminən 112 kvadratmetr sahəsi olan evini də ölçüb-biçiblər, evin yerində tikiləcək binada mənzil təklif olunub. Amma divarların qalınlığını çıxaraq evin faktiki sahəsinin 25 kvadratmetr az göstərilməsi səbəbindən razılığa gələ bilməyiblər.

Nəsibov qeyd edib ki, beş il ərzində Səbail Rayon Məhkəməsində bir, Bakı şəhəri Apelyasiya Məhkəməsində beş, Ali Məhkəmədə beş dəfə onun xeyrinə qərar çıxarılıb. Ali Məhkəmə Bakı şəhəri Apelyasiya Məhkəməsinin qətnaməsini qüvvədə saxlayıb:

“Qərara əsasən, Bakı şəhəri, Səbail rayonu, Nizami küçəsindəki 4 nömrəli evin, 4 saylı mənzilin əvəzinə, həmin ərazidə inşa edilən çoxmənzilli yaşayış binasında, ümumi sahəsi 145.34 kvadratmetr olan 4 otaqlı tam təmirli mənzilin verilməsi, bu, mümkün olmadıqda isə həmin mənzilin bazar dəyəri olan dörd yüz yetmiş iki min, üç yüz manatın “Pilot Residence” Mənzil Tikinti Kooperativindən tutularaq mənə ödənilməsi qərara alınıb. İş Səbail Rayon İcra və Probasiya şöbəsindədir”.


Şikayətçi deyib ki, problem ondadır ki, məhkəmənin qərarına ziddi olaraq aşağı sahəli, əslində ikiotaqlı olan mənzil üçotaqlı, eyni zamanda, əslində ikiotaqlı olan mənzil məhkəməyə dördotaqlı mənzil kimi təqdim edilir. Ev əşyalarının anbara yığılaraq toxunulmaz saxlanıldığı bildirsə də, əşyalara baxış aparılmasına şərait yaratmaqdan boyun qaçırılır:

“Bakı şəhəri Apelyasiya Məhkəməsi “Pilot Residence” Mənzil Tikinti Kooperativinin əməlində cinayət tərkibinin müəyyən edilməsi ilə əlaqədar olaraq xüsusi Qərardad qəbul edərək Baş Prokurorluğa göndərib. Bunun da nəticəsini gözləyirəm. Şirkət məhkəmənin qərarını yerinə yetirmir və illərdir mənə dəyən zərər ödənilmir”.

Şirkətin satış şöbəsindən Meydan TV-yə bildiriblər ki, yaxın zamanlarda məhkəmənin qərarı yerinə yetiriləcək.

Azərbaycan Respublikasının Qida Təhlükəsizliyi Agentliyi yanında İctimai Şuranın sədri Nazim Səfərov ticarət obyekti inşa etdirir.

AzFakt.com xəbər verir ki, bu barədə Dövlət şəhərsalma və Arxitektura Komitəsinin saytında məlumat yerləşdirilib.

İctimai şura sədrinin inşa etdirdiyi ticarət mərkəzi Xəzər rayonunun Şüvəlan qəsəbəsində yerləşir.

İki mərtəbə olacaq obyektin ümumi sahəsi 286 kv metrdir.

Qeyd edək ki, Nazim Səfərov AQTA-nın İctimai Şurasının sədri olmaqla yanaşı, həm də “Azərbaycan Heyvandarlıq Assosiasiyası” (AHA) İctimai Birliyinin İdarə Heyətinin sədridir.

Vətəndaşın demokratiya, insan haqları və s problemi yoxdur. Vətəndaş üçün stabil iş yeri, rifah və sağlamlıq başlıca məsələdir. Azərbaycan dövlətinin sosial yönümlü olması dəfələrlə rəsmi olaraq səsləndirilib. Bəli, ən həssas yerimiz olan Qarabağ qazilərindən iki misal çəkəcəyik: Qarabağ qazisi deyir ki, mənə nə ev, nə də maşın verməyin, mənə iş verin....
Başqa bir Qarabağ qazisi deyir ki, heç nə istəmirəm, müalicə olunmaq istəyirəm... Bütün bunlar isə bir başa Əmək və Əhalinin Sosial Müdafiəsi Nazirliyinin, yəni cənab nazir Sahil Babayevin üzərinə düşür. Amma... Əmması odur ki, Sahil Babayev nazir olandan sonra minlərlə, bəlkə də yüz minlərlə vətəndaşı dövlətdən narazı salıb. Bu nazirliyin konkret işi SOSİAL MÜDAFİƏDİR, amma insanları dövlətdən narazı salmaq deyil. Bu nazirliyin stukturuna nəzər salanda adam dəhşətə gəlir. Bu boyda nazirlik olar..?
Bu nazirliyin nəzdində Dövlət Məşğulluq Agentliyi var. Adından bəlli olduğu kimi əsas funksiyası vətəndaşları işlə təmin etməkdir, yeni iş yerlərinin açılmasıdır və s. Bu agentlikdə “İşsiz şəxslərlə iş”, “Məşğulluq tədbirləri”, “Peşə hazırlığı” və s departamentlər fəaliyyət göstərir.
Görüsünüzmü, hamısının adında İŞ və MƏŞĞULLUQ... Hələ bu harasıdır..? Regional Məşğulluq filialları, Mərkəzi Monitorinq və Qiymətləndirmə filialı və daha nələr... Dövlət bu qurumlara hər ay yüz minlərlə maaş verir, milyonlarla vəsait ayırır, amma nə faydası... Vətəndaş haray salır ki, mənə MƏŞĞULLUQ üçün verilən İNƏYİN AĞZINDA DİŞLƏRİ yoxdur, gəlin bunu aparın, mənə lazım deyil...
Bəli, Məşğulluq Agentliyinin əsas işi əmək bazarını yaratmaq, insanları işə cəlb etməkdir. Dövlət Məşğulluq Agentliyi aktiv məşğulluq tədbirlərinin təşkili, işsizlikdən sığorta vəsaitinin idarə edilməsi, işaxtaran və işsiz şəxslərin sosial müdafiəsi ilə bağlı tədbirlərin, “Məşğulluq haqqında” Azərbaycan Respublikası Qanununun tələblərinə əməl olunmasına nəzarətin, habelə aidiyyəti dövlət orqanları (qurumları) ilə birlikdə əmək bazarının təhlili və qeyri-formal məşğulluğun aşkar edilməsi və qarşısının alınması ilə bağlı nəzarət tədbirlərinin həyata keçirilməsi, bununla bağlı maarifləndirmə, məlumatlandırma, təbliğat işinin təşkili sahəsində (bundan sonra – müvafiq sahə) fəaliyyət göstərən publik hüquqi şəxsdir.
Yuxarıda qeyd etdiyimiz kimi qurumun tərkibində Mərkəzi Monitorinq və Qiymətləndirmə filialı fəaliyyət göstərir. Qurumun rəhbəri Əliyev Elnur Qaraxan oğludur. Ağlınıza türk serialları-zadı gəlməsin. Söhbət məşhur tikinti kralı, “Qaraxan MTK”-nın sahibi, ağdamlı Qaraxan Əliyevdən gedir. Bəli, nazir Sahil Babayev Qarabağlı dostunun oğluna agentlikdə mühüm vəzifə verib. Amma Elnur Əliyev bu filialı öz şəxsi obyekti kimi işlədir.
Təsəvvür edirsiniz, vətəndaş yazır ki, mənzil problemimlə bağlı şikayətimi araşdrımaq üçün Dövlət Məşğulluq Agentliyinin Mərkəzi Monitorinq Qiymətləndirmə filialından gələrək çəkiliş apardılar və söz verdilər ki, problemim həll olunacaq. Bir neçə aydan sonra vətəndaş quruma müraciət edəndə cavab veriblər ki, filialda struktur dəyişikliyi olduğu üçün növbəti ildə gəlib yenidən çəkiliş edəcəklər. Bunlara başa salan lazımdır ki, stuktur dəyişikliyinin vətəndaşa nə dəxli ola bilər..? Məgər struktur dəyişəndə qurumun apardığı monitorinq materialları silinir..?
Deməli, zavallı vətəndaş növbəti ili gözləməlidir..? Belə idarəçilik olmaz, vallahi.... Bir daha qeyd edirik ki, dövlət bu sahəyə külli miqdarda vəsait ayırır ki, vətəndaşların məşğulluq problemi həll olunsun. Amma Qaraxan müəllimin oğlu Elnur Əliyev kimi məmurlar vətəndaşları dövlətdən narazı salır. Guya Allah qoymasa, Elnur Əliyevin müdir olduğu Mərkəzi Monitorinq və Qiymətləndirmə filialı ölkə üzrə monitorinqlər keçirir, pullar silinir, torpaq payı olanlara məşğulluq təklif edilir, özünüməşğulluğa cəlb olunmuş şəxslərin fəaliyyəti, habelə haqqı ödənilən ictimai işlərə cəlb edilmiş işçilərin əməyindən səmərəli istifadə üzrə yoxlamalar aparılır. Həə, söhbət icra başçılarının cibindəki maaş kartlarından gedir. İndi bildinizmi, Elnur Əliyev hansı əməllərlə məşğuldur..? Qarşı tərəfin mövqeyini dərc etməyə hazırıq. //gundelik-baku.com//

Prezident Administrasiyasının Vətəndaş qəbulu mərkəzinin 39-cu otağının “sirri”
Prezident Administrasiyasının şöbə müdiri Gündüz Kərimov yalnız məmurları qəbul edir?
Təhlükəsizlik Şurasının katibi Ramil Usubovun qəbuluna terrorla bağlı yazılmaq olar! (?)
2022-ci ilin 14 dekabrında Prezident Administrasiyasının Vətəndaşların qəbulu mərkəzində 39-cu otaqda “xalqa xidmət edən” xanım (Səmayə Əliyeva) hüquq mühafizə orqanları ilə iş şöbəsinin müdiri, MHŞ üzvü Fuad Ələsgərovun qəbuluna yazmaqdan imtina etdi ki, bir gün qalmış qəbul dayandırılır , gələn il gəlmək olar. Dekabrın 21-də PA-nın qanunvericilik və hüquq siyasəti şöbəsinin müdiri Gündüz Kərimovun qəbul gününə iki gün qaldığından qəbul hüququna qadağa qoyulmasına bəhanə olmayacağını sayırdım. Amma, mən saydığımda olum, görün, mənbəyini xalqdan götürən hakimiyyətin icra qolu nə sayır! Bəlli oldu ki, PA-nın qəbul şöbəsi xalqı ümumiyyətlə saymır. Yoxsa, Gündüz Kərimovun yalnız dövlətin hüquq siyasəti ilə bağlı problemlərlə məşğul olduğu, bu məntiqlə yalnız dövlət məmurlarını qəbul etməli olması vurğulanmazdı. Bəs Təhlükəsizlik Şurasının katibi Ramil Usubovun qəbuluna necə ?Heç demə, keçmiş daxili işlər naziri də dövlət terroru ilə bağlı məsələlərə baxır. Nizami polisinin vətəndaşı, 1-ci dərəcəli DİN-in Qarabağ qazisini terrorizə etməsi, DİN-in saxta vəkili və nümayəndəsi Əlirza Həbilovun DİN-in adından məhkəmə təminatı hüququna qadağa qoyması , şəxs barəsində terrorçu, qatı cinayətkar imicinin yaradılaraq , cinayət işi ilə şantaj edilməsi, dövlətin adından çıxarılan məhkəmə qərar(lar)nın 14 ildir icra olunmaması, əksinə, tələbkar 1-ci dərəcəli Qarabağ qazisinə işgəncə verilməsi terror sayılmır? Prokurorluq orqanlarının cinayəti ört-basdır etməsinə kim hüquqi qiymət verməlidir? Ümumiyyətlə, Gündüz Kərimovun, Ramil Usubovun qəbuluna yazılmağa yalnız məmurlar “haqq edəcəksə” , vətəndaşların qəbulu mərkəzində niyə qəbul günləri nəzərdə tutulub?
39-cu “qadağa otağı”nın “yiyəsi” xanım (Səmayə Əliyeva) Gündüz Kərimova məktubla müraciət etməyi məsləhət görüb, qəbul qadağasının nədən, kimin göstərişindən qaynaqlandığını , (təbii ki), açıqlamadı. Lap nağıla bənzəyir , heç cür 39-cu otağın tilsimini qırıb, 40 -cı otağa girə bilmirəm. Prezidentin keçmiş köməkçisi Əli Həsənovun “40 pillə kafesi”ni Qarabağ qazilərindən dələduzluqla oğurlamasının sirri də 40 günə açılmadı. Sadəcə Əli Həsənovun göstərişi ilə 9 -cu PB-də yaralı durumda saxlanmağım sonucunda 40 gün qospitalda yatmalı oldum. İndi isə Prezident köməkçisi Kərəm Həsənov Xətai məhkəməsinin 26.05.2009 və 21.06.2011-ci il tarixli 2 (!) qətnaməsi ilə 1-ci dərəcəli Qarabağ qazisinə verilən Nizami rayonu, Bəhruz Nuriyev küçəsi, 10a ünvanındakı əvvəllər 25 saylı II Nizami Dairə Seçki Komissiyasının yerləşdiyi otaqları saxta şəhadətnamə ilə ələ keçirib və. .. tələbkar 1-ci dərəcəli Qarabağ qazisinə işgəncə verilməsini dələduz icra məmurlarına, Nizami polisinə tapşırıb. Təsəvvür edin, dövlətin adından çıxarılan məhkəmə qərarı hazırda Cəlilabad RİH başçısı olan, keçmiş ƏMDK sədri Kərəm Həsənovun müavini Rafiq Cəlilovun, sədrinin adından imzaladığı şəhadətnamədən , Nizami RİH “JEK”-inin “razılıq məktubu”ndan aşağı imiş! (?) Məhkəmənin 1-ci dərəcəli Qarabağ qazisinə verdiyi otaqları öncə “Kapitalbank”ın həmin ünvandakı filialının, bank bunu yalanlayanda, Hüseynov Aydın Bəxtiyar oğlunun “mülkiyyətinə verən” borclular (ƏMDK, Nizami RİH , Ədliyyə Nazirliyinin Xətai və Nizami icra şöbələri ) 2021-ci ilin sentyabrından Kerem Sezer adlı ata adı olmayan ( bunu borclu ƏMDK -nın yanına verildiyi İqtisadiyyat Nazirliyi rəsmi məktublarla bildirib –(?) Türkiyə vətəndaşına satıblar. . Baş prokuror , ədliyyə naziri də Prezident köməkçisi Kərəm Həsənovun, Dövlət Statistika Komitəsinin sədri, Nizami RİH -in keçmiş icra başçısı Tahir Budaqovun qanunsuz göstərişlərini qanundan, Konstitusiyadan üstün tutub, 1-ci dərəcəli tələbkar Qarabağ qazisinə işgəncə verilməsini ört-basdır edir, Qarabağ əlilinin PA-nın 39-cu otağından keçməsinə imkan vermirlər. Guya imkan veriləndə nə olacaq ki? Sadəcə müstəntiq Qalib Kərimlinin, sahə müvəkkili Elçin İslamovun və daha 3 nəfər polisin “protokol qaydasında axtarış” adına oğurladığı dərs vəsaiti kömpüterin hələ də qaytarılmaması PA-nın 39-cu otağına baş vurmağa nədəndir. Hələ ki, 39-cu otaqdan o yana keçməyə qadağa qoyulub. ..
PA-nın saytı ilə elektron müraciət , elektron qəbula yazılmaq da imitasiyadır . Nədən müraciətlər ünvanına çatdırılmır, qəbula yazılmaqla adın qəbul siyahısında görsənmir. Yazılı müraciətlər də qəbul edilmir, pullu poçt xidmətinə müraciət etmək bildirilir. PA-nın həyətində, vətəndaşların qəbulu mərkəzinin həyətində bir poçt qutusu qoymaq belə çətindir? Xalqa xidmət niyə pullu olmalıdır?
Məğrur Bədəlsoy

Teref.az yazır ki, keçmiş nəqliyyat naziri Ziya Məmmədovun oğlu Anar Məmmədovun sərvətinin daha bir hissəsi barədə yeni xəbər yayılıb.
Bu məsələ ilə bağlı xaricdə yaşayan araşdırmaçı jurnalist Cavanşir Həsənli məlumat yayıb. Cavanşir bəy yazır:
Anar Məmmədov Virciniya adalarındakı bir şirkətdə 41 milyon funt sterlinqə (85 milyon manat) sahib olması ilə ölkə gündəminə gəlib.
Keçmiş nəqliyyat naziri Ziya Məmmədovun oğlu Anar Məmmədov qeybə çəkilib. Amma mən onu qeybdə də görürəm.
Məsələn, Virciniya adalarındakı tək bir şirkətdə 41 milyon funt sterlinqə (85 milyon manat) sahibdir.


Sənədlərdə qeyd olunur ki, son nəzarət edən tərəf Anar Məmmədovdur.


Onun şirkəti Britaniyanın şimal-qərbində 22 restorandan ibarət KFC franchise şəbəkəsinə sahibdir.
Teref.az

"Miss Azerbaijan-2021" qalibi model Milan Babayeva yeni görüntüləri ilə gündəmə gəlib.

İndiyədək əsl adını açıqlamaq istəməyən, "Milan" təxəllüsü ilə məşhurlaşan gənc qızln Moskvadakı gecə klublarından birində çəkilən açıq-saçıq görüntüləri peyda olub.

"Azərbaycan gözəli" titulunun sahibi sosial şəbəkə istifadəçilərinin tənqid atəşinə tuş gəlib.

Teref.az Prezidentə ünvanlanmış və bir surətidə poçtumuza daxil olmuş şikayət məktubunu oxuculara təqdim edir:
Əsli-Azərbaycan Respublikasının Prezidenti cənab İlham Əliyevə,
Surəti- Azərbaycan Respublikasının 1-ci vitse-prezidentinə,
Surəti- Azərbaycan Respublikası Baş naziri cənab Əli Əsədova,
Surəti- Azərbaycan Respublikasının Baş prokuroru cənab K.Əliyevə,
Surəti- Azərbaycan Respublikasının Daxili işlər nazirinə,
Surəti- Azərbaycan Respublikasının DİN-nin Baş Mütəşəkkil Cinayətkarlığa qarşı Mübarizə İdarəsinin rəisinə,
Surəti- Azərbaycan Respublikasının Milli Məclisin deputatı cənab Fazil Mustafayevə,
Surəti- Azərbaycan Respublikasının İqtisadiyyat nazirinə,
Surəti- Dövlət Təhlükəsizlik Xidməti rəisi cənab Əli Nağıyevə,
Surəti- Azərbaycan Respublikasının İqtisadiyyat Nazirliyi yanında Vergi Xidməti Depertamentinə,
Surəti- Azərbaycan Respublikasının Baş Prokurorluq yanında Korrupsiyaya qarşı Mübarizə İdarəsi rəisinə.
Surəti- Azərbaycan Respublikası Ailə, Qadın və Uşaq problemləri Komitəsinə,
Surəti- Azərbaycan Respublikasının Ombudsman Aparatının rəhbərinə,
Surəti- Naxçivan MR-nın Baş Prokurorluğuna və DİN-nə,
Surəti- Azərbaycan Respublikasının Mətbuat orqanı rəhbərlərinə,
Surəti- Naxçıvan Muxtar Respublikasının prokuroruna və Polis İdarəsi rəisinə.
Bakı (Az 1072) Nərimanov rayonu, Aşıq Alı küçəsi, ev7/19,mən.,141- ünvanda yaşayan Məmmədova Gülsüm Əsgər qızı tərəfindən
Vasif Talıbov və qardaşı Məhərrəm tərəfindən 2003-cü ildə zorakılıqla ələ keçirdikləri Naxçivan şəhəri, H.Əliyev küçəsi 17-də yerləşən və həyat yoldaşım Məmmədov Vahid Rza oğluna məxsus olan "Təbriz" (indiki "Zümrüd") restoranının ailəmizə geri qaytarılması" barədə
Ş İ K A Y Ə T Ə R İ Z Ə S İ
Çoxhörmətli cənab Prezident! Son 27 il ərzində Naxçivan Muxtar Respublikasında Talıbov Vasif və Məhərrəm qardaşlarının törətdiyi cinayətlərin sayı-hesabı yoxdur desək yanılmarıq. Bu dəstənin əlindən əziyyət çəkən Naxçıvanda yaşayan minlərlə ailələrdən biri də bizim ailəmiz olub. Belə ki, 1957-ci ildə Naxçivan şəhərində anadan olmuş həyat yoldaşım Məmmədov Vahid Rza oğlu 1984-cü ildə Heydər Əliyev prospekti 17-də tikilib istifadəyə verilmiş "Təbriz" hotelinin yanındakı "Təbriz" restoranında 1983-cü ildən 1989-cü ilə kimi əsas işçisi kimi sənədləşdirilərək işləmiş, daha sonra isə1990- 2003-cü ilin dekabrın 26-dək tək sahibi olmuşdur. Vahid "Təbriz" restoranını yenidən qurmuş, bütün lazım olan avadanlıqlarla, mebellərlə, xalçalarla tam təchiz etmişdir. 1993-cü ilədək restoran kimi fəaliyyət göstərsə də, 1994-2004-cü ilədək bu restoran Naxçivan şəhərində ən böyük ( 600 yerlik ) şadlıq evi kimi də fəaliyyətini davam etdirmişdir.
Vahidin restoranı 1990-1993-cü illər ərzində Ulu Öndərin şəxsi tapşırığı əsasında Naxçivana gəlmiş rəsmi qonaqlara da xüsusi xidmətlər göstərmişdir, tədbirlərin keçirilməsinə şərait yaratmışdır. Bunun üçün Vahid müəllim Almaniyadan dəyəri 20000 dollara olan xüsusi çılçıraqlar, İrandan ən böyük ölçülü, bahalı xalılar, Rusiyadan böyük gücə malik generatorlar, avadanlqlar gətirib şadlıq evini zənginləşdirmişdir. Elə həmin şadlıq evində Vasif Talıbovun bacısının, qardaşının da toy məclisləri təşkil edilmişdir. Lakin çox təəsüflər olsun ki, 2003-cü ilin dekabrın 26-da növbəti toy mərasiminin keçirilməsinə hazırlıq görüldüyü zaman Vasif Talıbovun qardaşı Məhərrəm Talıbov bir dəstə qolu zorlu qoçularla şadlıq evinə daxil olaraq işləri dayandırmış və şəxsi heyətin dərhal restoranı tərk etmələri tələb olunmuşdur. Qapılar içəridən bağlanmış və Məhərrəmin 10 nəfərlik quldur dəstəsi soyğunçuluğa başlamışdır. Yəni, seyfdə olan bütün sənədlər, pul, şəxsi əşyalar yağmalanmış və bu günə qədər qaytarılmamışdır. Elə həmin günü quldur dəstəsi restoranın bütün qapılarının kilidlərini dəyişmiş, mühafizəni gücləndirmişlər. Təlaşa düşən restoran işçilərinə və kimsəyə heç bir açıqlama vermədən zoraçılıqla şadlıq evini ələ keçirmişlər.
Xatırladaq ki, uzun müddət Vahid Məmmədov "Təbriz" restoranını işlətdiyinə görə Naxçıvanda o "Təbriz Vahid" ləqəbilə tanınırdı. Belə bir zoraçılıq və əmlakının Talıbovlar tərəfindən ələ keçirilməsindən sonra 2004-cü ilin əvvəlində ona edilən müxtəlif təzyiqlərdən sonra Vahid Məmmədov evini-eşini tərk edərək Naxçivandan Bakıya köçməli olmuşdur. Bu dəhşətli hadisədən sarsılan Vahid ürək əməliyyatı keçirmiş, şəkər xəstəliyinə tutulmuşdur. Vahidə təzyiqlə onun Naxçivanda yerləşən ata yurdu olan evini də məcbur edib dəyər dəyməzinə satdırmışlar ki, bir daha Naxçivana qayıtmaq fikrinə düşməsin. 2016-cı ilin əvvəlində Vahid qəfil olaraq 59 yaşında dünyasını dəyişmişdir.
Çoxhörmətli, cənab Prezident Bir daha nəzərəinizə çatdırmaq istəyirik ki, ailəmizin büdcəsi və uzun müddət sahibkarlıq fəaliyyəti zamanı əldə etdiyi və qurub yaratdığı "Təbriz" restoranının genişləndirlməsi, təchizatı, işçilərin saxlanması, təmiri, və s. işlərin görülməsi üçün qurub yaratdığı bir obyektin Talıbov Vasif və Məhərrəm tərəfindən heç bir səbəb göstərilmədən zoraçılıqla əlindən alınması ailəmizə məxsus şəsxi mülkiyyətə qəsb hesab olunur. Və Sizdən çox xahiş edirik ki, "Təbriz" - indiki "Zümrüd" restoranının simasız quldurlardan alınaraq ailəmizə qaytarılması üçün DTX rəisi cənab Əli Nağıyevə göstəriş verəsiniz ki, məsələ yerində araşdırılsın və bu illər ərzində ailəmizə dəymiş ziyan tam ödənilməklə, obyekt ailəmizin mülkiyyətinə qaytarılsın. Əvvəlcədən ailəmizin adından minnətdarlığımızı bildiririk.
Hörmətlə,
Vahid Məmmədovun qanuni varisi ( həyat yoldaşı) G. Məmmədova
Teref.az olaraq qarşı tərəfin mövqeyinidə dərc etməyə hazırıq!
Teref.az