Qətər hakimiyyəti ABŞ-nin tələbi ilə HƏMAS rəhbərliyini ölkədən çıxarmağa razılaşıb.

Bu barədə “Reuters” mənbələrə istinadən məlumat yayıb.
Bildirilib ki, bəxminən iki həftə əvvəl ABŞ rəsmiləri Qətərli həmkarlarına HƏMAS liderlərinə sığınacaq verməyi dayandırmalı olduqlarını bildiriblər. Telekanal mənbələri bildirir ki, təxminən bir həftə əvvəl Qətər bununla razılaşıb və terror qruplaşmasına məlumat verib.
ABŞ rəsmilərinin tələbi HƏMAS liderlərinin ABŞ Prezidenti Co Bayden üçün prioritet olan israilli girovların azad edilməsi ilə bağlı təkrar təklifləri rədd etməsindən sonra gəlib.
HƏMAS-ın yüksək rütbəli rəsmisi Qətərin qrup rəhbərliyini Dohadan qovmağa razı olması barədə xəbərləri əsassız adlandırıb. O, bunun “təzyiq taktikası” olduğunu deyib və əlavə edib ki, oxşar iddialar əvvəllər sübut olmadan yayılıb.
Qeyd edək ki, HƏMAS rəhbərliyi 2012-ci ildən Suriya vətəndaş müharibəsi səbəbindən Dəməşqdəki qərargahını tərk etmək məcburiyyətində qaldıqdan sonra Dohada məskunlaşıb və ABŞ Qətər hakimiyyətindən terror qruplaşması ilə əlaqə kanalına çevrilməsini istəyib.