Slovakiyanın Baş naziri Robert Fitso Ukrayna Prezidenti Volodimir Zelenski ilə bağlı sərt çıxış edib.

Siyasətçinin sözlərinə görə, Rusiya qazının tədarükü dayandırılacağı təqdirdə Avropa iki il ərzində 120 milyard avroluq əlavə enerji xərcləri ilə üzləşəcək.o, yanvarın 1-dən sonra Ukraynaya qarşı variantları dəyərləndirəcəklərini elan edib.

Fitso Ukraynaya enerji nəqlini dayandırmağa hazır olduqlarını bildirib.

"Mən başa düşürəm ki, Qərb eqoist siyasi səbəblərə görə sizə demək olar ki, istədiyiniz hər şeyi verir. Amma mən sənin öz fikrini deyə bilməyən, vəzifəsi yalnız sənə kömək etmək olan və səndən heç nə gözləməyən xidmətçin deyiləm", - R. Fitso deyib.

Xatırladaq ki, bundan öncə Zelenski Fitso barədə bunları söyləşmişdi: "Biz həyat uğrunda mübarizə aparırıq, Fitso isə pul uğrunda mübarizə aparır, özü də çətin ki, Slovakiya üçün pul uğrunda. Putinlə gizli sövdələşmələr ya dövlət maraqlarının satılması, ya da öz cibinə işləməkdir"./Milli.az /