Azərbaycanlı TikTok-çuların İqtisad Universitetində tələbələrlə görüşə dəvət edilməsi sosial şəbəkələrdə geniş müzakirə olunub.

Yeniavaz.com xəbər verir ki, TikTok-çular Nikosayağı, Sabir Samiroğlu və Zaur İsgəndərovun tələbələrə görüşü sosial şəbəkələrdə sərt tənqidlərə məruz qalıb.

Tənqidçilər tələbələrin hansı səbəbə tiktokerlərlə görüş keçirməsini sorğulayıb.

Azərbaycan İnternet Forumunun prezidenti Osman Gündüz isə məsələyə fərqli yaşanıb.

“Dərhal qeyd etmək istərdim ki, belə bir görüşlə bağlı nəinki Universitetləri tənqid etmək, əksinə təqdir etmək daha doğru olardı. Hazırda TikTok Azərbaycanın informasiya mühitində xüsusi yer tutur. Milyonlarla istifadəçisi var. Artıq onun üzərində bizneslər qurulur. Marketinq aləti olaraq və tanıtım üçün effektiv istifadə olunur. Baxıram ki, son zamanlar çox doğru olaraq dövlət mediası və TV-lər də bu sosial platformaya inteqrasiya edir. Belə bir anda UNEC-i, universitetləri TikTok-dan kənar tutmaq çağırışları doğru bir yanaşma olmazdı”, – deyə bildirib.

Müğənni Rəqsanə İsmayılova canlı efirdə sərt çıxış edib.

Gununsesi.info xəbər verir ki, ARB kanalında yayımlanan “Həmin Zaur” proqramında qonaq olan Rəqsanə ismayılova müğənni Damla haqqında danışıb.

“Pandemiya dövründə Damlanın başına Moskvada “daş düşmüşdü”.Azərbaycana qayıda bilmirdi. Nə qədər adama ağız açdısa,kömək edən olmadı. Onu mən xilas elədim.Heç kim ona yaxın durmadı.Mən Rəqsanə ona yardım elədim.Sonra o Azərbaycana qayıda bildi.”, deyə Rəqsanə bildirib.

Müğənni daha sonra bildirib ki,ona yazılmış mahnı artıq ikinci dəfədir ki,Damla tərəfindən oxunub.

Bu səbəbdən də Rəqsanənin Damlaya acığı tutub.

“Artıq ikinci dəfədir ki, bu hadisə baş verib. Mənə yazılan mahnını Damla oxuyub. Mən olsaydım,o boyda hərmətin qarşısında bunu etməzdim.Damlanı bəlkədə 100 min manatlıq işdən qurtarmışam”,deyə Rəqsanə bildirib.

Qvatemalada 3 gündür itkin düşən 27 yaşlı hip hop ulduzu Nesli Monterrosonin cəsədi tapılıb.

Hurriyyet.Az xarici KİV-ə istinadla xəbər verir ki, müğənninin dekabrın 5-də itkin düşməsi ilə bağlı polisə məlumat verilib.

Araşdırmadan sonra onun meyiti tərk edilmiş avtomobilin içindəki çəlləkdə tapılıb.

İlkin açıqlamaya görə, Nesli başından aldığı zərbədən ölüb.

Bundan əlavə, şahidlər Neslinin bədənində xeyli sayda zorakılıq izlərinin olduğunu bildiriblər.

Hadisəni araşdıran polislər deyir ki, müğənni sonuncu dəfə cəsədin tapıldığı yerə yaxın bir ofisdən çıxarkən görülüb.

Faktla bağlı araşdırma aparılır.

MTV-də yayımlanan "Ümid ilə gəl" proqramında qalmaqal yaşanıb.

Qlobal.net xəbər verir ki, proqrama ekspert kimi dəvət olunan vəkil Şəfiqə Nağıyeva bu dəfə aparıcı Rövşanə Ağasəfqızı ilə dava edib. Mübahisə isə vəkilin xəyanət edən qadınları tənqid etməsindən sonra başlayıb: "Ərinə xəyanət edən xanımı efirdə gözlər önündə necə ucaldım? Mən bu cür qadınları vururam, düz danışmırsınız. Rövşanə xanım kimi danışanlar demək istəyirlər ki, guya mən qadın düşməniyəm. Ailəsini satan, ərinə, xanımına xəyanət edən, uşaqları atan qadınların düşməniyəm, başqa heç kimin. Ailəsinə sadiq olan qadın və kişilərin dostuyam. Lap tutaq ki, mən qınayıram, nifrət edirəm, amma hər halda pis yola düşən qadın da bir kişinin səhvindən belə edir. Ərdə olan qadının hansı hissindən danışmaq olar?".

Rövşanə Ağasəfqızı qızı isə Şəfiqə Nağıyevanı qadınların düşməni kimi gördüyünü bildirib: "Söhbət belə qadından getmir. Lütfən qadınları kiçiltməyin. Siz qadınları alçaldırsınız. Mən sizi hər zaman qadın düşməni kimi görmüşəm. İndi mənim sözümə gəlirsiniz. Siz bu verilişdən də getsəniz, heç bir proqram sizə qapı açmayacaq. Bütün qadınlardan ideallıq istəyə bilmərik. Niyə biz xanımlardan "Madonna" yaratmaq istəyirik? Qadının da hissi, düşüncəsi, yanaşma tərzi var. Əxlaqsızlıqdır, amma bu insana xas olan şeydir. İnsan varsa, cinayət, oğurluq var. Ağıllı-ağıllı danışıb, insanlara əxlaq dərsi keçənlərin, 60 yaşında qadının 30 yaşlı sevgilisini mən tanıyıram. Heç kim kamera qarşısında imam övladı olmasın".

Qeyd edək ki, bir neçə gün əvvəl "Təsir dairəsi" verilişində Şəfiqə Nağıyevayla jurnalist-şair Anar Vəziroğlu arasında qalmaqal yaşanmışdı.

Avtomobil kolleksiyası olan azərbaycanlı bloger Hüseyn Həsənov onların sırasına daha birini əlavə edib.

Bloger Dubayda aldığı 2022-ci ilə məxsus “Rolls-Royce Ghost” markalı maşınının fotolarını instaqram hesabında paylaşıb.

Qeyd edək ki, sözügedən maşının Dubaydakı satış qiyməti 1 milyon 749 min dirhəmdir (təxminən 800 min manat).

Bəstəkar-müğənni Murad Arifin dünən Bakıda keçirilən "Altın Kelebek" mükafatlarına aid paylaşdığı sərt fikirlər birmənalı qarşılanmayıb.

TEREF.AZ Lent.az-a istinadla xəbər verir ki, ifaçı "Altın Kelebek"i ciddi tənqid edib:

"Rəzalətin kiçik forması hələ də davam etməkdədir. “Altın Kelebek” Türkiyədə müxtəlif kateqoriyalarla sənət və sənətçiləri dəyərləndirir. İlin serialı, ilin filmi, ilin mahnısı, klipi, müğənnisi, maqazin verilişi və s. Bu sənət nominasiyalarının içində bir (qazanc yeri kimi) “Azərbaycanın ulduzu” nominasiyası açıblar. Hər il Azərbaycandan sanki "saç" seçirlər. Eyni kateqoriyada (qadınlı-kişili) müğənni, aktrisa, rəqqasə, aparıcı, bir-birinə aidiyyatı olmayan adamları “soxuşdurmaq?!"

Zənnimcə, mən də, Hiss də, konkret bir məsələyə aidiyyatı olmayan bu “təki olsun” kateqoriyasını boykot etməkdə haqlıyıq. “Altın kelebek”, “Azerbaycanın starı” nədir?! Ya Azərbaycanın müğənnisi, aktyoru, modeli, aparıcısı nominasiyası edin, ya da bu rəzaləti hər il yaşatmayın qardaş ölkəyə...”.

Bu fikirlərə münasibətini bildirmək üçün keçən il "Altın Kelebek"də namizəd olmuş müğənni Nahidə Babaşlı ilə əlaqə saxladıq. İfaçının Azərbaycandakı prodüseri Rasim Amanov Lent.az-a bildirdi ki, o, bəstəkarın "qazanc yeri" məsələsi üzərindən söylədiyi fikirlərini qəbuledilməz hesab edir:

"Biz keçən il müsabiqədə iştirak edəndə tədbirin əvvəlindən sonuna kimi, nə hansısa məbləğ tələb etmişik, nə də pul istəyiblər. Həmçinin, bu, bizimlə bərabər orada iştirak edən azərbaycanlı müğənnilərə də aiddir. Mükafatı almağımıza da fanat kütləsinin sevgisi olub. Onu da bildirmək istəyirəm ki, Murad bəylə çox yaxşı münasibətlərimiz var.

Düzdür, şəxsi fikridir, ancaq maddiyyat üzərindən söylədiyi fikirlər qəbuledilməzdir. Onsuz da bu, həvəsləndirici mükafat kimi gənc ulduzlara təqdim olunur. Hətta namizədlər azdır.

Niyə Azərbaycanda keçirilməsin ki? Azərbaycanın xalq artistləri Aygün Kazımova və Röya mükafat alandan sonra gənclərin də mükafatlandırılmasına üstünlük verildi. Keçən il gənclər arasında ilk qalib Nahidə xanım oldu. Ümid edirik ki, bu il də layiqli olan qazanar".

Nahidə Babaşlı bundan başqa, Türkiyədə bəzi məşhurların "Altın Kelebek"ə qatılmaqdan imtina etməsindən söz açıb:

"Təbii ki, o, normal haldır. Bərabər səviyyədə reytinqi olan müğənnilər, aktyor və aktrisalar, məşhur simalar çoxdur. Onların eyni mükafat uğrunda mübarizə aparmaqları düzgün deyil. Ona görə imtina etməkləri təəccüblü hal deyil. Azərbaycanda imtina etməyə tutarlı səbəb də yoxdur. Bu tədbirin, konsertin üzərindən "Pantene" Azərbaycandan hansısa qazanc əldə etmir. "Pantene" yalnız reklamdan qazana bilir".

Qeyd edək ki, dekabrın 4-də Türkiyədə keçiriləcək "Altın Kelebek"in tədbirində Azərbaycanı aparıcı-aktrisa Turanə Hüseynli, müğənnilərdən isə Ayaz Babayev və Nəzrin təmsil edəcək.

Xəzər TV-də yayımlanan “Təsir dairəsi” verilişində qalmaqal baş verib.

Hadisə verilişdə ekspert qismində əyləşən Anar Vəziroğlu və vəkil Şəfiqə Nağıyeva arasında baş verib.

Anar Vəziroğlu “Bu qadında ləyaqət yoxdur” deyərək Şəfiqə Nağıyevanın üstünə su atıb.

Sözügedən hadisədən sonra ekspert proqramdan uzaqlaşdırılıb.

Qeyd edək ki, Anar Vəziroğlu Əməkdar incəsənət xadimi Baba Vəziroğlunun qardaşıdır.

Həmin anın görüntülərini təqdim edirik: