Dövlətlər və imperiyalar formalaşdıran, öz ixtiraları ilə bəşəriyyət tarixində dönüş yaradan qadınlar əsrlər boyu dünya tarixinin taleyini dəyişməkdə davam edirlər.

lent.az tarixin ən nüfuzlu qadınlarından bəzilərini təqdim edir:

Kösem Sultan

I Əhmədin həyat yoldaşı Kösəm Sultan oğlu IV. Muradın dövründə dövlət işlərində söz sahibi idi. Oğlu İbrahim taxta çıxanda qüdrəti daha da artdı. Kösəm Sultan 30 ilə yaxın dövlətin inzibati hakimiyyətini öz əlində saxladı.

Kleopatra

O, gözəlliyi, ambisiyası və zəkası sayəsində tarixin ən tanınmış qadın hökmdarlarından biridir. Əslən Yunanıstandan olan Kleopatra eramızdan əvvəl 69-cu ildə İsgəndəriyyədə anadan olub.

Çox ağıllı qadın olan Kleopatra 9 dil bilirdi. Bu dillərə yunan, ərəb, ibrani, həbəş və fars daxil idi. Kleopatra romalı general, dövlət xadimi Mark Antoni və Yuli Sezar ilə romantik münasibəti ilə tanınır. Bununla belə, yaşadığı hər münasibətdən sonra o, Ptolemey sülaləsinin hökmdarlarından qat-qat güclü oldu.

Kleopatra tarixdə bir çox dilləri mükəmməl bilməsi, cəlbedici və təsirli diplomat olması ilə tanınır.

Mariya Curiye

Fizika üzrə Nobel mükafatını alan ilk qadın Mariya Curiye həm də kimya üzrə Nobel mükafatına layiq görülüb. O, tarixdə iki dəfə Nobel mükafatına layiq görülən ilk şəxsdir.

Polonium və Radiumu kəşf edən Mariya Curiye radiumun kəşfi ilə böyük şöhrət qazandı. Çünki radium tibbdə xərçəngin müalicəsində istifadə oluna bilərdi. O, elm aləmində kişi hökmranlığı ilə mübarizə aparırdı. Mariyae Curiye həddindən artıq radiasiyaya məruz qalması nəticəsində qan xərçənginə tutuldu və tarixdə “elm üçün ölən qadın” adlandırıldı.

Kiyev kraliçası Olqa

Tarixin ən qanlı qisasına imza atan Olqa qadının nə qədər qəddar ola biləcəyini üzə çıxarıb. Olqa Kiyev Knyazlığının başçısı olan I İqorla evlənib və Svyatoslav adlı oğlu dünyaya gəlib.

I İqorun dövründə Drevlian Şərqi Slavyan tayfası vergi ödəmək istəmədiklərini bildirərək üsyana başladılar. Bundan sonra Drevlian qəbiləsinə ekspedisiya təşkil edən I İqor tayfanı vergi ödəməyə razı saldı. Lakin sonradan I İqor Drevlian qəbiləsindən daha çox vergi tələb edir və yenidən yola düşür. Bundan sonra Drevlian qəbiləsi I İqoru işgəncə ilə öldürdü.

Bu xəbəri eşidən Olqa qisas almağa and içir. Oğlunun cəmi 3 yaşı olduğu üçün Olqa dövlət adamları ilə birlikdə idarəçiliyi öz üzərinə götürür. Drevlian şahzadəsi Olqaya onunla evlənmək təklifi göndərir. Bu təklifi fürsət kimi qəbul edən Olqa gələn səfirlərdən gəmidə qalmağı xahiş edir və səfirləri diri-diri basdırır.

Olqa daha sonra xəbərsiz Drevlian şahzadəsindən onun təklifini qəbul etdiyini, lakin Drevlian zadəganlarının ora çatması üçün onu müşayiət etdiyini soruşur. Drevlian knyazı bu təklifi qəbul edir və ən sayılıb-seçilən zadəganları Olqaya göndərir. Olqa zadəganları hamamda çimmək üçün göndərir və onları diri-diri yandırır.

Bütün bunlarla kifayətlənməyən Olqa drevlilərin yanına gedərək yas yeməyi təşkil edir və onlar arasında qanlı müharibəyə son qoymağı təklif edir. Yemək zamanı Olqa əsgərlərinə spirtli içki içməməyi əmr edir və 5000 sərxoş Drevlialını qılıncla öldürtdürür.

Olqa Kiyevə qayıtdıqdan sonra Drevlyalılar elçilər göndərərək deyirlər ki, taxtdan əl çəkiblər və istəsələr vergi ödəyəcəklər. Olqa səfirlərə vergi istəmədiyini, sülh simvolu olaraq hər evdən 3 göyərçin və sərçə istədiyini bildirir. Sülhdən sevinən Drevlyalılar quşları yola salır, lakin Olqa quşların ayağına alovlu parçalar bağlayaraq, geri göndərir. Göyərçinlər gəldikləri yerə qayıdır və bütün evləri yandırırlar. Drevlilərin əksəriyyəti yandırılaraq öldürülsə də, qaçanlar qul olurlar və ya əsgərlər tərəfindən öldürülürlər.

Birinci Yelizaveta

Ömrü boyu döyüşmək məcburiyyətində qalan Yelizaveta tac taxanda Avropada din müharibələri gedirdi. Çətin zamanda ölkəsini böyük məsuliyyətlə idarə edən Yelizaveta bir çox sui-qəsdlərə məruz qalıb.

Yüksək intellektli bir qadın olan Kraliça Yelizaveta kişilərin dominant olduğu bir dünyada uzun illər padşahlıq etdi. Ömründə heç vaxt evlənməmiş kraliça Yelizaveta taxt-tacın gücünü sarsıtmaq istəmirdi. O, katoliklər və protestantlarla bağlı məzhəb müharibələrini qızışdırmaq üçün hərəkət etməyib.

Tomris Xatun

Tomris Hatun tarixdə tanınan ilk türk qadın hökmdarıdır. Onun eramızdan əvvəl VI əsrdə yaşadığı məlumdur. O, böyük Saka hökmdarı Alp Ər Tunqanın nəvəsi kimi tanınır. Tomris farsların Əhəməni imperiyası ilə böyük mübarizəyə girdi. Dinc bir quruluşa əhəmiyyət verən Tomris Hatun, fars imperatoru Böyük Kirlə vuruşaraq farsları məğlub etdi.

Kraliça Viktoriya

64 illik hakimiyyəti dövründə o, millətinin sənaye, sosial və ərazi ekspansiyasını təşkil etdi. Avropanın monarxiyaya baxışını dəyişdirən lider kimi tanındı. Kraliça Viktoriya ilə İngiltərədə çox şey dəyişdi.

Sumqayıt şəhərində 1986-cı il təvəllüdlü Samir münaqişə zəminində həyat yoldaşı Vüsaləyə (adlar şərti verilib – red.) xəsarət yetirib.

Hadisə Sumqayıt şəhəri, Novxanı bağlar massivindəki fərdi bağ evində baş verib.

Samir həmin evdə şəxsi münasibətlər zəminində aralarında baş vermiş mübahisə zamanı əl və yumruqla qeyri rəsmi həyat yoldaşı Vüsalənin başına, bədəninə, sonra isə taxta parçası ilə kürəyinə, qollarına və ayağına vurub.

Hadisəni törədən Samirin barəsində Cinayət Məcəlləsinin 128-ci (qəsdən sağlamlığa xəsarət yetirmə) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Samir ona elan olunmuş ittiham üzrə özünü təqsirli bilib. O bildirib ki, 2010-cu ildə Bahar ilə rəsmi ailə həyatı qurub, birgə nigahlarından 2011 ci il təvəllüdlü 1 qız övladı olub: “Ailəm ilə içki aludəçisi olduğuma görə mübahisə nəticəsində boşanmışam. Boşandıqdan sonra 2022-ci ilin yanvarında Vüsalə ilə tanış oldum. Birgə yaşadığım müddətdə rəsmi nigaha daxil olmadım. Qeyri-rəsmi münasibətimiz zamanı oğlan övladımiz dünyaya gəldi. Adını Səfər qoydum. Övladım olduqdan sonra Vüsalə mənimlə kobud rəftarlar etməyə başladı. Sonra başqa bir şəxslə əlaqəsinin olmasından şühələndim. Vüsalədən soruşduqda boynuna almadı. Sonra isə həmin şəxsin Cəlil olduğunu öyrəndim. Cəlillə əlaqə saxladış Cəlil həyat yoldaşının xəstə olduğunu və Vüsalə ilə təzə tanış olduğunu bildirdi. İnanmadığım üçün Cəlili yaşadığı Sumqayıt şəhəri, H.Z.Tağıyev qəsəbəsinə gedərək həqiqətən yoldaşının xəstə olduğunu gördüm”.

Təqsirləndirilən şəxs qeyd edib ki, Cəlilə Vüsalədən uzaq durmağını bildirməsinə baxmayaraq onunla münasibətlərinin davam etdirib: “Buna görə də ona mane ola bilməyəcəyimi başa düşdüm. Hadisə günü, saat 22 radələrində müvəqqəti yaşadığım Novxanı bağlar massivində evdə olan zaman Cəlilin əlində araq şüşəsi ilə həyətə girdiyini gördüm. Vüsalədən Cəlilin niyə bura gəldiyini soruşdum. Vüsalə özü zəng edib çağırdığını dedi. Sonra birlikdə oturub evdə yeyib içdik. Həmin vaxt artıq gecəyarısı oldu”.

Samir bildirib ki, gecə təxminən saat 4 radələrində sərxoş olduğu üçün Cəlillə mübahisə edib: “Cəlil mənə cavab vermədiyi üçün qeyri rəsmi yoldaşım Vüsalənin üzərinə gələrək yumruqla onun başına və bədəninə vurdum. Vüsalə həyətə qaçanda arxası ilə getdim. Həyətdə yerdə olan taxtanı götürərək Vüsalənin kürəyinə, qollarına və ayağına vurdum. Sonra isə sakitləşib bir kənarda oturdum”.

İş üzrə zərərçəkmiş Vüsalənin sözlərinə görə, 2022-ci ilin yanvarında Samir ilə tanış olub: “Lakin nigaha daxil olmadıq. Onunla molla kəbini kəsdirdik. Samir ilə birgə yaşadığım müddətdə övladımız oldu. Həmin vaxtdan Sumqayıt şəhərinin bir neçə ünvanlarında kirayə qaldıq. Yaşadığım müddətdə mütamadi olaraq Samir spirtli içki qəbul edərək mənimlə mübahisə və münaqişələr yaradıb. Buna görə də 2022-ci ilin sentyabrında özümdən yaşca böyük Cəlil adlı şəxslə tanış oldum. Onunla münasibət yaratdım. Sonra bu münasibət barədə Samirə məlumat verdimş Ona görə də onları bir-biri ilə tanış etdim. Bizim münasibətimiz belə davam etdi”.

Zərərçəkmiş qeyd edib ki, hadisə günü Cəlilə zəng edib və yaşadığı Novxanı bağlar massivinə dəvət edib: “Cəlilə gələndə marketdən araqa almasını dedim. Cəlil təxminən saat 21 radələrində yaşadığım bag evinə gəldi. Orada yoldaşım Samir ilə oturub yeyib içdilər. Sonra Samir sərxoş vəziyyətdə Cəlili təhqir etdi. Lakin Cəlil ona cavab vermədi. Mübahisə başlayanda artıq gecə saat 4 radələri idi. Samir mənə tərəf gələrək yumruqla başıma və bədənimə vurdu. Samirin əlindən qaçaraq həyətə çıxdım. Bu zaman Samir arxamca gəldi və yerdən götürdüyü taxta parçası ilə kürəyimə, qollarıma və ayağıma vurdu. Həmin zaman Cəlil isə azyaşlı övladımı ağladığına görə qucağına alaraq saxladı. Münaqişə təxminən 10-15 dəqiqə davam etdi. Sonra hadisə barədə Daxili İşlər Nazirliyinin 102 xidmətinə zəng vurdum, məlumat verdim”.

İş üzrə şahid qismində ifadə verən Cəlilin sözlərinə görə, 2022-ci ilin sentyabrında Sumqayıt şəhərində “Karvan” ticarət mərkəzi ərazisində olan zaman bir qadın ona yaxınlaşaraq qida almasını və ac olmasını bildirib: “Mən də həmin qadına tərəvəz aldım və cibinə 25 manat qoydum. Sonradan həmin qadının Vüsalə olduğunu bildim. Vüsalə ilə söhbət edərkən münasibətimiz alındı və ondan əlaqə nömrəsini götürdüm. Bundan sonra münasibətlərimiz davam etdi. Söhbət əsnasında Vüsaləyə evli olduğumu, lakin yoldaşımın xəstə olması səbəbi ilə onunla fikrimin ciddi olduğunu, onunla evlənmək fikrində olacağımı bildirdim. Vüsalənin buna münasibəti yaxsı oldu. Lakin Vüsalə Samir adlı bir şəxsin onunla qeyri rəsmi həyat yoldaşı olduğunu, məni Samir ilə tanış edəcəyinə söz verdi. Sonra Samir ilə məni tanış etdi. Samir də mənim Vüsalə ilə münasibətimə normal baxdı”.

Şahid qeyd edib ki, hadisə günü Vüsalə ona zəng edib və qaldıqları Novxanı bağlarına gəlməsini, bir ədəd də araq almasını deyib: “Təxminən saat 21-22 radələrində Vüsalənin qaldığı bağa gəldim.m Həmin vaxt Samir evdə oldu. Saat 24-ü keçəndən sonra Samir ilə oturub yeyib içdik. Gecə təxminən saat 4 radələrində Samir sərxoş vəziyyətdə mənə təhqir edici sözlər işlətdi. Lakin mən Samirə cavab vermədim. Mənim cavab verməməyimdən əsəbləşən Samir Vüsalənin üzərinə getdi. Yumruqla Vüsalənin başına və bədəninə vurdu. Bu zaman Vüsalə qışqıraraq həyətə çıxdı. Samir isə Vüsalənin arxasınca həyətə çıxdı, həyətdə yerdə olan taxtanı götürərək Vüsalənin qoluna, belinə və ayagına vurdu. Onların mübahisəsi zamanı Vüsalənin azyaşlı övladı ağladığı üçün uşağı qucağıma alaraq saxladım”.

Bu cinayət işinə Sumqayıt şəhər Məhkəməsində baxılıb.

Məhkəmənin hökmü ilə Samir 9 ay müddətə azadlığın məhdudlaşdırılması cəzasına məhkum edilib.

Təqsirləndirilən şəxsin üzərinə axşam saat 23.00-dan növbəti gün saat 07.00-dək yaşadığı ünvan tərk etməmək, Sumqayıt şəhəri və Abşeron rayonunun hüdudlarından kənara çıxmamaq, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, məhkəmə qərarı olmadan yaşayış yerini dəyişdirməmək, cəzanın icrasına nəzarət edən orqanı iş yerinin dəyişdirilməsi və ya işə düzəlməsi barədə əvvəlcədən məlumatlandırmaq vəzifələri qoyulub.

Hökmün icrası təqsirləndirilən şəxsin yaşayış yeri üzrə Sumqayıt şəhər Probasiya Şöbəsinə tapşırılıb. (demokrat.az)

“Tezliklə ölkəmizin başçısı bütün qonşu dövlətlərin hökumətlərini təbrik etməyə və qarşılığında təbriklər almağa başlayacaq. Amma o ana qədər, nə qədər ki, cənab Paşinyan susacaq, mən ona kömək edəcəyəm və əvəzində İlham Əliyevi təbrik edəcəyəm. Onun adından yox, onun yerinə”.

Vətəninfo.az xəbər verir ki, bu fikirlər erməni jurnalist Nataly Aleksanyan Azərbaycan Respublikasının prezidenti İlham Əliyevi ad günü münasibəti ilə yaydığı açıqlamada qeyd edilir.

Nataly vurğulayır: “Hörmətli cənab Əliyev. Sizi ad gününüz münasibeti ile tebrik edirem. Mən əminəm ki, əmin-amanlıq olacaq və onun qurulması yolunda sizə uğurlar arzulayıram”.

Azərbaycan Respublikasının Birinci vitse-prezidenti Mehriban Əliyeva Prezident İlham Əliyevi doğum günü münasibətilə təbrik edib.

Mehriban Əliyeva bu barədə sosial şəbəkə hesabında paylaşım edib:

“24.12.2023. Doğum gününüz mübarək, cənab Prezident! Sizə möhkəm cansağlığı, sevinc və nur, uğur və qələbələrlə dolu uzun ömür arzulayıram! Tanrı Sizə güc və səbir versin! Biz Sizinlə fəxr edir və Sizi çox sevirik! Uca Allah Sizi və Azərbaycan xalqını qorusun!”

Şairə Nazilə Səfərli paylaşımı ilə diqqət çəkib.

Olay yazır ki, o, instaqramda ad çəkmədən kiməsə söz atıb.

"Qadın yar yoldaşının aynasıdır. Mərifətsiz qadın yarını gözdən salar. Qoy, bizdən uzaq olsun", - deyə, Nazilə vurğulayıb.

Generala ərə getdi, 25 il sonra ilk sevgilisindən evlilik təklifi aldı...
Kulis.az məşhur diktor Nərgiz Cəlilova haqqında maraqlı faktları təqdim edir.

Nərgiz Cəlilova 1960-cı il iyun ayının 10-da Bakıda dünyaya gəlib. Ailədə iki bacı, bir qardaş olublar. Orta məktəbdə oxuduğu illərdə musiqi təhsili almağa başlayır. On illik musiqi təhsilini başa vurur. İncəsənətə həddindən artıq meylli olduğundan hamı düşünür ki, o, musiqi sahəsinə yönələcək. Amma gözlənilənin əksinə olaraq Nərgiz 1978-ci ildə Azərbaycan Dövlət Neft Akademiyasına qəbul olunur.

Akademiyanı bitirəndən sonra televiziyada müsabiqə olduğunu eşidir və ora qatılmaq qərarına gəlir. Müsabiqədəki komissiyanın tərkibində məşhur diktor Rafiq Hüseynov da olur. Bir neçə mərhələni uğurla keçən Nərgiz yaxşı nəticə əldə edərək, müsabiqədən tam formada keçərək 1983-cü ildə Azərbaycan televiziyasında çalışmağa başlayır. Sonralar Rafiq Hüseynovla Nərgizin ustam müəllim münasibəti dərin dostluğa çevrilir. Onlar birlikdə bir neçə mahnı da ifa edirlər. O, müsahibələrinin birində bu barədə belə deyir:

"Komissiyanın üzvləri arasında xalq artisti Rafiq Hüseynov da var idi. Mənə elə gəlir ki, Rafiq Hüseynov olmasaydı, mən də olmazdım. İllər ötdükcə o, ailəvi can dostuma çevrildi. Qızı Leyli dünyaya gələndə ilk mənə zəng elədi və dedi ki, Nara, birinci sənə zəng edirəm, xala olmusan. O, mənim can dostum idi, baxmayaraq ki, yaş fərqimiz var idi, ustadım idi".

15 ilə qədər AZ TV-də çalışan diktor 1998-ci ildə doğma televiziyasından ayrılmalı olur. Sonra illərdə isə ABA, Space və Lider kanallarında fəaliyyətini davam etdirir.

Nərgiz Cəlilova ali təhsil aldığı illərdə tələbə yoldaşı ilə məhəbbət yaşayır. Ailə qurmaq qərarına gələn cütlüyün yolları sonradan kədərli şəkildə ayrılır. Cəlilova öz müsahibələrində xatırlayır:

"Qərar verdik ki, dördüncü kursda nişanlanaq, bitirəndən sonra isə evlənək. Onu bir gün tələbə düşərgəsinə göndərdilər. Oradan qayıdanda onda dəyişiklik gördüm, artıq o münasibətləri davam etdirə bilmədik və ayrıldıq. Acılı ayrılıq yaşadım, amma o zaman bu tələb olunurdu.

Televiziyada çalışmağa başladığım illərdə bir gün mənə zəng gəldi. Bu zəng həmin tələbə yoldaşımdan idi. Etiraf edirəm ki, ayrıldığımız illər ərzində səbirsizliklə onun zəngini gözləyirdim. Zəngində bildirdi ki, mənimlə görüşmək istəyir. Görüşdük və mənə evlilik təklifi etdi. Əvvəlcə razılaşdım, adət-ənənələrə uyğun olaraq elçi gəldilər. Bir neçə gün keçdikdən sonra hiss etdim ki, daha əvvəlki duyğuları yaşaya bilmirəm. Bunu ona izah etdim, biz razılaşdıq və ayrıldıq. Daha sonra o, ailə qurdu və Amerikaya köçdü.

25 il sonra həmin insandan mənə yenidən zəng gəldi. Onda mən də, o da öz həyat yoldaşlarımızdan ayrılmışdıq. İkimiz də subay idik. 25 ildən sonra o, yenə də evlilik təklif etdi. Təbii ki, qəbul etmədim. Çünki axar suya ikinci dəfə girmək olmaz. Bu mənim xasiyyətimdir. Bir neçə il keçdikdən sonra o, ikinci dəfə evləndi, mən isə hələ də təkəm. Hərdən fikirləşirəm ki, ilk məhəbbətim məni rahat buraxmadı".

Beləliklə ilk məhəbbəti ilə heç cür qovuşa bilməyən diktor Rusiyanın ədliyyə orqanlarında işləyən ədliyyə general-leytenantı İlqar Əlihüseyn oğlu Qasımov adlı insanla ailə qurur. Bu evlilikdən onların Nərmin adlı qızları dünyaya gəlir. Qızının on yaşı olanda, aparıcı həyat yoldaşından ayrılaraq qızı ilə birgə yaşamaq qərarına gəlir.

Diktorun ən çox sevdiyi idman növü tennisdir. Tennis sevgisi haqqında o, belə deyir:

"Ən çox sevdiyim idman növü tennisdir. Əgər 25 yaşım olsaydı, mütləq tennislə peşəkar məşğul olardım. Təsəvvür edə bilməzsiniz, mən oyunları necə izləyirəm. Hətta baxanda qışqırıram. Yaxşı ki, evdə tək yaşayıram. Heç kim səsimdən qorxmur".

O, 2009-cu ildə Xəzər TV kanalında "Pəncərə", 2015-ci ildə isə AZ TV-də "Sevilənlər" adlı verilişin aparıcısı olub. Müxtəlif TV layihələrdə uğurla iştirak edib. Tələbələr və ardıcıllarını yetişdirib.

Nərgiz Cəlilovanın qızı Nərmin bir neçə il əvvəl uyğur vətəndaşı ilə ailə quraraq Çinə köçür. 62 yaşlı diktorun bir nəvəsi də var.

Məqaləyə dair fotomateriallar:

Cinayətin təfərrüatları bir sıra məqamlara aydınlıq gətirib. Qeyd edək ki, 35 yaşlı Uralsk sakini kollecin 2-ci kurs tələbəsini 3 ay müddətində aldadaraq fahişəliyə cəlb etdiyi üçün saxlanılıb.

Təfərrüatlar isə ictimaiyyəti şoka salıb: Onu kirayə mənzillərdə müştərilərlə tanış edən “mamaroza” internet resurslarında intim xidmətlərin göstərilməsi ilə bağlı elanlar yerləşdirib. Qıza isə başa salıb ki, bir neçə kişi ilə intim görüşdən sonra “işindən” uzaqlaşa bilər.

Ümumiyyətlə, Qazaxıstanda yetkinlik yaşına çatmayanların cinayətə cəlb olunması ilk dəfə deyil.

Bu ilin mart ayında Türküstanda belə hal yaşanıb. On yeddi yaşlı şəhər qızını fahişə kimi müştəriyə satmağa cəhd edən bir qrup saxlanılıb. Məlum olub ki, intim xidmətlər göstərməyən qızlara müxtəlif təzyiqlər edilir.

Daxili İşlər Nazirliyinin rəsmi nümayəndəsi Şuqıla Turlıbek hələ iyun ayında keçirdiyi brifinqdə Qazaxıstanda bir neçə gün ərzində insan alveri ilə bağlı 50-yə yaxın cinayətin müəyyən edildiyini bildirib. O cümlədən azyaşlıların fahişəliyə cəlb edilməsi faktları qeydə alınıb.

Belə ki, Kostanay vilayətində bir ay ərzində aldatma və şantaj yolu ilə kollec tələbəsini fahişəliyə cəlb edən və kirayə mənzillərdə müştəriləri ilə bir araya gətirən 38 yaşlı şəhər sakini saxlanılıb.

Hüquq-mühafizə orqanlarının əməkdaşlarının sözlərinə görə, qurbanların yaşı 10-17 arasında dəyişir. Ümumilikdə Mərkəzi Asiyada vəziyyət olduqca dəhşətlidir. Çünki əksər hallarda panellərdə 11 yaşlı qızlar görünür. Əhəmiyyətli olan odur ki, valideynlər çox vaxt övladlarını cinsi köləliyə göndərir, onları özlərini, hətta qohumlarını da yedizdirməyə, geyindirməyə məcbur edirlər. Sutenyorlara gəlincə, onlar aldatma yolu ilə azyaşlıları fahişəliyə cəlb edirlər. Amma bəzən dolanışıqsız qalan valideynlərin özləri də öz övladlarını satırlar və ya icarəyə verirlər, bundan sonra bəziləri ya xaricdə fahişəlik edir, ya da varlı şəxsləri özlərinə müştəri seçirlər.

Gənc seks işçilərinin çoxu disfunksiyalı və yoxsul ailələrdən gəlir, burada onlar tez-tez böyüklər tərəfindən fiziki və cinsi zorakılığa məruz qalırlar.

Qazaxıstan, Özbəkistan, Qırğızıstan və Tacikistan hüquq-mühafizə orqanlarında belə faktlar getdikcə çoxalır.

Qazaxıstan parlamentinin üzvü Erasıl Abılkasımov bildirib ki, “Qazaxıstanda azyaşlıların istifadə edildiyi gizli fahişəxanalar var. Onlara müvafiq cinsi oriyentasiyalı insanlar baş çəkir. Təkcə Astanada, eşitdiyimə görə, iki-üç belə klub var, Almatıda isə beş-altı belə klub var. Belə klublar başqa şəhərlərdə də açılmağa başlayıb”.

Qazaxıstan polisinin məlumatına görə, ölkədə təxminən hər üçüncü küçə fahişəsi azyaşlıdır. Tacikistanın paytaxtı Düşənbədə azyaşlı qızlara tez-tez bazarlarda rast gəlmək olar ki, onların “xidmətlərindən” ticarətçilər 2-3 dollar müqabilində istifadə edirlər. Məsələ burasındadır ki, intim görüşlər ən yaxın tikinti sahəsində, tərk edilmiş binalarda və ya ictimai tualetlərdə baş verir. Səmərqənd İnsan Haqları Təşəbbüsləri Mərkəzində dələduzluq yolu ilə yeniyetmələri seks sənayesinə cəlb edən cinayətkar şəbəkə mövcuddur. Daşkənddəki tibb elmləri üzrə professor Əlişir Əkbərov seks işçiləri arasında azyaşlı qızların olduğunu təsdiqləyib.

Bir çox qızlar Mərkəzi Asiyadan Qərbi Avropa və Fars körfəzi ölkələrinə aparılır, əksəriyyəti varlı müştərilər üçün cariyə olurlar.

Beynəlxalq Miqrasiya Təşkilatının məlumatına görə, hər il təkcə Qırğızıstandan müxtəlif ölkələrə 4000-dən çox qız insan alverinə məruz qalır və onların təxminən 10 faizi yetkinlik yaşına çatmayanlardır. Tacikistan və Özbəkistandakı məlumatlı mənbələr öz ölkələrində də oxşar problemin olduğunu təsdiqləyiblər.

Bir neçə ildir BƏƏ-də yaşayan tacik iş adamlarından birinin dediyinə görə, tacik qızları daha çox Əmirliyə layiqli, yaxşı maaşlı iş vədləri ilə cəlb olunurlar. Lakin BƏƏ-yə çatan kimi sutenyorların əlinə keçirlər. Yetkinlik yaşına çatmayanlar və bakirələr xüsusilə qiymətləndirilir. Adının açıqlanmasını istəməyən bir sahibkar isə bildirir ki, “Belələri üçün ən yaxşı pul verirlər”.

Özbəkistanda bir ana qızını 5000 dollara satıb. Ərəb şeyxinin sözlərinə görə, qızı heç bir məcburiyyət olmadan alıb. “Qızınızı 5000 dollara varlı şeyxə vermək dilənməkdən daha yaxşıdır”, – deyə ana etiraf edib.

Həqiqətən də, ailədə böyüklər tərəfindən cinsi zorakılıqla yanaşı, Orta Asiyada uşaq fahişəliyinin və uşaq alverinin geniş yayılmasının əsas səbəblərindən biri də yoxsulluqdur.

Mərkəzi Asiya ölkələrinin hər dördündə yetkinlik yaşına çatmayanların fahişəliyə cəlb edilməsi ilə mübarizə üçün hüquqi mexanizmlər mövcuddur.

Lakin hüquq-mühafizə orqanlarının sıralarında baş verən korrupsiya uşaq alverindən qazanc əldə edənlərin məsuliyyətə cəlb olunmasını çətinləşdirir.

Qırğızıstan Gənclərinin Müdafiəsi və Yardımı üzrə Oazis Fondunun sədri Vladimir Tyupin bildirib ki, fahişələrdən tez-tez şantaj məqsədilə istifadə olunur. Polis onları iri iş adamları və ya dövlət məmurları ilə yatağa sürükləyir. Qızlarla birlikdə saunaya gedən varlılar lentə alınır. Polislər daha sonra bu hörmətli cənabları qəsb məqsədilə şantaj edir.

Problem ondadır ki, əksər hallarda uşaqlar belə vəziyyətə düşsələr kimə müraciət edəcəklərini belə bilmirlər. Beləliklə, əsl mənzərə belədir: cinayət işinə hər iki cinsdən olan uşaq və yeniyetmələr cəlb olunur.

Hazırladı: Rəsmiyyə Şərifova,

KONKRET.az

İranda təhsil almış Gültəkin Məcidova adlı azərbaycanlı qız Qum şəhərinin imam cüməsi tərəfindən zorlandığını etiraf edib.

2006 ci ildə İranın Qum şəhərində təhsil almış Gültəkin Məcidova adlı qız etiraf edir ki, İranda təhsil alan Azərbaycanlı qızlarının hamısının bakirəlikləri pozulur. Azərbaycana qayıdanda çoxları evlənə bilmirlər. Qorxurlar ki, toy gecəsi evlərinə geri qaytarılarlar. Ona görədə çoxu Ocaq Nicat (?) kimi və sairə dələduzlarla siğə edərək cinsi ehtiyaclaırnı qarşılayırlar.

Gültəkin Məcidova deyir ki, mədrəsədə təhsil alanda bəzi din alimləri deyirdilər ki, bakirə qız istəsə siğə edə bilər. Onları siğəyə qadın müəllimlərin vasitəsi ilə cəlb ediblər.
“Qum şəhərində qızları (6 qız olublar) Qum Şəhərinin imam cüməsinin evinə apardılar ki, evində Fatima Zehra mövludu olacaq. Bizdə sevinə sevinə getdik. Gecə saat 11 də məni İmam cümənin otağına saldılar və mənimlə siğə etdi. Utandığımdan səsimi çıxara bilmədim. Çünki bizə öyrətmişdirlər ki, İranda hər hansı şəhərin imam cüməsi Ayətullah Xamaneyinin nümayəndəsidir.. Ayətullah Xamaneyidə 12 imam, geybdə olan İmam sahib zaman Ağanın nümayəndəsidir. Əgər imam cüməyə qarşı gəlsən elə bil ki qeybdə olan 12 ci imam, İmam Sahib Zaman ağaya qarşı çıxmış olursan”.
Gültəkin Məcidova deyir ki, səhərə yaxın mədrəsəyə qayıdıb və sonra anlayıb ki, orda olan digər mömin bacıların hamısı ilə başqa başqa otaqlarda din alimləri siğə edib. “Çünki biz çox gözəl qızlar idik. Mən bir neçə ay sonra Azərbaycana qayıtdım. Çünki dəli olmağıma az qalmışdı ki, bizi İrana din öyrənməyə aparırlar sonra isə siğə edirlər. Digər bacıların bəziləri indiyə kimi İranda qalıblar. Bir neçəsi hamilə qalıb və uşağı dünyaya gəlib. Amma uşağın atasi kimdir bilinmir. Çünki o hadisədən sonra həmin bacılar on dəfədən çox siğə ediliblər”.
Gültəkin Məcidova iddia edir ki, bu hadisədən sonra çox valideynlər qızlaırnı İranda təhsil almağa buraxmır və təhsil alanların çoxu valideynlərin israrından sonra Azərbaycana qayıdıblar.
Gültəkin Məcidova bir firmada işləsiyini bildirdi. Amma indiyə kimi evlənə bilməyib. O, bu hadisədən sonra hicabı atıb, namaz da qılmır. “Mollalar insana nifrət etdirirlər. Bilirəm bu islamın günahı deyil. Bu molla şərəfsizlərinin din adı altında oyunlardan çıxmasıdır. Bəlkə gələcəkdə yenidən hicaba keçərəm. Amma indi qəlbim çox sınıb”. \\Qlobal.net