 |
|
|
Xəbər verdiyimiz kimi, son günlər havaların kəskin soyuması, nəticədə çovğunla müşahidə edilən qar və buzlaşma ilə əlaqədar ölkənin əsasən dağlıq istiqamətlərində, o cümlədən işğaldan azad edilən bəzi rayonların elektrik veriliş xətlərində müəyyən problemlər orataya çıxıb.
Bu barədə"Azərenerji" ASC-dən bildirilib. Məlumata görə, Xızı, Qəbələ, Ağsu, Yardımlı rayonunları ilə yanaşı, “Kəlbəcər” xəttinin Daşkəsən istiqamətindəki Alaxançallı kəndində, Qubadlı-Laçın xəttinin Güləbird və Şuşa xəttinin Boyük Tağlar kəndlərindən keçən buzlaşmış hissələrində də problemlər yaranıb.
“Bu və digər ərazilərin elektrik enerjisi ilə təmin olunmaları üçün “AzərEnerji” bütün imkanlarını səfərbər edib. Kəskin hava şəraiti işin intensiv aparılmasına mane olur, qarın qalınlığı bəzi ərazilərə texnikanın çıxarılmasını çətinləşdirir. Buna baxmayaraq probleminin həlli istiqamətində ciddi addımlar atılıb və atılır", - deyə səhmdar cəmiyyəti bəyan edib.
Nəzərə çatdıraq ki, 2022-2023-cü ilin payız-qış mövsümünə hazırlıq çərçivəsində “Azərenerji” ASC-nin müəssisələrində müvafiq tədbirlər həyata keçirilib. Qurumdan mətbuata verilən məlumatda bildirilir ki, ölkənin fasiləsiz elektrik enerjisi ilə təmin edilməsi, ixrac imkanlarının genişləndirilməsi, enerjinin istehsalı və ötürülməsi üzrə plan tapşırıqlarının yerinə yetirilməsi, enerji müəssisələrində açılma və imtinaların sayının minimuma endirilməsi qarşıya əsas vəzifə olaraq qoyulub. Bu məqsədlə enerji müəssisələrində planlı təmir, təmir-bərpa, yenidənqurma işləri həyata keçirilib. Lazımi yanacaq ehtiyatı tədarük edilib.
Bundan başqa, əsas və köməkçi avadanlıqların təmiri təyin edilmiş normalara uyğun keyfiyyətlə yerinə yetirilib. Elektrik stansiyalarında texniki göstəricilərin yaxşılaşdırılması üzrə mühüm tədbirlər görülüb. Həmçinin, yerinə yetirilmiş təmir işləri qiymətləndirildikdən sonra “Azərenerji” ASC-də yaradılmış Aidiyyəti Tədbirlər Planının yerinə yetirilməsi üzrə Komissiya tərəfindən müəssisələrə 2022-2023-cü ilin payız-qış mövsümünə “Hazırlıq Pasportu”nun verilməsi qərara alınıb.
Maraqlıdır, qış mövsümünə belə ehtiyatlı, qurumun özü bəyan etdiyi kimi mühüm, üstəgəl əlavə tədbirlərin həyata keçirilməsi planlaşdırıldığı açıqlanarkən, bu cür problemlər haradan və nədən qaynaqlanır? Ümimiyyətlə, qurumların qışa hazırlaşarkən verdikləri vədləri, saytlarda dərc elədikləri hesabatları niyə yalnız kağız üzərində qalır? Əhali mövcud problemlərlə niyə qarşılaşmalı, işığa sözün əsl mənasında həsrət qalmalıdır?
Ünvanlanan suallarımıza doğun və ətraflı cavab tapmayacağımıza əminik, amma, yenə də aidiyyəti quruma müraciət edib, qışa hazırlığıa dair hesabatlaırn elə ilk qardaca “əriməsinin” nədən qaynağlandığını öyrənmək istədik.
Azərenerji" ASC-nin İctimaiyyətlə əlaqələr və media mərkəzinin rəisi Teymur Abdullayev bir azdan sözügedən məsələ ilə bağlı sualları sorğu şəklində deyil, ümumi şəkildə mətbuata açıqlayacağını dedi.
Türkiyədən Naxçıvana mal daşıyan karqolar qiymətləri qaldırıb. Bu karqolar Naxçıvanda gömrük rüsumlarını ödədikdən sonra malları sahiblərinə çatdırırlar. Daşıma qiymətlərinin qalxmasına da, gömrük rüsumlarının bahalanmasının səbəb olduğu bildirilir. TEREF.AZ bildirir ki, bu haqda „Gündəlik Nxçıvan“a bir qrup yerli sahibkar məlumat verib. Onlar deyir ki, yeni ildən daşıdıqları malların hər kiloqramı üçün, karqo onlardan 1 dollar artıq almağa başlayıb. Sahibkar Cavad Rəcəbov deyir ki, qiymətlərin bahalanması səbəbindən, Türkiyə ilə ticarəti dayandırmaq qərarına gəlib:
“Kargo yükü gətirir, Naxçıvan Gömrük İdarəsində rüsumu ödəyir və malı bizə təhvil verir. Biz isə, hər kilo üçün pulu rüsum qarışıq karqoya ödəyirik. Naxçıvanda hakimiyyət dəyişdikdən sonra sevinirdik ki, rüsumlar azaldılacaq, daşıma qiymətləri də endiriləcək. Hər şey əksinə oldu. Vasif Talıbovun vaxtında karqo geyim mallarına 4 dollar, ayaqqabıya isə 4.3 dollar alırdı. Yanvarın 1-dən bu qiymətlər bir dollar bahalanıb. Yəni indi müvafiq olaraq, 5 və 5,3 dollar ödəməliyik. Bu isə malların qiymətinin kəskin bahalaşmasına səbəb olur. İnsanların isə sosial vəziyyəti ağırdır, malın qiymətini qaldırmaq olmur. Bu səbəbdən alış-veriş getmir. “
Digər sahibkar K. Cabbarov deyir ki, bir neçə gün əvvəl İstanbuldan ona mal gəlib. Malı götürmək üçün getdikdə isə, daşıma qiymətlərinin qalxdığını bildiriblər:
“Karqo malı gətiri Naxçıvan Gömrük İdarəsinə, burada rüsumu ödədikdən sonra, bizə təhvil verirlər. Yəni, biz malı elə idarədən götürürük. Lakin, pulu karqoya ödəyirik. Bu dəfə dedilər ki, qiymətlər qalxıb. Əvvəllər hər kiloqram üçün 4 dollar alırdılar. İndi qiyməti 5 dollara qaldırıblar. Məcbur qalıb 50 kilo geyim malına 250 dolların kursuna uyğun manatla pul ödədim. Onlar qiyməti qaldırır, biz isə qaldıra bilmirik. Alıcı qüvvəsi zəifdir. Düşünürdük ki, Naxçıvan gömrükləri Bakıya tabe olandan sonra, risumlar endiriləcək. Əksinə oldu. Biz pulu ödəyəndə, çox vaxt qəbz də verilmir. Yaxud da, qəbzdə yazılmır ki, pulun nə qədəri rüsum üçün ödənib. Ona görə dəqiq deyə bilmərik ki, gömrük idarəsinin rüsum adı altında aldığı büdcəyə keçir, yoxsa ciblərə”
Məsələyə münasibət öyrənmək üçün Naxçıvan MR Dövlət Gömrük İdarəsi ilə əlaqə saxlaya bimədik. İdarənin mövqeyini işıqlandırmağa hazırıq.
Rüşvət və korrupsiyada ittiham olunan Naxçıvan MR Dövlər Gömrük Komitəsi ötən ilin noyabrın 29-da ləğv edilib. Müstəqil olan bu qurumun yerində mərkəzi hakimiyyətə bağlı olan Naxçıvan MR Dövlət Gömrük İdarəsi yaradılıb.
Azərbaycanda yerli icra hakimiyyəti orqanlarının başçıları ilə bağlı aparılan antikorrupsiya əməliyyatlarından nəticə çıxarmayanlar da var. Belə icra başçılarından biri də Sumqayıt Şəhər İcra Hakimiyyətinin başçısı Zakir Fərəcovdur.
Bu barədə Gununsesi.info-ya Sumqayıtdan seçilən deputatlardan biri bildirib.
Adının çəkilməsini istəməyən deputatın sözlərinə görə, icra başçısından vətəndaş narazılığını əks etdirən şikayətlər onlara da daxil olur.Millət vəkili deyib ki, Sumqayıt Şəhər icra Hakimiyyətinin başçısı Zakir Fərəcovla bağlı Baş Prokurorluğa və Dövlət Təhlükəsizliyi Xidmətinə çoxsaylı şikayətlər daxil olub: “Həmin şikayətlər ətrafında araşdırmalar başlanılıb. Bu şikayətlər təsdiqini taparsa, Zakir Fərəcovu da həbs edilən digər icra başçılarının taleyi gözləyəcək”.
Lənkəran rayonunun mərkəzi küçəsi baxımsız vəziyyətdədir.
Rayonun Səttərxan küçəsində əvvəllər Dəri-Zöhrəvi Xəstəlikləri Dispanseri yerləşib.
Dispanser Lənkəran Rayon Mərkəzi Xəstəxanasına köçürüləndən sonra ərazi məişət tullantılarının poliqonuna çevrilib.
“İtlərin əlindən küçəyə çıxmaq olmur. Kimin əlində zibil olur, gətirib atır bura. Yayda burada iydən dayanmaq olmur”, – deyə sakin İdrak Dadaşov qeyd edib.
Sakinlər məsələ ilə bağlı dəfələrlə aidiyyəti qurumlara müraciət etsələr də, problem həllini tapmayıb.
Daha ətraflı Baku TV-nin süjetində:
Məşhur mebel və dizayn şirkəti olan “Tutto Bello” MMC ilə “SV Construction” MMC arasında podrat müqaviləsi üzrə mübahisə yaranıb.
Qaynarinfo xəbər verir ki, “Tutto Bello” MMC məhkəməyə müraciət edib. İşə Bakı Kommersiya Məhkəməsinin hakimi Zülfqar Sadıqovun sədrliyi ilə baxılıb. Hakimin qərarı “SV Construction” MMC-ni qane etmədiyinə görə şirkət apellyasiya şikayəti verib. Şikayət Bakı Apellyasiya Məhkəməsinin hakimi Vüsalə Baxışovanın sədrliyi ilə araşdırılacaq.
“Tutto Bello” MMC 28 dekabr 2018-ci ildə dövlət qeydiyyatına alınıb. Şirkətin saytında isə 2002-ci ildən fəaliyyət göstərdiyi qeyd edilib. Nizamnamə kapitalı 200 AZN olan şirkətin qanuni təmsilçisi Məmmədov Anar Yusif oğludur.
Anar Məmmədov ötən il 153 min manatlıq qalmaqalla gündəmə gəlib. Mediada gedən məlumata görə, “AED” MMC-nin direktoru Dövran Abbasov dələduzluğa məruz qalması ilə bağlı Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə müraciət edib. Bu məsələdə isə Anar Məmmədovun adı hallandırılıb.
Anar Məmmədov isə mətbuata açıqlamasında ittihamların əsassız olduğunu bildirib.
“Tutto Bello” MMC “Rixos Quba”, “Dədə Qorqud Parkı”, “Qış Parkı”, Bulvardakı “Mini Venice”, “Jumeirah Bilgah Beach Hotel” və daha bir çox layihələrin icrasında iştirak edib.
Məlumat üçün deyək ki, “Rixos Quba” nəqliyyat naziri Ziya Məmmədova məxsus olub. Hazırda otelin onun nəzarətindən çıxdığı deyilir.
“SV Construcion” MMC-yə gəlincə, şirkət 8 yanvar 2018-ci ildə qeydiyyata alınıb. Nizamnamə kapitalı 100 AZN, qanuni təmsilçisi isə Niyazov Vaqif Misir oğludur.
Açıq mənbələrdə onun barəsində hər hansı məlumat yoxdur.
Prezidentin Naxçıvan üzrə xüsusi nümayəndəsi Fuad Nəcəfli yanvarın 7-də Şərur rayonunda sakinlərlə görüşüb. Görüşdən öncə, rayon rəhbərliyi bəzi problemləri aradan qaldırıb. Ancaq, müvəqqəti. Məsələn, rayonun içməli sudan əziyyət çəkən Mahmudkənd, Cəlilkənd, Düdəngə və digər kəndlərində uzun müddətdir ki, dayandırılan artezianlar görüşdən bir gün öncə işə salınıb.
Görüş zamanı Fuad Nəcəfli də söz verib ki, rayonun bütün problemləri həll olunacaq. Lakin, o rayonu tərk edəndən bir neçə saat sonra, icra hakimiyyətinin əməkdaşları artezianların motorlarını və ötürücülərini söküb, özləri ilə aparıblar. Beləliklə, kənd yenidən içməli susuz qalıb. Bu haqda “Gündəlik Naxçıvan”a bir qrup rayon sakini məlumat verib.
Mahmudkənd kənd sakini B. Babayev deyir ki, artezan quyuları bir neçə il öncə qazılıb və işə salınıb. Bununla da bir neçə kəndin su problemi həll olunub. Lakin, ötən il Yaycı gölündən bu kəndlərə içməli olmayan su çəkilib. Bundan sonra artezianların fəaliyyəti dayandırılıbmış:
“Hər kənddə 7-8 artezian quyusu var. Bir il öncə, göldən su çəkən kimi, gəlib dayandırdılar. Dedilər ki, artıq kəndlərin suyu var, içmək üçün də bundan istifadə edin. Gölün suyu isə, içməyə yararsızdır. Bir ildir ki, şikayət etmədiyimiz yer qalmayıb. Heç kim şikayətimizə baxmaq istəmir. Fuad Nəcəfli görüşə gəlməmişdən bir gün öncə, tələsik gətirib, motorları bağlayıb, artezanları işə saldılar. Lakin, bu sevincimiz cəmi bircə gün çəkdi. O gedən kimi, gəlib motorları və ötürücüləri açıb apardılar ki, heç kim artezianları işə sala bilməsin”.
Təhlükəsizliyi baxımından adının çəkilməsini istəməyən Düdəngə kənd sakini deyir ki, artezianları bağlamaqda məqsəd, elektrik enerjisinə qənaət edib, həmin pulu büdcədən silməkdir:
“Biz onsuz da hər ay təsərrüfat başına 5 manat su pulu ödəyirik. İstər artezian suyu olsun, istərsə də göl. Gölün suyu öz axarına gəldiyindən, pul tələb eləmir. Rayon rəhbərliyi isə, artezianlara görə, hər ay büdcədən xeyli pul silir. Guya onlar işləyir və pul yazır. Özlərinin qazancı üçün, minlərlə ailə suzusliqdan əziyyət çəkir. Evimin yanında artezian olarkən, niyə mən kilometrlərlə yol gedib, içməli su gətirməliyəm. Bizim kənd və qonşu kəndlər əl arabası ilə Oğlanqala kəndindən içməli su daşıyırıq. Düşünürdük ki, yeni rəhbərlik gəlib bu problemləri həll edəcək. Ancaq, əksini görürük”.(Gündəlik Naxçıvan)
Mən Hüseynov Təbriz Ağahüseyn oğlu 2018-ci ilin avqust-sentyabr aylarında “Draft Construction” MMC-nin sahibi Axundov Eldəniz Ağaəli oğlu ilə tanış olmuşam. Onunla tanışlıqdan qısa vaxt sonra Eldəniz Axundov mənə ortaq tikinti biznesi ilə məşğul olmağı təklif edib. Bundan az sonra mənim təsisçisi olduğum “Kotanlı BTK” MMC şirkəti ilə “Draft Construction” MMC tərəfindən birgə Nəsimi tayonu ərazisində köhnə binaların söküntüsü və onun yerində 16 mərtəbəli yaşayış binasının torpaq qatının qazılması işlərini həyata keçirmişik. Bu işə görə “Draft Construction” MMC aramızda imzalanmış müqavilə əsasında mənə 100 min manata yaxın nağd vəsait ödəyib. Bununla da Axundov Eldəniz Ağaəli oğlu mənim inamımı qazanaraq, aramızda yaxşı yoldaşlıq münasibətləri yaranıb.
Tribunainfo.az-ın məlumatına görə, bu barədə “Kotanlı BTK” MMC-nin təsisçisi Hüseynov Təbriz Ağahüseyn oğlu Azərbaycan Prezidenti İlham Əliyevə ünvanladığı müraciətində yazıb. Sahibkar Təbriz Hüseynov müraciətində “Draft Construction” MMC-nin sahibi Axundov Eldəniz Ağaəli oğlundan şikayət edib.
O bildirib ki, 2020-ci ilin yay aylarında “Draft Construction” MMC ilə Quba Olimpiya Kompleksinin tikintisi və Bakı-Rusiya magistral avtomobil yolunun Siyəzən rayon ərazisindən keçən hissəsində 1 kilometrlik asfaltın alt qatının bərkidilməsi işlərini görüblər:
“Bu işlərə görə, yəni Quba Olimpiya Kompleksinin tikintisi üçün “Draft Construction” MMC-nin mənə 203 min manat, Siyəzən rayon ərazisindəki asfaltın alt qatının bərkidilməsi işləri üçün isə 250 min manat borcu yaranıb. Ümumilikdə, “Draft Construction” MMC-nin mənə olan 453 min manat borc vəsaiti 3 ilə yaxındır ki, hələ də ödənilməyib.
Məlumat üçün bildirim ki, əslən Naxçıvandan olan Axundov Eldəniz Ağaəli oğlu “Şərurlu İsfəndiyar” kimi tanınan iş adamı İsfəndiyar Axundovun qardaşı oğludur.
Axundov Eldəniz Ağaəli oğlu ondan borcumu tələb etdiyimə görə dəfələrlə mənə hədə-qorxu gələrək, məni ölümlə təhdid edib.
Bu ilin avqust ayında Axundov Eldəniz Ağaəli oğlu məni Heydər Əliyev prospektindəki “Günəş” şadlıq sarayını qarşısına çağıraraq, yanında özü ilə gətirdiyi 5 nəfər hüquq-mühafizə orqanları əməkdaşları ilə bərabər mənə qarşı zor tətbiq edib, ağır küçə söyüşləri ilə təhqir edilmişəm.
Hörmətli cənab Prezident, mən uzun illərdən bəri Yeni Azərbaycan Partiyasının üzvüyəm, daim sizin yürütdüyünüz uğurlu dövlət siyasətini dəstəkləmişəm, indi də bu əqidəyə sadiqəm. Hazırda 3 azyaşlı övladım var. Amma Axundov Eldəniz Ağaəli oğlu məni və ailəmi işgəncə, stres və qorxu altında yaşamağa məcbur edir.
Axundov Eldəniz Ağaəli oğlunun mənə qarşı hədə-qorxu əməlləri hələ də davam edir. Artıq bu adamın mənə qarşı olan hədə-qorxularından xilas olmaq üçün çıxışı yolunu Azərbaycan Respublikasının vətəndaşlığından imtina etməkdə görürəm”.
T.Hüseynov müraciətində prezidentdən xahiş edir ki, Axundov Eldəniz Ağaəli oğlunun ona qarşı törətdiyi cinayət əməlləri barədə ədalətli araşdırma aparılmasın və hüquqi qiymət verilməsinə tapşırıq verilsin.
Tribunainfo.az
Xəbər verdiyimiz kimi, bugünlərdə Naftalan şəhəri, İmadəddin Nəsimi adına 1 saylı məktəbin direktoru Vəfa Hüseynovanın summativ qiymətlərin yazılması üçün valideynlərdən pul tələb etdiyi ilə bağlı səs yazısı yayılıb. Səs yazısında Vəfa Hüseynova valideyn və şagirdlərin pulları müəllimlərə toplu şəkildə verməli olduğunu deyir.
Qeyd edək ki, indiyədək direktorların şagirdlərə attestat vermək üçün “şirinlik” tələb etməsi, məktəbdə hazırlıq keçən müəllimlərdən haqq alması, əlavə dərs saatları müqabilində pul istəməsi və s. bağlı xəbərlər, səs yazıları çox yayılıb. Düzdür, direktorların bəziləri rüşvətə görə işdən azad olunub, bir çoxuna ciddi töhmət verilib. Ancaq vəziyyət yenə də dəyişməz olaraq qalır. Gürülən cəza tədbirlərindən nəticə çıxarmayan bəzi direktorlar hələ də iş başındadırlar.
DİA.AZ-ın məlumatına görə, mövzu ilə bağlı Bakupost.az -a danışan Əməkdar elm xadimi, professor Şahlar Əsgərov deyir ki, yaxşı direktorun tək amalı məktəbin adını yüksəltmək, onun ən qabaqcıl təhsil müəssisələri sırasında olmasına nail olmaq olmalıdır. Ən başlıcası isə direktor müəllimlərin təhsilalanlara yüksək səviyyədə təhsil verməsinə, savadlı nəslin yetişməsinə çalışmalıdır:
“Danılmaz həqiqətdir ki, təhsil müəssisəsinin uğuru, inkişafı yaxşı direktordan asılıdır. Tək amalı məktəbini sözün əsil mənasında ən yaxşı təhsil müəssisəsinə çevirmək olan direktorun çalışdığı təhsi olcağı öncüllər sırasında olar. Özünü təlim-tərbiyə üçün qurban verən direktor məktəbi çiçəkləndirər. Ancaq təhsil ocağını öz şəxsi ambisiyalarına qurban verən, əsas amalı tutduğu mövqedən istifadə edib qazanc əldə etmək olan direktor isə məktəbi uçuruma aparar, təhsili məhv edir”.
Şahlar Əsgərovun dediyinə görə, Elm və Təhsil Nazirliyi məktəblərdəki neqativ halların qarşısını almaq üçün müəssisələrə idarəçilik qabiliyyəti olan, bacarıqlı, potensiallı və ən başlıcası, vicdanlı direktorlar təyin etməlidir:
“Direktorları günün tələbinə uyğun seçmək lazımdır. Kiminsə qohumu, tanışı və ya yaxını olduğu üçün yox. Direktor millətə xidmət etməli, rəhbəri olduğu məktəbdə təhsilin səviyyəsinin yüksəldilməsinə çalışmalıdır. Direktorun kabinetində seyf varsa, deməli, şəxsi mənafeyi yüksəkdir. Yaxşı direktorun məktəbində neqativ hal baş verməz”.
Milli Məclisin Elm və Təhsil komitəsinin üzvü, millət vəkili Ceyhun Məmmədov isə bildirib ki, bu gün bəzi məktəb direktorları çirkin əməllərlə məşğuldurlar. Onlar məktəbə biznes obyekti, gəlir mənbəyi kimi baxır, və bu da təhsilimizə çox ciddi ziyan vurur:
“Təhsil olan yerdə rüşvət olmamalıdır. Rüşvət olan yerdə normal təhsil mühiti ola bilməz. Əgər, bir məktəb direktoru rüşvət alırsa və bu əməlinə görə işdən azad olunursa, bu, yetərli deyil. Belə halların baş verməməsi üçün sərt cəzalar olmalıdır. İnsanlar görməlidir ki, filankəs bu əməli törətdi və cəzasını aldı. Direktorların rüşvət alması ilə bağlı fakt aşkarlanan zaman onlar daha sərt şəkildə cəzalandırılmalıdır. Biz məktəblərdə təhsilin keyfiyyətindən danışmaq istəyiriksə, orada bir qəpik rüşvətdən söhbət gedə bilməz. Məktəblərdə rüşvətin kökünü kəsməliyik. Məktəbə direktor təyin olunan şəxs bilməlidir ki, o bu müəssisəyə təhsilin səviyyəsini artırmaq, bilikli və savadlı gənc nəslin yetişməsinə nail olmaq üçün təyin olunub. Rüşvət almaq, qazanc əldə etmək üçün yox”.
Millət vəkili hesab edir ki, hər insanı məktəb direktoru təyin etmək olmaz:
“Bir məktəbə direktor təyin etməzdən öncə onun əvvəlki işi, fəaliyyəti dəqiqliklə araşdırılmalı, yoxlanılmalıdır. Təyinat zamanı tapşırıqlar, kiminsə qohumluğu, kiminsə yaxınlığı nəzərə alınmamalıdır. Direktorların işə qəbulu prosesi tam şəffaf və obyektiv həyata keçirilməlidir. Belə olsa, neqativ hallara da rast gəlinməz. Son vaxtlar baş verən neqativ hallar onu göstərir ki, bir çox təhsil müəssisələrinə direktor təyinatı düzgün həyata keçirilmir. Təhsil müəssisəsinə rəhbərlik etməyə layiq olmayan insanlar bu vəzifəyə təyin olunur. Bu gün müəllim adını daşıyan bir məktəb direktorunun müəllimlərdən, şagirdlərdən hər hansı vəsait yığması utancverici haldır. Belə halların qarşısının alınması üçün real və ciddi addımlar atılmır. Əks halda, vəziyyət idarəolunmaz hal alacaq və təhsil müəssisələrində rüşvət ayaq tutub yeriyəcək”.
2022-ci il sentyabrın 6-da Prezident İlham Əliyevin sərəncamı ilə İbrahim Həsən oğlu Cəfərov Azərbaycan Dövlət Aqrar Universitetinin (ADAU-nun) rektoru vəzifəsindən azad olundu. 2022-ci ilin tədris ili başlamazdan öncə bu ali təhsil müəssisəsinin rektoru işindən azad olunsa da, o, həmin vaxta qədər çoxsaylı problemlərini aradan qaldıra bilməyən Bitki Mühafizə və Texniki Bitkilər Elmi-Tədqiqat İnstitutuna direktor təyin olundu. Təbii ki, ilk növbədə belə bir təyinat geniş çevrənin daha çox müzakirə etdiyi məsələlərdən biri oldu. Xatırladaq ki, professor İbrahim Cəfərov hər il tələbələrin iştirakı ilə keçirilən müsabiqələrdə “İlin rektoru” fəxri adının qalibi sayılırdı. Qeyd edək ki, bu şəxs 2013-cü ildən bu ali təhsil ocağında bir çox məsul vəzifələrdə, son olaraq rektor vəzifəsini daşıdı.
Hazırda ADAU-da rektor vəzifəsinə Prezident İlham Əliyevin sərəncamı ilə kimsə təyin olunmayıb və belə bir səbəbdəndir ki, bu gün rektor kürsüsü uğrunda qızğın mübarizə gedir desək, heç də yanılmarıq. Hələlik bu vəzifəyə sahib olmaq uğrunda aparılan mübarizədə əsas pilləni Əhməd Məlikovun tutduğu söylənilir. Amma, bir nüansı unutmaq olmaz ki, rektor vəzifəsi ilə bağlı təyinatı hansısa vəzifə sahibi deyil, birbaşa Prezident elan edir.
ADAU-da rektorluğa namizədlərdən biri, Əhməd Qulu oğlu Məlikovun kimliyini araşdıraq və bu şəxs barədə əldə olunan məlumatları geniş ictimaiyyətin diqqətinə çatdıraq. Qeyd edək ki, ADAU-da prorektor kürsüsünə sonuncu, yəni Tədris İşləri üzrə prorektor vəzifəsinə təyinat alan Əhməd Məlikovdur. Əldə etdiyimiz məlumata görə, bu vəzifəyə təyin olunan Əhməd Məlikov Azərbaycan Texnologiya Universitetində çalışıb və hazırda o, texnika elmləri doktoru, dosentdir. Bu şəxs , yəni Əhməd Məlikov, Azərbaycan Texnologiya Universitetində müvəqqəti əmrlə rektor, daha dəqiq desək, 11 il rektor əvəzi vəzifəni daşıyan Telman Məlikovun qardaşıdır. Əhməd Məlikovun belə bir vəzifəyə təyin olunmasında əsas təşəbbüskarın, İqtisadiyyat naziri Mikayıl Cabbarovun 1-ci müavini, hətta qohumu olduğu bildirilən Elnur Aydın oğlu Əliyevin böyük rol oynadığı iddia olunur. ADAU-da sonuncu prorektor təyinatı alan Əhməd Məlikov olsada rektorluğa birinci iddialı şəxs sayılır. Qeyd edək ki, İbrahim Cəfərovdan sonra İnam Kərimovun verdiyi tapşırıq əsasında bu Universitetdə prorektorlar dəyişdirilsə də, hələlik təsərrüfat işləri üzrə rektor müavini vəzifəsi boş qalmaqdadır. Unutmaq olmaz ki, Əhməd Məlikov yeni təyinatı alan prorektorlar arasında sonuncu olsa da, o, bugünkü reytinqi ilə öndədir. Çünki, bundan öncə qeyd etdiyimiz kimi, bu şəxsin yaxın qohumu olan Elnur Əliyev, Əhməd Məlikovun qardaşı Telman Məlikovun kürəkənidir. Bundan əlavə Mikayıl Cabbarovun birinci müavini və qohumu olan Elnur Əliyev həm də, 2000-2003-cü illərdə Gəncə Şəhər İcra Hakimiyyətinin başçısı vəzifəsini daşıyan, daha sonra isə işində qol qoyduğu nöqsanlara görə vəzifəsindən uzaqlaşdırılan Eyvaz Babayevin də bacısı oğludur.
Qayıdaq növbəti namizədlərə.İbrahim Cəfərovdan sonra kənd təssərrüfatı naziri İnam Kərimovun müvafiq əmri ilə vəzifəyə təyin olunanlar ümumi işlər üzrə prorektor və bu gün rektor vəzifəsini icra edən Zəfər Qurbanovdur.Bəs Zəfər Qurbanov kimdir? Bakı Ali Neft Məktəbindən ADAU-ya transfer olunan Zəfər Qurbanov texnika elmləri namizədi, dosentdir. Əldə olunan məlumatlardan o da bəlli olur ki, bu şəxs kənd təsərrüfatı naziri İnam Kərimovun komandasının üzvlərindəndir. Daha bir məlumatda isə bu şəxsin nazirin müavini olan Sarvan Cəfərovun yaxın quhumu olduğu bildirilir. ADAU-ya İbrahim Cəfərovun zamanında təyinat alan Azad İbrahimovun, elmi işlər üzrə prorektor vəzifəsinə təyinat alması da sensasiya doğuran məsələlərdəndir. Əldə etdiyimiz məlumatlara görə bir neçə il bundan öncə ADAU-dan BMTBETİ-yə direktor təyinatı alan Azad İbrahimov, adı çəkilən bu təhsil ocağında heç cür baş çıxara bilmir. Hər zaman əsəbi olması və idarəçiliyində bir çox olaylarla məhşur olan , hətta sabiq nazir Heydər Əsədovun zamanında nazir müavini vəzifəsini daşıyan Seyfəddin Talıbovun köməkliyi sayəsində, adı çəkilən bu təhsil müəssisəsinə direktor təyin olunan İbrahimov, hər kəsin yaddaşında elmi-tədqiqat institunun elmi işçilərinə, öz şəxsi sahələrinə pomidor şitili vurdurmaqla yadda qalması olmuşdur. Bundan əlavə, mərhum akademik Məmmədtağı Cəfərovun rektor işlədiyi zamanlarda Azad İbrahimovun təsərrüfat işləri üzrə prorektor olması səbəbindən, ADAU –nun hazırda təcrübə sahələri demək olar ki, yox olmuşdur. Əvvəllər universitetdə yarıtmaz fəaliyyəti ilə seçilən və Təsərrüfat İşləri üzrə prorektor olan Azad İbrahimovun, bu gün rektor təqdimatı olmadan elmi işlər üzrə prorektor təyinatının arxasında isə, 2018-2022-ci illər ərzində Azərbaycan Respublikası Kənd Təsərrüfatı Nazirliyi Aparatının İnsan resurslarının idarəedilməsi şöbəsinin müdiri və nazirlikdə — Aparat rəhbərinin müavini, İnsan resurslarının İdarə edilməsi və Elm, təhsil və İnsan resursları şöbələrinin müdiri vəzifələrində çalışmış, hal-hazırda isə Göygöl rayon İcra Hakimiyyətinin başçısı vəzifəsini daşıyan Elvin Paşayev olmuşdur. Onu da qeyd etmək yerinə düşər ki, Azad İbrahimov universitet həyatındakı naliyyətlərinə, məhz İbrahim Cəfərovun zamanında rektorla köhnə dostluğu sayəsində nail olur. Bu şəxs alimlikdən daha çox işbazlıq fəliyyəti ilə məhşurdur və ADAU-da gəzən söz- söhbətlərə görə, hətta özünün dediyinə görə, onun Azərbaycan Respublikası Prezidentinin Ərazi-təşkilat məsələləri üzrə köməkçisi-şöbə müdiri ,1-ci dərəcə dövlət müşaviri, tarix elmləri doktoru Zeynal Nağdəliyevlə də münasibətləri normaldır. Digər iki namizəddən əvvəl isə, Azad İbrahimovun rektor olmaq arzusu Zəfər Qurbanovun təyinatına qədər gündəm idi. Hal-hazırda ADAU-da rektor kürsüsüsünə sahib olmaq uğrunda mübarizə aparanlardan ən çox kimin reytinqli olması sir olaraq məlum olmasa da, namizədlər məlumdurlar.
Mehriban ƏZİZQIZI
Məlum olduğu kimi, sosial şəbəkədə İmişli rayon Aranlı kənd 1 saylı tam orta məktəbində müəllimin təhsil ocağında ayaqyolu olmamasına görə etirazını əks etdirən görüntülər yayılıb. Müəllimin bu addımından sonra töhmət aldığı yazılır.
İndi qanunvericilik aktlarına baxaq, görək müəllim etiraz edə və buna görə töhmət ala bilərmi.
Bəli, müəllim cəmiyyət və dövlətin maraqları naminə öz peşə fəaliyyətini keyfiyyətlə və səmərəli yerinə yetirməyə borcludur. Müəllim bütün hallarda hər bir şəxs üçün vicdanlılıq nümunəsi olmalıdır.
Məhz buna görə də, ibtidai sinifdə dərs deyən müəllimin şagirdlərin yaş həddi və fiziki ehtiyacını nəzərə alaraq şagirdlərə ayaqyolu tikilməsini tələb etməsi anlaşılandır.
Amma Təhsil haqqında qanuna və Müəllimlərin Etik Davranış qaydalarına görə, müəllim onun peşə vəzifəsinə aid olmadığı hallarda işlədiyi və digər təhsil müəssisələrinin, dövlət orqanlarının, onların rəhbərlərinin fəaliyyəti ilə əlaqədar (qanunsuz fəaliyyət istisna olmaqla) tənqidi ictimai mülahizələrdən, çıxışlardan və onların fəaliyyətinə ictimai qiymət verilməsindən çəkinməlidir.
Məhz bu hala yol verməsi onun inzibati tənbeh tədbirlərinə cəlb etməyə əsas verir.
Lakin, həyat və sağlamlığı üçün təhlükəsiz və zərərsiz təhsil şəraiti ilə təmin olunmaq hər bir şagirdin hüququdur. Dövlət şagirdlərin sağlam, rahat təhsil mühitini qurmağa borcludur, bu öhdəliyi müvafiq qurum yerinə yetirməyib.
Öncə məhz normal təhsil mühitini qura bilməyən təhsil idarəetmə orqanlarının rəhbərləri və əməkdaşlarını inzibati tənbehə cəlb etmək, ondan sonra özü üçün yox, xalqın övladı üçün etiraz edən müəllim barədə düşünmək olar.
Mənə maraqlıdır, Elm və Təhsil nazirliyinin əməkdaşları öz övladlarının o vəziyyətdə məktəbdə təhsil almasına razı olar?
Kamran Əsədov
Teref.az