 |
|
|
Rusiya sülhməramlıları Əsgəranda daha bir müşahidə məntəqəsini bağlayıb.
APA xəbər verir ki, bu barədə Rusiya Müdafiə Nazirliyi məlumat yayıb.
Ümumilikdə, 2023-cü il sentyabrın 19-dan Rusiya sülhməramlılarının Qarabağda 8 müşahidə və 16 müvəqqəti müşahidə məntəqəsi bağlanıb.
Prezident İlham Əliyev Ağdərə, Xocalı, Xankəndi, Xocavənd şəhərlərində dövlət bayrağını ucaltdı.
Regionda sülh modeli qurulur. Azərbaycan müdafiə qüdrətini sülhün təmini yoluna yönəltdi və bu, tamamilə düzgün addım idi.
Bu arada, proqnoz verə bilməyən və ya istəməyən, gedişatları qiymətləndirə bilməyən, professorların, trol politoloqların, radiKAL müxalifətin və onların təsiri altında olan qaragüruhun bazarı bağlandı...
***
Sərhəddə bəzi əməliyyatlar olmalı idi ki, Azərbaycan Xankəndidə, Xocalıda, Xocavənddə və Ağdərədə suverenliyini bərpa etsin.
İndi lap aydın görünür ki, sərhədlə sərhəddənkənar ərazilərin strateji əhəmiyyəti bir-birilə böyük ölçüdə əlaqəlidir.
Aqşin Kərimov - DİA.AZ
Xankəndi şəhərinə komendant təyin edilib.
APA xəbər verir ki, bununla bağlı müvafiq əmr imzalanıb.
Əmrə əsasən, polis general-mayoru Sərdar Səfərov Xankəndi şəhərinə komendant təyin edilib.
Laçın şəhərinə növbəti köç karvanı yola salınıb.
Oxu.Az-ın məlumatına görə, Qaradağ rayonu, Lökbatan qəsəbəsində məcburi köçkünlər üçün inşa edilmiş “Qobu Park-3” yaşayış kompleksinin qarşısından 25 ailə (96 nəfər) Laçın şəhərinə yola salınıb.
Xatırladaq ki, bu günə qədər Laçın şəhərinə 247 ailə (956 nəfər), Zabux kəndinə isə 21 ailə (94 nəfər) köçürülüb.
Aytac Qasımova
Bu gün Azərbaycanın 44 günlük Vətən müharibəsində bir neçə ərazisini işğaldan azad etməsindən üç il keçir. Oxu.Az-ın məlumatına əsasən, müzəffər Azərbaycan Ordusu 2020-ci il oktyabrın 15-də Cəbrayıl, Füzuli və Xocavənd istiqamətlərində uğurlar qazanıb.
Həmin gün Azərbaycan Ordusu Cəbrayılın Doşulu, Xocavəndin Edişə, Düdükçü, Edilli və Çiraquz kəndlərini işğaldan azad edib.
Ordumuz həmin gün Füzulinin Arış kəndinə də nəzarəti bərpa edib.
Xatırladaq ki, adıçəkilən kəndlərin işğaldan azad edilməsi xəbərini Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev “Twitter” (hazırda “X” - red.) hesabında paylaşıb.
BMT-nin Beynəlxalq Ədalət Məhkəməsində Ermənistanın Azərbaycana qarşı işi üzrə dinləmələrdə iddia edilib ki, guya Azərbaycan Qarabağ ermənilərinə qarşı etnik təmizləmə həyata keçirib.
Tələblər isə budur ki, ermənilərin öz evlərinə qayıtmaq haqqını, həmçinin təhlükəsiz yaşayışını təmin etmək üçün Azərbaycan hərbi qüvvələri Qarabağdan çıxarılmalı, üstəlik bölgədə daimi fəaliyyət göstərəcək beynəlxalq mexanizm yaradılmalıdır.
Halbuki BMT Azərbaycan əraziləri işğala məruz qalanda qətiyyətsizlik göstərərək işğal olunmuş ərazilərə gəlməyib. Şəhərlərimizin kəndlərimizin milli, dini və tarixi abidələrimizin vandallıqla dağıdılmasına şahid olmaq istəməyib.
Oktyabrın 12-də Rusiya prezidenti Vladimir Putinin azərbaycanlı həmkarı İlham Əliyevlə Bişkekdə görüşü olub. Görüşdən əvvəl Rusiya prezidentinin köməkçisi Yuri Uşakov demişdi ki, iki prezident Qarabağ ətrafındakı vəziyyəti müzakirə edəcəklər: “Gündəlikdə Qarabağ ermənilərinin beynəlxalq səviyyədə tanınmış hüquq və azadlıqlara əməl etməklə Azərbaycanın hüquqi məkanına dinc inteqrasiyası var”.
Uşakov əlavə edib ki, Rusiya sülhməramlı kontingenti buna töhfə verməyə hazırdır.
Dünən, oktyabrın 12-də görüş zamanı V.Putin də bildirib ki, “bir nömrəli məsələ Qarabağ ətrafındakı vəziyyətdir”.
Bir neçə gün öncə İ.Əliyev MDB dövlətlərinin təhlükəsizlik və xüsusi xidmət orqanlarının rəhbərlərini qəbul edərkən demişdi ki, rəsmi Yerevan Rusiya vasitəçiliyindən imtina edərsə, buna alternativ Ermənistan və Azərbaycanın xarici işlər nazirlərinin birbaşa danışıqları ola bilər: “Hər hansı digər meydançalar bizim tərəfimizdən öz xidmətlərini təklif edən ölkələrin həqiqətə və beynəlxalq hüquqa yanaşmaları baxımından qiymətləndiriləcək”.
Hakim Yeni Azərbaycan Partiyası (YAP) İdarə Heyətinin üzvü, deputat Elşad Mirbəşiroğlu Turana deyib ki, hazırda Qərb Azərbaycan-Ermənistan münasibətlərini özlərinin geosiyasi maraqlarına uyğun tənzimləməyə çalışır: “O maraq da ondan ibarətdir ki, gələcəkdə Cənubi Qafqaz regionunda geosiyasi ambisiyalarını reallaşdırmaq imkanları olsun. Bunun üçün də hansısa məsələni açıq saxlayacaqlar və Paşinyanın missiyası ondan ibarətdir ki, proseslər Qərbin istədiyinə uyğun olsun”.
Deputat V.Putinin “birinci əsas müzakirə məsələsi Qarabağ olacaq” söyləməsinə də toxunub: “Azərbaycan öz torpaqlarını işğaldan azad etdi, Ermənistan özü də dəfələrlə Azərbaycanın ərazi bütövlüyünü tanıdığını bildirib. Qarşıda bir addım qalıb, bu da Azərbaycanla Ermənistan arasında sülh müqaviləsinin imzalanmasıdır”.
O, sülhməramlıların gələcək taleyinə də toxunub: “Sülhməramlıların gələcək taleyinə gəlincə, Rusiya-Azərbaycan arasında bu məsələ müzakirə olunacaq və dövlətimiz, həmişəki olduğu kimi, ən doğru addımları atacaq”.
Yeri gəlmişkən, son günlər Rusiya sülhməramlılarının gələcək taleyi Azərbaycan hakimiyyətinə yaxın medialarda da müzakirə edilir. Hətta bəzi hakimiyyətə yaxın icmalçılar üç il əvvəl Ağdamda yaradılan Rusiya-Türkiyə Monitorinq mərkəzinin rolunun hansısa mərhələdə artırılması variantından da bəhs edirlər.
Siyasi şərhçi Vaqif Hacıbəyli isə AzadlıqRadiosuna bildirib ki, Rusiya “sülhməramlılar” adı altında öz qoşunlarını Azərbaycanda saxlamaq istəyir və bu məsələ iki prezident arasında müzakirə olunur: “Həmin qoşunların Azərbaycana gətirilməsi özü çox böyük tarixi səhv idi. Düzdür, indi Ermənistanın mövqeyi ilə bağlı vəziyyət xeyli dərəcədə dəyişdi. Putin də bu məsələdə, Paşinyanın Azərbaycan ərazi bütövlüyünü tanıdığına görə çox qəzəblidir”.
O vurğulayır ki, Rusiya sülhməramlıları Azərbaycanda bəyanat əsasında yerləşdirilib: “İndi Rusiya istəyir ki, Azərbaycanın qanunverici orqanı onların mandatını təsdiqləsin. İlham Əliyevlə danışıqlarda, şübhəsiz ki, bu məsələ qaldırılıb. Tələb qoyulub ki, bu qoşunlar bu və ya digər şəkildə burada saxlanılsın. Amma buna ehtiyac yoxdur və çox yaxın bir zamanda bu məsələ öz həllini tapacaq”.(Turan)
Antiterror tədbirlərindən sonra tərksilah edilən qanunsuz erməni silahlıları və qondarma rejimin tör-töküntülərinin ardınca bölgədə təhlükəsizlik tədbirləri görülür. Amma reallıq odur ki, hələ də Qarabağ ərazisində silahı yeri qoyub təslim olmaq istəməyən terrorçu dəstələr qalıb. Onlar ərazinin coğrafi relyefindən istifadə edib dağlarda, yüksəliklərdə, meşələrin dərinliklərində mümkün qədər gizlənməyə çalışırlar. Bu terror dəstələri özləri üçün hansısa münbit şəraitin yetişəcəyi ehtimalını dəyərləndirmək istəyir.
Teref.az bildirir ki, bunu Teleqraf.com-a Milli Məclisin deputatı Elman Məmmədov deyib.
O qeyd edib ki, Qarabağ zonası dağətəyi və dağlıq-meşəlik ərazilərdir:
“Xüsusən də burada keçmiş Ağdərə rayonu ərazisini qeyd etmək olar. Eyni zamanda Şuşanın və Xocalının, Xocavəndin müəyyən hissələrində qanunsuz erməni silahlılarının və terrorçuların bir müddət gizlənməsi üçün təbii relyef var. Dağlıq, meşəlik ərazilərdə erməni silahlılarının qaçıb gizlənərək, partizan hərəkətləri etməsi ehtimalı qalır”.
Deputat hesab edir ki, 30 ildən çox ərazidə olan qanunsuz erməni dəstələri burada təbii coğrafi şəraitdən istifadə edərək gizlin bunkerlər, terror yuvaları qurublar:
“Terrorçular bu ərazilərdə sığınacaqlar yaradıb. Sözsüz ki, ərazilərdə təmizləmə işləri ardıcıl şəkildə aparılır. Gizlin terror yuvalarının və bunkerlərin də aşkarlanması, qanunsuz silahlıların sıradan çıxarılması heç də çətin olacaq porses deyil”.
Elman Məmmədov qış fəslinin yaxınlaşması ilə terrorçuların gizlin bunkerlərdə qalmasının mümkün olmayacağını bildirib:
“Onların təminat yolları tam bağlıdır. Azərbaycanın güc strukturları gizlin terror yuvalarının təmizlənməsi ilə bağlı atdığı addımlar onların sonunu yaxınlaşdıracaq. Adətən müharibələrdən sonra belə silahlı qruplaşmalar qalır. II Dünya müharibəsindən sonra da belə qruplaşmalar var idi. Zaman etibarı ilə bunlar məhv ediləcək, ya da özləri gəlib təslim olacaqlar”.
Rusiya sülhməramlılarının Şuşadakı daha bir müşahidə məntəqəsi bağlanıb.
Tribunainfo.az xəbər verir ki, bu barədə Rusiya Müdafiə Nazirliyi məlumat yayıb.
Ümumilikdə sentyabrın 19-dan Əsgəran, Şuşa, Xocavənd və Ağdərə rayonlarında sülhməramlılların 7 müşahidə və 15 müvəqqəti müşahidə məntəqəsi bağlanıb.
Prezident İlham Əliyev Bakıda MDB ölkələrinin kəşfiyyat şeflərini qəbul edərkən Qarabağda hələ də gizlənən silahlı qrupların olduğunu açıqladı.
“Bizdə olan məlumatlara görə, hələ ərazimizdə gizlənməyə davam edən müəyyən qruplar mövcuddur. Sentyabrın 20-dən sonra Qarabağda hərbi təxribatlar törədildi. Ərazi kifayət qədər böyükdür, dağlıqdır, meşəlikdir, buna görə də bizə ərazini quldur birləşmələrindən tamamilə təmizləmək üçün vaxt lazım olacaq”, – Əliyev qeyd edib.
Antiter tədbirlərindən sonra Qarabağda başlanan erməni qruplaşmaların tərki-silah edilməsi prosesi hələ də davam edir. Son rəsmi məlumatda qeyd olunur ki, qanunsuz erməni silahlı birləşmələrin anbarlarından indiyə qədər 66,1 milyon döyüş sursat, 92 ədəd zirehli texnika, 142 ədəd avtomobil, 124 ədəd hava hücumundan müdafiə texnikası, 112 ədəd səhra artilleriya silahı, YARS və minaatan, 1 ədəd PUA, 7 min ədəddən çox atıcı və tank əleyhinə silah götürülüb.
Lakin proses hələ başa çatmayıb. Bunun ilkin səbəbi erməni separatçıların bölgəni böyük ölçüdə silahlaşdırmasıdır. Təhvil alınan silah-sursatın miqdarı da bunu təsdiq edir. Digər səbəb Prezident İlham Əliyevin açqlamasında ortaya çıxdı: hələ də müəyyən qruplar gizlənir;
– Qarabağda gizlənən silahlı qruplar kimlərdir?
– Bu qruplar harada gizlənirlər?
– Onların məqsədi nədir?
Əliyevin açıqlaması bu sualları da ön plana çıxardı.
Bu qruplaşmaların kimlər olduğuna dair bir neçə versiya var.
1. Erməni terror təşkilatlarının üzvləri: 44 günlük müharibədən sonra ASALA terrorçularının Qarabağa gizli şəkildə sızdığına dair məlumatlar var idi, istisna deyil ki, terrorçular hələ də gizlənirlər;
2. Adları Bakının “qara siyahısı”nda olan cinayətkarlar: o da istisna deyil ki, gizlənən qruplar I və II Qarabağ müharibəsində azərbaycanlılara qarşı qətliamlar, soyqırımlar törədən şəxslərdir;
Erməni terrorçuların gizlənə biləcəyi yerlər dağlar və meşələr, o cümlədən, işğal dövründə hazırlanmış gizli bunkerlər ola bilər. Hələ işğal dövründə bunkerlərə bir, yaxud bir neçə illik ərzağın toplandığı bəllidir.
Bu qrupların əsas məqsədi gizlənmək və bacardıqca sağ qalmaqdır. Çünki təslim olacaqları təqdirdə həbs ediləcəkləri təhlükəsi də var. Lakin mümkündür ki, gizlənən silahlı dəstələr müəyyən müddətdən sonra Azərbaycan ordusuna qarşı terror hücumlarının törədilməsini də planlaşdırırlar.
Oktyabrın 3-də Xankəndidə Azərbaycan hərbçiləri və Rusiya sülhməramlılarının birgə patruluna snayperdən açılan atəş də erməni terrorçuların hələ də gizləndiyini təsdiq edən faktlardandır.
Bölgədə davam edən təmizləmə əməliyyatında silahların təslim edilməsi prosesi həyata keçirilir, bu proses başa çatdıqdan sonra gizlənən qrupların zərərsizləşdirilməsi mərhələsinin başlanacağı gözləniləndir./axar.az