 |
|
|
“Göy “tiqrovu” paltarım, bijuteriyalarım, zərli və qara kofta, üstəlik də bir qara paltarım Elza Seyidcahanda qalıb. Bu götürdüyü geyimlərin heç birini gətirməyib. Bir boyunbağım var idi, onu mənə hədiyyə vermişdilər. Həmin boyunbağını da məndən aldı. Onu da gətirmədi, vermədi. Çox gözəl geyimlərim var idi. Sizinlə danışa-danışa yadıma düşür ki, nələrimi aparıb. Hələ çox şeyləri unutmuşam. Qolbaq da var idi. Hər dəfə deyirdim ki, geyimlərimi gətirin, deyirdi ki, maşındadır, maşındadır. Deyirdim ki, maşın qarderobdur? Amma gətirib çıxartmadı. Sonda deməkdən utandım, usandım”
Bunu Moderator.az -a açıqlamasında tanınmış modelyer Şəlalə Maqsudova deyib. O daha sonra əlavə edib:
“Qızının toyundan sonra mən ondan uzaqlaşdım. Dedim ki, nə gəlmə, nə də səni görmək istəmirəm. Qızının toyunda məni aldatdı. Qızının gəlin paltarını mənə tikdirdi. Birini mən tikdim, birini də modelyer Leyla Əhmədova tikdi. Leyla xanım tikən geyimlə qızı nikaha girdi. Amma mənim geyimimi toy boyu geyindi. Toyun ortasında mənim qızı üçün tikdiyim geyimlə bir şəkil çəkdirdik. Bir tərəfdə də bəylə-gəlinin yanına Leyla xanımı çağırdı. Bizim çəkdirdiyimiz fotonu paylaşanda məni kənardan kəsdi. Şəkili sayta və səhifələrə verib, mənim tikdiyim geyimi Leyla Əhmədovanın adına çıxartdı və saytlarda da Leylaya təşəkkür etdi. Sonra əməlli-başlı aramızda dava-qırğın oldu. Halbuki məndən xahiş edib geyimi tikdirmişdi. Mən təmənnasız, sırf reklama tikmişdim o geyimi. Heç reklama işləmirdim də. Mənə demişdi ki, qızının toyuna gəlib oxuyacam. Heç qızımın toyuna da gəlmədi. Bu hadisədən sonra onu özümdən uzaqlaşdırdım. Yoxsakı o vaxta qədər münasibətlərimiz pis deyildi” deyə modelyer bildirib.
Şəlalə Maqsudova deyib ki, bu cür haqsızlıqlara öyrəşib:
“Tək o deyil ki. Əksər müğənnilərdən belə haqsızlıqlar görmüşəm. Hansını deyim? Onların içində xalq artistləri də var, məşhur müğənnilər də. Hətta tikdiyim geyimləri sonradan səhifələrində paylaşıb türk brendi kimi tanıdırlar. Bu onların səviyyəsidir, acizliyidir. Bir onu bilirəm ki, kim hardan qırıbsa, ordan da qırılır” deyə modelyer bildirib.
Qeyd edək ki, bir neçə gün əvvəl əməkdar artist Elza Seyidcahan “Bu şəhərdə”-nin aktyorları haqda “geyimlərimi, zinət əşyalarımı götürüb qaytarmırlar” deyə açıqlamasında bildirmişdi.
Müğənni Ebru Gündeşin Ankarada konsert vermək üçün aldığı qonorar üzə çıxıb.
İfaçı 69 milyon lirə ödəniş alıb.
Bələdiyyə sədrinin ifaçıya göndərdiyi məbləğin çeki yayılıb. Bildirilib ki, ifaçı özü 16 milyon qonorar tələb edib.
Texniki heyət və digər xərclər üçün 69 milyon lirə pul köçürülüb. (Axşam.az)
“Bu oğlanı hər dəfə gətirirsən. Bu, şərtdir ki, mən harda o da orada?”.
Titul.az xəbər verir ki, bu sualla aparıcı Elgiz Əkbər verlişində qonaq olan Mənzurə Musayevaya atmaca atıb.
Aparıcı “Məcburuq onu reklam etməyə?” sualı ilə qadın müğənnini efirdə qınayıb. Mənzurə cavabında “Seyiddir, cəddi tutar səni” deyərək Elgizə reaksiya verib.
Xalq artisti Natiq Şirinovun oğlu Ümid Türkiyədə əməliyyat olunub.
Bu barədə Ümidin xanımı Fatimə məlumat yayıb.
O bildirib ki, həyat yoldaşı İstanbulda konsertdən sonra özünü yaxşı hiss etməyib və təcili orada əməliyyat edilib:
"Bir neçə gündür başımız çox qarışıq idi. Səbəbi isə o idi ki, həyat yoldaşım konsertdən sonra özünü yaxşı hiss etmədi və təcili əməliyyat olundu. Allah şəfa versin, canım. Şükür ki, yavaş-yavaş yaxşılaşır. Allah heç kəsi canı ilə sınamasın".
Qeyd edək ki, Fatimə Xalq artisti Alim Qasımovun nəvəsi, Əməkdar artist Fərqanə Qasımovanın qızıdır. Ümidlə Fatimənin Şəms adlı bir qızı var.
Onu da qeyd edək ki, bu gün Natiq Şirinovun 49 yaşı tamam olur.
Oxu.Az
Efirdə davalar və qalmaqallar daim olur. Elə bir neçə gün bundan əvvəl tanınmış müğənni Əli Mirəliyev və Elşad Qarayev arasında da mübahisə yaşanıb. Həmin mübahisə isə tamaşaçılar tərəfindən birmənalı qarşılanmadı və müzakirələrə rəvac verdi.
Yenisabah.az məsələnin təfərrüatlarını öyrənmək üçün müğənni Əli Mirəliyevlə əlaqə saxlayıb. Məhşur ifaçı saytımıza açıqlamasında nə baş verdiyini belə izah edib:
“Elşad Qarayev toy müğənnisidir. Bir var bəstəkar mahnısı ifa edəsən, bir də var toy - "İran təranələri" ritmində fars, ərəb musiqisi oxuyasan. Bilir ki, bunlar mənim xoşuma gəlmir. Nəinki xoşuma gəlmir, belə ifaları heç qəbul etmirəm. O, bütün bunları ürəyində bilirdi. 3-4 ay bundan qabaq “Dünya TV”-də efirə gedən “İbo Şou”da qonaq olanda Elşad Qarayev mənim haqqımda fikirlər səsləndirib. Sonra həmin çıxışı “TikTok”-da da paylaşılıb. Orada deyib ki, mən 70-ci illərdə Bakıya gəlmişəm, amma Əli Mirəliyevi heç yerdə görməmişəm. Mən eşidəndə fikirləşdim ki, bu dəlidir? Bu nə söhbətdir edir?! Sonra bir neçə adam mənimlə əlaqə saxladı və bu barədə öz şərhlərini bildirdilər. Mən 70-ci illərdə Bakıda oxuyanda sən Kürdəmirdə dana otarırdın. Sən bunu deyəndə fikirləşmirsən ki, camaatın sənə olan münasibəti, reaksiyası necə olar? 76 yaşlı kişi üçün sən bu sözü deyirsən. Əvvəl Azərbaycan televiziyası bir dənə olub. Mən isə oranın solisti olmuşam. Dilarə Əliyevanın “Dan ulduzu” instrumental ansamblı, Dövlət Mahnı Rəqs Ansamblı və s. yerlərdə solist kimi fəaliyyət göstərmişəm. 120-dən çox mahnı ifa etmişəm. Sən bu sözü efirdə necə səsləndirə bilərsən? Sonra da boynuna almır”.
Əli Mirəliyev Elşad Qarayevin onu tanımamasına qəzəblənib:
“Bu yaxında şəhərdə olan vaxtı mənə “ARB” televiziyasından mənə zəng gəldi və dedilər ki, Elşad Qarayev efirdədir və sizi calaşdırmaq istəyirik. Əlaqəni yaratdılar. Elşad qayıtdı dedi ki, sən cavanlığında nə oxumusan ki, onlardan birini ifa et. Dedim ki, sən munsiflər heyətisən, ya bədii şura? Sən kimsən ki, 76 yaşlı kişi sənə imtahan verməlidir? Sən oxumağını düzəlt, söhbət səndən gedir. Sən nə gündəsən, məni özünlə necə tay edə bilərsən? Mən 20-dən çox ölkədə Azərbaycan musiqisini təmsil etmişəm, o isə toyxanalarda oxuyub. O, mənim əziyyətimi, ifalarımı yerə vurdu. Hansı müğənni məni tanımır? Sən necə ola bilər ki, tanımırsan? Guya qalmaqalla məni tanıyıb. Qalmaqallardan qabaq məgər mən oxumamışam? Məni tanımayıblar?”
Aktrisa Sonaxanım Əliyeva da müğənniliyə başlayıb.
TEREF titul.az-a istinadən xəbər verir ki, məşhur aktrisa ifaçı kimi ilk təcrübələrindən birini keçdiyi bu vaxtında toyda xoşagəlməz halla qarşılaşıb.
Belə ki, fonoqram ifa edən Sonaxanımın səsi qəfil kəsilib.
Lakin aktrisa özünü itirməyib və vəziyyətdən canlı ifa edərək çıxamağa çalışıb.
Bu da sözügedən kadrlar:
Türkiyənin məşhur modelyeri Ebru Şallı və biznesmen Uğur Akkuş 5 illik evliliklərinə xitam verirlər.
Akkuş sosial media hesabında ayrılıq səbəbi ilə bağlı diqqətçəkən açıqlama verib.
Onun sözlərinə görə, yaxın ətrafı, ailəsi və tanışları bu boşanma ilə bağlı müxtəlif iddialar səsləndirməsinlər deyə, əsl səbəbi özü açıqlamaq istəyib.
"Bu gün 7 ildir birlikdə olduğum, çox sevdiyim, aşiq olduğum və çox əmək sərf etdiyim həyat yoldaşım Ebru Şallıdan boşanmaq üçün Beykoz 1-ci Ailə Məhkəməsinə müraciət etdim. Boşanma istəyimin yeganə səbəbi artıq xoşbəxt olmamağımdır. Bu münasibətin sevgi və məhəbbət evliliyi olduğunu zənn etmişdim, amma, sən demə, hər şey pul və maddi maraqlardan ibarət imiş! Bunu çox gec və çətinliklə anladım. Artıq xoşbəxt və hüzurlu bir həyat yaşamaq üçün boşanmağa qərar verdim", - deyə o bildirib.
Qeyd edək ki, Ebru Şallı və Uğur Akkuş 2019-cu ildə ailə qurublar. Onların Pars adlı oğulları var.
Ebru Şallı mövzu ilə bağlı hələlik açıqlama verməyib.//Oxu.Az
Müğənni Zahidə Günəş həyat yoldaşından ayrılıb.
İfaçı bu haqda “Qonaqcanlı” verilişində deyib.
İfaçı bildirib ki, ayrılıq qərarını özü verib.
Aparıcı Aytəkin Mərdanovanın “Səbəb nə idi? Qısqanclıq” sözlərinə Z.Günəş “Hər şey. Mən istəmişəm ki, yanımda hər zaman ancaq oğlum olsum” cavabını verib.
Qeyd edək ki, ifaçı ötən il ailə qurduğunu açıqlamışdı.
Sosial şəbəkələrdə yayılan video marağa səbəb olub.
Azərbaycanda “tiktoker”lərin sürdüyü bahalı maşınların görüntüsü təəccübləndirib. Müxtəlif markalardan olan lüks avtomobillər diqqət çəkib.
Sözügedən video sosial media istifadəçilərinin müzakirə mövzusuna çevrilib.
Həmin görüntüləri təqdim edirik:
Müğənni Bahar Lətifqızı emosional reaksiyası ilə diqqət çəkib.
Milli.Az xəbər verir ki, sənətçi iştirak etdiyi toy məclislərinin birində görüntülənib.
İştirak etdiyi məclisdə Xalq artisti Zabit Nəbizadənin "Ata Muğamı"nı oxuması Lətifqızını göz yaşlarına boğub.
Hisslərinə hakim ola bilməyən müğənni duyğusal anlar yaşayıb.
Həmin görüntünü təqdim edirik: