 |
|
|
Rusiyanın Ukraynada hərbi əməliyyatının davam etməsi fonunda Qərb dövlətləri BMT-də Rusiyaya zərər verməyə cəhd edə bilər.
Bu barədə “Report” “Reuters”ə istinadən xəbər verir.
Qeyd olunub ki, Rusiya tərəfi BMT Təhlükəsizlik Şurasının üzvü olduğu və veto hüququna malik olduğundan Qərbin təşkilatda Moskvaya hücum etmək imkanları o qədər də çox deyil.
“Seçim Rusiya nümayəndələrinin səlahiyyətlərini geri götürmək ola bilər, lakin bunun üçün Baş Assambleya üzvlərinin əksəriyyətinin dəstəyi lazımdır”- deyə, məlumatda vurğulanıb.
Bildirilib ki, rəsmi Kiyev Moskvanın BMT-dən çıxarılmasını fəal şəkildə tələb edib, lakin belə bir ssenarinin həyata keçirilməsi Rusiyanın təşkilatın Təhlükəsizlik Şurasına üzvlüyünə görə faktiki olaraq mümkün deyil. Rusiya nümayəndələrindən etimadnamələrin geri alınmasına gəlincə, agentliyin analitiklərinin fikrincə, bu işə yaraya bilər.
BMT-nin Baş katibi Antoniu Quterreş Ukrayna Prezidenti Volodimir Zelenskinin dəvəti ilə cümə axşamı Ukraynaya səfər edəcək.
“Report”un ABŞ bürosu xəbər verir ki, bunu BMT-nin sözçüsü Stefan Dujarrik jurnalistlərə açıqlamasında deyib.
Sözçü bildirib ki, baş katib Ukraynanın Lvov şəhərində Türkiyə Prezident Rəcəb Tayyib Ərdoğan, Volodimir Zelenski ilə ikitərəfli və üçtərəfli görüşlər keçirəcək.
“Baş katib görüşlərdən sonra Odessanı ziyarət edəcək. Antoniu Quttereş həftə sonu Nyu-Yorka qayıtmazdan əvvəl İstanbula gedəcək və Qara dəniz taxıl təşəbbüsünün bir hissəsi kimi istifadə edilən üç limandan birini ziyarət edəcək. Baş katib İstanbulda Ukrayna, Türkiyə və BMT arasında imzalanan taxıl ixracı haqqında sazişin icası üçün ortaq koordinasiya mərkəzini də, ziyarət edəcək”.
İranın B planı – Avropanın gözlədiyi cavab gecə veriləcək
İran bu gün gecə yarısına qədər Avropa İttifaqının yekun təklifinə cavab verəcək.
Modern.az xəbər verir ki, bunu İranın xarici işlər naziri Hüseyn Əmir Abdullahian deyib.
"Cavabımız bu gecə saat 12-də Avropa İttifaqında veriləcək. Üç məsələ var, həll olunarsa, yaxın günlərdə razılığa gələ bilərik", - nazir bildirib.
XİN başçısı, həmçinin "danışıqlar uğursuz olarsa, Vaşinqton kimi bizim də öz B planımız var", - deyə sözlərinə əlavə edib.
Qeyd edək ki, Avropa İttifaqı 2015-ci ilin nüvə sazişi ilə əlaqədar “yekun” təklif irəli sürüb və bir neçə həftə ərzində İrandan cavab gözləyir.
Xatırladaq ki, İranın nüvə proqramını məhdudlaşdıran saziş 2015-ci ildə imzalanıb. ABŞ-ın sabiq prezidenti Donald Tramp hakimiyyətə gəldikdən sonra müqavilədən çıxdığını elan edib. Bayden prezident seçildikdən sonra nüvə sazişinin bərpa ediləcəyini bildirib. Vyanada bir sıra danışıqlar aparılsa da, mart ayından etibarən müzakirələr dayandırılıb. Buna səbəb Tehranın Vaşinqtondan İslam İnqilabı Keşikçiləri Korpusunu ABŞ-ın terrorçu təşkilatlar siyahısından çıxarmaqda israr etməsi olub.
Sazişin tərəfləri Almaniya, İngiltərə, Çin, Fransa və Rusiyadır.
Cəlilabadı talan edirlər. Bu rayondan Əziz Əzizovu vəzifəsindən çıxartdılar. Namiq Zeynalovu həbs etdilər. İndidə rayona Rafiq Cəlilovu İcra başçısı təyin ediblər. Rayonu xaraba qoyub talan edirlər.
TEREF "Azərbaycan Reallığı"na istinadla xəbər verir ki, bu sözləri YouTube sosial şəbəkə kanallarında Birinci Vətən Müharibəsinin Qarabağ qazisi deyib. O üzünü ölkə başçısına tutaraq ondan kömək istəyib. Rafiq Cəlilov rayona gələndən rayonda satmadığı torpağ qalmayıb. Qazi və veteranların adından iş adamlarından pullar yığıb, heç kəsə kömək etməyib, hamısını özü yeyib. Müavini Elnarə Həsənovada qara kassasıdır. Rayonu talan edib, görün torpağları hansı hala salıblar?
Kərəm Həsənov Malik Həsənov Rafiq Cəlilov gözləriniz doymur? Bəsdirin! Cəllabadlılardan nə istəyirsiz? Cənab Prezident Sizin iradənizlə 44 günə Qarabağ torpağları işğaldan azad olundu amma bu Cəlilabada təyin etdiyiniz məmurlar rayonu talan edir. Satmadığları yer qalmadı. Dəfələrlə sizə telegramlar vurub məktublar yazsamda ünvana çatmağa imkan vermirlər. Xahiş edirəm kömək edin. Deyə sonda vətəndaş bildirib.
Daha ətraflı aşağıdakı videoda:
Türkiyə beynəlxalq sistemin yenidən aktivləşdirilməsi, Birləşmiş Millətlər Təşkilatı (BMT) və Təhlükəsizlik Şurasının yenidən qurulması üçün məlumatlılığı artırmaq istəyir. SİA bu barədə Türkiyə saytlarına istinad edir.
Türkiyə Prezident Aparatı İctimaiyyətlə Əlaqələr Departamenti 12 ölkədə “BMT Təhlükəsizlik Şurasının islahatı: beynəlxalq nizamın yenidən qurulmasına yanaşma” mövzusunda panel silsiləsi təşkil edir.
Birincisi 2022-ci ilin aprel və iyun aylarında İtaliya və Argentinada olacaq tədbirin ikincisi avqustin 16-da Fransanın paytaxtı Parisdə, sonra 18-də Londonda (Böyük Britaniya), 22-də Osloda (Norveç), 24-də Stokholmda (İsveç) və 26-da Amsterdamda (Hollandiya) keçiriləcək.
Sonra Cənubi Afrika, Almaniya, Cənubi Koreya, Yaponiya, İspaniya və Rusiyada da belə panellər təşkil olunacaq. Sonuncu tədbir sentyabrda Amerika Birləşmiş Ştatlarının Nyu-York şəhərində keçiriləcək.
Bu tədbirlər zəncirini təşkil etməkdə Türkiyənin məqsədi yerli və xarici mütəxəssislərin iştirakı BMT islahatına dair siyasətini qlobal miqyasda beynəlxalq ictimaiyyətlə bir arada müzakirə etməkdir.
“Taliban” nümayəndə heyəti avqustun 15-də Kabilin ələ keçirilməsinin ildönümündə Moskva və Kazana səfər edəcək.
Bu barədə Rusiyanın Əfqanıstandakı səfiri Dmitri Jirnov bildirib.
Tərəflər yağ, buğda, un və günəbaxan yağının alınmasını müzakirə edəcəklər.
Qeyd edək ki, hazırda Rusiya Əfqanıstana mühərriklər üçün elektrik avadanlıqları, ağac və taxta məmulatları, un, mərci, maya, noxud və yağlar ixrac edir. Buna cavab olaraq ölkədən qurudulmuş üzüm və ərik, badam, pendir, çay və qəhvə, yerkökü, çuğundur, konsentratlar və nasoslar alır.
Mənbə: lenta.ru
ABŞ Rusiyanı terrorizmə sponsorluq edən ölkə kimi tanısa, Moskva Vaşinqtonla münasibətləri kəsəcək.
TEREF xəbər verir ki, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bildirib.
“Biz bu barədə danışdıq və təkcə şifahi deyil, həm də bu şərhləri yazılı şəkildə yerləşdirdik və hətta ingilis dilinə tərcümə etdik. Hər şey dəfələrlə bəyan edilib”, – Mariya Zaxarova “Rossiya-1”in efirində deyib.
Zaxarovanın sözlərinə görə, ABŞ Qərb ölkələrini Rusiyanı terrorizmin sponsoru kimi tanımağa məcbur edir.
Avqustun 11-də Latviya Seyminin deputatları Rusiyanı terrorun dövlət himayədarı elan ediblər. Bundan sonra latviyalı deputatlar Avropa İttifaqı ölkələrini ruslara vizaların verilməsini dərhal dayandırmağa çağırıblar.Sfera.az
Fransa prezidenti Emmanuel Makron Finlandiya və İsveçin NATO-ya daxil olması ilə bağlı protokolları imzalayıb.
Bakupost.az xəbər verir ki, bu barədə AFP Yelisey sarayına istinadən məlumat yayıb.
“Finlandiya və İsveçin bu suveren hüququ onların təhlükəsizliyini gücləndirəcək. İki tərəfdaş ölkənin imkanlarını nəzərə alaraq bu, Avropada təhlükəsizliyimizə əhəmiyyətli töhfə verəcək”, - deyə məlumatda bildirilib.
Görüşün noyabr ayında keçiriləcəyi gözlənilir
ABŞ Prezidenti Co Bayden noyabrda Çin Prezidenti Si Cinpinlə ilk təkbətək görüşünü keçirə bilər.
AYNA xəbər verir ki, bu barədə “The Wall Street Journal” yazıb.
Bildirilir ki, Si Cinpinin Cənub-Şərqi Asiyaya səfəri və noyabrda Baydenlə görüşü planlaşdırılır.
Qeyd olunur ki, bu, Çin rəhbərinin təxminən 3 ildə ABŞ-a ilk səfəri və Amerika prezidenti vəzifəyə başladıqdan sonra onun Baydenlə ilk görüşü ola bilər.
Qəzetin yazdığına görə, Si Cinpin 15-16 noyabrda Bali adasında keçiriləcək G20 sammitində iştirak edə, oradan isə APEC sammiti üçün Banqkoka gedə bilər.
Türkiyə və Ermənistan arasında ikitərəfli münasibətlərin normallaşdırılması üzrə danışıqların 5-ci raundu bu ilin sentyabrına planlaşdırılıb. Bu mərhələ iki ölkə arasında etimad mexanizminin yaradılması gətirib çıxara bilər.
Axar.az xəbər verir ki, bu sözləri rusiyal ekspert Stanislav Pritçin deyib.
O bildirib ki, regional sülh və sabitlik olması üçün Ankara və İrəvan arasında münasibətlərin normallaşması kontekstində Rusiya, Azərbaycan və Ermənistanın birgə bəyannaməsinə riayət olunması vacibdir:
“Türkiyə Azərbaycanın müttəfiqi kimi Ermənistan istiqamətində bütün səylərini mümkün qədər onunla əlaqələndirməyə çalışır. Bu, Ermənistana əlavə təzyiq vasitəsi kimi, o cümlədən Ermənistanı Azərbaycanla dialoq kontekstində daha münasib hala gətirmək üçün istifadə olunur. Ancaq bu, həmişə gözlənilən effekti vermir. Qarabağdakı son hadisələr də vəziyyətin bəzən əks istiqamətdə inkişaf edə biləcəyini göstərdi”.