 |
|
|
Sarqsyan Azərbaycana növbəti müharibəyə başlamaq üçün əsas verir
Azərbaycanın şanlı qələbəsi və ölkənin ərazi bütövlüyünün çoxdan gözlənilən bərpası ilə yadda qalan ötən ilin sonunda Ermənistanın üçüncü prezidenti, separatçı hərəkatın və Azərbaycanın ərazi bütövlüyünün pozulmasının kökündə dayanan, əlləri qətlə yetirilən mülki azərbaycanlıların qanına bulanan Serj Sarqsyan özünü xatırlatmaq qərarına gəlib.
O, jurnalistlərə açıqlamasında Qarabağ xuntasının lideri Samvel Şahramanyanla görüşdüyünü bildirib: “Düşünürəm ki, Şahramanyan xalqımıza xeyir verəcək, onu əbədi olaraq rüsvay etməyəcək və istənilən şəxsin, hətta prezidentin də birtərəfli qərarla respublikanı ləğv edə bilməsi ehtimalını aradan qaldıracaq bir həll yolu tapacaq. Belə presedentlər olmayıb və ola da bilməz”.
Şahramanyan Qarabağ xuntasının özünü buraxması haqqında “sənəd” imzaladı və Ermənistana gəldikdən sonra bundan imtina etməyə başladı. Bu, çox ermənisayağı bir addımdır və heç kim Şahramanyanı buna görə qınamır, amma onun imzaladığı kağız parçasının heç bir hüquqi qüvvəsi olmadığını aktiv şəkildə müzakirə edirlər.
Erməni revanşistlər böyük həvəslə inanırlar ki, Şahramanyanın imzaladığı “sənəd”dən imtina etməsi regionda vəziyyəti kökündən Qarabağ separatçılarının xeyrinə dəyişəcək. Sarqsyan Şahramanyanın “faydalı həll” tapacağına ümid etdiyi “Artsax”ı dünyada kim tanıyıb?
Hələ 2011-ci ilin avqustunda Sarqsyan gənclərə müraciət edərək onun nəslinin Qarabağı “fəth etdiyini”, gələcək nəsillərin isə “Araratı fəth etməli” olduğunu bəyan edərək, Ermənistanın Azərbaycan torpaqlarını işğal etdiyini və Türkiyəyə qarşı ərazi iddiaları olduğunu etiraf edib.
Dörd il sonra Sarqsyan öz sözlərinə inanaraq bildirdi ki, “Ermənistan deyəndə Qarabağın onun tərkib hissəsi olduğunu nəzərdə tutur”.
İndi isə o, məğlubiyyəti qəbul etməyərək, Azərbaycanla barışıq və dialoqa imkan verməyərək, yenidən erməni xalqını qurban verməyə hazırdır. Axı Ermənistan ərazisində separatçı strukturlar fəaliyyətini davam etdirsə, bu, Azərbaycana yeni müharibəyə başlamaq üçün əsas verəcək və bunun məsuliyyəti Şahramanyan və onun tərəfdarlarının üzərinə düşəcək.
Görünür, Sarqsyan yeni müharibəyə can atır, onun fikrincə, bu müharibədə Ermənistan qalib gəlməlidir. Məsələn, Bakının sülh müqaviləsinə revanşı istisna edən bəndin daxil edilməsi tələbini şərh edən Serjik qeyd edib ki, o, uzun illər şahmat oynayır və “qisas almaqda pis heç nə görmür”.
“Baş verənlər Azərbaycan üçün revanş idimi? Əgər belədirsə, onda niyə onlara olar, amma bizə yox? Doğrudanmı biz o yerə gəlib çatdıq ki, onlar hər şeyi edə bilərlər, amma biz heç nə edə bilmirik?”, - deyə Sarqsyan iddia edib.
Özünü görkəmli qrossmeyster kimi təsəvvür edən Serjik unudur ki, şahmat oyunlarına olan meyli 2018-ci ildə hakimiyyəti əldə saxlamağa kömək etməyib. Planlaşdırılan rokirovka uğursuz oldu, baxmayaraq ki, bunun üçün Konstitusiyanı da dəyişdirdi. İndi isə onun növbəti hərəkətlərini diqqətlə düşünərək, görürsən ki, özünü görkəmli şahmatçı kimi göstərmək cəhdləri əbəs və gülüncdür.
Həyat Sarqsyanı çoxdan mat edib. İndi o, açıq-aşkar uzaqgörməzliyinin, aşkar avantürizminin və hədsiz axmaqlığının bəhrəsini dadır. Erməni xalqını acı məğlubiyyət və uzun sürən sosial-iqtisadi böhrana, uçuruma sürükləyən Serjik hələ də qisas haqqında danışmağa cəsarət edir.
Sarqsyandan fərqli olaraq, istənilən ayıq başlı siyasətçi çox gözəl anlayır ki, Ermənistanın qisas cəhdləri bu ölkənin dünyanın siyasi xəritəsindən silinməsinə gətirib çıxara bilər. Sarqsyanın bütün siyasi fəaliyyəti göstərir ki, o, erməni xalqının maraqlarını dərindən düşünmür.
Onun Ermənistanda hakimiyyətdə olduğu illər terror, həbslər, təqiblər və irimiqyaslı korrupsiya dövrləri kimi yadda qalıb. Odur ki, “dahi şahmatçı” qisas xəyalındansa bu haqda danışsa, yaxşı olar...
Müəllif: Asif Aydınlı
ayna.az
İşğaldan azad edilən bütün ərazilərimizdə ermənilər tərəfindən viran qoyulmuş, illərlə araşdırılmamış tarixi adibələrdə əsrlərin sirləri yatır.
Ağdamda bərpası aparılan Qarabağ xanlarının “İmarəti”də bunlardan biridir.
Kompleksin bərpası zamanı ərazisinin yeni tarixi nümunələri aşkar olunur.
Daha ətraflı İTV-nin süjetində:
“Nikol Paşinyan son müsahibəsində açıq şəkildə bildirdi ki, Moskva Ermənistanı Azərbaycana hücuma məcbur edib və amma o, Rusiyanın tələbini yerinə yetirməyib”.
Bunu erməni politoloq Argişti Kiviryan deyib.
O bildirib ki, Paşinyan Azərbaycana Moskvaya qarşı istifadə edə biləcəyi alətlər verir.
“Ermənistan baş naziri Rusiyanın Bakıya təzyiq etmək imkanlarını zəiflədir. Sonra Paşinyan şikayət edir ki, Bakı Moskvanın tələblərinə əməl etmir. Rusiya bir neçə dəfə eyham vurub ki, Ermənistan öz davranışını dəyişməlidir ki, Moskva Azərbaycanla münasibətlərdə əlində olan vasitələrdən istifadə edə bilsin”, – deyə erməni ekspert əlavə edib. \\KONKRET.az
Dünən- dekabrın 27-də Ermənistanın terrorçu eks-prezidenti, Respublika partiyasının sədri Serjik Sərkisyanın sədrliyi ilə partiyanın icraedici orqanının növbəti iclası keçirilib.
Moderator.az xəbər verir ki, “Hraparak”ın yazdığına görə, bu barədə icra orqanının üzvü, Sərkisyanın lideri olduğu “Şərəf duyuram” siyasi blokunun parlamentdəki fraksiyasının sədri Hayk Mamicanyan öz “Facebook” səhifəsində məlumat yayıb.
“İclasda partiyanın icraedici orqanı üzvlərinin noyabr və dekabr aylarında partiyanın rayon təşkilatlarının fəalları və tərəfdarları ilə keçirdiyi görüşlərə yekun vurulub.
Prezident Sarkisyan Ermənistanın regionlarında və İrəvanda proqramların hazırlanması və həyata keçirilməsi üçün göstərişlər verib. Daxili siyasi və regional hadisələr də müzakirə edilib”, - deyə deputat qeyd edib.
Xatırladaq ki, 1988-ci ildən baş verən hadisə və proseslərin məntiqi və təhlili göstərir ki, digər Xocalı canisi və ümumiyyətlə, Qarabağ münaqişəsinin katalizatoru olan Robert Köçəryanla yanaşı, Serjik Sərkisyan da sovet dövründən bəri birbaşa sovet “KQB”-si tərəfindən yetişdirilmiş və Ermənistanın “müstəqillik” dövründə də Rusiya “FSB”-sinin(yəni daha sonra Putinin) əlinə veirlmiş və Güney Qafqazda Kremlin maraqlarına uyğun ssenarilərə uyğun oynayan marionet fiqurlardır... Onların hazrıkı əsas funksiyası Ermənistanda Paşinyanın başçılıq etdiyi Qərbyönümlü hakimiyyətin devrilməsinə və birbaşa Moskvadan idarə olunan yeni hakimiyyət qurmaq və lazım gələrsə, Azərbaycanla yeni müharibəyə hazır olmaqdır...
Azərbaycan Respublikasının Prezidenti İlham Əliyevin tapşırığına uyğun olaraq, yenidən qurulan Laçın şəhərinə keçmiş məcburi köçkünlərin qayıdışı davam edir.
Oxu.Az xəbər verir ki, dekabrın 28-də daha 25 ailə - 80 nəfər doğma yurduna köçürülür.
Bunlardan 13 ailə (38 nəfər) Bakı şəhərində, beş ailə (17 nəfər) Bərdə rayonunda, beş ailə (15 nəfər) Sumqayıt şəhərində, iki ailə (10 nəfər) Abşeron rayonunda məskunlaşmışdı.
Bakı və Sumqayıt şəhərlərindən, Abşeron rayonundan köçürülən 20 ailə (63 nəfər) Qaradağ rayonunda məcburi köçkünlər üçün tikilmiş “Qobu Park-3” yaşayış kompleksindən yola salınıb.
Bərdə rayonunda yaşayan beş ailə (17 nəfər) isə məskunlaşdıqları ərazidən yola salınacaq və Horadiz şəhərində köç karvanına qoşulacaq.
Beləliklə, bu gün doğma yurdlarına yola düşən keçmiş məcburi köçkünlər də nəzərə alınmaqla Laçın şəhərində 408 ailənin (1 555 nəfər) daimi məskunlaşması təmin edilib.
Qeyd edək ki, bu, 2023-cü ilin son köç karvanıdır. Keçmiş məcburi köçkünlərin doğma yurdlarına qayıtması prosesi 2024-cü ildə də davam etdiriləcək.
İşğaldan azad edilmiş Şuşa şəhərindən yeni görüntülər yayılıb.
Oxu.Az xəbər verir ki, bu barədə görüntülər İTV-nin efirində yayımlanıb.
Belə ki, kadrlarda Şuşanın məşhur “Şirinsu hamamı”nı görmək mümkündür.
Hazırda isə ermənilərin dağıtdığı abidədə təmir-bərpa işləri aparılır.
Ətraflı süjetdə:
Ermənistanda hakim partiya Qarabağ separatçılarının son lideri Samvel Şahramanyanın 28 sentyabr fərmanını ləğv etməsinə dair xəbərin ardınca onu kəskin tənqid edib.
Şahramanyan Azərbaycanın Qarabağda keçirdiyi 19-20 sentyabr əməliyyatından bir həftə sonra mümkün hərbi toqquşmaların dayandırılması üçün qondarma “Artsax respublikası” və onun “müdafiə ordusunun” 2024-cü il yanvarın 1-dən buraxılacağına dair fərman imzalamışdı.
AzadlıqRadiosunun Erməni xidməti – Azatutyun xatırladır ki, Qarabağın demək olar bütün erməni əhalisi 19-20 sentyabr əməliyyatının ardınca bölgəni tərk edib.
Şahramanyanın “müşaviri” kimi təqdim olunan Vladimir Qriqoryan ötən cümə günü demişdi ki, separatçı liderin oktyabrın 19-da imzaladığı daha bir “fərman” onun 28 sentyabr fərmanını qüvvədən salıb.
19 oktyabr tarixli “fərmanda” deyilirdi ki, qondarma respublikanın bütün hakimiyyət orqanları, “dövlət naziri”, “hökumət üzvləri”, “parlament”, “hüquq-mühafizə orqanları”, habelə Xankəndinin meri fəaliyyətlərini ictimai əsaslarla, yəni maaşsız, davam etdirirlər.
Şahramanyan dekabrın 22-də başqa separatçı “liderlərlə” görüşərək onlara bildirib ki, “Artsax respublikasını” “hüquqi çərçivədə ləğv edən heç bir sənəd mövcud deyil”.
Azadlıq radiosu
Prezident İlham Əliyevin tapşırığına uyğun olaraq, Laçın rayonunun Zabux kəndinə növbəti köç karvanı yola salınıb.
“Report” xəbər verir ki, respublikanın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət növbəti köç karvanı dekabrın 25-də Bakı şəhərinin Qaradağ rayonundan yola salınıb. Bu mərhələdə Zabux kəndinə daha 27 ailə - 95 nəfər köçürülür.
Prezident, müzəffər Ali Baş Komandan İlham Əliyevin rəhbərliyi ilə rəşadətli Azərbaycan ordusunun qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb. Doğma yurda qayıdan Zabux sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya təşəkkür ediblər.
Onlar, həmçinin, torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, ailələrinə səbr diləyiblər.
Xatırladaq ki, indiyədək Zabux kəndində 203 ailənin, yəni 783 nəfərin daimi məskunlaşması təmin edilib.
“Qarabağ” futbol klubu Xankəndidə keçirilmiş tarixi oyun haqqında video hazırlayıb.
“Biz qayıtdıq! Xankəndidə tarixi oyun!” sərlövhəli material dekabrın 21-i Azərbaycan Kubokunun 1/8 final mərhələsinin Xankəndi şəhər stadionunda keçirilmiş “Qarabağ” – MOİK matçına həsr olunub.
Xatırladaq ki, oyun Ağdam təmsilçisinin 1:0 hesablı qələbəsilə yekunlaşıb.
Həmin videonu təqdim edirik:
Samvel Şahramanyan qondarma “artsax” rejimini buraxması barədəki “fərman”ını ləğv etməsi nə gözlənilməzdir, nə də fövqəladə əhəmiyyət daşıyan bir hadisədir.
Hələ bu ləğv qərarı çox gecikib, əslində o, bunu 2023-cü ilin oktyabr ayının əvvəlində, paçasını Azərbaycanın hüquq-mühafizə orqanlarının əlindən birtəhər qurtarıb Ermənistan tərəfə adlayandan bir az sonra etməliydi, deməliydi ki, buraxılma qərarını verərkən başıma silah dayamışdılar, yoxsa verməzdim.
Aydın məsələydi ki, Şahramanyan bu ilin sentyabr ayının 28-də həmin fərmanı həm acı (ermənilər üçün) gerçəkliklə üzləşdiyindən, həm də öz canını qurtarmaq istədiyindən vermişdi. Necə deyərlər, başqa variantı yox idi. O, sadəcə reallığı konstatasiya etmişdi. Bunun nəticəsində sələfləri Arutyunyan, Saakyan, Qukasyan kimi ənsələnərək Bakıya gətirilmədi, Azərbaycana xidmət göstərdi, buna görə də öz “mükafat”ını aldı.
Həm də bu təkcə Azərbaycana xidmət deyildi, o fərman olmasaydı, şərəfisiz məğlubiyyəti həzm edə bilməyən, üzə düşərək dağdakı kahalarda, meşələrdəki qazma bunkerlərdə gizlənən separatçı erməni quldurlar müqaviməti qısa müddətliyə olsa da, davam etdirəcək, sonda məhv ediləcəkdilər. Şahramanyan öz fərmanıyla onların da həyatını xilas etdi.
Hazırda isə gərginlik azalıb, təlaş-təşviş səngiyib, can qorxusu çəkilib, indi Qarabağ erməniləri də, İrəvandakı revanşistlər də özlərini təhlükəsizlikdə hiss edirlər və həmişəki kimi diş altındakı iştahları qabarır, beyinləri çönür.
2020-ci ilin bu vaxtları da elə olmuşdu. Ermənilərin başbilənləri olan-qalan erməni ordusunu darmadağından, kütləvi əsir düşmək perspektivindən xilas etmək üçün tez-tələsik kapitulyasiya aktına imza atmışdılar, can hövlündən heç kəs etiraz etməmişdi, üstündən bir ay keçəndən sonra İrəvanda haray-həşir qoparmışdılar ki, biz niyə təslim olduq. Təslim olmamaq lüksünüz vardımı? Yox idi. Amma atəşkəs sazişi imzalanandan, hərbi hissələr darmadağın olmaqdan qurtulandan sonra barıt iyi, dron səsi çəkilmiş səmaya baxaraq “yox, biz mövcuduq, iddiamızdan da geri durmuruq” demək asan idi. Ermənilər məhz belə etdilər, düz üç il boyunca özlərini elə apardılar ki, sanki bu qədər itki verməyiblər, ağır məğlubiyyətə uğramayıblar, hər şeyi sıfırdan başlamaq gücündədirlər. Nəticədə 23 saatlıq lokal antiterror əməliyyat keçirilməsini haqq etdilər, “revanş”ları da o oldu ki, əməliyyatın 24 saatınının tamam olmasını gözləmədən ağ bayraq qaldırdılar.
Hazırda onlar yenə də köhnə təfəkkürdədirlər, yenə elə hesab edirlər ki, heç də hər şey itirilməyib, toparlana, itirdiklərini geri qaytara bilərlər.
Samvel Şahramanyan 28 sentyabrda imzaladğı “artsax”ın buraxılması haqqında “fərman”ı ləğv edən “fərman”ını ortaya çıxaran məhz bu düşüncədir. Söz yox, “Züleyxaya dil verən”lər də var. Onlara deyiblər ki, mübarizədən vaz keçməyin, iddianızdan geri durmayın, biz də sizə dəstək olacağıq. Ona görə də indi ermənilər qondarma qurumu öz aləmlərində bərpa edirlər. Amma harada? İrəvanda.
Qarabağ ermənilər bu fərmanla öz ayaqlarına balta vurduqlarının fərqində deyillər. Əgər ermənilərin geriyə, Xankəndiyə qayıtmaq ehtimalları vardısa, separatçı qurumun bərpasını elan edərək özlərini bundan məhrum edirlər. Artıq Azərbaycan dövlətinin haqqı yaranır ki, ölkənin ərazi bütövlüyünü şübhə altına alan, onu parçalamağa çalışan qüvvələri ölkənin daxilinə qəbul etməsin. Hansı ölkə imkan verər ki, xaricdən separatçılar gəlsin və ölkənin bir hissəsində separatizm ocağı yaratsın?
Bu, ağlabatan söhbət deyil. Ermənilər geri qayıtmaq istəyirlərsə, hər cür qanunsuz iddialarından vaz keçməli, Azərbaycan vətəndaşı olmağı qəbul etməlidirlər. Bu saatdan sonra heç kəs onlara gəlib Qarabağda yerləşmək, təzədən Bakıya itaət etməmək şansı verməyəcək. Bu iş bitib.
Şahramanyanın şəxsinə gəldikdə, bu gün ona təklif etsələr ki, yaxşı, əshabələrini də götür, gəl, Xankəndidə yaşa, gəlməz. Adam verdiyi sözə xilaf çıxdığının fərqindədir, bilir ki, dövlət məsələlərində yalnız bir dəfə namərdlik etmək olar, heç kəsə ikinci şans tanımır və əfv etmirlər./Musavat.com