 |
|
|
“Əvvəllər Amerikada yaşamaq çətin idi, indi artıq öyrəşmişəm. Vatsap vasitəsilə görüntülü doğmalarımla danışıram. Azərbaycan vətəndaşları üçün Türkiyə və Amerika qərib ölkə deyil. Digər ölkələr qərib ölkədir. Düzdür, vətən üçün bir az darıxmaq hissi var. Amma məsafələr uzaq olsa da doğma olduğum insanlar var”.
DİA.AZ bildirir ki, bunu Moderator.az-a açıqlamasında tanınmış müğənni Elariz Məmmədoğlu deyib.
“Amerikada bizneslə məşğul oluram, restoranda, toyda, adıma təşkil olunan konsertlərdə səhnə alıram. Müğənnilərimiz tərəfindən mənə çoxlu müraciətlər olur. Mən də bunu nəzərə alıram. Maestro Ceyhunun konsertini burada mən təşkil etdim. Azərbaycana birdəfəlik qayıtmaq fikrim var. Çoxu elə bilir ki, ölkəmə qayıtmağım maddiyatla bağlıdır. Mənim Azərbaycanda da maddi imkanlarım pis olmayıb. Hər zaman elit toylar kralı olmuşam. Amerikada bir film çəkiləcəkdi, mən də ərəb milyarderi rolunu oynayacaqdım. Film çəkilən ərəfədə başqa ştatlarda ard-arda toylara dəvət aldım. Hətta çəkilişin vaxtını da dəyişməyə razı idilər. Amma yenə də alınmadı. Amerikada yaşayan azərbaycanlılar deyir ki, Allah səni bizim üçün hədiyyə göndərib ki, xeyir işlərimizi aparasan” deyə müğənni bildirib.
“Elariz müəllim, bir müddət əvvəl Ramal İsrafilovla qalmaqal yaşamışdınız. İndi münasibətləriniz necədir?” sualına müğənni belə cavab verib.
“Heç bir münasibətim yoxdur. Heç kimin bostanına daş atan deyiləm. Ona görə də insanlar mənə hörmət edirlər. Mənimlə qalmaqal yaşayırlar ki, reklamları və reytinqləri artsın. Mən belə şeylərə gedən biri deyiləm. İnandırım sizi ki, heç şou-biznesi də izləmirəm. Vaxtım olmur, işlərim çox olur” deyə müğənni bildirib.
Tik-tok sosial şəbəkəsindən istifadə edənlərin sayı getdikcə artır. İnsanlar bu platformadan nəinki özlərini tanıtmaq, həmçinin də pul qazanmaq üçün istifadə edirlər. Tik-tokdan istifadə edən və pul qazanan məşhurlar da müəyyən qədər var.
Məsələn, aktrisa Xuraman Əlizadə tik-tokdan qazanan məşhurlardan olduğunu bildirmişdi.
“Bir neçə aydır ki, tik-tok işlədirəm. Özümə bahalı telefon almışam. 2-3 aya 5-6 min arası qazanmışam. Gərək tik-toka gündəlik girib, canlı yayım açasan ki, insanlar sənə hədiyyə yollasın. Bunun üçün də vaxt lazımdır. Bizim işimizlə qətiyyən alınmır” demişdi.
Bundan əlavə tik-tokdan ən çox qazanan məşhurlar sırasında Kənan MM, İlham Mirzəyev, Azər Zahid, Pərvin Abıyeva və s. məşhurların adı var.
DİA.AZ bildirir ki, xalq artisti Bilal Əliyev də Moderator.az-a açıqlamasında ara-sıra tik-tokdan pul qazandığını bildirib.
“Bizdə belə başa düşürlər ki, tik-tok yalnız pul qazanmaq üçündür. Amma ağıllı insanlar elə düşünmür. Bir gün tik-toka daxil oldum və gördüm ki, insanlar biabırçı vəziyyətdədirlər. Özüm üçün tik-tok səhifəsi açdım və ziyalı insanlara müraciət etdim ki, mənim səhifəmdə cəmləşin. Biz hamımız elə insanlarla mübarizə aparmalıyıq. İndi artıq 40 mindən çox izləyicim var. Hal-hazırda 800 manat pul qazanmışam. O pulu ayrıca qoymuşam, aparıb ehtiyacı olan şəxslərə çatdıracam. Mən gündə ən azı bir yerdə oxuyub 100 manat qazana bilərəm. Ailəmə gündə 100 manat kifayət edir. Görməmişlik nəyə lazımdır ki? Biz el sənətkarıyıq, xalqımız gətirib bizi bu yerlərə çatdırıb” deyə sənətkar bildirib.
Müğənni Xuraman Şuşalı da saytımıza açıqlamasında tik-tok-un aktiv istifadəçilərindən olduğunu bildirib.
“Mənim tik-toka gəlişimə səbəb instaqramda bir ildən artıqdır ki, spamda olmağımdır. Tik-tok açdım və videolarımı ora da yüklədim. Bir gün telefon uşaqların əlində idi, gördüm ki, əlləri nəyəsə toxundu canlı yayıma girdilər. Bilmirdim ki, canlı yayımı necə bağlayım. Elə canlı yayımda aktyor mənə oyun yolladı və mən də qəbul edəndən sonra bu platformanın sirlərini mənə elə canlı yayımda başa saldı. Mən tez-tez canlı yayım açmıram, darıxanda dostlarımla, fanatlarımla söhbətləşmək üçün açıram. Tik-tokdan qazandığım pulları illərdir bir neçə ağır xəstəlikdən əziyyət çəkən uşaqlar var ki, onlara ayırıram. Həmin uşaqların əməliyyat və dərman xərclərini ödəyirəm” deyə müğənni bildirib.
Aktrisa Ləman İmanova da tik-tokda aktiv sənətçilərdəndir.
“100 minlik profilim var. Tik-toka davamlı olarq vaxt sərf etmək lazımdır. Gündüz saatlarında da, axşam saatlarında da 1-2 saat canlı yayım açmalısan. Hal-hazırda çəkilişlərlə bağlı olaraq bu vaxtı mən tik-toka sərf edə bilmirəm. Paylaşımlarımı davamlı edirəm. Dəstəkçin varsa pul qazanırsan, yoxdursa yox. Əsas dəstəkçidir. Sən bilirsən ki, canlı açsan kimsə girib sənə jeton yollayacaq” deyə aktrisa bildirib.
Türkiyəli aktrisa Sinəm Ünsalla həmkarı Halit Özgür ayrılıb.
Cütlük fikir ayrılığı səbəbindən münasibətlərini sonlandırıb.
Qeyd edək ki, Sinem və Halit "Gizli saklı" serialında birgə rol aldıqdan sonra eşq yaşamağa başlamışdı.
Cütlük fikir ayrılığı səbəbindən münasibətlərini sonlandırıb.
Qeyd edək ki, Sinem və Halit "Gizli saklı" serialında birgə rol aldıqdan sonra eşq yaşamağa başlamışdı.
Müğənni Dəniz Əsədova sabiq Əmək və Əhalinin Sosial Müdafiəsi naziri Səlim Müslümovun cinayət işi üzrə dindirilib. Bu barədə müğənni özü məlumat verib.
O qeyd edib ki, saxta əlillik düzəltmək adı ilə vətəndaşlardan pul alınması faktı üzrə istintaqın suallarını cavablandırıb:
“Heç bir günahım olmadan Səlim Müslümovun işinə görə məni istintaqa cəlb elədilər. Məni dələduzluqda ittiham edirdilər. Halbuki əlimdə sübutlarım da var idi ki, işi görən Mehparə, Rauf, Rüfət, Şahin və Eldəniz adlı həkimlər olub. Bildirdim ki, mənə qarşı ittihamlar yalan və böhtandır. Adını çəkdiyim həkimlər tanıdığım adamlardan pul alıblar”.
Göründüyü kimi müğənni özü hadisələrin içində olduğunu etiraf edir. Həm aldadılanları, həm də aldanılanları yaxından tanıdığını gizlətmir. Bununla belə o özünü günahkar saymır.
Günümüzün acı reallığı budur ki, şou əhlinin bəzi strukturlara nüfuz etməsi, bəzi qapıları “təpiklə açması” heç kimə sirr deyil. Ona görə də müğənni Dənizin də belə bir qalmaqalda adının hallanmasında qəribə heç nə yoxdur.
Məsələyə münasibət bildirən Xalq artisti Əbdül Mahmudov bildirdi ki, bu gün istənilən gözəl xanım müğənni ola bilir:
“Bunun üçünsə sənət, səs yox, sponsor lazımdır. Çox təəssüf ki, hazırda müğənnilərimizin çoxuna da “həcilər” və bəzi məmurlar sponsorluq edir. Elə adı çəkilən müğənni Dəniz də onlardan biridir. Adama deyərlər ki, sən hara, Səlim Müslümov hara?! Sən hara əlillik düzəltmək hara?! Deməli, ona bu səlahiyyəti verənlər olub ki, bu da ortalığa düşüb iş düzəldirmiş də... 50 ilin yaradıcı adamıyam. Mənim niyə adım belə qalmqallarda hallanmır? Məni niyə məhkəmələrə çağırmırlar? Atalar demiş: “Od olmasa, tüstü olmaz”. Deməli, həmin müğənni hansısa qanunazidd hərəkət edib ki, 3 ildir məhkəmlərə gedib gəlir”.
Xalq artisti onu da əlavə etdi ki, bütün bunların günahı cəmiyyətimizdədir:
“Bəzən adama elə gəlir ki, cəmiyyəti qanunlar deyil, şou əhli idarə edir. Hamı onlara oxşamağa çalışır. Yerindən duran müğənni olmaq istəyir. Əlinə 5-10 manat pul düşəndə başlayır həmin müğənnilərə sponsorluq etməyə. Həmin sponsorların pulu və zəngi ilə müğənnilər təkcə iş düzəltmirlər, həm də bütün efirləri zəbt edirlər. Və o efirlərdən də bizə mənəviyyat dərsi keçirlər”.
Bizim.Media
Teref.az yazır ki, Bakıda Dünya Azərbaycanlılarının Həmrəylik Günü və Yeni il bayramı ilə bağlı atəşfəşanlıq təşkil olunacaq.
Bu barədə Teref.az-a Bakı Şəhər İcra Hakimiyyəti başçısı Aparatının rəhbəri Ayaz İmaməliyev bildirib.
Bakı Şəhər İcra Hakimiyyəti tərəfindən dekabrın 31-də Dənizkənarı Milli Parkda möhtəşəm bayram atəşfəşanlığı təşkil ediləcəkdir.
Teref.az
Müğənni Kərim Abbasov paylaşımı ilə izləyicilərini üzüb.
Yenisabah.az xəbər verir ki, o, dünyasını dəyişən anası Səkinə Abbasovanın doğum günü ilə bağlı qəbrinstalığa yollanıb.
Kərim validetynləri və erkən yaşda dünyadan köçən qardaşını ziyarət edib.
Müğənni həmin anları sosial şəbəkə hesabında paylaşıb.
Görüntülərdə Kərim Abbasov deyir: “Əziz anam, doğum günün mübarək. Allah günahlarını bağışlasın. Bu gün sənin doğum günündür. Gəldim səni təbrik etməyə. Ata, sən nəfəsim olmusan.
Əziz, doğma qardaşım. Ana, ata, qardaşım Allah sizə rəhmət eləsin”.
Həmin görüntüləri təqdim edirik:
Yenisabah.az xəbər verir ki, o, dünyasını dəyişən anası Səkinə Abbasovanın doğum günü ilə bağlı qəbrinstalığa yollanıb.
Kərim validetynləri və erkən yaşda dünyadan köçən qardaşını ziyarət edib.
Müğənni həmin anları sosial şəbəkə hesabında paylaşıb.
Görüntülərdə Kərim Abbasov deyir: “Əziz anam, doğum günün mübarək. Allah günahlarını bağışlasın. Bu gün sənin doğum günündür. Gəldim səni təbrik etməyə. Ata, sən nəfəsim olmusan.
Əziz, doğma qardaşım. Ana, ata, qardaşım Allah sizə rəhmət eləsin”.
Həmin görüntüləri təqdim edirik:
“Tiktok” sosial platforması videoların üfüqi şəkildə göstərilməsini sınaqdan keçirib.
Tribunainfo.az xarici KİV-ə istinadən xəbər verir ki, videoları bu formada izləmək istəyənlər üçün tətbiqə yeni düymə əlavə olunacaq. Həmin işarə kvadrat formalı videolarda görünəcək.
Bunun əsas səbəbi “TikTok”un “Youtube” sahəsinə daxil olmasından xəbər verir. Belə ki, şirkət daha əvvəl videoların uzunluğunu 10 dəqiqəyə qədər yüksəltmişdi. Bu da uzun videolar çəkən istifadəçiləri “Tiktok”a çəkmək üçün bir addım idi.
Tanınmış meyxana ustası Rəşad Dağlının illər əvvəl cəzaçəkmə müəssisəsində bayram tədbirində iştirak etməsi barədə görüntülər yayılıb.
Gununsesi.info xəbər verir ki, Rəşad Dağlı həmkarı Ağamirzə ilə birgə həbsxanada məhkumlar qarşısında meyxana deyərək onların könlünü xoş edib.
Qeyd edək ki, qətl törətməkdə təqsirləndirilən meyxanaçı Rəşad Əmirovun (Rəşad Dağlı) barəsində 4 ay müddətinə həbs qətimkan tədbiri seçilib. Bu barədə qərar Qaradağ Rayon Məhkəməsinin hakimi Teymur Qurbanovun sədrliyi ilə keçirilən prosesdə qəbul edilib.
R.Əmirov tanışı, 1979-cu il təvəllüdlü İskəndər Mehtiyevi şəxsi münasibətlər zəminində aralarında yaranan münaqişə zamanı bıçaqla çoxsaylı xəsarətlər yetirərək qətlə yetirməkdə ittiham olunur.
Faktla bağlı Qaradağ Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Müğənni Əli Mirəliyevlə bəstəkar Ruslan Səfərli arasında qalmaqal yaşanıb.
Belə ki, Mirəliyevin bir müddət öncə söylədiyi “Ruslan bəstəkar deyil” sözlərindən əsəbiləşən Səfərli sənətçinin cavabını efirdə verməli olub. Bəstəkar, “Əli Mirəliyev ağzına gələni danışır. Hətta Alim Qasımov haqqında da danışır. Efirdə pula, reytinqə xatir insanın kişiliyi əldən getməz. Peyğəmbərimiz buyurur ki, insan öləndə qəbirə təmiz getməlidir”, – deyə bildirib.
DİA.AZ bildirir ki, Mirəliyev Yenicag.az-a açıqlasında Ruslanın sözlərinə cavabı belə olub:
“Mən yenə də öz fikrimdə qalıram, o bəstəkar deyil. Mən onu tanımıram, heç bilmirəm onun rəngi ağdır, yoxsa qaradır… Efirə çıxıb deyirlər, Ruslan Səfərovun bəstələridir. Mən də dinləyib görürəm ki, hamısı ara mahnılarıdır. Əgər bəstəkardırsa, Canagir Cahangirov, Eldar Mansurov, Cavanşir Quliyev, Faiq Sücəddinov, Gövhər Həsənzadə kimi hamnılar bəstələsin. Toy bazarına işləməsin. Alim Qasımov haqqında da öz fikrimdə qalıram. Bəli, 1992-ci ilə kimi oxuduğu mahnılara ağlamışam, o illərdən sonra isə dərviş kimi oxuyur”.
Müğənni bəstəkara, “Yekə adamsan, bəstəkarsansa, ara mahnıları yazma. Bax, gör bəstəkarlarımız necə bəstələyibsə, sən də elə yaz”, – deyə müraciət də edib.
“Kimdən pul almışam? Kim mənə pul verir ki? Nə reytinq, nə pul? Kişiliyin bura nə dəxli var”, – Bəstəkarın ittihamlarına əsəbiləşən Ruslan Səfərli belə cavab verib.
Qeyd edək ki, Ruslan Səfərov Ə.Mirəliyev haqqında bu sözləri “Həmin Zaur” verilişində səsləndirib.
Son vaxtlar açıq-saçıq fotoları və videoları ilə gündəmə gələn tanınmış aktrisa Çiimnaz Sultanovanın “Soyunmaq bir elmdir” kəlməsi sosial şəbəkələrdə birmənalı qarşılanmayıb.
Aktrisanın sözləri sosial şəbəkələrdə müzakirələrə səbəb olub.
Yenicag.az-a danışan Müasir Müsavat Partiyasının sədri Hafiz Hacıyevin aktrisanın açıqlamasına reaksiyası belə olub:
“Soyunmaq elm deyil. Onların yiyələrindən soruşmaq lazımdır ki, niyə bunları belə buraxırlar. Hər halda, şəxsi işləridir. Amma ağ etmək də olmaz, hər şeyin yeri var. Abır, ismət olmalıdır. İnsanlar var ki, istəyirlər, özlərini süni şəkildə gözəlləşdirsinlər. Amma Hamısıah hansı gözəlliyi, hansı qisməti veribsə, odur. Hər halda, abırlı, ismətli olsalar, daha yaxşıdır.
Qadınşünas deyiləm. Xanımlar özləri necə soyunur, necə geyinir, özləri bilər. Harada soyunurlar, kimin yanında soyunurlar, soyunub özlərini kimə göstərirlər, deyə bilmərəm, amma belə söz işlətməklə düz etməyib”.
Qeyd edək ki, aktrisa Çimnaz Sultanova bu sözləri “Tarixin bir günü” verilişində deyib.