Teref.az yazır ki, Bakıda Dünya Azərbaycanlılarının Həmrəylik Günü və Yeni il bayramı ilə bağlı atəşfəşanlıq təşkil olunacaq.
Bu barədə Teref.az-a Bakı Şəhər İcra Hakimiyyəti başçısı Aparatının rəhbəri Ayaz İmaməliyev bildirib.
Bakı Şəhər İcra Hakimiyyəti tərəfindən dekabrın 31-də Dənizkənarı Milli Parkda möhtəşəm bayram atəşfəşanlığı təşkil ediləcəkdir.
Teref.az

“Tiktok” sosial platforması videoların üfüqi şəkildə göstərilməsini sınaqdan keçirib.

Tribunainfo.az xarici KİV-ə istinadən xəbər verir ki, videoları bu formada izləmək istəyənlər üçün tətbiqə yeni düymə əlavə olunacaq. Həmin işarə kvadrat formalı videolarda görünəcək.

Bunun əsas səbəbi “TikTok”un “Youtube” sahəsinə daxil olmasından xəbər verir. Belə ki, şirkət daha əvvəl videoların uzunluğunu 10 dəqiqəyə qədər yüksəltmişdi. Bu da uzun videolar çəkən istifadəçiləri “Tiktok”a çəkmək üçün bir addım idi.

Tanınmış meyxana ustası Rəşad Dağlının illər əvvəl cəzaçəkmə müəssisəsində bayram tədbirində iştirak etməsi barədə görüntülər yayılıb.

Gununsesi.info xəbər verir ki, Rəşad Dağlı həmkarı Ağamirzə ilə birgə həbsxanada məhkumlar qarşısında meyxana deyərək onların könlünü xoş edib.

Qeyd edək ki, qətl törətməkdə təqsirləndirilən meyxanaçı Rəşad Əmirovun (Rəşad Dağlı) barəsində 4 ay müddətinə həbs qətimkan tədbiri seçilib. Bu barədə qərar Qaradağ Rayon Məhkəməsinin hakimi Teymur Qurbanovun sədrliyi ilə keçirilən prosesdə qəbul edilib.

R.Əmirov tanışı, 1979-cu il təvəllüdlü İskəndər Mehtiyevi şəxsi münasibətlər zəminində aralarında yaranan münaqişə zamanı bıçaqla çoxsaylı xəsarətlər yetirərək qətlə yetirməkdə ittiham olunur.

Faktla bağlı Qaradağ Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Son vaxtlar açıq-saçıq fotoları və videoları ilə gündəmə gələn tanınmış aktrisa Çiimnaz Sultanovanın “Soyunmaq bir elmdir” kəlməsi sosial şəbəkələrdə birmənalı qarşılanmayıb.

Aktrisanın sözləri sosial şəbəkələrdə müzakirələrə səbəb olub.

Yenicag.az-a danışan Müasir Müsavat Partiyasının sədri Hafiz Hacıyevin aktrisanın açıqlamasına reaksiyası belə olub:

“Soyunmaq elm deyil. Onların yiyələrindən soruşmaq lazımdır ki, niyə bunları belə buraxırlar. Hər halda, şəxsi işləridir. Amma ağ etmək də olmaz, hər şeyin yeri var. Abır, ismət olmalıdır. İnsanlar var ki, istəyirlər, özlərini süni şəkildə gözəlləşdirsinlər. Amma Hamısıah hansı gözəlliyi, hansı qisməti veribsə, odur. Hər halda, abırlı, ismətli olsalar, daha yaxşıdır.
Qadınşünas deyiləm. Xanımlar özləri necə soyunur, necə geyinir, özləri bilər. Harada soyunurlar, kimin yanında soyunurlar, soyunub özlərini kimə göstərirlər, deyə bilmərəm, amma belə söz işlətməklə düz etməyib”.

Qeyd edək ki, aktrisa Çimnaz Sultanova bu sözləri “Tarixin bir günü” verilişində deyib.

Türkiyənin məşhur müğənnisi Demet Akalın növbəti dəfə Azərbaycana təşrif buyurub.

Sənətçi paytaxtımıza qonaq gəlib. O, uzun müddətdir birgə çalışdığı stilist Anar Ağakişiyevin gözəllik salonunu da ziyarət edib.

Demet oradan görüntüləri və Anarla birgə fotosunu "Instagram"da paylaşıb.

TNS Olay.az-a istinadla xəbər verir ki, sənətçi paytaxt restoranlarının birində dəbdəbəli toyda səhnə alıb.

Demet gecədə populyar mahnılarını səsləndirib. Nəsib Nurun aparıcılıq etdiyi məclisdə Xalq artisti Tünzalə Ağayeva, Əməkdar artist Xumar Qədimova da çıxış edib.

Müğənni Hiss yol polisi tərəfindən cərimələnməsindən danışıb.

Teref.az olay-a istinadən xəbər verir ki, bu barədə Xəzər FM-in "Surət həddi" verilişində açıqlama verib. Sənətçi deyib ki, avtomobili iki dəfə cərimə meydançasına aparılıb:

"İçki içən deyiləm. Ümumiyyətlə azaltmışam. İlk dəfə cərimələndiyim gün Şuşaya gedirdik. Axşamı da qardaşımın ad günü idi. Son bir ildə içkini çox azaltmışam, içəndə də 1 stəkan içirəm. O da yalnız xoş günlərdə. Qardaşımın ad günündə 1 stəkan içmişdim. Sonra səhər oyandım, qəhvəmi içdim çıxdım yola. Maşında yeni olduğu üçün qəribə iyi gəlirdi.

Polis saxladı məni, dedi, maşından nəsə iyi gəlir. Dedim ki, ola bilər. Soruşdu ki, içkilisiz? Dedim, yox, mən içmirəm. Sonra yoxlanış etdi, dedi, nəsə var. Mən də saf kimi söylədim ki, axşam 1 stəkan içmişəm, bəlkə odur. Ona da o sözü deyərlər?

Cəriməni yazdı, maşını da cərimə meydançısına apardılar. İkinci dəfə isə qəza olanda cərimə meydançasına aparmışdılar. İki dəfə də pis adla aparıblar. Birinci içkiyə görə, o da heç içməmişdim. Digərində də qəza adı ilə. Ən pisləri başıma gəldi".

Dünən FHN-nin Dövlət Yanğın Nəzarəti Xidmətinin yanğın təhlükəsizliyi qaydasını pozduğu üçün fəaliyyətini dayandırdığı mağaza ilə bağlı maraqlı məlumatlar var.

Manset.az-ın əldə etdiyi məlumata görə, Bakının mərkəzində yerləşən bahalı “Aventus” kişi geyimləri mağazası Hacı Rafiq kimi tanınan iş adamına məxsusdur. Hacı Rafiq müğənni Şəbnəm Tovuzlunun həyat yoldaşı kimi daha çox tanınıb.
Qeyd edək ki, Hacı Rafiqin bir neçə belə bahalı geyim mağazaları və obyektləri var. Həmin obyektlərdə də yoxlama keçirilib-keçirilmədiyi barədə məlumat yoxdur.