Ermənistanın Baş naziri Nikol Paşinyanın həyat yoldaşı Anna Akopyan Qarabağ ermənilərini azyaşlı uşaqlardan siyasi məqsədlər üçün sui-istifadə etməkdə suçlayıb.

“Report” xəbər verir ki, bu barədə A.Akopyan feysbukda gileylənib.

“2020-ci il dekabrın 25-də Ermənistan KİV-də bu başlıqlı materiallarla dolmuşdu: “Xankəndində qalmaqal. Qarabağ sakinlərinin xahişi ilə Anna Akopyanın fondu tərəfindən quraşdırılan çadırlar və milad yolkası sökülüb”.

Həqiqətən də, yolka və uşaq pavilyonlarını sökdülər, tədbir ləğv olundu. Kiçik qəlblərinə müharibənin bütün qəddarlıqlarını sığdıran uşaqlara üçgünlük də olsa acı həqiqətdən qopmağa qoymadılar. Böyüklər, anladığınız kimi, qəlbsizdir. Özü də onlardan bu heç tələb də olunmurdu”, - ixtisasca jurnalist olan A.Akopyan qeyd edib.

O vurğulayıb ki, təşkil olunmuş tədbir böyüklər üçün deyildi: “Onlar nə plastilindən evciklər qurmalı, nə kimyəvi təcrübələr aparmalı, nə də nağıllar danışmalı idilər”.

Baş nazirin həyat yoldaşı bildirib ki, heç bir konsertin planlaşdırılmamasına baxmayaraq, Qarabağ erməniləri uşaqlara qarşı eqoistcə davranıb:

“Qısası, böyüklərin uşaqlara qarşı daha eqoist davranışı ola bilməzdi. Ancaq, görünür, bu sadəcə başlanğıc idi. İndi də həmin böyüklər eyni uşaqların əlinə ürəkağrıdan yazılar verir, yolkaların qarşısına qoyur, şəkil çəkdirirlər. Onlar uşaqlara kədərli mətnləri əzbərlədir və videolar çəkir, onların iştirakı ilə müxtəlif aksiyalar təşkil edir və mərhəmət hissini oyatmaq və çadırları sökmək üçün dünyanın hər yerinə aparırlar”.

A.Akopyanın sözlərinə görə, valideynlər 3, 4, 5 yaşlı övladlarına siyasi mövzulu daxil olmaqla müxtəlif mətnlər əzbərləməyə məcbur edirlər:

“Uşaqların ərazi məsələlərindən başı çıxmır və suallar isə mütləq ortaya çıxacaq. Onlar heç vaxt başa düşməyəcəklər ki, Xankəndinin mərkəzində onlar üçün qurulmuş çadırlar necə oldu ki, atalar və anaları tərəfindən bu qədər asanlıqla söküldü. Bu sual, şübhəsiz ki, böyüklərə ünvanlanacaq və çətin ki, təsəlliverici cavab tapa biləcəklər”.

Paylaşımın sonunda Baş nazirin həyat yoldaşı Qarabağ ermənilərinə müraciət edib:

Nə vaxtsa uşaqların, 18-20 yaşlı əsgərlərin arxasında gizlənməyə son qoymalıyıq. Və o gün nə qədər tez gəlsə, faciələrimiz bir o qədər tez bitəcək”.

Ali təhsil naziri vəzifəsini icra edən Neda Məhəmməd Nadim İslam Əmirliyi tərəfindən planlaşdırılan bəzi «islahatların» son 16 ayda ali təhsil sektorunda həyata keçirilmədiyini bildirib.

“Tolo news” xəbər verir ki, N.M. Nadim qız tələbələr üçün universitetlərin bağlanmasının dörd səbəbini açıqlayıb. O, deyib ki, qadınların yataqxanalarda qalması, əyalətlərdən kişilərin müşayiəti olmadan gəlməsi, tələbələrin hicaba riayət etməməsi, birgə təhsilin davam etməsi, qızlar üçün İslam qanunlarına və əfqan qüruruna zidd olan bəzi fakültələrin fəaliyyət göstərməsi universitetlərin bağlanmasına dəlalət yaradıb: “Mövcud kurrikuluma ən azı 160 sahə daxildir. Qadınların ləyaqəti, qüruru və əfqan mədəniyyəti ilə ziddiyyət təşkil edən bəzi sahələr var idi. Mühəndislik və kənd təsərrüfatı onların bir hissəsidir”.

N.M.Nadim bildirib ki, İslam Əmirliyi şəriət qanunlarına əsaslanaraq qadınların hüquqlarına sadiqdir.

Qadınların ali təhsilinin dayandırılması ilə bağlı müxtəlif reaksiyalara cavab olaraq Nadim deyib ki, beynəlxalq ictimaiyyət Əfqanıstanın daxili işlərinə qarışmamalıdır: “Biz onları daxili işlərimizə qarışmamağa çağırırıq. Onlar bir tərəfdən bacılarımızın hüquqlarını təmin etməyə çağırır, digər tərəfdən isə ölkədəki müsəlmanlara məhdudiyyətlər qoyurlar”.

Qeyd edək ki, çərşənbə axşamı Ali Təhsil Nazirliyi bəyanat verərək dövlət və özəl qurumlara növbəti xəbərdarlığa qədər qız tələbələr üçün dərsləri dayandırmağı əmr edib.

Şəki Ağır Cinayətlər Məhkəməsində xüsusi amansızlıqla törədilən qətlin sifarişçisi və killerinin məhkəməsi yekunlaşıb.
Qəbələ rayon sakini Ürfanə Nəbiyeva sevgilisinin arvadının öldürülməsini rəfiqəsinə sifariş verib.
Hadisə bu ilin mart ayının 5-də qeydə alınıb. Qətl Qəbələnin Zarağan kəndinin “hərbi şəhərcik” adlandırılan ərazisindəki binada törədilib.
Ətraflı videomaterialda izləyə bilərsiniz:

Avstraliyada dörd yaşlı qız oyun avtomatından yumşaq oyuncaq çıxarmaq istəyərkən orada ilişib qalıb.

Məlumata görə, qızcığaz böyük bacısının məsləhətinə qulaq asaraq maşından oyuncaq ayı götürməyə qərar verib, lakin onun sözlərini səhv başa düşüb: mükafatını almaq üçün özü qutuya girib, lakin geri çıxa bilməyib.


Qızının düşdüyü vəziyyət görənlərdə, o cümlədən anasında gülüş yaradıb.

Uşağın atası dərhal köməyə gəlib və azad olmaq üçün ona nə etməli olduğunu deməyə başlayıb. Qızcığaz xəsarət almadan oradan çıxa bilib.

“Həyat yoldaşım dülgərdir, ona görə də dəqiq bilirdim ki, onu çıxaracaq. Mən isə gülür və olanları videoya çəkirdim. Bu, onun 18-ci ad günü üçün əla hekayə olacaq”, - deyə ana baş verənləri şərh edib.

O, hər cür köməklik göstərməyə çalışan ticarət mərkəzinin əməkdaşlarına da təşəkkür edib.





Mənbə: MSN

İranda hicabsızlığa qarşı saxta aksiya keçirilib.

Bu barədə “Azad İran” “Telegram” kanalında məlumat verilib.

Bildirilib ki, görüntüləri sosial şəbəkələrdə paylaşan xanım hadisənin Qum şəhərində baş verdiyini qeyd edib:

“Bir qrup axmaq və yanlarında da pozğunlar burada guya hicabsızlığa qarşı aksiya keçirirlər. Rəhbərin ofisinin siğəlikləridir”.

İsveç parlamentinin azərbaycanlı deputatı Aylin Fazelian video formatda öz ana dilində mənfur İran rejimini sərt tənqid edib.

Bu barədə “Azad İran” “Telegram” kanalı məlumat yayıb.
Ətraflı

Qeyd edək ki, Aylin Güney Azərbaycan davasının tanınmış simalarından olan Mahmud Bilginin qızıdır.

Həmin görüntüləri təqdim edirik:

Üçüncü dəfə ana olan dünya şöhrətli model Adriana Lima tanınmaz hala düşüb.

Publika.az xarici mediaya istinadən xəbər verir ki, hamiləliyi boyu qarnı açıq paltarlarda gəzən podium ulduzunun uzun müddət görünməsinin səbəbi məlum olub. Bildirilir ki, sevgilisi Andre Lemmersdən oğlu olan Adriana doğuşdan sonra artıq çəkilərini ata bilməyib.

Əvvəlki çəkisinə qayıtmasa da, braziliyalı gözəl keçən həftə "Qatar Fashion United by CR Runway" şousunda iştirak edib. Şou 2022 FIFA Dünya Çempionatı çərçivəsində Qətərdə keçirilib. Adriana Limanın şouda çəkilən fotoları internetdə böyük müzakirələrə səbəb olub. Adriana Lima podiuma qapalı ağ libasda və minimum makiyajda çıxıb, saçları isə arxaya toplayıb. İstənilən halda artıq çəkiləri modeli tanınmaz hala salıb. İndiyə qədər o, bu barədə heç bir şərh verməyib.

Yeri gəlmişkən, modelin 41 yaşı tamam olduğu üçün o, modellik karyerasını artıq başa vurmuş hesab olunur.

İranda məşhur aktrisa Təranə Əlidusti həbs edilib.

Mövzu ilə bağlı “Azad İran” “Telegram” kanalı süjet hazırlayıb.

İranda hazırkı xalq etirazlarının özəlliklərindən biri də onun lap başdan ölkənin bir çox tanınmış simaları tərəfindən dəstəklənməsidir.

Etirazlar genişləndikcə xalqın haqq səsinə səs verən sənət adamlarının, eləcə də idmançıların sayı artmaqda davam edib. Bunlardan biri də təkcə İranda deyil, dünya miqyasında tanınmış aktrisa Təranə Əlidusti olub.

Aktrisa etirazçı qadınlarla həmrəylik nümayiş etdirərək, hicabını atıb və buna görə rəsmi “Keyhan” qəzetinin xüsusi qəzəbinə tuş gəlib.

Bir neçə gün bundan öncə 23 yaşlı gənc Mohsen Şekarinin etirazlarda iştirakına görə edam olunmasına Təranə Əlidusti belə münasibət bildirib:

“İndi oturun və bu qaniçənliyin nəticələrini gözləyin”.

Bu cür mövqeyinə görə dekabrın 17-də İran təhlükəsizlik orqanları aktrisanın evinə basqın edərək onu azyaşlı qızının gözü qarşısında həbs edib, həmçinin mənzildə axtarış aparıb və bəzi əşyaları özləri ilə götürüblər.

“Sepah”a bağlı “Təsnim” agentliyinin yazdığına görə, Təranə Əlidusti yalan və təhrif olunmuş məlumatlar yaymaqda, vətəndaşları iğtişaşlara təhrik etməkdə və anti-İran qüvvələri dəstəkləməkdə ittiham olunur.

Daha ətraflı süjetdə: