Ölkəmizi Avropa Liqasının qrup mərhələsində təmsil edəcək “Qarabağ”ın rəqibləri müəyyənləşib. H qrupunda yer alan Ağdam təmsilçisi Almaniya “Bayer”i, İsveç “Hakken”i və Norveç “Molde”si ilə münasibətlərə aydınlıq gətirəcək.

“Qafqazinfo” bu məqamda Qurban Qurbanovun komandasının rəqibləri haqqında maraqlı məlumatları təqdim edib.

Sözsüz ki, “Qarabağ”ın qrupunda yer alan ən adlı-sanlı klub Leverkuzen “Bayer”idir. Komanda 1904-cü ildə yaradılıb.

Almaniya təmsilçisi ev oyunlarını 30200 azarkeş tutumuna malik “Bay-Arena”da keçirir. Komandanın baş məşqçisi İspaniya millisinin sabiq ulduz futbolçusu Xabi Alonsodur. Leverkuzen təmsilçisi ötən mövsümü 50 xalla 6-cı pillədə başa vurub.

Klubun dəyəri 446 milyon avro dəyərləndirilir. “Bayer”in heyətində 15 milli komanda üzvü var. Almaniya təmsilçisi bir transfer üçün 10-12 milyon avro xərcləyə bilir ki, bu da “Qarabağ”ın illik büdcəsinə bərabərdir.

“Qarabağ”ın qrupunda yer alan “Hakken” isə 1940-cı ildə yaradılıb. Höteborq şəhərini təmsil edən komanda ilk ölkə çempionluğuna ötən il nail olub.

İsveç təmsilçisi Çempionlar Liqasının təsnifat mərhələsində Farer adalarının “Klaksvik” klubuna məğlub olduğu üçün mübarizəni Avropa Liqasında davam etdirib. “Hakken” qruplara qatılmaq üçün Litvanın “Zalqris”, Şotlandiyanın “Aberdin” klublarını mübarizədən kənarlaşdırıb.

Komanda ev oyunlarını “Rambergsvallen” stadionunda keçirir. Klubun baş məşqçisi Lennart Karlssondur.

Norveç “Molde”si isə Çempionlar Liqasının pley-off mərhələsində Türkiyənin “Qalatasaray” klubuna uduzduğu üçün mübarizəni Avroliqada davam etdirir.

Klub 1911-ci ildə yaradılıb. Komanda ev oyunlarını 11 249 azarkeş tutumuna malik, süni örtüklü “Aker Stadion”da keçirir. “Molde” tarixində 5 dəfə ölkə çempionu olub. Komandanın baş məşqçisi Erlinq Moeidir.

“Molde”nin ən böyük uğurları Ole Qunnar Sulşerin adı ilə bağlıdır. Onun başçılığı ilə komanda 2011-ci ildə ilk çempionluğuna sahib çıxıb. 2018-ci ildə Sulşerin “Mançester Yunayted”ə gedişindən sonra kluba Erlinq Moe gətirilib.

"Futbolçuları və azarkeşləri təbrik edirəm. Bu gün gərgin oyun alınsa da, nəticə bizi qane etdi".

Bunu "Qarabağ"ın baş məşqçisi Qurban Qurbanov Bakıda Sloveniyanın "Olimpiya" klubu ilə 1:1 hesablı heç-heçə etdikləri UEFA Avropa Liqasının pley-off mərhələsinin cavab oyunundan sonra mətbuat konfransında deyib.

51 yaşlı mütəxəssis oyunçuların çox əziyyət çəkdiyini bildirib: "Qrupda iştirak etmək bizim üçün çox vacib idi. Hansısa səviyyəyə çatmaq asandır, amma orada qalmaq çətindir. Ən azından ilin sonunadək avrokuboklarda davam edəcəyik".

Ruslan Tağıyev Özbəkistanın məşhur idmançısını məğlub edərək çempion oldu - FOTOLAR
Budo döyüş növləri üzrə dünya və Asiya çempionu Ruslan Tağıyev Qırğızıstanın paytaxtı Bişkekdə keçirilən EFC 35 -də rəqibi üzərində parlaq qələbə qazanıb.

Hurriyyet.az xatırladır ki, bu, Ruslan Tağıyevin peşəkar döyüşdə 5-ci qələbəsidir. Ruslan Tağıyevin rəqibi Özbəkistan Respublikasının tanınmış, məğlubedilməz idmançısı titulunu qazanan Baktierjon Kosimkhodjaevdir. O, 4 peşəkar döyüşdə məğlub olmayan idmançıdır.
Ruslan Tağiyev həmçinin budodan Azərbaycan çempionudur. Hal-hazırda SOCAR “Azəriqaz” İstehsalat Birliyində mühəndiz vəzifəsində çalışır.

İspaniya La Liqasında 3-cü tura yekun vurulub.

Oxu.Az xəbər verir ki, “Atletiko” səfərdə “Rayo Valyekano”nun qonağı olub.

Görüş Madrid klubunun 7:0 hesablı qələbəsi ilə başa çatıb.

Azərbaycan millisinin hücumçusu Musa Qurbanlı İsveçdə növbəti qollarını vurub. Oxu.Az xəbər verir ki, “Yurqorden”in hücumçusu ölkə çempionatının 21-ci turunda “Degefors”la matçda dubl edib.

Gənc forvard 23 və 34-cü dəqiqələrdə fərqlənib. O, iki ikinci dəqiqədə komandasının ilk qolunda da assistlə yadda qalıb.

Xatırladaq ki, M.Qurbanlı daha əvvəl “Yurqorden”in ölkə kubokunda “Sandviken”lə matçında fərqlənmişdi.

Qeyd edək ki, “Degefors”la matçın ilk hissəsini "Yurqorden" 3:1 öndə başa vurub.

ABŞ-ın “İnter Mayami” klubunun kapitanı Lionel Messinin MLS-də debüt edib.

Publika.az xəbər verir ki, futbolçu oyunun 60-cı dəqiqəsində meydana çıxıb.

"İnter Mayami"də səkkiz oyunda Messi on qol vurub və üç məhsuldar ötürmə edib. Avqustun 20-də argentinalı ilk Amerika kubokunu qazanıb. “İnter Mayami” turnirin həlledici oyununda “Neşvill”i penaltilər seriyasında məğlub edərək (10:9) Liqa Kubokunun sahibi olub.

“İnter Mayami” ABŞ Açıq Kubokunun finalında “Hyuston”la da oynayacaq.

Messi 7 qat "Qızıl top"un qalibi, Argentina millisinin heyətində dünya çempionu, 10 qat İspaniya çempionu, 2 qat Fransa çempionu, 4 dəfə Çempionlar Liqasının qalibidir.

İngiltərə Premyer Liqasının III turunda “Bornmut”un qonağı olan “Tottenhem” iki qolla qalib gəlib (2:1).

London təmsilçisinin qollarını 17-ci dəqiqədə Ceyms Meddison, 63-cü dəqiqədə Deyan Kuluşevski vurublar.

Qələbə “Tottenhem”i zirvəyə yüksəldib.

Lakin yeddi xalı olan komanda altı xala malik “Brayton”, “Arsenal” və “Mançester Siti”dən bir oyun artıq keçirib.

Səudiyyə Ərəbistanı Pro Liqasının 3-cü həftəsində "Əl-Nassr" klubu "Əl-Fateh"lə qarşılaşıb.

APA əbər verir ki, oyunda Kriştiano Ronaldo het-trikə imza atıb.

Qarşılaşma 5:0 hesabı ilə "Əl-Nassr"in qələbəsi ilə başa çatıb.

Bununla da komanda liqada ilk qələbəsini qazanıb.

Əl-Nassrın qələbə qollarını Sadio Mane 27 və 81, Kriştiano Ronaldo isə 38, 55 və 90+6 vurub.

Manenin ilk qolunda ötürməni də Ronaldo edib.

Bu nəticə ilə “Əl Nassr” 3 xalla 12-ci, “Əl-Fateh” isə 4 xalla 9-cu pillədə qərarlaşıb.

Bu komandalar arasında cavab oyunu avqustun 31-də Tofiq Bəhramov adına Respublika stadionunda keçiriləcək.
Bu gün Ağdamın “Qarabağ” futbol komandası UEFA Avropa Liqasının pley-off mərhələsində ilk oyununu keçirib.
Azərbaycan təmsilçisi Sloveniya klubu “Olimpiya”nın qonağı olub.
“Stojitse” stadionunda baş tutan qarşılaşmaya sürətli başlayan Qurban Qurbanovun yetirmələri birinci hissədə rəqibi iki dəfə mərkəzə dəvət ediblər. 32-ci dəqiqədə Kevin Medina, 44-cü dəqiqədə isə Leandro Andrade fərqləniblər.
Komandaların ikinci hissədəki cəhdləri bir nəticə verməyib. Beləliklə, “Qarabağ” 2:0 hesablı səfər qələbəsi qazanaraq, qrup mərhələsinə vəsiqə yolunda önəmli üstünlük əldə edib. Meydan sahiblərinin heyətində son dəqiqələrdə qırmızı vərəqə alan David de Senna Bakıdakı cavab görüşünü buraxacaq (Report).
Bu komandalar arasında cavab oyunu avqustun 31-də Tofiq Bəhramov adına Respublika stadionunda keçiriləcək.