Türkiyədə cəmiyyətin məşhur simalarından Aslı Çetiner və iş adamı Tahsin Çiftkurtun 24 yaşlı qızı Leyla Çiftkurt İngiltərənin paytaxtı Londondakı evində ölü tapılıb.

Leyla Çiftkurtun Londonda universitet tələbəsi olduğu bildirilir.

Aslı Çetiner iki gün Leyladan xəbər ala bilməyib və Londonda təhsil aldığı universitetlə əlaqə saxlayıb. Universitetdən Leylanın dərslərə gəlmədiyi bildirilib. Bu halda Çetiner qızının dostlarından kömək istəyib.

Leylanın dostları polisin müşayiəti ilə onun evinə daxil olduqda şok yaşayıblar. Leyla öz evində ölü tapılıb.

Aslı Çetiner Londona uçub. Polis hələ ki Leylanın müəmmalı ölümü ilə bağlı açıqlama verməyib. Lakin onun intihar edə biləcəyi ilə bağlı xəbərlər yayılıb.

Polşada əmisinin zorladığı 14 yaşlı qız abortdan imtina edib.

Lent.az xəbər verir ki, bununla bağlı “Qadınlar və Ailə Planlaşdırılması üzrə qeyri-hökumət fondu”nun nümayəndələri “Facebook”da paylaşım ediblər.

Təşkilat məktəbli qızın bibisinin kömək üçün fonda müraciət etdiyini bildirib. Onun sözlərinə görə, əmisi ona təcavüz etdikdən sonra bacısı qızı hamilə qalıb. Əqli geriliyi diaqnozu qoyulan zərərçəkmiş zorlama hadisəsi barədə heç kimə heç nə deməyib və hamilə olduğunun fərqinə varmayıb.
Polşada zorlama qurbanlarının hamiləliyin cinayətdən sonra baş verdiyinə dair sübutu varsa, hamiləliyi 12 həftəyə qədər pozmağa icazə verilir. Bunun üçün qızın qohumu prokurorluğa şikayət edib. Bununla belə, şəhərdəki yerli xəstəxanaların həkimləri onu abort etməkdən imtina ediblər.

Bundan başqa, məlum olub ki, bibisi qıza qarşı qəddarcasına və qeyri-insani rəftar edildiyini etiraf edib.

Qeyd edək ki, fond nümayəndələri artıq hamiləliyin pozulduğunu və əməliyyatın Varşavada gerçəkləşdiyini deyiblər.

50 yaşlı Stefan Mattias Tailanddan olan 27 yaşlı sevgilisi Veeranuş Buthinkonqla eşq yaşayıb.

Lent.az xarici KİV-ə istinadən xəbər verir ki, cütlük təxminən iki il əvvəl sosial şəbəkədə tanış olub və müntəzəm yazışmağa başlayıb.

Bir müddət sonra hər gün bir-birinə zəng etməyə başlayıblar. Kişi isveçli sevgilisinə onu Avropaya gətirəcəyini və daha yaxşı həyat yaşadacağını deyib.
O, işdən məzuniyyət götürərək Tailanda uçub və orada qadının Royet əyalətindəki evinə qonaq gedib. Cütlük birlikdə yaşamağa qərar verərək qohumlarının xeyir-duası ilə birlikdə İsveçə uçmağı planlaşdırıblar.

Tailanda gəldikdən beş gün sonra Mattias sevgilisinin ailəsinə məxsus motosikleti sürmək qərarına gəlib. O, ətrafa baxış keçirməyə gedərkən idarəetməni itirərək xəndəyə düşüb. Sağ ayağından və başından dərin yaralanan şəxsin boynu da sınıb və hadisə yerində ölüb.

Kədərlənən qadın sevgilisinin ölü bədəninin üstündə göz yaşlarına boğulub:

"Qəlbim sınıb. Sevgilim burada cəmi beş gün keçirdi. İndi onsuz heç nəyim yoxdur. Mən ondan ehtiyatlı sürməsini xahiş etdim. Onun bu qədər tez öldüyünə inana bilmirəm, şokdayam”, - o bildirib.

Pikenin yeni sevgilisi Klara Çia media tərəfindən özünə qarşı olan təzyiqlərə dözə bilməyib.

Şakiranın da təsiri ilə medianın onunla bağlı paylaşımlarına tab gətirə bilməyən Klara psixoloji sarsıntı keçirib və xəstəxanaya yerləşdirilib.

Çianın Barselonada yerləşən Quironsalud xəstəxanasında müalicə aldığı məlum olub.

23 yaşlı Çia Pike ilə münasibəti üzə çıxdıqdan sonra medianın diqqət mərkəzində olub.

Pike bu yaxınlarda ilk dəfə “Instagram” hesabında Çia ilə şəklini paylaşdıqdan sonra isə sosial mediada bununla bağlı ağır şərhlər verilib. Çia, hətta bir çox insan tərəfindən təhqir olunub.

Bu təzyiqləri həzm edə bilməyən gənc qadın psixoloji sarsıntı keçirib.



Mənbə: Haber Global

Bakının Xətai rayonunda bədbəxt hadisə zamanı gənc qız ölüb.

APA xəbər verir ki, hadisə Naximov küçəsi 37 ünvanında qeydə alınıb.

Belə ki, 2003-cü il təvəllüdlü Məmmədova Aytən Xalid qızı yaşadığı binanın 4-cü mərtəbəsindəki mənzilin eyvanından yıxılıb.

O, aldığı xəsarətlərdən yerində ölüb.

Olimpiya Oyunlarının ən yaşlı iştirakçısı uruqvaylı Feliks Cienra 107 yaşında vəfat edib.

Demokrat.az xarici mətbuata istinadən bildirir ki, bu barədə "Welt"şirkəti məlumat yayıb.

Məlumata görə, Feliks 1948-ci ildə Londonda keçirilən Yay Olimpiya Oyunlarının iştirakçısı olub.

Feliks yelkən və atlet yarışlarında qabaqcıl yerləri tutub.

Keçmiş idmançı olimpiadanın ən yaşlı iştirakçısı olub.

Hazırda isə ən yaşlı iştirakçı alman atlısı Ulili Büsinqdir. Onun 101 yaşı var.

“Həyat yoldaşım “Hüseyniyyun” terror təşkilatının üzvü olub”. Yenicag.az xəbər verir ki, “İran Today” siyasi internet qəzeti bu açıqlamanı Azərbaycanın İrandakı səfirliyinə terror hücumu təşkil edən Yasin Hüseynzadənin həyat yoldaşına istinadən yayıb.

Həyat yoldaşının sözlərinə görə, Y.Hüseynzadə İnqilab Keşikçilərindəndir və Qasim Süleymaninin başçılığı altında Suriyada Bəşər Əsəd tərəfində döyüşüb: “Süleymaninin azərbaycanlılardan ibarət radikal şiə qrupu olan “Hüseyniyyun”unda üzvüdür və onun öldürməklə bağlı tərəddütü yoxdur. Qarşısı alınmasaydı, səfirlikdə böyük-kiçik hər kəsi öldürərdi”.

Qeyd edək ki, terrorçunun qızı da hadisədən on gün öncə anası ilə danışdığını bildirib. Bu isə bir daha fars mediasının terror hadisəsini məişət problemi kimi qələmə vermək cəhdini çürütməkdədir.

Türkiyə Futbol Federasiyası (TFF) Mərkəzi Hakimlər Komitəsinə (MHK) yeni sədr seçilib.

APA qurumun rəsmi saytına istinadla xəbər verir ki, Lalə Orta MHK-ya yeni sədr təyin edilib.

Onu da qeyd edək ki, Lalə Orta Türkiyənin ilk qadın məşqçisi, ölkənin ilk FİFA dərəcəli qadın hakimi olub.

Türkiyənin məşhur etnoloq, yazıçı və kolleksiyaçısı Sabiha Tansuğ 88 yaşında vəfat edib.

İki kitabı, 200-dən çox məqaləsi və bir çox mükafatı olan tanınmış etnoloq Sabiha Tansuğ uşaq vaxtlarından anasının tikdiyi “Eğribaş gəlin başlığı”na məhəbbəti ilə həyatına yön verib.

1963-cü ildə Avropaya səfəri zamanı gördüyü geyim muzeylərindən təsirlənən etnoloq özü də ölkəsinin adət-ənənəsini dünyaya tanıtmaq qərarına gəlib. Bu məqsədlə Anadolunun hər qarışını gəzib, adət-ənənələrini öyrənib və qadın başlıqları toplamağa başlayıb. Onun kolleksiyası zamanla minlərlə baş örtüyünə çatıb. Sonda isə topladıqları ilə İstanbulda sərgi açıb və bu sərgisini dünyanın bir çox ölkələrində nümayiş etdirib.

1968-ci ildə dövrün zərbxana müdirinin təklifi ilə Tansuğ “Ankaralı gəlin” obrazında şəkil çəkdirib. Həmin şəkil 1971-ci ildə 50 qəpiklər üçün zərb edilib. Beləliklə o, dünyada sadə vətəndaşlar arasında pulun üzərinə şəkli basılan ilk qadın olub.









Mənbə: CNN

Abşeronda 28 yaşlı qız evdə ölü tapılıb.

Redaktor.az xəbər verir ki, Güzdək qəsəbə sakini, 1995-ci il təvəllüdlü Səbirə Bədəlova yaşadığı evin həyətində asılı vəziyyətdə aşkarlanıb.

Faktla bağlı araşdırma aparılır.