Türkiyənin məşhur pop ulduzu Hadise kövrək anları ilə gündəmə gəlib.
Manset.az xəbər verir ki, 36 yaşlı sənətçi İzmir konserti zamanı “Küçük bir yol” mahnısını ifa edən vaxt ağlamağa başlayıb.

Həmin anları sosial şəbəkə hesabında paylaşan Hadise sözügedən mahnının onun üçün çox özəl olduğunu vurğulayıb:

“Düz iki il əvvəl bu gün həyatımın mahnısı adlandırdığım “Küçük bir yol”u təqdim etdim. Bizi belə güclü və mənalı mahnı ilə bir araya gətirdikləri üçün mahnının sözlərini yazan Devrim və Meteyə təşəkkür edirəm”.

Həmçinin sənətçi konsert zamanı auditoriaya "Siz heç yanılmısızmı?" sualını ünvanlayıb.

Qeyd edək ki, Hadise nişanlısı, iş adamı Mehmet Dinçerler ilə aprel ayında evlənib.

ABŞ-ın Memfis şəhərində “Orgill Inc” şirkətinin qurucusu, Cozef Orgillin 34 yaşlı nəvəsi Eliza Fletcer qaçış zamanı oğurlanıb. SİA xəbər verir ki, bu barədə Fox News məlumat yayıb.

Onun səhər saat yerli vaxtla 4:20 radələrində qaçırıldığı qeyd edilir. O, qara rəngdə yolsuzluq avtomobilinə mindirilərək naməlum istiqamətə aparılıb. Hazırda müstəntiqlər cinayətin təsadüfi və ya planlı olmasını araşdırır.

Kanalın məlumatına görə, polis adam oğurluğu və sübutları saxtalaşdırmaqda ittiham olunan bir şübhəli, 38 yaşlı Kleote Ebstonu saxlayıb. Polis qaçırılan avtomobili də tapıb.

Fletçer ailəsi qadının harada olduğu barədə hər hansı məlumat üçün 50 min dollar vəd edib. Qadın uşaq bağçasında müəllim işləyir. Eyni zamanda, o, “Orgill Inc” şirkətinin varisidir. Şirkətin illik satışları 3 milyard dollardan çoxdur.

Ukraynanın birinci xanımı bəzi insanlardan incidiyini bildirib

Ukraynanın birinci xanımı Elena Zelenskaya bəzi insanlardan inciyib. AYNA UNİAN-a istinadən bildirir ki, Zelenskayanın sözlərinə görə, bəzi insanlar əri Volodimir Zelenskinin Ukrayna Prezidenti olduqdan sonra dəyişdiyini bildirirlər.

“Mən bundan çox inciyirəm. Çünki Volodimir həmişəki kimidir, dəyişməyib. Hələ də komediya janrında aktyor olaraq qalsaydı da, ölkədə müharibə başladığı təqdirdə yenə də indikindən fərqli davranmazdı”, - deyə xanım Zelenskaya qeyd edib.

Ukraynanın birinci xanımı deyib ki, əri eyni adamdır: “Mən onu həmişə belə tanımışam. O, başqa cür hərəkət etməzdi".

Qeyd edək ki, müharibənin ilk günlərində Zelenskiyə Ukraynadan təxliyə təklif edilsə də, Prezident bu təklifi qətiyyətlə rədd edib. “Mənə taksi yox, silah lazımdır”, - deyə ölkə başçısı qeyd edib.

Milli Təhlükəsizlik Nazirliyinin (MTN 2015-ci ildə ləğv olunub - E.M.) İstintaq Baş İdarəsinin sabiq rəisi, general Mövlam Şıxəliyevin həyat yoldaşı Aybəniz Şıxəliyeva polisə şikayət ərizəsi yazıb. O, həyat yoldaşı Mövlam Şıxəliyevin cinayət işi üzrə zərərçəkən olan Hüseyn Səfərovun cəzalandırılmasını tələb edir.

DİA.AZ xəbər verir ki, bu haqda “Yeni Müsavat”a Hüseyn Səfərov özü məlumat verib. Bildirib ki, onun mətbuatda çıxışları Aybəniz Şıxəliyevanın xoşuna gəlməyib: “Aybəniz Şıxəliyeva Səbayel Rayon Polis İdarəsinə məndən şikayət yazıb. Onun şikayətini 39-cu polis bölməsinə göndəriblər. Aybəniz Şıxəliyeva şikayətində yazıb ki, çıxışlarım onun xoşuna gəlmir”.


Aybəniz Şıxəliyeva

Zərərçəkən deyib ki, polisə Aybəniz Şıxəliyeva da çağırılacağı təqdirdə getmək fikrindədir: “Aybəniz Şıxəliyeva məndən şikayət yazıb. Gəlsin polisə, şikayətini desin, mənim də ona deyiləsi sözlərim var. Aybəniz Şıxəliyevanın adı ərinin ittiham aktında var. Ağ kağızda qara şriftlərlə yazılıb ki, Mövlam Şıxəliyevin müsadirə üçün üzərinə həbs qoyulan 7 milyon 738 min manatlıq əmlakının cəmi 2 milyon yarımı öz adınadır. 5 milyon 238 min manatlıq əmlak isə elə Aybənizin, oğlu Elgünün, qızı Samirə Əliyevanın adına rəsmiləşdirilib. İttiham aktını mən tərtib etməmişəm ki? Aybəniz Şıxəliyeva adının hallanmasından narahatdırsa, bizə vurulan zərərin ödənməsi haqda düşünsün. Bilir ki, ərinin 14 illik həbsindən sonra onun da istintaqa cəlb edilməsinə nail olacağıq. Çünki Aybəniz Şıxəliyeva cinayət yolu ilə əldə edilən - yəni biz zərərçəkənlərin girov götürülməsi ilə ailələrimizdən alınan pulların leqallaşmasında birbaşa iştirak edib. İnanmırsa, getsin ərinin bu haqda yazdığı kitabları oxusun. Biz onun həyat yoldaşının, başına topladığı mütəşəkkil cinayətkar quldur dəstənin əməllərindən zərər çəkmişik. Bu gün də zərərçəkənlər olaraq 2005-ci ildən bu yana başımıza gətirilən müsibətlərdən özümüzə gəlməmişik. Mən kirayədə yaşayıram, Əfsəl Həsənəliyevin evini bank əlindən alır, Sərdar İsmayılov müflis olub. Zərərçəkənlərin çoxu Mövlam Şıxəliyevlə MTN-də üz-üzə gələndən sonra maddi baxımdan çox ağır duruma düşüblər. Aybəniz bunu bilmir? Bilmirsə, ünvanını versin, ona ərinin ittiham aktını hədiyyə edək. Oxusun, bilsin ki, əri vəzifədə olarkən bizim başımıza hansı müsibətləri açıb, ona, qızına, oğluna evi hansı pullarla alıb”.


Hüseyn Səfərov

Hüseyn Səfərov deyib ki, vəkillərinə Aybəniz Şıxəliyevanın istintaqa cəlb olunması üçün şikayət ərizəsi hazırlamağı tapşırıb: “Aybəniz Şıxəliyevaya sual edirəm: haradandır torbalarla pullar, qızıllar? Sən necə milyonçu oldun? 10 milyonlarla ölçülən varidatın sahibidir. Onun sahibi olduğu əmlakları adına əri Mövlam Şıxəliyev iz azdırmaq üçün keçirib. Çünki həmin əmlaklar cinayət yolu ilə əldə olunub. Aybəniz Şıxəliyeva 1961-ci ildəndir. Ağdaşdandır. Öyrənmişik ki, Aybənizin atası kasıb biri olub. Ortabab dolanıb. Aybənizin babası, atası da milyonçu olmayıb. Aybəniz Şıxəliyeva isə milyonçudur. Milyoner Aybənizin varidatının mənbəyi gizli deyil, ortadadır. Bu pulların mənbəyi Azərbaycan sahibkarlarının cibidir. Ağdaşlı Aybənizi milyonerə çevirən mənim kimi qanunsuz həbs edilən, girov saxlanılan iş adamlarıdır. Cinayət Məcəlləsinin 194-cü maddəsi isə cinayət yolu ilə əldə edildiyini bilə-bilə pul vəsaitlərini və ya digər əmlakı əldə etmə, onlara sahiblik və ya onlardan istifadə etmə, yaxud sərəncam vermə adlanır. Əri Mövlam Şıxəliyev günahı pul qazanmaq olan sahibkarları MTN-ə gətirdib və qanunsuz olaraq həbsə almaqla əllərindən pullarını alıb. Həmin pulları, həmin pullar hesabına əldə etdiyi varidatı arvadı Aybənizin, qızı Samirənin, oğlu Elgünün adına dövr etdirib. Mövlam Şıxəliyev cinayət yolu ilə əldə etdiyi əmlaklara ailə üzvlərini də şərik etməklə onları da cinayətkara çevirib. Azərbaycanda Mövlam Şıxəliyevin soyğununa məruz qalan şəxslərdən biri də mən olmuşam. Təsəvvür edin ki, çağırıb deyiblər ki, pul ver. Mən də heç bir cinayətim olmadığını demişəm, pul verməkdən imtina etmişəm. 2 ay yarım məni həbsdə saxlayıb evimi, oğlumun maşınını, qızlarımın, həyat yoldaşının qızıl-zinət əşyalarını satdırıb pulunu alıblar. Bundan sonra məni qanunsuz həbsdən azad etsələr də, yenə də əl çəkməyiblər. Mövlam Şıxəliyev tipik dələduzdur. Hər dəfə bir şey fikirləşib məndən pul qoparırdı. Gah deyirdi ki, ad günümdür, mənə kostyum al. Gah deyirdi rütbə almışam, pul ver. Mənim kimi yüzlərlə iş adamı, sahibkarlar olub ki, şərləyib qanunsuz həbs ediblər, girov saxlayıblar, pul alıb buraxıblar. Amma əl çəkməyiblər”.

Milli Təhlükəsizlik Nazirliyinin (MTN) İstintaq Baş İdarəsinin sabiq rəisi, general Mövlam Şıxəliyevin 7 milyon 738 min manatlıq əmlakının üzərinə həbs qoyulub. Bunlar əsasən Bakının mərkəzində bahalı mənzillər, obyektlər, Novxanıda içində 1000 kvadrat metrdən böyük ev tikilmiş bağ evi və başqa onlarla daşınmaz əmlaklar var. Əmlaklar generalla yanaşı, onun həyat yoldaşı Aybəniz Şıxəliyeva, oğlu Elgün Şıxəliyev, qızı Samirə Əliyeva və başqa qohumlarının adınadır.

Söhbət aşağıdakı əmlaklardan gedir:

Səbayel rayonu, Nizami küçəsi 78 ünvanında (Fəvvarələr meydanı), 482 min manat dəyərləndirilmiş obyekt;

Nizami küçəsi 78, mənzil 6 ünvanında 214 min manat dəyərləndirilmiş ev;

Səbayel rayonu, Nizami küçəsi 96, mənzil 37 ünvanında 360 min manatlıq ev;

“Sahil” stansiyasının üstündəki bina, M.Şıxəliyevin 5 əmlakı bu binadadır;

Nizami küçəsi 93, mənzil 21 ünvanında 400 min manatlıq ev;

Nizami rayonu, Qara Qarayev prospekti, 39a ünvanında, 974 min manat dəyərləndirilmiş obyekt;

Binəqədi rayonu, 7-ci mikrorayon, ev 9-25, mənzil 63 ünvanında yerləşən ev;

Nərimanov rayonu, M.Əlizadə küçəsi ev 134a ünvanında 403 kvadrat metr sahəsi olan, 1 milyon 452 min manat dəyərləndirilmiş qeyri-yaşayış sahəsi;

Səbayel rayonu, Bülbül prospekti 7 ünvanında yerləşən (metronun “Sahil” stansiyasının üstündə) binada hər birinin qiyməti 770 min, 535 min, 738 min, 650 min və 704 min manat (ümumilikdə 3 milyon 397 min) dəyərləndirilmiş 5 mənzil;

Binəqədi rayonu, Novxanı kəndində 1 milyon 305 minlik bağ evi;

Novxanı, Goradil qəsəbələrində, Ağdaş və İsmayıllı rayonlarında torpaq sahələri, obyekt və evlər...

Mövlam Şıxəliyev 2021-ci ilin aprelindən həbsdədir. O, vaxtilə tabeliyində işləmiş daha üç nəfərlə - istintaq idarəsinin sabiq rəis müavini, 1-ci şöbənin rəisi olmuş Yasin Məmmədov, 2-ci şöbənin rəisi olmuş Vüsal Ələkbərov, metodiki yardım və kriminalistika şöbəsinin rəis müavini Sahib Ələkbərovla birlikdə mühakimə olunur. Onların işinə Bakı Hərbi Məhkəməsində baxılır. Adları çəkilən şəxslərdən yalnız Mövlam Şıxəliyev həbsdədir, digər üç nəfər barəsində istintaq və məhkəmə dövrü üçün başqa yerə getməməyə dair iltizam qətimkan tədbiri seçilib.

“Sözüm təkcə Müsavat Partiyasında deyil, müxalifətdə olanların hamısınadır. Deyirdilər ki, Prezident Qarabağı azad etsin, 30 il də otursun öz kürsüsündə. Bu söhbət olub, düzdür, ya yox? Mənim 80 yaşım var, Prezidentə “oğul” deyə bilərəm. Bu oğul Qarabağı azad edib. Bir santimetr torpağı ala bilmirdik, bu adam Qarabağı azad etdi. Siz bu gün Prezidenti təbrik etməyəcəksiniz, bəs kimi təbrik edəcəksiniz? 15 ildir Ordunu gücləndirib. Şuşanı azad edən Xüsusi Təyinatlı Qüvvələrin mükəmməl təlim keçmələri üçün haralara göndəriblər. Onlar dağa çıxmağı necə öyrəniblər? Bütün bunları ərsəyə gətirmək, torpaqları azad etmək üçün nə qədər vəsait xərclənib. İndinin özündə də Azərbaycanı hər tərəfdən qısqanclıq bürüyüb. Bilirsiniz ki, bir tərəfimiz İran, bir tərəfimiz Rusiya, digər tərəfimiz Ermənistandır. Bu üçünün arasında arxamızda dayanan yeganə dövlət Türkiyədir”.

Bu sözləri “pravda.az” saytına açıqlamasında Müsavat Partiyasının üzvü, hüquq müdafiəçisi Novella Cəfəroğlu deyib.

O, Laçının geri alınması münasibətilə Ali Baş Komandan İlham Əliyevi təbrik etdiyi üçün Müsavat Partiyasının başqan müavini Osman Kazımovun Partiyadan kənarlaşdırılması təklifini irəli sürənlərə belə cavab verib: “Ay sizə qurban olum, Osman Kazımov təbrik etməsin, nə etsin? Osman Kazımov Müsavat Partiyasında Novella ilə birlikdə olmayan işləri görüb. Tutulanları buraxdırmışıq, yüz dəfə döyülmüşük, söyülmüşük. Mənlə Osmandan çox döyülüb-söyülən olmayıb. İstəyirlər, çıxarsınlar. Biz ürəkdə müsavatçıyıq. Mənim yolum Müsavatdan yox, Əbülfəz Elçibəydən gəlir. Müsavatçılıq ürəyimdədir. Çıxaracaqlar, gedib Türkiyədə təmiz müsavatçıların “kruq”una girəcəm. Məni Müsvatdan çıxarsınlar, bəs Müsavatı mənim ürəyimdən çıxara bilərlər? Bir az tolerant olun. İndi zamanıdır, hamımız birləşməliyik. Çünki qalib gəlmişik, amma müharibənin axırına çatmamışıq. Hamımız bir yerdə olmalıyıq ki, indiki düşmənlərə cavab verək. Bu, nə bolşevizimdir? Rusun bolşevikləri kimi - “Bizimlə olmayan bizə qarşıdır”. Təbrik də edəcəyik, hər şey də. Adamın Allahı var. Əbülfəz bəyin xanımı rəhmətə gedəndə zəng edib dedim ki, Əbülfəz bəyin xanımı rəhmətə gedib, aparırlar Naxçıvana, qohumları isə gedə bilmir. Mehriban xanım təyyarə verdi. Bəs mən Mehriban xanıma “sağ olun” deməyim? Bu, heç olan şeydir? Bacarın, yaxşılığa yaxşılıqla cavab verin. Qurban olum sizə, dialoq lazımdır, danışmaq lazımdır. Bəlkə, bu gün siz dialoqa getsəniz, sabah məmurların özbaşınalığı, korrupsionerliyi barədə gedib Prezidentin özü ilə danışa bilərsiniz? Yüz dəfə desinlər. Yüz dəfə də deyiblər ki, Novellanı Müsavatdan atın bayıra. Novella müsavatçıdır, amma orada oturanlar müsavatçı deyil. Çünki Novella atasından qalan müsavatçıdır. Məni və Osman Kazımovu söyənlər “əldəqayırma” müsavatçıdırlar. Biz əsl müsavatçıyıq. Danışığa da gedəcəyik, tənqid lazım olanda da tənqid edəcəyik. Bizdə hamısı var. İndiyə qədər məndən çox tənqid edən olmayıb. Bu, nə sözdür, bu, nə davranışdır, bu, nə münasibətdir?”

Fotodakı "don"un 23 yaşlı qızı, Çeçenstanın mədəniyət naziri Ayşat Kadırovadı.
Teref.az yazır ki, amma bu hələ ən maraqlısı deyil.
Ayşat Kadırova həm də Moskvadakı "Firdaus" (Cənnət bağı) adında böyük bir biznes platforumun sahibidi.
Cənnət bağının da bir "xarici bağbanı" varıymış və bu "bağban" Rusiyanın Ukraynaya müharibəsindən sonra bütün başqa xarici firmalar kumi şələ-şüləsini Moskvadan yığışdırıb gedib.

"Nastoyaşşoye vremya" deyir ki həmin firma bu günlərdə Cənnət bağından 850 min dollar borcunun və təxminən elə o qədər də faizinin tələbilə məhkəmə iddiası qaldırıbmış.
Amma "nə olubsa" firma az sonra iddiasını geri götürərək məhkəmə dartışmasından imtina edib.
Qalmaqalı izləyənlər bunu
Kadırovların "dilə-dişə düşməməkçün"xarici bağbanla ortaq məxrəc tapmaları kimi açıqlayıblar..
Yaqub Babalar
Teref.az

Səudiyyə Ərəbistanında Nura bint Səid əl-Qəhtani adlı qadın sosial şəbəkədə paylaşım etdiyinə görə 45 il həbs cəzasına məhkum edilib.

Qaynarinfo xəbər verir ki, bu barədə məhkəmə sənədi ilə tanış olan “Associated Press” agentliyi məlumat yayıb.

İlk olaraq bu hökm barədə məlumat verən DAWN təşkilatı (“Democracy for the Arab World Now” (“İndi Ərəb Dünyası üçün Demokratiya”), Şimali Afrika və Yaxın Şərqdə demokratiya və insan haqları dəyərlərini təbliğ edən QHT) yazır ki, məhkəmə müəyyən edib ki, məhkum internetdən istifadə edərək “cəmiyyətin parçasını cırıb” və “ictimai asayişi pozub”.

Əl-Qəhtaninin sosial şəbəkələrdə dəqiq nə yazdığı məlum deyil. DAWN bildirib ki, ittiham geniş şərhə açıq olan terrorizm və kibercinayətkarlığa qarşı qanunlara əsaslanır. Belə işlərə adətən milli təhlükəsizlik və terrorizmlə bağlı işlərə baxan ixtisaslaşdırılmış məhkəmə baxır.

Nəşrlərdə qadının özünün tərcümeyi-halı ilə bağlı təfərrüatlar da yoxdur. “The Times” onu qadın hüquqları müdafiəçisi adlandırır, lakin “Associated Press” yazır ki, əl-Qəhtaninin fəallığına dair heç bir dəlil yoxdur. Onun 2021-ci ilin iyulundan həbsdə olduğu və apellyasiya şikayəti zamanı ona 45 il həbs cəza təyin edildiyi məlum olub.

Xatırladaq ki, bu yaxınlarda digər səudiyyəli bir qadın sosial şəbəkədə paylaşım etdiyinə görə uzun müddətə azadlıqdan məhrum edilib. Avqustun ortalarında məlum olub ki, 34 yaşlı Salma əl-Şebab qadın hüquqları uğrunda mübarizə aparan siyasi məhbusların azad edilməsinə çağıran tvitlərinə və hüquq müdafiəçilərinin oxşar mesajlarını retvit etdiyinə görə 34 il müddətinə azadlıqdan məhrum edilib.

Leyla Şıxlinskayanın bilinməyənləri: Hansı xalq artisti onunla öpüşmək istəmədi? - FOTO

Azərbaycan kinolarının ulduz aktrisası hesab olunan Leyla Şıxlinskaya haqqında maraqlı məlumatlar məlum olub.

Araşdırmanı təqdim edirik.

Leyla Fərrux qızı Şıxlinskaya 12 iyun 1947-ci ildə Moskvada anadan olub. Atası Fərrux Sadıxov metallurq kimi fəaliyyət göstərib. Daşkəsəndəki mədən müəssisələrinin birində müdir işləyib. Daha sonra nazirlikdə çalışıb. Anası Aza Şıxlinskaya kosmetoloq olub. Leylanın beş yaşı olanda valideynləri ayrılıblar. Anası ikinci dəfə kinorejissor Tofiq Tağızadə ilə ailə qurub. Atası da ikinci dəfə evlənib. Bu evlilikdən onun üç övladı doğulub.

Gənclik illərində baletlə məşğul olan aktrisa sonradan onurğasından çox ciddi zədə alaraq bu sahədən uzaqlaşır. Kino sahəsinə istiqamətlənən Şıxlinskaya Moskvaya gedərək Dövlət Teatr İnstitutunun (GİTİS) Teatrşünaslıq fakültəsinə daxil olur. Davamlı balet haqqında məqalələr yazır. Azərbaycan baleti mövzusunda namizədlik dissertasiyası, 1996-cı ildə isə doktorluq dissertasiyasını müdafiə edir. O, Azərbaycan baleti haqqında iki kitabın müəllifidir. Bunlardan biri isə azərbaycanlı balerina Leyla Vəkilova haqqındadır.


Leyla Şıxlinskaya “Arşın mal alan” filmində Gülçöhrə obrazında

Leyla xanım 1987-ci ildə sənətşünaslıq elmləri namizədi, daha sonra isə sənətşünaslıq elmləri doktoru elmi dərəcələrinə layiq görülüb. 1993-cü ildə Azərbaycanın “Əməkdar artisti” fəxri adına, daha sonra isə “Xalq artisti” fəxri adına layiq görülüb.

Aktrisa “Arşın mal alan”, “Bağ mövsümü”, “Cazibə qüvvəsi”, “Dantenin yubileyi”, “Dədə Qorqud”, “Gün keçdi”, “Qəm pəncərəsi”, “Qızıl qaz” filmlərinə çəkilib. Ona ən böyük məşhurluğu isə “Arşın mal alan” filmindəki Gülçöhrə və “Gün keçdi” filmindəki Əsmər obrazları gətirib.


“Gün keçdi” filmindən

1971-ci ildə “Gün keçdi” filminin çəkilişləri zamanı rejissor Arif Babayevlə Həsən Məmmədovun sözləri çəpləşir. A.Babayevin ssenariyə görə Əsmərlə (Leyla Şıxlinskaya) Oqtayın (Həsən Məmmədov) öpüşməsi səhnəsini çəkmək istəyi 33 yaşlı aktyor tərəfindən etirazla qarşılanır. Maraqlıdır ki, L.Şıxlinskaya bu epizoda razı olduğu halda Məmmədov kəskin şəkildə etiraz edir və Arif Babayevə bildirir ki, bir daha belə bir təklif etsə, filmdən imtina edəcək.

Həmkarlarının sözlərinə görə, həmin vaxt H.Məmmədov ailəli imiş və həyat yoldaşını çox sevdiyindən, bu epizoda çəkilməyə razılıq vermir. Hətta bildirilir ki, həyat yoldaşı da H.Məmmədovun sözügedən epizoda çəkilməsinə heç nə demir. Amma aktyor xanımının razılığına baxmayaraq, yenə də fikrini dəyişmir.

Deyilənə görə, Leyla Şıxlinskayanın filmlərdə daha çox parlamasına səbəb atalığı rejissor Tofiq Tağızadənin əməyi olub. Aktrisa Zemfira Sadıqova müsahibələrindən birində qeyd edir ki, Tağızadə onu “Bağ mövsümü” filminə çəkmək istəmirmiş:

“Mənim oynadığım hissələrin çoxunu filmdən çıxartdı. Amma Leyla Şıxlinskayanın çox kiçik bir rolu olmasına baxmayaraq, rejissor onun üçün ssenaridə olmayan əlavə səhnələr yazdı. Leyla Şıxlinskayanın yarıçılpaq şəkildə yataqda uzanıb qadınlara məsləhət verdiyi səhnə ssenaridə yox idi. Onu ayrıca Leyla üçün yazmışdılar. Qızıl-zinət əşyaları taxdığı yer də sonradan artırılmışdı. Bir sözlə, film həm çox kəsilib, eyni zamanda çox da əlavə kadrlar var. Tağızadə filmi o qədər kəsdi ki, 90 dəqiqəlik nəzərdə tutulan film 75 dəqiqə oldu”.

Leyla Şıxlinskayanın Azərbaycan Xalq Cümhuriyyətinin Hərb nazirinin müavini general Əzizağa Şıxlinski ilə qohumluq əlaqələrinin olduğu da deyilir. Aktrisa özü bu barədə açıqlama verərkən bildirib ki, müəyyən qohumluq əlaqələri olması barədə məlumat doğrudur. Və o, həm də Məşədi Əzizbəyov adına doğum evinin qurucusu Mustafa bəy Hacıqasımovun nəvəsidir.


“Qırmızı və qara” filmindən kadr

Valideynlərinin hər ikisi ilə yaxşı münasibətləri olan aktrisa onların mühafizəkarlığı barədə müsahibələrinin birində deyir:

“Anam uşaqlara qarşı sərt idi. O, ədəb, gözəl davranış qaydaları kimi anlayışlara çox diqqət yetirirdi. Atam çox mühafizəkar idi və bəzən onunla mübahisə edirdik. Belə mübahisələrin nəticəsi olaraq mən anamın soyadını daşımalı oldum. Atam qəti şəkildə mənim xoreoqrafiya məktəbində oxumağıma qarşı çıxırdı. O, həmişə deyirdi: “İdmana həvəs göstərsən, yaxşı olar”. Kolleci bitirib rəqqasə ixtisası alanda atamla dalaşdıq. Atam deyirdi ki, mənə rəqqasə qız lazım deyil. Bu peşə onun soyadını rüsvay edəcək. Anam atamın mənə dediyi bu sözləri öyrənəndən sonra mənim soyadımı dəyişdirdi və mənə öz soyadını verməli oldu”.


Xalq artisti Leyla Şıxlinskaya və Röya

Bir müddət Azərbaycan kinosunda ən tələb olunan aktrisa Leyla Şıxlinskaya kino yaradıcılığı haqqında belə deyir:

“Sonralar kinolara çəkilməməyim mənim ixtiyarımda olan məsələ deyildi. Bu məsələ rejissorların və ssenaristlərin istəyinə bağlı idi. Mənə rollar təklif etdilər, amma bir çox hallarda mənim prinsiplərimə və inanclarıma uyğun gəlmirdi. Və yaxud da bəyəndiyim rollar digər aktrisalara təklif olunurdu. O vaxtlar Bakıda da az olurdum, Moskvada yaşayırdım. Olimpiya komandasında bədii gimnastika üzrə xoreoqraf kimi işləyir, həmçinin Bolşoy Teatr Məktəbində xoreoqrafiyadan dərs deyirdim”.

Aktrisa 1988-ci ildə Bakıda Rusiya Dövlət Dumasında fəaliyyət göstərən Andrey Loginov ilə tanış olub ailə qurur. Aktrisanın əvvəlki evliliyindən iki övladı var. Qızı Jaila və oğlu Filip.

Leyla Şıxlinskaya Azərbaycanın ilk özəl klinikalarından birinə rəhbərlik edib. 2002-ci ildə “Humay” mükafatına layiq görülüb. Hazırda Qubadakı hotellərin birinin rəhbəri kimi fəaliyyət göstərir.



Aktrisa dörd dəfə ailə qurub. O, həyat yoldaşları haqqında ona verilən suala verilişlərin birində belə cavab verib:

“Bəli. Mən Elizabet Teylora çata bilmərəm. Onun doqquz xoşbəxt nikahı olub. Bəlkə, verilişinizin ayağı yüngül oldu. Mən beşincini də tapdım. Əsas sevgidir. Onsuz həyat ağ-qara filmə bənzəyir”.

Xalq artisti müəyyən dövrlərdə Azərbaycan aktrisaları Amaliya Pənahova və Həmidə Ömərova ilə qalmaqal da yaşayıb. Müsahibələrinin birində: “Həmidə Ömərovanı tanımıram. Şəfiqə Məmmədovanı isə ən yaxşı aktrisa hesab edirəm”, - fikrini səsləndirib. Daha sonra isə Amaliya Pənahovanın “Gün keçdi” filmində onun Əsmər obrazını səsləndirməsini bəyənmədiyini vurğulayıb:

“Amaliya xanım başqa aktrisalar kimi Əsmər obrazının sınaq çəkilişlərində iştirak edib. Məsələ yaşda deyil, kim kimdən böyükdür, kiçikdir... Filmdə səsləndirməni eşidəndə tüklərim biz-biz oldu. Axı orada hər şey daha zərif idi”.

Aktrisa hazırda 74 yaşındadır. Kifayət qədər baxımlı qadın olan Leyla xanım ona cavan qalması ilə bağlı verilən suallara belə cavab verib:

“Çox rəfiqəm olmayıb. Vaxtım olmayıb oturum, qeybət edim. Hər zaman çalışmışam. Mən də plastik əməliyyat etdirmişəm, bunu deməkdən çəkinmirəm də. Bir vaxt isə ağır əməliyyat keçirdim və çox çəki itirdim. Göz altında sallanmalar yarandı, aradan qaldırdım. Nə olsun? Lazım gələcək, yenə əməliyyat edəcəm. Niyə çəkinirsiniz? Plastik əməliyyat etmisiniz, yaxşı etmisiniz!” \\Kulis.az

Kremlin sözçüsü Dmitri Peskovun qızı Liza bank kartları ilə bağlı fırıldaqçıların hiyləsinə tuş gəlib.

TEREF yazır ki, bu barədə Peskovun özü danışıb.

“Bu insanlar inandırmağı bilirlər. Bu da istedaddır. Ancaq yaxşı məqsəd üçün deyil, cinayət üçün istifadə olunan bacarıqdır. Onlar, təəssüf ki, bu istedadın sahibidirlər. Qızım keçən il onların tələsinə düşdü”, - deyə Peskov vurğulayıb.

O, qızına fırıldaqçıların bu cür hərəkətləri barədə dəfələrlə xəbərdarlıq etdiyini qeyd edib.

“Bilmirəm, bu bəd istedadlı adamlar tutuldu, ya yox, amma pullar geri qaytarıldı”, – deyə Peskov bildirib.

Kremlin sözcüsü hadisənin 2021-ci ildə baş verdiyini əlavə edib.


cebhe3.info

«Rusiya bu gün» mediaqrupunun və «RT» telekanalının baş redaktoru Marqarita Simonyan Ukraynanın «Azov» batalyonundan ünvanına gələn təhdidləri «şərh» edib.

«Təhdidin stilinə görə mühakimə etsək, görərik ki, orada ya manyaklar, ya da «qonaq edilmiş yeniyetmələr» iclas keçirirlər. Yeri gəlmişkən, bunun biri digərini istisna etmir. Mən, onlara necə reaksiya verməliyəm? Mən, öz həyatımı yaşayıram və nəyi ədalətli, lazımlı və olmalı bilirəmsə, onu da edirəm» - Marqo deyib.

Bundan əvvəl o, özünün Teleqram-kanalında «Azov»un təhdidlərini və rəmzlərini dərc edib. Bundan sonra Rusiya İstintaq Komitəsinin sədri Aleksandr Bastrıkin idarənin mərkəzi aparatına dərc olunmuş materiallar üzrə yoxlama aparılması barədə tapşırıq verib.