Bu ilin yanvar-may ayları ərzində Azərbaycandan xarici ölkələrə 904 milyon kVt/saat elektrik enerjisi ixrac edilib.

Yeniavaz.com açıqlanan rəsmi məlumatlara istinadən bildirir ki, Azərbaycan elektrik enerjisini 4 ölkəyə – Türkiyə, Gürcüstan, İran və Rusiyaya satıb.

Bu ölkələrə satılan 1 kVt/saat elektrik enerjisinin orta gömrük dəyəri aşağıdakı kimi olub:

– Türkiyə – 10,8 qəpik (420 milyon kVT/saat)
– İran – 4,8 qəpik (14,2 milyon kVT/saat)
– Gürcüstan – 8,6 qəpik (425 milyon kVT/saat)
– Rusiya – 6 qəpik (44,9 milyon kVt/saat)

Məlumat üçün onu da bildirək ki, Azərbaycan qonşu ölkələrə elektrik enerjisi ixrac etdiyi kimi, həmin ölkələrdən elektrik enerjisi də idxal edib. Belə ki, bu ilin yanvar-may ayları ərzində Azərbaycan xarici ölkələrdən 73 milyon kVt/saat elektrik enerjisi idxal edib. Azərbaycan elektrik enerjisini 3 ölkədən – Gürcüstan, İran və Rusiyadan alıb.

Bu ölkələrdən alınan 1 kVt/saat elektrik enerjisinin orta gömrük dəyəri aşağıdakı kimi olub:

– İran – 4,8 qəpik (13,6 milyon kVT/saat)
– Gürcüstan – 11 qəpik (20,6 milyon kVT/saat)
– Rusiya – 4,8 qəpik (38,9 milyon kVt/saat)

DOST İş Mərkəzi fərdi sahibkar Səfərov Əşrəf Səxavət oğlu ilə satınalma müqaviləsi bağlayacaq.

Qaynarinfo xəbər verir ki, sahibkar Mərkəzin inzibati bina sahəsinin icarəsi ilə bağlı keçirdiyi tenderin qalibi seçilib.

Əşrəf Səfərova 2750 kv.metrlik ofisə görə 853 710 manat ödəniləcək. İcarə müqaviləsi 24 ay üçün nəzərdə tutulub. Bu halda aylıq icarə haqqı 35 571,25 manat edir.

Araşdırmalarımız zamanı məlum olub ki, Əşrəf Səfərov "Kia Motors AZ" MMC-nin faktiki rəhbəri Səxavət Səfərovun oğludur. MMC ilə bağlı reyestr məlumatlarında isə Əşrəf Səfərovun adı şirkətin qanuni təmsilçisi kimi qeyd edilib.

Mediada gedən məlumatlardan aydın olur ki, Əşrəf Səfərov vaxtilə "Parabank"ın Nəsimi filialına rəhbərlik edir. Onun və adının atası sözegdən bankla bağlı 40 milyonluq qeyri-leqal maliyyə əməliyyatında hallanıb.

Həmin vaxt yayılan məlumatlarda iddia olunur ki, "Kia Motors Az” MMC-nin dövlətdən gizlətdiyi 40 milyon manatı "Parabank”ın Nəsimi filialında qeyri-qanuni şəkildə saxlanması aşkar edildikdən sonra Vergilər Nazirliyi bankda yoxlamalara başlayıb.

Elə buna görə də "Parabank”ın rəhbərliyi ilə Səxavət Səfərovun dostluq münasibətləri düşmənçilik həddinə çatıb. Əşrəf Səfərov məhz həmin vaxt "Parabank”ın Nəsimi filialana rəhbərlik edib.

Bundan əvvəl isə "Kia Motors AZ”ın dövlətdən 40 milyona yaxın pul gizlətdiyi və pulları "Parabank”ın "Nəsimi” filialında qeyri-qanuni şəkildə saxladığı, həmçinin bununla bağlı bir çox cinayət hadisələrinin törədilməsi, eləcə də bir nəfərin müəmmalı şəkildə ölümü ilə bağlı məlumatlar yayılmışdı.

Bu ilin dövlət büdcəsində dövlət borcuna və öhdəliklərinə xidmətlə bağlı 1 milyard 972,6 milyon manat məbləğində xərclər nəzərdə tutulub.
Yeniavaz.com xəbər verir ki, bu barədə Maliyyə Nazirliyi məlumat yayıb.
Bildirilir ki, bu ilin yanvar-iyun aylarında dövlət büdcəsindən dövlət borcu üçün 1 milyard 270,3 milyon manatın ödənilməsi təmin edilib. Bu vəsaitin 1 milyard 100,2 milyon manatı (əsas borc üzrə 850 milyon manat, faiz borcu üzrə 250,2 milyon manat) xarici dövlət borcları üçün ödənilib.
Qeyd edək ki, 2024-cü il 1 iyul tarixinə xarici dövlət borcu 5 milyard 367,5 milyon dollar (9 milyard 125 milyon manat) olub. Daxili dövlət borcu isə 1 iyul tarixinə 16 milyard 571,9 milyon manat təşkil edib.
Rəqəmlərdən də göründüyü kimi, 1 iyul tarixinə Azərbaycan dövlətinin ümumi borcu 25 milyard 696,6 milyon manat olub. 1 iyul tarixində Azərbaycan əhalisinin 10 milyon 197,1 min nəfər olduğunu nəzərə alsaq, bu, hər bir Azərbaycan vətəndaşının 2 520 manat borcu var deməkdir.

Bu ilin yanvar-iyun aylarında Azərbaycanda ictimai iaşə dövriyyəsi 1 milyard 30 milyon manat olub.

Bu barədə Dövlət Statistika Komitəsindən bildirilib. Məlumata görə, bu, ötən ilin müvafiq dövrü ilə müqayisədə real ifadədə 7,8% çoxdur. Hesabat dövründə özəl sektorda ictimai iaşə dövriyyəsinin 51,1%-i hüquqi şəxslərin, 48,9%-i isə bu sahədə sahibkarlıq fəaliyyəti ilə məşğul olan fiziki şəxslərin payına düşür. Hüquqi şəxslər üzrə dövriyyə illik müqayisədə 8,8% artaraq 520,9 milyon manat olub.

Maraqlıdır, iaşə obyektlərinə təlabatın artmasına səbəb nədir? Əhalinin gəlirləri azalıbsa, iaşə obyeklərinə axın edən kimlərdir?

Məsələ ilə bağlı iqtisadçı-alim Vüqar Qocayev “Cebhe.info”-ya açıqlamasında deyib ki, iaşə obyektlərindən istifadə edənlərin yalnız az bir hissəsi adi şəxslərdir:

“Ölkəmizdə əhalinin böyük hissəsi adi, qalan az bir hissəsi vəzifəli şəxslərdir. O baxımdan hesablanma aparıldıqda görürük ki, əhalinin böyük hissəsi kafe və restoranlarlada çoxlu pul xərcləyir. Lakin reallıqda adi şəxslərin aylıq məvacibi ona ayda bir necə dəfə iaşə obyektlərindən istifadə etməyə imkan vermir”. O bildirib ki, iaşə obyektlərindən istifadə edən turistlərin sayında artım var: “Ölkəmizə yaxın bir neçə ildə turist axını artıb. Gələn turistlər də əsasən ticarət və iaşə obyektlərindən istifadə edir. Bu səbəbdən iaşə obyektlərində artım müşahidə olunur. Eyni zamanda, ölkəmizə gələn xaricilər, xüsusilə də ərəb turistlərə daha məsrəfli xidmətlər göstərilir. Bu səbəbdən restoranların gəlirlərində artım qeydə alınıb”.

Dünya Bankının Direktorlar Şurası oktyabrın sonunda Azərbaycanla 2025-2029-cu illər üçün nəzərdə tutulmuş yeni tərəfdaşlıq strategiyasını təsdiq etməyi planlaşdırır.

Bu barədə Axar.az-a Bankın Bakı ofisindən məlumat verilib.

“Bankın Cənubi Qafqaz üzrə direktoru Rolanda Praysın rəhbərlik etdiyi nümayəndə heyətinin Bakıya bugünkü səfəri çərçivəsində bu çərçivə sənədi ilə bağlı məsləhətləşmələr davam etdirilib”, - Bankdan bildirilib.

2015-ci ildə təsdiq edilmiş əvvəlki tərəfdaşlıq strategiyası Azərbaycanın qarşısında duran ciddi çağırışlar nəzərə alınmaqla hazırlanmışdı. O, yeni artım modelinə keçid zamanı dövlət maliyyə idarəçiliyi və iqtisadiyyatın şaxələndirilməsi sahəsində daha yaxşı göstəricilərə nail olmaq üçün ölkənin dəstəklənməsinə, eləcə də ölkənin xarici şoklara qarşı dayanıqlığının gücləndirilməsinə fokuslanmışdı.

Amma 2020-ci ildən etibarən dünya COVID-19 pandemiyasının yaratdığı yeni iqtisadi təlatümlə üzləşib. Karbohidrogenlərə qlobal tələbatın azalması neftin qiymətinin kəskin aşağı düşməsinə səbəb olub və bu, neft sektorundan ciddi şəkildə asılı olaraq qalan Azərbaycan iqtisadiyyatına mənfi təsir göstərib.

Bu çətinliklərə baxmayaraq, Azərbaycan dəyişikliklər etməyə əzmini nümayiş etdirir. Ölkə “yaşıl” iqtisadiyyata keçid və bərpa olunan enerji mənbələrinin inkişafı ilə bağlı qarşısına iddialı məqsədlər qoyur.

Bankın Azərbaycanla yeni tərəfdaşlıq strategiyası bu məqsədləri dəstəkləmək üçün hazırlanıb. Artıq iki əsas layihə müəyyənləşdirilib. Bunlardan birincisi Azərbaycanın məşğulluğa dəstək proqramının genişləndirilməsidir: Dünya Bankı iş yerlərinin yaradılmasını təşviq etmək və işçi qüvvəsinin bacarıqlarını artırmaq məqsədi daşıyan bu proqrama 150 milyon ABŞ dolları məbləğində əlavə maliyyə ayırmağı planlaşdırır. İkinci layihə isə bərpa olunan enerji mənbələrindən istifadənin genişləndirilməsini (AZURE) nəzərdə tutur. Bu layihə çərçivəsində Bank, ilkin hesablamalara görə, külək və günəş enerjisinin inkişafı vasitəsilə “yaşıl” iqtisadiyyata keçidə can atan Azərbaycana dəstək olmaq üçün 250 milyon ABŞ dolları ayırmağı planlaşdırır.

Yeni strategiyanın əhatə edəcəyi digər perspektivli əməkdaşlıq sahələrinin müzakirələri hələ də davam edir.

Qeyd edək ki, Azərbaycan 1992-ci ildən Dünya Bankının üzvüdür. Bu günə kimi Azərbaycanda Bankın kredit vəsaitləri hesabına ümumi məbləği 4,4 milyard ABŞ dolları olan 54 layihə həyata keçirilib.

“Pandemiyanın” müəllifləri Trampı 2020-də prezident seçilməyə imkan vermədilər – o zaman bu prosesi qlobal olaraq cinayətkarcasına idarə edənlərin səhvlərini deyənləri “sol-liboş-yarı-kommunist” tayfa dünya üzrə linç edirdi. (şəxsən mən bu haqda 2020-ci illərdə dəfələrlə yazdım - bir qrup daim təhqirlə cavab verdi).
Sonra “pandemiya” cinayətləri yavaş-yavaş üzə çıxmağa başladı, 2022-də qlobal dalğa yaranmalı idi, bu məsələdə əli olanlar təşvişə düşdülər. Elmi araşdırmalar, bəzi ciddi siyasətçilərin bəyanatları oldu – deməli dünyada gündəmi dəyişmək, bütün diqqəti cəlb etmək üçün böyük fəlakətə ehtiyac yarandı. “Qlobalistlərin” adamı olan Putin Ukraynaya qarşı təcavüzə, müharibəyə başladı, dünyanın başını qatdılar, dünyanın başını yalançı, mənasız mövzularla qatan “qlobalistlər” arzularına çatmaq üçün xaos, ölüm səpməyə başladılar. Silah tacirləri, yalançı gündən müəllifləri önə çıxdı, “pandemiya” zamanı insanlıq əlehinə olan davranışlar unuduldu.
Bu qlobal “mafiyaya” qarşı olan Respublikaçılar partiyasının böyük bir hissəsi və onların sözcüsü Tramp önə çıxdı. Avropada milli qüvvələr, sağ-mərkəzçi siyasi cərəyanlar ciddi nüfuz və səs qazanmağa başladılar. Bu zaman dünyada fikir yönləndirməklə məşğul olan “mainstream” media (CNN, BBC, Euronews və s.) qorxu toxumu səpməyə, sağ-mərkəzi, onların təmsilçilərini, Trampı “düşmən”, “təhlükə” kimi təqdim etməyə başladılar. Çünki, doğrudan da, 40-50 ilik “psevdo-liberal-yarı-kommunist” ideya yayanlara onlar təhlükə yaratmış oldular.
Bir neçə ay öncə Robert Fitsoya qarşı, bu gecə Trampa qarşı sui-qəsd cəhdi həm də o “mainstream” medianın isterikasının, beyinləri yumaq cəhdinin nəticəsidir.
Dünya “sağ”lamlaşmalıdır, başqa yol yoxdur, bu qədər xaos, ölüm-itim, müharibə, qan-qada bəsdir, yetər artıq, ABŞ-da Respublikaçılar, o cümlədən Tramp bu yöndə nəsə edə bilər, bunu “qlobalistlər” bilir və həzm edə bilmirlər.
Əgər noyabra qədər Trampı qoruya bilsələr, o artıq prezidentdir, indidən təbrik etmək olar – bundan sonra dünyanın gündəmi də dəyişəcək, yalançı problemlər, “iqlim dəyişikliyi” adlı miflər tarixə qovuşacaq. Dünyanın ciddi ekoloji problemləri var, onlar həll edilməli, insan təbiəti qorumalı, su hövzələri mühafizə edilməlidir, amma bunun “iqlim dəyişikliyi” ilə əlaqəsi yoxdur. Dünyada yüzlərlə dəfə iqlim dəyişib, bu insan faktoruna bağlı deyil, ola da bilməz – onlarla dəfə qlobal “buz dövrü”, onlarla dəfə “qlobal istiləşmə” olub ki, o zaman dünyada insan övladı yaşamırdı. Məsələn, Saxara səhrasının yerində yüzmimlərlə il öncə tropik meşələr, çaylar, göllər olub, sonra səhraya çevrilib, bunu da insan övladımı edib?!
Düşünürəm və ümid edirəm ki, insanlıq əsl problemlərə köklənərək onların həlli üçün çalışacaq, dünya “sağ”alacaq, bunun bizim ölkəmizə də təsirləri olacaq, indidən çox aşağı neft qiymətlərinə hazırlaşmalıyıq, bizim ölkəmizə də “sırıdıqları” öhdəlik və gündəmdən canımızı qurtarıb məmləkətin ciddi iqtisadi, sosial problemləri ilə məşğul olmalıyıq, iqtisadi böhranın qapımızı döydüyünü anlamalı, önləmlər almalıyıq, zaman çox azdır...
Natig Jafarli
TEREF

“Bank Avrasiya” ASC 2024-cü ilin ilk 6 ayını (yanvar-iyun) 1 milyon 54 min manat xalis mənfəət ilə başa vurub. Bank 2023-cü ilin eyni dövrünü 2 milyon 273 min manat xalis mənfəət ilə bağlamışdı, Bu da o deməkdir ki, “Bank Avrasiya”nın xalis mənfəəti 2024-cü ilin ilk 6 ayında, ötən ilin eyni dövrü ilə müqayisədə 1 milyon 218 min manat və ya 2,1 dəfə azalıb.
Bu mövzuda marja.az araşdırıb ki, 2024-cü ilin ilk 6 ayı ərzində “Bank Avrasiya”nın cəmi əməliyyat gəlirləri (faiz və qeyri-faiz gəlirləri) 699 min manat və ya 7,6% azalaraq 8 milyon 449 min manat, cəmi əməliyyat xərcləri (faiz və qeyri-faiz xərcləri) 23 min manat azalaraq 5 milyon 348 min manat təşkil edib. Gəlirlər xərclərdən daha çox azaldığı üçün Bankın əməliyyat mənfəəti 676 min manat düşərək 3 milyon 102 min manata geriləyib (2023-cü ilin ilk 6 ayında 3 milyon 778 min manat).
Həmçinin, ilk 6 ayda Bank əməliyyat mənfəətindən 2 milyon 72 min manat mümkün zərərlər üçün yaradılan məqsədli ehtiyata ayırıb. 2023-cü ilin eyni dövründə “Bank Avrasiya” əməliyyat mənfəətindən 1 milyon 505 min manat ehtiyata ayırmışdı.
Qeyd edək ki, bankın Müşahidə Şurasının sədri Fuad Aslanovdur. İdarə Heyətinin sədri isə Rüfət Kərimovdur.
Mətbuatda dərc edilən məlumatlara görə, “Bank Avrasiya” ləğv edilmiş Maliyyə Bazarlarına Nəzarət Palatasının sabiq sədri Rüfət Aslanlıya məxsusdur.

Avro-5 keyfiyyət göstəricilərinə uyğun daxili istehsal olan Aİ-95 markalı benzininin 1 litrinin qiyməti 40 qəpik ucuzlaşır. Başqa sözlə, sabahdan artıq sürücülər Aİ-95 yanacağını 2 manata deyil, 1.60 qəpiyə alacaqlar. Bununla da 2014-cü ildən hazırkı vaxtadək ölkədaxili tələbatı beynəlxalq qiymətlərlə idxal hesabına təmin olunan Aİ-95 markalı avtomobil benzini daxili istehsal hesabına təmin ediləcək.

Bu barədə SOCAR-dan bildirilib.

Avtomobil ustası Sahil Ağabəyli deyir ki, xüsusilə istehsal ili 10 ildən aşağı olan avtomobillərin əksəri premium yanacaq tələb edir. Ancaq sırf qiymətlər baha olduğundan sürücülərin bəziləri bu tələbi yerinə yetirmirdilər. Yəni avtomobili Aİ-95 oktanlı benzinlə deyil, Aİ-92 benzinlə sürürdülər. İndi usta tövsiyə edir ki, qiymətlərin ucuzlaşması fonunda avtomobillərə zavod tələbinə uyğun benzin tökülsün.

Sahil Ağabəylinin sözlərinə görə, sırf aşağı oktanlı benzin töküldüyü üçün zavod tələbi premium yanacaq olan avtomobillərdə ciddi fəsadlar müşahidə edilirdi. Bu da bəzən sürücüləri küllü-miqdarda maddi zərərlə üz-üzə qoyurdu.

Xatırladaq ki, SOCAR-ın bir neçə gün əvvəl yaydığı məlumatda qeyd edilirdi ki, emal kompleksində istehsal olunan məhsulları Avro-5 standartlarına çatdırmaq məqsədilə Heydər Əliyev adına Neft Emalı Zavodunda aparılan yenidənqurma və modernizasiya işlərinin ilkin mərhələsi üzrə işlər tamamlanmaq üzrədir. Görülmüş işlər nəticəsində NEZ-də istehsal olunan Aİ-92 və Aİ-95 markalı avtomobil benzinləri artıq Avro-5 standartlarına çatdırılıb.

Ətraflı videomaterialda:

Eldəniz Cəfərov bildirib ki, artıq elektromobil avtomobillərin satışı ənənəvi avtomobillərin satış bazarına öz təsirini göstərməyə başlayıb.
Yanacağın qiymətinin artmasından sonra elektromobil avtomobillərin cəlbediciliyi daha da artıb. Bunu Sputnik Azərbaycan Multimedia Mərkəzində elektromobil avtomobillərin stimullaşdırılması ilə bağlı tədbirdə nəqliyyat məsələləri üzrə ekspert Eldəniz Cəfərov bildirib.
Ekspert deyib ki, son vaxtlar elektromobil avtomobillərə və hidbid avtomobillərinə maraq artıb. Yanacağın qiymətinin 10-20 qəpik bahalaşması əhalinin maddi vəziyyətinə təsir göstərdiyindən, onlar iqtisadi cəhətdən qənaətcil avtomobillərə üstünlük verməyə başlayırlar. Çünki, yanacağın qiymətinin artması daimi avtomobil sürən insanların iqtisadi vəziyyətinə təsir etməyə başlayıb.
Yanacaq bahalaşandan elektromobillərə maraq artıb
"Əvvəllər alternativ avtomobillər olmadığından insanlar yanacağın qiyməti bahalaşsa da, ənənəvi avtomobilləri sürməyə davam edirdilər. Hazırda elektromobillərin olması onlara seçim etməyə imkan verir. İnsanlar qənaətcil olsun deyə, elektromobil və hibrid avtomobil almağa başlayıblar. Bu tendensiya günü-gündən sürətlənir. Belə davam edərsə, elektromobillər bazarda hökmran mövqe tutaraq ənənəvi avtomobilləri üstələyəcək. Artıq elektromobillərin satışı ənənəvi avtomobillərin satış bazarına öz təsirini göstərməyə başlayıb"- Cəfərov söyləyib.
Enerjidoldurma məntəqələrinin azlığı problem yaradır
Həmsöhbətimiz deyir ki, elektromobil avtomobillərin alışının stimullaşdırılması üçün infrastrukturun qurulmasının sürətləndirilməsi şərtdir. Elektromobillərə maraq artsa da, bu avtomobillər üçün enerjidoldurma məntəqələrinin sayının azlığı insanları onları almaqdan çəkindirir:
"İki il bundan əvvələdək ölkədə elektromobillər üçün enerjidoldurma məntəqələrinin sayı 40-dan çox deyildi. Bunların da əksəriyyəti özəl idi. Amma dövlət qurumlarının verdiyi məlumata görə, artıq "Azərişıq"ın təşkil etdiyi enerjidoldurma məntəqələrinin sayı 100-ü keçib. Onların böyük əksəriyyəti Bakı və Abşerondadır. Bölgələrdə isə ancaq iri şəhərlərdə enerjidoldurma məntəqələri fəaliyyət göstərir. Amma bu, 10 milyonluq əhali üçün çox az rəqəmdir. Yenə də Bakıdan rayona insanlar elektromobillə gedə bilməyəcəklər. Bu, həm də enerjidoldurma məntəqələrində uzun növbələrin yaranmasına səbəb olacaq".
Sahibkarlar da bu sahəyə yatırım etmir
Ekspert deyir ki, mütləq şəkildə bu sahəyə biznes maraqları yaranmalıdır: Çünki, enerjidoldurma məntələri üçün cihazlar rüsumlardan azad edilib. Amma bununla belə biznes qurumları elə də maraq göstərmir. Çox güman ki, enerjinin dövlətdən alınıb vətəndaşa satılmasında problemlər var. Bununla bağlı qanunvericilikdə güzəştlər nəzərdə tutulmalı, konkret tariflər müəyyən edilməlidir. Yanacaqdoldurma məntəqələrində məcburi şəkildə enerjidoldurma məntəqələrinin quraşdırılması tələbi qoyulmalıdır.
Servislər Çindən nizamsız gətirilən avtomobilləri qəbul etmir
O, vurğulayıb ki, elektromobil avtomobillər üçün servislərin olmaması da problemdir. Hazırda ölkəmizdə elektromobillər üçün olan servislər Çindən nizamsız gətirilən, Amerika və digər bazarlar üçün istehsal olunan, Avropa bazarı üçün nəzərdə tutulmayan elektromobillərin təmirini öz üzərinə götürmür. Halbuki artıq ölkəyə idxal olunan elektromobillər üçün dövlət standartı müəyyən edilib:
"Gömrükdə həmin avtomobillərin standarta uyğun olub-olmadığı müəyyən ediləcək. Bu da o deməkdir ki, gələn ildən ölkəmizə nizamsız qaydada, Avropa bazarı üçün olmayan avtomobillər idxal oluna bilməyəcək".
Avtomobil bazarında qiymətlər arta bilərmi?
Ekspert avtomobil bazarında qiymət dəyişikliyi ilə bağlı da proqnoz verib. Bildirib ki, taksi avtomobilləri ilə bağlı il və rəng tələbinin qoyulması avtomobil bazarında ağ və qırmızı rəngli, eləcə də istehsal ili 8-15 ildən çox olmayan avtomobillərin qiymətini bahalaşdırıb. Son günlər yayılan manatın ucuzlaşacağı ilə bağlı xəbərlər də avtomobil bazarı üçün yaxşı heç nə vəd etmir:
"Əgər manat ucuzlaşarsa, avtomobil bazarı tamamilə çökəcək. Çünki, son devalvasiya avtomobil parkının köhnəlməsinə səbəb oldu. Dollar bahalaşandan sonra yeni avtomobillərin qiyməti iki dəfə bahalaşdı. 19 min manata olan avtomobillər 34 min manata qalxdı. Nəticədə insanlar ikinci əl, köhnə avtomobillərin idxalına üstünlük verdi. Bunun nəticəsidir ki, ölkəmizdə avtomobil parkı köhnə avtomobillərlə dolmağa başladı".
Cəfərovun sözlərinə görə, indi köhnə avtomobillərin ölkəmizdən çıxarılması ciddi problemdir:
"Devalvasiyadan sonra insanlar xaricdən ikinci əl, istismar müddəti başa çatmış avtomobilləri alıb ölkəmizə gətirməyə başladılar. İndi isə bu, bizim özümüzə problem yaradıb. Bizim o avtomobilləri ölkədən necə çıxaracağımızla bağlı suallar yaranıb. Çünki, utilizasiya da məcburi xarakter daşımır".
Məlumat üçün bildirək ki, ötən il Azərbaycana 125 milyon 268 min ABŞ dolları dəyərində 3 102 ədəd yalnız elektrik mühərriki ilə hərəkətə gətirilən nəqliyyat vasitələri idxal edilib. Bu da 2022-ci illə müqayisədə müvafiq olaraq 7,1 dəfə və 6,4 dəfə, 2021-ci illə müqayisədə isə 36,2 dəfə və 19,4 dəfə çoxdur.
Zülfiyyə Quliyeva

"Azərsun Holdinq” MMC (Azersun Holdinq) 2023-cü il üzrə maliyyə hesabatını açıqlayıb.

Holdinq ötən ili 58,3 milyon manat xalis mənfəət əldə edib və bu da 2022-ci ilə nisbətən 3,8 dəfə çoxdur.

Holdinqin gəlirləri 2022-ci ilə nisbətən 0,7% və ya 14,5 milyon manat azalaraq 2023-cü ildə 1,81 mlrd. manat təşkil edib. 2022-ci ildə gəlirlər 1,825 mlrd. manata bərabər olub. Satışın maya dəyəri isə 1,35 mlrd. manat olub.

Satış maya dəyəri çıxıldıqdan sonra "Azərsun”un məcmu mənfəəti 463,2 milyon manat təşkil edib ki, bu da 2022-ci ilə nisbətən 1,89 milyon manat azdır.

MMC-nin mənfəət vergisindən əvvəlki mənfəəti isə 2022-ci ilə nisbətən 2 dəfə artaraq 86,9 milyon manata yüksəlib.

Xalis mənfəəti kifayət qədər yüksək olsa da ötən holdinq kiçilib. Belə ki, "Azərsun”un cəmi aktivləri 1 mlrd. 163,4 milyon manatdan 1 mlrd. 71,6 milyon manata enib. Başqa sözlə, holdinqin aktivləri ötən il 91,8 milyon manat azalıb.

MMC-nin cəmi öhdəlikləri 746,6 milyon manatdan 433,8 milyon manata enib, cəmi kapitalı isə 416,7 milyon manatdan 637,7 milyon manata yüksəlib.

Qlobal.az