Böyük Britaniyanın Baş naziri Liz Trassın şəxsi məlumatları internetə sızdırılıb.

Teref.az Axar.az-a istinadən xəbər verir ki, hakerlər Liz Trassın telefon nömrəsi ilə bərabər, hökumətin daha 25 üzvünün şəxsi məlumatını satışa çıxarıblar. Məlumat hakerlərin qapalı saytına yerləşdirilib. Orada hətta müdafiə, daxili işlər və xarici işlər nazirlərinin də telefon nömrələri var.

Hakerlər nömrələri istəyən şəxsə 6,5 funta (10 dollara) satırlar.

Böyük Britaniya hökuməti araşdırmaya başladığını elan edərək, dərc edilən məlumatların bəzilərinin köhnəldiyini qeyd edib.

“Bizim danışmağımız artıq gecdir. Demək istəyirəm ki, mən iki ay əvvəl onu gördüm, amma ayaqları belə deyildi. İdman ayaqqabısı geyinmişdi, onun geyim tərzi idi. Halından şikayət etmədi. İndi başa düşürəm ki, o, xəstəliyindən heç kimə danışmayıb”.

Bu sözləri Əməkdar artist Kübra Əliyeva “Bizimləsən” verilişində dünyasını dəyişən bəstəkar-müğənni Rəhim Rəhimli haqda deyib.

K.Əliyeva mərhumun xəstəliyini anasından gizlətdiyini açıqlayıb:

“Onu qoruya bilmədik, çünki o, dərdini heç kimə söyləməyib. Xəstəliyi bilinsəydi, dövlət tərəfindən də nəzarətə götürülərdi. Rəhim xəstəliyini anasından da gizlədib. Gizli-gizli dərmanlar qəbul edib. Hansı dərmanları qəbul edirsən? Bəlkə heç o preparatlar sənə olmaz? Bir iki nəfərlə məsləhətləşmək lazım idi. Kaş ki, Rəhim səhhətində yaranan problemlərdən xəbər verərdi”.

"Hər kəs yazır, amma inanın ele əsəbimə toxunur ki... Bir neçə insan bilir Rəhimlə necə dost və sirdaş olmuşuq. Son zamanlar təkliyə çəkilsə də, inanın hər gün keçdiyimiz yolları xatırlayırdıq".

Demokrat.az xəbər verir ki, bu sözləri aparıcı Lalə Əlimuxtarova sosial şəbəkədə yazıb. O, bu gün vəfat edən Rəhim Rəhimli haqda paylaşım edən bəzi məşhurlara əsəbiləşib:

"Demirəm axı ki, niyə belə oldu? Allahın qədəri var, deməli, bu qədər imiş. Çox təəssüf, bir onu deyəcəm ki, yalandan statuslar paylaşıb, özünüzü artistliyə vurmayın. Ay bəzi 5 gündən sonra yaddan çıxaranlar və illərdir Rəhimin yanında olmayanlar... Onu nə məclislərinizdə, nə ad günlərinizdə, nə də əzizlərinizin toyunda gördüm. Nə olar, yığışdırın yalançı sevgilərinizi. Təbii ki, hər kəsdən söhbət getmir. Mən onun əsl dostlarını və yalançı dostlarını çox yaxşı tanıyıram".

İsmayıllı rayonu Mollaisaqlı kənd sakini 1955-ci il təvəllüdlü Bağıyeva İzafət Qorxmaz qızı tərəfindən

Ə R İ Z Ə

Hörmətli cənab Prezident! Yazaraq bildirmək istəyirəm ki, təxminən 3 il müddətdir yaşadığım ev qəzalı vəziyyətdədir. Divarlar ovxalanıb parçam-parçadır, üst örtüyündə aşsüzən kimi dəliklər olduğuna görə yağan qar və yağış otaqlara dolur, tavan çürüyüb döşəməyə tökülür. Tez-tez ilan və digər zərərli həşəratlar otaqlara girir. Bəzən qorxudan evi tərk edərək qonşularda gecələyirəm. Dəfələrlə İsmayıllı Rayon İcra Hakimiyyətinə müraciət etmişəm. Hətta icra başçısı Nahid Bağırovun da qəbulunda olmuşam. Məsələ ilə əlaqədar ötən il Arxitektura və Memarlıq şöbəsindən gələrək video çəkilişlə evə baxış keçirmişdilər. Bunun da heç bir nəticəsi olmadı. Daha sonra Mehriban xanım Əliyevaya da yazılı ərizə ünvanladım. Mehriban xanımdan gələn müəyyən göstəriş də İsmayıllı Rayon İcra Hakimiyyətində icra olunmadı. Olduqca çarəsiz durumdayam. Özüm də xəstəyəm, yüksək təziqlə yaşayıram, eyni zamanda şəkərli diabet xəstəliyindən əziyyət çəkirəm. Yüksək şəkər səbəbilə sağ ayağım işləmir. Həyat yoldaşım 2013-cü ildə vəfat edib. 3 qızım var, onlar da ailəlidir, tək yaşayıram. Gündəlik təlabatları və müalicəmi qocalıq pensiyası ilə qarşılamağa çalışıram. Başqa heç yerdən maddi gəlirim yoxdur.
Sizdən çox xahiş edirəm, yaşadığım evin həyətində kiçik və təhlükəsiz bir daxma tikilməsinə köməklik göstərəsiniz. Doğrusu hazırda yaşadığım və ev adlandırdığım bu yer köhnə tikilidir deyə istismar müddətini başa vurub. Ümid edirəm ki, çarəsizliyimi və kimsəsizliyimi nəzərə alaraq əlinizdən gələn yardımı edəcəksiniz. Sizə çox təşəkkürümü bildirirəm.
İmza: İ. Bağıyeva

Bakıda intihar hadisəsi olub.

Teref.az Lent.az-a istinadla xəbər verir ki, hadisə Suraxanı rayonu Qaraçuxur qəsəbəsində yerləşən 15 saylı Birləşmiş şəhər Xəstəxanasında qeydə alınıb.

Orada xadimə işləyən 49 yaşlı Novruzova Aidə Cəlal qızı xəstəxananın həyətindəki tikilidə özünü asaraq, həyatına son qoyub.

Onun hansı səbəbdən canına qəsd etdiyi bilinmir.

Faktla bağlı araşdırma aparılır.

Britaniya kraliçası II Elizabetin ölümünün səbəbi açıqlanıb.
Bakupost.az xəbər verir ki, Şotlandiyanın Rekordlar Bürosu tərəfindən dərc edilən arayışda kraliçanın ölüm səbəbinin yaşlılıq olduğu bildirilib.
Sənədə görə, kraliça sentyabrın 8-də yerli vaxtla saat 15.10-da yaşlılıq səbəbindən vəfat edib.
70 ildən artıq ölkəyə rəhbərlik etmiş Böyük Britaniya kraliçası II Elizabet sentyabrın 8-də Şotlandiyada 96 yaşında vəfat edib.

Boyu 2 metr 15 santimetr olan türkiyəli Rumeysa Gelgi artıq xeyli müddətdir ki, dünyanın ən hündür qadını kimi Ginnesin Rekordlar Kitabına düşüb.

İstanbul Hava Limanına gələn 25 yaşlı Rumeysa digər sərnişinlərin foto çəkdirmək istəyini də rədd etməyib.

Xəstəlikdən əziyyət çəkən xanım həyatında ilk dəfə təyyarəyə minərək ABŞ-a yola düşüb. Onun San Fransiskoya ilk uçuşu 13 saat çəkəcək.

Mənbə: Haber Global

ABŞ və Böyük Britaniyada sperma donoru olaraq fəaliyyət göstərən Kayl Qordi adlı şəxsin etirafları sosial şəbəkələrin ən çox müzakirə edilən mövzusuna çevrilib.
Bakupost.az xarici mediaya istinadən bildirir ki, Qordi bəzi hallarda sperma donorluğu etmədiyini, qarşılıqlı olaraq razılaşdığı qadınlarla cinsi əlaqəyə girərək onları hamilə qoyduğunu etiraf edib.
Sperma donoru indiyə kimi 51 qadının ondan hamilə qaldığını açıqlayıb. O, bu işə lezbiyan bir cütlüklə başladığını bildirib. Qordinin sözlərinə görə, hazırda 15 qadın onun körpəsini daşıyır.

Britaniyanın Baş naziri və İngiltərənin “Norviç Siti” futbol klubunun tanınmış pərəstişkarı Liz Tras qalmaqalın əsas fiquruna çevrilib.

Bu barədə “Daily Mail” məlumat yayıb.

Məlumata görə, baş prokuror Emili Thornberri Böyük Britaniya Xarici İşlər Nazirliyinə 2021-ci ilin sentyabrından 2022-ci ilin iyuluna qədər 45% artan xərcləri ilə bağlı məktub göndərib.

O, müraciətdə yüksək səviyyəli şəxsi yeməklərə, sağlamlıq və gözəllik müalicələrinə, külli miqdarda ingilis şərabına və interyer əşyalarına, habelə “Norviç” fan-şopunda 1,841 funtun xərclənməsini şübhə altına aldığını qeyd edib.

Baş nazir Liz Trasın Xarici İşlər Nazirliyinə rəhbərlik edərkən qeyd olunan məbləği “Norwich City” klub mağazasında xərclədiyi deyilir. Bu vəsaitlər dövlət büdcəsinin bir hissəsidir.

Qeyd edək ki, Britaniya Xarici İşlər Nazirliyinin nümayəndələri hesabatla bağlı ilkin sorğuya cavab vermədiyi üçün ölkənin baş prokuroru öz müraciətini tviter hesabında dərc edib.

İtaliya və “Milan” futbol klubunun əfsanəsi Paolo Maldini “Instagram”da post paylaşaraq ötən həftə İranda əxlaq polisi tərəfindən döyülərək öldürülən 22 yaşlı Məhsa Əmini, bütün İran qadınları və bu ölkədəki etiraz hərəkatına dəstəyini bildirib.

O, öz səhifəsində Məhsa və saçlarını kəsərək etiraz edən qadınların görüntülərini dərc edib.

“Mən İran qadınlarının, onların əsas hüquq və azadlıqlarının yanındayam”, - futbolçu yazıb.