ABŞ prezidenti Co Bayden hər il ABŞ liderləri üçün keçirilən tibbi müayinədən keçmək üçün xəstəxanaya gedəcəyini bildirib.

Bu barədə Redaktor.az "lenta.ru"ya istinadən xəbər verir.

Prosedur Vaşinqtondakı "Walter Reed Army" Tibb Mərkəzində həyata keçiriləcək.

Tibb müəssisəsi ilk dəfə sarı qızdırma infeksiyasının mənbəyini kəşf edən amerikalı həkim və bakterioloqun adını daşıyır.

Qərb düyməyə basıb, Rusiyanı təbdən çıxaracaq addımlar atılır…

Ermənistan hakimiyyəti uzunmüddətli “artilleriya hazırlığından” sonra hücuma keçdi. Baş nazir Nikol Paşinyanın ölkənin Kollektiv Təhlükəsizlik Müqaviləsi Təşkilatında (KTMT) fəaliyyətini dondurması barədə Parisdə dedikləri, ardınca Fransa müdafiə nazirinin İrəvana səfəri, müdafiə sahəsində sıx əməkdaşlıqla bağlı birgə bəyanat, daha sonra parlamentin spikeri Alen Simonyanın “rus sərhədçilər İrəvanın Zvartnots beynəlxalq hava limanında fəaliyyətini dayandırmalıdır” bəyanatları bundan xəbər verir.

Daha bir məsələ Ukrayna lideri Volodimir Zelenskinin Ermənistana səfər edəcəyi ilə bağlıdır. Hakim partiyanın deputatları bildiriblər ki, Zelenksi arzulasa, onu məmnuniyyətlə İrəvanda qəbul edəcəklər.

Bunlar ölkənin Beynəlxalq Cinayət Məhkəməsinə üzvlüyündən sonra Paşinyan hökumətinin Qərbyönlü bəyanatları fonunda Ermənistanın Rusiya maraqlarına qarşı ilk real addımlarıdır. Buna qədər gündəm ancaq ritorikadan ibarət idi, Baş nazir və digər dövlət rəsmilərinin çıxışları, Moskvadan onlara verilən cavablar realpolitikada özünə yer etməyib.

Ermənistan hazırda Rusiyanın nəzarətində olan Avrasiya İqtisadi İttifaqının (Aİİ) sədridir, ölkənin xarici ticarətində bu təşkilatın payı 80 faizə çatır. Ayrıca Ermənistanın Rusiya ilə xarici ticarət dövriyyəsi 7.5 milyard dolları keçməklə bütün dövrlərin rekordunu qırıb. Müqayisə üçün qeyd edək ki, Ermənistandan qat-qat böyük resurslara malik olan Azərbaycan və Türkiyə arasında ötən il ticarət dövriyyəsi 7.4 milyard dollar olub.

Beləliklə, Ermənistan Rusiya və Avrasiya İttifaqı ilə iqtisadi tərəfdaşlığını yüksək səviyyədə saxlamaqla, Qərb strukturlarına inteqrasiya istiqamətində real addımlara başlayıb. Xarici işlər naziri Ararat Mirzoyanın Brüssel ziyarətindən, Nikol Paşinyanın ötən həftəki Fransa səfərindən sonra sanki düyməyə basılıb. İrəvan Qərbə inteqrasiya kursunda səmimi olduğunu nümayiş etdirmək istəyir, bu da Rusiyanın Ermənistanda əl-qolunu yığışdıracaq qərarların verilməsindən keçir. Qərbdə də Paşinyandan performans gözləyirlər, çünki “Rusiyanın dəstəyi ilə Azərbaycan bizə hücuma keçəcək, Rusiya xüsusi xidmət orqanları məni devirməyə çalışırlar” bəyanatları kəsərini itirib. Görünür, Azərbaycanın izahatlarından sonra Qərbdə Baş nazirin bu bəyanatlarına o qədər də inanmırlar. Həm də kəşfiyyat məlumatları vəziyyəti daha düzgün analiz etməyə imkan verir…

KTMT-də fəaliyyətin dondurulması faktiki olaraq bu təşkilatda fəaliyyətin dayandırılması anlamına gəlir, bir ilə yaxındır ki, Ermənistan təşkilatın işini sabotaj edir, imzalanmış sənədləri ratifikasiya etmir. Amma Paşinyan hökuməti özündə cəsarət tapıb hərbi ittifaqdan ayrıldığını deyə bilmir və qeyri-müəyyən situasiya yaradaraq, Rusiyanın ehtimal olunan aqressiv cavabını korşaltmağa çalışır.

Paralel olaraq, Rusiya hərbi bazalarının ölkədən çıxarılması məsələsini də qaldırmır. Bu barədə növbəti mərhələdə, daha uyğun şərait yarandıqda müzakirə açıla bilər.

Ermənistanın Rusiya hərbi sənaye kompleksindən asılılığı azaltmaq cəhdləri, Fransa və Hindistandan hərbi texnika, silah alması da Kremldə xoş qarşılanmır. Bu addımlar KTMT-dən uzaqlaşma qərarı ilə paralel atılır ki, Moskvada bu trayektoriyanı hələ ki, sadəcə müşahidə edirlər…

Spiker Alen Simonyanın “rus sərhədçilər İrəvanın Zvartnots beynəlxalq hava limanında fəaliyyətini dayandırmalıdır” bəyanatı da cəsarətsiz açıqlamadır. Spiker açıqlamada iki dəfə təkrar edib ki, bu, onun şəxsi fikridir:

– Rusiya sərhədçilərinin “Zvartnots” aeroportundan çıxarılması müzakirə olunurmu?

– Mən belə bir müzakirədə olmamışam, ola bilsin ki, hüquq-mühafizə orqanlarının əməkdaşları və aidiyyatı qurumlarla müzakirə olunub, amma mən iştirak etməmişəm. Şəxsən mən hesab edirəm ki, onların oradan çıxması düzgün olardı. Bu, mənim şəxsi fikrimdir.

– Niyə?

– Çünki biz öz dövlətimizin sərhədlərini qoruyacağıq, lakin onların ölkəmizin sərhədlərini qoruyacaqlarına əmin deyiləm. Sən əminsən? Bu, artıq dəfələrlə olub və onlar müdafiə etməyiblər və mən hətta bir çox hallarda sərhədlərin daha həssas olması üçün etdiklərini demirəm. Onlar Dağlıq Qarabağa gələndə nə etdilər? Erməni xalqının çıxmasını müşayiət etdilər? Hadisələr bitəndən bir neçə saat sonra bir neçə rus “sülhməramlısı” öldü və dedilər: görün biz necə işləyirdik, “sülhməramlılarımız” da öldü… Hadisələrin bitməsindən beş saat sonra!!! Yəni gəlib erməniləri yola salıblar? Bu müdafiə idi? Onlar hava limanında qalmağa davam etməlidirlər ki, hər gün “Zvartnots”dan sizi və məni müşayiət etsinlər? Düşünürəm ki, onların mövcudluğu lazımsızdır!

Rusiya hələ ki, spikerin bəyanatına reaksiya verməyib, çox güman ki, Putinin köməkçiləri ona ikitərəfli müqavilələrin qüvvədə olduğu tarixləri xatırladacaq. Moskva İrəvanın təzyiqi altında bu addımları ata bilməz, bu, onun regiondakı hərbi-siyasi təsirlərinə ağır zərbə ola bilər.

Yeri gəlmişkən, Ermənistan İkinci Qarabağ müharibəsi zamanı Rusiya sərhəd qoşunlarının Ermənistandakı fəaliyyət dairəsinin genişləndirilməsi ilə bağlı 1992-ci il sazişinə Əlavə imzalayıb. Anlaşmaya görə, Rusiya Sünikdə 3 yeni zastava, İran-Ermənistan yolunun üzərində – Kərki kəndi yaxınlığında və Qazax-İcevan sərhədinə yaxın, Ermənistan-Gürcüstan yoluna yaxın ərazidə müşahidə məntəqələri tikib. Baş nazirin sərəncamı ilə Rusiya sərhədçilərinə 3.4 hektar ərazi ayrılıb.

Alen Simonyan rusların Ermənistanın dövlət sərhədlərini qoruyacağına əmin deyilsə, ilk növbədə Nikol Paşinyandan yuxarıda bəhs olunan sərəncamını ləğv etməyi xahiş etməlidir.

Ukrayna lideri Zelenskinin səfərinə gəlincə, onun reallaşması mümkündür. Əvvəla, xatırladaq ki, müharibə dövründə Zelenski, Pribaltika ölkələri istisna olmaqla, heç bir postsovet ölkəsinə getməyib. Hətta qonşu, onunla bir yolu gedən Moldovaya da ayaq basmayıb. Şübhəsiz, bu səfərlər Rusiyanın qəzəbinə gəlməmək üçün həmin ölkələr tərəfindən arzu edilməyib. Ermənistan bu addımı atacaq ilk dövlət olmaqla, Kremli hədsiz qəzəbləndirər. Sual oluna bilər ki, Zelenski kimi sıx qrafiki olan liderin Ermənistan kimi “heç nəyə yaramayan” ölkəyə getməkdə marağı nə ola bilər? Ermənistan hələ də beynəlxalq siyasi sistemdə Rusiyadan asılı, onun hərbi-siyasi vassalı olan ölkə kimi qəbul olunur. Sərhədləri Rusiya tərəfindən qorunur, ərazisində Rusiya hərbi bazaları var. Belə bir dövlətin Zelenski kimi Rusiya düşməninə qucaq açması Moskvanın regionda təsir imkanlarının zəifləməsinin əlaməti kimi qəbul oluna bilər.

Yekun olaraq qeyd edək ki, Ermənistan hakimiyyəti Qərb tərəfdaşlarına səmimiyyətini sübut etmək cəhdləri risklərlə doludur. Şübhəsiz, bütün qərarlar ölçülür-biçilir, məsləhətləşilir, Rusiyanın mümkün reaksiyası proqnozlaşdırılır. Qeyd olunan məsələlərin hər biri Kremli təbdən çıxarmaq üçün kifayətdir.

Ermənistanın yaxın tarix göstərir ki, Rusiya orada qərarları qəfil icra etməyə başlayır. 1997-ci ilə Azərbaycanla anlaşmaya meyllənən siyasi liderlərin parlamentdə güllələnməsinı xatırlatmaq kifayətdir…
pressklub

Moskvada Rusiya Müdafiə Nazirliyinin binasını izləyən antenli videokamera aşkarlanıb.

TEREF oxu.az-a istinadən xəbər verir ki, Rusiya Müdafiə Nazirliyinin Frunzenskaya sahilindəki binasını müşahidə edən kamera yaxınlıqdakı binanın çardağında tapılıb.

Cihazı təsadüfən evə baxış keçirən kommunal işçilər görüblər.

Kamera ştativə quraşdırılıb və çox gözə çarpmaması üçün obyektivi divara doğru çevrilmiş olub. Cihaz Rusiya Müdafiə Nazirliyinin binası yaxınlığında nələrin baş verdiyini fasiləsiz olaraq yayımlaya və görüntünü onlayn olaraq uzaq məsafəyə ötürə bilib. Hazırda avadanlıq sökülərək mütəxəssislərə təhvil verilib.

Dnestryanıda 15 minə yaxın yerli hərbçi və 1,5-2 min rus əsgəri var - bu, kifayət qədər ciddi qüvvədir

Fevralın 28-də tanınmamış “Dnestryanı Respublikası”nda “deputatların” qondarma qurultayı keçiriləcək. Nəticədə, Rusiya "qoşulmaq" tələbi ilə "müraciət etmək" gözlənilir.

Əslində bu, tarixdə ilk belə “qurultay” deyil. 1990-cı ilin iyununda onların ilk “qurultayı” Parki kəndində, həmin ilin sentyabrında isə Tiraspolda oldu. 1991-ci ilin yanvarında daha bir “qurultay” oldu, 1991-ci ilin sentyabrında isə dördüncü “qurultay” baş tutdu... Onda qəbul etdikləri qərarlar 1992-ci il hadisələrinə təkan verdi. Bu, Rusiya ilə Moldova arasında müharibə idi.

Qondarma qurultaylardan sonra Moldova üçün həmişə son dərəcə xoşagəlməz hadisələr baş verirdi. Xüsusilə, polis komissarlığının götürüldüyü Dubossarax hadisələri. 1992-ci ilin iyununda – Benderaxdakı faciəli hadisələr. Həmçinin Tiraspoldakı qanlı hadisələr...

2006-cı ildə Dnestryanıda "referendum" keçirildi, onun nəticələrinə görə əhalinin böyük əksəriyyətinin Rusiyaya “qoşulmasını dəstəklədiyi” iddia edildi. O vaxt hadisələr qanlı bitməsə də, indi yenə “hakimiyyət” nümayəndələrini toplayaraq oxşar “tədbir” keçirməyə çalışırlar.

Ona görə də təbii ki, risklər var. Əsasən ona görə ki, vətəndaşlar bu oyunlara cəlb olunurlar. Onlar deyirlər ki, bu “qurultaylarda” qəbul edilən “qərarlar” Moldovanın bu hissəsi üçün qanunidir.

Eyni zamanda, xatırlatmaq istəyirəm ki, Tiraspol qondarma rejimindən olan şirkətlər Moldovada sərbəst fəaliyyət göstərir və vergi ödəmirlər. Kişinyovda öz şirkətləri üçün hesablar açırlar, öz məhsullarını Avropaya ixrac edirlər. Dnestryanıdan olanlar da sərbəst şəkildə Avropa İttifaqına səfərlər, səyahətlər edirlər. Lakin son altı ayda baş verən hadisələr Dnestryanıdakı ünsürlərin Moskvaya tabe olduğunu sübut edir. Belə olan halda məsələ ondadır ki, ŞOR (Moldova Konstitusiya Məhkəməsi tərəfindən qadağan edilmiş rusiyayönlü partiya) və daha kiçik partiyalar Moskvadan gələn istənilən əmri yerinə yetirəcəklər...

Beləliklə, mütləq hansısa hadisə baş verə bilər. Moldovanın hakimiyyət orqanları bu hadisələri diqqətdən kənarda qoymamalıdır.

Mənim şəxsi fikrim: Rusiya ilə Moldova arasında yeni müharibə riski mövcuddur. Lavrovun bu yaxınlarda dediklərini xatırlayaq: “Rusiya öz vətəndaşlarını harada olursa-olsun, qoruyacaq”. Təbii ki, belə bir bəyanat ciddi qəbul edilməlidir. Ukraynada müharibə başlamazdan təxminən bir həftə əvvəl vəziyyətin gərginləşməsinin müzakirə edildiyi televiziya verilişində iştirak edirdim. Sonra Lavrovun sözləri yadıma düşdü. O deyirdi ki, “Rusiya heç kimə hücum etməyə hazırlaşmayan sülhsevər ölkədir...”. Rusiya rəsmiləri bir şey deyir, amma tamam başqa şey olur: 2014-cü ildə Ukraynada, 2008-ci ildə Gürcüstanda müharibə, 1992-ci ildə Moldovada müharibə...

İndi də eynidir. Haqqında danışdığımız “qurultay” təxribat xarakterli hadisədir. Ola bilsin, Kişinyovdakı hakimiyyətin necə reaksiya verəcəyini yoxlayırlar. Və görünür, Rusiya diqqəti yayındırmaq üçün burada hansısa hadisə törətməkdə maraqlıdır - həm Ukraynaya göstərdiyimiz yardımdan (təbii ki, öz imkanlarımıza əsaslanaraq), həm də Avropa İttifaqındakı hərəkətimizdən.

Görünür, Kreml başqa cəbhə açmaq istəyir. Ola bilsin ki, bunu yüksək səslə demirlər, amma artıq qeyd etmişəm ki, heç nə boş yerə olmur. Dnestryanıda 15 minə yaxın yerli hərbçi və 1,5-2 min rus əsgəri var - bu, kifayət qədər ciddi qüvvədir.

Yeri gəlmişkən, Moskvanın ekspansionist maraqlarının himayəsi altında baş verən Tiraspol hadisələrinə Kamrat da (Moldova şəhəri, Qaqauz muxtariyyətinin paytaxtı) reaksiya verir. Xatırladım ki, 2014-cü ildə orada da “referendum” keçirildi və bunun nəticəsində sakinlərin əksəriyyətinin öz müqəddəratını təyinetmə hüququna “səs verdiyi” iddia olunur. Amma icra qərarı məhkəmə tərəfindən dayandırıldı...

Odur ki, indi Kreml rejiminin Dnestryanı nümayəndələrinə nəyi diktə edəcəyini və hara qədər getməyə hazır olduğunu ancaq Allah bilir.

Müəllif: Kirill Mospan - Moldova Milli Təhlükəsizlik Komissiyasının keçmiş sədri.

Mənbə: UNİAN

Tərcümə AYNA-ya məxsusdur.

İranın gələcək rəhbərinin adı onun həyatının təhlükəyə düşməməsi üçün üçün gizli saxlanılır.

Axar.az xəbər verir ki, bu barədə İranın dini liderinin səlahiyyətlərini müəyyən edən Ekspertlər Məclisinin üzvü Məhəmmədəli Musəvi Cəzayiri deyib.

"Gələcək liderin adı məxfidir, çünki hər hansı namzədin adı məlum olarsa, İsrail və ABŞ onu öldürəcək, ona görə də bu məxfi qalmalıdır", - Cəzayiri iddia edib.

“Bu həkimin əvvəlki hərəkətləri ört-basdır edildiyinə görə belə ölümlərin davamı gəlib”

Tovuz rayonunun Yanıqlı kənd sakini Tural Qasımov həyat yoldaşını həkim səhlənkarlığı nəticəsində itirib.

O gileylənir ki, prokurorluq da həkimi cəzalandırmaq istəmir.

Bu üzdən aylardır ki, prokurorluq, məhkəmə qapılarında qalıb, Prezident Administrasiyası, Heydər Əliyev Fondu da daxil olmaqla, müxtəlif dövlət orqanlarına şikayət edib.

“Həkim xəstəni o vəziyyətdə qoyub, özü qaçıb getmişdi”

21 yaşlı Aygün Nəcəfova 2023-cü il iyunun 15-də – oğlunu dünyaya gətirəndən bir gün sonra vəfat edib.

Hadisə Tovuz Rayon Mərkəzi Xəstəxanasında baş verib.

Həyat yoldaşı danışır ki, hamiləlik dövründə Aygün Nəcəfovanın heç bir problemi olmayıb.

Onun sözlərinə görə, özəl xəstəxanada mütəmadi müayinələrdən keçib, həkim nəzarətində olub, bunu təsdiqləyən sənədlər də var.

Hamiləliyin 37-ci həftəsində Tovuz Rayon Mərkəzi Xəstəxanasında Xatirə Quliyevanın yanına gediblər: “Hamiləlik dövründə Əntiqə həkimin nəzarətində olmuşdu, heç bir problem də yox idi. İyunun 14-də doğuş üçün Tovuz Rayon Mərkəzi Xəstəxanasına getdik. Orada Xatirə həkim analizlərin cavabına baxdı. Dedi ki, “gəlin, qeysəriyyə əməliyyatı eləyək”. Bu əməliyyat da doğuş vaxtından bir həftə əvvəl olmalıdır. Elə həmin gün əməliyyat olunmasını təklif elədi, biz də razılaşdıq”.

İyunun 14-də axşam saat 22.00 radələrində qeysəriyyə əməliyyatıyla Aygün Nəcəfovanın oğlu dünyaya gəlib. Tural Qasımov danışır ki, əməliyyatdan sonra həkim onlara həm ananın, həm də uşağın vəziyyətinin yaxşı olduğunu deyib.

Ertəsi gün səhər yenidən xəstəxanaya gedəndə onlara heç bir problem olmadığını bildiriblər. Lakin az sonra xəstəxanadan Aygün Nəcəfovanın anasına zəng edib, qan qrupunu soruşublar, qana ehtiyac olduğunu deyiblər: “Təbii ki, biz çox narahat olduq. Dərhal yenidən xəstəxanaya getdik. Dedilər ki, artıq lazım deyil. Bildirdik ki, narahatlıq varsa, Gəncədəki xəstəxanaya aparaq. Cavab verdilər ki, ehtiyac yoxdur. Bizi aldatdılar ki, xəstəni yatırtmışıq, Bakıdan həkim gəlir, o baxacaq. Xatirə Quliyeva xəstəni o vəziyyətdə qoyub, özü qaçıb getmişdi. Bir də axşam saat 8 radələrində bizə dedilər ki, ölüb…”.

“İndiki dövrdə xəstəxanada qanaxmadan adam ölər?!”

Ekspertizanın rəyinə görə, Aygün Nəcəfova qanitirmədən həyatını itirib. Qeysəriyyə əməliyyatından sonra uşaqlıqda kəskin qanaxma olub.

Tural Qasımov deyir ki, həkim səhlənkarlığı olmasaydı, həyat yoldaşını itirməzdi: “Necə olub ki, bunlar qanitirmənin qarşısını ala bilməyiblər? Biz 19-cu əsrdə yaşamırıq, indiki dövrdə xəstəxanada qanitirmədən adam ölər?! Müasir dövrdə tibbdə qanaxmanın qarşısını almaq elə də çətin bir iş deyil axı. Amma səhlənkarlıq eləyiblər. Təəssüf ki, prokurorluq da bu cinayəti ört-basdır eləməyə çalışır. Səbəbi də məlumdur. Sonradan öyrəndik ki, mənim yoldaşım Xatirə Quliyevanın əlində ilk ölüm hadisəsi deyil. Təəssüf ki, bu həkimin əvvəlki hərəkətləri ört-basdır edildiyinə görə belə ölümlərin davamı gəlib”.

Məhkəmə prokurorluğun qərarını ləğv edib, yenidən araşdırma aparılmalıdır

Hərbçi olduğunu və 44 günlük müharibədə iştirak etdiyini deyən Tural Qasımov vurğulayıb ki, həyat yoldaşının qanının yerdə qalmaması üçün sonadək mübarizə aparacaq.

Deyir ki, bunu təkcə özünə görə yox, başqa uşaqların da onun oğlu kimi anasız qalmaması üçün edir: “Mən Xatirə Quliyevanın əvvəlki qurbanları kimi davranmayacam. Maddi yardım, başdaşı düzəltdirməklə məni sakitləşdirmək mümkün deyil. Səlahiyyət sahiblərindən də xahişim budur ki, belə işlərdə qərar verəndə vicdanla yanaşsınlar. Mənim yoldaşımın qanı yerdə qalmasın…”.

Aygün Nəcəfovanın ölümüylə əlaqədar Tovuz Rayon Prokurorluğunda araşdırma aparılsa da, sonda cinayət işi başlanması rədd olunub.

Müstəntiq Natiq Əmirov 15 sentyabr 2023-cü il tarixli qərarında yazıb ki, bu hadisədə cinayət tərkibi yoxdur.

Məhkəmə Tibbi Ekspertiza və Patoloji Anatomiya Birliyinin Tovuz şöbəsi də rəyində ölümün səbəbi kimi qeysəriyyə əməliyyatından sonra kəskin uşaqlıq qanaxmasını göstərib. Eyni zamanda, rəydə onu da yazıblar ki, xəstəxanada Aygün Nəcəfovaya edilən müalicələr düzgün olub.

Tural Qasımov prokurorluğun rədd qərarından məhkəməyə şikayət edib.

Şikayətində göstərib ki, prokurorluq hərtərəfli araşdırma aparmayıb, qərar obyektiv və ədalətli deyil.

Araşdırmadan sonra Tovuz Rayon Məhkəməsi də bu nəticəyə gəlib və prokurorluğun qərarını ləğv edib. Aygün Nəcəfovanın ölümüylə bağlı materiallar yenidən araşdırılması üçün Tovuz Rayon Prokurorluğuna qaytarılıb. Hazırda prokurorluqda araşdırmalar davam edir.

“Ehtiyat edirəm ki, bunlar yenə də öz bildiklərini eləyərlər. İstədikləri rəyi alıb, ört-basdır etməyəcəklərinə əmin deyiləm. Ona görə Baş prokuror Kamran Əliyevə də müraciət etmişəm ki, bu işi nəzarətdə saxlasın, sui-istifadə hallarına yol verilməsin. Çünki Xatirə Quliyevanın əvvəldən tədbirini görməsi barədə məlumat almışıq”, – Tural Qasımov əlavə edib.

İttiham olunan şöbə müdiri özünü günahkar saymır

Eyni zamanda, Tovuz Rayon Mərkəzi Xəstəxanasının doğum şöbəsinin müdiri olan Xatirə Quliyeva isə Aygün Nəcəfovanın ölümündə təqsiri olmadığını deyir.

Mama-ginekoloq özü də təsdiqləyir ki, iyunun 14-də axşam saat 22 radələrində həyata keçirdiyi əməliyyatdan sonra anada heç bir problem olmayıb.

Onun sözlərinə görə, gecə saat 01 radələrinə qədər xəstəxanada olub, narahatlıq yaşanmayıb. Sonra evə getsə də, gecə saat 3 radələrində başqa bir doğuşa görə yenidən qayıdıb və səhərə qədər xəstəxanada olub.

Həkimin dediyinə görə, səhər saat 09 radələrində Aygün Nəcəfovaya yenidən baş çəkib, onunla danışıb, vəziyyəti normal olub: “Bundan sonra evə getdim ki, bir az dincəlim. Günorta 3 radələrində zəng elədilər ki, trombositlər kəskin düşüb…”.

Xatirə Quliyeva bildirir ki, xəstənin durumu haqda Səhiyyə Nazirliyinin müvafiq qurumuna xəbər verib, Bakıdan kömək istəyib. Xəstəni süni tənəffüs aparatına qoşublar. Gəncə qan bankından qan, plazma və s. gətiriblər. Bu tədbirlərə baxmayaraq, Aygün Nəcəfovanın həyatını xilas etmək mümkün olmayıb.

Xatirə Quliyeva iddia edir ki, Aygün Nəcəfovada hamiləlik dövründə “preeklampsiya” yaranıb və nəticədə daxili orqanlarının fəaliyyəti pozulub. Onun iddiasına görə, HELLP sindromu, böyrək-ağciyər çatışmazlığı ölümə gətirib çıxarıb.

Mənbə: Meydan TV