 |
|
|
Almaniyada keçirilən futbol üzrə Avropa çempionatının C qrupunda daha bir oyun baş tutub.
Oxu.Az xəbər verir ki, turnirin favoritlərindən hesab edilən İngiltərə I turda Serbiya seçməsi ilə üz-üzə gəlib.
Qarşılaşma britaniyalıların qələbəsi ilə bitib - 1:0. Yeganə qolu 13-cü dəqiqədə Cud Bellinqem vurub.
C qrupunun digər görüşündə Danimarka Sloveniya ilə bərabərə qalib - 1:1.
Qeyd edək ki, AVRO-2024 iyulun 14-də başa çatacaq.
Niderlandlı qapıçı Bart Verbrüggen Avropa çempionatının 60 illik rekordunu yeniləyib.
Qeyd olunub ki, bununla Verbrüggen 1964-cü ildən bəri çempionatda komandaya başlayan ən gənc qapıçı oldu. O, Niderland-Polşa matçı zamanı 21 yaş 303 günündə bu şansı qazanıb.
Verbrüggen tarixin üçüncü ən gənc qapıçısı oldu. Turnirin tarixində ən gənc qolkiperi ispaniyalı Xose Anhel İribardır. O, AVRO-64-də 21 yaş 108 günündə meydana çıxıb. Qeyd edək ki, Bart Niderland yığmasında 2023-cü ildə debüt edib.
Bu gün futbol üzrə Avropa çempionatının qrup mərhələsinin I turu çərçivəsində daha üç görüş keçiriləcək.
Üçüncü oyun günündə D və C qrupunda oyunlar reallaşacaq.
Günün ilk matçı D qrupunda gerçəkləşəcək. Hamburq şəhərində Polşa və Niderland milliləri münasibətlərinə aydınlıq gətirəcəklər. Qarşılaşmanın start fiti saat 17:00-da səslənəcək.
C qrupunun ilk görüşü isə Ştutqartda baş tutacaq. Saat 20:00-da başlayacaq oyunda Sloveniya yığması Danimarkanı sınağa çəkəcək.
Günün son qarşılaşması da eyni qrupda oynanılacaq. Helzenkirhen şəhərində, saat 23:00-da start götürəcək matçda Serbiya və İngiltərə seçmələri güclünü ayırd etməyə çalışacaq.
AVRO-2024
D qrupu, I tur
16 iyun
17:00. Polşa - Niderland
Baş hakim: Artur Diaş (Portuqaliya).
Hamburq, “Folksparkştadion” stadionu.
C qrupu, I tur
20:00. Sloveniya - Danimarka
Baş hakim: Sandro Şerer (İsveçrə).
Ştutqart, "MHP Arena" stadionu.
23:00. Serbiya - İngiltərə
Baş hakim: Daniele Orsato (İtaliya).
Helzenkirhen, "Feltins Arena" stadionu.
(Report)
Argentina millisinin Amerika kuboku üçün heyəti açıqlanıb.
Musavat.com İdman.biz-ə istinadən xəbər verir ki, baş məşqçi Lionel Skaloni yarışda güvənəcəyi 24 futbolçunu müəyyənləşdirib.
Lionel Messi və Anxel Di Maria da “albiselesta”nın heyətində yer alıblar.
Qapıçılar: Franko Armani (“River Pleyt”), Valter Benitez (PSV, Niderland), Emilyano Martinez (“Aston Villa”, İngiltərə);
Müdafiəçilər: Nehuen Perez (“Udineze”, İtaliya), Nikolas Taqliafiko (“Lion”, Fransa), Nauel Molina (“Atletiko”, İspaniya), German Pezelya (“Betis”, İspaniya), Kristian Romero (“Tottenhem”, İngiltərə), Nikolas Otamendi (“Benfika”, Portuqaliya), Nikolas Valentini (“Boka Xunyors”), Valentin Barko (“Brayton”, İngiltərə);
Yarımmüdafiəçilər: Leandro Paredes (“Roma”, İtaliya), Rodriqo De Paul (“Atletiko”, İspaniya), Enzo Fernandez (“Çelsi”, İngiltərə), Fakundo Buonanotte (“Brayton”, İngiltərə), Covani Lo Selso (“Tottenhem”, İngiltərə), Quido Rodriges (“Betis”, İspaniya), Aleks Mak Alister (“Liverpul”, İngiltərə), Valentin Karboni (“Monza”, İtaliya)
Hücumçular: Xulian Alvarez (“Mançester Siti”, İngiltərə), Anxel Di Mariya (“Benfika”, Portuqaliya), Nikolas Qonzales (“Fiorentina”, İtaliya), Alexandro Qarnaço (“Mançester Yunayted”, İngiltərə), Lautaro Martinez (“İnter”, İtaliya).
Qeyd edək ki, Amerika kuboku iyunun 20-dən iyulun 14-ə kimi ABŞ-da keçiriləcək.
Futbol üzrə Avropa çempionatının açılış matçı başa çatıb.
Oxu.Az xəbər verir ki, A qrupu çərçivəsində ev sahibi Almaniya ilə Şotlandiya qarşılaşıb.
Münhendəki Allianz Arenada keçirilən ilk matçda almanlar rəqiblərini darmadağın edərək, indiyədək Avropa çempionatları tarixində özlərinin ən böyükhesablı qələbələrini qazanıblar - 5:1.
Virtz (10), Musiala (19), Haverts (pen.45+1), Füllkruq (68), Emre Can (90+3) və Rudiger (avtoqol 87) fərqləniblər.
Qeyd edək ki, 45-ci dəqiqədə Şotlandiyanın müdafiəçisi Rayan Porteus yarımmüdafiəçi İlkay Gündoğana qarşı kobud oyuna görə birbaşa qırmızı vərəqə alıb.
Qrupun digər matçı Macarıstan və İsveçrə arasında oynanılacaq.
Braziliya millisinin “Əl-Hilal” hücumçusu Neymar ölkəsinin “Flamenqo” klubunda oynamaq arzusundadır.
Qol.az “RMC Sport”a istinadən xəbər verir ki, bu barədə 32 yaşlı hücumçu özü danışıb. O deyib:
“Mən həmişə deyirdim ki, “Flamenqo”da oynamaq istəyirəm. Təbii ki, bu mənim “Santos”dan sonra ikinci sevimli komandamdır. “Flamenqo”nu həqiqətən sevirəm.
Bir gün burada oynaya bilsəm, əlbəttə ki, çox məmnun olaram. Bunun nə vaxtsa olub-olmayacağını bilmirəm, ancaq Tanrı bilir. Hələ də “Əl-Hilal”la müqaviləm var, amma heç kim bizi gələcəkdə nəyin gözlədiyini bilmir”.
Braziliyalı futbolçu “Santos” akademiyasının yetirməsidir. O, bu komandada 183 oyun keçirib, 107 qol vurub və 51 qolun ötürməsini verib. Hücumçu 2023-cü ilin yayında PSJ-dən “Əl-Hilal”a keçib.
Bu gün AFFA-da Apellyasiya Arbitraj Tribunalının iclası keçirilib.
Tribunainfo.az xəbər verir ki, I Liqada “İrəvan” klubunda çıxış edən Fəhmin Muradbəylinin danışılmış oyunlarda iştirakına görə ömürlük müddətdə futbol ilə əlaqədar hər hansı fəaliyyətlə məşğul olmaq hüququndan məhrum edilməsi barədə AFFA-nın İntizam Komitəsinin 18 mart 2024-cü il tarixli qərarı dəyişdirilmədən qüvvədə saxlanılıb.
Bundan əlavə, “Azərbaycan Qartalları” uşaq futbol klubunda məşqçi işləyən Rüfət Həsənova da eyni cəza verilərək ömürlük futboldan uzaqlaşdırılıb.
Argentinalı hücumçu Lionel Messi Fransanın PSJ klubunda çıxış etdiyi zaman qonşuları ilə problemlərlə üzləşdiyini deyib.
Gununsesi.info xəbər verir ki, o bu haqda ESPN-ə danışıb.
“Parisdə qonşular axşam saat doqquz-onda qapını döyürdülər. Deyirdilər ki, mənim uşaqlarım futbol oynamasın. Qonşular bizi narahat edirdi. Bu, meydandakı çıxışlara təsir etdi”, – deyə Messi bildirib.
Qeyd edək ki, Messi 2021-2023-cü illərdə PSJ-də çıxış edib. O, ikiqat Fransa çempionu olub. Futbolçu karyerasını ABŞ-nin “İnter Mayami” klubunda davam etdirir.
Səudiyyə Ərəbistanı “Əl-Nəsr”inin və Portuqaliya yığmasının hücumçusu Kriştianu Ronaldu dünya rekordu qırıb.
Fanat.az xəbər verir ki, bu barədə Beynəlxalq Futbol Tarixi və Statistikaları Federasiyasının (IFFHS) saytında məlumat paylaşılıb.
Xəbərə görə, ötən gün İrlandiya millisi ilə baş tutan qarşılaşma portuqaliyalı ulduzun 1226-cı oyunu olub. Forvard bu göstəriciyə görə Braziliya millisinin sabiq qapıçısı Rojerio Senini üstələyib.
Ronaldu Portuqaliya, İngiltərə, İspaniya, İtaliya və Səudiyyə Ərəbistanı çempionatlarında 698, bu ölkələrin kubok turnirlərində və Superkubok uğrunda matçlarında daha 101 oyun keçirib. Kriştianu həmçinin beynəlxalq klub turnirlərində 220 oyun keçirib. O, milli komandada 207 oyuna çıxıb.
Türkiyə millisinin aparıcı üzvü İrfan Can Kahveci AVRO-2024-dən kənarda qala bilər.
"Report" "Sport Digitale'yə istinadən xəbər verir ki, 28 yaşlı futbolçu zədələnib və heyətdən çıxarılma ehtimalı var.
Bundan başqa, "Fənərbağça"nın yarımmüdafiəçisi riskə atılmamaq üçün komandanın son məşqində iştirak etməyib.
Qeyd edək ki, Türkiyə Futbol Federasiyası İrfan Can Kahvecinin son durumu ilə bağlı yaxın müddətdə məlumat verəcək.